პრინც ჰარისა და მეგან მარკლის შესახებ ფილმის პირველი კადრები გავრცელდა (ფოტო)

ქსელში ბრიტანეთის სამეფო ოჯახის წევრების, პრინც ჰარისა და მისი მომავალი მეუღლის, მეგან მარკლის ურთიერთობის შესახებ ფილმის პირველი კადრები გავრცელდა. თაყვანისცმლებს უკვე შეუძლიათ მსახიობებისა და მათი რეალური პროტოტიპების შედარება.

პროექტს „ჰარი და მეგანი: სამეფო სიყვარულის ისტორია“ ჰქვია და ის პრინცისა და მსახიობის გაცნობასა და მათი სიყვარულის განვითარებას შეეხება. გადაღებები ვანკუვერსა და ლოს-ანჯელესში მიმდინარეობს. ფილმის ჩვენება კი ქორწილამდე რამდენიმე დღით ადრე მოხდება. შეგახსენებთ, რომ გრანდიოზული ცერემონია 19 მაისს არის დაგეგმილი.

რაც შეეხებათ მთავარ პერსონაჟებს, მიურეი ფრეიზერი და პარისა ფიტც-ჰენლი, ჰარისა და მეგანს უჩვეულოდ ჰგვანან.

ემინემმა და ედ შირანმა ცნობილ დუეტზე კლიპი წარმოადგინეს (ვიდეო)

14 თებერვალს, ედ შირანმა და ემინემმა ერთობლივ დუეტზე „River“ გადაღებული კლიპი წარმოადგინეს. თუმცა შეყვარებულთა დღისთვის, ვიდეო საკმაოდ დეპრესიული გამოვიდა.

სიუჟეტის ცენტრში ემინემის მონაწილეობით სასიყვარულო სამკუთხედია, რომელშიც მეგობარი გოგო და მისი ყოფილი შეყვარებული არიან მთავარ როლში. ურთიერთობას კი თან კამათი, დაძაბულობა და ჩხუბიც კი ახლავს.

„მოსიარულე მკვდრებში“ მორიგი მსხვერპლი, შესაძლოა, რიკ გრაიმსი გახდეს

სერიალ „მოსიარულე მკვდრებში“, ერთ-ერთი მთავარი პერსონაჟის, კარლის გარდაცვალების შემდეგ, ზომბი-აპოკალიფსის მომდევნო მსხვერპლი შესაძლოა, თავად რიკ გრაიმსი გახდეს. შესაბამისი მოსაზრება მას შემდეგ გაჩნდა, რაც პროექტის ერთ-ერთმა შემქმნელმა, როვერტ კირკმანმა განაცხადა, რომ იმის გამო, რომ ცენტრალური ფიგურაა, ეს სულაც არ ნიშნავს იმას, რომ ის ხელშეუხებელია.

კითხვაზე, რომელი პერსონაჟი გადარჩება, მან უპასუხა, რომ ეს ჯერ არავინ იცის, რადგან შესაძლოა ისეთი გმირი გადარჩეს, რომელიც სერიალში ჯერ არც გამოჩენილა, ხოლო შესაძლოა, ეს ჯუდიტიც გახდეს.

შეგახსენებთ, რომ „მოსიარულე მკვდრების“ მერვე სეზონის ფინალური სერია 25 თებერვალს გამოვა.

Metallica „მუსიკის ნობელის პრემიას“ მიიღებს

ამერიკული ჯგუფი Metallica საერთაშორისო Polar Music Prize-ის ლაურეატი გახდა, რომელსაც „მუსიკის ნობელის პრემიასაც“ უწოდებენ.

დაჯილდოების ცერემონია 14 ივნისს სტოკჰოლმში გაიმართება. ღონისძიებას შვედეთის სამეფო ოჯახის წევრებიც დაესწრებიან.

შეგახსენებთ, რომ პრემიის ადრინდელი ლაურეატები პოლ მაკარტნი, ჩაკ ბერი და ბი ბი კინგი არიან.

Polar Music Prize 1989 წელს, ჯგუფ ABBA-ს მენეჯერმა სტიგ ანდერსონმა დააარსა.

ხუთი წლის შემდეგ, რობერტ პატინსონი და კრისტენ სტიუარტი კვლავ ერთად არიან

რობერტ პატინსონისა და კრისტენ სტიუარტის სკანდალური ურთიერთობა 5 წლის წინ დრამატულად დასრულდა – მაშინ „ბინდის“ ვარსკვლავები ერთმანეთს დაშორდნენ. თუმცა რამდენიმე დღის წინ, წყვილი ლოს-ანჯელესის ერთ-ერთ ბარში გადაიღეს.

ამის შესახებ სხვადასხვა ინტერნეტ-მომხმარებლებმა დაწერეს, რომლებმაც ცნობილი მსახიობები იმავე ბარში უშუალოდ ნახეს.

შეგახსენებთ, რომ ვარსკვლავები ერთმანეთს 2008 წელს დაშორდნენ, როდესაც კრისტენი პატინოსნის რეჟისორ რუბერტ სანდერსთან ღალატში ამხილეს. წყვილი მალევე შერიგდა და რობერტმა საყვარელ ქალს ცოლობაც კი სთხოვა, თუმცა საბოლოოდ ისინი მაინც დაშორდნენ.

ამჯამად კრისტენს რომანი მოდელ სტელა მაქსველთან აქვს, ხოლო პატინსონი საცოლეს, მომღერალ ტალია ბარნეტს რამდენიმე თვის წინ დაშორდა.

ემილი ბლანტი და ჯონ კრასინსკი საშინელებათა ფილმის ტრეილერში (ვიდეო)

ვარსკვლავური წყვილი, ემილი ბლანტი და ჯონ კრასინსკი ერთად მონაწილეობენ საშინელებათა ფილმში „წყნარი ადგილი“. აღნიშნული პროექტი კრასინსკის რეჟისორული ნამუშვარია და ის წყნარ ფერმაში მცხოვრებ ოჯახზეა, რომელთა დიდ სახლში საშინელი მონსტრები ცხოვრობენ.

ფილმის დიდ ეკრანებზე გამოსვლის თარიღი მიმდინარე გაზაფხულია.

ტონი ბრექსტონი ახალ ალბომზე მუშაობს

ამერიკელმა მომღერალმა ტონი ბრექსტონმა უკანასკნელი 8 წლის მანძილზე პირველი ალბომი დააანონსა.

სწორედ ამ გზით გადაწყვიტა მუსიკოსმა სადებიუტო დისკის გამოსვლიდან 25 წლის იუბილეს აღნიშვნა.

რიგით მე-9 ფირფიტა სახელწოდებით „Sex And Cigarettes“ 23 მარტს გამოვა. ალბომში ადრე გამოსული დუეტები შევა, მათ შორის Deadwood-თან, კოულბი კელეისთან და ასევე დამოუკიდებელი სიმღერა „Long As I Live“. ხოლო მიმდინარე გაზაფხულზე ბრექსტონი ჩრდილოეტ ამერიკაში ტურნეში გაემგზავრება.

ედ შირანი პრინც ჰარისა და მეგან მარკლის ქორწილში იმღერებს

ედ შირანი პრინც ჰარისა და მეგან მარკლის ქორწილზე გამოვა. ინფორმაცია ოფიციალურად დადასტურდა.

როგორც ცნობილია, პრინცმა შემსრულებელს შესაბამისი თხოვნით პირადად მიმართა.

ასევე ცოტა ხნის წინ ცნობილი გახდა, რომ სამეფო ქორწილზე ელტონ ჯონიც გამოვა. სპეციალურად ამ ცერემონიისთვის მან ორი დაგეგმილი კონცერტი გადადო.

 

„თავისუფლების ორმოცდაათი ელფერი“ ამერიკული კინოგაქირავების ლიდერია

გასული უქმეების მონაცემებით, ეროტიკული დრამა „თავისუფლების ორმოცდაათი ელფერი“ ამერიკული კინოგაქირავების ლიდერი გახდა. ფილმმა 38,8 მილიონი დოლარი გამოიმუშავა. რაც შეეხება საერთაშორისო გაქირავებას, მან უკვე მილიარდ დოლარს გადააჭარბა.

კვირის რეიტინგული ფილმების სამეულში „პარიზის მატარებელი“ და „ჯუმანჯი“ იმყოფებიან, ამ უკანასკნელის მოგება სულ მალე 900 მილიონ დოლარს გადააჭარბებს, რაც სტუდია Sony Pictures-სთვის სასიამოვნო მოულოდნელობაა.

 

გილერმო დელ ტორო ვენეციის კინოფესტივალის ჟიურის თავმჯდომარე გახდება

მექსიკელი რეჟისორი გილერმო დელ ტორო ვენეციის კინოფესტივალის ჟიურის უხელმძღვანელებს.

2017 წელს, მისმა ფილმმა „წყლის ფორმამ“ აღნიშნული ფესტივალის „ოქროს ლომი“ მოიპოვა, ამ დროისთვის კი ის „ოსკარის“ 13 ნომინაციაზეა წარდგენილი, მათ შორის „საუკეთესო რეჟისორის“ კატეგორიაზე.

დელ ტორომ ჟიურის თავმჯდომარეობას დიდი პასუხისმგებლობა და პატივი უწოდა და განაცხადა, რომ მადლიერია.

შეგახსენებთ, რომ ვენეციის 75-ე კინოფესტივალი 29 აგვისტოდან 8 სექტემბრამდე ჩატარდება.

ირინა შეიკი Bottega Veneta-ს ჩვენების ვარსკვლავი გახდა (ფოტო)

ნიუ-იორკში სრული სვლით მიმდინარეობს მოდის კვირეული. წელს პოდიუმზე ახალგაზრდა დედა, ირინა შეიკიც გავიდა. მოდელმა ბრენდ Bottega Veneta-ს შემოდგომა-ზამთრის კოლექცია წარმოადგინა.

პოდიუმზე შეიკი ყვითელი ფერის ხავერდის კაბაში გამოცხადდა, რომელსაც ღრმა დეკოლტე და თეძოსთან ჭრილი ამშვენებდა. მინიმალური მაკიაჟითა და ჩვეული თავდაჯერებულობით სუპერმოდელი საღამოს ერთ-ერთი გამორჩეული მონაწილე გახდა.

შეგახსენებთ, რომ ირინა შეიკი და ბრედლი კუპერი მშობლები გასული წლის მარტში გახდნენ. წყვილი მთელს თავისუფალ დროს 1 წლის ქალიშვილთან ერთად ატარებს.

კენდრიკ ლამარმა მისი კონცერტების გადაღება აკრძალა

ამერიკელმა რეპერმა კენდრიკ ლამარმა მისი კონცერტების გადაღება მკაცრად აკრძალა. აკრძალვა პროფესიონალ ფოტოგრაფებსაც შეეხოთ. შეგახსენებთ, რომ გასულ კვირას დუბლინში სტარტი აიღო მუსიკოსის ევროპულმა ტურნემ.

ამ გზით, ლამარი იმედოვნებს, რომ მისი მუსიკისადმი ინტერესი და გაყიდული ბილეთების რაოდენობა მკვეთრად მოიმატებს.

„თავისუფლების ორმოცდაათი ელფერის“ საუნდტრეკების კრებული გამოქვეყნდა

„თავისუფლების ორმოცდაათი ელფერის“ პრემიერის შემდეგ, ქსელში უკვე ხელმისაწვდომია ფილმის საუნდტრეკების კრებულიც. აღსანიშნავია, რომ დისკის შექმნაში ცნობილი მომღერლები – რიტა ორა, ლიამ პეინი, ჯესი ჯეი და სხვა ვარსკვლავები მონაწილეობდნენ. ალბომი 22 ნამუშვარს შეიცავს, კომპოზიტორი კი დენიელ ელფმანია.

შეგახსენებთ, რომ ფილმის პრემიერა 8 თებერვალს გაიმართა.

ვიქტორია ბექჰემმა Spice Grils-ის გაერთიანება უარყო

Spice Grils-ის ყოფილმა წევრმა, ვიქტორია ბექჰემმა კოლექტივის გაერთიანების შესახებ გვარცელებული ხმები უარყო.

„მე არ ვაპირებ მათთან ერთად გამოსვლას. არც Spice Girls მიემგზავრება ტურნეში“, – განაცხადა მან ერთ-ერთ გამოცემასთან ინტერვიუში.

ამ მომენტისთვის, ყოფილი მომღერალი და ამჟამად ტანსაცმლის დიზაინერი ნიუ-იორკში ტანსაცმლის ახალი კოლექციის ჩვენებისთვის ემზადება.

Maroon 5-მა მორიგი კლიპი წარმოადგინა (ვიდეო)

ამერიკულმა პოპ-როკ ჯგუფმა Maroon 5 სიმღერაზე „Wait“ გადაღებული კლიპი წარმოადგინა. რელიზიდან რამდენიმე საათში ვიდეომ, როგორც მოსალოდნელი იყო, 2 მილიონზე მეტი ნახვა და 180 ათასზე მეტი კომენტარი დაიმსახურა.

სიახლე ჯგუფის მეექვსე ალბომში „Red Pill Blues“ შედის და ის მეოთხე ოფიციალურ სინგლად მოიაზრება. ამ მომენტისთვის, სიახლე Billboard Hot 100-ის 56-ე ადგილზე იმყოფება.

რაც შეეხება ალბომს, ის გაყიდვაში გასული წლის ნოემბერში გამოვიდა და Billboard 200-ის მე-2 პოზიციამდე ასვლა შეძლო.

მადამ ტიუსოს მუზეუმში ტომ ჰარდის ცვილის ფიგურა გამოჩნდა (ფოტო)

ლონდონის მადამ ტიუსოს მუზეუმში ტომ ჰარდის ცვილის ორეული გამოჩნდა. 40 წლის მსახიობი ტყავის სავარძელზე ზის და საკმაოდ საქმიანი იმიჯი აქვს: მას აცვია კლასიკური შარვალი, თეთრი პერანგი და ჟილეტი. თაყვანისმცემლებმა აღნიშნეს, რომ ფიგურა თავის რეალურ ორეულს ნამდვილად ძალიან ჰგავს.

როგორც ფიგურის ავტორები ირწმუნებიან, მას გული უცემს.

შეგახსენებთ, რომ ამჟამად ჰარდი ფილმში „ვენომი“ მონაწილეობს, რომელიც დიდ ეკრანებზე 4 ოქტომბერს გამოვა.

ტონი ბრექსტონმა ახალი სიმღერა გამოუშვა (აუდიო)

ამერიკელმა მომღერალმა ტონი ბრექსტონმა სიმღერა სახელწოდებით „Long As I Live“ გამოუშვა. სიახლე მის მერვე სტუდიურ ალბომში „Sex & Cigarettes“ შევა, რომლის რელიზიც მარტში იგეგმება.

ცოტა ხნის წინ მომღერალმა სინგლი „Deadwood“ გამოუშვა, რომელიც ამერიკული ჩარტის მე-7 პოზიციაზე განთავსდა.

პრინც ჰარისა და მეგან მარკლის ქორწილისთვის ელტონ ჯონმა კონცერტები გადადო

მუსიკოსმა ელტონ ჯონმა მეგან მარკლისა და პრინც ჰარის ქორწილის გამო, ორი დაგეგმილი კონცერტი გადადო.

ცერემონია 19 მაისს გაიმართება, ხოლო მასზე მოსახვედრად მუსიკოსმა 18 და 19 მაისს გასამართ კონცერტებზე უარი თქვა.

