ტეილორ სვიფტმა ახალი სიმღერა გამოუშვა (აუდიო)

ტეილორ სვიფტის ახალი ალბომი ნოემბერში გამოვა, თუმცა მანამდე მომღერალმა თაყვანისმცემლებს დისკიდან რიგით მესამე სიმღერა „Gorgeous“ წარუდგინა.

არსებობს ვარაუდი, რომ დისკში, რომელიც 10 ნოემბერს გამოვა გაყიდვაში, სვიფტი ყველა ცნობილ ადამიანთან წარმოქმნილი კონფლიქტის თემას ეხება, მათ შორის კიმ კარდაშიანი და კეტი პერი არიან. ტეილორის ახალ სიმღერებში ამ სკანდალების შესახებ ქვეტექსტებს ამოიცნობთ.

ჯერარდ ბატლერმა ლოს-ანჯელესში „გეოშტორმი“ წარმოადგინა (ფოტო)

ჯერარდ ბატლერმა ლოს-ანჯელესში ახალი ფილმი „გეოშტორმი“ ოფიციალურად წარადგინა – 47 წლის მსახიობი, რომელიც პროექტში მთავარ როლს ასრულებს, წითელი ხალიჩის მთავარი სტუმარი იყო.

ფილმი მომავლის სამყაროზე მოგვითხრობს, რომელშიც მასობრივი სტიქიური უბედურებების შემდეგ გადარჩენისთვის იბრძვიან.

„გეოშტორმი“ დიდ ეკრანებზე 19 ოქტომბრიდან გამოვიდა.

ჰარვარდის უნივერსიტეტმა ჰარვი ვაინშტაინს მედალი ჩამოართვა

ჰარვარდის უნივერსიტეტის სამეთვალყურეო საბჭომ მიიღო გადაწყვეტილება, რომ მედალი, რომელიც წლების წინ ჰარვი ვაინშტაინს გადასცეს, უკან გამოიწვიონ. ჯილდო პროდიუსერს აფრო-ამერიკული კულტურის განვითარებაში შეტანილი წვლილისთვის 2014 წელს  გადასცეს.

მიზეზად ბოლო დროს ვაინშტაინის გარშემო სკანდალები სახელდება. მას სექსუალურ შვიწროებაში ადანაშაულებენ.

შეგახსენებთ, რომ ამ ამბის გამო ჰარვი უკვე გამორიცხეს ამერიკული და ბრიტანული კინოაკადემიიდან, ასევე ამერიკის პროდიუსერთა გილდიიდან და სხვა მნიშვნელოვანი ორგანიზაციებიდან. საქმეზე კი გამოძიებაა დაწყებული.

თავად პროდიუსერი ამ დროისთვის მკრნალობის კურსს არიზონაში გადის.

ფილმის პრემიერაზე ბლეიკ ლაივლი კალათბურთელის ფორმაში გამოწყობილი მივიდა

ამ დღეებში ნიუ-იორკში მარკ ფორსტერის ფილმის „მხოლოდ შენ გხედავ“ დახურული პრემიერა გაიმართა. ფილმში მთავარ როლს ბლეიკ ლაივლი ასრულებს. პრემიერაზე ის დიზაინერ კრისტიან ლაბუტენთან ერთად მივიდა. ლამაზმანი „შანელის“ ვერცხლისფერ კაბაში იყო გამოწყობილი და როგორც ყოველთვის, შეუდარებლად გამოიყურებოდა.

ფილმის დასრულების შემდეგ კი შენობიდან ის მეულესთან, რაიან რეინოლდსთან ერთად გამოვიდა და სრულიად სხვა ფორმაში იყო გამოწყობილი: ბლეიკს Monse-ს კალათბურთელის ფორმა, ზემოდან კი ქურთუკი ეცვა. სწორედ ამ ფორმაში გამოწყობილმა გადაწყვიტა მსახიობმა წარმატებული პრემიერის აღნიშვნა.

შეგახსენებთ, რომ ფილმში ის ბავშვობაში მოულოდნელად მხედველობადაკარგული გოგონას როლს ასრულებს, რომელსაც წლების შემდეგ მხედველობა დაუბრუნდება.

 

პენივაიზი ფილმიდან „ის“ ყველაზე მოთხოვნადი პერსონაჟა ჰელოუინზე

რამდენიმე დღეში ამერიკა და მსოფლიოს ბევრი ქვეყანა ჰელოუინის დღესასწაულს იზეიმებს. სპეციალურად ამ ფაქტთან დაკავშირებით ჩატარდა გამოკითხვა და გაირკვა, რომელი პერსონაჟების კოსტიუმებზეა წელს ყველაზე მეტი მოთხოვნა. სულ 180 მილიონი მომხმარებელი გამოკითხა და საუკეთესო ათეული გამოვლინდა.

პირველ ადგილზე ჯამბაზ პენივაიზის ვიზუალი განთავსდა ფილმიდან „ის“. დანარჩენი ადგილები კი შმდეგნაირად გადანაწილდა:

  1. პენივაიზი – „ის“
  2. სერიალ „ძალიან უცნაური საქმეების“ პერსონაჟები
  3. ჟირაფი
  4. საოცრება-ქალი
  5. „მზეთუნახავი და ურჩხულის“ პერსონაჟები
  6. „სამეფო კარის თამაშების“ პერსონაჟები
  7. „მალიბუს მაშველების“ პერსონაჟები
  8. ჰიპი
  9. მარტორქა
  10. ქალთევზა

მორგან ფრიმენი ამერიკის ყოფილ გენერალურ მდივანს განასახიერებს

ამერიკელი მსახიობი მორგან ფრიმენი ამერიკის ყოფილი გენერალური მდივნის, კოლინ პაუელის როლს შეასრულებს. დამოუკიდებელი ბიოგრაფიული ფილმი გაეროს 2003 წლის პოლიტიკას მიეძღვნება.

ფილმის რეჟისორი რეჯინალდ ჰადლინი იქნება. რაც შეეხება ფრიმენს, მას ადრე უკვე აქვს მონაწილეობა მიღებული ფილმში ნელსონ მანდელას შესახებ სახელწოდებით „დაუმორჩილებლები“.

“მისტერ სამყარო” არნოლდ შვარცენეგერს განასახიერებს

აშშ-ში ფილმის „უფრო დიდი“ გადაღებები დაიწყო, რომელიც ბოდიბილდინგის საერთაშორისო ფედერაციისა და კონკურს „მისტერ ოლიმპიას“ დამფუძნებლების, ჯო და ბენ ვეიდერების შესახებ იქნება.

ფილმში არნოლდ შვარცენეგერის ისტორიაც იქნება ნაჩვენები, დღეს კი ცნობილი გახდა, რომ მის როლს „მისტერ სამყარო“ 2014 კალუმ ფონ მოგერი შეასრულებს.  ცნობილია ისიც, რომ კომპანიონობას მას ტაილერ ჰეკლინი და ანაირინ ბარნარდი გაუწევენ.

ფილმს ჯო გალო გადაიღებს, თუმცა მისი პრემიერის თარიღი ამ დროისთვის უცნობია.

ევროპის უმდიდრესი მუსიკოსები გამოვლინდნენ

„ფორბსმა“ ტრადიციული რეიტინგი გამოქვეყნა და ევროპის უმდიდრესი ვარსკვლავები გამოავლინა. სიაში შოუ-ბიზნესის ცნობილი წარმომადგენლები მოხვდნენ, კერძოდ კი ბრიტანული ჯგუფი Coldplay გასულ წელთან შედარებით 88 მილიონი დოლარით გამდიდრდა და პრესტიჟული რეიტინგის მესამე ადგილზე განთავსდა. მეოთხე ადგილი ადელმა დაიკავა 69 მილიონი დოლარით. სიაში ასევე ელტონ ჯონი (60 მლნ.), პოლ მაკარტნი (54 მლნ.) და კელვინ ჰარისი (48,5 მლნ.) მოხვდნენ.

რაც შეეხება პრესტიჟულ პირველ ადგილს, ის „ჰარი პოტერის“ ავტორმა, ჯოან როულინგმა დაიკავა (300 მლნ.). მეორე ადგილზე ფეხბურთელი კრიშტიანო რონალდო განთავსდა (95 მლნ.).

ტოპ-10-ეულში არიან ასევე შეფ-მზარეული გორდონ რამზი, მრბოლელი ლუის ჰემილტონი და სხვები.

ბიონსეს „მზეთუნახავი და ურჩხულში“ მონაწილეობა უნდა მიეღო

მიმდინარე წლს ეკრანებზე დისნეის ზღაპრის, „მზეთუნახავი და ურჩხულის“ რიმეიქი გამოვიდა, სადაც მთავარი როლები ემა უოტსონმა და დენ სტივენსმა შეასრულეს. რეჟისორმა ბილ კონდონმა განაცხადა, რომ მსახიობთა შემადგენლობა შესაძლოა სრულიად სხვაგვარი ყოფილიყო.

მისი თქმით, პრანჭია ფრანგი მოსამსახურის, პლუმეტის როლის შესრულება მას ბიონსესთვის უნდა შეეთავაზებინა, თუმცა ჩათვალა, რომ მსოფლიო ვარსკვლავისთვის ეს როლი ზედმეტად მცირეა და შეთავაზებისგან თავი შეიკავა.

შეგახსენებთ, რომ კონდონი ბიონსეს შემოქმედების დიდი თაყვანისმცემელია. მათი ერთობლივი ნამუშევარია მუსიკალური ფილმი „ოცნების გოგონები“, სადაც ბიონსემ ერთ-ერთი მთავარი როლი შეასრულა.

დენიელ კრეიგმა „ბონდიანაში“ მონიკა ბელუჩის დაბრუნება მოითხოვა

დენიელ კრეიგს ჯერ არ მოუწერია ხელი „ბონდიანას“ ახალ ნაწილში მონაწილეობის კონტრაქტს, თუმცა საკუთარ სურვილებს პროდიუსერებს ის უკვე ატყობინებს: მსახიობი ფილმში მონიკა ბელუჩის დაბრუნებას ითხოვს.

ლუსია სკიარა, რომელიც ბელუჩიმ განასახიერა, ბონდის ყველაზე ასაკოვანი „გოგო“ იყო ფილმის არსებობის ისტორიაში: იმ მომენტისთვის მონიკა 51 წლის იყო. როგორც ჩანს, იტალიელ ლამაზმანთან კოცნამ კრეიგზე წარუშლელი შთაბეჭდილება მოახდინა და მას გაგრძელება სურს.

თავის დროზე თავად ბელუჩიც სიამოვნებით იხსენებდა გადაღებების პროცესს და აცხადებდა, რომ ის არა ბონდის გოგო, არამედ ქალბატონია.

რაც შეეხება მის ფილმში დაბრუნებას, ეს ამ ეტაპზე მხოლოდ კრეიგის გეგმებში შედის. სამაგიეროდ ოფიციალურად დადასტურებულია, რომ ფილმი სავსე იქნება თანამედროვე გაჯეტებით, რაც ილონ მასკის დამსახურებაა. „ბონდმა დროს ფეხი უნდა აუწყოს. ილონ მასკის კოსმოსური რაკეტები და ლაინერები, ასევე ავტომობილები, რომლებსაც წყალქვეშა ხომალდად ტრანსფორმირება შეუძლიათ, ჩვენი შთაგონების წყარო გახდა. ბონდს უნდა ჰყავდეს მანქანა, რომელიც დედამიწას რამდენიმე საათში შემოუვლის“, – განაცხადეს ფილმის შემქმნელებმა.

პროექტის პრემიერა 2019 წლის ნოემბრისთვის არის დანიშნული.

შერი Mamma MIA!-ში მონაწილეობას მიიღებს

მომღერალი შერი მიუზიკლ „მამა მია!“-ს გაგრძელებაში მონაწილეობას მიიღებს. აღნიშნული როლი პირველი იქნება ვარსკვლავისთვის 2010 წლის შემდეგ „ბურლესკში“ შესრულებული როლის შემდეგ. ახალი პერსონაჟის შესახებ დეტალები მკაცრად გასაიდუმლოებულია.

შეგახსენებთ, რომ შერს გადასაღებ მოედანზე პარტნიორობას ამანდა სეიფრიდი, პირს ბროსნანი, კოლინ ფარელი და მერილ სტრიპი გაუწევენ. ამ უკანასკნელთან მან 1983 წელს „სილქვდუში“ მიიღო მონაწილეობა და ორივე მათგანი „ოსკარზე“ იყო წარდგენილი.

ცნობილია ისიც, რომ ფილმი დიდ ეკრანებზე 2018 წლის 20 ივლისს გამოვა.

შაკირამ და ჟერარ პიკემ ახალი ერთობლივი ფოტო გააზიარეს

ბოლო დროს, შაკირასა და ჟერარ პიკეს დაშორებაზე ბევრჯერ დაიწერა. მიუხედავად იმისა, რომ ეს ფაქტი ჯერ მომღერლის წარმომადგენელმა უარყო, ხოლო შემდეგ თავად პიკემ დაადასტურა, რომ კვლავ ერთად არიან, როგორც ჩანს, ვარსკვლავებს მაინც უწევთ მტკიცება, რომ არ დაშორებულან.

ცოტა ხნის წინ, შაკირამაც და პიკემაც გააზიარეს ფოტო, სადაც ორივე მათგანი ჰელოუინის ნიღბებშია გადაღებული. თაყვანისმცემლებმა მარტივად ამოიცნეს მინიშნება, რომ გადატვირთული გრაფიკის მიუხედავად, ამ დღესასწაულს ისინი ერთად გაატარებენ.

შეგახსენებთ, რომ წყვილი უკვე 7 წელია ერთად ცხოვრობს. მათ ორი საერთო ვაჟი – მილანი და საშა ჰყავთ.

Mask shopping! @shakira

A post shared by Gerard Piqué (@3gerardpique) on

სიამ საშობაო ალბომი დააანონსა

სიამ საშობაო ალბომის „Everyday Is Christmas“ გამოსვლა დააანონსა. ალბომში თავად ვარსკვლავის მიერ დაწერილი სიმღერები შევა.

დისკის მთავარი სინგლი „Santa’s Coming For Us“ იქნება. ამას გარდა კი მასში „Candy Cane Lane“, „Ho Ho Ho“ და „Puppies Are Forever“, ასევე ბალადები „Underneath The Christmas Lights“, „Snowman“ და „Snowflake“ შევა.

23 წლის შემდეგ ტომ ჰენკსმა ფორესტ გამპი „გააცოცხლა“ (ვიდეო)

მსახიობი ტომ ჰენკსი The Graham Norton Show-ს ესტუმრა და გადაცემა კიდევ ერთხელ დასამახსოვრებელი გახადა: ჰოლივუდის ვარსკვლავმა 23 წლის შემდეგ ეკრანზე თავისი უკვდავი პერსონაჟი – ფორესტ გამპი დააბრუნა.

შეგახსენებთ, რომ ფილმი ეკრანებზე 1996 წელს გამოვიდა. პროექტი რობერტ ზემეკისს ეკუთვნის და თავის დროზე მან მთელი რიგი „ოსკარები“ დაიმსახურა, მათ შორის მთავარ ნომინაციებში – „წლის ფილმი“, „საუკეთესო რეჟისორისა“ და „მამაკაცის საუკეთესო როლის“ შესრულებისთვის.

სკანდალი: Pussycat Dolls-ის ყოფილმა წევრმა ჯგუფს “პროსტიტუციის რგოლი” უწოდა

Pussycat Dolls-ის ყოფილმა მონაწილემ, კაია ჯონსმა ბოლო კვირებში აგორებულ სექს-სკანდალებს არანაკლებ სკანდალური ინფორმაცია მიამატა: ვარსკვლავის თქმით, ის და მისი კოლეგები „პროსტიტუციის რგოლის“ ნაწილი იყვნენ, რომლებიც პროდიუსერების ყველანაირ სექსუალურ ფანტაზიას ასრულებდნენ. ამის შესახებ მან „ტვიტერზე“ ისაუბრა:

„ჩემი სიმართლე ის არის, რომ მე არა გოგონების ჯგუფის წევრი, არამედ მეძავი ვიყავი. ჩვენ ვმღეროდით და ვიყავით ცნობილები, ხოლო ჩვენი პროდიუსერები გაცილებით დიდ ფულს იღებდნენ.  იძულებული გავხდი, უარი მეთქვა ჩემს ოცნებაზე და რეალობისთვის შემეხედა. იმისათვის, რომ ჯგუფში დარჩენილიყავი, უნდა შეგესრულებინა ბრძანებები, მათ შორის ისიც, რომ დაწოლილიყავი ყველასთან, ვისაც გიბრძანებდნენ, წინააღმდეგ შემთხვევაში დაკარგავდი ყველაფერს. 13 მილიონიანი კონტრაქტი გვქონდა დადებული და არავის ეჭვი არ ეპარებოდა, რომ ძალიან პოპულარულები გავხედებოდით“, – დაწერა კაიამ.

შეგახსენებთ, რომ კაია ჯონსმა ჯგუფის შექმნიდან 2 წლის შემდეგ პირველმა დატოვა კოლექტივი. Pussycat Dolls 2010 წელს დაიშალა.

ბიორკმა ლარს ფონ ტრიერი სექსუალურ შევიწროებაში დაადანაშაულა

ჰარვი ვაინშტაინის სექს-სკანდალის ფონზე, მომღერალმა ბიორკმა ამავე ბრალდებაში ჰოლივუდის კიდევ ერთი ცნობილი სახე – რეჟისორი ლარს ფონ ტრიერი დაადანაშაულა. თავის ფეისბუქ-გვერდზე მომღერალმა შემდეგი შინაარსის პოსტი განათავსა:

„უამრავი ქალის აღიარება ჩემთვის შთაგონება გახდა და გადავწყვიტე, ჩემი უსიამოვნო გამოციდილების შესახებაც მოვყვე, რომელიც ერთ-ერთ დანიელ რეჟისორთან გადამხდა“ – მომღერალს არ დაუკონკრეტებია სახელი, თუმცა მისი სიტყვებიდან ლარს ფონ ტრიერს ბევრი ამოიცნობს. სწორედ მასთან შეასრულა მთავარი როლი ბიორკმა ფილმში „წყვდიადში მოცეკვავე“.

„მაფრთხილებდნენ, რომ რეჟისორები მსახიობებს სექსუალურად ხშირად ავიწროვებენ და კინოინდუსტრია მათ ქმედებას ამართლებს.  როდესაც ამ რეჟისორს უარი რამდენჯერმე ვუთხარი, მან წყენა გულში ჩაიდო და ჩემი დასჯა გადაწყვიტა. გადასაღებ მოედანზე ის ქმნიდა ილუზიას, თითქოს ჩემთან მუშაობა გაუსაძლისი იყო“.

ვარსკვლავმა საზოგადოებას კინოინდუსიტრიის ცვლილებისკენ მოუწოდა: „იმედი მაქვს, რომ ჩემი განცხადება ბევრ მსახიობს გადაარჩენს, სქესის მიუხედავად. მოდით, შვაჩეროთ და შევცვალოთ სამყარო უკეთესობისკენ“.

სოფი ტერნერი და ჯო ჯონასი ქორწინდებიან

„სამეფო კარის თამაშების“ ვარსკვლავმა, სოფი ტერნერმა საყვარელი მამაკაცისგან, ჯო ჯონასისგან ხელისა და გულის შეთავაზება მიიღო. ამის შესახებ ცნობილი თავად წყვილისგან გახდა, რომლებმაც სოციალურ ქსელში შესაბამისი ფოტო განათავსეს.

„მე ვუთხარი „დიახ“, – დაწერა ტერნერმა. ანალოგიური პოსტი დაწერა ჯონასმაც: „მან თქვა „დიახ“.

წყვილის რომანი 2016 წლის ნოემბრიდან დაიწყო. მანამდე მუსიკოსი დემი ლოვატოსა და ჯიჯი ჰადიდს ხვდებოდა.

შეგახსენებთ, რომ რამდენიმე კვირის წინ დაქორწინების შესახებ „სამეფო კარის თამაშების“ სხვა ვარსკვლავებმაც განაცხადეს: კიტ ჰარინგტონმა როუზ ლესლის ხელი სთხოვა.

პინკის ახალი კლიპი იდუმალი და რომანტიკული გამოვიდა (ვიდეო)

13 ოქტომბერს პინკმა ახალი ალბომი „Beautiful Trauma“ გამოუშვა, რომელზეც ის ბოლო 5 წლის მანძილზე მუშაობდა. კრიტიკოსებმა ახალი მასალა დადებითად შეაფასეს. პინკმა კი გადაწყვიტა, რომ თავისი ნამუშევრები ეტაპობრივად გააზიაროს.

ამ დღეებში მომღერალმა ალბომისვე სახელწოდების საცეკვაო სიმღერა გამოუშვა. ვიდეო ფილმ-მოუზიკლს მოგაგონებთ და ის იდუმალი, რომანტიკული და საკმაოდ შთამბეჭდავი გამოვიდა.

პენელოპა კრუსი მამაკაცების ჟურნალისთვის მთლიანად გაშიშვლდა (ფოტო)

43 წლის პენელოპა კრუსი იმ ცნობილი ქალბატონების რიცხვს განეკუთვნება, რომელიც ასაკის მიუხედავად არაჩვეულებრივ ფორმაშია. ამიტომ ჰოლივუდის ლამაზმანმა ჟურნალ Esquire-ის ფოტოსესიისთვის გაიხადა.

გამოცემის გარეკანზე ოსკაროსანი მსახიობი მთლიანად გაშიშვლდა. ფოტოების ნაწილზე კი ის უჩვეულოდ ლამაზ თეთრეულში პოზირებს.

შეგახსენებთ, რომ პენელოპამ 2010 წელს მსახიობ ხავიერ ბარდემზე იქორწინა. წყვილს 6 წლის ვაჟიშვილი და 4 წლის ქალიშვილი ჰყავს.

ალისია ვიკანდერი და მაიკლ ფასბენდერი იბიცაზე ისვენებენ (ფოტო)

დასავლური მედიის ცნობით, ალისია ვიკანდერმა და მაიკლ ფასბენდერმა გასულ უქმეებზე იბიცაზე საიდუმლოდ იქორწინეს. პაპარაცებმა ისინი მზიან სანაპიროზე გადაიღეს, სადაც ახლობლებისა და მეგობრების გარემოცვაში ისვენებდნენ.

ფოტოებზე შესაძლებელია ქორწინების ბეჭდების შემჩნევაც, თუმცა, მსახიობების მხრიდან ამ ფაქტზე კომენტარი ჯერ არ გაკეთებულა.

კეიტ უინსლეტმა და ჯასტინ ტიმბერლეიკმა ახალი ერთობლივი ფილმი წარადგინეს

კეიტ უინსლეტმა და ჯასტინ ტიმბერლეიკმა ნიუ-იორკში ახალი ერთობლივი ფილმი „ჯადოსნური ბორბალი“ წარადგინეს, რომლის რეჟისორიც ვუდი ალენია. უინსლეტი მასში ატრაქციონის ოპერატორის მეუღლის როლს ასრულებს, ჯასტინი კი სიმპატიური მაშველის როლში მოგვევლინება. მოქმედება 50-იან წლებში ვითარდება.

ფილმი დიდ ეკრანებზე დეკემბრის დასაწყისში გამოვა.

Despacito დედამიწის მოსახლეობის ნახევარმა ნახა (ვიდეო)

წლების წინ, PSY-ს კლიპი „Gangnam Style“ მსოფლიო სენსაცია გახდა, მაგრამ მაშინ ვერავინ იფიქრებდა, რომ სულ მალე გამოვიდოდა სიმღერა, რომელიც კორეელი რეპერის ჰიტს მკვეთრად უკან მოიტოვებდა: ამ დღეებში ცნობილი გახდა, რომ ლუის ფონსის „Despacito“-ს დედამიწის მოსახლეობის ნახევარმა უყურა.

ახალი რეკორდის – კლიპის 4 მილიარდი ნახვის შესახებ, თავის „ტვიტერზე“ თავად ლუის ფონსიმ განაცხადა. რამდენიმე თვის წინ ის YouTube-ის ისტორიაში ყველაზე ნახვად კლიპადაც დასახელდა.

ბელა ჰადიდს და დრეიკს რომანი აქვთ

მას შემდეგ, რაც ბელა ჰადიდის დაბადების დღეზე რეპერი დრეიკი გამოჩნდა, გაჩნდა ხმები, რომ ვარსკვლავებს რომანი აქვთ.

21-ე იუბილე მოდელმა ნიუ-იორკში, მეგობრების გარემოცვაში აღნიშნა, რომელთა შორის, დრეიკის გარდა, რეპერი ტრევის სკოტი, დიჯეი მარტინ გარიქსი და რა თქმა უნდა მისი და, ჯიჯი ჰადიდი იყო.  წვეულება ბელამ დრეიკთან ერთად დატოვა.

შეგახსენებთ, რომ მოდელის ყოფილი ბოიფრენდი მუსიკოსი The Weeknd იყო, ხოლო დრეიკი რიანას ხვდებოდა.

ტეილორ სვიფტმა თავისი თაყვანისმცემლებისთვის სოციალური ქსელი შექმნა

ტეილორ სვიფტმა სპეციალურად თავისი თაყვანისმცემლებისთვის სოციალური ქსელი შექმნა. სიახლე მობილურ აპლიკაციას წარმოადგენს, რომელიც ქსელის ფუნქციასაც შეითავსებს და მისით სარგებლობა ვარსკვლავის მსმენელებს შეეძლებათ.

სვიფტს ამ იდეის განხორციელებაში კომპანია  Glu Mobile დაეხმარა, რომელსაც კიმ კარდაშიანისა და მისი დების მობილურის თამაშები ეკუთვნის.

ტეილორის სიახლეს Swift Life ერქმევა და მისი საშუალებით თაყვანისმცემლები საყვარელი მომღერლის შესახებ ექსკლუზიურ მასალებს გაეცნობიან. ამასთან, მათ თავად მომღერალთან კონტაქტიც შეეძლებათ, რომელიც მსმენელთან კონტაქტზე პერიოდულად გავა.

აპლიკაცია, ბუნებრივია, ფასიანი იქნება და მისი გადმოტვირთვა შესაძლებელი წლის ბოლოსთვის იქნება.

ჯასტინ ბიბერს მსახიობობა სურს

23 წლის კანადელ მომღერალს, ჯასტინ ბიბერს მსახიობობა სურს. ამის შესახებ ვარსკვლავმა თავად განაცხადა. როგორც გამოცემა Us Weekly წერს, ბოლო დროს ამ თემასთან დაკავშირებით, ბიბერი ხშირად გადის კონსულტაციებს ადამ სენდლერთან და დევიდ სპეიდთან და კინოინდუსტრიის შიდა სამზარეულოს დეტალებით ინტერესდება.

აღსანიშნავია, რომ ბიბერს ეპიზოდური როლის აქვს შესრულებული ფილმში „ზულენდერი 2“ ბენ სტილერთან ერთად, ის ასევე გამოჩნდა სერიალში „CSI: დანაშაულის ადგილი“, სადაც ასევე მცირე როლი შეასრულა.

შეუდარებელი ანჯელინა ჯოლი ახალი ფილმის პრემიერაზე (ფოტო)

გუშინ, ჰოლივუდში ფრანგული ფილმის Faces Plaсes პრემიერა გაიმართა. მოწვეულ სტუმრებს შორის ანჯელინა ჯოლისა და ჯენიფერ ლოურენსის ნახვაც იყო შესაძლებელი.

„მალეფისენტის“ ვარსკვლავი ღონისძიებაზე შავ გრძელ კაბაში გამოცხადდა, რომელზეც კრემისფერი მანტია ჰქონდა მოსხმული.

ლოურენსმა კი უპირატესობა უფრო თამამ კაბას მიანიჭა, ღრმა დეკოლტეთი.

თაყვანისმცემლებმა ორივე მათგანის ჩაცმულობა მოიწონეს და განაცხადეს, რომ მათი უზადო გემოვნება ნებისმიერ სტილს უხდება.

ემი უაინჰაუსის შესახებ მიუზიკლს გადაიღებენ

მომღერალ ემი უაინჰაუსის მამამ, მიტჩ უაინჰაუსმა განაცხადა, რომ მის შვილზე მიუზიკლის დაწერა იგეგმება. „ამჟამად ვესტ-ენდის თეატრთან მოლაპარაკებები მიმდინარეობს. ჩვენ უნდა მოვყვეთ ემის ცხოვრება, თუმცა აქცენტი ნარკოტიკებსა და ალკოჰოლზე არ უნდა გავაკეთოთ. ამის შესახებ ყველამ იცის, თუმცა გარდაცვალებამდე სამი წლის განმავლობაში ემი არცერთ მათგანს არ მოიხმარდა“, – განაცხადა მისტერ უაინჰაუსმა.

შეგახსენებთ, რომ ვარსკვლავი 2011 წელს, 27 წლის ასაკში ალკოჰოლის ინტოქსიკაციით გარდაიცვალა.

დაკოტა ჯონსონს და ჯონ ჰემს რომანი აქვთ

დაკოტა ჯონსონი და ჯონ ჰემი ნიუ-იორკის ერთ-ერთ კაფეში ერთად დააფიქსირეს. თვითმხილველების თქმით, ისინი ერთმანეთის საზოგადოებით ტკბებოდნენ. რამდენიმე თვის წინ წყვილი ელტონ ჯონის კონცერტზეც შენიშნეს, თუმცა ისინი ყოველგვარი კომენტარის გაკეთებისგან თავს იკავებენ.

შეგახსენებთ, რომ 2016 წელს დაკოტა მუსიკოს მეთიუ ჰიტს ხვდებოდა. რაც შეეხება ჰემს, მას 18 წლის განმავლობაში რომანი ჯენიფერ უესტფელდთან ჰქონდა.

ემინემმა დონალდ ტრამპი თავის ახალ სიმღერაში სახალხოდ დაამცირა

ემინემმა თაყვანისმცემლებს ულტიმატუმი წაუყენა: მხარი დაუჭირონ მას ან დონალდ ტრამპს. რეპერი თავის ახალ ნამუშევარში სახლახოდ აკრიტიკებს ამერიკის პრეზიდენტს და მას უწოდებს „კამიკაძეს, რომელიც ბირთვულ აფეთქებას გამოიწვევს“. ასევე მან მძაფრად გააკრიტიკა ტრამპი იმის გამოც, რომ ჩრდილოეთ კორეასთან ბრძოლა მოინდომა.

„რასიზმი – ერთადერთი რამ არის, რითიც ის არის ცნობილი“, – მღერის რეპერი.

ვიდეოს ბოლოს კი, ემინემი შუა თითს უჩვენებს ყველას, ვინც ტრამპის პოლიტიკას უჭერს მხარს. შეგახსენებთ, რომ ამერიკის პრეზიდენტმა ადრე განაცხადა, რომ თავის თავს რეპერის შემოქმედების თაყვანისმცემლად მიიჩნევს.

იზაბელ გულარის იდეალური სხეული პორტუგალიის სანაპიროზე (ფოტო)

მოდის კვირეულები დასრულდა და მისი მონაწილეები დამსახურებულ შვებულებაში გაემგზავრნენ. ბრაზილიელი ლამაზმანი, იზაბელ გულარი პორტუგალიის მზიან სანაპიროს ესტუმრა. პაპარაცებმა მოდელის ულამაზესი ფოტოები ქსელში გაავრცელეს.

Victoria’s Secret-ის 32 წლის მოდელი შეუდარებელ ფორმაშია:  მას რელიეფური პრესი აქვს, რომლის ფორმასაც რეგულარული ვარჯიშებით მიაღწია.

თაყვანისმცემლები ერთხმად აღიარებენ, რომ ასეთი სხეულის დამალვა ტანსაცმელში დიდი დანაშაულია.

ირინა შეიკმა Intimissimi-ს ახალ კოლექცია წარმოადგინა (ფოტო)

ირინა შეიკმა მონაწილეობა მიიღო ბრენდ Intimissimi Every Wear Book-ის ახალ სარეკლამო კამპანიაში. სუპერმოდელის თქმით, ახალი კოლექცია ქალის შინაგან სილამაზეს უსვამს ხაზს.

პირველმა კადრებმა თაყვანისმცემლებში უამრავი პოზიტიური შეფასებები გამოიწვია: გამომწერებმა აქცენტი ირინას ბუნებრივ სილამაზეზე გააკეთეს. ფოტოგრაფ როუენ პეპიერის თქმით, შეიკის ფოტოებზე თითქმის არ არის ფოტოშოპი. თავად მოდელის თქმით კი, ამ კადრებზე საზოგადოება ნამდვილ ირინას დაინახავს.

ჯონი დეპი მერილინ მენსონის კლიპში გამოჩნდა (ვიდეო)

მერილინ მენსონმა სიმღერაზე „Say10“ კლიპი წარმოადგინა, რომლის მთავარი პერსონაჟი ჯონი დეპია. ტრადიციულად, მენსონის ვიდეოში ნამდვილი სიგიჟე ხდება: დეპი უამრავი ლამაზმანის გარემოცვაში ხვდება. კლიპი სავსეა ვნებითა და განცდებით. მენსონმა არც ბევრი სისხლი და ეპატაჟი დაივიწყა.

სიმღერა როკერის ახალ ალბომში „Upside Down“ შედის, რომელიც 6 ოქტომბერს გამოვიდა. სიმღერა კი, კრიტიკოსების თქმით, ყველაზე არაერთგვაროვანია.

 

ვარსკვლავები ჰარვი ვაინშტაინის სკანდალს ეხმაურებიან

ჰოლივუდის ვარსკვლავები აქტიურად რეაგირებენ პროდიუსერ ჰარვი ვაინშტაინის გარშემო ატეხილი სკანდალის გარშემო, რომელიც ამ დღეებში სექსუალურ ძალადობაში ამხილეს. სიტუაციის შესახებ კომენტარი კეიტ უინსლეტმა გააკეთა.

მისი თქმით, შოკირებულია ამ ფაქტით, ხოლო ქალები, ვინც გაბედეს და ხმა ამოიღეს, ნამდვილად გულადები არიან. ვარსკვლავი აღიარებს, რომ მსგავსი ბრალდებების შესახებ სმენია, თუმცა ყოველთვის იმედოვნებდა, რომ ეს ყველაფერი სიცრუე იყო. შეგახსენებთ, რომ ფილმისთვის „მკითხველი“ უინსლეტმა „ოსკარი“ აიღო, ხოლო მისი პროდიუსირებით სწორედ The Weinstein Company იყო დაკავებული.

აღნიშნულ სიტუაციაზე კომენტარი ჯორჯ კლუნიმაც გააკეთა. ვარსკვლავმა განაცხადა, რომ მსგავსი ბრალდებების შესახებ 90-იან წლებშიც სმენია, მაგრამ რადგან ისინი ვერასოდეს დადასტურდა, თვლიდა, რომ მათ ის ქალები ავრცელებდნენ, რომლებიც საკუთარ წარუმატებლობას ვაინშტაინს აბრალებდნენ. მისი თქმით, ჰარვის ის 20 წელზე მეტია იცნობს და მსგავს რამეს ვერასოდეს წარმოიდგენდა.

ირინა შეიკი: არ იფიქროთ მამაკაცზე – იფიქრეთ საკუთარ თავზე!

ირინა შეიკი მისაბაძი ქალია: სექს-სიმბოლო, წარმატებული მოდელი, მზრუნველი დედა და ბრედლი კუპერის საყვარელი ქალი. როგორც ჩანს, სილამაზისთვის შეიკი განსაკუთრებულს არაფერს აკეთებს.

„არასოდეს დიეტაზე არ ვყოფილვარ. არასოდეს. მშობიარობის შემდეგაც კი. მადლობა ჩემს მშობლებს არაჩვეულებრივი გენებისთვის. არ ვამეტებ, უბრალოდ მართლა არაფერს ვაკეთებ იმისთვის, რომ ფორმაში ვიყო“, – განაცხადა შეიკმა.

სუპერმოდელი დარწმუნებულია, რომ ქალი გამუდმებით არა მამაკაცზე, არამედ საკუთარ თავზე უნდა ფიქრობდეს.

„თუ სულ იმაზე იფიქრებთ, როგორ მოაწონოთ კაცს თავი, არაფერი გამოვა. მე ვფიქრობ, რომ საკუთარი თავი პირველ რიგში თქვენ უნდა მოგწონდეთ. არ იფიქროთ მამაკაცზე – იფიქრეთ საკუთარ თავზე! ქალის სექსუალობა საერთოდ არ არის დამოკიდებული იმაზე, ქუსლიანი ფეხსაცმელი გაცვიათ თუ გამომწვევი ქვედა ბოლო. სექსუალობა – შინაგანი ჰარმონიაა“, – განაცხადა ირინამ.

როგორც აღმოჩნდა, შეიკის კოსმეტიკის ჩანთაში არც ისე ბევრი ძვირადღირებული საშუალებაა. სილამაზის შესანარჩუნებლად ის ხალხურ მეთოდებს ანიჭებს უპირატესობას, მაგალითად ყინულს.

„გადაღებებზე გამგაზვრების წინ ვრეკავ სასტუმროს რუმ-სერვისში და ვითხოვ, რომ რაც შეიძლება მეტი ყინული დამახვედრონ – სულ ეს არის“, – აცხადებს მოდელი.

ათი სიმღერა, რომლებიც ღიმილს მოგგვრით

მუსიკალურმა გამოცემამ NME უჩვეულო რეიტინგი შეადგინა და 10 საუკეთესო სიმღერა გამოავლინა, რომლებიც განწყობას აგიმაღლებენ და ღიმილს მოგგვრით. მუსიკალური ექსპერტების აზრით, პირველ ადგილზე ჯგუფ The All Night Workers-ის სიმღერა „Why Don’t You Smile Now?“

ათეულში პოლ მაკარტნის, ჯონ მეტისის, ლილი ალენის, ნატ კინგ კოულისა და სხვა ვარსკვლავების ჰიტები მოხვდა. საუკეთესო ათეული ასე გამოიყურება:

  1. The All Night Workers – „Why Don’t You Smile Now?“
  2. My Bloody Valentine – „Sunny Sunday Smile
  3. Johnny Mathis – „A Certain Smile
  4. Steve Harley & Cockney Rebel – „Make Me Smile (Come Up And See Me)
  5. Marvin Gaye – „The Shadow Of Your Smile
  6. Shanice – „I Love Your Smile
  7. Paul McCartney – „Smile Away
  8. Lily Allen – „Smile
  9. Nat King Cole – „Smile
  10. Kasabian – „Switchblade Smiles

ჯილიან ანდერსონი „საიდუმლო მასალებიდან“ მიდის

მე-11 სეზონის გამოსვლის შემდეგ, ჯილიან ანდერსონი „საიდუმლო მასალებს“ ტოვებს.  ამის შესახებ მსახიობმა თავად განაცხადა. ანდერსონის თქმით, ის მიიჩნევს, რომ სერიალი აღარ არის მისთვის.

„ვფიქრობ, ახალ სეზონში ყველაფერი გავაკეთეთ, რასაც თაყვანისმცემლები ჩვენგან მოელოდნენ. მიზეზი მხოლოდ ეს არის“, – განაცხადა მსახიობმა საკუთარ გადაწყვეტილებაზე.

შეგახსენებთ, რომ „საიდუმლო მასალები“ ეკრანებზე 1993 წელს გამოვიდა. პირველივე სერიიდან მოყოლებული, მასში მთავარ როლებს დევიდ დუხოვნი და ჯილიან ანდერსონი ასრულებენ.

სერიალის პირველი ოფიციალური ტრეილერი ამ დღეებში გამოქვეყნდა.

„საიდუმლო მასალები“: მე-11 სეზონის პირველი ტრეილერი გამოქვეყნდა (ვიდეო)

YouTube-ზე ჯილიან ანდერსონისა და დევიდ დუხოვნის მონაწილეობით ლეგენდარული სერიალის, „საიდუმლო მასალების“ მე-11 სეზონის პირველი ტრეილერი გამოვქყენდა. უკვე ცნობილია, რომ ახალი სეზონი 10 სერიისგან იქნება შემდგარი.

სერიალის პრემიერა 1993 წელს შედგა. 9 სეზონის მანძილზე მან საერთაშორისო პოპულარობა მოიპოვა: „საიდუმლო მასალებმა“ 16 პრემია „ემი“ და 5 „ოქროს გლობუსი“ მიიღო.

მეათე სეზონი ეკრანებზე 2010 წელს გამოვიდა.

ჯესი ჯეიმ ახალი სიმღერა გამოუშვა (აუდიო)

ჯესი ჯეიმ ახალი სიმღერა „Not My Ex“ წარმოადგინა. ეს უკვე რიგით მეორე ნამუშევარია მომღერლის ახალი ალბომიდან „R.O.S.E“. დისკის პრეზენტაციის თარიღად 2018 წლის დასაწყისი სახელდება.

მუსიკოსის უკანასკნელი ალბომი „Sweet Talker“ 2014 წლის ოქტომბერში გამოვიდა. ის შეიცავდა დუეტებს ნიკი მინაჯთან, არიანა გრანდესთან, ლინდსი სტირლინგთან და ა.შ.

 

“სამართებელზე მორბენალი 2049” კინოგაქირავებაში ჩავარდა

ფილმ „სამართებელზე მორბენალი 2049“-ის კინოგაქირავება ყველაზე პესიმისტურ პროგნოზზე უარესად დაიწყო: საპრემიერო უქმეებზე მისმა შემოსავალმა მხოლოდ 31,5 მილიონი დოლარი შეადგინა. 170 მილიონიანი ბიუჯეტის მქონე ფილმისთვის კი ეს ნამდვილად ჩავარდნაა. უარეს შემთხვევაში ფილმისგან 50 მილიონს მოელოდნენ.

მიზეზად, რის გამოც პროექტმა მაყურებელი ვერ დააინტერესა, ზედმეტად დიდი ქრონომეტრაჟი და თანამედროვე დონის დინამიკის არარსებობა სახელდება.

გასული უქმეების რეიტინგის მეორე ადგილზე „ჩვენს შორის მთებია“ იმყოფება, რომელმაც 10 მილიონი გამოიმუშავა, მესამე ადგილს კი საშინელებათა ჟანრის პროექტი „ის“ იმყოფება. აღსანიშნავია, ამ უკანასკნელის მოგებამ უკვე გადააჭარბა 600 მილიონ დოლარს, რაც ამ ჟანრის ფილმისთვის ფენომენალური მაჩვენებელია.

Maroon 5-მა ახალი სიმღერა გამოუშვა და მომდევნო ალბომი დააანონსა

ამერიკულმა პოპ-როკ-ჯგუფმა Maroon 5-მა ახალი სიმღერა „Help Me Out“  გამოუშვა. მის ჩაწერაში მონაწილეობა ამერიკელმა მომღერალმა და სიმღერების ავტორმა, ჯულია მაიკლსმა მიიღო, რომელიც აქამდე რიანასთან, კრისტინა აგილერასთან და გვენ სტეფანისთან თანამშრომლობდა.

სიმღერის პარალელურად, კოლექტივმა ახალი, რიგით მეექვსე ალბომი „Red Pill Blues“ დააანონსა. მასში 15 სიმღერა შევა, რომლიდანაც 6 დუეტი იქნება. დისკის პრეზენტაცია 3 ნოემბერს იგეგმება.

Maroon 5-ის წინა ფირფიტა „V“ 2014 წლის აგვისტოში გამოვიდა. გამოსვლიდან პირველივე კვირას დისკის 164 ათასი ეგზემპლარი გაიყიდა და Billboard 200-ის ყველაზე გაყიდვადი ალბომების ჩარტის სათავეში მოხვდა.

შაკირას წარმომადგენელმა მისი და პიკეს დაშორებაზე პირველი კომენტარი გააკეთა

რამდენიმე დღის წინ, დასავლურმა მედიამ დაწერა, რომ შაკირა და ჟერარ პიკე ერთმანეთს დაშორდნენ, თუმცა მომღერლის წარმომადგენელმა ამ ფაქტზე კომენტარი უკვე გააკეთა. მისი თქმით, შაკირა და პიკე ერთად არიან.

„მათ ყველაფერი ძველებურად აქვთ. ამ ხმებს ავრცელებენ ადამიანები, რომლებსაც პიკესთვის ზიანის მიყენება უნდათ“, – ნათქვამია ოფიციალურ განცხადებაში.

მისი სიტყვები თავად სპორტსმენმაც დაადასტურა და სოციალურ ქსელში შაკირას ვიდეო გადააზიარა, სადაც მომღერალი გიტარაზე სიმღერას ასრულებს.

შეგახსენებთ, რომ წყვილი ერთად 2010 წლიდან ცხოვრობს. 7 წლის განმავლობაში მათ ორი ვაჟიშვილი შეეძინათ, ურთიერთობის დაკანონებას კი მომავალი წლისთვის გეგმავდნენ.

სემ სმიტმა მორიგი ალბომი დააანონსა და ახალი სიმღერა გამოუშვა (აუდიო)

სემ სმიტმა თაყვანისმცემლებს მოულოდნელი საჩუქარი გაუკეთა. მუსიკოსმა ახალი ალბომი „The Thrill Of It All“ დააანონსა, პარალელურად კი ახალი სიმღერა „Pray“ გამოაქვეყნა, რომლის ჩაწერაშიც ცნობილი პროდიუსერი ტიმბალენდი მონაწილეობდა.

„ძალიან ბედნიერი ვარ, რომ ამ სიახლეს გიზიარებთ… ჩემი ახალი ალბომი 3 ნოემბერს გამოვა“, – დაწერა სემმა „ინსტაგრამზე“.

ცნობილია, რომ დისკი 10 სიმღერისგან იქნება შემდგარი, ერთ-ერთი მათგანი სწორედ „Pray“ იქნება.

შეგახსენებთ, რომ რამდენიმე დღის წინ სემ სმიტი პაპარაცებმა მის ბოიფრენდთან პაემნის დროს დააფიქსირეს.

რეპერ Nelly-ს გაუპატიურებაში ადანაშაულებენ

ამერიკულმა პოლიციამ რეპერი Nelly გაუპატიურების ბრალდებით დააკავა. როგორც დასავლური მედია იუწყება, ქალბატონი ამტკიცებს, რომ ის ვაშინგტონში, რეპერის ავტობუსში გააუპატიურეს, სადაც ვარსკვლავი კონცერტის გასამართად ჩავიდა. მისი თქმით, დამნაშავე სწორედ მუსიკოსია.

ცნობილია, რომ დაკავების შემდეგ Nelly თავდებით გაათავისუფლეს.

თავად ბრალდებულის მტკიცებით, ის სრულიად უდანაშაულოა და ქალბატონის ნაამბობს უსაფუძვლოს უწოდებს. რეპერი დარწმუნებულია, რომ საქმის ბოლომდე შესწავლის შემდეგ მას საბოლოოდ გაამართლებენ.

ჯენიფერ ლოურენსმა Dior-ის ახალ კამპანიაში ძლიერი ქალის იმიჯი მოირგო (ფოტო)

ჯენიფერ ლოურენსმა Dior Cruise 2018-ის ახალ სარეკლამო კამპანიაში მონაწილეობა მიიღო. 27 წლის ვარსკვლავმა ძლიერი ქალის იმიჯი მოირგო, რომელიც ამავდროულად ქალურობასა და მიმზიდველობას არ კარგავს.

ბრენდის კრუიზული კოლექცია ამერიკელი მხატვრის, ჯორჯია ო’კიფის ნამუშევრების შთაგონებით შეიქმნა.

ლოურენსი Christian Dior-ის სახე 2012 წლიდან არის და ბრენდის კამპანიებშიც ხშირად ჩნდება.

 

 

 

ტეილორ სვიფტი MTV EMA 2017-ის ფავორიტია

4 ოქტომბერს პრემია MTV EMA 2017-ის ნომინანტების ვინაობა გახდა ცნობილია. ნომინაციების მხრივ ტეილორ სვიფტი ლიდერობს, მათ შორის არის მთავარი კატეგორიები – „საუკეთესო მომღერალი“, „საუკეთესო კლიპი“ და ა.შ.

ოთხ ნომინაციაზეა წარდგენილი შონ მენდესი, სამზე ედ შირანი, კენდრიკ ლამარი და Foo Fighters. დაჯილდოების ცერემონია 12 ნოემბერს ლონდონში გაიმართება და მას მომღერალი რიტა ორა წაიყვანს.

„ფორსაჟის“ მეცხრე ნაწილის პრემიერა გადაიდო

აქამდე ცნობილი იყო, რომ „ფორსაჟის“ მეცხრე ნაწილის რელიზი 2019 წლის 19 აპრილს გაიმართებოდა, თუმცა ამჟამად ცნობილი ხდება, რომ ამ რიცხვმა ერთი წლით გადაიწია. სტუდია Universal-ის ცნობით, დიდ ეკრანებზე ფილმი 2020 წლის 20 აპრილს გამოვა.

გრაფიკის ცვლილების მიზეზი არ ხმაურდება, თუმცა არაოფიციალური ინფორმაციით, დიდი როლი ამ ყველაფერში ვინ დიზელისა და დუეინ ჯონსონის კონფლიქტმა ითამაშა. ამას გარდა, რამდენიმე კვირის წინ მიშელ როდრიგესმა პროექტის დატოვების სურვილი გამოთქვა, იმ შემთხვევაში თუ პროდიუსერები „მომდევნო ფილმებში ქალების მიმართ პატივისცემას არ გაზრდიან“.

მერვე „ფორსაჟი“ ეკრანებზე მიმდინარე წლის გაზაფხულზე გამოვიდა. იმავე პერიოდში ცნობილი გახდა, რომ ეკრანებზე მეცხრე და მეათე ნაწილებიც გამოვა.

მაილი საირუსმა ახალი ალბომი გამოუშვა

მაილი საირუსმა ახალი დისკი „Younger Now“ გამოუშვა. ალბომის რელიზამდე რამდენიმე თვით ადრე, მომღერალმა ორი სინგლი „Malibu“ და „Younger Now“ წარმოადგინა. ამ უკანასკნელს დიდი წარმატება არ მოუპოვებია, ხოლო პირველი Billboard Hot 100-ში საკმაოდ პოპულარული გახდა.

დისკი მეექვსე სრული ნამუშევარია საირუსის დისკოგრაფიაში და მისი პროდიუსერი Oren Yoel გახდა, რომელიც ვარსკვლავთან წინა ალბომზეც მუშაობდა.

ალბომი ქანთრი-პოპის ჟანრშია შესრულებული.

სერიალები, რომლებსაც ახალ სეზონზე ყველაზე მეტად ელიან

მიუხედავად იმისა, რომ 2017-18 წლების ტელესეზონი ჯერ კიდევ სექტემბერში დაიწყო, ყველაზე ხმაურიანი პრემიერები ოქტომბრიდან იღებს სტარტს. გამოცემამ Rolling Stone სერიალების საკუთარი რეიტინგი შეადგინა, რომლის ეკრანებზე დაბრუნებას მაყურებლები ყველაზე მეტად ელოდებიან.

ტოპ-10-ეული ასე გამოიყურება:

„შეშლილი ყოფილი“

„მოკალი შენი ენთუზიაზმი“

„დინასტია“

„მოჩვენებები“

„დაჯილდოებული“

„The Last O.G.“

„რივერდეილი“

„სპილბერგი“

„მოსიარულე მკვდრები“

„თეთრი ცნობილი“

„სიმპსონებმა“ „სამეფო კარის თამაშების“ პაროდია გააკეთეს (ვიდეო)

თავისი არსებობის მანძილზე, სერიალმა „სიმპსონები“ უამრავი ადამიანისა და ფილმის პაროდია წარმოადგინა. ჯერი „სამეფო კარის თამაშებზეც“ მიდგა. ბოლო წლების ერთ-ერთმა ყველაზე პოპუალრულმა სერიალმა „სიმპსონების“ ყურადღება მიიქცია.

29-ე სეზონის პირველი სერია სწორედ აღნიშნულ პროექტს ეძღვნება და მისი სახელწოდება „სერფსონებია“. მასში შესაძლებელია HBO-ს ცნობილი შოუდან ბევრი გზავნილის ამოკითხვა – დრაკონის, უთავო ადამიანების, ყვავების და ა.შ.

ცნობილი სლოგანი „ზამთარი მოახლოვდა“ კი წინადადებით „სიმპსონები მოახლოვდნენ“ შეცვალეს.

კეიტ უინსლეტი „ავატარში“ მონაწილეობას მიიღებს

ჯეიმს კემერონი „ავატარის“ ახალ ნაწილზე მუშაობს. დღეს კი ცნობილი ხდება, რომ ფილმში კეიტ უინსლეტსაც ვიხილავთ. კემერონი და უინსლეტი გადასაღებ მოედანზე ერთმანეთს 20 წლის შემდეგ შეხვდებიან.

„უკვე 20 წელია, მე და კეიტი თანამშრომლობის საშუალებას ვეძებდით. უკანასკნელად „ტიტანიკის“ დროს ვიმუშავეთ ერთად და ეს ერთ-ერთი ყველაზე პროდუქტიული ნამუშევარი იყო ჩემს კარიერაში. ახლა კი უბრალოდ ვეღარ ვითმენ, რომ მე და კეიტმა ისევ ვითანამშრომლოთ. „ავატარში“ ის რონალს განასახიერებს“, – განაცხადა კემერონმა.

შეგახსენებთ, რომ „ავატარის“ პირველი ნაწილი, რომელიც 2009 წელს გამოვიდა, ყველაზე შემოსავლიანი პროექტია. ფილმმა 2,8 მილიარდი დოლარი გამოიმუშავა.

 

ჯარედ ლეტო ჰიუ ჰეფნერს განასახიერებს

ცნობილი ხდება, რომ ჰიუ ჰეფნერის შესახებ გადაღებულ ბაიოპიკში მთავარ როლს ჯარედ ლეტო შეასრულებს. ფილმის რეჟისორი ბრეტ რეტნერი იქნება და ის მიიჩნევს, რომ ოსკაროსანი ლეტო ამ როლს თავს კარგად გაართმევს.

„ჯარედი ჩემი მეგობარია. როდესაც გაიგო, რომ ამ ფილმის გადაღებას ვაპირებდი, ჰიუს როლზე საკუთარი კანდიდატურა შემომთავაზა. დარწმუნებული ვარ, რომ ის შეძლებს, რადგან იგი თანამედროვეობის ერთ-ერთი დიდი მსახიობია“, – განაცხადა რეტნერმა. მისი თქმით, მას სურს, რომ ფილმი მოვლენად აქციოს.

შეგახსენებთ, რომ ჟურნალ Playboy-ს დამაარსებელი ჰიუ ჰეფნერი რამდენიმე დღის წინ 92 წლის ასაკში გარდაიცვალა. გასულ უქმეებზე ის მერილინ მონროს გვერდით დაკრძალეს.

 

ლიამ ნისონი პენსიაზე გასვლაზე უარს ამბობს

ლიამ ნისონმა უარყო გავრცელებული ხმები იმის თაობაზე, რომ საბრძოლო ჟანრის ფილმებში მონაწილეობას აღარ მიიღებს. „ეს ყველაფერი სიცრუეა, შემომხედეთ, ამ ჟანრის ფილმებში მანამდე გამოვჩნდები, სანამ არ დამმარხავენ. უარს ვამბობ პენსიონერობაზე“, – ამბობს მსახიობი.

შეგახსენებთ, რომ სექტემბრის შუა რიცხვებში ნისონმა მიზეზად საკუთარი 65 წელი მოიყვანა და განაცხადა, რომ მისი ადგილი ასეთ ფილმებში აღარ არის.

2018 წელს ლიამის მონაწილეობით „მგზავრი“ გამოვა, რომელიც ასევე საბრძოლო ჟანრის არის.

შარლიზ ტერონი სამეცნიერო-ფანტასტიკურ სერიალში მონაწილეობას მიიღებს

შარლიზ ტერონი ახალ ფილმში მონაწილეობის მისაღებად ემზადება. ვარსკვლავმა კომედიური სამეცნიერო-ფანტასტიკური სერიალის, „ორვილის“ გაგრძელებაში მონაწილეობის შეთავაზება მიიღო.

პროექტს სეტ მაკფარლეინი გადაიღებს. მოქმედება კი მასში შორეულ წარსულში განვითარდება. სიუჟეტი კოსმოსურ ხომალდ „ორვილს“ შეეხება, რომლის ეკიპაჟის წევრებს მრავალი დაბრკოლების გადალახვა მოუწევთ.

სერიალის გამოსვლის ზუსტი დრო ამ დროისთვის უცნობია.

 

ფილმის „სამართებელზე მორბენალი 2049“ პრემიერა ლას-ვეგასის ტრაგედიის გამო გადაიდო

ფილმის „სამართებელზე მორბენალი 2049“ ჰოლივუდური პრემიერა ლას-ვეგასში მომხდარი ტერაქტის გამო გადაიდო. ღონისძიება 3 ოქტომბერს,“დოლბის“ თეატრში უნდა გამართულიყო.

სტუდიებმა Warner Bros. Pictures, Sony Pictures და Alcon Entertainment ოფიციალური პრეს-რელიზი გამოაქვეყნეს, სადაც გარდაცვლილთა ოჯახების მიმართ მწუხარება გამოთქვეს.

ფილმის დიდ ეკრანებზე გამოსვლის თარიღი არ შცვლილა და ის 6 ოქტომბერს გაიმართება. შეგახსენებთ, რომ მთავარ როლებს მასში რაიან გოსლინგი და ჰარისონ ფორდი ასრულებენ.

„დიდი აფეთქების თეორიას“ ყველაზე მაღალანაზღაურებადი სატელევიზიო მსახიობები ჰყავს

ჟურნალმა „ფორბსმა“ ყველაზე მაღალანაზღაურებადი სატელევიზიო მსახიობების რეიტინგი შეადგინა. შედეგად გამოვლინდა, რომ ყველაზე მაღალი ჰონორარები სერიალ „დიდი აფეთქების თეორიის“ ვარსკვლავებს აქვთ. სიის პირველ ადგილზე სწორედ ჯიმ პარსონსი იმყოფება. ბოლო ერთი წლის მანძილზე, მისი პირადი ბიუჯეტი 27,5 მილიონ დოლარს შეადგენდა.

მეორე და მესამე ადგილებზე მისი კოლეგები – ჯონ გალეკი (26,5 მილიონი) და საიმონ ჰელბერგი (26 მილიონი) იმყოფებიან, მათ კი კუნალ ნაიარი მოჰყვება (25 მილიონით).

სერიალის თითოეული ძირითადი მსახიობი ერთ სერიაში მილიონ დოლარს იღებს. ყოველი სეზონი კი 20-22 სერიისგან შედგება.

მერილინ მენსონმა დაგეგმილი კონცერტები სცენაზე მიღებული ტრავმის გამო გადადო

კონცერტის მსვლელობის დროს, დეკორაციების ჩამოშლის შედეგად მიღებული ტრავმების გამო, მერილინ მენსონმა დაგეგმილი კონცერტები გადადო.

აღსანიშნავია, რომ მუსიკოსი ამერიკაში ტურნეს ფარგლებში შოუებს მართავდა და ისინი 14 ოქტომბრიდან განახლდება. ინციდენტის შემდეგ, მენსონს ჯერ ადგილზე აღმოუჩინეს დახმარება, შემდეგ კი ნიუ-იორკის ერთ-ერთ საავადმყოფოში გადაიყვანეს.

ამჟამად მუსიკოსი უკვე სახლში იმყოფება და თავს კარგად გრძნობს.

კრისტენ სტიუარტი და ლუპიტა ნიონგო „ჩარლის ანგელოზებში“ მონაწილეობას მიიღებენ

„ჩარლის ანგელოზები“ ეკრანებს უბრუნდება. ცნობილია, რომ ფილმს ელიზაბეტ ბენკსი გადაიღებს, ხოლო რამდენიმე დღის წინ, მთავარ პერსონაჟებზე პირველი ინფორმაცია გავრცელდა: სტუდია Sony Pictures მთავარ როლებზე „ბინდის“ ვარსკვლავს, კრისტენ სტიუარტსა და „მონობის 12 წლის“ ერთ-ერთი მთავარი როლის შემსრულებელს, ლუპიტა ნიონგოს მოიაზრებს.

შეგახსენებთ, რომ თავდაპირველად, „ჩარლის ანგელოზები“ 70-იანი წლების პოპულარული სერიალი იყო და მთავარ როლს მასში ფარა ფოსეტი ასრულებდა. მოგვიანებით კი, მის მიხედვით გადაიღეს ფილმები (2000 და 2003 წლებში) და მათში მთავარ როლებში კამერონ დიაზი, დრიუ ბერიმორი და ლიუსი ლიუ მოგვევლინენ.

პრემიერის ოფიციალური თარიღი ამ დროისთვის უცნობია.

დევიდ გეტასა და ჯასტინ ბიბერის ახალი კლიპი საკუთარ ურთიერთობებზე დაგაფიქრებთ (ვიდეო)

დევიდ გეტამ და ჯასტინ ბიბერმა სიმღერაზე „2U“ გადაღებული ემოციური კლიპი წარმოადგინეს. ვიდეომ ქსელში ფურორის მოხდება უკვე შეძლო.

მასში ჩვეულებრივი შეყვარებული წყვილია ნაჩვენები, რომელიც ბევრჯერ ჩხუბობს და რიგდება. მუსიკოსების მიზანი იყო, რომ მაყურებელთა ნაწილს მათში საკუთარი თავი ამოეცნო.

„როდესაც პირველად მოვისმინეთ ეს სიმღერა, სიტყვებისა და მუსიკის სინთეზმა გაგვაოცა. სიმღერა არაჩვეულებრივად გამოხატავს უსაზღვრო სიყვარულის ფენომენს, როდესაც არ არსებობს არაფერი, რასაც საყვარელი ადამიანისთვის არ გააკეთებდი. ამიტომ გაგვიჩნდა იდეა, რომ ეს ყველაფერი კლიპში განგვეხორციელებინა“, – განაცხადეს ვიდეოს რეჟისორებმა.

მონიკა ბელუჩის 5 ნაკლებად ცნობილი ფილმი

30 სექტემბერს მონიკა ბელუჩი 53 წლის გახდა. იტალიელი ვარსკვლავი, რომელიც ასაკის მიუხედავად შესაშურ ფორმაშია, ყოველთვის აცხადებს, რომ წლების მატებასთან ერთად თავს უფრო ქალურად და ბედნიერად გრძნობს და რომ არ აპირებს ნაოჭების წინააღმდეგ ბრძოლას, რადგან ბუნებრიობა მისთვის ყველაზე მნიშვნელოვანია.

გთავაზობთ ხუთ ნაკლებად ცნობილ ფილმს ბელუჩის შემოქმედებიდან:

 

დობერმანი

ვინსენ კასელისა და მონიკა ბელუჩის დუეტი ეკრანზე, სადაც კასელი კრიმინალური დაჯგუფების ლიდერს, ხოლო ბელუჩი მისი მეგობრისა და საყვარლის როლს ასრულებს, რომელიც საყვარელ მამაკაცს ყველაზე კრიმინალურ საქმეშიც კი ხელს სიხარულით უწყობს.

 

მეორე სუნთქვა

ცნობილი დამნაშავე, რომელიც ციხიდან გარბის, გადაწყვეტს, თავის რჩეულთან ერთად ქვეყანა დატოვოს და ამისთვის მორიდ დანაშაულსაც სჩადის.

 

შეშლილი სისხლი

ფილმი რეალურ მოვლენებზეა დაფუძნებული და ორი ცნობილი იტალიელი მსახიობის სიყვარულს მოგვითხრობს. ქალი (ბელუჩი) – იშვიათი ლამაზმანია, რომლის გულის მოგებასაც ასობით მამაკაცი ცდილობს, კაცი ( ლუკა ჯინგარეტი) – ექსცენტრიული და მდიდარი მსახიობია, რომელსაც ყურადღება და ნარკოტიკი უყვარს. მათი სიყვარული უცნაურია: ხან გიჟდებიან და ხანაც სძულთ ერთმანეთი.

 

არ მოიხედო

ჟანა- წარმატებული მწერალი და ორი შვილის დედაა. ის ბედნიერია და სულმოუთქმელად ელოდება, როდის გამოვა მისი ახალი წიგნი, თუმცა საკუთარი წარსულის შესახებ ის მოულოდნლეს სიმართლეს იგებს და ყველაფერი იცვლება.

 

სიყვარული: მიღების ინსტრუქცია

ფილმი სამი ნოველისგან შედგება: „ახალგაზრდობა“, „სიმწიფე“ და „გამოცოცხლება“. სამივე განსხვავებულ ისტორიას გადმოგვცემს, რომლებიც ბოლოს საერთო სიუჟეტად იკვრება.

კეიტ უინსლეტი 12 წელია არ აწონილა

სულ მალე, კეიტ უინსლეტის მონაწილეობით ფილმი „ჩვენს შორის მთებია“ გამოვა, სადაც პარტნიორობას მას იდრის ელბა უწევს. სპეციალურად ფილმის პრემიერისთვის უინსლეტმა გაზეთს The Sun ინტერვიუ მისცა. მისი მსვლელობისას კი მსახიობმა აღიარა, რომ 12 წელია სასწორზე არ დამდგარა და შესაბამისად, რეალური წონაც არ იცის.