ელტონ ჯონი – პრინცესა დიანას ახლო მეგობარი იყო, შესაბამისად ის მის შვილებთანაც მეგობრობს.

ჯერ-ჯერობით უცნობია, ვარსკვლავი კონცერტზე იმღერებს თუ უბრალოდ სტუმარი იქნება.

ჯეიმი დორნანი და ჯეიმს კორდენი „გრეის 50 ელფერის“ პაროდიაში (ვიდეო)

ცნობილი ეროტიკული საგის, „გრეის 50 ელფერის“ დასკვნითი ნაწილი დიდ ეკრანებზე ცოტა ხნის წინ გამოვიდა, ამიტომ მთავარი როლის შემსრულებლები, ჯეიმი დორნანი და დაკოტა ჯონსონი აქტიურად ხვდებიან მედიის ყურადღების ცენტრში.

ამჯერად, ყურადღება დორნანზე გამახვილდა. მსახიობი საკუთარ შოუში The Late Late Show პოპულარულმა ჯეიმს კორდენმა მიიწვია და ის პარდიულ ვიდეოში გადაიღო.

სიუჟეტის მიხედვით, კორდენს დორნანი თავის „საიდუმლო ოთახში“ შეჰყავს. დაბნეულ მსახიობს ის ეუბნება, რომ წასვლა ნებისმიერ წუთს შეუძლია. ყველაფერი კი ბუნებრივია, იუმორისტული ხაზით ვითარდება.

ერთ ტურნეში ადელმა 142 მილიონი გამოიმუშავა

ადელმა ერთ მსოფლიო ტურნეში 142 მილიონი დოლარი გამოიმუშავა. არსებული ინფორმაციით, 2016-2017 წლებში, მომღერალს ერთ შოუში 1 მილიონს უხდიდნენ. მაშინ ვარსკვლავს ალბომის „25“ მხარდასაჭერი ტურნე ჰქონდა.

აღნიშნული ინფორმაცია მომღერლის კომპანიამ „Remedy Touring“ გაავრცელა.  მათ დააზუსტეს, რომ ამ თანხიდან ადელმა 42 მილიონი მიიღო, დანარჩენი კი ხარჯებსა და კომპანიას მოხმარდა.

 

უილ სმიტმა საკუთარი შვილის კლიპის პაროდია ჩაწერა (ვიდეო)

მსახიობმა და მუსიკოსმა, უილ სმიტმა, საკუთარი ვაჟიშვილის, ჯეიდენ სმიტის კლიპის პაროდია გადაიღო.

ამისათვის მან სიმღერა „Icon“ აარჩია და ის იუმორისტული დეტალებით გააფორმა. მაგალითად, სიმღერის შესრულებისას სმიტს პირიდან დეკორატიული ხელოვნური კბილები გადმოსცვივდება.

ამ გზით, მსახიობმა თავის შვილს ახალი მიღწევა მიულოცა: სერვის Spotify-ზე, ჯეიდენის მუსიკის მოსმენების რაოდენობამ 100 მილიონს მიაღწია.

Spice Girls მსოფლიო ტურნეში გაემგზავრება

Spice Girls მსოფლიო ტურნეში გაემგზავრება. არსებული ინფორმაციის თანახმად, ვიქტორია ბექჰემი, ემა ბანტონი, ჯერი ჰოლიუელი, მელანი ბრაუნი და მელანი ჩიზჰოლი კონცერტენს ამერიკასა და დიდ ბრიტანეთში გამართავენ.

გასულ კვირას გოგონები ყოფილ მენეჯერს, საიმონ ფულერს შეხვდნენ და სამოქმედო გეგმა შეადგინეს. მიზანი სწორედ აღნიშნული ტურნეა, რომელიც სტარტს ზაფხულის ბოლოს აიღებს.

აღსანიშნავია, რომ ჯგუფი ახალი მასალის შექმნას არ აპირებს.

 

რაიან რეინოლდსმა “დედპული 2”-ის ახალი ფოტო გამოაქვეყნა

რაიან რეინოლდსმა „დედპულის“ მეორე ნაწილის ახალი პოსტერი გამოაქვეყნა. მასში კომიქსების ცნობილი პერსონაჟი 1983 წლის ფილმიდან, „ცეცხლოვანი ცეკვა“ ცნობილ სცენას იმეორებს.

შეგახსენებთ, რომ ფილმის პრემიერა 17 მაისს არის დაგეგმილი. მთავარ როლებს კი მასში რაიან რეინოლდსის გარდა ჯოშ ბროლინი, მორენა ბაკარი და სხვა მსახიობები ასრულებენ.

არნოლდ შვარცენეგერი სერიალში გამოჩნდება

კალიფორნიის ყოფილი გუბერნატორი და პოპულარული მსახიობი არნოლდ შვარცენეგერი სერიალში სახელწოდებით „Outrider“ მონაწილეობას მიიღებს. პროექტის წარმოებით სტუდია Amazon დაკავდება. ერთ-ერთი მთავარი როლის გარდა, შვარცენეგერი ფილმის პროდიუსერიც იქნება.

შვარცენეგერისთვის ეს პირველი სერიალი იქნება, რადგან აქამდე ის სრულმეტრაჟიან ფილმებში მონაწილეობდა.

„სამეფო კარის თამაშების“ ავტორები „ვარსკვლავური ომების“ სერიალზე იმუშავებენ

სტუდიამ Lucasfilm ახალი სატელევიზიო სერიალი დააანონსა, რომელიც „ვარსკვლავური ომების“ სამყაროში განვითარდება. ცნობილია ისიც, რომ პროექტზე პოპულარული „სამეფო კარის თამაშების“ ავტორები იმუშავებენ.

„ჩვენ უნიკალური შესაძლებლობა მოგვეცა, თუმცა ვაღიარებთ, რომ ამ პასუხისმგებლობით ცოტა შეშინებულებიც ვართ. ვღელავთ, თუმცა ერთი სული გვაქვს, როდის დავიწყებთ გადაღებებს, ეს კი მაშინვე მოხდება, რაც „სამეფო კარის თამაშების“ ბოლო სეზონს დავასრულებთ“, – განაცხადეს მათ.

ედ შირანი საკუთარ ქორწილში ბიონსესა და ტეილორ სვიფტს დაპატიჟებს

ცოტა ხნის წინ ცნობილი გახდა, რომ ედ შირანი და მისი მეგობარი გოგო, ჩერი სიბორნი დაინიშნენ. როგორც ჩანს, ქორწილი სანახაობრივი იქნება, რადგან შირანი მასზე ტეილორ სვიფტისა და ბიონსეს დაპატიჟებას გეგმავს. ამ უკანასკნელთან ერთად კი ის ცნობილ სიმღერას „Perfect“ შეასრულებს, რომელიც შირანმა სწორედ თავის საყვარელ ქალს მიუძრვნა.

რაც შეეხება სვიფტს, მუსიკოსებს ასევე ჩაწერილი აქვთ დუეტი „End Game“.

„კოკოს“ მოგებამ 700 მილიონ დოლარს გადააჭარბა

მულტფილმ „კოკოს“ მსოფლიო მოგებამ 700 მილიონ დოლარს გადააჭარბა. ამის შესახებ პორტალი Boxofficemojo წერს. თანხის დიდი ნაწილი, დაახლოებით 500 მილიონი, პროექტმა საერთაშორისო კინოგაქირავებაში მოაგროვა.

ამ წარმატებას ისიც ერთვის თავს, რომ მულტფილმი ჯერ არ გამოსულა რამდენიმე ქვეყანაში. მაგალითად იაპონიაში მისი პრემიერა მარტში იგეგმება.

შეგახსენებთ, რომ „კოკო“ წარდგენილია „ოსკარზე“ ნომინაციაში „საუკეთესო მულტფილმი“. მანამდე კი მან „ოქროს გლობუსი“ და Annie Awards 2018 უკვე მიიღო.

მონიკა ბელუჩიმ კინოპრემია Lumieres Award გაალამაზა (ფოტო)

გუშინ, პარიზში ძმებ ლიუმიერების სახელობის კინოპრემია გაიმართა, რომელიც „ოქროს გლობუსის“ ფრანგულ ანალოგად ითვლება. ღონისძიების საპატიო სტუმარი მონიკა ბელუჩი იყო.

საღამოსთვის იტალიელმა ლამაზმანმა Alexandre Vauthier-ის წითელი კაბა შეარჩია, რომელიც შავი მაღალქუსლიანი ფეხსაცმლითა და Christian Louboutin-ის ხელჩანთით გააფორმა. Cartier-ის სამკაული კი უნაკლო იმიჯის საბოლოო შტრიხი გახდა.

პრემია „ლიუმიერი“ წელს 23-ედ გაიმართა. აბსოლუტური ლიდერი „120 დარტყმა წუთში“ გახდა, რომელმაც ექვსივე წარდგენილ ნომინაციაში გაიმარჯვა.

„ველური დასავლეთის სამყარო“: მეორე სეზონის პირველი ტრეილერი გამოქვეყნდა (ვიდეო)

სცენარისტი ჯონათან ნოლანი სერიალზე „ველური დასავლეთის სამყარო“ მუშაობას განაგრძობს. ამ დღეებში მეორე სეზონის ტრეილერი გამოქვეყნდა.

მასში ნაჩვენები იქნება პარკის შექმნის შესახებ, რომელიც თავის ტერიტორიებს აფართოებს. კადრში ჩნდება მეივი და მისი მოგონებებიც, რაც ქალიშვილის ძებნის ახალ ხაზზე მიუთითებს. რობოტების აჯანყება გრძელდება და ისინი პარკის სტუმრებს კლავენ, ერთ-ერთი მთავარი რევოლუციონერი კი დოლორესია.

შეგახსენებთ, რომ სერიალის ამჟამინდელი აუდიტორია 12 მილიონ მაყურებელს შეადგენს, ამ მაჩვენებლის წყალობით კი, პირველი სეზონი HBO-ს პროექტების ერთ-ერთი რეკორდსმენი გახდა.

მეგან მარკლისა და პრინც ჰარის შესახებ ფილმში მთავარი როლის შემსრულებელთა ვინაობა ცნობილია

ფილმის „ჰარი და მეგანი: სამეფო სიყვარულის ისტორია“ გადაღებები მიმდინარე კვირას იწყება. ცნობილი გახდა, ვინ შეასრულებენ მასში მთავარ როლებს. ესენი არიან: მიურეი ფრეიზერი და პარისა ფიტც-ჰენლი.

სატელევიო პროექტი სამეფო ოჯახის წარმომადგენლისა და ამერიკელი მსახიობის გაცნობის შემდეგ განვითარებულ სასიყვარულო მოვლენებს, მათ პირველ საერთო გამოსვლასა და მეგანის პირველ ქმართან განქორწინებას აღწერს.

გადაღებები ვანკუვერსა და ლოს-ანჯელესში იგეგმება, პრემიერა კი გაზაფხულზე, მეგანისა და ჰარის ქორწილამდე ცოტა ხნით ადრე შედგება.

შეგახსენებთ, რომ მსგავსი ფილმი კეიტ მიდლტონისა და პრინც უილიამის ქორწილამდე 11 დღით ადრე გამოვიდა.

გილერმო დელ ტორომ ამერიკის რეჟისორთა გილდიის პრემია მიიღო

რეჟისორმა გილერმო დელ ტორომ ამერიკის რეჟისორთა გილდიის პრემია მიიღო ფილმისთვის „წყლის ფორმა“, ნომინაციისთვის „2017 წლის საუკეთესო ფილმი“.

ამავე ნომინაციაში დელ ტოროს გარდა წარდგენილები იყვნენ რეჟისორები: ჯორდან პილი ფილმით „წადი აქედან“, კრისტოფერ ნოლანი დრამით „დიუნკერკი“, მარტინ მაკდონაჰი და „სამი ბილბორდი ებინგის საზღვართან, მისური“, ასევე გრეტა გერვიგი ფილმით „Lady Bird“.

ანჯელინა ჯოლი წითელ ხალიჩაზე კვლავ ქალიშვილებთან ერთად გამოჩნდა (ფოტო)

ბოლო დროს, ანჯელინა ჯოლი შვილებთან ერთად ამა თუ ინ ღონისძიებაზე ან საქველმოქმედო ვიზიტებზე სულ უფრო ხშირად ჩნდება. ამ დღეებში მსახიობი Annie Awards 2018-ის წითელ ხალიჩაზე შაილოსთან და ზაჰარასთან ერთად გამოჩნდა.

თუკი თავად ანჯელინა, როგორც ყოველთვის, ქალურობისა და სინაზის განსახიერება იყო, მისმა შვილებმა არჩევანი მკაცრ მამაკაცურ ჩაცმულობაზე გააკეთეს.

ცერემონიაზე ჯოლიმ კატეგორიაში „საუკეთესო დამოუკიდებელი ანიმაციური ფილმი“ გამარჯვებისთვის, პროექტით „მომპოვებელი“ პრიზი მიიღო. ანჯელინა ფილმის პროდიუსერი იყო.

ღონისძიების აბსოლუტური ლიდერი მულტფილმი „კოკო“ გახდა, რომელმაც 11 ქანდაკება მიიღო.

„კოკომ“ ანიმაციის მთავარი პრიზები მოიპოვა

სტუდია „პიქსარის“ მულტფილმი „კოკო“ პრემია Annie Awards 2018-ის ტრიუმფატორი გახდა, რომელიც „ანიმაციურ ოსკარად“ ითვლება. მულტფილმმა 11 ნომინაცია მიიღო, მათ შორის კატეგორიებში „საუკეთესო სრულმეტრაჟიანი ნამუშევარი“, „საუკეთესო რეჟისურა“ და „საუკეთესო სცენარი“.

„საუკეთესო ანიმაციურ პერსონაჟებად ფილმში“ პროექტ „მაიმუნების პლანეტა: ომის“ გმირები დასახელდნენ, ხოლო „სატელევიზიო პროექტის საუკეთესო გამხმოვანებლად“ ტომ კენი დასახელდა, რომელიც ცნობილი ანიმაციური სერიალის, „ღრუბელი ბობი – კვადრატული შარვლის“ მთავარ პერსონაჟს ახმოვანებს.

სუპერბოული 2018: ჯასტინ ტიმბერლეიკის დაბრუნება და პინკის მოულოდნელი დაუდევრობა (ვიდეო/ფოტო)

4 თებერვალს, მინეაპოლისში წლის ერთ-ერთი ყველაზე მნიშვნელოვანი ღონისძიება – სუპებოული გაიხსნა. ეროვნული საფეხბურთო ლიგის ჩემპიონატს არამარტო ამერიკული ფეხბურთის თაყვანისმცემლები, არამედ მელომანებიც სულმოუთქმელად ელოდებიან. რადგან, მასზე ა კლასის ვარსკვლავები ყოველწლიურად დაუვიწყარ შოუს მართავენ.

წელს, ეროვნული ჰიმნის შესრულების პატივი წილად პინკს ხვდა, რომელიც სტადიონზე მეუღლესთან და უფროს ქალიშვილთან ერთად მივიდა. მომღერალს მცირე დაუდევრობაც მოუვიდა: სიმღერის დაწყებამდე, როდესაც მისი მისამართით უამრავი კამერა იყო მიმართული, მან მოულოდნელად საღეჭი რეზინი პირიდან გამოიღო და ჰიმნის შესრულება სწორედ შემდეგ დაიწყო.