კეიტის თქმით, უკანასკნელად ის 2005 წელს აიწონა და ამის გაკეთებას უახლოეს მომავალში აღარ აპირებს. ხოლო ეპიზოდზე, სადაც ელბას ის ხელში აყვანილი მიჰყავს, უინსლეტი სიცილით აღიარებს, რომ ამ რამდენიმე წუთში მან ბევრი ინერვიულა:

„მას ძალიან გაუჭირდა. არ ვიცი რამდენს ვიწონი, რადგან 12 წელია აღარ ავწონილვარ, რათა ხასიათი არ გავიფუჭო. ჩემი წონა და პლუს სველი ტანსაცმელი… საწყალი იდრისი“, – იხსენებს ვარსკვლავი.

უინსლეტი თავის ინტერვიუებში ყოველთვის ხაზს უსვამს, რომ ამჯობინებს იყოს ჯანმრთელი, ვიდრე გამხდარი.

ბიონსეს ახალ კლიპში ჯანლუკა ვაკი და კრიშტიანო რონალდო ცეკვავენ (ფოტო)

36 წლის ბიონსე აქტიურად დაუბრუნდა თავის კარიერას. ტყუპების დაბადების შემდეგ, ვარსკვლავმა თავისი პირველი კლიპი წარმოადგინა.

ვიდეო საქველმოქმედოა და მისი გაყიდვებიდან შემოსული თანხა პუერტო-რიკოსა და  მექსიკაში მომხდარი ქარიშხლის შედეგად დაზარალებულებს მოხმარდებათ.

სინგლი უილი უილიამისა და Mi Gente J. Balvin-ის სიმღერის რემიქსს წარმოადგენს. კადრებში მოცეკვავე ადამიანები ჩანან, რომელთა შორის „მოცეკვავე მილიონერს“, ჯანლუკა ვაკისა და ფეხბურთელ კრიშტიანო რონალდოსაც ამოიცნობთ.

ჯასტინ ტიმბერლეიკი სუპერბოულზე გამოვა

ჯასტინ ტიმბერლეიკი სუპერბოულის ჰედლაინერი გახდება. ღონისძიების გამართვა 2018 წლის 4 თებერვალს მინეაპოლისის U.S. Bank Stadium-ზე იგეგმება. მსგავს შოუში მონაწილეობა ნებისმიერი ვარსკვლავის ოცნებაა, რადგან მას ნახევარსაათიანი დაუვიწყარი შოუს გამართვის საშუალება ეძლევა.

ამ მომენტისთვის, ჯასტინთან მოლაპარაკებები ფინალურ ეტაპზეა მისული და თუ შეთანხმებას ორივე მხარე მიაღწევს, ეს ტიმბერლეიკის სუპერბოულზე გამოსვლის უკვე მეორე შემთხვევა იქნება.

პირველად ის ჯანეტ ჯექსონთან ერთად 2004 წელს გამოვიდა. შოუ ორმაგად დასამახსოვრებელი გამოვიდა, რადგან კულმინაციაში ჯასტინმა ჯანეტს მკერდი მოუშიშვლა, ხოლო რადგან ეს ყველაფერი პირდაპირ ეთერში გადაიცემოდა, ამოჭრა ვეღარ მოახერხეს. სკანდალი რამდენიმე კვირა არ ჩაწყნარდა, თუმცა როგორც ჩანს, ტიმბერლეიკს ღონისძიებაზე თავის გამოჩენის შანსი კიდევ მიეცა.

ამ ფაქტის გამო კი, მას შემდეგ, სუპერბოულის ტრანსლაცია 5 წამის დაგვიანებით გადის ეთერში.

„ის“ ყველაზე შემოსავლიანი საშინელებათა ჟანრის ფილმია

ფილმი „ის“, რომელიც სტივენ კინგის ამავე სახელწოდების რომანის ეკრანიზაციას წარმოადგენს, ყველაზე შემოსავლიან საშინელებათა ჟანრის ფილმად დასახელდა.

პრემიერის მომენტიდან მისმა მოგებამ ნახევარ მილიონს უკვე გადააჭარბა.

აქამდე რეკორდი „ეშმაკის განდევნილს“ ეკავა, რომელიც 1973 წელს გამოვიდა და ამ დრომდე ყველაზე შემოსავლიანი ჰორორის სტატუსს ინარჩუნებდა.

პინკმა ახალი სიმღერა წარმოადგინა (აუდიო)

პინკმა ახალი სიმღერა „Beautiful Trauma“  წარმოადგინა.  სიახლის ჩაწერაში მონაწილეობა ჯეკ ანტონოფმა მიიღო და ის მომღერლის ახალი ალბომის „Beautiful Trauma“ მთავარი სიმღერაა. დისკის რელიზი 13 ოქტომბერს არის დაგეგმილი.

პინკის თქმით, ის ყველანაირად ეცადა, რომ მისი სიახლე მრაალფროვანი ყოფილიყო. პირველი სიმღერა ალბომიდან – „What About Us“ მან 10 აგვისტოს გამოუშვა. სიმღერა ბრიტანული, ამერიკული და ავსტრალიური iTunes-ის სათავეში მოხვდა.

„სექსი დიდ ქალქში“ არ გაგრძელდება

ყველას, ვინც ფილმს „სექსი დიდ ქალაქში“ ელოდებოდა, სარა ჯესიკა პარკერმა გნუცხადა, რომ ეს ისტორია აღარ გაგრძელდება. მსახიობის თქმით, მას არ მოეწონა მაიკლ პატრიკ კინგის სცენარი: „ძალიან გაბრაზებული ვარ, რადგან ჩვენი ისტორია სასაცილო, მსუბუქი და ემოციური იყო. საწყენია, რომ ეს ისტორია ქაღალდზე რჩება. განსაკუთრებით საწყენია, რომ ხალხი გაგრძელებას ელოდა…“.

გადაღებები უახლოეს მომავალში უნდა დაწყებულიყო, თუმცა რა გახდა მოულოდნელი უარის მიზეზი, უცნობია.

 

გვენ სტეფანი, ჯესიკა ალბა და Will.i.am „საავტომობილო კარაოკეს“ ახალ ეპიზოდში

ქსელში პოპულარული გადაცემის, Carpool Karaoke-ს ახალი ეპიზოდი გამოჩნდა, თუმცა გადაცემა გამორჩეული იმით იყო, რომ მასში არ ჩანდა ჯეიმს კორდენი. კარაოკე-მანქანაში გვინეტ პელტროუ, ჯესიკა ალბა და რეპერი Will.i.am იყვნენ.

ახალი თიზერი Apple Music-ისთვის შეიქმნა და მასში სამივე ვარსკვლავი Black Eyed Peas-ის ჰიტს „I Gotta Feeling“ ასრულებს.

აღნიშნული სამეულის გარდა Carpool Karaoke-ში სხვა ცნობილი ადამიანებიც სხვადასხვა დროს გამოჩნდნენ: მაილი საირუსი, ვიქტორია ბექჰემი, ადელი, სელენა გომესი, ლედი გაგა, გვენ სტეფანი, ელტონ ჯონი და მსოფლიო დონის სხვა ვარსკვლავები.

ნატალი პორტმანი დაწყევლილი ზონის შესწავლას ცდილობს (ვიდეო)

ქსელში ნატალი პორტმანის მონაწილეობით ფილმ „ანიჰილაციას“ პირველი ტრეილერი გამოჩნდა. ფანტასტიკური ტრილერის რეჟისორი ალექს გარლენდია, რომელმაც 2016 წელს ფილმისთვის „მანქანიდან“ „ოსკარი“ მიიღო. ფილმის ქალი-რობოტის შესახებ იყო ხელოვნური ინტელექტით.

გარლენდის ახალი ფილმის სიუჟეტი არა ადამიანის, არამედ სასიკვდილოდ საშიში ტერიტორია – იქს ზონაა. სახელმწიფოს საიდუმლო სამსახური ის მუდმივად აგზავნის ექსპედიციებს, რათა გაარკვიოს, რა ხდება დაწყევლილ ადგილზე, თუმცა ყველაფერი წარუმატებლად მთავრდება. ბოლოს 12 ქალისგან შემდგარი ჯგუფი გადაწყვეტს სიმართლის გარკვევას.

ფილმის პრემიერა 2018 წლის 8 მარტს არის დაგეგმილი.

მონიკა ბელუჩი სან-სებასტიანის ფესტივალის საპატიო ჯილდოს მფლობელი გახდა (ფოტო)

სან-სებასტიანში ტრადიციული კინოფესტივალი დაიწყო. წლევანდელი გამორჩეული ჯილდო Donostia, მონიკა ბელუჩის გადაეცა, რომელიც მან ჯონ მალკოვიჩის ხელიდან მიიღო.

ესპანურ მიწაზე ბელუჩი ბერძენ ქალღმერთს ჰგავდა: მას ნაზი ვარდისფერი კაბა ეცვა, ამავე ფერის პატარა ზომის ხელჩანთა ეჭირა, ყელზე კი ოქროსფერი ყელსაბამი ეკეთა. როგორც ყოველთვის, 52 წლის ლამაზმანი შეუდარებლად გამოიყურებოდა.

სამადლობელ სიტყვაში ბელუჩიმ მადლობა გადაუხადა ახლობლებს თანადგომისთვის და განაცხადა, რომ მათ გარეშე ის ვერაფერს მიაღწევდა.

ტრამპმა ანჯელინა ჯოლი და შარლიზ ტერონი ათ ბალიანი სისტემით შეაფასა

ჟურნალისტმა ჰოვარდ სტერნმა ჯერ კიდევ გაპრეზიდენტებამდე, დონალდ ტრამპისგან აღებული ინტერვიუს ნაწილი გამოაქვეყნა, სადაც ის ცნობილ ქალბატონებს ათ ბალიანი სისტემით აფასებს.

ტრამპმა კიმ კარდაშიანის სხეულის ცნობილი ნაწილებისა და ჰოლი ბერის „იდეალურ კანზე“ ისაუბრა. ყველაზე მაღალი შეფასება მან შვედ მოდელს, ელინ ნორდეგრენს მისცა. ანჯელინა ჯოლიმ ათიდან 7 ქულა დაიმსახურა, ხოლო კითხვაზე, შარლიზ ტერონის გარეგნობა შეაფასოს, დონალდის პასუხი ასეთი იყო: „სიმართლე რომ ვთქვა, ივანკა გაცილებით კარგად გამოიყურება“.

ინტერვიუს პროცესში ტრამპმა აღიარა, რომ მსოფლიოს ცნობილ ლამაზმანებთან რომანი ჰქონია. ჟურნალისტის აზრით კი, სწორედ ამ საკითხში დიდი გამოცდილება მას კომპეტენტურ ადამიანად წარმოაჩენს.

ყველა დროის ყველაზე სექსუალური კლიპი გამოვლინდა (ვიდეო)

ჟურნალმა Rolling Stone-მა ყველა დროის ყველაზე სექსუალური კლიპები გამოავლინა. პირველი ადგილი კრის აიზეკის შავ-თეთრმა ვიდეომ „Wicked Game“ დაიკავა. მთავარ როლს მასში მოდელი ჰელენა კრისტენსენი ასრულებს.

მეორე ადგილზე იმყოფება პრინსი სიმღერით „Kiss“, მესამეზე კი მადონა კომპოზიციით „Justify My Love“.

საუკეთესო ათეულში ასევე მოხვდნენ ჯანეტ ჯესონი, ბრიტნი სპირსი, რიანა, ბიონსე და კანიე უესტი. მადონა სიაში ორჯერ იმყოფება. სულ 30 ასეთი კლიპი გამოვლინდა. დასკვნით პოზიციაზე შერი განთავსდა სიმღერაზე If I Could Turn Back Time“ გადაღებული კლიპით.

ბოლო 20 წლის მანძილზე საუკეთესო სერიალები გამოვლინდა

პორტალმა Rotten Tomatoes გამოკითხვა ჩაატარა და უკანასკნელი20 წლის მანძილზე საუკეთესო სერიალები გამოავლინა. რეიტინგის სათავეში „სამეფო კარის თამაშები“ იმყოფება. მან ხმების 11% დაიმსახურა.

საუკეთესო ათეული კი ასე გამოიყურება:

  1. „სამეფო კარის თამაშები“
  2. „მძიმე დანაშაული“
  3. „დიდი აფეთქების თეორია“
  4. „მეგობრები“
  5. „საინფელდი“
  6. „კანონი და წესრიგი“
  7. „დაუნტონის სააბატო“
  8. „დასავლეთის კარიბჭე“
  9. „დოქტორი ვინ”
  10. „ბაფი – ვამპირების გამადადგურებელი“

ლეონარდო დიკაპრიო ამერიკის პრეზიდენტის როლს შეასრულებს

ლეონარდო დიკაპრიო მარტინ სკორსეზეს ახალ ფილმში თეოდორ რუზველტს განასახიერებს. ფილმს სტუდიები Paramount Pictures და დიკაპრიოს Appian Way Productions გადაიღებს, სცენარზე კი სკოტ ბლუმი იმუშავებს. ფილმზე მუშაობის თარიღები ამ დროისთვის უცნობია.

შეგახსენებთ, რომ ლეონარდოს და მარტინს რამდენიმე ფილმში აქვთ მონაწილეობა მიღებული, მათ შორის „უოლ-სტრიტის მგელი“, „ავიატორი“ და „განდგომილები“.

ჯეიმს კემერონმა “ავატარის” მეორე ნაწილის გადაღებები დაიწყო

ჯეიმს კემერონმა „ავატარის“ მეორე ნაწილზე მუშაობა დაიწყო. ცნობილია, რომ პროექტის საერთო ბიუჯეტი დაახლოებით მილიარდი დოლარია, ამის გამო ის შესაძლოა, ყველაზე ძვირადღირებული გახდეს მსოფლიო კინემატოგრაფის ისტორიაში.

ფილმი დიდ ეკრანებზე 2020 წლის 18 დეკემბერს გამოვა.

შეგახსენებთ, რომ პირველი ნაწილი 2009 წელს გამოვიდა. მან სამი „ოსკარი“ მიიღო, მათ შორის „საუკეთესო ოპერატორული ნამუშევრისა“ და „საუკეთესო ვიზუალური ეფექტებისთვის“. ამას გარდა, პროექტი კინოს ისტორიაში ერთ-ერთი ყველაზე შემოსავლიანია: 237 მილიონიანი ბიუჯეტით მან 2,8 მილიარდი დოლარი გამოიმუშავა.

Aerosmith-ის კონცერტები სტივენ ტაილერის ავადმყოფობის გამო გადაიდო

ამერიკულმა როკ-ჯგუფმა Aerosmith-მა სამხრეთ ამერიკაში დაგეგმილი კონცერტები კოლექტივის ფრონტმენის, 69 წლის სტივენ ტაილერის ავადმყოფობის გამო გადადო. შესაბამისი განცხადება „ტვიტერზე“ გამოქვეყნდა.

„სამწუხაროდ, სტივენ ტაილერს მოულოდნელი ავადმყოფობის გამო მას სამედიცინო ჩარევა დასჭირდა“, – ნათქვამია შეტყობინებაში. ექიმებმა მუსიკოსს გადაადგილებისა და გამოსვლებისგან დროებით თავის შეკავება ურჩიეს.

შედეგად გაუქმდა ჯგუფის ბოლო ოთხი კონცერტი, რომლებიც ბრაზილიაში, ჩილეში, არგენტინასა და მექსიკაში იყო დაგეგმილი.

„ის“ გაგრძელდება

კინოსტუდიამ Warner Bros. საშინელებათა ფილმის, „ის“ მომდევნო ნაწილის გადაღება დააანონსა. The Hollywood Reporter-ის ცნობით, ფილმის მომდევნო ნაწილის პრემიერა 2019 წლის 6 სექტემბერს გაიმართება.

ამ მომენტისთვის უცნობია, დაიკავებს თუ არა რეჟისორის სავარძელს კვლავ ანდრეს მუსკეტი, რომელსაც აღნიშნული ფილმის წარმატებული სტარტის შემდეგ უამრავი შეთავაზება აქვს.

შეგახსენებთ, რომ სტივენ კინგის ამავე სახელწოდების ნაწარმოების ეკრანიზაციამ ამერიკულ და მსოფლიო კინოგაქირავებაში აბსოლუტური რეკორდი დაამყარა. თავის ჟანრში ფილმმა საუკეთესო სტარტი აჩვენა. ამ მომენტისთვის „ის“ საშინელებათა ჟანრის ყველაზე პოპულარული ფილმია.

უცნობია ისიც, დარჩება თუ არა პროექტში მსახიობთა იგივე შემადგენლობა.

„სამეფო კარის თამაშების“ ვარსკვლავები ქორწინდებიან

მსახიობები კიტ ჰარინგტონი და როუზ ლესლი ხუთწლიანი რომანის შემდეგ დაინიშნენ. როგორც გამოცემა The Sun წერს, წყვილს ქორწილის თარიღი ჯერ არ აურჩევია. ინსაიდერის თქმით, კიტმა ეს გადაწყვეტილება მას შემდეგ მიიღო, რაც სახლი შეიძინა.

შეგახსენებთ, რომ ვარსკვლავების რომანი „სამეფო კარის თამაშების“ გადასაღებ მოედანზე, 2012 წელს დაიწყო.

გვენ სტეფანიმ და ბლეიკ შელტონმა დუეტი წარმოადგინეს (ფოტო)

გვენ სტეფანიმ და ბლეიკ შელტონმა, რომლებიც უკვე რამდენიმე წელია ერთად არიან, დუეტი წარმოადგინეს. სიმღერას „You Make It Feel Like Christmas“ ჰქვია და ის YouTube-ზე არის ხელმისაწვდომი.

სტეფანის ამავე სახელწოდების ალბომი გაყიდვაში ოქტომბერში გამოვა და ის რიგით მეოთხე სოლო ნამუშევარი იქნება მომღერლის შემოქმედებაში.

რაც შეეხება სტეფანისა და შელტონის რომანს, მათ ერთმანეთი ტელეშოუ „ახალი ხმის“ ფარგლებში გაიცნეს, ორივე მათგანი გადაცემის ჟიურის შემადგენლობაშია. ისინი ერთად 2015 წლიდან არიან და თანამედროვეობის ერთ-ერთ ყველაზე ლამაზ წყვილად მიიჩნევა.

იმისათვის, რომ სასურველ ქალთან დაწოლილიყო, უილიამსმა თავი ლიამ გალაჰერად გაასაღა

რობი უილიამსის ბიოგრაფია სახელწოდებით „Reveal“ გაყიდვაში გამოვიდა. წიგნში ვარსკვლავის შესახებ ახალი დეტალები ხდება ცნობილი, მათ შრის ისიც, რომ იმისათვის, რომ სასურველ ქალთან დაწოლილიყო, ვარსკვლავმა თავი Oasis-ის ლიდერად, ლიამ გალაჰერად გაასაღა.

„მეც იმავე სასტუმროში ვიყავი გაჩერებული, სადაც ლიამი. ვიცოდი, რომ ნომერში ის მალე დაბრუნდებოდა, ვიცოდი ასევე მისი ფსევდონიმიც – ბილი შირზი. სასტუმროს თანამშრომელს სწორედ შირზად გავეცნე და მის ნომერში ჟურნალისტთან სექსით დავკავდი“, – განაცხადა მომღერალმა.

ვარსკვლავის თქმით, გალაჰერმა მას ეს ოინი გაუგო და საკმაოდ უცენზუროდ მოიხსენია, რაზეც რობი აცხადებს, რომ არც გაკვირვებია.

ირინა შეიკი და ბრედლი კუპერი პაპარაცების ობიექტივში ერთად მოხვდნენ (ფოტო)

ბოლო დროს, ირინა შეიკისა და ბრედლი კუპერის ნახვა ერთმანეთის კომპანიაში საკმაოდ იშვიათად იყო შესაძლებელი: მსახიობი დროის უმეტეს ნაწილს გადასაღებ მოედანზე ატარებს, ირინა კი მოდის კვირეულებზე. თუმცა, როგორც ჩანს, თავისუფალ დროს ვარსკვლავები ერთად ატარებენ. გასულ უქმეებზე წყვილი პაპარაცებმა გადაიღეს.

წყვილი ფოტოგრაფების ობიექტივში მალიბუში მოხვდა: კუპერს სპორტული ტანსაცმელი – შორტები, მაისური და ბოტასები ეცვა და მზის სათვალე ეკეთა, ირინას კი ვიწრო ჯინსი, შავი მაისური და კედები ეცვა.

ვარსკვლავებმა ჯერ მაღაიზებში გაიარეს, შემდეგ კი მეგობრებს შეხვდნენ. მათ ურთიერთობაში ჰარმონია ადვილად შესამჩნევი იყო – ისინი ბევრს იცინოდნენ და გამუდმებით ერთმანეთს ეხუტებოდნენ.

„ადამიანი-ობობა: სახლში დაბრუნება“ 2017 წლის ყველაზე შემოსავლიანი კომიქსია

„ადამიანი-ობობა: სახლში დაბრუნება“ 2017 წელს გამოსულ კომიქსებს შორის ყველაზე შემოსავლიანად დასახელდა. ფილმს ამ ტიტულია მოპოვებაში ჩინური ბაზარი დაეხმარა. ჯამში პროექტის მოგებამ ამ დროისთვის 874 მილიონი დოლარი შეადგინა.

ამ გზით მან პირველი ადგილი Marvel-ის „გალაქტიკის მცველები 2“-ს „წაართვა“, რომელიც მოწინავე პოზიციას 864 მილიონით იკავებდა, მესამე პოზიციაზე კი „ქალი-საოცრება“ 819 მილიონით იმყოფება. იმის გამო, რომ ზოგიერთ ქვეყანაში „ადამიანი-ობობას“ ეკრანიზაცია ჯერ კიდევ მიმდინარეობს, მისი შემქმნელები ამ რიცხვის 900 მილიონ დოლარამდე გაზრდას ელოდებიან.

ფილმის მომდევნო ნაწილი ეკრანებზე 2019 წელს გამოვა, ხოლო მთავარ როლს მასში ტომ ჰოლანდი შეასრულებს.

მაილი საირუსმა ახალი სიმღერა წარმოადგინა (აუდიო)

მაილი საირუსის ახალი ალბომი ზედმეტად მელანქოლიური გამოვიდა – ასეთია კრიტიკოსების წინასწარი შეფასება. გამონაკლისი არც ახალი სინგლი „Week Without You“ გახდამ რომელიც მაილის ახალი დისკის რიგით მეოთხე ნამუშევარია.

შეგახსენებთ, რომ ფირფიტა სახელწოდებით „Yonger Now“ 29 სექტემბერს გამოვა.

Week without you is out everywhere!!!!!

A post shared by Miley Cyrus (@mileycyrus) on

ლედი გაგა შიშობს, რომ ბავშვის გაჩენას ვერასოდეს შეძლებს

ტელეარხ Netflix-ზე ლედი გაგას შესახებ დოკუმენტური ფილმის Gaga: Five Foot Two პრემიერა გაიმართა, რომელიც ვარსკვლავის შესახებ კადრს მიღმა ცხოვრებას აღწერს. ფილმიდან მომღერლის შესახებ ახალი დეტალები გახდა ცნობილი.

მაგალითად, თაყვანისმცემლებმა გაიგეს, რომ შესაძლოა, გაგა ვერასოდეს გახდეს დედა. მომღერალი ამას თეძოს ტრავმას აბრალებს, რომელიც მას დისკომფორტს ამ დრომდე უქმნის.

„მე ისიც არ ვიცი, როგორ გავაჩენს შვილს. ვფიქრობ, დაორსულებას შევძლებ, მაგრამ უბრალოდ არ ვიცი, რას მოვუხერხებ ამ თეძოს“, – ემოციურად საუბრობს ვარსკვლავი.

მისი თქმით, ერთადერთი, რაც ძალიან უნდა, ოჯახის შექმნაა. მომღერლის განცხადებით, ყოველ ჯერზე, როდესაც ეგონა, რომ ყველაზე ბედნიერი იყო და კარიერაშიც მწვრევალებს იპყრობდა, მისი ურთიერთობები სრულდებოდა. ამჯერად კი მას ამ ყველაფრის განცდა აღარ სურს.

შეგახსენებთ, რომ გასულ წელს ლედი გაგა საქმროს, მსახიობ ტეილორ კინის დაშორდა. ამჟამად მომღერალი თავის აგენტს, კრისტიან კარინოს ხვდება.

„მოსიარულე მკვდრების“ ვარსკვლავები Entertainment Weekly-ის გარეკანზე (ფოტოები)

“მოსიარულე მკვდრების“ მე-8 სეზონის პრემიერამდე ერთ თვეზე ნაკლები დარჩა. პირველი სერია კი საიუბილეო იქნება პროექტის ისტორიაში და ის რიგით მე-100 იქნება. საიუბილეო თარიღთან დაკავშირებით გამოცემამ Entertainment Weekly სერიალის გმირებს ერთდროულად რამდენიმე გარეკანი დაუთმო.

შეგახსენებთ, რომ ტელეარხ AMC-ზე სერიალის ახალი სეზონის პირველი სერია ეთერში 22 ოქტომბერს გავა. რამდენიმე დღის წინ ცნობილი გახდა ისიც, რომ საიუბილეო სერია 67 წუთს გაგრძელდება.

 

მეგან მარკლი პრინც ჰარისთან ერთად ოფიციალურ ღონისძიებაზე პირველად გამოჩნდა

მსახიობი მეგან მარკლი პრინც ჰარისთან ერთად ოფიციალურ ღონისძიებაზე პირველად გამოჩნდა.

მარკლი და ჰარი Invictus Games-ის გახსნას დაესწრნენ, რომელიც პრინცის ორგანიზებით დაარსდა და რომელიც ყოფილი სამხედროების სპორტულ შეჯიბრებებს წარმოადგენს. მართლია, გახსნაზე მსახიობი და სამეფო ოჯახის წარმომადგენელი ცალ-ცალკე ისხდნენ, მათ ერთმანეთს თითქმის 4 რიგი აშორებდათ.

ღონისძიებაზე ასევე კანადის პრემიერ-მინისტრი ჯასტინ ტრიუდო და ამერიკის პირველი ლედი, მელანია ტრამპი იმყოფებოდნენ.

თვითმხილველების თქმით, ჰარი გამუდმებით საყვარელი ქალის მიმართულებით იყურებოდა.

ფერგის ახალ კლიპში კენდალ ჯენერი მონაწილეობს (ვიდეო)

მომღერალმა ფერგიმ სიმღერაზე „Enchanté (Carine)“ გამოუშვა კლიპი. სიახლე მის ახალ ალბომში „Double Dutchess“ შედის.

ვიდეო საკმაოდ საინტერესო გამოვიდა. მასში მთავარ როლს მოდელი კენდალ ჯენერი ასრულებს. კლიპში ის რამდენიმე ვიზუალს იცვლის, მღერის თავის კლონებთან ერთად და სხვადასხვა აქტივობებით არის დაკავებული. კრიტიკოსებმა ის პოტენციურ ჰიტად შეაფასეს.

აღსანიშნავია, რომ ბავშვის ხმა, რომელიც ვიდეოს დასაწყისში ისმის, ფერგის 4 წლის ვაჟიშვილს, აქსელს ეკუთვნის.

გვენ სტეფანიმ საშობაო ალბომის გამოსვლა დააანონსა

გვენ სტეფანიმ ახალი ალბომი დააანონსა. ვარსკვლავის მომდევნო დისკი „You Make It Feel Like Christmas“ შობისთვის გამოვა და ის 12 სიმღერისგან იქნება დაკომპლექტებული.

მიუხედავად იმისა, რომ ალბომს საშობაო ჰქვია, ის 6 ოქტომბერს გამოვა. პირველი სიმღერა კი, რომელსაც იგივე სახელწოდება აქვს, ამ დღეებში გამოვა. ის სტეფანიმ თავის ბოიფრენდთან, ბლეიკ შელტონთან ერთად ჩაწერა.

თრექ ლისტი:

1. Jingle Bells

2. Let It Snow

3. My Gift Is You

4. Silent Night

5. When I Was A Little Girl

6. Last Christmas

7. You Make It Feel Like Christmas (feat. Blake Shelton)

8. Under The Christmas Lights

9. Santa Baby

10. White Christmas

11. Never Kissed Anyone With Blue Eyes

12. Christmas Eve

„მკვლელობა აღმოსავლეთის ექსპრესში“: ახალი ტრეილერი (ვიდეო)

ქსელში კენეტ ბრანას ახალი ფილმის „მკვლელობა აღმოსავლეთის ექსპრესში“ რიგით მეორე ტრეილერი გამოქვეყნდა. ფილმი, რომელიც აგათა კრისტის ამავე სახელწოდების დეტექტივზე არის დაფუძნებული, მიმდინარე შემოდგომის ერთ-ერთი ყველაზე დიდი მოლოდინის მქონე პროექტია.

მასში ისეთ ვარსკვლავებს შევხვდებით, როგორებიც არიან: ჯონი დეპი, მიშელ პფაიფერი, პენელოპე კრუსი, ჯუდი დენჩი და სხვები.

ფილმის პროდიუსერები ჯუდი ჰოფლანდი, საიმონ კინბერგი და მარკ გორდონი არიან. პრემიერა კი ნოემბერში შედგება.

შარლიზ ტერონისა და ანჯელინა ჯოლის კონფლიქტს პენელოპე კრუსიც შეუერთდა

2019 წელს, ეკრანებზე გამოდის 1935 წლის საკულტო ფილმის „ფრანკენშტეინის საცოლის“ რიმეიქი. მთავარ როლზე ანჯელინა ჯოლი ან შარლიზ ტერონი მოიაზრებიან. თავიდანვე ცნობილი იყო, რომ პროდიუსერების ფავორიტი ამ როლზე ჯოლი იყო. ინსაიდერების თქმით, ანჯელინა სპეციალურად წელავდა პასუხს და ამ დროში შარლიზს უამრავ როლზე ათქმევინა უარი, რადგან იცოდა, რომ მისთვის ეს როლი ძალიან მნიშვნელოვანი იყო. სწორედ აღნიშნული ფაქტი გახდა მსახიობებს შორის კონფლიქტის მიზეზი.

გადაუმოწმებელი ინფორმაციით ცნობილი ხდება, რომ ანჯელინა როლს დასთანხმდა და ამით კიდევ ერთი ვარსკვლავის – პენელოპე კრუსის უკმაყოფილება გამოიწვია. მიზეზი კი ის გახდა, რომ კრუსს სრულებით არ ხიბლავს ის ფაქტი, რომ მის მეუღლეს, ხავიერ ბარდემს გადასაღებ მოედანზე პარტნიორობას ჯოლი გაუწევს.

„პენელოპე არასოდეს ყოფილა ანჯელინას თაყვანისმცემელი, მისი რეპუტაციის გამო. ის მას ზედმეტად თავდაჯერებულად მიიჩნევს და შიშობს, რომ გადასაღებ მოედანზე ხავიერს დაჩრდილავს“, – განაცხადა კრუსთან დაახლოებულმა წყარომ.

ოფიციალურად კი, ანჯელინას მონაწილეობა ჯერ არ დადასტურებულა. ცნობილი მხოლოდ ის არის, რომ ფილმს ბილ კონდონი გადაიღებს.

ლეონარდო დიკაპრიოს ფონდი 20 მილიონ დოლარს გარემოს დაცვის საკითხებს მოახმარს

ბოლო დროს, ლეონარდო დიკაპრიო ქველმოქმედებას საკმაოდ დიდ დროს უთმობს, უფრო მეტს, ვიდრე კინოს. ამ დღეებში მსახიობმა განაცხადა, რომ საკუთარი ფონდიდან 20 მილიონ დოლარს გარემოს დაცვისთვის გამოყოფს.

კონფერენციაზე, რომელიც კლიმატის ცვალებადობას მიეძღვნა, დიკაპრიომ განაცხადა: „ვამაყობ, რომ მარტო აშშ-ში 100-ზე მეტ ორგანიზაციას ვშუამდგომლობთ. ეს გრანტები გარემოსა და  ოკეანეების დაცვას, გადაშენების პირას მყოფი ცხოველების, ტყეებისა და სასიცოცხლოდ მნიშვნელოვანი საკითხების მოგვარებას ხმარდება“.

გალ გადოტი და ბრედლი კუპერი საერთო ფილმში მონაწილეობას მიიღებენ

მსახიობი გალ გადოტი ბრედლი კუპერთან ერთად ფანტასტიკურ დრამაში „უფრო ღრმად“ მონაწილეობას მიიღებს. ინფორმაციას ამის შესახებ გამოცემა Deadline ავრცელებს.