შოუ მუსიკალურად ჯასტინ ტიმბერლეიკმა გააფორმა, რომელმაც სუპერბოულზე გამოსვლა რამდენიმე თვის წინ დააანონსა. ვარსკვლავმა საკუთარი და ცნობილი ჰიტების 14 წუთიანი პოპური შეასრულა და ბოლოს უამრავ თაყვანისმცემელთან ერთად სამახსოვრო სელფი გადაიღო.

ვიქტორია ბექჰემმა Spice Girls-ის გაერთიანება დაადასტურა

ვიქტორია ბექჰემმა „ინსტაგრამზე“ ჯგუფ Spice Girls-ის გაერთიანების შესახებ ინფორმაცია დაადასტურა. სოციალურ ქსელში მან ემა ბანტონთან, ჯერი ჰოლიუელთან, მელანი ბრაუნთან და მელანი ჩიზჰოლთან ერთად გადაღებული ფოტო განათავსა.

გოგონები იმედოვნებენ, რომ მათი პირველი ერთობლივი გამოსვლა დასამახსოვრებელი გახდება: კერძოდ კი, ისინი გეგმავენ, რომ პრინც ჰარისა და მეგან მარკლის ქორწილში იმღერონ, რომელიც 19 მაისს გაიმართება. ჯერი ჰოლიუელის მტკიცებით, 90-იან წლებში მეგანი მათი დიდი თაყვანისმცემელი იყო, ამიტომ მას ეს შეთავაზება ნამდვილად გაუხარდება.

Love my girls!!! So many kisses!!! X Exciting x #friendshipneverends #girlpower

A post shared by Victoria Beckham (@victoriabeckham) on

ჯასტინ ტიმბერლეიკის ახალ კლიპში ჯესიკა ბილი მონაწილეობს (ვიდეო)

ჯასტინ ტიმბერლეიკმა ახალი კლიპი „Man of the Woods“ გამოუშვა, რომელშიც მისი მეუღლე, ჯესიკა ბილი მონაწილეობს. მსახიობს ვიდეოში არც ისე დიდი, თუმცა დასამახსოვრებელი როლი აქვს.

ჯასტინ ტიმბერლეიკი და ჯესიკა ბილი – ჰოლივუდის ერთ-ერთი ყველაზე მტკიცე და ლამაზი წყვილია. ისინი 10 წელია ერთად არიან და ერთმანეთის მიმართ მუდმივად გამოხატავენ გრძნობებს.

დენიელ კრეიგი ყველაზე ულამაზო ჯეიმს ბონდად დასახელდა

დიდი ბრიტანეთში ჩატარდა გამოკითხვა და ჯეიმს ბონდის როლის ყველაზე ულამაზო შემსრულებელი გამოვლინდა. ეს წოდება დენიელ კრეიგმა დაიმსახურა. როგორც აღმოჩნდა, მას დანარჩენებთან შედარებით ყველაზე არაპროპორციული სახის ნაკვთები, კერძოდ კი: ზედმეტად თხელი ტუჩები, დიდი ცხვირი და საკმაოდ განიერი სახე აქვს.

ყველაზე ლამაზი ჯეიმს ბონდის ტიტული კი შონ კმონერმა დაიმსახურა, რომელმაც კრეიგის 84%-ს 5%-ით აჯობა.

თავად კრეიგს აღნიშნულ შედეგზე კომენტარი ჯერ არ გაუკეთებია.

შონ კონერი

„შერლოკის“ შემქმნელებმა სერიალის მომავალზე ისაუბრეს

„შერლოკის“ შემქმნელებმა, სტივენ მოფატმა და მარკ გეიტისმა სერიალის მომავალზე ისაუბრეს.

როგორც მოფატმა აღნიშნა, უახლოეს მომავალში პროექტს პერსპექტივა არ აქვს, თუმცა არ გაუკვირდებოდა მომავალში სერიალით რომ დაკავებულიყო. მოფატმა დაამატა, რომ წარმოდგენა არ აქვს, როდის შეიძლება ეს მოხდეს.

„ამჟამად „დრაკულას“ ვიღებთ, რასაც მინიმუმ 2 წელი დასჭირდება. „შერლოკზე“ ფიქრი კი მხოლოდ ამის მერე შეიძლება“, – განაცხადა გეიტისმა.

Super Mario ფილმად გამოვა

საკულტო თამაში Super Mario სრულმეტრაჟიან ფილმად გამოვა. შესაბამისი კონტრაქტი კომპანიებმა Nintendo და Illumination Entertainment უკვე გააფორმეს. ეს უკანასკნელი ცნობილია წარმატებული პროექტებით „საზიზღარი მე“ და „შინაური ცხოველების საიდუმლო ცხოვრება“.

შეგახსენებთ, რომ 1993 წელს ცნობილი თამაშის მიხედვით ფილმი „მარიოს სუპერძმები“ გამოვიდა, რომელშიც ბობ ჰოსკინსი, ჯონ ლეგუიზამო და დენის ჰოპერი მონაწილეობდნენ. ფილმს განსაკუთრებული კომერციული წარმატებისთვის არ მიუღწევია.

ლედი გაგამ ინგლისში ცეცხლოვანი შოუ გამართა (ფოტო)

ლედი გაგამ უკანასკნელი ალბომის „Joanne“ მხარდასაჭერი კონცერტი ინგლისში, კერძოდ კი ბირმინგემში გამართა. ცოტა ხნის წინ ის აანონსებდა, რომ მისი გამოსვლა დაუვიწყარი იქნებოდა და ეს ასეც მოხდა – შოუ ნამდვილად გრანდიოზული გამოვიდა: ცეცხლოვანი სპეცეფექტები, საცეკვაო ნომრები და მრავალრიცხოვანი სასცენო კოსტიუმები. ლედი გაგამ უკმაყოფილო არავინ დატოვა.

საღამოს განმავლობაში მომღერალმა რამდენიმე ფორმა შეიცვალა. თავდაპირველად ის მოკლე შორტებსა და ბაიკერის ქურთუკში გამოვიდა, შემდეგ კი გამჭვირვალე კომბინეზონი ჩაიცვა. მომდევნო კოსტიუმები უფრო დახურული იყო: დიდი ზომის კაბა და წითელი მოსასხამი.

შეგახსენებთ, რომ წელს ლედი გაგამ „გრემის“ დაჯილდოების ცერემონიაზე ოფიციალურად წარადგინა საქმრო, კრისტიან კარინო. წყვილი დაქორწინებას მიმიდნარე წელს გეგმავს.

ემილი ბლანტი და დუეინ ჯონსონი ჯუნგლების კრუიზში ერთად გაემგზავრებიან

ემილი ბლანტი პარტნიორობას გაუწევს დუეინ ჯონსონს ფილმში „კრუიზი ჯუნგლებში“. ფილმის სიუჟეტი ჯერ არ ხმაურდება. გადაღებები მაისში დაიწყება, პრემიერის თარიღი კი ამ დროისთვის უცნობია.

აღსანიშნავია, რომ ფილმს Walt Disney გადაიღებს და ის ბლანტისა და აღნიშნული სტუდიის მესამე ერთობლივი პროექტი გახდება. აქამდე იყო პროექტები „ტყეში“ და „მერი პოპინსის დაბრუნება“.

 

48 წლის ჯენიფერ ლოპესი თოჯინას შეადარეს (ფოტო)

სატელევიზიო შოუში World of Dance მისული 48 წლის ჯენიფერ ლოპესი თოჯინას შეადარეს. ვარსკვლავი აღნიშნული პროექტის პროდიუსერია და მისი ღონისძიებისთვის ლოპესმა საკმაოდ უჩვეულო ვიზუალი შეარჩია.

თეთრ მოკლე კაბაში, რომელიც ხაზს ჯენიფერის ვიწრო წელსა და ნავარჯიშებ ფეხებს უსვამდა, მომღერლის მისამართით კომპლიმენტები არ დაიშურეს. ლოპესმა მაკიაჟში აქცენტი ტუჩებსა და ღაწვებზე გააკეთა, რომელიც ნარინჯისფერ ტონში შეიღება.

შეგახსენებთ, რომ შოუმ World of Dance სტარტი გასული წლის მაისში ტელეარხ NBC-ზე აიღო.

ტომ ჰარდიმ ლეონარდო დიკაპრიოს სახელი ამოისვირინგა (ფოტო)

ტომ ჰარდიმ მხარზე ლეონარდო დიკაპრიოს სახელი ამოიწვირინგა. კერძოდ კი, მსახიობმა  შემდეგი წარწერა დაიწერა: „Leo Knows all” („ლეომ ყველაფერი იცის“). ბრიტანელმა მსახიობმა ჯერ კიდევ ორი წლის წინ წააგო დიკაპრიოსთან კამათი და მოგებულმა მას სწორედ ეს მოსთხოვა.

აღნიშნული ფაქტი კი ცნობილი შემთხვევით გახდა. ჰარდის ერთ-ერთმა თაყვანისმცემელმა მასთან ერტად გადაღებული სელფი გააზიარა, სადაც წარწერა ჩანს.

შეგახსენებთ, რომ ტომ ჰარდი და ლეონარდო დიკაპრიო ერთად მონაწილეობდნენ ფილმში „გადარჩენილი“. აღნიშნული ნამუშვრისთვის დიკაპრიომ „ოსკარიც“ დაიმსახურა.

პინკის ახალ კლიპში მისი ქალიშვილი მონაწილეობს (ვიდეო)

პინკმა სიმღერაზე „Wild Hearts Can’t Be Broken“ გადაღებული კლიპი წარმოადგინა. ვიდეოში მუსიკოსის უფროსი ქალიშვილი, უილოუ მონაწილეობს.

აღსანიშნავია, რომ ეს პირველი შემთხვევა არ არის, რომ გოგონა ცნობილი დედის კლიპში გამოჩნდა: 2015 წელს ის ვიდეოში „Just Like Fire“, 2013-ში კი კლიპში „True Love“ გამოჩნდა, – ამ უკანასკნელში ის 2 წლის იყო. რაც შეეხება უმცროს ვაჟიშვილს, 2 წლის ჯეიმსონს, ის პინკის კლიპებში ჯერ არ გამოჩენილა.

ირინა შეიკი და ბრედლი კუპერი მეორე შვილს ელოდებიან

ბრედლი კუპერი და ირინა შეიკი პაპარაცების ობიექტივში არც ისე ხშირად ხვდებიან, თუმცა ამ დღეებში პაპარაცებმა ისინი ორსულობის დაგეგმვის სამედიცინო ცენტრში გადაიღეს. წყვილი საკმაოდ ბედნიერად გამოიყურებოდა, მათ პაპარაცებისგან დამალვა არც უცდიათ.

ირინას თავისუფალი მაქსი-კაბა და დაბალძირიანი ფეხსაცმელი ეცვა, მან უარი თქვა მაკიაჟზეც.

იმ შემთხვევაში თუ შეიკი მართლაც ორსულად არის, ეს მისთვის და ამერიკელი მსახიობისთვის მეორე შვილი იქნება. პირველი ქალიშვილი წყვილს გასული წლის მარტში შეეძინა.

შეგახსენებთ, რომ შეიკი და კუპერი ერთად 2015 წლიდან არიან. ირინას პირველი ორსულობის ამბავი Victoria’s Secret-ის შოუზე გახდა ცნობილი, სადაც მოდელიც მონაწილეობდა. ბრენდის ღია ჩაცმულობამ კი მისი მომრგვალებული მუცლის დაფარვა ვერ შეძლო.

რიანა და მისი ბოიფრენდი პაემანზე გადაიღეს (ფოტო)

პირველად, რიანასა და არაბი ბიზნესმენის, ჰასან ჯამილის რომანზე დასავლური ტაბლოიდები გასული წლის ზაფხულში ალაპარაკდნენ. მიუხედავად იმისა, რომ მას შემდეგ წყვილი საკუთარ ურთიერთობას აფიშირებას არ უკეთებს, პაპარაცები მუდმივად ახერხებენ მათ დაფიქსირებას.

ამ დღეებში გამართული „გრემის“after-party ერთ-ერთი ასეთი ლოკაცია გახდა, რომელსაც ბარბადოსელი ვარსკვლავი რჩეულთან ერთად ესტუმრა. მის შემდეგ კი ისინი ერთად რომანტიკულ ვახშამზე გაემგზავრნენ.

სპეციალურად პაემნისთვის რიანამ შეარჩია კაბა ღრმა დეკოლტეთი და მასზე დიდი მოსასახამი, ჰასანმა კი უპირატესობა მუქ ჯინსებს, თეთრ ბოტასებსა, ნაცრისფერ მაისურსა და თხელ ქურთუკს მიანიჭა.

 

 

 

 

„ლარა კროფტს“ ალისია ვიკანდერის მონაწილეობით ჩავარდნას უწინასწარმეტყველებენ

ანჯელინა ჯოლის შემდეგ, ლარა კროფტის როლზე სხვა სახეს, როგორც ჩანს, ბევრი ადამიანი ვერ ეგუება. განსაკუთრებით კი ეს დამოკიდებულება მას შემდეგ გამძაფრდა, რაც ფილმის ტრეილერი გამოვიდა. ბევრი პროექტს ჩავარდნას უწინასწარმეტყველებს.

ანალიტიკოსების თქმით, აშშ-ში ფილმი საპრემიერო უქმეებზე 22 მილიონზე მეტს ვერ გამოიმუშავებს, ჯამში კი მისგან მაქსიმუმ 55 მილიონს მოელიან.

შედარებისთვის, 2001 წელს, ანჯელინა ჯოლის მონაწილეობით ფილმმა პირველ უქმეებზე 48 მილიონი დოლარი გამოიმუშავა, ჯამში კი მარტო აშშ-ში მან 130 მილიონი დოლარი მოიტანა.

ტომ ჰენკსი ცნობილ ტელეწამყვანს განასხიერებს

„ოსკარის“ ლაურეატი ტომ ჰენკსი, ამერიკელების ერთ-ერთ საყვარელ ტელეწამყვანს, ფრედ როჯერსს განასახიერებს.

ბიოგრაფიულ ფილმს „შენ ჩემი მეგობარი ხარ“ ერქმევა და მას რეჟისორი მარიელ ჰელარი გადაიღებს. გადაღებები კი სექტემბერში დაიწყება.

შეგახსენებთ, რომ ცნობილი ტელეწამყვანი 2003 წელს გარდაიცვალა.

მონიკა ბელუჩი ჯაშუშურ ტრილერში მონაწილეობას მიიღებს

მონიკა ბელუჩი და ბენ კინგსლი ჯაშუშურ ტრილერში მონაწილეობას მიიღებენ. საუბარია ფილმზე „ობობა ქსელში“ და ის რეალური ფაქტების მიხედვით არის გადაღებული. ფილმში მოვლენები თანამედროვე ევროპაში განვითარდება, გადაღებები კი ბელგიასა და ჰოლანდიაში წარიმართება.

სიუჟეტის მიხედვით, ცნობილი აგენტი ადერეტი (კინგსლი) ახალგაზრდა კოლეგამ უნდა იპოვოს, თუმცა მალევე საქმეში ბელუჩის იდუმალებით მოცული გმირი ერთვება. მაყურებელს ტყუილისა და ინტრიგის სამყაროს ნახვა ელის.

ვუდი ალენის ახალი ფილმი, შესაძლოა, სკანდალის გამო აღარ გამოვიდეს

ვუდი ალენის ახალი ფილმი „წვიმიანი დღე ნიუ-იორკში“, შესაძლოა, რეჟისორსა და მის გერს შორის წარმოქმნილი სკანდალის გამო აღარ გამოვიდეს.