ფილმისთვის სცენარს მაქს ლენდისი დაწერს და კორნელ მუნდრუცო გადაიღებს, ხოლო სტუდია MGM დააფინანსებს. პროექტზე მუშაობის ვადები უცნობია.

რაც შეეხება კუპერს, 2018 წელს გამოვა მისი რეჟისორული ნამუშევარი „ვარსკვლავის დაბადება“, სადაც მთავარ როლებს თავად და მომღერალი ლედი გაგა ასრულებენ.

“მოსიარულე მკვდრების” საპრემიერო სერია საათზე დიდხანს გაგრძელდება

ცნობილი ხდება, რომ „მოსიარულე მკვდრების“ ახალი, მერვე სეზონი, რომელიც ეთერში ოქტომბერში გამოვა, საიუბილეო, მე-100 სერიით გაიხსნება. სწორედ ამ მიზეზით, პირველი სერია გახანგრძლივებული იქნება და 67 წუთს გასტანს.

შეგახსენებთ, რომ სერიალის ახალი ეპიზოდები რიკისა და ნიგანის მასშტაბურ ომს დაეთმობა და მისი პრემიერა AMC-ის ეთერში 22 ოქტომბერს შედგება.

 

 

„ჯუმანჯი 2“: ახალი ტრეილერი დუეინ ჯონსონისა და ჯეკ ბლეკის მონაწილეობით (ვიდეო)

სტუდია Sony Pictures Entertainment-მა დუეინ ჯონსონისა და ჯეკ ბლეკის მონაწილეობით ფილმ „ჯუმანჯის“ ახალი, რიგით მეორე ტრეილერი გამოაქვეყნა. ცნობილი სათავგადასავლო ფილმის მეორე ნაწილს „კეთილი იყოს თქვენი მობრძანება ჯუნგლებში“ ერქმევა და ზემოთხსენებული მსახიობების გარდა მასში კარენ გილანს და კევინ ჰარტს ვიხილავთ.

ფილმის ორიგინალი 1995 წელს გამოვიდა და მთავარი როლი მასში რობინ უილიამსმა შეასრულა.

ახალ ვერსიაში, ჯუმანჯის სამყაროში ოთხი მოზარდი აღმოჩნდება, რომლებიც ვიდეოთამაშის პერსონაჟები გახდებიან. ისინი საკმაოდ სახიფათო თავგადასავალში ჩაებმებიან, საიდანა გამოსვლა საკმაოდ რთულია.

მაილი საირუსი დევიდ ლაშაპელის ობიექტივისთვის მთლიანად გაშიშვლდა (ფოტო)

უკანასკნელ წელს სკანდალურმა მაილი საირუსმა ეპატაჟზე უარი თქვა. ვარსკვლავი შედარებით მოკრძალებულად იცვამს და ლიამ ჰემსვორტთან აღდგენილი ურთიერთობის შემდეგ პირადი ცხოვრებით ტკბება.

თუმცა, ამ დღეებში მომღერალი ჟურნალისთვის Taschen მთლიანად გაშიშვლდა. ფოტოსესიის ავტორი ლეგენდარული დევიდ ლაშაპელია, რომელმაც შიშველი მაილი საკუთარ წიგნში Lost+Found შეიყვანა.

აღსანიშნავია, რომ შიშველი მაილის გარდა, მასში ბრიტნი სპირსის, მაიკლ ჯექსონის, უიტნი ჰიუსტონის, კენდალ ჯენერისა და სხვა ვარსკვლავების კადრებიც შევა.

ტეილორ სვიფტს პლაგიატში ადანაშაულებენ

ტეილორ სვიფტს პლაგიატში არც ისე იშვიათად ადანაშაულებენ. ამჯერად სასამართლოს შონ ჰოლმა და ნათან ბატლერმა მიმართეს, რომლებიც აცხადებენ, რომ სვიფტის ჰიტი „Shake It Off“ მათი სიმღერის „Playas Gon’ Play“ გადაკეთებული ვერსიაა. მათი ნამუშევარი კი 2001 წლით თარიღდება.

ვარსკვლავის წარმომადგენლებმა ბრალდებაზე კომენტარი უკვე გააკეთეს და განაცხადეს, რომ არანაირი დამადასტურებელი საბუთი ბრალმდებლებს არ აქვთ და რომ ეს ყველაფერი მათი მხრიდან მხოლოდ  ფულის გამოძალვის საშუალებაა.

მუსიკოსები, რომლებიც კომპიუტერისთვის და სმარტფონისთვის საფრთხეს წარმოადგენენ

ბრიტანულმა მუსიკალურმა ჟურნალმა NME იმ მუსიკოსების სია გამოაქვეყნა, რომლებიც ექსპერტების აზრით, კომპიუტერისთვის საფრთხეს წარმოადგენენ. რეიტინგი ანტივირუსული კომპანია McAfee-ს თანამშრომლებმა შეადგინეს. მათი აზრით, არსებობენ  კონკრეტული ვარსკვლავები, რომელთა სიმღერის ჩამოტვირტთას შესაძლოა, სერიოზული გართულებები მოჰყვეს.

პირველ ადგილზე დევიდ კრეიგი იმყოფება, მეორე ადგილს შოტლანდიოელი ემილი სანდე იკავებს, სამეულს კი ლიამ პეინი ხურავს. სწორედ ეს არის სამეული, რომელსაც კოიმპიუტერის დაზიანება ყველაზე მეტად შეუძლია.

გამოცემა მოუწოდებს მელომანებს, სიმღერების ჩამოტვირთვამდე სმარტფონში ან კომპიუტერში ძალიან ხარისხიანი ანტივირუსი დააყენოს.

ლიამ პეინმა და დიჯეი ზედმა ერთობლივი კლიპი წარმოადგინეს (ვიდეო)

ერთი თვის წინ, ლიამ პეინმა და დიჯეი ზედმა თაყვანისმცემლებს სიურპრიზი მოუწყეს და ლონდონის ქუჩებში იმპროვიზირებული წარმოდგენა გამართეს. ამჯერად კი ცნობილი ხდება, რომ გადაღებული კადრები მათ ახალ ერთობლივ ვიდეოს დაედო საფუძვლად, რომელიც ლიამის სიმღერაზე Get Law გადაიღეს.

იმისათვის, რომ კლიპის მასალა მიეღოთ, მუსიკოსებმა ტრაფალგარის მოედანზე, ოქფორდ-სტრიტსა და ლონდონის სხვა ღირსშესანიშნავ ადგილებში გაიარეს. შედეგმაც არ დააყოვნა და კლიპი სავსეა ადამიანებით, რომლებიც სიურპრიზმა გაახარა.

ვიდეო დიჯეი ზედის Youtube-არხზე 19 სექტემბერს გამოქვეყნდა.

„ლარა კროფტი: სამარხების მძარცვველი“-პირველი ოფიციალური ტრეილერი (ვიდეო)

ოფიციალური პოსტერის შემდეგ, ქსელში ლარა კროფტის შესახებ ახალი ფილმის პირველი ტრეილერი გამოქვეყნდა. ფილმში, რომელიც დიდი ხნის მანძილზე ანჯელინა ჯოლის ასოციაციას ქმნიდა, მთავარ როლს ალისია ვიკანდერი ასრულებს.

სიუჟეტი ახალგაზრდა ლარა კროფტზეა, რომელიც მამის დაწყებული არქეოლოგიური კვლევის დასრულებას გადაწყვეტს და თავის პირველ ექსპედიციაში გაემგზავრება.

„მას ფანტასტიური უნარები აქვს: ჯიუტია, უხეში და ნებისმიერ ადამიანს შეუძლია მოსთხოვოს პასუხი! ლარა ნამდვილად განსხვავდება ჩემი წინა როლებისგან“, – განაცხადა ალისიამ თავის ერთ-ერთ უკანასკნელ ინტერვიუში.

Linkin Park-ის ახალი კლიპი ჩესტერ ბენინგტტონის ხსოვნას ეძღვნება (ვიდეო)

18 სექტემბერს,  YouTube-ის ოფიციალურ არხზე Linkin Park-ის ახალი ვიდეოს „One More Light“ პრემიერა შედგა. ამ დროისთვის კლიპი, რომელიც ჩესტერ ბენინგტონის ხსოვნას ეძღვნება, 3 მილიონზე მეტმა ადამიანმა ნახა.

ვიდეო ჯგუფის ძველი კონცერტებისა და გამოსვლების კადრებისგან შედგება. კოლექტივის წევრის, მაიკ შინოდას თქმით, თავის დროზე სიმღერა სწორედ მათთვის დაწერეს, ვისაც დანაკარგი ჰყავდა, საბოლოოდ კი გამოვიდა, რომ ის თავად მათზეა.

მუსიკოსის განცხადებით, თაყვანისმცემლებისგან მხარდაჭერას მუდმივად გრძნობენ, ხოლო სიმღერა ერთ-ერთი საყვარელია მათი ახალი ალბომიდან.

კრიშტიანო რონალდო და ჯორჯინა როდრიგესი დაინიშნენ

კრიშტიანო რონალდოსა და ჯორჯინა როდრიგესის რომანი ახალ ეტაპზე გადავიდა: ფეხბურთელი და მოდელი დანიშნულები არიან. ასეთი დასკვნა ჟურნალისტებმა ლისაბონში გამართული მატჩის შემდეგ გამოიტანეს, რომელსაც წყვილი ერთად ესწრებოდა. კერძოდ კი, ფოტოგრაფებმა როდრიგესის თითზე ნიშნობის ბეჭედი დააფიქსირეს.

ოფიციალურად ეს ინფორმაცია ჯერ არ დადასტურებულა. შეგახსენებთ, რომ უახლოეს მომავალში წყვილს ქალიშვილი შეეძინება. მას გარდა კი რონალდოს სამი შვილი ჰყავს.

იმ შემთხვევაში თუ ეს სიმართლეა, ორივე მათგანისთვის ეს პირველი ქორწინება იქნება. ჯორჯინამდე კრიშტიანოს წლების მანძილზე რომანი მოდელ ირინა შეიკთან ჰქონდა, თუმცა ურთიერთობა მათ არ დაუკანონებიათ.

 

მაილი საირუსი ახალ მასალაზე მუშაობს

სანამ მაილი საირუსის თაყვანიმცემლები სულმოუთქმელად ელოდებიან მისი ახალი ალბომის Younger Now გამოსვლას, რომელიც მიმდინარე შემოდგომაზე იგეგმება, ვარსკვლავი ახალ სიმღერებზე მუშაობს. ამ დღეებში ვარსკვლავი რადიოშოუს BBC Radio 1 Live Lounge ესტუმრა, სადაც ახალ მასალაზე დეტალურად ისაუბრა.

საირუსმა აღიარა, რომ დისკის Younger Now გამოშვებისგან დიდი ხნის განმავლობაში თავს იკავებდა, თუმცა ახლა იცის, რომ ამისი დრო ნამდვილად დადგა.

მიუხედავად იმისა, რომ მაილიმ ზუსტად არ იცის, როგორი იქნება მისი შემდგომი შემოქმედება, მან უკვე ჩაწერა რამდენიმე ახალი სიმღერა, რომლებიც ახალ დისკში შევა. 24 წლის ვარსკვლავი თვლის, რომ ახალი ალბომი შესაძლოა, არ იყოს იმდენად პოპულარული, როგორც მისი წინამორბედები, რადგან ის უკვე გაზრდილი და შეცვლილია.

ქართველი დიზაინერის კაბაში გამოწყობილი კაილი მინოუგი ყურადღების ცენტრში მოხვდა

საქმროსთან, ჯოშუა სასთან დაშორების შემდეგ, კაილი მინოუგი საზოგადოებაში თითქმის აღარ გამოჩენილა.

თუმცა, გუშინ, ფილმის „კინგსმენი: ოქროს წრე“ მისული 49 წლის ვარსკვლავი განსაკუთრებული ყურადღების ცენტრში მოხვდა. კაილის თეთრი ფერის ორიგინალური კაბა ეცვა, რომელიც, როგორც გაირკვა, ამერიკაში მოღვაწე ქართველი დიზაინერის, დავიდ კომას 2017 წლის გაზაფხული/ზაფხულის კოლექციიდან იყო.

შეგახსენებთ, რომ 49 წლის კაილისა და 29 წლის ჯოშუას რომანი 2015 წელს დაიწყო. 2016 წლის თებერვალში მათ ნიშნობის შსახებ განაცხადეს, თუმცა მალევე ამ ამბის შემდეგ ისინი ერთმანეთს დაშორდნენ.

ელეგანტური ანჯელინა ჯოლი ახალი ფილმით ლოს-ანჯელესს ესტუმრა (ფოტო)

ანჯელინა ჯოლი თავისი ახალი ფილმის „თავდაპირველად მათ მამაჩემი მოკლეს“ პრომოტურს განაგრძობს. ნიუ-იორკის შემდეგ, მსახიობი ლოს-ანჯელესს ესტუმრა, მონაწილეობა მიიღო პრეს-კონფერენციაში და დასმულ კითხვებს პასუხები გასცა.

ამჯერად, ჯოლი საზოგადოებაში შვილების გარეშე გამოჩნდა. ვარსკვლავი კვლავ უზადოდ გამოიყურებოდა: მას თეთრი ფერის აბრეშუმის კაბა ეცვა და მასზე ამავე ფერის მსუბუქი მოსასხამი ჰქონდა მოფარებული. მსახიობი, რომელიც საკმაოდ ელეგანტურ ფორმაში იყო, გარშემომყოფებს ბევრს უღიმოდა.

შგახსენებთ, რომ „თავდაპირველად მათ მამაჩემი მოკლეს“ ჯოლის რეჟისორული ნამუშვარია. უახლოეს მომავალში ის „მალეფისნეტის“ მეორე ნაწილში მონაწილოების მისაღებად ემზადება.

ალეკ ბოლდუინმა თავისი „ემი“ დონალდ ტრამპს შესთავაზა (ვიდეო)

„ემის“ დაჯილდოების ცერემონიაზეც კი, ალეკ ბოლდუინმა დონალდ ტრამპის თემას გვერდი ვერ აუარა, თუმცა ეს შეუძლებელიც კი იყო, რადგან პრემია მსახიობმა სწორედ პრეიდენტის პაროდიისთვის დაიმსახურა. 59 წლის ვარსკვლავმა მისთვის განკუთვნილი ჯილდო ტრამპს ღიად შესთავაზა:

„ალბათ უნდა ვთქვა: ბატონო პრეზიდენტო, აი, თქვენი „ემი“, – განაცხადა ბოლდუინმა „მაიკროსოფტის“ თეატრის სცენიდან, სადაც ის სამადლობელ სიტყვას წარმოთქვამდა. ამის შემდეგ მან თანადგომისთვის მადლობა გადაუხადა მეუღლეს, ხოლო აშშ-ის პირველ პირზე კიდევ ერთხელ იხუმრა:

„მინდა მადლობა გადავუხადო ჩემს ცოლს, რომელთანაც სამი წლის მანძილზე სამი შვილი მეყოლა. მაგრამ გასულ წელს, ტელესეზონის დროს ის არ იყო ორსულად. არ ვიცი, არის თუ არა რამე კავშირი…მე ვიკეთებ წითურ პარიკს – და ირთვება შობადობის კონტროლი“.

ბოლდუინის ეს ტექსტი ტრამპის მიერ გამოთქმულ სიტყვას ეხებოდა შობადობის კონტროლის შესახებ. კერძოდ კი, მისი მიგრაციის პოლიტიკა ე.წ. „სამშობიარო ტურებს“ ებრძვის, რომლის ფარგლებშიც ქალები მთელი მსოფლიოს მასშტაბით შვილის გასაჩენად ამერიკაში იმისთვის მიდიან, რომ ბავშვებმა ამერიკის მოქალაქეობა მიიღონ.

ლედი გაგამ ტურნე ჯანმრთელობის გაურესების გამო გადადო

ლედი გაგამ ჯანმრთელობის პრობლემების გამო ევროპაში გასამართი კონცერტები გადადო. ინფორმაცია ამის შესახებ „ინსტაგრამზე“ გავრცელდა.

I have always been honest about my physical and mental health struggles. Searching for years to get to the bottom of them. It is complicated and difficult to explain, and we are trying to figure it out. As I get stronger and when I feel ready, I will tell my story in more depth, and plan to take this on strongly so I can not only raise awareness, but expand research for others who suffer as I do, so I can help make a difference. I use the word “suffer” not for pity, or attention, and have been disappointed to see people online suggest that I’m being dramatic, making this up, or playing the victim to get out of touring. If you knew me, you would know this couldn’t be further from the truth. I’m a fighter. I use the word suffer not only because trauma and chronic pain have changed my life, but because they are keeping me from living a normal life. They are also keeping me from what I love the most in the world: performing for my fans. I am looking forward to touring again soon, but I have to be with my doctors right now so I can be strong and perform for you all for the next 60 years or more. I love you so much.

A post shared by xoxo, Gaga (@ladygaga) on

ევროპული ტურნე 21 სექტემბერს ბარსელონაში უნდა დაწყებულიყო და 28 ოქტომბერს გერმანიაში უნდა დასრულებულიყო, თუმცა კონცერტები 2018 წელს გაიმართება. მიზეზად გაუარესებული ჯანმრთელობის მდგომარეობა სახელდება, რის გამოც მომღერალი მუდმივად ექიმების მეთვალყურეობის ქვეშ იმყოფება. სწორედ მათ ურჩიეს ვარსკვლავს, დროებით, გამოსვლებზე უარი თქვას.

ლედი გაგამ ევროპელ მსმენელს გაგებისა და სიყვარულისთვის მადლობაც გადაუხადა.

ახალ კლიპში შაკირა ცეცხლოვან ცეკვებს ასრულებს (ვიდეო)

შაკირამ თაყვანიმსცემლებს სიმღერაზე Perro Fiel გადაღებული კლიპი წარუდგინა. სიახლე მისი ახალი ალბომიდან El Dorado, რიგით მეოთხე სინგლია. ვიდეოში ვარსკვლავს მიმზიდველი ვიზუალები აქვს მორგებული და ტრადიციულად, ცეცხლოვან ცეკვებს ასრულებს.

გადაღებები ბარსელონაში მიმდინარეობდა. ნოემბრიდან კი სტარტს აიღებს მისი ტურნე, რომელიც ახალი ალბომის მხარდასაჭერად დაიგეგმა. პირველი კონცერტი გერმანიის ქალაქ კელნში გაიმართება.

ლოს-ანჯელესში „ემი 2017“–ის გამარჯვებულები გამოვლინდნენ

ლოს-ანჯელესში პრემია „ემი 2017“ დასრულდა. საუკეთესო სატელევიზიო სერიალები და პროექტები სპეციალურად შედგენილმა ჟიურიმ “მაიკროსოფტის” თეატრში გამოავლინა. გამარჯვებულთა სია ასე გამოიყურება:

საუკეთესო დრამატული სერიალი  – “მხევლის წიგნი“


საუკეთესო კომედიური სერიალი – “ვიცე პრეზიდენტი“

დრამატული სერიალის საუკეთესო მსახიობი მამაკაცი – სტერლინგ ბრაუნი, “ეს ჩვენ ვართ“

დრამატული სერიალის საუკეთესო მსახიობი ქალი – ელისაბეტ მოსი, “მხევლის წიგნი“

დრამატული სერიალის საუკეთესო მეორეხარისხოვანი მსახიობი მამაკაცი – ჯონ ლაითოუ, “გვირგვინი“

დრამატული სერიალის საუკეთესო მეორეხარისხოვანი მსახიობი ქალი – ენ დაუდი, “მხევლის წიგნი“

კომედიური სერიალის საუკეთესო მსახიობი მამაკაცი – დონალდ გლოვერი, “ატლანტა“

კომედიური სერიალის საუკეთესო მსახიობი ქალი – ჯულია ლუისი, “ვიცე პრეზიდენტი“

კომედიური სერიალის საუკეთესო მეორეხარისხოვანი მსახიობი მამაკაცი– ალეკ ბოლდუინი, “Saturday Night Live“


კომედიური სერიალის საუკეთესო მეორეხარისხოვანი მსახიობი ქალი – კეიტ მაკკინონი, “Saturday Night Live“

საუკეთესო მინი-სერიალი – “დიდი პატარა ტყუილები“

მინი-სერიალის საუკეთესო მსახიობი მამაკაცი – რიზ აჰმედი, “იმ ღამეს“


მინი-სერიალის საუკეთესო მსახიობი ქალი – ნიკოლ კიდმანი, “დიდი პატარა ტყუილები“


მინი-სერიალის საუკეთესო მეორეხარისხოვანი მსახიობი მამაკაცი – ალექსანდრ სკარსგარდი, “დიდი პატარა ტყუილები“

მინი-სერიალის საუკეთესო მეორეხარისხოვანი მსახიობი ქალი – ლაურა დერნი, “დიდი პატარა ტყუილები“

საუკეთესო რეალითი-შოუ – “ახალი ხმა“

კომედიური სერიალის საუკეთესო რეჟისორი – დონალდ გლოვერი, “ატლანტა“

დრამატული სერიალის საუკეთესო რეჟისორი – რინ მორანო,  “მხევლის წიგნი“.

 

ადგილები საზღვარგარეთ, სადაც ფოტოს გადაღება კანონით ისჯება

შვებულება – დასვენებისა და მოგზაურობის დროა, რომელსაც წლიდან წლამდე ადამიანები სულმოუთქმელად ელოდებიან.  თუმცა ზოგიერთ ქვეყნებში შესაძლოა, ისე დაარღვიოთ კანონი, რომ ამის შესახებ მხოლოდ მაშინ გაიგოთ, როდესაც ჯარიმის გადახდა და პასუხისგება მოგიწევთ.

 

ჰოლანდია, ამსტერდამი

წითელი ფანრების ქუჩა ცნობილია თავისი ბორდელებით, არხებითა და კაფეებით. ამ უბანში ვერ იტანენ კამერიან ტურისტებს, რომლებიც ფანჯრებში მდგომი მეძავების გადაღებას ცდილობენ. თუ აპარატით დაგინახავენ, უკეთეს შემთხვევაში მას წაგართმევენ, უარეს შემთხვევაში კი – გცემენ.

 

სამხრეთ კორეა

ამ ქვეყანაში ქალების გადაღება მათი ნებართვის გარეშე საზოგადოებრივ ადგილებშიც კი აკრძალულია. ეს ქმედება სექსუალურ ძალადობად ითვლება და ის შესაძლოა 5 წლამდე ციხედ და 10 მილიონ ვონად დაგიჯდეთ.

 

აშშ

ბუნებრივია, კანონი აქ გაცილებით ლოიალურია, ვიდრე სამხრეთ კორეაში. აქ შესაძლოა იმისთვის მოგედავონ, რომ სურათი სხვისი პირადი საკუთრების ფონზე გადაიღეთ. გაუგებრობაში რომ არ მოხვდეთ, უბრალოდ დააკვირიდთ სპეციალურ ამკრძალავ ნიშნებს. ამ შემთხვევაში უცხო ქვეყანაში ყველანაირი უსიამოვნებას ასცდებით.

 

არაბთა გაერთიანებული ემირატები

არაკანონიერი ფოტო აქ 1-დან 3 წლამდე ციხე და 1 361 დოლარი დაგიჯდებათ. ეს კი იმ შემთხვევაში თუ შეიხის სასახლის, ზოგიერთი ხიდის ან ხელისუფლების შენობის გადაღებას მოისურვებთ.

 

ჩრდილოეთ კორეა

თუკი აქ მოხვდებით, მზად უნდა იყოთ იმისთვის, რომ უამრავი აკრძალვის „მსხვერპლი“ გახდებით: მაგალითად, სასტუმროდან გიდის გარეშე ვერ გახვალთ და ვერც მისი ნებართვის გარეშე შეძლებთ ფოტოს გადაღებას.  თუკი შეეწინააღმდეგებით,  ჯარიმა გელით, თანაც საკმაოდ ცუდი ფორმით.

 

ინგლისი

აქ სამოყვარულო ფოტოს გადაღება თითქმის ყველგან შეგიძლიათ, მაგრამ თუ საუბარი კომერციულ გადაღებას შეეხება, ამისთვის სპეციალური ნებართვა გჭირდებათ. მაგალითად, ტრაფალგარის მოედნის ან პარლამენტის მოედნის გადაღება სპეციალური თანხმობის გარეშე  აკრძალულია.

 

იაპონია

იაპონიაში გარკვეული ძეგლებისა და ტაძრების გადაღება არ შეიძლება. მიზეზი კი ის არ ის, რომ ამ გზით შეიძლება სულები გააბრაზოთ. ქვეყნის მასშტაბით ბევრგან შეხვდებით სიას, სადაც აკრძალული ადგილები სპეციალურად არის მონიშნული. ზოგიერთი მათგანის გადაღება კი წელიწადის განსაზღვრულ დროშია შესაძლებელი.

„ჯონ უიკი 3“-ის პრემიერის თარიღი ცნობილია

სტუდიებმა Lionsgate და Summit „ჯონ უიკი 3“-ის დიდ ეკრანებზე გამოსვლის თარიღი გაამხილეს. ფილმს კიანუ რივზის მონაწილეობით მაყურებელი 2019 წლის 17 მაისს იხილავს.

შეგახსენებთ, რომ პირველმა ნაწილმა მსოფლიო კინოგაქირავებაში 88, ხოლო მეორე ნაწილმა – 170 მილიონი დოლარი გამოიმუშავა. ორივე მათგანში რივზს პარტნიორობა ტომას სადოსკიმ, რუბი როუზმა, იენ მაკშეინმა და სხვა ვარსკვლავებმა გაუწიეს.

მესამე სერიას, წინა ორის მსგავსად, ჩად სტაჰელსკი გადაიღებს.

ევროპის ყველაზე ბედნიერი ქალაქი გამოვლინდა

სტატისტიკის სააგენტომ Eurostat, ევროპის ყველაზე ბედნიერი ქალაქები გამოავლინა. შერჩევა მთელი რიგი კრიტერიუმების გათვალისწინებით მოხდა: მაცხოვრებლების კმაყოფილების, საერთაშორისო ადგილების, ჯანმრთელობის, ეკოლოგიისა და განათლების გათვალისწინებით.

როგორც გაირკვა, ცხოვრებით ყველაზე მეტი კმაყოფილი ადამიანი ვილნიუსში ცხოვრობს. რაც შეეხება ღირსშესანიშნავ ადგილებს, ამ მხრივ საუკეთესო სიტუაცია ვენაშია, ეკოლოგიის თვალსაზრისით მოწინავე ადგილზე ლუქსემბურგია, ჯანმრთელობას ყველაზე ნაკლებად ამსტერდამში უჩივიან.

ხოლო განათლების დონე ყველაზე მაღალი დუბლინში აღმოჩნდა.

ლანა დელ რეიმ ახალი კლიპი გამოუშვა (ვიდეო)

სიმღერაზე White Mustang მომღერალმა ლანა დელ რეიმ კლიპი წარმოადგინა. მასში მომღერალი ჩვეულ სტილს არ ღალატობს: ნელი და ლირიული მელოდია  შესაბამისი კადრებით არის დატვირთული, თავად მომღერალი კი კვლავ გასული საუკუნის სტილს წარმოადგენს.

სიუჟეტი ორი ადამიანი რომანტიკულ ურთიერთობას აღწერს. სიმღერა ვარსკვლავის ახალ ალბომში „Lust for Life“ შევა.

ახალი ფილმის პრემიერაზე მისული ჯენიფერ ლოურენსი ზღაპრულ პრინცესას შეადარეს (ფოტო)

ჯენიფერ ლოურენსი ახალი ფილმის პრომოტურს განაგრძობს. დარენ არონოფსკისთან ერთად, რომლის ახალ ფილმშიც „დედა!“ მსახიობი მთავარ როლს ასრულებს, ლოურენსი და გადამღები ჯგუფის სხვა წევრები სხვადასხვა ქვეყანას სტუმრობენ. ამჯერად ფილმის პრემიერა ნიუ-იორკში გაიმართა.

წითელ ხალიჩაზე გასასვლელად 27 წლის ვარსკვლავმა Dior-ის ზღაპრული კაბა შეარჩია. ვარსკვლავი დისნეის პრინცესას შეადარეს და განაცხადეს, ის საშინელებათა ჟანრის ნაცვლად, მულტფილმების ეკრანიზაციებში უნდა მონაწილოებდეს.

წითელ ხალიჩაზე გასვლამდე ანჯელინა ჯოლის შვილები დასცინიან

ტორონტოს კინოფესტივალზე, ანჯელინა ჯოლი ექვსივე შვილთან ერთად გამოცხადდა. ვარსკვლავი წითელ ხალიჩაზე სრული შემადგენლობით გავიდა და ბუნებრივია, ადგილობრივი ჟურნალისტების რამდენიმე კითხვასაც გასცა პასუხი.

კითხვაზე, რას ფიქრობენ ბავშვები წითელ ხალიჩაზე გასვლის დროს, ჯოლიმ მიუგო: „ისინი აღფრთოვანებულები არიან. სიმართლე რომ ვთქვა, არ ვიცი რა უფრო აოცებთ მათ: გარემო თუ ის, როგორ გამოვიყურები. მათთვის უფრო ორგანულია სახლში საღამურით მხედავდნენ, როდესაც საუზმეს ვამზადებ. უფრო სწორი იქნება თუ ვიტყვი, რომ ისინი დასცინიან ხოლმე ჩემს ვიზუალს“.

შეგახსენებთ, რომ კინოფესტივალზე ანჯელინამ თავისი ახალი ფილმი „თავდაპირველად მათ მამაჩემი მოკლეს“ წარადგინა.

ვარსკვლავები ცხოველთა დაცვის საქველმოქმედო აქციაში

ამ დღეებში, ჰოლივუდის ვარსკვლავების დიდი ნაწილი ტორონტოს კინოფესტივალის წითელ ხალიჩაზე ბრწყინავდა. თუმცა, გადატვირთული გრაფიკის მიუხედავად, მათ ქველმოქმედებისთვისაც მოიცალეს. ბენედიქტ კამბერბეტჩმა, მარგო რობიმ, ჩარლი ჰანემმა და სხვა ცნობილმა სახეებმა მონაწილეობა მიიღეს ცხოველთა დაცვის საქველმოქმედო აქციაში.

ფოტოსესია ჟურნალ People-ის ორგანიზებით შედგა და ამჯერად ის კანადის ცხოველთა თავშესაფრის Finding Them Homes დასახმარებლად გაიმართა.

ზემოთ ჩამოთვლილების გარდა კი მასში კეიტ უინსლეტს, ნიკოლას ჰოლტს, კოლინ ფარელს, ელ ფანინგსა და სხვა ვარსკვლავებს შეხვდებით.

ბეჰატი პრინსლუ და ადამ ლევინი მეორე შვილს ელოდებიან (ფოტო)

Victoria’s Secret-ის მოდელი, ბეჰატი პრინსლუ და მუსიკოსი ადამ ლევინი მეორე შვილს ელოდებიან. ინფორმაცია ამის შესახებ ცნობილი ბეჰატის „ინსტაგრამიდან“ გახდა. მოდელმა გამოაქვეყნა ფოტო წამოზრდილი მუცლით და წარწერით: „მეორე რაუნდი“.

ROUND 2…..

A post shared by Behati Prinsloo Levine (@behatiprinsloo) on

შეგახსენებთ, რომ 2016 წლის სექტემბერში ქვეყანას მათი ქალიშვილი, დასტი როუზ ლევინი მოევლინა. ბეჰატისა და ადამის რომანი 2012 წელს დაიწყო, ამის შემდეგ გარკვეული პერიოდი ისინი დაშორებულები იყვნენ, თუმცა მალევე შერიგდნენ და 2014 წლის ზაფხულში ქორწილი გადაიხადეს.

 

ვარსკვლავები სტიქიის შედეგად დაზარალებულთა მხარდასაჭერ ტელემარათონში

სამშაბათს საღამოს, ვარსკვლავების მონაწილეობით საქველმქომედო საღამო Hand in Hand გაიმართა, რომელშიც მსოფლიოს ა კატეგორიის ვარსკვლავები მონაწილეობდნენ. მიზეზი – ქარიშხალ „ირმასა“ და „ჰარვის“ შედეგად დაზარალებულთა დახმარება იყო.

ღონისძიებაში მონაწილეობდნენ: ბიონსე, ჯასტინ ბიბერი, ჯორჯ კლუნი, შერი, ლეონარდო დიკაპრიო, სტივ უანდერი, ჯეიმი ფოქსი და სხვები. ისინი მოუწოდებდნენ მაყურებლებს, რომ კატასტროფის შედეგად დაზარალებულებს დაეხმარონ.

ტელემარათონში, რომლებსაც ცნობილი სახეები უძღვებოდნენ, პირველივე საათის მანძილზე 14 მილიონი დოლარი მოგროვდა.

საღამო სტივ უანდერმა გახსნა, რომელმაც თავისი ცნობილი ჰიტი Lean on me გოსპელ-გუნდთან ერთად შეასრულა.

ბიონსე ვიდეომიმართვაში რასობრივ თემატიკას შეეხო და განაცხადა, რომ ადამიანები კანის ფერისა და გენდერული მაჩვენებლების მიუხედავად ერთმანეთს უნდა დაეხმარონ. „სტიქია ყველას გვაერთიანებს. ის ვერ ხედავს, ემიგრანტი ხარ, ფერადკანიანი, მუსლიმი, მდიდარი თუ ცუდი ადამიანი… ყველა ერთნი ვართ“, – განაცხადა ბიონსემ.

შეგახსენებთ, რომ ბოლო ერთი თვის განმავლობაში, ორმა ძლიერმა ქარიშხალმა ამერიკის სამხრეთ ნაწილს გადაუარა. დაღუპულთა ზუსტი რიცხვი ცნობილი ჯერ კიდევ არ არის, რაც შეეხება ზარალს, ის ასობით მილიარდ დოლარს შეადგენს.

გაი რიჩის „ალადინის“ პემიერის თარიღი ცნობილია

გაი რიჩის ახალი პროექტის, „ალადინის“ პრემიერა ცნობილია. არაბი ბიჭისა და პრინცესას სიყვარულის შესახებ გადაღებული სრულმეტრაჟიანი ფილმი დიდ ეკრანებზე 2019 წლის 24 მაისს გამოვა.

ცნობილია, რომ „ალადინის“ გარდა სტუდია Walt Disney-მ კიდევ რამდნეიმე ხმაურიანი პროექტიც დააანონსა:  იუენ მაკგრეგორის მონაწილეობით „რობინ ჰუდი“ დიდ ეკრანებზე 2018 წლის 3 ნოემბერს გამოვა, ხოლო 2019 წლის 9 აგვისტოს კი მაყურებელი ოუენ კოლფერის წიგნის მიხედვით გადაღებულ „არტემის ფაულს“ იხილავს, რომლის გადაღებები 10 წლის მანძილზე იდებოდა.

„ვიკინგები“ მეექვსე სეზონით გააგრძელეს

საკაბელო ტელეარხმა History ოფიციალურად დაადასტურა ინფორმაცია იმის შესახებ, რომ სერიალი „ვიკინგები“ მეექვსე სეზონით გაგრძელდება. მაიკლ ჰერსტის ისტორიული დრამის ახალი სეზონი 20 სერიისგან იქნება შემდგარი, გადაღებები კი უახლოეს მომავალში ირლანდიაში დაიწყება. ცნობილი ხდება ისიც, რომ ერთ-ერთი  ეპიზოდის რეჟისორი სერიალის ვარსკვლავი, კეტრინ უინიკი იქნება.

შეგახსენებთ, რომ პროექტის მეხუთე სეზონის პირველი ნახევრის პრემიერა 29 ნოემბერს იგეგმება, მეორე ნახევარს კი 2018 წელს უჩვენებენ.

უკანასკნელი მონაცემებით, მეოთხე სეზონის ყოველ სერიას თვალს დაახლოებით 8 მილიონი ადამიანი ადევნებდა.

ის, რაც ახალ iPhone 8-ზე, iPhone 8 Plus-სა და iPhone X-ზე აუცილებლად უნდა იცოდეთ

გუშინ, 12 სექტემბერს, კომპანია Apple-მა ერთგულ თაყვანისმცემლებს სამი ახალი სმარტფონი – iPhone 8, iPhone 8 Plus da iPhone X წარუდგინა. ეს იყო თარიღი, რომელსაც არამარტო აღნიშნული ბრენდის, არამედ სრულიად ტექნო-სამყაროს წარმომადგენლები სულმოუთქმელად ელოდნენ.  უფრო დეტალურად:

 

iPhone 8 და iPhone 8 Plus

ორივე მოდელი სამ ფერში იქნება ხელმისაწვდომი: ვერცხლისფერში, ნაცრისფერსა (მუქი ნაცრისფერი, თითქმის შავი) და ოქროსფერში (ვარდისფერის ელფერით). 4s-ის მსგავსად, ისინი სარკის ზედაპირით იქნება.

რაც შეეხება ტექნიკურ მახასიათებლებს – წლეს, Apple-ს iPhone-ის გამოსვლის 10 წლის იუბილე აქვს, ამიტომ ახალ სმარტფონებს მის წინამორბედებთან შედარებით მძლავრი პროცესორი – А11 ექნება, რომელშიც ექვსი დაყოფილი ბირთვია. ამას გარდა, ორივე მათგანი წყალგამძლე იქნება. მწარმოებლებმა ექსპლუატაციის კომფორტზეც იზრუნეს და სიახლეს სწრაფი უსადენო დამტენი მიანიჭეს.

კამერა

კომპანიის სპეციალისტების მტკიცებით, iPhone 8-ს მსოფლიოს ნებისმიერ სმარტფონზე უკეთესი კამერა აქვს: ვერტიკალური ორმაგი კამერა, 12 მეგაპიქსელია გარჩევადობით, რაც შეეხება ოპტიკურ ნაწილს, 1,8 იქნება ძირითადის, ხოლო 2,8 – წინა კამერის. პორტრეტის რეჟიმში მას ფონის დაბნელება შეუძლია.

ფასი

iPhone 8 – 700, ხოლო iPhone 8 Plus – 900 დოლარი ღირს.

 

iPhone Х

ერთი შეხედვით, საიუბილეო სმარტფონი ერთ დროს პოპულარულ iPhone 4/4s-ს მოგვაგონებს. ხელმისაწვდომია ვერცხლისფერ და ნაცრისფერ ტონალობებში.

6 ბირთიანი მიკროპროცესორი A11 გარანტიას გაძლევთ, რომ App Store-ის ნებიმსიერ აპლიკაციაში ის შეფერხების გარეშე იმუშავებს. iPhone Х-ის შემქმნელების მტკიცებით, სიახლე iPhone 7-თან შედარებით 70%-ით ეფექტურად იმუშავებს. სიახლეს Dolby Vision-ის ტექნოლოგია, HDR 10 და ფერების ოპტიმიზაციის სისტემა True Tone აქვს.

კამერა

iPhone Х აღჭურვილია სპეციალური პორტრეტის რეჟიმით, რომელიც იდეალური სელფის გადაღების საშუალებას მოგცემთ. სპეციალისტებმა მოწყობილობის მეპატრონეებს  Face ID შესთავაზეს, რაც იმას ნიშნავს, რომ სმარტფონის განბლოკვა სახის სკანერით იქნება შესაძლებელი. True Depth-ის კამერის საშუალებით კი თავად შექმნით ანიმირებულ ემოძის, რომელიც ავატარის მიმიკებს გაიმეორებს.

ფასი

64 გიგაბაიტიანი მოწყობილობის ფასი 999, ხოლო 256 გიგაბაიტიანი სმარტფონის ფასი 1150 დოლარიდან დაიწყება.

ლედი გაგამ ტორონტოს კინოფესტივალზე საკუთარი დოკუმენტური ფილმი წარმოადგინა

ბოლო თვეებია ლედი გაგა აქტიურად მოღვაწეობს თავის კარიერაში – მართავს კონცერტებს, მონაწილეობს კინოში, წერს ახალ ჰიტებს და ამ ყველაფრის პარალელურად ამზადებს ახალ დოკუმენტურ ფილმს. პროექტს Gaga: Five Foot Two ჰქვია და ის ვარსკვლავის კულისებს მიღმა ცხოვრებას აღწერს.

გუშინ, ტორონტოს კინოფესტივალზე მომღერლის ნამუშევარის პრეზენტაცია შედგა. წითელ ხალიჩაზე პოზირების შემდეგ, ვარსკვლავი სცენაზე ავიდა და თავისი ჰიტი „Bad Romance“ შეასრულა.

ტეილორ სვიფტი საკუთარი ცხოვრების პირად დეტალებს აჩვენებს

ტეილორ სვიფტმა საკუთარი ვიდეოსერვისის Taylor Swift NOW შექმნა გადაწყვიტა, რომელიც ვარსკვლავის ცხოვრების პირად დეტალებს აჩვენებს.

მომღერალმა სოციალურ ქსელში ვიდეოები გამოაქვეყნა, სადაც სხვადასხვა აქტივობებია ასახული.  თითოეულ მათგანს კი კადრს მიღმა ხმა ადევს, რომელიც ყველა დეტალს აღწერს და მიმდინარე მოვლენებს აღწერს.

სელენა გომესი ვუდი ალენის ფილმის გადაღებებზე (ფოტო)

რამდენიმე თვის წინ გავრცელდა ინფორმაცია იმის თაობაზე, რომ ვუდი ალენის ახალ ფილმში სელენა გომესი მიიღებს მონაწილეობას. გუშინ, 11 სექტემბერს, 25 წლის ვარსკვლავი ნიუ-იორკში, გადასაღებ მოედანზე დააფიქსირეს.

პარტნიორობას ფილმში სელენას ელ ფანინგი, ტიმოთი ჩალამეტი და ჯუდ ლოუ უწევენ. ეს უკანასნელი ქასტს ცოტა ხნის წინ შეუერთდა. თავად ფილმზე ცნობილი ბევრი არაფერია, მათ შორის სახელწოდებაც.

აღსანიშნავია, რომ სელენასთვის ეს სადებიუტო ფილმი არ იქნება, თუმცა ალენის მსგავს რეჟისორებთან მას არ უმუშავია. გომესის უკანასკნელი ნამუშევარი – სერიალი „13 მიზეზი რატომ“ არის, რომლისთვისაც ის პროდიუსერიც იყო.

ჯენიფერ ლოურენსმა „იქს ადამიანებში“ მონაწილეობა დაადასტურა

კანადაში „იქს ადამიანების“ მომდევნო ნაწილის გადაღებები მიმდინარეობს და ჯენიფერ ლოურენსმა მასში მონაწილეობა ოფიციალურად დაადასტურა. „ბნელი ფენიქსი“ – ასე ერქმევა მომდევნო სერიას და ლოურენსს პარტნიორობას მაიკლ ფასბენდერი და ჯეიმს მაკევოი გაუწევენ.

აღსანიშნავია, რომ ჯენიფერმა რამდენჯერმე უარო ფილმში მონაწილეობა, თუმცა როგორც ჩანს, საბოლოოდ გადაწყვეტილება შეცვალა.

„იქს ადამიანები: ბნელი ფენიქსი“ დიდ ეკრანებზე 2018 წლის 2 ნოემბერს გამოვა.

 

მსოფლიო ჰიტები, რომლებიც სინამდვილეში მოპარული აღმოჩნდა

პაბლო პიკასო ამბობდა: „კარგი მხატვრები აკოპირებენ, დიდებულები კი იპარავენ“.  როგორც ჩანს, ის მართალი იყო: ყველა შემოქმედი ერთ ინფორმაციულ ველში მუშაობს, ხოლო სხვების მიერ მოპოვებული წარმატებული სვლების საუკეთესოდ გადაკეთება – გენიალური ნაწარმოების განუყოფელი ნაწილია.

კიდევ უფრო რთულად არის საქმე მუსიკაში. არსებობს მსოფლიო ჰიტები, რომლებიც ნაკლებად ცნობილი მუსიკოსების შემოქმედების პლაგიატს წარმოადგენს.

 

Coldplay vs. ჯო სატრიანი

ჯო სატრიანიმ Coldplay-ს 2009 წელს უჩივლა. ის ამტკიცებდა, რომ ჰიტი „Viva La Vida“ მისი ნამუშევრის „If I Could Fly“ ინსტრუმენტული ნაწილის იდენტური იყო. ბრიტანული ჯგუფის წევრების თქმით კი, ეს მხოლოდ დამთხვევაა და მსგავსებით თავადაც გაოცებულები არიან.

 

 

The Beatles  vs. ჩაკ ბერი

ჩაკ ბერიმ მალევე შეძლო იმისი დამტკიცება, რომ ლივერპულელი ოთხეულის ჰიტი „Come Together“ სხვა არაფერია მისი ჰიტის „You Can’t Catch Me“ შენელებული ვერსია.  საქმის წაგების შემდეგ ჯონ ლენონმა მელანქოლიური ტონით განუცხადა პრესას, რომ თაყვანისმცემლების იმედგაცრუებისთვის დრო უბრალოდ არ აქვს.

 

Nirvana vs. Killing Joke

სიმღერის „Come As You Are“ გამოშვების მომენტში კურტ კობეინი ძალიან ღელავდა: პოტენციური ჰიტი ძალიან ჰგავდა Killing Joke-ის ნამუშევარს „Eighties“, რომელიც რამდენიმე წლით ადრე გამოვიდა.

სასამართლო კი გაურკვევლად დასრულდა: კობეინის სიკვდილმა ამ საქმეს სამუდამო კითხვის ნიშანი დაუსვა.

 

RHCP vs. ტომ პეტი

RHCP-ის სასარგებლოდ, ტომ პეტი არასოდეს განეკუთვნებოდა იმ მუსიკოსების რიცხვს, რომლებიც სიმართლის დამტკიცებას სასამართლოს გზით ცდილობენ. რა თქმა უნდა, მან არაჩვეულებრივად იცოდა, რომ „Dani California“ ძალიან ჰგავდა მის ნამუშევარს „Mary Jane’s Last Dance“, თუმცა ეს საკითხი მას დიდად არ აწუხებდა.

 

Led Zeppelin vs. Muddy Waters

Led Zeppelin-ის მიმართ მსგავსი ბრალდებები უხვად მოიპოვება. ერთ-ერთი ასეთი შემთხვევის დროს, რობერტ პლანტმა გულახდილად აღიარა, რომ  Muddy Waters-ის სიმღერა „You Need Love“ ნამდვილად გამოიყენა სიმღერაში, რადგან არ იცოდა, რაზე ემღერა. საქმე სასამართლოს გარეთ მოგვარდა.

„თავისუფლების ორმოცდაათი ელფერი“: პირველი თიზერი გამოქვეყნდა (ვიდეო)

„გრეის ორმოცდაათი ელფერის“ დასკვნითი ნაწილის პრემიერა მომავალი წლის თებერვალში გაიმართება, თუმცა ქსელში ახალი ნაწილის თიზერი გამოქვეყნდა, სრული ტრეილერი კი ნოემბერში გამოვა.

ცნობილი ტრილოგიის ახალ ნაწილს „თავისუფლების ორმოცდაათი ელფერი“ ჰქვია და სცენარისტებმა მასში ყველაფერი „ჩატიეს“: ქორწილი, რომანტიკული თაფლობის თვე, ახალი უსიამოვნებები, არასასურველი „სტუმრების“ დაბრუნება წარსულიდან და ა.შ.

ფილმი დიდ ეკრანებზე 2018 წლის 8 თებერვალს გამოვა.

 

ზაფხულის ყველაზე პოპულარული კლიპები გამოვლინდა

2017 წლის ზაფხული დასრულდა და დრო დადგა, ყველაზე პოპულარული კლიპი გამოვლინდეს. როგორც მოსალოდნელი იყო, პირველი ადგილი ლუის ფონსის ჰიტმა „Despacito“ დაიკავა, რომლის ვიზიტორთა რიცხვმა YouTube 4 მილიარდს მიაღწია.

რეიტინგის მეორე ადგილზე ედ შირანის „Shape of You“ იმყოფება, სამეულს კი მალუმას „Felices los 4“ ხურავს.

საუკეთესო ათეულში ასევე მოხვდნენ: ჯეისონ დერულო და ნიკი მინაჟი დუეტით „Swalla“, Clean Bandit-ის „Rockabye“, შაკირას „Chantaje“, ჯასტინ ბიბერის, ლილ უეინის, DJ Khaled-ისა და Chance the Rapper-ის „I’m the One“ და ა.შ.

აღსანიშნავია, რომ რეიტინგში მხოლოდ 29 მაისიდან 4 სექტემბრის ჩათვლით გამოსული კლიპები მოხვდა.

ვენეციის 74-ე კინოფესტივალის მთავარი პრიზი გილერმო დელ ტორომ მიიღო

ვენეციის 74-ე კინოფესტივალის მთავარი პრიზი გილერმო დელ ტოროს ფრანტასტიკურმა დრამამ, „წყლის ფორმამ“ დაიმსახურა. „ოქროს ლომი“ რეჟისორს ჟიურიმ და ამერიკელმა მსახიობმა, ანეტ ბენინგმა გადასცა.

„წყლის ფორმა“ კრიტიკოსებმა დელ ტოროს ერთ-ერთ ყველაზე წარმატებულ ნამუშევრად დასახელდა.

კინოფესტივალის გრან-პრი სემიუელ მაოზას დრამამ „ფოქსტროტმა“ დაიმსახურა, რომელმაც „ოქროს ლომი“ 2009 წელსაც  მიიღო.

მშობიარობის შემდეგ ირინა შეიკი პოდიუმზე პირველად გავიდა (ფოტო)

ბრედლი კუპერი და ირინა შეიკი მშობლები მხოლოდ ნახევარი წლის წინ გახდნენ, სუპერმოდელიკი  უკვე რამდენიმე თვეა თავის საქმიანობას დაუბრუნდა.

გუშინ კი, ნიუ-იორკის მოდის კვირეულის ფარგლებში, 31 წლის შეიკი Philipp Plein-ის ჩვენებაზე გამოვიდა. ლამაზმანი პოდიუმზე კოლეგებთან – ადრიანა ლიმასთან, ელზა ჰოსკთან, ტეიანა ტეილორთან და სხვა მოდელებთან ერთად გამოჩნდა.

ირინა არაჩვეულებრივ ფიზიკურ ფორმაშია და ეს ამჯერადაც დადასტურდა.

ლედი გაგა მუსიკისგან დაისვენებს

მომღერალი ლედი გაგა მუსიკისგან დაისვენებს. ვარსკვლავის თქმით, მან „ტემპის შენელება“ გადაწყვიტა, რათა „განახლებისთვის“ დრო დარჩეს. მომღერლის განცხადებით, დასვენების პერიოდში ის სიმღერების წერას არ შეწყვეტს.

აღნიშნული ფაქტის შესახებ ცნობილი ტორონტოში გამართული კონცერტის მსვლელობისას გახდა.

შეგახსენებთ, რომ ცოტა ხნის წინ მომღერალი ფილმში „ვარსკვლავის დაბადება“ გადაღებებს მორჩა, რომელიც ბრედლი კუპერის რეჟისორულ დებიუტს წარმოადგენს.

 

ბენედიქტ კამბერბეტჩი ტომას ედისონის როლში (ვიდეო)

სტუდია The Weinstein Company-ის ოფიციალურ YouTube-არხზე ფილმის „The Current war” ტრეილერი გამოქვეყნდა.  ფილმი ტომას ედისონის ცხოვრებას შეეხება და მას რეჟისორი ალფონსო გომეს-რეჰონი იღებს. კამბერბეტჩს პარტნიორობას ტომ ჰოლანდი, ტაპეს მიდლტონი, კეტრინ უოტერსტონი და სხვა მსახიობები უწევენ.

ფილმი დიდ ეკრანებზე ნოემბერში გამოვა.

ზეინ მალიკმა და სიამ ახალი კლიპი წარმოადგინეს (ვიდეო)

რამდენიმე დღის წინ, ზინ მალიკმა თაყვანისმცემლები ახალი ნამუშევრით დააინტრიგა, როდესაც ქსელში მისი და სიას კლიპიდან ნაწყვეტი წარუდგინა. 7 სექტემბერს კი ახალი ვიდეოს „Dusk Till Dawn“ პრეზენტაცია შედგა, სადაც ზეინს პარტნიორობას მსახიობი ჯემა კერკი უწევს.

კლიპის რეჟისორი ცნობილი მარკ უებია. „ახალი ადამიანი-ობობას“ შემქმნელის ხელი ვიდეოს ნამდვილად ეტყობა – ის მოკლემეტრაჟიან საბრძოლო ჟანრის ნამუშევერს წარმოადგენს.

ჯუდ ლოუ ვუდის ალენის ახალი ფილმის გადაღებებს შეუერთდა

ვუდი ალენის ახალი ფილმის შემადგენლობას, რომელშიც სელენა გომესი, ელ ფანინგი და ტიმოთი შალამეტი მონაწილეობენ, ჯუდ ლოუც შეუერთდა.

როგორც ყოველთვის, რეჟისორის ახალი ნამუშევრის სიუჟეტი მკაცრად არის გასაიდუმლოებული. არაოფიციალური ინფორმაციით, ის მოზარდების სასიყვარულო ურთიერთობას შეეხება.

რაც შეეხება ალენს, ეს მესამე ფილმი იქნება, რომელიც ლეგენდარულმა რეჟისორმა Amazon Studios-თვის გადაიღო. ადრე კომპანიამ „მაღალი საზოგადოება“ წარმოადგინა, 1 დეკემბერს კი ფილმი „Wonder Wheel” გამოდის, სადაც მთავარ როლებს კეიტ უინსლეტი და ჯასტინ ტიმბერლეიკი ასრულებენ.

ჯორჯ მაიკლის ახალი სიმღერა ქსელში უკვე ხელმისაწვდომია (აუდიო)

2016 წლის ბოლოს, 53 წლის ასაკში მომღერალი ჯორჯ მაიკლი გარდაიცვალა. მისი უკანასკნელი ნამუშევარი „White Ligh“t იყო, რომელიც პირველად ლონდონის 2012 წლის ოლიმპიადაზე გაჟღერდა.

ამ დღეებში კი მაიკლის ახალი სიმღერა „Fantasy“ გამოიცა. თავდაპირველად, ეს სიმღერა 1980 წელს ჩაიწერა, ახალი რელიზისთვის კი ის პროდიუსერმა ნაილ როჯერსმა გადაამუშავა.

როგორც გამოცემა NME წერს, მაიკლმა როჯერსს თავისი მეორე ალბომის „Listen without Prejudice“ ხელახლა გამოცემისთვის მიმართა. სიმღერის ახალი ვერსია დისკის განახლებულ ვერსიაში „Listen without Prejudice/MTV Unplugged“ შევა, რომლის პრეზენტაციაც ოქტომბერში იგეგმება.

6 ყველაზე რომანტიკული საშემოდგომო ფილმი

ზაფხული დასრულდა. წინ ზამთარია, თუმცა სანამ ცივი ამინდები დაიწყება, შემოდგომის მცირე, მაგრამ საკმაოდ რომანტიკული ნაწილი უნდა გავიაროთ, რომელიც რამდენიმე კინოთერაპიის გარეშე, თითქმის წარმოუდგენელია.

არსებობს რამდენიმე კინოჰიტი, რომელთა ნახვაც შემოდგომას განსაკუთრებით უხდება – პერიოდულად გულიანად იცინებთ, ხანაც იტირებთ, მაგრამ განწყობას, რომელიც წელიწადის ამ დროსთან ასოცირდება, აუცილებლად შეიძენთ.

„შემოდგომა ნიუ-იორკში“

საშემოდგომო ფილმების რეიტინგის დაწყება ამ ფილმის გარეშე წარმოუდგენელია. რიჩარდ გირმა და უაინონა რაიდერმა სამუდამოდ შექმნეს გრძნობა, რომელიც განუკურნებელ დაავადებაზე მაღლა დგას და ეს ყველაფერი ულამაზესი შემოდგომის ნიუ-იორკის პეიზაჟების ფონზე.

 

„ტკბილი ნოემბერი“

ფილმი, რომელსაც ცხოვრებაში ერთხელ მაინც უნდა უყუროთ. ყველაზე კომფორტული მელოდრამა კიანუ რივზისა და შარლიზ ტერონის მონაწილეობით. სიუჟეტის ცენტრში წარმატებული სარეკლამო აგენტი ნელსონ მოსია. ერთ დღეს ის ექსცენტრიულ სარა დივერს გაიცნობს, რომელიც მის ცხოვრებას თავდაყირა დააყენებს.

 

„მოდი, სექტემბერო“

რომანტიკული კომედია ჯინა ლოლობრიჯიდასა და როკ ჰადსონის მონაწილეობით. ფილმი უკვე 50-ზე მეტი წლისაა, თუმცა უფრო ახლისა და უფრო სასაცილოს მოფიქრება ამ დროის განმავლობაში ვერავინ შეძლო. ულამაზესი მსახიობები, უჩვეულო პეიზაჟები და ძალიან სასაცილო ხუმრობები – ფილმი შემოდგომის დეპრესიის მქონე ადამიანებს სამკურნალო წამლის სახითაც კი უნდა გამოეწეროთ.

 

„შემოდგომის სონატა“

ფილმმა, რომელიც დედა-შვილს შორის რთულ ურთიერთობას აღწერს, „ოსკარის“ ორი ნომინაცია, პრემია „სეზარი“ და „ოქროს გლობუსი“ დაიმსახურა კატეგორიაში „საუკეთესო უცხოური ფილმი“. ინგრიდ ბერგმანი და ლივ ულმანი განუმეორებელ ისტორიას შემოგთავაზებენ და აუცილებლად აგატირებენ.

 

„სახლი ტბასთან“

დრამა კიანუ რივზის მონაწილეობით ცუდი არასოდეს არის, განსაკუთრებით კი თუ მას პარტნიორობას სანდრა ბულოკი უწევს. ერთი შეხედვით, მთავარ გმირებს აერთიანებთ სახლი, სადაც სანდრა უკვე ცხოვრობდა, ხოლო კიანუ ახლა იწყებს ცხოვრებას. ისინი მიმოწერას დაიწყებენ, რომელიც საკმაოდ დიდ უცნაურობას გამოარკვევს: რივზი 2004 წელშია, ხოლო ბულოკი – 2006-ში. მოქმედება რამდენიმე თვის განმავლობაში ვითარდება, მათ შორის შემოდგომაზეც. ფილმის პეიზაჟები კი კლასიკად იქცა. კრიტიკოსები მოუწოდებენ, არ ჩაუღრმავდნენ ფილმის მოქმედების ლოგიკურობას, არამედ აყვნენ ემოციებს – მხოლოდ მაშინ მიიღებთ მისგან ნამდვილ სიამოვნებას.

 

„სექტემბერი“

ვუდი ალენი ამ ფილმს ჩავარდნას უწოდებს: მან ის ორჯერ გადაიღო სხვადასხვა მსახიობებითა და ლოკაციებით და როდესაც მესამედ გადაღებაც გადაწყვიტა, მიხვდა, რომ ბევრს ვერაფერს შეცვლიდა. თუკი ფილმის მოგებაზე ვისაუბრებთ, ის ალენის შემოქმედებაში მართლაც ყველაზე ცუდი მაჩვენებლით გამოირჩევა, მაგრამ მაინც არსებობს რაღაც, რაც მის ყურებას გაიძულებთ: ზაფხულის დასასრულს რამდენიმე მეგობარი ქალაქგარეთ სახლში დასავენებლად გაემგზავრება, სადაც სასიყვარულო სამკუთხედი გამოიკვეთება და რასაც დრამატული დასასრული ექნება. წვიმიანი სექტემბრის საღამოსთვის უკეთესი ვარიანტი თითქმიც არც არსებობს.

ჯენიფერ ლოურენსი ახალი ფილმის ლონდონურ პრემიერაზე ბრწყინავდა

ვენეციის კინოფესტივალის შემდეგ, დარენ არონოფსკის ახალი ფილმის, „დედა!“-ს პრემიერა ლონდონში გაიმართა. წითელ ხალიჩაზე გამოჩენილმა ჯენიფერ ლოპესმა გარშემომყოფები გააოცა. მსახიობი, ამ სიტყვით სრული მნიშვნელობით, ბრწყინავდა: ვარსკვლავს Versace-ს ულამაზესი კაბა ეცვა და ფოტოობიექტივების წინაშე თავდაჯერებულად პოზირებდა.

შეგახსენებთ, რომ 48 წლის არონოფსკისა და 27 წლის ლოურენსის რომანი რეჟისორის ახალი ფილმის გადაღებებზე დაიწყო, სადაც ჯენიფერი მთავარ როლს ასრულებს. წყვილი საგულდაგულოდ მალავდა ურთიერთობას, თუმცა პაპარაცებმა მათი დაფიქსირება რამდენჯერმე მოახერხეს.

მარგო რობი დედოფალ ელიზაბეტ I-ის როლში: ახალი კადრები გადასაღები მოედნიდან

ცნობილია, რომ მსახიობი მარგო რობი მთავარ როლს ასრულებს ფილმში „მარია-შოტლანდიის დედოფალი“. 5 სექტემბერს, ავსტრალიელი ვარსკვლავი ფილმის გადასაღებ მოედანზე პაპარაცებმა დააფიქისრეს. ფოტოებზე, რომლებიც ქსელში გავრცელდა, 27 წლის მსახიობის ცნობა შეუძლებელი იყო.

ფოტოები შესვენების დროს არის დაფიქსირებული: მარგოს ძირითადი პარიკი არ უკეთია და ის თავისუფლად გადაადგილდებოდა მოედანზე.

შეგახსენებთ, რომ ფილმი ორი დედოფლის, მარიასა და ელიზაბეტ I-ის ურთიერთობაზეა, რომლებიც ტოტალური პატრიარქატის პერიოდში, ერთმანეთის მიმართ საკმაოდ დიდი კონკურენციის ფარგლებში მოღვაწეობდნენ.

პარტნიორობას მარგოს სირშა რონანი უწევს. ფილმში ასევე ჯო ალვინს, ბრენდან კოილსა და სხვა მსახიობებს შევხვდებით.

ტეილორ სვიფტმა საკუთარი სიმღერებიდან ფრაზები დააპატენტა

ჯერ არ გამოსულა ტეილორ სვიფტის ახალი ალბომი Reputation და მომღერალი უკვე იმაზე ზრუნავს, რომ მისი სიახლით სხვებმა ფულის გამომუშავება ვერ შეძლონ. ცნობილი ხდება, რომ მომღერალს სიმღერებიდან ციტატების დაპატენტება სურს – მაგალითად, „Look What You Made Me Do“, „The old Taylor can’t come to the phone right now“ და ა.შ.

ეს ყველაფერი კი იმას ნიშნავს, რომ მომავალში მხოლოდ თავად ტეილორს ექნება ამ ფრაზების გამოყენების უფლება კომერციაში – მაგალითად წარწერები მაისურებზე, ბლოკნოტებზე, ჩანთებსა და სხვა აქსესუარებზე.

შეგახსენებთ, რომ მსგავს ნაბიჯს ტეილორი პირველად არ დგამს – ალბომის „1989“ გამოსვლის შემდეგ მან სიმღერებიდან ასევე რამდენიმე ფრაზა დააპატენტა, კერძოდ კი „Welcome to New York“, „1989“ და ა.შ.

რამი მალეკი ფრედი მერკურის როლში: პირველი კადრი ფილმიდან

ქსელში ჯგუფ Queen-ის ვოკალისტისადმი, ფრედი მერკურისადმი მიძღვნილი ფილმიდან „ბოჰემური რაფსოდია“ პირველი კადრი გაჩნდა. მასზე რამი მალეკის ნახვა არის შესაძლებელი, რომელიც ლეგენდარული  მუსიკოსის როლს ასრულებს.

ფილმი დიდ ეკრანებზე 2018 წლის 25 დეკემბერს გამოვა. ცნობილია, რომ ბენ ჰარდი ფილმში როჯერ ტეილორის როლს ასრულებს, გიტარისტ ბრაიან მეის გვილიმ ლი განასახიერებს, ხოლო ჯოზეფ მაცელო ბასისტ ჯონ დიკონს „გააცოცხლებს“.

პროექტის რეჟისორი ბრაიან სინგერია. ცნობილია, რომ ფილმის მუსიკალურ ფრაგმენტებში თავად მალეკის ხმა იქნება გამოყენებული, ასევე, რა თქმა უნდა, თავად მერკურის ჩანაწერსაც მოვისმენთ.

კეიტ ჰოლმსი და ჯეიმი ფოქსი რომანს აღარ მალავენ (ფოტო)

4 წლიანი დუმილის შემდეგ, კეიტ ჰოლმსმა და ჯეიმი ფოქსმა დაადასტურეს, რომ რომანი აქვთ. წყვილი, რომლის რომანიც 2013 წელს დაიწყო, ერთად მალიბუზე ორშაბათს გადაიღეს. ისინი ხელჩაკიდებულები სეირნობდნენ. ეს იყო პირველი შემთხვევა, როდესაც ვარსკვლავები ფოტოობიექტივისგან დამალვას არ ცდილობდნენ და საკმაოდ ბედნიერადაც გამოიყურებოდნენ.

შეგახსენებთ, რომ წყვილის რომანი კეიტ ჰოლმსისა და ტომ კრუზის დაშორებიდან ერთი წლის მერე დაიწყო. კრუზთან ჰოლმმს ქალიშვილი, სური ჰყავს.