ფილმის დისტრიბუციით კომპანია Amazon უნდა დაკავებულიყო, თუმცა ამჯერად ამტკიცებენ, რომ ფილმი ან საერთოდ არ გამოვა, ან მისი ჩვენება კინოგაქირავების წინ აქტიური პიარის გარეშე მოხდება.

ამას გარდა, სულ უფრო დიდია იმ მსახიობების სია, რომლებიც ალენთან თანამშრომლობაზე უარს აცხადებენ.

Amazon-ის მხრიდან ამ ფაქტზე კომენტარი ჯერ არ გაკეთებულა.

გრემი 2018: ყველაზე ლამაზი წყვილები (ფოტო)

მედისონ-სქვერ გარდენში „გრემის“ რიგით მე-60 ცერემონია გაიმართა. შოუ, როგორც ყოველთვის, სანახაობრივი და რა თქმა უნდა, მუსიკალური იყო. საღამოს ტრიუმფატორი ბრუნო მარსი (6 ჯილდო) და კენდრიკ ლამარი (5 ჯილდო) გახდნენ. წითელი ხალიჩისა და გემოვნებიანად ჩაცმული ვარსკვლავების გარდა, ყოველ წელს საკმაოდ დიდი ყურადღება დამსწრე წყვილებს ეთმობათ. გამონაკლისი არც წლევანდელი შოუ იყო:

ყურადღების ცენტრში რა თქმა უნდა, ბიონსე და ჯეი ზი მოხვდნენ, რომლებიც დაჯილდოებაზე უფროს ქალიშვილთან ბლუ აივისთან ერთად მივიდნენ. მიუხედავად იმისა, რომ რეპერი რვა ნომინაციაზე იყო წარდგენილი, მას არცერთი პრემია არ აუღია, თუმცა ეს ჯეი ზის ვიზუალზე არ აისახებოდა. საყვარელ ოჯახთან ერთად ის საკმაოდ ბედნიერად გამოიყურებოდა.

თითქმის სრული შემადგენლობით მივიდა ცერემონიაზე პინკი, რომელსაც გვერდს მეუღლე, კევინ ჰარტი, ქალიშვილი უილოუ და დედა, ჯუდიტ მური უმშვენებდა. ერთი წლის ვაჟიშვილი კი, ვარსკვლავმა თან არ წაიყვანა.

ჯონ ლეჯენდი ცერემონიას ორსულ მეუღლესთან, მოდელ კრისი ტეიგენთან ერთად დაესწრო. წყვილს უკვე ჰყავს უფროსი ქალიშვილი.

წითელ ხალიჩაზე ლედი გაგა მარტო პოზირებდა, თუმცა ფოტოგრაფებმა კულისებში მისი საქმროს, კრისტიან კარინოს დაფიქსირება მოახერხეს. წყვილი დაქორწინებას მიმდინარე წელს გეგმავს.

ანჯელინა ჯოლიმ სირიელი დევნილები შვილებთან ერთად მოინახულა (ფოტო)

ანჯელინა ჯოლი ქალიშვილებთან, ზაჰარასთან და შაილოსთან ერთად იორდანიაში მდებარე სირიელი დევნილების ბანაკს ესტუმრა.

11 წლის შაილოსთვის ეს მესამე მსგავსი ტიპის შეხვედრა იყო, 13 წლის ზაჰარასთვის კი – პირველი.

ჯოლი სიტყვითაც გამოვიდა და განაცხადა, რომ ამ დროისთვის დევნილების უმეტესობას ყველანაირი ფინანსური რესურსი ამოეწურა და ბევრის დღიური ნორმა დღეში 3 დოლარს შეადგენს. მსახიობის თქმით, აუცილებელია გამოსავლის ძებნა, რადგან ეს საკმაოდ რთული სიტუაციაა, რომელსაც ყველა უნდა ებრძოლოს.

ლონდონელმა კინოკრიტიკოსებმა საუკეთესო ფილმი გამოავლინეს

ლონდონის კინოკრიტიკოსთა გაერთიანებამ საუკეთესო ფილმად „სამი ბილბორდი ებინგის საზღვარზე, მისური“ დაასახელა. აღნიშნულმა პროექტმა ასევე ნომინაციებში „საუკეთესო მსახიობი ქალი“ (ფრენსის მაკდრომანდი) და „საუკეთესო სცენარი“ (მარტინ მაკდონაჰი) გაიმარჯვა.

„წლის რეჟისორად“ შონ ბეიკერი („პროექტი „ფლორიდა“) დასახელდა, ხოლო „წლის მსახიობად“ ტიმოთი შალამე („შენი სახელით მომმართე“) აღიარეს.

„საუკეთესო უცხოენოვან ფილმად კი „ის“ ცნეს, სადაც მთავარ როლს იზაბელ იუპერი ასრულებს.

 

გრემი 2018: წლის მთავარი იმედგაცრუება და ტრიუმფი

“გრემის“ რიგით მე-60 დაჯილდოების ცერემონია დასრულდა. თუკი აქამდე პრემიის ერთ-ერთი მთავარი ფავორიტი რეპერი ჯეი ზი იყო, საღამოს ტრიუმფატორები ბრუნო მარსი და კენდრიკ ლამარი გახდნენ, ბიონსეს მეორე ნახევარი კი პრიზის გარეშე დარჩა.

წლევანდელი გრემის გამარჯვებულთა ძირითადი სია შემდეგნაირად გამოიყურება:

წლის ალბომი – ბრუნო მარსი, „24 K Magic”

წლის ჩანაწერი – ბრუნი მარსი, „24 K Magic”

წლის სიმღერა – „That’s What I Like“ – კრისტოფერ ბროდი ბრაუნი, ფილიპ ლაურენსი, ბრუნო მარსი, რეი ჩარლზ მაკკოლაფ II, ჯერემი რივზი. სიმღერის ავტორი ბრუნო მარსი.

საუკეთესო სოლო გამოსვლა – ედ შირანი, „Shape of you”

საუკეთესო ჯგუფური პერფორმანსი – “Feel It Still” – The Man

საუკეთესო ტრადიციული პოპ-ვოკალური ალბომი – Tony Bennett Celebrates 90

საუკეთესო პოპ-ალბომი – ედ შირანი, ÷ (Divide)

საუკეთესო საცეკვაო სიმღერა – LCD Soundsystem, “Tonite”

საუკეთესო საცეკვაო/ელექტრონული ალბომი – Kraftwerk, „3-D The Catalogue“

საუკეთესო როკ-გამოსვლა – ლეონარდ კოენი, “You Want It Darker”

საუკეთესო როკ-სიმღერა -Foo Fighters, “Run”

საუკეთესო როკ -ალბომი – The War On Drugs, „A Deeper Understanding“

საუკეთესო ალტერნატიული ალბომი – The National, „Sleep Well Beast“

წლის დებიუტანტი – ალესია კარა

საუკეთესო R&B წარმოდგენა – ბრუნო მარსი, „“That’s What I Like“

საუკეთესო R&B სიმღერა – „That’s What I Like“ – კრისტოფერ ბროდი ბრაუნი, ფილიპ ლაურენსი, ბრუნო მარსი, რეი ჩარლზ მაკკოლაფ II, ჯერემი რივზი. სიმღერის ავტორი ბრუნო მარსი.

საუკეთესო ურბანული ალბომი – The Weeknd, „Starboy”

საუკეთესო R&B ალბომი – ბრუნო მარსი, „24 K Magic”

საუკეთესო რეპ-ალბომი – კენდრიკ ლამარი, „HUMBLE

საუკეთესო რეპ-წარმოდგენა-ენდრიკ ლამარი და რიანა, „LOYALTY“

საუკეთესო რეპ-სიმღერაკენდრიკ ლამარი, „HUMBLE“

საუკეთესო რეპ-ალბომიკენდრიკ ლამარი, „DAMN.“

საუკეთესო სოლო ქანთრი წარმოდგენა – კრის სტეიპლტონი, „“Either Way“

საუკეთესო ქანთრი ჯგუფიLittle Big Town, „“Better Man“

საუკეთესო ქანთრი სიმღერაკრის სტეიპლტონი, „Broken Halos“

საუკეთესო ქანთრი ალბომი- კრის სტეიპლტონი, „From a Room: Volume 1“

საუკეთესო ლათინო პოპ-ალბომიშაკირა, „El dorado”

საუკეთესო ლათინო როკ ან ალტერნატიული ალბომიResidente, „Residente“

საუკეთესო ტრადიციული ბლუზ-ალბომი – The Rolling Stones, „Blue & Lonesome“

საუკეთესო ფოლკ-ალბომი – ეიმი მანი, „Mental Illness“

საუკეთესო რეგი-ალბომი – დემიან მარლი, „Stony Hill“

საუკეთესო საუნდტრეკების კრებული ფილმისთვის – „ლა ლა ლენდი“

სიმღერის საუკეთესო ავტორი – „How Far I’ll Go“ – ლინ მანუელ მირანდა, სიმღერის ავტორი Auli’i Cravalho

 

„წყლის ფორმის“ შემქმნელებს პლაგიატში ადანაშაულებენ

გილერმო დელ ტოროს ფილმი „წყლის ფორმა“ თანამედროვეობის ერთ-ერთი ყველაზე გახმაურებული და პოპულარული ნამუშევარია. მან უკვე მიიღო „ოქროს გლობუსი“ და ვენეციის კინოფესტივალის პრემია, „ოსკარზე“ კი 13 ნომინაციაზეა წარდგენილი.

თუმცა, პროექტის გარშემო ხმაურიანი სკანდალი მწიფდება: დელ ტოროს ახალ ქმნილებას პლაგიატში მწერალ პოლ ზინდელის შვილი, დევიდი ადანაშაულებს, რომლის მტკიცებითაც, „წყლის ფორმა“ მამამისის პიესის, „ნება მომეცი, შენი ჩურჩული გავიგო“ გადმოკოპირებულ ვერსიას წარმოადგენს.

ამერიკელი სცენარისტის ოჯახის განცხადებით, ისინი შოკში ჩავარდნენ, როდესაც წლევანდელი ფავორიტი ფილმი ნახეს: „ვერ ვიგებ, როგორ შეიძლებოდა, რომ საავტორო უფლებებზე არ მოგვმართეს“, – ამბობს დევიდი.

სინამდვილეში კი, პიესის სცენარი ფილმის იდენტურია: მთავარი პერსონაჟი საიდუმლო საბრძოლო ლაბორატორიაში მომუშავე დამლაგებელია, რომელსაც ცოცხალი არსება (ზინდელის შემთხვევაში დელფინი, ხოლო დელ ტოროს შემთხვევაში – ამფიბია) შეუყვარდება. მასზე ექსპერიმენტებს ატარებენ, დამლაგებელი კი მის გადარჩენას ცდილობს.

Fox Searchlight-ის წარმომადგენლები დელ ტოროს მხრიდან პლაგიატს გამორიცხავენ. „მას არასოდეს წაუკითხავს ზინდელის ნაწარმოები. რეჟისორს 25 წლიანი გამოცდილება და რამდენიმე ათეული გენიალური ფილმი აქვს. ის მზად არის, ზინდელას ოჯახთან ნებისმიერი სადავო საკითხი გაარკვიოს, – განაცხადეს მათ.

 

წყვილები, რომლებიც 2018 წელს დაქორწინდებიან

პრინც ჰარისა და მეგან მარკლის ამბავი 2017 წლის ერთ-ერთი მთავარი მოვლენა გახდა. სამეფო ოჯახის წარმომადგენლისა და ამერიკელი მსახიობის კავშირი თავდაპირველად ბრიტანეთის დედოფლისთვის მიუღებელი იყო, თუმცა ჰარის მონდომებით, ყველაფერი ისე დასრულდა, როგორც მათ სურდათ და ნოემბერში პრინცმა საყვარელ ქალს ხელი სთხოვა. ქორწილი, რომელსაც 2018 წელს ყველაზე მეტად მოელიან, 19 მაისს არის დაგეგმილი.

 

პრინცესა ევგენია და ჯეკ ბრუკსბენკი

შემოდგომაზე სამეფო ოჯახში კიდევ ერთ ქორწილი იგეგმება. ელიზაბეტ მეორის შვილიშვილი ცოლად ბიზნესმენ ჯეკ ბრუკსბენკს მიყვება. წყვილს რომანი 7 წელია აქვს.

 

პერის ჰილტონი და კრის ზილკა

კრისმა საყვარელ ქალს ხელი გასული წლის ბოლოს სთხოვა და ეს ფაქტი ჰილტონმა სოციალურ ქსელში გაახმაურა. სასტუმროების ქსელის 37 წლის მემკვიდრე ქორწილის შემდეგ მეუღლის გვარზე გადასვლას გეგმავს.
ედ შირანი და ჩერი სიბორნი

მუსიკოსმა ბავშვობის სიყვარულს ხელი ახალი წლის ღამეს სთხოვა და ამის შესახებ „ისნტაგრამზე“ გააზიარა. „ჩვენ ძალიან ბედნიერები ვართ, ისევე, როგორც ჩვენი კატები“, – დაწერა ვარსკვლავმა.

როუზ ლესლი და კიტ ჰარინგტონი

„სამეფო კარის თამაშების“ ვარსკვლავები, რომლებიც სერიალშიც შეყვარებულებს თამაშობენ, რამდნიმე თვის წინ დაინიშნენ. წყვილი 5 წელია ერთად არის, ცოტა ხნის წინ მათ ინგლისის დასავლეთით საერთო სახლიც შეიძინეს და საცხოვრებლად გადავიდნენ.

 

ლედი გაგა და კრისტიან კარინო

ტეილორ კინისთან დაშორების შემდეგ, ლედი გაგამ რომანი თავის აგენტთან, კრისტიან კარინოსთან გააბა. წყვილი ზაფხულში დაინიშნა, 2018 წელს კი გრანდიოზული ქორწილის გადახდას გეგმავენ.
გვინეტ პელტროუ და ბრედ ფელჩაკი

კრის მარტინთან დაშორების შემდეგ, პელტროუს რომანი ბრედ ფელჩაკთან აქვს. 45 წლის მსახიობმა და 46 წლის პროდიუსერმა ნიშნობის შესახებ რამდენიმე დღის წინ განაცხადეს.

ჯონ სინა და ნიკი ბელა

ცნობილმა რესტლერმა და მსახიობმა საყვარელ ქალს ხელი პირდაპირ რინგზე სთხოვა. შემდეგ კი ყველაფერი ისე იყო, როგორც ხდება ხოლმე: ნიკიმ თანხმობა უთხრა და შემდეგ მათ ერთმანეთს აკოცეს.

დემიენ შაზელი და ოლივია ჰამილტონი

„ოსკარის“ აღების დროს, დემიენ შაზელი საყვარელ ქალზე იყო შეყვარებული. ცნობილმა რეჟისორმა ოლივიას ხელი 2017 წლის ოქტომბერში სთხოვა. დემიენისთვის ეს რიგით მეორე ქორწინება იქნება.

შაკირა და ჟერარ პიკე

მიუხედავად იმისა, რომ ბოლო დროს მათ დაშორებაზე ბევრს საუბრობდნენ, წყვილი კვლავ ერთად არის და ორი საერთო შვილის აღზრდას განაგრძობს. წლის ბოლოს პიკემ საყვარელ ქალს ხელი სთხოვა, ხოლო მიმდინარე წელს ისინი ქორწილის გადახდას გეგმავენ.

„ლა ლა ლენდის“ რეჟისორი Apple-ის შესახებ სერიალს გადაიღებს

ფილმ „ლა ლა ლენდის“ რეჟისორი, დემიენ შაზელი კომპანია Apple-ის შესახებ სერიალს გადაიღებს. პროექტის დეტალები მკაცრად არის გასაიდუმლოებული, თუმცა ცნობილია, რომ შაზელი თითოეული ეპიზოდის სცენარისტი და რეჟისორი გახდება. ამას გარდა, ის აღმასრულებელი პროდიუსერიც იქნება.

შაზელისთვის ეს უკვე მეორე სატელევიზიო პროექტია. აქამდე ცნობილი გახდა, რომ Netflix-სთვის ის მუსიკალურ დრამაზე იმუშავებს.

შეგახსენებთ, რომ გასულ წელს „ლა ლა ლენდმა“ ექვსი „ოსკარი“ მიიღო, მათ შორის ნომინაციაში „საუკეთესო რეჟისორი“.

მსოფლიო კინოს მთავარი ბოროტმოქმედი პერსონაჟები გამოვლინდა

დარტ ვეიდერი მსოფლიო კინემატოგრაფის მთავარ ბოროტმოქმედ მსახიობად დასახელდა. შესაბამისი გამოკითხვა გამოცემამ EmpireOnline გამოავლინა.

ათეული შემდეგნაირად გამოიყურება:

 

  1. დარტ ვეიდერი (“ვარსკვლავური ომები”)

  2. ჯოკერი (“ბეტმენი”)

  3. ლოკი (“თორი”)

  4. ჰანს გრუბერი (“კერკეტი კაკალი”)

  5. ჰანიბალ ლექტერი (“კრავთა დუმილი”)

  6. ჰანს ლანდა (“უსახელო ნაბიჭვრები”)

  7. კაილო რენი (“ვარსკვლავური ომები”)

  8. ანტონ ჩიგური (“მოხუცებისთვის აქ ადგილი არ არის”)

  9. ლორდი ვოლან-დე-მორტი (“ჰარი პოტერი”)

  10. ქსემორფი (“უცხო”)

ანჯელინა ჯოლიმ და ბრედ პიტმა შეთანხმებას მიაღწიეს

თითქმის წელიწადნახევრიანი უთანხმოების შემდეგ, ანჯელინა ჯოლიმ და ბრედ პიტმა კონსესუსს მიაღწიეს.

წყვილთან დაახლოებული წყაროს ცნობით, ვარსკვლავებმა შვილებზე მეურვეობის საკითხზე შეთანხმდნენ: ჯოლი დათანხმდა, რომ მშობლის მოვალეობის ნაწილი ექვს შვილთან მიმართებაში პიტმაც აიღოს თავის თავზე.

ამ გზით, ბრედ პიტი მონაწილეობას მიიღებს მათ აღზრდაში და შვილებთან მეტი დროის გატარების საშუალება მიეცემა.

კარლის გარდაცვალებას „მოსიარულე მკვდრების“ ახალ სერიაში დეტალურად აჩვენებენ

ერთი თვის შემდეგ, სერიალ „მოსიარულე მკვდრების“ თაყვანისმცემლები მე-8 სეზონის დასკვნით სერიას იხილავს, რომელშიც ერთ-ერთი მთავარი გმირის, კარლის გარდაცვალება დეტალურად იქნება ნაჩვენები. კარლი პროექტში პირველივე სერიიდან ჩანს, ამიტომ ამ ფაქტს განსაკუთრებული ყურადღება სწორედ მისი მნიშვნელობიდან გამომდინარე დაეთმობა.

შეგახსენებთ,  რომ დასკვნითი სერიის ხანგრძლივობა 60 წუთის ნახვლად 82 წუთი იქნება.

ბრედლი კუპერი და ირინა შეიკი ქალიშვილთან ერთად სანაპიროზე ერთობიან (ფოტო)

ბრედლი კუპერი და ირინა შეიკი მშობლები გასული წლის მარტში გახდნენ. მას შემდეგ, ახალგაზრდა ოჯახი ცდილობს, დრო ერთმანეთის გარემოცვაში გაატაროს.

ამ დღეებში პაპარაცებმა ვარსკვლავები ქალიშვილთან ერთად ლოს-ანჯელესში, Sunset-ის სანაპიროზე გადაიღო. ოჯახი არაჩვეულებრივად ატარებდა დროს: კუპერი და შეიკი მხის ჩასვლით ტკბებოდნენ, ლეა კი ქვიშაზე ცოცავდა.

შეგახსენებთ, რომ 43 წლის ბრედლი და 32 წლის ირინა ერთმანეთს 2015 წლის გაზაფხულიდან ხვდებიან.

სტინმა და შაგიმ დუეტი წარმოადგინეს (აუდიო)

სტინგმა ახალი სიმღერა „Don’t Make Me Wait“ გამოუშვა, რომელიც იამაიკელ რეგის შემსრულებელთან, შაგისთან დუეტს წარმოადგენს.

პრემიერა მუსიკოსების ერთობლივი დისკის ნაწილი გახდება, რომელმაც სახელწოდება „44/876“ მიიღო და მისი რელიზი 20 აპრილს შედგება.

შეგახსენებთ, რომ სტინგის უკანასკნელი სოლო ალბომი „57th & 9th“ გაყიდვაში 2016 წლის ნოემბერში გამოვიდა. აშშ-ში მან უკეთესი რეზულტატი აჩვენა, ვიდრე ვარსკვლავის სამშობლოში, დიდ ბრიტანეთში.

სელენა გომესმა და ზეინ მალიკმა „ალადინის“ საუნდტრეკი ჩაწერეს

ამერიკელმა მუსიკოსებმა, სელენა გომესმა და ზეინ მალიკმა სტუდია „დისნეის“ ახალი პროექტისთვის, „ალადინისთვის“ მთავარი საუნდტრეკი ჩაწერეს.

ფილმის პრემიერა 2019 წლის მაისში იგეგმება და მისი რეჟისორი გაი რიჩი იქნება. მთავარ როლებს კი უილ სმიტი და ნაომი უოტსი შეასრულებენ.

ფილმს მუსიკალურად ამერიკელი კომპოზიტორი და პიანისტი ალან მენკენი გააფორმებს, რომელმაც სახელი „მზეთუნახავი და ურჩხულის“ თემით გაითქვა.

ორსული კეიტ მიდლტონი საქველმოქმედო საღამოზე გამოჩნდა (ფოტო)

ორსული კეიტ მიდლტონი ფსიქიკური ჯანმრთელობის ბავშვთა თანადგომის სკოლას Roe Green ესტუმრა.

კემბრიჯის ჰერცოგინიამ ოფიციალური ღონისძიებისთვის Sportmax-ის ცისფერი პალტო, Seraphine Ltd-ის კაბა და Beulah London-ის აბსტრაქტული ნახატებით გაფორმებული შარფი შეარჩია. ამ გამოსვლით მიდლტონმა მომავალ დედებს კიდევ ერთი გემოვნებიანი სტილის მაგალითი მისცა.

შეგახსენებთ, რომ კეიტი და მისი მეუღლე, პრინცი უილიამი მესამე შვილს ელოდებიან. მათ უკვე ჰყავთ პრინცი ჯორჯი, რომელიც ქვეყანას 2013 წლის ივლისში მოევლინა და პრინცესა შარლოტა, რომელიც 2015 წლის მაისში დაიბადა.

მარგო რობიმ „მე, ტონია“ სიდნეიში წარადგინა (ფოტო)

მარგო რობი, რომელიც გუშინ „ოსკარის“ ერთ-ერთი მთავარი კატეგორიის, „ქალის საუკეთესო როლის“ ნომინანტი გახდა ფილმით „მე, ტონია“, ფილმის პრემიერებს მსოფლიოს სხვადასხვა კუთხეში ესწრება. ლოს-ანჯელესში, ნიუ-იორკსა და პარიზში მან ფილმი უკვე წარადგინა, ამჯერად კი, ლამაზმანი მშობლიურ ავსტრალიას, კერძოდ კი სიდნეის ესტუმრა.

27 წლის მსახიობი წითელ ხალიჩაზე აბრეშუმის კაბაში გამოჩნდა, რომელსაც ექსტრემალურად ამოღებული დეკოლტე ჰქონდა. აქსესუარებიც და მაკიაჟიც რობის პასტელურ ტონებში ჰქონდა, რაც საკმაოდ გემოვნებიან ნაკრებს ქმნიდა.

შეგახსენებთ, რომ ფილმში მსახიობი ცნობილი მოგიგურავის, ტონი ჰარდინგის როლს ასრულებს, რომელიც საკმაოდ სკანდალური სპორტსმენი იყო.

 

“ოსკარის” ახალ ტრეილერში ჯიმი ქიმელი უსიამოვნო მოგონებებს ებრძვის (ვიდეო)

„ოსკარისთვის“ მზადება სრული სვლით მიმდინარეობს.

ნომინანტების გამოცხადების შემდეგ, ქსელში ჯიმი ქიმელის მონაწილეობით შოუს ტრეილერი გამოქვეყნდა, რომელის გასული წლის ღონისძიების წამყვანი იყო. ვიდეოში ის ფსიქოთერაპიის დახმარებით ცდილობს, წინა შოუზე მომხდარი უსიამოვნო ინციდენტების დავიწყებას, როდესაც მთავარი ნომინაციის გამოცხადებისას კონვერტი აერია.

ქიმელს მოგონებები ყველგან თან სდევს: სიზმარსა და ცხადში. საბოლოოდ ის გადაწყვეტს, რომ ფოსტა აღარ შეამოწმოს და საკუთარ სმოკინგსაც კი დაწვავს.

ბრიტნი სპირსმა საკონცერტო ტურნე დააანონსა

ბრიტნი სპირსმა ოფიციალურად დააანონსა საკონცერტო ტურნე, რომელიც მიმდინარე წლის 12 ივლისიდან 24 აგვისტომდე გასტანს. ორი წლის განმავლობაში, შოუს Piece Of Me ის ლას-ვეგასში მართავდა, ამჯერად კი სხვა ქალაქების ჯერი დადგა.

„ვერ ვიჯერებ… ისე მენატრება შოუ Piece Of Me. ძალიან მიხარია, რომ მისი ჩვენების საშუალება ევროპის, ამერიკისა და დიდი ბრიტანეთის ქალაქებშიც შემეძლება“, – დაწერა ბრიტნიმ.

კონცერტები მერილენდს, კონექტიკუტს, პენსილვანიას, ბიუ-ჯერსის, ნიუ-იორკსა და ფლორიდას, ევროპულ ნაწილში კი შვედეთს, გერმანიას, ნორვეგიასა და ბელგიას მოიცავს.

ოსკარი 2018-ის ნომინანტები გამოვლინდა

ამერიკის კინოაკადემიამ ოსკარის 90-ე დაჯილდოების ნომინანტები დაასახელა. წლევანდელი ფავორიტები, აკადემიის ახალმა პრეზიდენტმა, ჯონ ბეილიმ, Samuel Goldwyn Theater-ში გააცნო საზოგადოებას. დაჯილდოების ცერემონია 4 მარტს გაიმართება, მანამდე კი გთავაზობთ, ამერიკის კინოხელოვნების აკადემიის უმაღლესი ჯილდოს ნომინანტთა სრული სიას:

 

საუკეთესო ფილმი

“შენი სახელით მომმართე“

„ბნელი საათი“

„დიუნკერკი“

„წყლის ფორმა“

„სამი ბილბორდი ებინგის საზღვართან, მისური“

„თავს უშველე“

„Lady Bird“

„Phantom Thread“

„The Post“

 

მთავარი როლის შემსრულებელი მსახიობი მამაკაცი

გარი ოლდმანი, „ბნელი საათი“

ტიმოთი შალამე, „შენი სახელით მომმართე“

დენზელ ვაშინგტონი, Roman J. Israel, Esq.

დენიელ კალუია, „თავს უშველე“

დენიელ დეი-ლუისი, Phantom Thread

 

მთავარი როლის შემსრულებელი მსახიობი ქალი

ფრენსის მაკდორმანდი, „სამი ბილბორდი ებინგის საზღვართან, მისური“

სირშა რონანი, Lady Bird

სალი ჰოუკინსი, „წყლის ფორმა“

მარგო რობი, „მე, ტონია“

მერილ სტრიპი, The Post

 

მეორეხარისხოვანი როლის შემსრულებელი მსახიობი მამაკაცი

სემ როკველი, „სამი ბილბორდი ებინგის საზღვართან, მისური“

უილიამ დეფო, The Florida Project

ვუდი ჰარელსონი, „სამი ბილბორდი ებინგის საზღვართან, მისური“

რიჩარდ ჯენკინსი, “წყლის ფორმა“

კრისტოფერ პლამერი, All the Money in the World

 

მეორეხარისხოვანი როლის შემსრულებელი მსახიობი ქალი

ელისონ ჯენი, „მე, ტონია“

ლორი მეტკლაფი, Lady Bird

ლესლი მენვილი, Phantom Thread

მერი ჯეი ბლაიჯი, Mudbound

ოქტავია სპენსერი, „წყლის ფორმა“

 

საუკეთესო რეჟისორი

გილერმო დელ ტორო, „წყლის ფორმა“

პოლ ტომას ანდერსონი, Phantom Thread

ჯორდან პილი, „თავს უშველე“

კრისტოფერ ნოლანი, „დიუნკერკი“

გრეტა გერვიგი, Lady Bird

 

საუკეთესო ორიგინალური სცენარი

„დიდი ავადმყოფობა“

„თავს უშველე“

„წყლის ფორმა“

„სამი ბილბორდი ებინგის საზღვართან, მისური“

Lady Bird

 

საუკეთესო უცხოენოვანი ფილმი

A Fantastic Woman (ჩილე)

The Insult (ლიბანი)

Loveless (რუსეთი)

Body and Soul (უნგრეთი)

The Square (შვედეთი)

 

საუკეთესო ანიმაციური ფილმი

„პატარა ბოსი“

„კოკო“

„ფერდინანდი“

„სიყვარულით ვინსენტი“

The Breadwinner

 

საუკეთესო მუსიკა ფილმისთვის

„დიუნკერკი“

„წყლის ფორმა“

„ვარსკვლავური ომები: უკანასკნელი ჯედაი“

„სამი ბილბორდი ებინგის საზღვართან“

Phantom Thread

 

საუკეთესო სიმღერა ფილმისთვის

Mighty River – Mudbound

Mystery of Love – Call Me by Your Name

Remember Me – Coco

Stand Up for Something – Marshall

This Is Me – The Greatest Showman

 

საუკეთესო მხატვრობა

„მზეთუნახავი და ურჩხული“

„სამართებელზე მორბენალი 2049“

„ბნელი საათი“

„დიუნკერკი“

„წყლის ფორმა“

 

კოსტიუმების საუკეთესო დიზაინი

„მზეთუნახავი და ურჩხული“

„ბნელი საათი“

„წყლის ფორმა“

„ვიქტორია და აბდული“

Phantom Thread

 

საუკეთესო გრიმი და ვარცხნილობა

„ბნელი საათი“

„საოცრება“

„ვიქტორია და აბდული“

 

საუკეთესო ოპერატორული ნამუშევარი

„სამართებელზე მორბენალი 2049|

„ბნელი საათი“

„დიუნკერკი“

„წყლის ფორმა“

Mudbound

 

საუკეთესო მონტაჟი

„ბეიბი დარივერი“

„დიუნკერკი“

„მე, ტონია“

„წყლის ფორმა“

„სამი ბილბორდი ებინგის საზღვართან“

 

ხმის საუკეთესო მონტაჟი

„ბეიბი დრაივერი“

„სამართებელზე მორბენალი 2049“

„დიუნკერკი“

„წყლის ფორმა“

„ვარსკვლავური ომები: უკანასკნელი ჯედაი“

 

საუკეთესო ვიზუალური ეფექტები

„სამართებელზე მორბენალი 2049“

„გალაქტიკის მცველები 2“

„კონგი: ჩონჩხების კუნძული“

„ვარსკვლავური ომები: უკანასკნელი ჯედაი“

„ომი მაიმუნების პლანეტაზე“

 

საუკეთესო დოკუმენტური ფილმი

Abacus: Small Enough to Jail

Faces/Places

Icarus

Last Men in Aleppo

Strong Island

 

საუკეთესო მოკლემეტრაჟიანი ფილმი

DeKalb Elementary

The Eleven O’Clock

My Nephew Emmett

The Silent Child

Watu Wote: All of Us

 

საუკეთესო მოკლემეტრაჟიანი ანიმაციური ფილმი

Dear Basketball

Garden Party

Lou

Negative Space

Revolting Rhymes

მარიონ კოტიარი ვუდი ალენთან თანამშრომლობის გამოცდილებას შეცდომას უწოდებს

მარიონ კოტიარი იმ მსახიობების რიცხვს შეუერთდა, ვინც ვუდი ალენთან თანამშრომლობის გამოცდილებას შეცდომას უწოდებს და ცნობილ რეჟისორთან ყოველგვარ თანამშრომლობას და ურთიერთობას წყვეტს.