ჯენიფერ ლოურენსისა და დარენ არონოფსკის პირველი ოფიციალური გამოსვლა (ფოტო)

27 წლის ჯენიფერ ლოურენსისა და 48 წლის დარენ არონოფსკის რომანი მაშინ დაიწყო, როდესაც ისინი ერთობლივად მუშაობდნენ ფილმზე „დედა!“, სადაც არონოფსკი რეჟისორი, ხოლო ლოურენსი მთავარი როლის შემსრულებელია. შეყვარებულები ამ ყველაფრის აფიშირებას არ ახდენდნენ, თუმცა პაპარაცებისგან თავის დაღწევა მათ კარგადაც არ გამოდიოდათ.

ვენეციის 74-ე კინოფესტივალის კი სწორედ ის ადგილი აღმოჩნდა, სადაც შეყვარებულები ოფიციალურად პირველად გამოჩნდნენ ერთად და სადაც ფილმის ოფიციალური პრემიერა გაიმართა.

წითელ ხალიჩაზე მათთან ერთად ფილმის სხვა მთავარი როლის შემსრულებლები, ხავიერ ბარდემი და მიშელ პფაიფერი გამოვიდნენ, თუმცა მთავარი ყურადღება მაინც დარენზე და ჯენიფერზე იყო მიპყრობილი.

„ბონდიანას“ ახალი ნაწილის სიუჟეტი ცნობილია

სულ ცოტა ხნის წინ, დენიელ კრეიგმა ოფიციალურად განაცხადა თანხმობა „ბონდიანაში“ მონაწილეობის შესახებ. ამჯერად კი ქსელში ფილმის სიუჟეტის დეტალები გავრცელდა, რომელიც New York Post-ს გადამღები ჯგუფის ერთ-ერთმა წევრმა გაუმხილა.

ინსაიდერის სიტყვებით, მოქმედება მას შემდეგ ვითარდება, რაც ბონდი საიდუმლო სამსახურიდან წავიდა და დაქორწინდა. ერთ დღეს მის ცოლს კლავენ და აგენტი 007 მკვლელის შურის საძიებლად ძველ საქმიანობას უბრუნდება. ცნობილი გახდა ისიც, რომ ფილმის სამუშაო სახელწოდება „ტყვე“ იქნება.

რიგით 25-ე ფილმი ეკრანებზე 2019 წლის ნოემბერში გამოვა. ვინ შეასრულებს კრეიგის მთავარი კონკურენტის როლს, ამ დროისთვის უცნობია.

„საზიზღარი მე 3“ მილიარდერთა კლუბს მიუახლოვდა

მულტფილმ „საზიზღარი მე 3“-ის შემოსავალმა მილიარდ დოლარს მიაღწია. უფრო კონკრეტულად კი, ანიმაციური ფილმის მოგება ამ დროისთვის 994 მილიონს შეადგენს. უახლოეს მომავალში, 2017 წლის მილიარდერთა კლუბს „მზეთუნახავი და ურჩხულთან“ და „ფორსაჟი 8“-თან ერთად ეს უკანასკნელიც დაიკავებს.

რაც შეეხება გასული კვირის მონაცემებს, ყველაზე შემოსავლიანი ფილმების რეიტინგის პირველ ადგილზე „მკვლელის მცველი“ იმყოფება 10 მილიონი დოლარით. მეორე ადგილზე კი „ანაბელის წყევლა 2“ 7,3 მილიონით იმყოფება.

ლედი გაგამ კონცერტი ავადმყოფობის გამო გადადო

მომღერალმა ლედი გაგამ კონცერტი ავადმყოფობის გამო გადადო. შოუ მსოფლიო ტურნეს Joanne-ის ფარგლებში 4 სექტემბერს მონრეალში უნდა გამართულიყო, თუმცა თავად ვარსკვლავის თქმით, მან სცენაზე გასვლა ვერ შეძლო, რადგან წინა დღეებში ნიუ-იორკში გამართულ კონცერტზე მონაწილეობა სანახევროდ წვიმაში მოუწია.

კონცერტის ორგანიზაორების თქმით, მომღერალს მწვავე რესპირატორული ინფექცია და ლარინგიტი აქვს. ამ დროისთვის ახალი კონცერტის გამართვის თარიღზე მიდის მოლაპარაკება, რომლისთვისაც მონრეალის ბილეთები იმოქმედებს.

6 და 7 სექტემბერს ლედი გაგას გამოსვლა ტორონტოში იყო დაგეგმილი, ხოლო ამის შემდეგ ის ფილადელფიაში უნდა გამგზავრებულიყო.

ჯორჯ კლუნი აშშ-ის საპრეზიდენტო არჩევნებში მონაწილეობას გეგმავს

უკვე რამდენიმე წელია დადის ხმები, რომ ჯორჯ კლუნი პოლიტიკაში წასვლას გეგმავს. ამჯერად კი ცნობილი ხდება, რომ მსახიობს ამერიკის პრეზიდენტობა სურს.

ვენეციის კინოფესტივალზე, ფილმ „სუბურბიკონის“ პრეს-კონფერენციაზე, კლუნიმ თავად გამოთქვა აშშ-ის საპრეზიდენტო არჩევნებში მონაწილეობის სურვილი. მსახიობის ეს იდეა აიტაცა და მოიწონა მისმა კოლეგამ და მეგობარმა, მეტ დეიმონმა. „ჩვენ გვჭირდება ახალი პრეზიდენტი, ნებისმიერი ახალი პრეზიდენტი!“ – განაცხადა მან.

თავად კლუნი კი მიიჩნევს, რომ მას ყველანაირი შანსი აქვს, პრეზიდენტის სავარძლისთვის იბრძოლოს. იმ შემთხვევაში კი თუ ეს მართლაც მოხდება, შოუ-ბიზნესის სფეროდან კლუნის კონკურენტი კანიე უესტი იქნება, რომელიც ამერიკის პრეზიდენტობას 2020 ან 2024 წლისთვის გეგმავს.

ბიონსეს 36-ე იუბილეზე ახლობლებმა და მეგობრებმა ვარსკვლავის ცნობილი ვიზუალი გაიმეორეს

4 სექტემბერს ბიონსეს 36 წელი შეუსრულდა. ცნობილმა ქალბატონებმა მისთვის მილოცვა უჩვეულო ფორმით გადაწყვიტეს: მიშელ ობამამ, სერენა უილიამსმა, კელი როულენდმა, მისმა ქალიშვილმა ბლუ აივიმ, დედამ, ტინა ნოულზმა და ჯეი-ზის დედამ, გლორია კარტერმა მისი ერთ-ერთი ყველაზე უჩვეულო ვიზუალი გაიმეორეს კლიპიდან Formation.

მომღერლის ახლობლებმა და მეგობრებმა დიდი ზომის შლაპა მოირგეს, სადაც სახე არ ჩანს, თმა კი გრძლად ჩამოიშალეს, ზუსტად ისე, როგორც ეს ბიონსეს აქვს თავის კლიპში.

„გილოცავთ დაბადების დღეს შენი ოჯახისა და მეგობრების სახელით. შემოგვიერთდი და დაეხმარე ჰიუსტონს“, – ასე დასათაურდა ფოტოსეტი.

შეგახსენებთ, რომ ბიონსე წარმოშობით სწორედ ტეხასის ამ ქალაქიდან არის, რომელიც ცოტა ხნის წინ ქარიშხალმა „ჰარვიმ“ დააზარალა.

 

ბლუ აივი

 

მიშლ ობამა

 

სერენა უილიამსი

ადელი ძალებს კინოში ცდის

მუსიკის სამყაროს დაპყრობის შემდეგ, 29 წლის ადელი წინ მიიწევს: ბრიტანელი ვარსკვლავი ძალებს კინოში ცდის – საუბარია 1960 წლის ცნობილი მიუზიკლის „ოლივერის!“ კინოადაპტაციაზე, სადაც ადელი მთავარ როლზე მოიაზრება.

ცნობილი ხდება, რომ ეს საკმაოდ დიდი როლია და მომღერალი საკმაოდ სერიოზულად არის მის მიმართ განწყობილი, რადგან შეთავაზებამ ის ძალიან გაახარა.

„ოლივერი!“ – ჩარლზ დიკენსის „ოლივერს ტვისტის თავგადასავლის“ მოტივებზე შექმნილი ბრიტანული მიუზიკლია, რომლის დამდგმელიც ლაიონელ ბარტია.

1968 წელს, მის მიხედვით ფილმი უკვე გადაიღეს.

ზეინ მალიკმა ახალი კლიპის თიზერი გამოაქვეყნა (ვიდეო)

ზეინ მალიკი თაყვანისმცემლებს მორიგ ჰიტს უმზადებს. სიახლის ჩაწერაში სიაც მონაწილეობს. მუსიკოსმა სიმღერაზე გადაღებული კლიპის თიზერიც წარმოადგინა, სადაც ზეინს კომპანიონობას მსახიობი ჯემა კერკი უწევს.

აღსანიშნავია, რომ ვიდეოს ცნობილი კინორეჟისორი მარკ უები იღებს და მისი პრემიერის თარიღი 7 სექტემბერია.

70 წლის სიუზან სარანდონი გიჩვენებთ, როგორ ჩაიცვათ კაბა ღრმა დეკოლტეთი (ფოტო)

სიუზან სარანდონი ვენეციის კინოფესტივალის გამორჩეული და საპატიო სტუმარი გახდა. 70 წლის მსახიობი ღონისძიებაზე პაოლო ვირძის ახალი ფილმის – „დღესასწაულის ძიებაში“ პრემიერაზე იმყოფებოდა.

ვარსკვლავი, რომელსაც მომავალ თვეში 71 უსრულდება, არაჩვეულებრივად გამოიყურებოდა: მას Hugo Boss by Jason Wu-ს ტანზე მომდგარი კაბა ეცვა, ღრმა დეკოლტეთი და გვერდებზე ჭრილებით.

სარანდონის იმიჯით გარშემომყოფები აღფრთოვანდნენ.

ემილია კლარკი და კიტ ჰარინგტონი Dolce & Gabbana-ს ახალი არომატის რეკლამაში (ვიდეო)

ემილია კლარკმა და კიტ ჰარინგტონმა მონაწილეობა მიიღეს Dolce & Gabbana-ს ახალი არომატის რეკლამაში. „სამეფო კარის თამაშების“ ვარსკვლავებმა მზიან ნეაპოლში იპოზიორეს.

ვიდეოებში კიტი და ემილია იტალიის ფერად და ხალხმრავალ ადგილებში იმყოფებიან, სადაც ვარსკვლავებს დიდი სიხარულით ხვდებიან და ტრადიციულ კერძებს აგემოვნებინებენ.

ორივე კლიპი საკმაოდ მხიარული და პოზიტიური გამოვიდა. ფონად კი მათ ცნობილი იტალიური ჰიტი „Americano” ადევს.

ტეილორ სვიფტი ახალ სიმღერას ყოფილ ბოიფრენდებს უძღვნის (აუდიო)

ტეილორ სვიფტი მუსიკალურ ინდუსტრიაში ტრიუმფალურად დაბრუნდა. გასულ უქმეებზე მომღერალმა ახალი ალბომიდან „Reputation“ რიგით მეორე სინგლი „Ready For It?“ გამოუშვა.

ისევე, როგორც მისი წინამორბედი, ახალი ნამუშევარი შეიცავს სიმბოლურ დატვირთვებს იმ ადამიანებზე, რომლებიც სვიფტის ცხოვრებაში გამოჩენილან. მაგალითად, რამდენიმე ფრაზა ასეთია -„ის უფრო ახალგაზრდაა, ვიდრე ჩემი ყოფილები, მაგრამ მამაკაცივით იქცევა“, „ვინც ადრე მიყვარდა, ყველას სახელი დამავიწყდა და ა.შ.

შეგახსენებთ, რომ ამ დროისთვის ტეილორს რომანი აქვს მსახიობ ჯო ალვინთან, რომელიც მასზე ერთი წლთ უმცროსია.

მორიგი ჯოკერი, შესაძლოა, ლეონარდო დიკაპრიო იყოს

The Hollywood Reporter-ის ცნობით, სტუდია Warner Bros.-ის მომდევნო პროექტი ჯოკერის შესახებ შესაძლოა ა კლასის ვარსკვლავებით დაკომპლექტდეს. კერძოდ კი, მარტინ სკორსეზეს მიერ პროდიუსირებული ფილმის მთავარ როლში, შესაძლოა, ლეონარდო დიკაპრიო ვიხილოთ.

იმ შემთხვევაში თუ ეს ინფორმაცია დადასტურდა, ცნობილი რეჟისორისა და მსახიობის კოლაბორაცია პირველი არ იქნება. აქამდე მათ ფილმებში – „ავიატორი“, “უოლ-სტრიტის მგელი“, „ნიუ-იორკის ბანდები“, „შეშლილთა კუნძული“ ითანამშრომლეს.

ჯენიფერ ლოპესი ნიუ-იორკის მეტროში უჩვეულო ფორმაში დააფიქსირეს (ფოტო)

48 წლის ჯენიფერ ლოპესი ახალი კლიპის გადაღებებზე ნიუ-იორკის მეტრშო გადაიღეს. მომღერალი აბაზანის ხალათში იყო გამოწყობილი და დაცვის, დამხმარეების, გადამღები ჯგუფის წევრებისა და ქალიშვილის თანხლებით გადაადგილდებოდა, რომელიც პაპარაცების კარში ასევე მოხვდა.

ვარსკვლავი ვიდეოს სიმღერაზე „Amor“ იღებს. ამის შესახებ მან საკუთარ „ინსტაგრამზე“ დააანონსა. თუ მის სიტყვებს დავუჯერებთ, კლიპი უახლოეს მომავალში მზად იქნება.

სემ როკუელი ჯორჯ ბუშს განასახიერებს

ამერიკის ყოფილი ვიცე-პრეზიდენტის, რიჩარდ ჩეინის შესახებ ფილმს გადაიღებენ. ინფორმაციას The Hollywood Reporter ავრცელებს. მისივე ცნობით, ჯორჯ ბუშის როლის შესრულება წილად მსახიობ სემ როკუელს ხვდა წილად. ასევე ცნობილი გახდა, რომ სტივ კაერლი საგარეო საქმეთა მინისტრს, დონალდ რამსფელდს განასახიერებს, ხოლო ემი ადამსს წილად ჩეინის მეუღლის როლი ხვდა.

რეჟისორის სავარძელს ადამ მაკკოი დაიკავებს, რომელიც გადაღებებს სექტემბრის დასაწყისიდან შეუდგება.

ფილმის დიდ ეკრანებზე გამოსვლის თარიღი ამ დროისთვის არ ხმაურდება.

HBO-მ „ნამდვილი დეტექტივის“ გაგრძელება ოფიციალურად დაადასტურა

ტელეარხმა HBO ოფიციალურად განაცხადა სერიალ „ნამდვილი დეტექტივის“ მესამე სეზონის გადაღების შესახებ. პროექტის სცენარისტი ნიკ პიცოლატო იქნება, რომელიც ჯერემი სოლნიესთან ერთად რეჟისორობასაც შეითავსებს.

როგორც ადრეც გახდა ცნობილი, მთავარ როლს სერიალში ოსკარისანი მაჰერშალა ალი შეასრულებს. სხვა დეტალები, მათ შორის პრემიერის თარიღი, ჯერ კიდევ საიდუმლოდ რჩება.

 

„რას გააკეთებდით სიყვარულისთვის?“ – ვარსკვლავების პასუხები კითხვაზე (ვიდეო)

Dior-ის ტანსაცმლის, კოსმეტიკისა და პარფიუმერიის სახე უამრავი ცნობილი ვარსკვლავია. ახალ კამპანიაში კი, რომელიც ამ დღეებში გამოქვეყნდა, ყველა მათგანის ნახვა ერთად არის შესაძლებელი: ჯენიფერ ლოურენსი, რობერტ პატინსონი, ნატალი პორტმანი, ჯონი დეპი, შარლიზ ტერონი, ბელა ჰადიდი, ჯეიმი კინგი და სხვა ვარსკვლავები ბრენდის საქველმქომედო კამპანიაში მონაწილეობენ

ვიდეოს  Dior Love Chain ჰქვია და მასში ცნობილი სახეები პასუხობენ კითხვას, „რას გააკეთებდით სიყვარულისთვის?“

ამას გარდა, ისინი საშუალებას აძლებენ ინტერნეტმომხმარებლებს, რომ თავადც უპასუხონ ამ კითხვას და შესაბამისი ვიდეო ჰეშთეგით #diorlovechain გამოაქვეყნონ.

ყოველი ასეთი პოსტისთვის ბრენდი საქველმოქმედო ფონდში WE Charity 1 დოლარს გადარიცხავს, რომელიც კენიაში გოგონების განათლების მიღებას ემსახურება.

ვარსკვლავები კი კითხვას შემდეგნაირად პასუხობენ:

ნატალი პორტმანი: „სიყვარულისთვის დედამიწის ბოლოს წავიდოდი“

რობერტ პატინსონი: „ვეცდებოდი, გავმხდარიყავი უკეთესი“

ევა ჰერციგოვა: „ყველაფერს ვაპატიებდი“

ჯენიფერ ლოურენსი: „თავს მოვაჩვენებდი, რომ სექსუალურ თეთრეულში ძილი  მოსახერხებელია“

ბელა ჰადიდი: „ნებისმიერ რამეს გავაკეთებდი“

კიანუ რივზი და უაინონა რაიდერი ერთობლივ ფილმში გამოჩდებიან

მსახიობები კიანუ რივზი და უაინონა რაიდერი რომანტიკული კომედიის „დანიშნულების პუნქტი: ქორწილი“ გმირები გახდნენ. უკვე ცნობილია, რომ პროექტზე სცენარისტი ვიქტორ ლევინი იმუშავებს.

სიუჟეტის მიხედვით, ორ პერსონაჟს ერთმანეთი საერთო მეგობრის ქორწილში შეუყვარდებათ.

რივზისა და რაიდერისთვის ეს მესამე ერთობლივი პროექტი იქნება „დრაკულას“ (1992) და „ამღვრევის“ (2006) შემდეგ.

კეიტ მიდლტონი სამეფო ოჯახის ყველაზე არაშრომისმოყვარე წევრია

კეიტ მიდლტონი ბრიტანეთის სამეფო ოჯახის ერთ-ერთი ყველაზე პოპულარული წარმომადგენელია, თუმცა, როგორც ჩანს, პირველობას ის ყველაფერში ვერ ინარჩუნებს. სააგენტომ Press Association ჩაატარა გამოკითხვა და ოჯახის წევრების რეიტინგი გამოაქვეყნა. აღმოჩნდა, რომ ელიზაბეტ მეორის მიერ გაცემული დავალებებიდან, რაც ოფიციალურ ღონისძიებებზე დასწრებას გულისხმობს, მიდლტონმა წლის მანძილზე მხოლოდ 39 მათგანი შეასრულა. თუმცა სამართლიანობა მოითხოვს იმის აღნიშვნასაც, რომ კეიტს ორი გამართლება აქვს – პრინცი ჯორჯი და პრინცესა შარლოტა.

ამ მხრივ პირველ ადგილზე ელიზაბეტ მეორეს ქალიშვილი, პრინცესა ანა იკავებს, რომელიც ცნობილია შრომისმოყვარეობითა და ენერგიულობით, რაზეც ბრიტანელები ზედმეტსახელად უწოდებენ „საუკეთესო დედოფალს, რომელიც არასოდეს ეყოლებათ“. მის მიერ შესრულებული ვალდებულებების რიცხვი წელს 114-ით განისაზღვრა.

პრინცესა ანა

მეორე ადგილზე პრინცი ჩარლზი იმყოფება 93 შესრულებული დავალებით, მას პრინცი ენდრიუ (71) და პრინცი ედვარდი (55) მოჰყვებიან. მეხუთე ადგილს პრინცი ფილიპი (51) იკავებს, მეექვსე პოზიციაზე კი ჰერცოგინია კამილა პარკერი (51) განთავსდა. მეშვიდე ადგილზე თავად დედოფალი ელიზაბეტ მეორე (50) იმყოფება.

დედოფალი ელიზაბეტ II

ბოლო ადგილებზე პრინცები უილიამი და ჰარი (46) და კეიტ მიდლტონი (39) განთავსდნენ.

 

დიკაპრიო „ჰარვის“ შედეგად დაზარალებულებს 1 მილიონით დაეხმარება

ლეონარდო დიკაპრიომ ქარიშხალ „ჰარვის“ შედეგად დაზარალებულების დახმარების ფონდში 1 მილიონი დოლარი გადარიცხა. ინფორმაცია The Washington Post ავრცელებს. ამის შესახებ ორგანიზაცია One Way-ის დირექტორმა, ბრაიან გალაჰერმა განაცხადა და ვარსკვლავს თანადგომისთვის მადლობა გადაუხადა:

„ჩვენ უზომოდ მადლიერები ვართ ლეონარდო დიკაპრიოს გულუხვობის გამო. ქარიშხლის შემდეგ წელში გამართვა რთულია, თუმცა ერთად ყველაფერს შევძლებთ“, – განაცხადა მან.

შეგახსენებთ, რომ დაზარალებულებს უკვე დაეხმარნენ: ბიონსე, კიმ კარდაშიანი და სხვა ცნობილი ვარსკვლავები.

რა ღირს ბრილიანტებით სავსე აბაზანა ტეილორ სვიფტის ახალ კლიპში?

რამდენიმე დღის წინ, ტეილორ სვიფტი ახალი კლიპით „Look What You Made Me Do“ დაბრუნდა, რომელმაც რამდენიმე საათში ადელის რეკორდი მოხსნა.

პრემიერის მომენტიდან, კლიპზე საუბარი არ წყდება, საზოგადოების დიდ ნაწილს კი აინტერესებს, რა დაჯდა სცენა, სადაც მომღერალი ბრილიანტებით სავსე აბაზანაში წევს. ცნობილი ხდება, ძვირფასეულობის საერთო ღირებულებამ 10 მილიონი დოლარი შეადგინა. აღსანიშნავია ისიც, რომ გადაღებების დროს, აბაზანას დაცვა ყარაულობდა, რათა ბრილიანტები არ დაკარგულიყო.

„ტვიტერმა“ ზაფხულის 5 ყველაზე პოპულარული ჰიტი გამოავლინა

სოციალურმა ქსელმა „ტვიტერმა“ ზაფხულის 5 ყველაზე პოპულარული ჰიტი გამოავლინა. რეიტინგი სიმღერების შესახებ გამოქვეყნებული ტვიტების მიხედვით შედგა.

სიმღერები 26 მაისიდან 29 აგვისტოს მონაცემებით შედგა და პირველ ადგილზე Fifth Harmony და Gucci Mane-ის დუეტი „Down“ განთავსდა. მეორე ადგილზე Fifth Harmony-ის ყოფილი მონაწილე კამილა კაბელო განთავსდა სინგლით „Crying in the Club“, მესამეზე კი ცნობილი “Despacito” მოხვდა.

საუკეთესო ხუთეულის მეოთხე ადგილზე ჯასტინ ბიბერისა და დევიდ გეტას „2U” განთავსდა, ხოლო ხუთეული ნაილ ჰორანის ჰიტმა „slow hands” დახურა.

„ახალი ხმის“ პრომო: ბლეიკს შელტონი ადამ ლევინის მსხვერპლი გახდა (ვიდეო)

ადამ ლევინი და ბლეიკ შელტონი – სუპერპოპულარული ვოკალური შოუს ჟიურის წევრები არიან. ახალი სეზონის დაწყებამდე კი მათ პრომოვიდეო ჩაწერეს. The Voice ტელეეთერში სტარტს 25 სექტემბრიდან აიღებს, მანამდე კი, ვიდეოს მიხედვით, ბლეიკ შელტონი მოწინააღმდეგეს ებრძვის, მაილი საირუსი ერთდროულად რამდენიმე კოვბოის იგერიებს, ჯენიფერ ჰადსონი წარმოაჩენს თავის ღირსებებს და ყველა უძლური ხდება მის წინაშე, ადამ ლევინი კი კარის ჩამტვრევას ცდილობს, საბოლოოდ კი მისი მუშტის მსხვერპლი შელტონი ხდება.

რომელი მათგანის რჩეული მომღერალი გახდება გამარჯვებული, ამას ტრადიციულად წლის ბოლოს გავიგებთ.

”საშიში დედა” ოსკარისთვის იბრძოლებს

ანა ურუშაძის ფილმი „საშიში დედა“ პრესტიჟული კინოპრემიის „ოსკარის“ საუკეთესო უცხოენოვანი ფილმების კატეგორიაში მოსახვედრად იბრძოლებს. გამარჯვებული ფილმი სწორედ ახლა გამოვლინდა – ის სპეციალურ შეხვედრაზე ია სუხიტაშვილმა გამოაცხადა. „საშიში დედა“ საქართველოს სახელით „ოსკარზე“ მონაწილეობის მისაღებად გადაიგზავნება.

შეგახსენებთ, რომ კომპეტენტური ჟიურისგან დაკომპლექტებულ კომისიას გამარჯვებული ოთხი ქართული ფილმიდან უნდა შეერჩია, მათ შორის გახლდათ ზემოხსენებული „საშიში დედა“, „მძევლები“, „ჩემი ბედნიერი ოჯახი“, „ლუკა“.  განაცხადების მიღება ეროვნულ კინოცენტრში 11 აგვისტოს დასრულდა, 30 აგვისტოს კი გამარჯვებული კინოსახლის განახლებულ დარბაზში ახლახან დასახელდა. ჟიურიში შედიოდნენ: ლანა ღოღობერიძე, კოტე ჯანდიერი, ია სუხიტაშვილი, ოთარ შამათავა, არჩილ ახვლედიანი, გიორგი ოვაშვილი, ქეთი ტრაპაიძე, კახი კანდელაკი და  ზურაბ მაღალაშვილი.

შეგახსენებთ, რომ ანა ურუშაძე ასევე კინორეჟისორ ზაზა ურუშაძის შვილია. რამდენიმე წლის წინ წინ სწორედ ზაზა ურუშაძის „მანდარინები“ იყო წარდგენილი„ოსკარზე“ ამავე კატეგორიაში. „საშიში დედა“ მცირე ხნის წინ სარაევოს კინოფესტივალის მთავარი პრიზის მფლობელი გახდა. მთავარ როლს კინოსურათში ნატა მურვანიძე ასრულებს.

ბენ და კეისი აფლეკები ახალ პროექტზე მუშაობენ

ბენ აფლეკი ახალ პროექტზე იწყებს მუშაობას, რომელსაც კლინტონ რომეშეის მემუარები ”Red Platoon” დაედება საფუძვლადფ. მთავარ როლზე კი კეისი აფლეკი მოიაზრება.

ფილმის რეჟისორის ვინაობა ამ დროისთვის უცნობია, სცენარს კი ადამ კოზადი დაწერს, რომელსაც ”ტარზანი.ლეგენდა” და ”თვითმკვლელთა რაზმი” ეკუთვნის.

პროექტის პროდიუსირებით კი ჯორჯ კლუნის კომპანია Immersive Pictures და Smokehouse Pictures დაკავდებიან.

”სამეფო კარის თამაშების” ბოლო სერიამ ახალი რეკორდი დაამყარა

სერიალ ”სამეფო კარის თამაშების” საფინალო სერიამ, რომელიც ეთერში 27 აგვისტოს გამოვიდა, ახალი რეკორდი დაამყარა. სერია სახელწოდებით ”დრაკონი და მგელი” 12,1-მა მილიონმა ადამიანმა ნახა. მაყურებელთა საერთო რიცხვმა კი, რომლებმაც სერიალს HBO Go-თი ან HBO Now-თი უყურა, 16,5 მილიონი ადამიანი შეადგინა.

აღნიშნული მონაცემებით კი, უკანასკნელი რეკორდი 13%-ით აღემატება წინა რეკორდს, როდესაც მაყურებელთა რაოდენობა 10,7 მილიონი იყო.

”სამეფო კარის თამაშების” დასკვნითი სეზონის გამოშვების ზუსტი თარიღი ამ დროისთვის უცნობია.

ლედი გაგამ ახალ ალბომზე მუშაობა დააანონსა

მიუხედავად იმისა, რომ ამჟამად უკანასკნელი ალბომის, ”Joanne”-ის მხარდასაჭერ პრომოტურში იმყოფება, ლედი გაგამ ახალ, რიგით მეექვსე ალბომზე მუშაობა დაიწყო.

ამის შესახებ მომღერალმა თავად განაცხადა. მისი თქმით, ახალ მუსიკასა და ტექსტებზე მუშაობა მან უკვე დაიწყო.

შეგახსენებთ, რომ ცოტა ხნის წინ, ლედი გაგას შესახებ დოკუმენტური ფილმის პრეზენტაციის შესახებაც გახდა ცნობილი.

მსახიობები, რომლებსაც გადასაღებ მოედანზე უჩვეულო მოთხოვნები აქვთ

იყო მოთხოვნადი მსახიობი – ნიშნავს, რომ გქონდეს მეტი პრეტენზია და ხშირად არარეალური მოთხოვნები შენს დამქირაველებლთან. ტომ კრუზის დიზაინერული საცვლებიდან დაწყებული, ჯეიმი ფოქსის პირადი თვითმფრინავით დამთავრებული, ვარსკვლავებს გადასაღებ მოედანზე უჩვეულო პრეტენზიები აქვთ. გთავაზობღ რამდენიმე მათგანს:

ჯორჯ კლუნი

ფილმ ”გრავიტაციის” გადაღებებზე კლუნიმ პირდაპირ მის სექტორთან პირადი ბაღი, ინდივიდუალური სანაპირო, ჰიდრომასაჟის აბაზანა და კალათბურთის მოედანი მოითხოვა. ეს ყველაფერი სტუდიას დამატებით 125 ათასი დოლარი დაუჯდა.

ჯეკ ნიკოლსონი

”განდგომილების” გადაღებებზე ნიკოლსონმა მოითხოვა, რომ მთელი ტერიტორიიდან აეღოთ გუნდ Celtics-ის ნებისმიერი ატრიბუტი, რადგან მსახიობი  LA Lakers-ის თავგამოდებული თაყვანისმცემელია.

პერის ჰილტონი

მიუხედავად იმისა, რომ მას პოპულარობა სამსახიობო კარიერით არ გამოუმუშავებია, პერისს საკმაოდ დიდი მოთხოვნები აქვს გადასაღებ მოედანზე. მაგალითად, როდესაც 2010 წელს ის ერთ-ერთ ფილმში მონაწილეობისთვის მიიწვიეს, მან მოითხოვა, რომ იმ შემთხვევაში თუ მოშივდებოდა, აუცილებლად ახალი ჰომარი უნდა ეჭამა და მასზე არაყი Grey Goose დაეყოლებინა.

საბოლოო ჯამში, ჰილტონი საერთოდ აღარ მიიწვიეს ფილმში.

ტომ კრუზი

ცნობილი ფაქტია, რომ ტომ კრუზი გადასაღებ მოედანზე ტრიუკების დიდ ნაწილს თავად ასრულებს. თუმცა, იმისათვის რომ რთული მანევრები შეასრულოს, კრუზი ითხოვს, რომ სპეციალური შეკვეთის სტრინგები (საცვლები) შეუკერონ. გადაღების პროცესში მას შესაძლოა 50 წყვილიც კი დასჭირდეს.

ლინდსი ლოჰანი

წარუმატებელი რომანების შემდეგ, ლინდსი მსახიობობას უბრუნდება. ”კანინონების” გადაღებებზე ლოჰანმა გარშემომყოფები შოკში ჩააგდო: ”თუ მე უნდა გავიხადო, დაე, გაიხადოს ყველამ” – განაცხადა მსახიობმა. ეს მოთხოვნა რეჟისორს არ მოეწონა, თუმცა მან ჯგუფის ნაწილი მოედნიდან დაითხოვა და თავადაც გაშიშვლდა.

უილ სმიტი

ფილმის ”ადამიანები შავებში” მეორე ნაწილის გადაღებებისთვის სმიტმა მოითხოვა უზამაზარი ტრაილერი, სადაც დაეტეოდა ორი საძინებელი, ორი აბაზანა და ცალკე ოთახი-კინოთეატრი. ეს სიამოვნება სტუდიას 2 მილიონი დოლარი დაუჯდა. მიუხედვაად ამისა, თავად სმიტი აღნიშნული ადგილიდან საკმაოდ ახლოს ცხოვრობდა.