მარიონმა, რომელმაც ალენთან ფილმზე „შუაღამე პარიზში“ იმუშავა, The Hollywood Reporter-სთვის მიცემულ ინტერვიუში განაცხადა: „არ მგონია, რომ ოდესმე კიდევ ვიმუშაოთ ერთად, რადგან ჩვენი ერთობლივი მუშაობის გამოცდილება ძალიან უცნაური იყო. მისი რამდენიმე ფილმი მომწონს, მაგრამ გადასაღებ მოედანზე ჩვენს შორის კავშირი ვერ შედგა“.

 

ჯონ სინა ცნობილი თამაშის მთავარ პერსონაჟს განასახიერებს

პოპულარული ამერიკელი რესტლერი, მსახიობი და ტელეწამყვანი ჯონ სინა მთავარ როლს შეასრულებს ცნობილი ვიდეოთამაშის, „დიუკ ნიუკემის“ ეკრანიზაციაში. პროექტზე კინოსტუდია Paramount იმუშავებს.

ფილმს ჯერ არ ჰყავს რეჟისორი და სცენარისტი, თუმცა სტუდია Platinum Dunes, რომელიც გადაღებით დაკავდება, ამ პრობლემას უახლოეს მომავალში მოაგვარებს.

შეგახსენებთ, რომ თამაშის მთავარი პერსონაჟი – უცხოპლანეტელებზე მონადირე მამაკაცია, რომელიც არაჩვეულებრივი ფიზიკური მონაცემებით, იუმორის გრძნობითა და არაპოლიტკორექტულობით გამოირჩევა. ნიუკემის საფირმო ნიშანი იარაღი Colt 1911 და მზისგან დამცავი სათვალე Ray-Ban Predator-ია.

თამაშის უკანასკნელი ვერსია 2011 წელს გამოვიდა.

სელენა გომესი Puma-ს ახალი სარეკლამო კამპანიაში (ფოტო)

ქსელში ბრენდ Puma-ს ახალი სარეკლამო კამპანიის პირველი კადრები გამოჩნდა, რომლის სახეც გასულ წელს სელენა გომესი გახდა. ვარსკვლავმა მონაწილეობა მიიღო კოლექცია En Pointe-ის გადაღებებში, რომელიც ნიუ-იორკის ბალეტის მოცეკვავეებთან ერთად შეიქმნა.

ფოტოებზე სელენამ იდეალური ფიგურისა და არაჩვეულებრივი ფიზიკური მომზადების დემონსტრირება მოახდინა. ამ ყველაფერმა კი კიდევ ერთხელ გაამაყარა მოსაზრება იმის შესახებ, რომ გომესი ბრენდისთვის ზედგამოჭრილი სახეა.

რობერტ პატინსონსა და ბელა ჰადიდს რომანი აქვთ

რობერტ პატინსონისა და მომღერალ ტალია ბარნეტის დაშორების შესახებ ცნობილი ცნობილი გასული წლის ბოლოს გახდა. მიუხედავად იმისა, რომ ისინი უკვე დაქორწინებას გეგმავდნენ, წყვილი ერთმანეთს მოულოდნელად დაშორდა ისე, რომ მიზეზებზე არ უსაუბრიათ.

შესაბამისად, ჰოლივუდის ერთ-ერთი ყველაზე სიმპათიური მამაკაცი კვლავ თავისუფალია და მას ამა თუ იმ ლამაზმანთან რომანს უფრო თამამად მიაწერენ. ამჯერად პრესა პატინსონისა და ბელა ჰადიდის შესაძლო რომანით დაინტერესდა. გასული უქმეები ვარსკვლავებმა პარიზში გაატარეს. თავდაპირველად, ჰადიდი და პატინსონი ერთად მამაკაცის მოდის კვირეულის ფარგლებში გამართულ Dior-ის ჩვენებაზე გამოჩნდნენ, შემდეგ კი ისინი სავახშმოდ გაეშურნენ.

ინსაიდერების თქმით, მოდელი და მსახიობი ჰოლივუდის მომავალი ერთ-ერთი ყველაზე ლამაზი წყვილია.

შავი ქვრივის შესახებ ფილმისთვის სკარლეტ იოჰანსონი რეკორდული ოდენობის ჰონორარს მიიღებს

სტუდია Marvel სკარლეტ იოჰანსონს შავი ქვრივის შესახებ ცალკე ფილმში მონაწილეობისთვის რეკორდულ ჰონორარს გადაუხდის. საუბარია 25 მილიონ დოლარზე და იმ შემთხვევაში თუ ეს ინფორმაცია გამართლდა, იოჰანსონი მსოფლიო კინოს ყველაზე მაღალანაზღაურებადი მსახიობი ქაალი გახდება.

კომპანია Walt Disney საკმაოდ დიდი ოდენობის ინვესტიციას იმიტომ დათანხმდა, რომ პროექტის წარმატებაში ეჭვი არ ეპარება. კონტრაქტის პირობების თანახმად, იმ შემთხვევაში თუ ფილმის მოგება 900 მილიონ დოლარს გადააჭარბებს, იოჰანსონი მოგების დამატებით პროცენტებსაც მიიღებს და ჯამში მისმა ჰონორარმა შსაძლოა, 30 მილიონსაც გადააჭარბოს.

შეგახსენებთ, რომ ფილმის დიდ ეკრანებზე გამოსვლის თარიღად 2020 წელი სახელდება.

კოლინ ფერტი ვუდი ალენთან თანამშრომლობაზე უარს ამბობს

ჰოლივუდის კიდევ ერთმა პოპულარულმა მსახიობმა ვუდი ალენის გარშემო ატეხილ სკანდალს პროტესტით უპასუხა და ცნობილ რეჟისორთან თანამშრომლობაზე უარი განაცხადა. საუბარია კოლინ ფერტზე, რომელმაც ალენთან თანამშრომლობაზე უარი იმავე დღეს განაცხადა, რაც რეჟისორის აყვანილმა ქალიშვილმა, დილან ფეროუმ მამინაცვლის მხრიდან ძალადობაზე სატელევიზო ინტერვიუში განაცხადა.

ფერტი ვუდისთან ფილმზე „მთვარის შუქის მაგია“ 2014 წელს მუშაობდა, თუმცა, მსახიობი მასთან ყოველგვარ სამომავლო ურთიერთობაზე უარს აცხადებს.

შეგახსენებთ, რომ ფერტის გარდა, ალენთან თანამშრომლობაზე უარი უკვე თქვეს მირა სორვინომ, გრეტა ჰერვიგმა, რებეკა ჰოლმა და ტიმოთი შალამემ.

 

კიმ კარდაშიანმა და კანიე უესტმა ქალიშვილს უცნაური სახელი დაარქვეს

კიმ კარდაშინმა და კანიე უესტმა მესამე ქალიშვილს, რომელიც მათ სუროგატმა დედამ 15 იანვარს გაუჩინა, Chicago დაარქვეს. კიმმა განმარტა, რომ ბავშვის სახელი არა „ჩიკაგო“-დ, არამედ „შაიკაგო“-დ წარმოითქმის.

შეგახსენებთ, რომ გოგონას პირველი ფოტოსთვის გამოცემები უესტებს 5 მილიონ დოლარს სთავაზობდნენ, თუმცა ამ ფაქტს მათ ამორალური უწოდეს და განაცხადეს, რომ შვილის საშუალებით ფოტოს არასოდეს გააკეთებენ.

Maroon 5-მა Snapchat-ით გადაღებული კლიპი წარმოადგინა (ვიდეო)

გასულ კვირას, Maroon 5-ის სოლისტმა, ადამ ლევინმა ჯგუფის ახალი სიმღერა დააანონსა და „ინსტაგრამზე“ ვიდეოდან კადრი გამოაქვეყნა. ამჯერად კი ქსელში კლიპი გახდა ხელმისაწვდომი, რომელიც სმარტფონით,  Snapchat-ით არის გადაღებული

სიმღერა მეორე სინგლია ალბომიდან „Red Pill Blues“, რომელიც ნოემბრის დასაწყისში გამოვიდა. პირველი სიმღერა იყო „What Lovers Do“.

მაისში Maroon 5 ტურნეში მიდის, რომლის გრაფიკიც უკვე წინასწარ არის გაწერილი.

ლარა კროფტის შესახებ ფილმის მორიგი ტრეილერი გამოქვეყნდა (ვიდეო)

ლარა კროფტის შსახებ ახალი ფილმის მომდევნო ტრეილერი ქსელში მოხვდა. ფილმის  პირველ ორ ნაწილში მთავარ როლს ანჯელინა ჯოლი ასრულებს, ამჯერად კი, მთავარი გმირი 29 წლის ალისია ვიკანდერმა წარმოგვიდგინა.

სიუჟეტის ცენტრში ცნობილი არქეოლოგის 21 წლის ქალიშვილის ისტორიაა, რომელიც გაუჩინარებული მამის საიდუმლოს ამოხსნას ცდილობს.

ფილმი დიდ ეკრანებზე გაზაფხულზე გამოვა.

 

ანჯელინა ჯოლი კინოში შეტანილი წვლილისთვის დაჯილდოვდება

ანჯელინა ჯოლიდ ამერიკელ კინემატოგრაფისტთა საზოგადოება კინოხელოვნებაში შეტანილი წვლილისთვის დააჯილდოვებს. ცერემონია 17 თებერვალს გაიმართება.

„ანჯელინამ მაღალი სტანდარტები დაამკვიდრა. ის ნამდვილი ხელოვანია ძლიერი სულითა და გამორჩეული სტილით. ის არამარტო სანახაობას გვთავაზობს თავისი საქმიანობით, არამედ მწვავე სოციალურ პრობლემებზეც მუშაობს“, – ნათქვამია ოფიციალურ განცხადებში.

შეგახსენებთ, რომ აქამდე პრემიის ნომინანტები რიდლი სკოტი, ბარბარა სტრეიზანდი, ჰარისონ ფორდი, ჯულია რობერტსი და სხვა ვარსკვლავები იყვნენ.

ჰიტ ლეჯერის გარდაცვალებიდან 10 წლის შემდეგ, მიშელ უილიამსი თხოვდება

მიშელ უილიამსი და მისი რჩეული, ენდრიუ იუმანსი დაქორწინებას გეგმავენ. ხმები მათი ნიშნობის შესახებ „ოქროს გლობუსის“ შემდეგ გაისმა, როდესაც დაკვირვებულმა ჟურნალისტებმა 37 წლის ლამაზმანის თითზე ნიშნობის ბეჭედი შენიშნეს. რამდენიმე დღის წინ ეს ეჭვი დადასტურდა და ამჟამად ცნობილია, რომ წყვილი ოჯახის შექმნას გეგმავს.

მიშელი და ენდრიუ ერთად გასული წლის ზაფხულიდან არიან.

სიმბოლურია, რომ მიმდინარე წელს ჰიტ ლეჯერის გარდაცვალებიდან ათი წელი გადის. შეგახსენებთ, რომ ლეჯერი და უილიამსი 2004-2007 წლებში ხვდებოდნენ ერთმანეთს. მათ საერთო ქალიშვილი მატილდა ჰყავთ, რომელიც ამჟამად 12 წლის არის.

ჰოლი ბერი წითელ ხალიჩაზე გამჭვირვალე კაბაში თეთრეულის გარეშე გავიდა (ფოტო)

კალიფორნიურ პასადენაში NAACP Image Award-ის დაჯილდოების ცერემონია გაიმართა, რომელიც კინოს, ტელევიზიის, თეატრის, მუსიკისა და ლიტერატურის წარმომადგენლებს დამსახურებულ ჯილდოს გადასცემენ.

საღამოს ერთ-ერთი საპატიო სტუმარი 51 წლის ჰოლი ბერი იყო, რომელმაც წითელ ხალიჩაზე გასასვლელად ექსტრავაგანტული ჩაცმულობა შეარჩია. მსახიობს Reem Acra-ს გამჭვირვალე კაბა ეცვა, რომლის ქვეშაც ვარსკვლავმა თეთრეულის ჩაცმაზე უარი თქვა.

პროვოკაციულ კაბას ბერიმ მაღალქუსლიანი ფეხსაცმელი და სამკაული მოუხდინა, თუმცა აქცენტი, რა თქმა უნდა, მის „შიშველ“ ნაწილებზე გაკეთდა.

მაილი საირუსი და ლიამ ჰემსვორტი ოკეანის სანაპიროზე ისვენებენ (ფოტო)

მაილი საირუსი და ლიამ ჰემსვორტი ავსტრალიაში ისვენებენ. სანამ თაყვანისმცემლები მათ შესაძლო ქორწინებაზე საუბრობენ, 25 წლის მომღერალი და 28 წლის მსახიობი მზიან სანაპიროზე განტვირთვით არიან დაკავებულები. პაპარაცებმა ისინი ოკეანეში ბანაობის დროს გადაიღეს.

მაილის თეთრი ფერის საცურაო კოსტიუმი ეცვა, რომელშიც მისი არაჩვეულებრივი სხეული თვალშისაცემი იყო, რაც შეეხება ჰემსვორტს, იდეალურ პრესს მან დემონსტრირება კიდევ ერთხელ გაუკეთა.

53 წლის მონიკა ბელუჩი იდეალურ ფორმაშია (ფოტო)

მონიკა ბელუჩი იმ ცნობილი ქალბატონების რიცხვს განეკუთვნება, ვინც წითელ ხალიჩაზე არც ისე ხშირად ჩნდება. გუშინ, იტალიელი ლამაზმანი „სეზარის“ ყოველწლიურ დაჯილდოებაზე გამოჩნდა, რომელიც ტრადიციულად პარიზში გაიმართა.

სპეციალურად ღონისძიებისთვის მან გრძელი შავი პიჯაკი, ვიწრო მაღალწელიანი შარვალი, ტოპი და მაღალქუსლიანი ფეხსაცმელი შეარჩია. ბელუჩის მაკიაჟი ბუნებრივთან მიახლოებული, თმა კი მხრების სიგრძეზე ჰქონდა.