ბენ აფლეკი

ბენი Boston Red Sox-ის დიდი თაყვანისმცემელია. დევიდ ფინჩერს, ფილმ ”გაუჩინარებულის” გადაღებებზე უნდოდა, რომ მსახიობს მისი საყვარელი გუნდის მთავარი კონკურენტის, Yankees-ის კეპი დაეხურა. რეჟისორმა და მსახიობმა შეთანხმებას შემდეგნაირად მიაღწიეს – საბოლოოდ ბენმა Mets-ის კეპი დაიხურა. ამ შეთანხმების გამო, გადაღებები 4 დღე იყო შეჩერებული.

ჯეიმი ფოქსი

”მაიამის პოლიციის” გადაღებებზე ფოქსმა თავისი კოლეგის, კოლინ ფარელის მსგავსი ჰონორარი მოითხოვა. ამის შემდეგ, ვარსკვლავმა პირადი თვითმფრინავიც მოისურვა, თუმცა მოგვიანებით განაცხადა, რომ თვითმფრინავის ან ნავის სცენებში მონაწილეობას საერთოდ არ აპირებდა.

გადაღებების პროცესში ფოქსი ბევრს ჩხუბობდა მოედანზე მომუშავე ჯგუფთან და  არსებული პირობებითუკმაყოფილო იყო.

ორლანდო ბლუმმა ტელევიზიაში გადაინაცვლა

ორლანდო ბლუმმა ტელევიზიაში გადაინაცვლა. მსახიობი მონაწილეობას მიიღებს შოუში ”საკარნავალო ხმაური”, რომლის გადაღებასაც ონლაინ-სერვისი Amazon გეგმავს.

მოქმედება ალტერნატიულ რეალობაში განვითარდება, სადაც ომს გადარჩენილი მითიური არსებები ცხოვრობენ.  ბლუმი პოლიციის ინსპექტორ რაიკროფტ ფილოსტრეტს განასახიერებს, რომელიც სერიულ მკვლელობებს იძიებს.

სხვა დეტალები პროექტის შესახებ არ ხმაურდება.

Maroon 5-მა ახალი სიმღერა და ალბომი დააანონსა

Maroon 5 ახალი სიმღერის გამოსაშვებად ემზადება, რომელიც მან მომღერალ Sza-სთან ერთად ჩაწერა. სიახლეს “What Lovers Do” ჰქვია და მისი თიზერი კოლექტივის ”ტვიტერის” ოფიციალურ გვერდზე გამოქვეყნდა. სრული ვერსიის გამოსვლა 30 აგვისტოს იგეგმება.

თრექი ჯგუფის რიგით მეექვსე ალბომში შევა, რომლის სახელწოდებაც არ ხმაურდება. მისი რელიზის თარიღი კი ნოემბერი იქნება.

აქამდე ჯგუფმა ორი სინგლი ”Cold” და ”Don’t Wanna Know” გამოუშვა. ორივე მათგანი ახალ ფირფიტაში შევა.

ტეილორ სვიფტმა ადელის რეკორდი მოხსნა

ამერიკელმა მომღერალმა, ტეილორ სვიფტმა თავისი ბრიტანელი კოლეგის, ადელის რეკორდი მოხსნა YouTube-ზე. მისი ახალი კლიპი Look What You Made Me Do 27 აგვისტოს გამოქვეყნდა. პირველ 24 საათში კი მან 28 მილიონი ნახვა მოაგროვა.

აქამდე რეკორდი ადელს ეკუთვნოდა. 2015 წელს, მისმა კლიპმა Hello 1 დღე-ღამეში 27,7 მილიონი ნახვა მოაგროვა.

თავის ახალ კლიპში სვიფტი საფლავიდან გადმოდის და თავის ძველ ვერსიას მკვრად აცხადებს. შემდეგ ის საკუთარი წარსულიდან სხვადასხვა ვიზუალს ირგებს.

ამ მომენტისთვის ტეილორის ვიდეოს 50 მილიონამდე ნახვა აქვს.

ბენ უიშოუ და ჰიუ გრანტი საყვარლებს განახიერებენ

მსახიობები, ბენ უიშოუ და ჰიუ გრანტი ახალ მინი-სერიალში ”ძალიან ინგლისური სკანდალი” მონაწილეობას მიიღებენ. სიუჟეტი ბრიტანელი ჟურნალისტის, ჯონ პრესტონის მიერ აღწერილ რეალურ ამბავზე იქნება დაფუძნებული. სერიალის რეჟისორი სტივენ ფრირზი გადაიღებს.

სიუჟეტი ლიბერალური პარტიის ლიდერის, ჯერემი ტორპეს გარშემო განვითარდება, რომელიც საკუთარი სექსუალური ორიენტაციის შესახებ ინფორმაციას დიდი ხნის განმავლობაში მალავდა. 1979 წელს კი ის საკუთარი საყვარლის, ნორმან სკოტის მკვლელობის მცდელობაში დაადანაშაულეს. საბოლოოდ, მას ბრალდებები მოეხსნა, თუმცა მის პოლიტიკურ კარიერას საბოლოოდ დაესვა წერტილი.

ფერგიმ ახალი კლიპი გამოუშვა და ალბომი დააანონსა (ვიდეო)

ფერგი ახალი ალბომის გამოსაშვებად ემზადება. სიახლის სახელწოდებაა DoubleDutchess და ამ დროისთვის მისი წინასწარი შეკვეთა iTunes-ზე არის შესაძლებელი.

დისკიდან ოთხი თრექი უკვე ხელმისაწვდომია- ისინი ეტაპობრივად გამოაქვეყნა ვარსკვლავმა.

შეგახსენებთ, რომ უკვე დიდი ხანია, რაც ფერგი The Black Eyed Peas-ის შემადგენლობაში აღარ შედის. ის სოლო კარიერითა და სამი წლის შვილის აღზრდით არის დაკავებული.

MTV Video Music Awards: კენდრიკ ლამარის ტრიუმფი და გამარჯვებულთა სრული სია

MTV Video Music Awards-ის გრანდიოზული შოუ დასასრულს მიუახლოვდა. ცნობილმა ვარსკვლავებმა მაყურებელს დაუვიწყარი შოუ შესთავაზეს, თუმცა მაყურებლების ხმათა უმრავლესობით გამოვლინდნენ გამარჯვებულებიც. გთავაზობთ სრულ სიას:

წლის ვიდეო – კენდრიკ ლამარი „Humble”

საუკეთესო მომღერალი – ედ შირანი

საუკეთესო ახალი ვარსკვლავი – Khalid

საუკეთესო დუეტი – ზეინ მალიკი და ტეილორ სვიფტი – „I don’t wanna live forever (Fifty Shades darker)”

საუკეთესო პოპ-ნამუშევარი –  Fifth Harmony ft. Gucci Mane – “Down”

საუკეთესო ჰიპ-ჰოპ ნამუშევარი – კენდრიკ ლამარი „Humble”

საუკეთესო საცეკვაო ნამუშევარი – Zedd and Alessia Cara – “Stay”

საუკეთესო როკ-ნამუშევარი – Twenty One Pilots – “Heavydirtysoul”

საუკეთესო ვიზუალური ნამუშევარი  – კენდრიკ ლამარი „Humble”

საუკეთესო რეჟისურა – კენდრიკ ლამარი „Humble”

საუკეთესო პროდაქშენი – კენდრიკ ლამარი „Humble”

საუკეთესო ვიზუალური ეფექტები – კენდრიკ ლამარი „Humble”

საუკეთესო ქორეოგრაფია – კანიე უესტი „Fadse”

წლის სიმღერა – Lil Uzi Vert – “XO Tour Llif3”

ღონისძიების მსვლელობისას პინკმა მაიკლ ჯექსონის სახელობის პრიზი მიიღო.

საღამოს წამყვანი კი მომღერალი კეტი პერი იყო.

ტეილორ კინი ლედი გაგას კონცერტზე იმყოფებოდა

ლედი გაგას კონცერტს, რომელიც ამ დღეებში ჩიკაგოში გაიმართა, მოულოდნელი სტუმარი ეწვია. ათასობით გულშემატკივარს შორის თაყვანისმცემლებმა ადვილად შენიშნეს ვარსკვლავის ყოფილი საქმრო, ტეილორ კინი

რატომ მივიდა კინი ყოფილი მეგობარი გოგოს კონცერტზე, უცნობია. ერთი ნაწილის აზრით, მას ჯერ კიდევ უყვარს მომღერალი და მის დაბრუნებას ცდილობს, სხვების ვარაუდით კი, ტეილორმა ლედი გაგა მეგობრულად გაამხნევა.

შესაბამისი ფოტოები თაყვანისმცემლებმა გადაიღეს და სოციალურ ქსელებში გამოაქვეყნეს.

შეგახსენებთ, რომ წყვილი ერთმანეთს 2011 წლიდან ხვდებოდა. 4 წლის შემდეგ, მსახიობმა მომღერალს ხელი სთხოვა და ისინი დაინიშნენ, თუმცა ქორწილამდე საქმე არ მისულა და 2016 წლის ივლისში ისინი ერთმანეთს დაშორდნენ.

ტეილორ სვიფტს ბიონსეს პლაგიატში ადანაშაულებენ

ტეილორ სვიფტი თავის საქმიანობას ხმაურიანად დაუბრუნდა: მისი ახალი სიმღერის Look What You Made Me Do თიზერის გამოქვეყნების შემდეგ, ბევრმა დაინახა მსგავსება ბიონსეს ვიზუალურ ალბომთან. ფანების კრიტიკას კლიპის რეჟისორმა, ჯოზეფ კანმა უპასუხა.

„ბიონსესთან რამდენჯერმე ვიმუშავე. ის არაჩვეულებრივია. სვიფტის ახალი კლიპი კი მის სტილში არ არის. მიყვარს და პატივს ვცემ ბიონსეს“ – დაწერა თავის „ტვიტერზე“ ჯოზეფმა.

რამდენიმე საათის შემდეგ კი, Youtube-ზე ტეილორის ახალი ნამუშევრის სრული ვერსიის პრემიერა გაიმართა.

 

მირანდა კერის საქორწინო კაბა Christian Dior-ის გამოფენის ექსპონატი გახდა

27 მაისს მირანდა კერისა და ევან შპიგელის გრანდიოზული ქორწილი გაიმართა: ცერემონიაზე პატარძალი Christian Dior-ის თეთრ კაბაში იყო გამოწყობილი, რომელიც მისთვის ბრენდის კრეატიულმა დირექტორმა, მარია გრაცია კიურიმ შექმნა. დიზაინერის შთაგონების წყარო კი გრეის კელის ნიშნობის კაბა აღმოჩნდა.

ქორწილიდან რამდენიმე თვის შემდეგ კი კაბამ კერის გარდერობიდან საგამოფენო დარბაზში გადაინაცვლა: The House of Dior: Seventy Years of Haute Couture – სწორედ ასეთი სახელწოდების მქონე გამოფენა იმართება ავსტრალიაში. 27 აგვისტოდან 7 ნოემბრის ჩათვლით, ნებისმიერ მსურველს ამ კაბის ნახვა შეეძლება, რომელიც ისტორიაში უკვე შვიდა.

ფილმი ჯოკერისა და ჰარლი ქუინის შესახებ მზადების პროცესშია

რამდენიმე თვის წინ გახდა ცნობილი, რომ ”თვითმკვლელთა რაზმის” პერსონაჟები – ჯოკერი და ჰარლი ქუინი საკუთარ ფილმს მიიღებენ. ამჯერად კი ირკვევა, რომ კინემატოგრაფისტები  გლენ ფიკარა და ჯონ რეკუა სტუდია Warner Bros.-თან უკვე მოლაპარაკების დასკვნით ეტაპზე არიან გადასულები.

ფილმი ”კრიმინალურ სასიყვარულო ისტორიად” შეფასდა და მთავარ როლებს, როგორც ეს ”თვითმკვლელთა რაზმში” იყო, კვლავ ჯარედ ლეტო და მარგო რობი შეასრულებენ.

Netflix ლედი გაგას შესახებ დოკუმენტურ ფილმს აჩვენებს

ლედი გაგამ თავისი ცხოვრების შესახებ ახალი ფილმის ”გაგა: მეტრანახევარი სიმაღლით” გამოსვლა დააანონსა. დოკუმენტური ნამუშევრის რეჟისორი კრის მოკარბელი იქნება, რომელმაც ბედნიერება გამოთქვა იმასთან დაკავშირებით, რომ ვარსკვლავმა მას ეს საპასუხისმგებლო საქმე ანდო.

თავად მომღერალს ფილმის მხოლოდ ნაწყვეტები აქვს ნანახი. ერთ-ერთი ვიდეო მან ”ინსტაგრამზე” განათავსა. მასში გაგა თავის მეგობარს მარტოობაზე ესაუბრება: ”მე მარტო ვარ, ყოველ ღამეს. ეს ხალხი წავა და მე მარტო დავრჩები. დღისით ბევრი ადამიანი მახვევია გარშემო, მაგრამ საღამოს მხოლოდ საკუთარი თავი მყავს, ტოტალურ სიჩუმეში”.

ფილმის პრემიერა სერვის Netflix-ზე 22 სექტემბერს შედგება. ასევე მისი ჩვენება ტორონტოს კინოფესტივალზეც მოხდება.

კრის ჰემსვორტი და ჯეფ ბრიჯესი საიდუმლო პროექტში მონაწილეობას მიიღებენ

ჰოლივუდის მსახიობები, კრის ჰემსვორტი და ჯეფ ბრიჯესი საერთო ფილმში მონაწილეობისთვის მიიწვიეს. ამ მომენტისთვის მსახიობებთან მოლაპარაკებები მიმდინარეობს.

ფილმს, ”ცუდი პერიოდი El Royale-ში”, სტუდია 20th Century Fox გადაიღებს და მისი რეჟისორი ”ოსკარის” ნომინანტი დრიუ გოდარდი იქნება. ფილმის სიუჟეტი მკაცრად გასაიდუმლოებულია. ცნობილი მხოლოდ ის არის, რომ მოქმედება 60-იან წლებში, ტბა ტოჰოსთან მდებარე სასტუმროში განვითარდება.

უცნობია, როდის გამოვა ფილმი დიდ ეკრანებზე.

კეტი პერიმ ნიკი მინაჟთან ერთად ახალი კლიპი წარმოადგინა (ვიდეო)

კეტი პერიმ სიმღერაზე Swish Swish კლიპი წარმოადგინა. სიუჟეტის მიხედვით, 32 წლის მომღერალმა კალათბურთელის როლი მოირგო, მისი თანაგუნდელები კი ჯენა აშკოვიცი (სერიალი ”Glee”), გეიტენ მატარაცო (სერიალი ”ძალიან უცნაური ამბები”), მოლი შენონი და ტერი კრიუსი (”ბრუკლინი 9-9”) და სხვები არიან. პერის ერთ-ერთი ოპონენტი კი ჰაფტორ ბიერნსონი (”სამეფო კარის თამაშები”).

პერის ბევრმა თაყვანისმცემელმა პერის ეს ვიდეო ტეილორ სვიფტის კლიპს ”Bad Blood” მიამსგავსეს, სადაც ასევე ბევრი ცნობილი ადამიანი მონაწილეობს.

სიმღერა კეტისა და ნიკი მინაჟის დუეტს წარმოადგენს.

ვენსან კასელის მეგობარმა გოგომ თამამი ფოტო გამოაქვეყნა

თამამი სცენების გამო, ვენსან კასელის ახალგაზრდა მეგობარი გოგო, ტინა კუნაკი ხშირად ხდება პაპარაცების სამიზნე.

ამ დღეებში კუნაკიმ სოციალურ ქსელში ახალი კადრი განათავსა, სადაც სანაპიროზე ბიკინით პოზირებს.

შეგახსენებთ, რომ კუნაკისა და კასელის რომანი უკვე 2 წელი გრძელდება. 30 წლიანი ასაკობრივი სხვაობის მიუხედავად, წყვილი რომანს არ მალავს.

evrything is gr8 when u don’t give a sh*t

A post shared by Tina Kunakey Di Vita (@tinakunakey) on

ტეილორ სვიფტმა ახალი ალბომი დააანონსა

ტეილორ სვიფტმა ახალი ალბომი ”Reputation” დააანონსა. დისკი 10 ნოემბერს გამოვა, მთავარი სინგლი კი 24 აგვისტოს გამოვა.

ეს მომღერლის რიგით მეექვსე ალბომი იქნება. ამ დროისთვის მისი უკანასკნელი ნამუშევარი ”1989” 2014 წლით თარიღდება. მას საკმაოდ დიდი წარმატება ხვდა წილად, კერძოდ კი პრემია ”გრემიც” მოიპოვა.

არსებული ინფორმაციით, სვიფტი MTV Video Music Awards-შიც მიიღებს მონაწილეობას, რომელიც 27 აგვისტოს გაიმართება.

A post shared by Taylor Swift (@taylorswift) on

რამდენია ”სამეფო კარის თამაშების” მთავარი პერსონაჟების ჰონორარი?

ჟურნალმა Variety ”სამეფო კარის თამაშების” ვარსკვლავების ჰონორარის ოდენობა გაარკვია. ემილია კლარკი, კიტ ჰარინგტონი, პიტერ დიკლეიჯი, ნიკოლა კოსტერ-ვალდუ და ლინა ჰიდი თითო ეპიუზოდში 500 ათას დოლარს იღებენ.

შეგახსენებთ, რომ ”სამეფო კარის თამაშები” ეკრანებზე 2011 წლიდან გამოდის. მიმდინარე წლის ოქტომბერში სერიალის მერვე და დასკვნითი სეზონის გადაღებები დაიწყება. ის ექვსი სერიისგან იქნება შემდგარი, ქრონომეტრაჟი კი გაიზრდება.

The Killers-მა ახალი კლიპი გამოუშვა (ვიდეო)

ახალი ალბომიდან Wonderful Wonderful პირველი კლიპის შემდეგ, ჯგუფმა The Killers სიმღერაზე Run For Cover მორიგი ვიდეო წარმოადგინა.

სიუჟეტის მიხედვით, გოგონა გარბის სახლიდან და ჩანთაში ”მოლოტოვის კოქტეილს” ინახავს.  ბოროტმოქმედი დაეწევა და მის მოკვლას მოინდომებს, თუმცა გოგონა თავის დაცვას მოახერხებს.

The Killers-ის ახალი ალბომი 22 სექტემბერს გამოვა.

მარტინ სკორსეზე ჯოკერის შესახებ ფილმის პროდიუსერი იქნება

მარტინ სკორსეზე ჯოკერის შესახებ ფილმის პროდიუსერი გახდება. ცნობილი ხდება, რომ სუპერგმირის შესახებ ფილმში მთავარ როლს, როგორც ეს ”თვითმკვლელთა რაზმის” შემთხვევაში იყო, ჯარედ ლეტო აღარ  შეასრულებს.

ფილმის რეჟისორის სავარძელს ტოდ ფილიპსი დაიკავებს. ამ ეტაპზე უცნობია, ვინ შეასრულებს მთავარ როლს. რაც შეეხება ლეტოს, ის ”თვითმკვლელთა რაზმის” ახალ ნაწილში გამოჩნდება.

 

მშობიარობიდან ორ თვეში ბიონსე იდეალურად გამოიყურება (ფოტო)

ბიონსე ტყუპების დედა მიმდინარე წლის ივნისში გახდა. როგორც ჩანს, მომღერალმა ფორმის დაბრუნება ორ თვეში მოახერხა და მის დემონსტრირებას სოციალურ ქსელებშიც უკვე არ ერიდება.

ცოტა ხნის წინ, ვარსკვლავმა ”ინსტაგრამზე” რამდენიმე ფოტო გააზიარა. მათზე ჩანს, რომ ვარსკვლავი არაჩვეულებრივად გამოიყურება, რასაც ის სწორ კვებასა და ცხოვრების აქტიურ წესს უმადლის.

”მიზნად დავისახე, ზედმეტი კილოგრამები მომეშორებინა: დავრბოდი სარბენ ბილიკზე, დავდიოდი ველოსიპედით და ვჭამდი მხოლოდ ბოსტნეულს. დაკავებული ვიყავი ფიტნესით, თუმცა ყველაზე მეტი ეფექტი სკამზე ხტუნვამ მომცა” – დაწერა ბიონსემ.

შეგახსენებთ, რომ 2 თვის ტყუპების, სერისა და რუმის გარდა, ვარსკვლავს 5 წლის ქალიშვილი, ბლუ აივი ჰყავს.

მორგან ფრიმანი SAG-ის საპატიო პრემიას მიიღებს

ამერიკის კინომსახიობთა გილდია ცხოვრებისეული მიღწევებისთვის მსახიობ მორგან ფრიმანს დააჯილდოვებს.

”ზოგი მსახიობი მთელი ცხოვრება იდეალურ როლს ელოდება, მორგანი კი ამტკიცებს, რომ იდეალური როლი თავად უნდა შექმნა: მძღოლი, მკვლელი, მოკრივე ან ამერიკის პრეზიდენტი – მორგანი თითოეული მათგანის სულსა და ადამიანობას გვიჩვენებს. ნამდვილად დიდი პრივილეგიაა, როდესაც ამ ყველაფრის დაფასების საშუალება არსებობს” – განაცხადა გილდიის პრეზიდენტმა, გაბრიელ კარტერისმა.

თავისი კარიერის მანძილზე ფრიმანმა ”ოსკარი”, ”ოქროს გლობუსი”, ვერცხლის დაღვი და სხვა პრესტიჟული პრიზები მიიღო.

დაჯილდოების ცერემონია 2018 წლის 21 იანვარს გაიმართება.

ანჯელინა ჯოლი ტორონტოს კინოფესტივალზე ახალ ფილმს წარადგენს

ტორონტოს კინოფესტივალის ფარგლებში ანჯელინა ჯოლი რამდენიმე პრეს-კონფერენციაში მონაწილეობას მიიღებს. ცნობილია, რომ ფესტივალის ფარგლებში ჯოლი თავის ახალ ფილმს ”თავდაპირველად მათ მამაჩემი მოკლეს” წარადგენს.

ფილმი კამბოჯელ მწერალს, ლინგ ანგს ეძღვნება და მასზე ჯოლისთან ერთად ჯოლის უფროსი ვაჟები- მედოქსი და პაქსიც მონაწილეობდნენ.

შეგახსენებთ, რომ ტორონტოს კინოფესტივალი 7-დან 17 სექტმებრამდე გაიმართება.

 

ჯენიფერ ლოპესმა ლას-ვეგასში ჩადენილ გიჟურ საქციელზე ისაუბრა

მერაია ქერის შემდეგ, ჟურნალ Paper-ის ფოტოპროექტში, რომელიც ლას-ვეგასს ეძღვნება, მონაწილეობა მიიღო 48 წლის ჯენიფერ ლოპესმაც. ფოტოსესია მკვეთრი და ნათელი გამოვიდა.

ლოპესმა გამოცემას ინტერვიუც მისცა, საიდანაც ნათელი გახდა, რომ ლას-ვეგასი მისთვის ყველაზე სექსუალური ქალაქია.

კითხვაზე, რომელი გიჟური საქციელი ჩაუდენია ამ ქალაქში, ვარსკვლავმა მორიდებით უპასუხა: ”ადამიანების უმეტესობა აქ ბევრს სვამს და დაცემამდე ცეკვავს. მე ასეთი გამოცდილება არ მქონია. მხოლოდ ერთხელ იყო, რომ დილის ოთხ საათამდე ვცეკვავდი” – განაცხადა ლოპესმა.

პოლ გრინგრასი ანდრეს ბრეივიკზე ფილმს გადაიღებს

რეჟისორი პოლ გრინგრასი ნორვეგიელ ტერორისტზე, ანდრეს ბრეივიკზე ფილმს გადაიღებს. ცნობილია, რომ გადაღებების დიდი ნაწილი ნორვეგიაში წარიმართება, პროექტის ბიუჯეტი კი 20 მილიონი იქნება. პროექტზე მუშაობა სტარტს მიმდინარე შემოდგომაზე აიღებს.

შეგახსენებთ, რომ გრინგრასის ყველაზე ცნობილი ნამუშევარია ”ბორნის ულტიმატუმი”. რაც შეეხება ბრეივიკს, 2011 წლის 22 ივლისს, კუნძულ უტოიაზე ის მასობრივი აფეთქებისა და ნორვეგიის შრომის პარტიის ახალგაზრდულ ბანაკზე განხორციელებული თავდასხმის მთავარი ორგანიზატორი და შემსრულებელია. ტერორისტული აქტების შედეგად დაიჭრა 151, ხოლო გარდაიცვალა 77 ადამიანი, მათ შორის საქართველოს ერთი მოქალაქე, თამთა ლიპარტელიანი. ნორვეგიის სასამართლოს 2012 წლის 24 აგვისტოს გადაწყვეტილებით ანდერს ბრეივიკს 21 წლით თავისუფლების აღკვეთა მიესაჯა, ვადის გაზრდის შესაძლებლობით.

კეტი პერიმ ორლანდო ბლუმთან რომანის აღდგენაზე პირველი კომენტარი გააკეთა

დაახლოებით ერთი კვირის წინ, კეტი პერიმ და ორლანდო ბლუმმა ურთიერთობის განახლება გადაწყვიტეს: ისინი ედ შირანის კონცერტს დაესწრნენ, საიდანაც ერთად წავიდნენ.

ვარსკვლავი გადაცემას Morning Mash Up ესტუმრა, სადაც მას კითხვა ბლუმის შესახებაც დაუსვეს. პერიმ უპასუხა: ”ხალხი მოდის შენს ცხოვრებაში და შემდეგ ისევ მიდის… კარგია, რომ ისინი, ვინც გიყვარს სულ გევრდით რჩებიან. ჩემთვის განსაკუთრებული ამაში არაფერია. როდესაც იზრდები, საზღვრებიც უფერულდება. ბევრი საქმე მაქვს. მომავალ წელს ტურნეში უნდა წავიდე…” – განაცხადა პერიმ.

შეგახსენებთ, რომ კეტი და ორლანდო ერთმანეთს 10 თვის განმავლობაში ხვდებოდნენ. ისინი ერთმანეთს მიმდინარე წლის გაზაფხულზე დაშორდნენ.

ჯასტინ ტიმბერლეიკისა და ჯესიკა ბილის ოჯახური გასვლები ტრადიციად იქცა (ფოტო)

ჯასტინ ტიმბერლეიკსა და ჯესიკა ბილს ოჯახური ტრადიცია აქვთ – ვარსკვლავები ყოველ უქმეებზე ვაჟიშვილთან ერთად ნიუ-იორკში სეირნობენ, პაპარაცები კი შესაბამის ფოტოებს იღებენ და ქსელში ავრცელებენ. ასე მოხდა ამჯერადაც – წყვილი ფოტოგრაფების ობიექტივში საილასთან ერთად სეირნობის დროს მოხვდა.

შეგახსენებთ, რომ ამ ეტაპზე ჯესიკა ბილი მრავალსერიან ტრილერში ”ცოდვილი” მონაწილეობს, სადაც ცოლისა და დედის ისტორიას უჩვენებს, რომელიც, ადამიანის მოკვლას გადაწყვეტს.

ბრიტნი სპირსმა ცოცხალი შესრულებით თაყვანისმცემლები გააკვირვა (ვიდეო)

19 აგვისტოს ლას-ვეგასში ბრიტნი სპირსის გრანდიოზული კონცერტი გაიმართა, რომელიც მისი საკონცერტო პროგრამის Piece Of Me ნაწილი იყო.

ვიდეო კონცერტიდან, სადაც მკაფიოდ ისმის ბრიტნის ვოკალური შესაძლებლობები, სრულიად ინტერნეტს მოედო. ერთი ნაწილის აზრით, სპირსის მაღალი დონის პროფესიონალია და ეს მის გამოსვლებში მუდმივად მტკიცდება, სხვები კი ფიქრობენ, რომ ბრიტნის ძალიან სუსტი ვოკალური შესაძლებლობები აქვს.

Britney singing “Something to Talk About” live 😵 #shook #pieceofme

A post shared by Joey Monroe (@joeymonroe) on

კრიტიკას თავად ვარსკვლავმაც უპასუხა:

”ბევრი ფიქრობს, რომ ცოცხლად არასოდეს ვმღერი. ხშირად მიწევს სიმღერის ნაწილის ჩაწერა, რადგან ბევრს ვცეკვავ, მაგრამ არასოდეს პირს ტყუილად არ ვცხსნი. მაგიჟებს ის ფაქტი, რომ ამდენს ვშრომობ და მადლობასაც კი არავინ მეუბნება!”

ბრედლი კუპერმა და ლეონარდო დიკაპრიომ მინი-წვეულება მოაწყეს (ფოტო)

ლეონარდო დიკაპრიომ ბრედლი კუპერი თავის მალიბუს სახლში წვეულებაზე დაპატიჟა. პაპარაცული ფოტოები ქსელში მალევე გაჩნდა – დიკაპრიოს საცხოვრებელთან მუდმივად ჩასაფრებული ფოტოგრაფები მუდმივად ახრეხებენ საინტერესო მასალის მოძიებას.

ბიჭების მინი-წვეულება – სწორედ ასე შეაფასეს დასავლურმა გამოცემებმა ვარსკვლავების შეხვედრა, რადგან კუპერი მასზე ირინა შეიკის გარეშე მივიდა. არსად დაფიქსირებულა დიკაპრიოს ახალი მეგობარი გოგონაც.

 


 

ნაზი და რომანტიკული მონიკა ბელუჩი Vanity Fair-ის ფოტოსესიაში

მონიკა ბელუჩიმ ესპანური Vanity Fair-სთვის იპოზიორა. იტალიელმა ლამაზმანმა ამჯერად არა საბედისწერო, არამედ ნაზი და რომანტიკული ქალის იმიჯი მოირგო. მსახიობმა თმა დაიმოკლა და სადა მაკიაჟს მიანიჭა უპირატესობა, რაც მის იმიჯს სასიკეთოდ წაადგა.

შეგახსენებთ, რომ მიმდინარე ზაფხულში 52 წლის მსახიობმა ჟურნალ Elle-სთვისაც იპოზიორა. მაშინც მისმა თაყვანისმცემლებმა აღნიშნეს, რომ ბელუჩი წლების მატებასთან ერთად უფრო ახალგაზრდულად გამოიყურება.


 

ბრედ პიტი აუტისტი კოსმონავტის როლში (ფოტო)

ახალ ფილმში ”ვარსკვლავებისკენ” ბრედ პიტი კოსმონავტ როი მაკბრაიდის როლს ასრულებს, რომელიც 20 წლის შემდეგ გებულობს, რომ მამა ცოცხალი ჰყავს და ის პლანეტა ნეპტუნზე აფარებს თავს. პიტის პერსონაჟი, რომელიც აუტისტია, მის მოსაძებნად გაემგზავრება.

ფილმის რეჟისორი და სცენარისტი ჯეიმს გრეია, რომელიც ბრედთან უკვე თანამშრომლობდა ფილმზე ”დაკარგული ქალაქი Z”.

ფილმის დიდ ეკრანებზე გამოსვლის თარიღი ამ დროისთვის უცნობია.

ლუპიტა ნიონგო ჯეი-ზის ახალ კლიპში მონაწილეობს (ვიდეო)

ჯეი-ზიმ ჯეიმს ბლეიკთან ერთად სიმღერაზე „MaNyfaCedGod“ კლიპი წარმოადგინა. შავ-თეთრ ვიდეოში მთავარ როლს ოსკაროსანი მსახიობი ლუპიტა ნიონგო ასრულებს.

შეგახსენებთ, რომ ნიონგოსთვის ეს ჯეი-ზისთან თანამშრომლობის უკვე მეორე შემთხვევაა. მაჰერშალა ალისთან ერთად ის რეპერის ვიდეოში „Adnis“ მონაწილეობდა.

სინგლი ჯეი-ზის ახალ ალბომში „4:44“ შედის.

სელენა გომესის ორეული ინტერნეტ ვარსკვლავი გახდა (ფოტო)

23 წლის სოფია სოლარესთან წარმატება მოულოდბნელად მივიდა: გოგონა ნამდვილი ინტერნეტვარსკვლავი მხოლოდ იმიტომ გახდა, რომ გაჭრილი ვაშლივით ჰგავს სელენა გომესს. ეს ამბავი მას სრულებითაც არ აწუხებს, რადგან სოფია გომესის შემოქმედების დიდი თაყვანისმცემელია.

”მე სელენას აქტიური მსმენელი ვარ. რომ ვნახო, ის ჩემს გვერდს ათვალიერებს და წამებს ხარჯავს, რათა თუნდაც ერთი სიტყვა მომწეროს, სიხარულისგან ვიტირებდი” , – აღიარა სოლარესმა.

ამ დროისთვის უცნობია, რას ფიქრობს თავის ორეულზე ცნობილი ვარსკვლავი.