ბელუჩიმ კოლეგებთან, დიანა კრიუგერთან და მარიონ კოტიართან იპოზიორა და დაამტკიცა, რომ 53 წლის ასაკშიც კი შესაძლებელია, იდეალურ ფორმაში იყო და შეუდარებლად გამოიყურებოდე.

„ჯონ უიკი“ სერიალი გახდება

სანამ კიანუ რივზი „ჯონ უიკის“ მესამე ნაწილში მონაწილეობისთვის ემზადება, ცნობილი ხდება, რომ ფილმის მოტივებზე სერიალის გადაღება იგეგმება.

პროექტს „კონტინენტალი“ დაერქმევა და მასში მოქმედება „ჯონ უიკის“ სამყაროში განვითარდება.  კონტინენტალი კი ქილერების თავშესაფარს წარმოადგენს, რომელიც ორიგინალშიც არის ნაჩვენები. განსხვავება ფილმისგან ის იქნება, რომ მოქმედება არა ნიუ-იორკში, არამედ ლოს-ანჯელესში განვიარდება.

რაც შეეხება „ჯონ უიკის“ მესამე ნაწილს, დიდ ეკრანებზე ის 2019 წლის 17 მაისიდან გამოჩნდება. მთავარ როლებს კი კვლავ კიანუ რივზი და იენ მაკშეინი შეასრულებენ.

„ბნელი რაინდი“ კინოთეატრებში 10 წლის იუბილესთან დაკავშირებით ბრუნდება

კრისტოფერ ნოლანის „ბნელი რაინდი“ ჩრდილოეთ ამერიკის კინოთეატრებში კვლავ გამოვა. საუბარია პროექტის ათი წლის იუბილეზე, რომლის ფარგლებშიც კითეატრ Showcase Cinemas-ს ქსელში მისი ჩვენება 8-დან 11 თებერვლის ჩათვლით იგეგმება.

შეგახსენებთ, რომ „ბნელი რაინდი“ კინემატოგრაფის ისტორიაში კომიქსების ერთ-ერთი საუკეთესო  ეკრანიზაციაა, რომელშიც დასამახსოვრებელი კვალი მსახიობმა ჰიტ ლეჯერმაც დატოვა. ამ უკანასკნელმა ჯოკერის დაუვიწყარი პერსონაჟი შექმნა. აღსანიშნავია, რომ თავად ლეჯერი მისი მონაწილეობით ფილმის პრემიერას ვერ მოესწრო.

კინოგაქირავებაში „ბნელმა რაინდმა“ მილიარდ დოლარზე მეტი მოაგროვა და ბევრი პრესტიჟული ჯილდოს მფლობელიც გახდა, მათ შორის „ოქროს გლობუსისაც“.

ჯეიმს კემერონმა „ავატარის“ ახალ ნაწილში ბევრი სიურპრიზი დააანონსა

ჯეიმს კემერონი „ავატარის“ ახალ ნაწილზე მუშაობს. რეჟისორმა განაცხადა, რომ არ გამორიცხავს, რომ მისი ყველა ახალი მცდელობა წარმატებული ვერ გახდება, თუმცა თვლის, რომ ნამდვილ შემოქმედს მარცხის არ უნდა ეშინოდეს.

ამავდროულად მან დაადასტურა, რომ ყოველ ახალ ფილმზე მუშაობის დროს მისთვის პრიორიტეტი საინტერესო ისტორიაა, ამიტომ თაყვანისმცემლები გააფრთხილა, რომ „ავატარი 2“-ში ბევრი სიურპრიზი ელოდებათ.

ფილმს მაყურებელი შორეულ 2020 წლის 18 დეკემბერს იხილავს. ამ მომენტისთვის გადაღებები ახალი დაწყებულია. მასში სემ უოტირგტონი, სინგური უივერი, კეიტ უინსლეტი, ზოი სალდანა და სხვები მონაწილეობენ.

ჯეი ზიმ საკუთარი ქალიშვილის შესახებ მულტფილმი გამოქვეყნა (ვიდეო)

ჯეი ზის ოფიციალურ YouTube-არხზე რეპერის ახალი კლიპი „Blue Freestyle“ გამოქვეყნდა, რომელიც მის ახალ ალბომში „4:44“ შედის.

სიუჟეტის მიხედვით, ჯეი ზისა და ბიონსეს ქალიშვილის, ბლუ აივის ანიმირებული ვერსია ტალანტების შოუზე გამოდის.  მას აღფრთოვანებულები უყურებენ მშობლები, რომლებიც მაყურებელთა რიგებში სხედან. რგოლი გოგონას 6 წლის იუბილეს ეძღვნება.

ტიტრებში ბლუ აივი სცენარის ავტორად, ხოლო ჯეი ზი – პროდიუსერად არის მოხსენიებული.

„გენიოსი: პიკასო“: ანტონიო ბანდერასი ესპანელი მხატვრის როლში (ვიდეო)

National Geographic-მა ლეგენდარული ესპანელი მხატვრის, პაბლო პიკასოს შესახებ გადაღებული სერიალის პირველი ტრეილერი გამოაქვეყნა. სწორედ პიკასო გახდა ცნობილი არხის სპეციალური პროექტის, „გენიოსის“ მთავარი გმირი, რომლის როლსაც ანტონიო ბანდერასი ასრულებს.

„გენიოსის“ პირველი სეზონი ალბერტ აინშტაინს შეეხებოდა. ის ათი ეპიზოდისგან შედგებოდა და არხის ყველაზე რეიტინგულ პროექტს წარმოადგენდა. ჯამში მას 45-მა მილიონმა ადამიანმა უყურა.

„ჰარი და მეგანი: სამეფო სიყვარულის ისტორია“: ცნობილ წყვილზე ფილმს გადაიღებენ

პრინც ჰარისა და მეგან მარკლის ნიშნობა 2017 წლის ყველაზე განხილვადი თემა გახდა. ცნობილი წყვილის გარშემო საუბარი დღემდე არ წყდება. თაყვანისმცემლები ყველა დეტალით ინტერესდებიან: როგორ ტორტს აარჩევენ ისინი ქორწილისთვის, ვინ მიიყვანს პატარძალს საკურთხეველთან და როგორ ატარებენ თავისუფალ დროს.

გადამეტებული ინტერესის გამო, ბრიტანულმა საკაბელო არხმა ამ თემაზე ფილმის გადაღება გადაწყვიტა, რომელიც ჰარისა და მეგანის სიყვარულის ისტორიას შეეხება. „ჰარი და მეგანი: სამეფო სიყვარულის ისტორია“ – ასე ერქმევა ფილმს და ის პრინცისა და მსახიობის გაცნობის მომენტიდან ნიშნობამდე პერიოდს მოიცავს.

პროექტის დიდ ეკრანებზე გამოსვლის თარიღი ჯერ-ჯერობით უცნობია. აღსანიშნავია, რომ მსგავსი ფილმი უილიამისა და კეიტ მიდლტონის შემთხვევაში მათ ქორწილამდე 11 დღით ადრე გამოვიდა ეთერში. ჰარისა და მეგანის ქორწილი 19 მაისს არის დაგეგმილი.

„ჯუმანჯის“ მოგებამ 666 მილიონ დოლარს გადააჭარბა

ფილმის „ჯუმანჯი: ჯუნგლების ძახილი“ მსოფლიო მოგებამ 666 მილიონ დოლარს მიაღწია. ამ გზით, სტუდია Sony Pictures-ის პროექტმა ყველაზე ოპტიმისტური პროგნოზიც კი გააუმჯობესა. მან უკან ჩამოიტოვა „სამართლიანობის ლიგა“, მითუმეტეს, რომ ეს უკანასკნელი მასზე ერთი თვით ადრე გამოვიდა.

„ჯუმანჯიში“ მთავარ როლებს დუეინ ჯონსონი, ჯეკ ბლეკი, ბობი კაბავალე, კარენ გილანი და სხვა მსახიობები ასრულებენ. ორიგინალისგან განსხვავებით, მთავარი გმირებს არა სამაგიდო, არამედ კომპიუტერული თამაშიდან თავის დაღწევა უწევთ.

ლეონარდო დიკაპრიო კვენტინ ტარანტინოს ფილმში მონაწილეობას მიიღებს

ლეონარდო დიკაპრიო კვლავ ითანამშრომლებს კვენტინ ტარანტინოსთან. რეჟისორის ახალ ფილმში მოქმედება 1969 წელს განვითარდება და მასში მსახიობ შერონ ტეიტისა და მისი ოთხი მეგობრის მკვლელობის შესახებ იქნება მოთხრობილი.

არსებული ინფორმაციით, დიკაპრიო უმუშევარ მსახიობს განასახიერებს. ტეიტის როლზე კი მარგო რობის კანდიდატურა განიხილება. არსებობს ვერსია, რომ ფილმში ტომ კრუზსა და ალ პაჩინოსაც ვიხილავთ.

დიკაპრიოსთვის „გადარჩენილის“ შემდეგ ეს პირველი ფილმი იქნება. შეგახსენებთ, რომ 2016 წელს, აღნიშნულმა პროექტმა მას „ოსკარი“ მოუტანა. რაც შეეხებათ ტარანტინოსა და დიკაპრიოს, 2012 წელს მათ უკვე ითანამშრომლეს ფილმში „გათავისუფლებული ჯანგო“.

ედ შირანი და Future ტეილორ სვიფტის ახალ კლიპში წვეულებებს აწყობენ (ვიდეო)

ტეილორ სვიფტმა სიმღერაზე „End Game“ კლიპი გამოუშვა, რომელიც მისი ახალი ალბომის „Reputation“  რიგით მესამე მხარდამჭერი ნამუშვარია.

ვიდეოში ედ შირანი და რეპერი Future მონაწილეობენ. სიუჟეტის მიხედვით ისინი გრანდიოზულ წვეულებებს აწყობენ. ტეილორმა კი დიდებული გეტსბის იმიჯი მოირგო.

შეგახსენებთ, რომ დისკის მხარდასაჭერად სვიფტმა უკვე გამოუშვა ორი სიმღერა „Look What You Made Me Do“ და „…Ready For It?“

26 წლის შემდეგ სინდი კროუფორდი Pepsi-ს რეკლამაში კვლავ გამოჩნდა (ვიდეო)

1992 წელს, Pepsi-მ სინდი კროუფორდი ნამდვილ ვარსკვლავად აქცია. 26 წლის შემდეგ კი, სუპერმოდელი გაზიანი სასმელის რეკლამაში კვალვ გამოჩნდა – ამჯერად ვაჟიშვილთან ერთად.

ჯერ-ჯერობით ქსელში მხოლოდ ვიდეოს თიზერია გამოსული, თუმცა თაყვანისმცემლები აღნიშნავენ, რომ ის თითქმის არ შეცვლილა. რეკლამის პრემიერა 4 თებერვალს სუპერბოულზე  შედგება.

შავ ქვრივს ცალკე ფილმს მიუძღვნიან

სტუდია Marvel გეგმავს, რომ „შურისმაძიებლების“ ერთ-ერთ მთავარ პერსონაჟს, შავ ქვრივს ცალკე ფილმი მიუძღვნას. როგორც გამოცემა Variety წერს, სცენარს პროექტისთვის ჟაკლინ შეფერი დაწერს.

ამ მომენტისთვის ფილმის დეტალები ჯერ კიდევ დამუშავების პროცესშია. მათ შორის მოლაპარაკებები მიმდინარეობს სკარლეტ იოჰანსონთან, რომელიც აღნიშნული პერსონაჟის როლს ფილმის ექვს ნაწილში ასრულებს.

ჯეისონ მომოა ახალი ფილმის ტრეილერში (ვიდეო)

2018 წელს, ჯეისონ მომოა თაყვანისმცემლებს ერთდროულად ორი ახალი ფილმით გაახარებს: საუბარია ფილმებზე „აქვამენი“ და „ველური“. ამ უკანასკნელის ტრეილერი ამ დღეებში გამოქვეყნდა.

ფილმში მომოა მეტყევეს როლს ასრულებს, რომელიც ოჯახთან ერთად ამერიკისა და კანადის საზღვარზე, მთაში ცხოვრობს. ერთხელ მის წყნარ ცხოვრებას ნარკომოვაჭრეების ჯგუფი დაარღვევს, რომლებთანაც მას სერიოზული დაპრისპირება მოუწევს.

“ველური” დიდ ეკრანებზე 22 თებერვალს გამოვა.

„მალეფისენტის“ გადაღებები გაზაფხულზე დაიწყება

სანამ ანჯელინა ჯოლის ახალი ფილმის „თავდაპირველად მათ მამაჩემი მოკლეს“ წარმატება გრძელდება, თავად მსახიობი გადასაღებ მოედანზე დასაბრუნებლად ემზადება. მიმდინარე წლის აპრილიდან სტარტს აიღებს „მალეფისენტის“ გადაღებები, რომელიც აგვისტოს ბოლომდე გაგრძელდება.

ფილმის რეჟისორი ჰოაკიმ რონინგი იქნება, რომელსაც „კარიბის ზღვის მეკობრეები: მკვდრები ზღაპრებს არ ყვებიან“ ეკუთვნის.

ფილმის დიდ ეკრანებზე გამოსვლის თარიღი უცნობია.

ბრედ პიტი საკუთარ ნაკლს ებრძვის

გამოცემამ US Weekly ბრედ პიტის ცხოვრებაზე ვრცელი მასალა გამოაქვეყნა.

როგორ მიდის მსახიობის ცხოვრება ანჯელინა ჯოლისთან დაშორების შემდეგ და როგორ ცდილობს გამოსწორებას ცნობილი მსახიობი?

წყვილი ერთმანეთს 2016 წლის შემოდგომაზე დაშორდა, თუმცა მათ ურთიერთობაზე მედია დღემდე წერს. ინსაიდერები ამტკიცებენ, რომ ამ მომენტისთვის მისთვის უმთავრესი ადამიანები, მხოლოდ შვილები არიან. სწორედ მათ გამო ებრძვის ის საკუთარ ნაკლს, მათ შორის სერიოზულ ალკოდამოკიდებულებას.

ის ყოველკვირეულად გადის თერაპიას და ერთადერთი მიზანი აქვს – გახდეს უკეთესი მამა და ადამიანი. ბრედი შვილებს კვირაში რამდენჯერმე ხედავს, თუმცა ყველაფერს აკეთებს, რომ ეს დრო კიდევ უფრო გაიზარდოს“, – აცხადებს ინსაიდერი.

შეგახსენებთ, რომ ჯოლი-პიტის განქორწინების პროცესი ჯერ კიდევ არ დასრულებულა. თაყვანისმცემლები იმედოვნებენ, რომ საბოლოოდ ისინი შერიგდებიან.

ემინემმა კრიტიკოსებს უცენზურო სიმღერა მიუძღვნა (აუდიო)

ცოტა ხნის წინ, ემინემმა ახალი ალბომი „Revival“ გამოუშვა, რომელიც კრიტიკოსთა ნაწილმა ნეგატიურად შეაფასა. სპეციალურად ამ ნეგატიურად განწყობილი ადამიანებისთვის კი რეპერმა სიმღერა „Chloroseptic“ დაწერა.

კრიტიკოსებმა განსაკუთრებით ემინემის ორ ვარსკვლავთან – ედ შირანთან და ბიონსესთან ჩაწერილი დუეტი დაიწუნეს. როგორც მუსიკალური პორტალები იუწყებიან, ალბომის გაყიდვები საკმაოდ დაბალია, მითუმეტეს, რომ მის შექმნაში ა კლასის ვარსკვლავები მონაწილეობდნენ.