Bueno,bonito y barato ♥️ ( perdón ! Se eliminó porque pensé que se había subido dos veces 😱😂)

A post shared by Sofia Solares (@sofisolars) on

Hermosas sombras ! Gracias @cutestore00 ♥️

A post shared by Sofia Solares (@sofisolars) on

🍉

A post shared by Sofia Solares (@sofisolars) on

ემა სტოუნი და ენდრიუ გარფილდი ისევ ერთად არიან

წლების წინ, ემა სტოუნი და ენდრიუ გარფილდი ჰოლივუდის ერთ-ერთ ყველაზე ლამაზ წყვილად მიიჩნეოდა, თუმცა 2015 წლის ბოლოს ისინი ერთმანეთს დაშორდნენ. მიუხედავად იმისა, რომ ერთად აღარ იყვნენ, სტოუნი ხშირად ამბობდა, რომ ექს-ბოიფრენდი ისევ უყვარდა.

როგორც ჩანს, ვარსკვლავებმა ურთიერთობის განახლება გადაწყვიტეს. მიუხედავად ამისა, ისინი პირად ცხოვრებაზე საუბარს თავს არიდებენ.

შეგახსენებთ, რომ წყვილმა ერთმანეთი 2010 წელს, ფილმ ”ახალი ადამიანი-ობობას” გადაღებებზე გაიცნო.

 

პინკის ახალი კლიპი პოლიტიკურ ქვეტექსტებს შეიცავს (ვიდეო)

პინკმა სიმღერაზე ”What About Us?” ვიდეო წარმოადგინა. რადგანაც სიმღერის ტექსტი ბევრ სოციალურ პრობლემას – რასიზმს, დისკრიმინაციას, სექსუალური უმციროსებობების ტემას შეეხება, კლიპიც შესაბამისად სერიოზული გამოვიდა.

ვიდეოს დასაწყისში ისმის ნიუ-ჯერსის გუბერნატორის, კრის კრისტის სიტყვები, რომლითაც ის დონალდ ტრამპის წინასაარჩევნო კამპანიაში გამოდიოდა. ეს ყველაფერი შემთხვევითი არ ყოფილა – ტექსტი შეიცავს პოლიტიკურ დაპირებებს, რომლებიც ამ, დრომდე არ შესრულებულა.

ახალი დორიან გრეი ქალი იქნება

მომღერალი და მსახიობი ენი კლარკი, რომელიც ცნობილია ზედმეტსახცელით St. Vincent, ოსკარ უაილდის რომანის, ”დორიან გრეის პორტრეტის” მიხედვით ფილმს გადაიღებს. უკვე ცნობილია, რომ მთავარი პერსონაჟი ქალი იქნება.

ფილმისთვის სცენარს დევიდ ბირკი დაწერს. რაც შეეხება კლარკს, მისი სადებიუტო რეჟისორული ნამუშევარი მოკლემატრჟიანი ფილმი ”Birthday Party” იყო, რომლის შემდეგაც სტუდია Lionsgate-მა სრულმეტრაჟიანი ფილმი მას სრულად ანდო.

საიტის შემდეგ ჰაკერებმა HBO-ს სოციალური ქსელებს შეუტიეს

საიტის შემდეგ ჰაკერების მომდევნო სამიზნე HBO-ს სოციალური ქსელების, ”ტვიტერისა” და ”ფეისბუქის” ანგარიშები გახდა. გატეხილ ექაუნთებში კიბერდამნაშავეებმა შეტყობინებები დატოვეს, მათი თქმით, ისინი ჯგუფ OurMine-ის წარმომადგენლები არიან.

”გამარჯობა, ჩვენ ვართ OurMine და უბრალოდ ვამოწმებთ თქვენს უსაფრთხოებას. მოგიწოდებთ HBO-ს გუნდს, გთხოვთ დაგვიკავშირდით, რათა უსაფრთხოების სისტემა განვაახლოთ”, – ნათქვამია შეტყობინებაში.

ამ დროისთვის შეტყობინება ორივე ანგარიშიდან წაშლილია.

ემა სტოუნი ყველაზე მაღალანაზღაურებადი მსახიობია

”ფორბსმა” თანამედროვეობის ყველაზე მაღალანაზღაურებადი მსახიობები გამოავლინა. წლვანდელი რეიტინგის სათავეში ემა სტოუნი აღმოჩნდა.

გამოცემის თანახმად, გასულ წელს ვარსკვლავმა 26 მილიონის გამომუშავება შეძლო, რომლიდანაც უდიდესი წვლილი მას ფილმმა ”ლა ლა ლენდმა” მოუტანა, სადაც მთავარ როლს ასრულებს და რომელმაც მას კატეგორიისთვის ”ქალის საუკეთესო როლი” ”ოსკარიც” მოუტანა.

ამ ეტაპზე მსახიობი ფილმ ”მანიაკის გადაღებებით არის დაკავებული. ახალი როლისთვის მას თმის ქერად შეღებვა მოუწია. ამას გარდა, უახლოეს მომავალში ემას ნახვა ტრაგიკომედიაში ”სქესთა ბრძოლა” იქნება შესაძლებელი.

რაც შეეხებათ სხვა შემოსავლიან მსახიობებს, ესენი არიან: ჯენიფერ ლოურენსი, მილა კუნისი, ჯენიფერ ენისტონი, მელისა მაკარტი, შარლიზ ტერონი, ჯულია რობერტსი და სხვები.

ანჯელინა ჯოლი მამასთან და ქალიშვილთან ერთად ლოს-ანჯელესის ქუჩებში სეირნობს (ფოტო)

განქორწინების შემდეგ ანჯელინა ჯოლი საზოგადოებაში ხშირად ჩნდება. ამჯერად, მსახიობი პაპარაცების ობიექტივში მამის, ჯონ ვოიტისა და ქალიშვილის, ვივიენის კომპანიაში მოხვდა – ოჯახი ლოს-ანჯელესის ქუჩებში სეირნობდა.

ცნობილია, რომ მსახიობის მამა უკვე დიდი ხანია არწმუნებს ქალიშვილს, რომ პიტს დაუბრუნდეს. შესაძლოა სწორედ ამ ფაქტსაც უკავშირდება შეჩერებული განქორწინების პროცესიც, თუმცა ამ დღეებში ბრედის ინტერვიუდან ცნობილი გახდა, რომ ის ანჯელინასთან დაბრუნების შესაძლებლობას გამორიცხავს.

კრის ბრაუნმა რიანას ცემის ფაქტზე გულახდილად პირველად ისაუბრა

კრის ბრაუნმა დოკუმენტური ფილმი Welcome to My Life გამოუშვა, სადაც რიანასთან ურთიერთობის ბევრ დეტალს ფარდა ახადა. მუსიკოსი ირწმუნება, რომ პრობლემები ურთიერთობაში მათ მას შემდეგ დაეწყოთ, რაც კრისმა აღიარა, რომ ერთ-ერთ კოლეგასთან უღალატა:

”მას მე შევძულდი. ყველა ვარიანტი ვცადე, რათა სიტუაცია გამომესწორებინა, მაგრამ ის აღარ მენდობოდა. ჩვენი ცხოვრება გაუთავებელ ჩხუბად გადაიქცა – სიტყვიერ და ფიზიკურ ჩხუბად. მე დღემდე მიყვარს რიანა, მაგრამ უნდა ვაღიარო, რომ ერთმანეთს ვცემდით, როდესაც ამისი შესაძლებლობა გვქონდა. ბოლოს მივედით იმ მომენტამდე, როდესაც ერთმანეთს ვკითხეთ – რა ჯანდაბას ვაკეთებთ ახლა?

მე ვუყურებდი რიანას, რომელიც გამუდმებით ტიროდა და ყვიროდა. ერთ-ერთი შელაპარაკების დროს მე მას დავარტყი და ტუჩი გავუხეთქე. როდესაც დავინახე რა გავაკეთე, შოკში ჩავვარდი. რიანამ მომაფურთხა, მანქანის გასაღები გადააგდო და სასწრაფოს დასაძახებლად წავიდა.

თავს საშინელ მონსტრად ვგრძნობდი” – აღიარა ბრაუნმა.

შეგახსენებთ, რომ ამ ამბის მერე მუსიკოსებმა ურთიერთობა ცოტა ხნით კიდევ აღადგინეს და საბოლოოდ მხოლოდ ამის შემდეგ დაშორდნენ.

ტეილორ სვიფტმა დევიდ მიულერს სასამართლო პროცესი მოუგო

ტეილორ სვიფტისა და 55 წლის დიჯეის, დევიდ მიულერის სასამართლო პროცესი სვიფტის გამარჯვებით დასრულდა.

ყველაფერი კი გასული წლის დეკემბერში დაიწყო. ტეილორმა მიულერს სასამართლოში მას შემდეგ უჩივლა, რაც ეს უკანასკნელი მის უკანალს შეეხო, როდესაც ფოტოს იღებდნენ. მაშინ მომღერალმა საკუთარ უსაფრთხოებაზე ზრუნვა გადაწყვიტა და ჩათვალა, რომ ამ პრობლემას მხოლოდ სასამართლოს გზით მოაგვარებდა.

გამარჯვების შემდეგ, სვიფტმა ოფიციალური განცხადება გამოაქვეყნა: ”ვიცი, რომ ძალიან გამიმართლა, რადგან საკუთარი თავის დაცვა შემიძლია. მინდა დავეხმარო ყველას, ვისაც ვინმესთვის ხმის მიწვდენა სურს. უახლოეს მომავალში შევქმნი ფონდს, რომელიც სექსუალური ძალადობის შედეგად დაზარელბულებს დაეხმარება”.

ბრუნო მარსმა სიმღერაზე Versace on the Floor კლიპი გადაიღო (ვიდეო)

ბრუნო მარსმა სიმღერაზე ”Versace on the Floor” კლიპი გადაიღო. მართალია, ვიდეოში არ მონაწილეობს თავად დონატელა ვერსაჩე, მაგრამ მასში შესაძლებელია მსახიობ ზენდაიას ნახვა, რომელიც სიუჟეტის მიხედვით მარსის მეზობელ ნომერში ცხოვრობს.

სიუჟეტი იმპროვიზირებულ სასტუმროში ვითარდება, რომელიც ნეონის ცეცხლით არის გაფორმებული.

მოულოდნელი არავისთვის ყოფილა ის ფაქტიც, რომ კლიპში ყველა მონაწილეს Atelier Versace-ს ტანსაცმელი აცვია, რომელიც სპეციალურად კლიპისთვის შეიქმნა.

რატომ არ არიგებენ ავტოგრაფებს სამეფო ოჯახის წევრები?

ბრიტანეთის სამეფო ოჯახმა საკმაოდ საინტერესო ტრადიცია დაამკვიდრა: ყოველ კვირას ცნობილი ხდება მათი ოჯახის  ერთი საიდუმლო, რომლის შესახებაც აქამდე არავინ არაფერი იცოდა. გასულ კვირას თემა ელიზაბეტ მეორის ჩაცმულობას შეეხო. როგორც აღმოჩნდა, მიზეზი, რის გამოც დედოფალს მუდმივად მკვეთრი ფერის კაბები აცვია იმაში მდგომარეობს, რომ გრანდიოზულ ღონისძიებებზე, რომელსაც ბევრი ადამიანი ესწრება, ელიზაბეტ მეორე არ ჩაიკარგოს.

ამჯერად კი ფარდა მორიგ საიდუმლოს აეხადა – რატომ არ არიგებენ სამეფო ოჯახის წევრები ავტოგრაფებს? როგორც გაირკვა, მიზეზად სიფრთხილე დასახელდა, რათა ბოროტმოქმედებმა მათი ხელმოწერის გაყალბება ვერ შეძლონ. სწორედ ამიტომ, ავტოგრაფის თხოვნაზე პრინცი ან ჰერცოგინია ბოდიშის მოხდით გიპასუხებთ: ”უკაცრავად, ავტოგრაფის მოცემა არ შემიძლია, მაგრამ შემიძლია თქვენთან ერთად ფოტო გადავიღო”.

სელენა გომესს ემინემთან დუეტი სურს

სელენა გომესმა თაყვანიცმემლებთან კონტაქტის ახალი საშუალება მოიფიქრა. ვარსკვლავმა ”ტვიტერის” საშუალებით ონლაინ-კონფერენცია მოაწყო და ყველაზე საინტერესო კითხვებს უპასუხა.

კითხვაზე, ვისთან სურს დუეტის ჩაწერა, სელენამ მოულოდნელი პასუხი გასცა და უპასუხა, რომ ემინემთან კოლაბორაცია სურს. ”ვფიქრობ, საინტერესო გამოვიდოდა ჩვენი დუეტი, ემინემს უკვე აქვს ჩაწერილი სიმღერები სიასთან, რიანასთან. რატომ არ შეიძლება, რომ მათ რიცხვს გომესიც მიემატოს? – განაცხადა მომღერალმა.

კონფერენციის ფარგლებში სელენამ ასევე განაცხადა, რომ ძალიან უყვარს ”სამეფო კარის თამაშები”, ხოლო რიანას ”Wild Thoughts” მისთვის საუკეთესო სიმღერაა.

არნოლდ შვარცენეგერი ”ტერმინატორში” ბრუნდება

არნოლდ შვარცენეგერმა ოფიციალურად დაადასტურა, რომ ”ტერმინატორის” მეექვსე ნაწილში მონაწილეობას მიიღებს. მსახიობის თქმით, გადაღებები 2018 წლის გაზაფხულზე დაიწყება.

ფილმზე მუშაობის თარიღები ამ დროისთვის უცნობია. პროექტის წარმატების შემთხვევაში, ახალი ნაწილის გადაღებაც იგეგმება.

უკანასკნელი ნაწილი ”ტერმინატორი 5:გენეზისი” 2015 წელს გამოვიდა, თუმცა კინოკრიტიკოსებისა და მაყურებლების სიმპათია ვერ დაიმსახურა.

”საზიზღარი მე 3” მილიარდერთა კლუბისკენ მიიწევს

მულტფილმ ”საზიზღარი მე 3”-ის მსოფლიო კინოგაქირავების შედეგად შემოსავალმა 920 მილიონი დოლარი შეადგინა. ამ გზით კი ის 2017 წლის სამ ყველაზე ცნობილ კინოპროექტში შევიდა, შესაბამისად აქვს ყველანაირი შანსი, რომ მილიარდერების ელიტურ კლუბშიც მოხვდეს.

რაც შეეხება გასული კვირის მონაცემებს, ამერიკული კინოგაქირავების პირველ ადგილზე ”ანაბელის წყევლა: დასაწყისი” 35 მილიონი დოლარით იმყოფება, მეორე ადგილს ”დიუნკერკი” იკავებს 11,4 მილიონით, ხოლო სამეულს მულტფილმი  ”The Nut Job 2” ხურავს 8,9 მილიონით.

ჯეი-ზიმ ”მეგობრების” მიხედვით კლიპი გადაიღო (ვიდეო)

როგორც ჩანს, ჯეი-ზი სერიალ ”მეგობრების” დიდი მოყვარულია: რეპერმა პროექტის მიხედვით გადაღებული კლიპი ”Moonlight” წარმოადგინა. სიახლე სერიალის ერთგვარ პაროდიასაც წარმოადგენს.

ექვსი განუყრელი მეგობრის ნაცვლად ვიდეოში ფერადკანიანი მსახიობები მონაწილეობენ: ტესა ტომპსონი, ლილ რელ ჰაუერი, ლეიკიტ სტენფილდი, ისა რეი, ტიფანი ჰედიში და ჯეროდ კარმაიკლი.

კლიპის პრემიერა სერვის Tidal-ზე შედგა, რომელიც რეპერის კუთვნილებაშია.

ლეონარდო დიკაპრიო ლეონარდო და ვინჩის განასახიერებს

ლეონარდო დიკაპრიო ლეონარდო და ვინჩის განასახიერებს – ინფორმაცია ოფიციალურად დადასტურებულია. როგორც Variety წერს, დიკაპრიო საკმაოდ დიდ ჰონორარს და ფილმის ერთ-ერთი პროდიუსერის სავარძელს მიიღებს.

ცნობილი ფაქტია, რომ სწორედ და ვინჩის საპატივსაცემოდ დაარქვეს მსახიობს ”ლეონარდო”, შესაბამისად, ფილმში მონაწილეობა მხოლოდ მაღალი ჰონორარის მიზეზით არ ხდება.

პროექტს საფუძვლად თანამედროვეობის ერთ-ერთი ყველაზე ცნობილი ბიოგრაფის, უოლტერ აიზეკსონის წიგნი დაედება, რომელიც გაყიდვაში ოქტომბერში გამოვა. რაც შეეხება ფილმს, მისი დიდ ეკრანებზე გამოსვლის თარიღი ამ დროისთვის უცნობია.

კრიშტიანო რონალდომ 2 თვის შვილთან ერთად გადაღებული ახალი ფოტო გააზიარა

კრიშტიანო რონალდო მამობით ტკბობას განაგრძობს. 2 თვის წინ ის ტყუპების, მატეოსა და ევას მამა გახდა. მას შემდეგ, პერიოდულად, ის „ინსტაგრამზე“ პატარებთან ერთად გადაღებულ ფოტოებს აზიარებს. როგორც ჩანს, რონალდო არ განეკუთვნება იმ ვარსკვლავების რაოდენობას, რომელიც შვილის სახეს ცნობილ გამოცემასთან ძვირადღირებული ფოტოსესიის სანაცვლოდ გარკვეული პერიოდის მანძილზე მალავს.

32 წლის ფეხბურთელმა ერთ-ერთ ტყუპთან ერთად გადაღებული ფოტო გააზიარა და დააწერა, რომ ბედნიერია.

შეგახსენებთ, რომ ტყუპებიც და უფროსი ვაჟიშვილიც რონალდოს სუროგატმა დედამ გაუჩინა. სულ მალე კი ვარსკვლავი მეოთხე შვილის მამაც გახდება. ამჯერად დედის ვინაობა ცნობილია და ის კრიშტიანოს მეგობარი გოგო, ჯორჯინა როდრიგესია.

50 წლის სელმა ჰაიეკი საცურაო კოსტიუმში შთამბეჭდავად გამოიყურება (ფოტო)

50 წლის სელმა ჰაიეკმა თაყვანისმცემლები გააოცა, როდესაც საცურაო კოსტიუმში გადაღებული ფოტო „ინსტაგრამზე“ განათავსა. მასზე მექსიკელი მსახიობი შხაპის ქვეშ დგას. სურათს ჰაიეკმა საინტერესო წარწერა დაურთო:

„წყალი – ყველაზე გემრიელი, ლამაზი და ძვირფასი საჭიროება ადამიანისთვის“.

ფოტოს ჰაიეკის თაყვანისმცემლების აღფრთოვანება მოჰყვა. მათ აღიარეს, რომ ვარსკვლავი წლიდან წლამდე საუკეთესოდ გამოიყურება.

ჯენიფერ ლოურენსმა სექტემბრის Vogue-სთვის გაიხადა (ფოტო)

ჯენიფერ ლოურენსი სექტემბრის Vogue-ის მთავარი გმირი გახდა. 26 წლის ვარსკვლავმა გამოცემის ფურცლებზე გაიხადა და გულახდილ ინტერვიუშიც მიიღო მონაწილეობა.


ოსკაროსანმა მსახიობმა დარენ არონოფსკისთან რომანსა და მის ახალ ფილმზეც ისაუბრა. ლოურენსმა აღიარა, რომ მისი მოვალეობა იყო, საკმაოდ იდუმალებით მოცულ ისტორიაში გარდასახვა და რომ თავდაპირველად მან არც იცოდა, როგორ გამკლავებოდა ამ ყველაფერს.

ვრცლად ინტერვიუ ხელმისაწვდომი ჟურნალის ახალ ნომერში იქნება, რაც შეეხება მის ახალ ფილმს „დედა!“, ის ეკრანებზე ოქტომბერში გამოვა.

5 წლიანი დუმილის შემდეგ პინკმა ახალი სიმღერა გამოუშვა (აუდიო)

5 წლიანი დუმილის შემდეგ პინკმა ახალი სიმღერა გამოუშვა და მორიგი, რიგით მეშვიდე ალბომი დააანონსა.

სიახლეს ”What About Us” ჰქვია და ის პირველი ოფიციალური სინგლი იქნება დისკიდან ”Beautiful Trauma”, რომლის რელიზიც 13 ოქტომბერს იგეგმება. სიმღერის ტექსტი პინკმა თავად დაწერა.

ცნობილია, რომ ალბომი 13 ახალი სიმღერისგან იქნება დაკომპლექტებული.

ვარსკვლავების ყველაზე ლამაზი სახლები: სად ცხოვრობენ ცნობილი ადამიანები (ფოტო)

საკმაოდ დიდი ჰონორარები ვარსკვლავებს საშუალებას აძლევს, თავი მდიდრული ვილებითა და აგარაკებით გაინებივრონ. მათი საცხოვრებლები ხშირად ერთმანეთზე უკეთესი და ძვირადღირებულია. გთავაზობთ რამდენიმე მათგანის სახლს:

კიტ ჰარინგტონი და როუზ ლესლი

”სამეფო კარის თამაშების” მსახიობები უკვე ერთად ცხოვრობენ. აღმოსავლეთ ინგლისში სახლი მათ 2,2 მილიონად შეიძინეს და მას ქალაქგარეთ დასვენებისთვის და არა მუდმივ საცხოვრებლად გამოიყენებენ.

ბიონსე და ჯეი-ზი

ბიონსეს მშობიარობის შემდეგ, წყვილმა მალიბუში მდებარე მდიდრული ვილა 400 ათას დოლარად იქირავა. მასში 10 საძინებელი, 14 სააბაზანაო, ბიბლიოთეკა, ბილიარდის ოთახი, ღვინის მარანი, სატრენაჟორო დარბაზი და სახლის კინოთეატრია.

მილა კუნისი და ეშტონ კაჩერი

ვარსკვლავურმა წყვილმა ცოტა ხნის წინ იყიდა სახლი სანტა-ბარბარაში 10 მილიონ დოლარად. მასში 6 საძინებელი, 6 აბაზანა, დიდი მისაღები ოთახი და ოკეანის პირადი სანაპირო შედის.

რობერტ დაუნი-უმცროსი

ტონი სტარკმა ცოტა ხნის წინ 3,5 მილიონ დოლარად შეფასებული სახლი შეიძინა, რომელიც რკინის კაცის მალიბუს საცხოვრებელს ძალიან ჰგავს.

ნატალი პორტმანი

მსახიობი დიდი ხანია ეშტონ კაჩერისა და მილა კუნისის მეზობელია. ნატალიმ და მისმა მეუღლემ სახლი 7 მილიონად შეიძინეს და მასში 4 საძინებელი, 5 აბაზანა, ორი მისაღები ოთახი, დიდი აუზი და ოკეანის ხედით ტერასაა.

სელენა გომესი

სელენა გომესმა სახლი 2,25 მილიონ დოლარად შეიძინა. მასში 4 საძინებელი, 4 აბაზანა, ბიბლიოთეკა და სპა-ზონა არის განთავსებული. მალევე, მასთან ახლოს სახლი შეიძინა მისმა ბოიფრენდმა The Weeknd-მა.

ლეონარდო დიკაპრიო

მალიბუში დიკაპრიოს მდიდრული ვილა ”მილიარდერების სანაპიროზე” მდებარეობს. ბუნებრივია, საცხოვრებველი თითქმის უნაკლოა.

ემილია კლარკი

”სამეფო კარის თამაშების” ვარსკვლავი საბოლოოდ გადასახლდა ლოს-ანჯელესში. 4,64 მილიონად მოკრძალებული სახლი მან 2016 წლის შემოდგომაზე იყიდა.

ჰაკერებმა ”სამეფო კარის თამაშების” მთავარი პერსონაჟების ნომრები და მისამართები გამოაქვეყნეს

ჰაკერებმა, რომლებმაც НВО-ს საიტი გატეხეს და ”სამეფო კარის თამაშების” ახალი სეზონის ჯერ კიდევ ეთერში გამოუსვლელი სერიების სცენარი მოიპარეს, ინტერნეტში პროექტის მთავარი პერსონაჟების მისამართები და ტელეფონის ნომრები გაავრცელეს.

შესაბამისად, კიტ ჰარინგტონის, ლინა ჰიდის, ემილია კლარკის ან პიტერ დიკლეიჯის საკონტაქტო ინფორმაციის მოპოვება სირთულეს აღარ წარმოადგენს.

ცოტა ხნის წინ, მეხუთე სერიის ეთერში გაშვებამდე კიბერდამნაშავეებმა НВО-ს ხელმძღვანელობას გამოსასყიდი და რეკლამებიდან შესულიმოგების ნაწილი მოსთხოვეს.

ავრილ ლავინი ახალ ბოიფრენდთან ერთად პაპარაცების ობიექტივში მოხვდა

პირველად მას შემდეგ, რაც პრესაში გავრცელდა ხმების იმის თაობაზე, თითქოს ავრილ ლავინი რეალურად მკვდარია და მის მაგივრად მისი ორეული ჩნდება ხოლმე, მომღერალი პაპარაცების ობიექტივში მოხვდა.

ლავინი მუსიკოს ჯეი როტემთან ერთად დასავლეთ ჰოლივუდში გადაიღეს. წყვილი ღამის კლუბიდან ერთად გამოვიდა და გაურკვეველი მიმართულებით წავიდა.

პაპარაცების დანახვის შემდეგ, ავრილი შეეცადა, კადრში რაც შეიძლება ნაკლებად მოხვედრილიყო, შესაბამისად ის მალევე მოეფარა ობიექტივს.

შეგახსენებთ, რომ მომღერალი და ჯგუფ Nickelback-ის სოლისტი, ჩედ კრიუგერი ერთმანეთს 2015 წელს დაშორდნენ.

ჯესიკა ბილი ‘N Sync-ის მსმენელი არასოდეს ყოფილა

ჯესიკა ბილი გადაცემა Reddit AMA-ს სტუმრობდა, სადაც წამყვანისა და თაყვანისმცემლების კითხვებს უპასუხა. ცნობილი გახდა, რომ მსახიობი სრულებით არ იყო ‘N Sync-ის მსმენელი და მან მომავალი მეუღლის შემოქმედებაც არ იცოდა.

”იმ პერიოდში მე თეატრის ბოტანიკოსი ვიყავი და მთელს დროს ამ საქმეს ვუთმობდი, ამიტომ არცერთ ჯგუფს არ ვუსმენდი”, – განმარტა ბილმა.

შეგახსენებთ, რომ ბილმა და ტიმბერლეიკმა 2012 წელს იქორწინეს, მანამდე კი დაახლოებით 5 წელი ერთმანეთს ხვდებოდნენ. წყვილს საერთო ვაჟიშვილი ჰყავს.

”მოსიარულე მკვდრების” ყველა სერია 4 წუთიან ვიდეოში გაერთიანდა

22 ოქტომბერს სერიალი ”მოსიარულე მკვდრები” ეთერს უბრუნდება. ეს თარიღი პროექტისთვის საიუბილეო იქნება, რადგან ეთერში რიგით მე-100 სერია გავა. სპეციალურად ამ ფაქტისთვის, სერიალის შემქმნელებმა 99-ვე სერია 4 წუთიან რგოლში გააერთიანეს.

მასში თითქმის ყველა სერიიდან არის ამოღებული მნიშვნელოვანი ეპიზოდები და ერთგვარ გზამკვლევს ქმნის.

შეგახსენებთ, რომ ახალი სეზონი რიგით მე-8 იქნება პროექტის ისტორიაში. ”მოსიარულე მკვდრები” საკაბელო ტელევიზიის ყველაზე პოპულარული სერიალია.

მაილი საირუსმა ახალი ალბომი დააანონსა

29 სექტემბერს მაილი საირუსი ახალ ალბომს გამოუშვებს, რომელიც ბოლო ორი წლის მანძილზე მისი პირველი ნამუშევარი იქნება. დისკს ”Younger Now” ერქმევა და ის რიგით მეექვსე იქნება 24 წლის საირუსის შემოქმედებაში.

სიახლე მაილიმ ”ინსტაგრამზე” დააანონსა. ცნობილია, რომ მაილის MTV Video Music Awards-ზეც ვიხილავთ. მომღერალი საღამოზე რამდენიმე ცნობილ ჰიტს შეასრულებს.

სტუდია Lionsgate ”ბინდისა” და ”შიმშილის თამაშების” გაგრძელებას გადაიღებს

სტუდია Lionsgate-ის გენერალურმა დირექტორმა, ჯონ ფელტჰაიმერმა განაცხადა, რომ არ გამორიცხავს, ”ბინდისა” და ”შიმშილის თამაშების” ახალი ნაწილების გადაღებას.

მისი თქმით, არსებობს კიდევ უამრავი ისტორია, რომელსაც სტუდია ახალ სიცოცხლეს შესძენს. საკმარისია მხოლოდ ნაწარმოების ავტორების მხრიდან შესაბამისი ნაწილების დასრულება.

შეგახსენებთ, რომ მთავარი როლი ”შიმშილის თამაშებში” ჯენიფერ ლოურენსმა შეასრულა, ხოლო ”ბინდში” რობერტ პატინსონი და კრისტენ სტიუარტი მონაწილეობენ.

ჯენიფერ გარნერი ახალ ფილმში მონაწილეობას მიიღებს

ჯენიფერ გარნერი მონაწილეობას მიიღებს ფრანგი რეჟისორის, პიერ მორელის ახალ ფილმში ”Peppermint”, სადაც მსახიობი დაქირავებულ მკვლელს განასახიერებს. უკვე ცნობილია, რომ შინაარსობრივად პროექტი “ჯონ უიკის” მსგავსი იქნება, რომელშიც მთავარ როლს კიანუ რივზი ასრულებს.

ახალი პროექტი ექშენ-თრილერის ჟანრის იქნება, თუმცა სხვა დეტრალები ამ დროისთვის უცნობია.

MTV VMA-ზე გამომსვლელთა ვინაობა ცნობილი გახდა

2017 წლის აგვისტოს ბოლოს MTV VMA 2017-ის დაჯილდოების ცერემონია გაიმართება. უკვე ცნობილია, რომ ღონისძიების წამყვანი კეტი პერი იქნება. ამჯერად კი საღამოზე სხვა გამომსვლელების ვინაობაც გახდა ცნობილი და ესენი არან: მაილი საირუსი, ედ შირანი, ლორდი, შონ მენდესი, Fifth Harmony, The Weeknd, Thirty Seconds to Mars და ა.შ.

ცნობილია ისიც, რომ უახლოს მომავალში ორგანიზატორები კიდევ რამდენიმე სახელის დამატებას გეგმავენ. ცერემონია 27 აგვისტოს გაიმართება.

სელენა გომესი ვუდი ალენის ახალ ფილმში მონაწილეობას მიიღებს

ცოტა ხნის წინ, ვუდი ალენმა თავის ახალ ფილმზე ”ჯადოსნური ბორბალი” მუშაობა დაასრულა და უკვე ახალი პროექტის გადაღებას შეუდგა. ჯერ-ჯერობით ახალ ნამუშევარზე ცნობილი მხოლოდ ის არის, რომ მასში მონაწილეობას 21 წლის ტიმოთი ჩალამეტი, 19 წლის ელ ფანინგი და 25 წლის სელენა გომესი მიიღებენ. სხვა დეტალები ამ დროისთვის არ ხმაურდება.

რაც შეეხება ალენის ამ დროისთვის ბოლო ფილმს, ”ჯადოსნური ბორბალი” დიდ ეკრანებზე დეკემბერში გამოვა. მასში ჯასტინ ტიმბერლეიკი, კეიტ უინსდლეტი, ჯეიმს ბელუში და სხვა ვარსკვლავები მონაწილეობენ.

The Weeknd-მა და Puma-მ ფეხსაცმლის ახალი ხაზი შექმნეს (ფოტოები)

კანადელი მუსიკოსი The Weeknd სულ უფრო აქტიურად ეშვება მოდის სამყაროში: თებერვალში ის Puma-ს ახალი კოლექციის სახე გახდა, ამჯერად კი, მან გერმანულ ბრენდთან ერთად შექმნილი კოლექცია წარმოადგინა.  შეგახსენებთ, რომ თავის დროზე მარკის სახეები რიანა, კაილი ჯენერი და სხვები იყვნენ.

აბელ ტესფაიე სიახლეზე თითქმის ერთი წელი მუშაობდა. ”ბევრი ვინერვიულე, მაგრამ როდესაც შედეგი ვნახე, მე ის მომენტალურად შემიყვარდა” – განაცხადა ვარსკვლავმა.

Parallel – ასე ჰქვია მუსიკოსის ხაზს და მას მარტივი და ამავდროულად მაღალი კლასის დიზაინი აქვს. ფეხსაცმლის მორგება კი ორივე სქესის ად