ახალი სიმღერა კი უცენზუროა და მასში რეპერი კრიტიკოსებს ურჩევს, მისი ფირფიტის ნეგატიურად შეფასების სანაცვლოდ, საკუთარ თავებს მიხედონ.

ლივ ტაილერი და დეივ გარდნერი საიდუმლოდ დაქორწინდნენ

40 წლის ლივ ტაილერისა და მისი პარტნიორის, ფეხბურთის აგენტ დეივ გარდნერის რომანი 2014 წელს დაიწყო. მას შემდეგ მათ ორი შვილი შეეძინათ. ამჟამად კი ცნობილი ხდება, რომ წყვილი საიდუმლოდ დაქორწინდა. ამის შესახებ წყვილის საერთო მეგობრის „ინსტაგრამიდან“ გახდა ცნობილი, სადაც ლივს ის მეგობრის ცოლს უწოდებს.

აღსანიშნავია, რომ ორივე მათგანი ერთხელ უკვე იყო დაქორწინებული. ორივეს ჰყავს უფროსი შვილი პირველი ქორწინებიდან.

Queen და ტინა ტერნერი “გრემის” საპატიო ლაურეატები გახდნენ

ჯგუფი Queen და მომღერალი ტინა ტერნერი პრემია „გრემის“ საპატიო ლაურეატები გახდნენ. მათ გარდა ჯილდოს ასევე ნილ დაიმონდი და ემილოუ ჰარისი მიიღებენ.

ცერემონია და კონცერტი, რომელიც პრიზიორების საპატივსაცემოდ ჩატარდება, 2018 წლის ზაფხულში გაიმართება. სხვა დეტალები უახლოეს კვირებში გახდება ცნობილი.

რაც შეეხება „გრემის“ დაჯილდოების ძირითად ცერემონიას, ის 28 იანვარს ნიუ-იორკში გაიმართება. უკვე ცნობილია, რომ ღონისძიებას მუსიკალურად ლედი გაგა, პინკი და სხვა  ვარსკვლავები გააფორმებენ.

ჯანი ვერსაჩეს ოჯახმა მის შესახებ სერიალს გამონაგონი უწოდა

ჯანი ვერსაჩეს ოჯახმა სერიალ „ამერიკული კრიმინალური ისტორია: ჯანი ვერსაჩეს მკვლელობასთან“ დაკავშირებით დუმილი დაარღვია.

ვერსაჩეს ოჯახს არასოდეს მიუცია თანხმობა სერიალის გადაღების თაობაზე, რადგანაც დიზაინერს არასოდეს სურდა მის შესახებ წიგნი დაეწერათ. სწორედ ამ წიგნზეა დაფუძნებული სერიალი. შესაბამისად, სრულიად დასაშვებია, რომ ამ შოუს გამონაგონი ვუწოდოთ“, – ნათქვამია ლეგენდარული მოდელიორის ოჯახის ოფიციალურ განცხადებაში.

შეგახსენებთ, რომ სერიალი 1997 წელს ვერსაჩეს მკვლელობას შეეხება და მთავარ როლებს მასში პენელოპა კრუსი, რიკი მარტინი და სხვა ვარსკვლავები ასრულებენ.

ანჯელინა ჯოლი ქალიშვილებთან ერთად NBR Awards-ის საღამოს დაესწრო (ფოტო)

გასული საღამო ანჯელინა ჯოლიმ და მისმა ორმა ქალიშვილმა – შაილომ და ზაჰარამ ნიუ-იორკში, National Board of Review Awards Gala-ს საღამოზე გაატარეს, სადაც „ოქროს გლობუსის“ დაჯილდოებიდან გაემგზავრნენ.

გოგონები არაჩვეულებრივ განწყობაზე იყვნენ: შალიოს სნოუბორდზე სრიალის შედეგად ფეხი ჰქონდა ნატკენი, თუმცა ეს მის ხასიათზე არ ასახულა.

ანჯელინამ საღამოსთვის Valentino-ს შავი კაბა, Barollo Italy-ის ფეხსაცმელი და Forevermark-ის სამკაული შეარჩია. როგორც ყოველთვის, მსახიობი არაჩვეულებრივ ფორმაში იყო.

Linkin Park-მა კონცერტებზე ჩესტერ ბენინგტონის ჰოლოგრამის გამოყენება უარყო

ჩესტერ ბენინგტონის გარდაცვალების შემდეგ ბევრმა მიიჩნია, რომ Linkin Park ან დაიშლება, ან კონცერტებზე ყოფილი ვოკალისტის ჰოლოგრამას გამოიყებს. თუმცა ამ დღეებში ჯგუფის წევრებმა უარყვეს ინფორმაცია იმის შესახებ, რომ სცენაზე ჩესტერის ციფრული ორეული გამოჩნდება.

ეს ყველაფერი ამორალურია, ჩვენ ასეთ ნაბიჯს ვერ გადავდგამთ. ჩვენ საყვარელი მეგობარი დავკარგეთ და არა შოუმენი. ჰოლოგრამა მისი და მისი მეგობრების შეურაცხყოფა იქნება“, – განაცხადა მაიკლ შინოდამ, ჯგუფის ერთ-ერთმა წევრმა, რომელსაც კოლექტივის თაყვანისმცემლების დიდი ნაწილი დაეთანხმა.

BAFTA-ს ნომინანტები გამოვლინდა

ცოტა ხნის წინ, ბრიტანული პრემია BAFTA-ს ნომინანტები გამოვლინდა. ნომინაციების რაოდენობის მხრივ გილერმო დელ ტოროს „წყლის ფორმა“ ლიდერობს, რომელიც 12 კატეგორიაზეა წარდგენილი.

ცხრა-ცხრა ნომინაცია აქვთ „ბნელ დროებს“ და „ოქროს გლობუსის“ გამარჯვებულ ფილმს „სამი ბილბორდი ებინგის საზღვართან, მისური“. რვა-რვა ნომინაციისთვის იბრძოლებენ „სამართელებზე მორბენალი 2049“ და „დიუნკერკი“.

საუკეთესო უცხოენოვანი ფილმებვის კატეგორიაში კი პოლ ვერხოვენის „ის“, ანჯელინა ჯოლის „თავდაპირველად მათ მამაჩემი მოკლეს“, პაკ ჩხანუკას „მოახლე“ და სხვა ნამუშევრები მოხვდა.

დაჯილდოების ცერემონია 18 თებერვალს გაიმართება და მას მოდელი და მსახიონბი ჯოანა ლამლი წაიყვანს.

ფილმები, რომლებიც ამა თუ იმ პროფესიას ყველაზე კარგად გამოხატავს

თუკი ოდესმე დაინტერესებულხართ, რას საქმიანობენ ასტრონავტები, „მარსელს“ ან „გრავიტაციას“ უნდა უყუროთ, ხოლო თუკი ფოკუსები გიტაცებთ, მაგალითი „ბნელი რაინდისგან“ უნდა აიღოთ –  ყოველ შემთხვევაში ასე თვლიან გამოცემა The Washington Post –ის რედაქტორები. მათ იმ ფილმების რეიტინგი შეადგინეს, რომელიც განსაზღვრული პროფესიების სპეციფიკაციებს ყველაზე კარგად აჩვენებს.

სიაში სულ 22 ფილმი მოხვდა და ის ასე გამოიყურება:

ადვოკატი – „ჩემი ბიძაშვილი ვინი“

ასტრონავტი – „მარსელი“

ბეისბოლისტი – „დარჰემელი ხარები“

ბიბლიოთეკარი – „ეს მშვენიერი ცხოვრება“

მებრძოლი – „ჩვენი ცხოვრების საუკეთესო წლები“

ექიმი – „ის, რაც ღმერთმა შექმნა“

გამომგონებელი – „ჯოი“

პოლიტიკოსი – „მისტერ სმიტი მიდის ვაშინგტონში“

სამართალდამცავი ორგანოების თანამშრომელი – „დონი ბრასკო“

მასწავლებელი – „იმპერატორთა კლუბი“

ფერმერი – „შარლოტას ქსელი“

მეშახტე – „მოწმე“ და ა.შ.

პინკი სუპერბოულზე ამერიკის ჰიმნს შეასრულებს

ამერიკელი მომღერალი პინკი, ამერიკული ფეხბურთის ჩემპიონატის ფინალური მატჩის წინ ამერიკის ეროვნულ ჰიმნს შეასრულებს. ფინალი 4 თებერვალს მინესოტაში გაიმართება და ცნობილია, რომ მატჩის ერთ-ერთი შესვენების დროს ჯასტინ ტიმბერლეიკიც გამოვა.

ტრადიციულად, სუპერბოულზე ცნობილი ვარსკვლავები გამოდიან. თავის დროზე ჰიმნი ლედი გაგამ, ალიშა ქისმა, კრისტინა აგილერამ, კელი კლარკსონმა, კერი ანდერვუდმა და სხვა ვარსკვლავებმა შეასრულეს.

 

ბრედ პიტს და სიენა მილერს რომანი აქვთ

დასავლური ტაბლოიდები კვლავაც ირწმუნებიან, რომ ბრედ პიტს და სიენა მილერს რომანი აქვთ.  ყვითელი მედია ამტკიცებს, რომ უახლოეს მომავალში მსახიობები ამის შესახებ ხმამაღლა განაცხადებენ.

პირველად, მსგავსი ხმები ფილმის „დაკარგული ქალაქი Z“ გადაღებებზე გაისმა, სადაც მილერი მთავარ როლს ასრულებდა, პიტი კი პროდიუსერი იყო. მაშინ ვარსკვლავების წარმნომადგენლებმა უარყვეს ჭორები და განაცხადეს, რომ ისინი უბრალოდ კარგი მეგობრები არიან.

Radiohead ლანა დელ რეის პლაგიატში ადანაშაულებს (აუდიო)

ჯგუფი Radiohead ლანა დელ რეის პლაგიატში ადანაშაულებს. ინფოირმაციას The Sun ავრცელებს. ტომ იორკი, რომელიც გეგმავს, სასამართლოს მიმართოს, ამტკიცებს, რომ ლანას სიმღერა „Get Free“ კოლექტივის ცნობილი ჰიტის, „Creep“-ის გადაკეთებულ ვერსიას წარმოადგენს.

„საჩივრის შესახებ მართალია, თუმცა არ ვიცოდი, რომ ჩემი სიმღერის შთაგონება მათი ჰიტი ყოფილა. მათი ადვოკატები შეუვალები არიან, ამიტომ გადავწყვიტე, სიმართლე დავამტკიცო“, – დაწერა ლანა დელ რეიმ „ტვიტერზე“.

„ოქროს გლობუსის“ საუკეთესო კაბა გამოვლინდა (ფოტო)

რიგით 75-ე ცერემონიის ყველაზე გემოვნებიანი კაბის ავტორად მოდის კრიტიკოსებმა ერთხმად ჯესიკა ბილის ჩაცმულობა აღიარეს.

მსახიობს Dior Haute Couture-ის ქმნილება ეცვა, რომელსაც ვარსკვლავმა ელეგანტური ვარცხნილობა და Bulgari-ის სამკაული მოუხდინა. ბილმა აქცენტი ტუჩებზე გააკეთა და მასზე მკვეთრი ვარდისფერი ტუჩსაცხი წაისვა.

შეგახსენებთ, რომ წელს ჯესიკა პრემიაზე ნომირირებული იყო სერიალით „ცოდვილი“, თუმცა ჯილდო მას ნიკოლ კიდმანმა „წაართვა“.

ედ შირანი და ბიონსე მსოფლიოს სიმღერების ჩარტის პირველობას არ თმობენ

მსოფლიოს სიმღერების ჩარტის პირველ ადგილზე კვლავ ედ შირანისა და ბიონსეს დუეტი „Perfect Duet“ იმყოფება.

მეორე და მესამე პოზიციებს უცვლელად კამილა კაბელოს „Havana“ და Post Malone-ს „Rockstar“ იკავებენ. საუკეთესო ხუთეულს კი ემინემი იკავებს, რომელმაც ხანგრძლივი პაუზის შემდეგ ახალი ალბომი რამდენიმე კვირის წინ გამოუშვა. საუბარია მისი და ედ შირანის დუეტზე „River“.

საუკეთესო ათეულში სემ სმიტი „Too Good At Goodbyes“,Imagine Dragons „Thunder“, სელენა გომესისა და Marshmello-ს დუეტი „Wolves“ იმყოფება.

სულ სხვანაირი „ოქროს გლობუსი“: შავებში ჩაცმული ვარსკვლავები (ფოტო)

ბოლო თვეებში სრულიად ჰოლივუდი შეძრა ჰარვი ვაინშტაინთან დაკავშირებულმა სკანდალმა, რომელიც როგორც გაირკვა, უამრავ ცნობილ და ნაკლებად ცნობილ მსახიობ ქალებს სექსუალურად ავიწროებდა. სწორედ ამ ფაქტთან დაკავშირებით გადაწყდა, რომ წლევანდელი „ოქროს გლობუსი“ „შავი“ უნდა ყოფილიყო  და ეს წესი ყველა მისულმა მსახიობმა დაიცვა.

„ჩვენ უნდა დავიცვათ საკუთარი უფლებები და არ გვეშინოდეს სიმართლის თქმა. ყველამ კარგად ვიცით, რომ ჩვენს სფეროში არ არის თანასწორობა და კიდევ ბევრი რამ უნდა შევცვალოთ“, – აცხადებდა ანჯელინა ჯოლი სექსუალური შევიწროების თემაზე.

„ოქროს გლობუსის“ წლევანდელი წითელი ხალიჩა ერთ-ერთი ყველაზე დასამახსოვრებელი იყო. მიუხედავად იმისა, რომ ის ერთ ფერში იყო გადაწყვეტილი, მოსაწყენს მას ვერავინ უწოდებდა: ვარსკვლავებმა კიდევ ერთხელ მოახდინეს არაჩვეულებრივი გემოვნებისა და სტილის დემონსტრირება.

ახალ კლიპში ჯასტინ ტიმბერლეიკი რობოტს მართავს (ვიდეო)

ჯასტინ ტიმბერლეიკმა სიმღერაზე „Filthy“ გადაღებული კლიპი წარმოადგინა. ვიდეოს რეჟისორი მარკ რომანეკია.

აღსანიშნავია, რომ სიახლე ტიმბერლეიკის ახალ ალბომში „Man of the woods“, რომლის პრეზენტაციაც 2 თებერვალს იგეგმება. ვარსკვლავის უკანასკნელი დისკი „The 20/20 Experience“ 2013 წელს გამოვიდა.

ბრუნო მარსმა საკუთარი სიმღერის რემიქსი გამოუშვა (ვიდეო)

ბრუნო მარსმა სიმღერაზე „Finesse“ რემიქსი გამოუშვა. ახალი ვერსიის ჩაწერაში ჰიპ-ჰოპ შემსრულებელი კარდი ბი მონაწილეობს.

შეგახსენებთ, რომ სიმღერის ორიგინალი ვერსია მარსის უკანასკნელ ალბომში „24K Magic“ შედის, რომელიც 2016 წლის 18 ნოემბერს გამოვიდა. დისკმა კრიტიკოსების დადებითი გამოხმაურებები მოიპოვა და Billboard 200-ის მეორე პოზიციაზე განთავსდა.

ფესტივალ Coachella-ს ჰედლაინერები ა კლასის ვარსკვლავები იქნებიან

ფესტივალ Coachella-ს ორგანიზატორებმა წლევანდელი ღონისძიების ჰედლაინერების ვინაობა გაამხილეს და ესენი არიან: ბიონსე, ემინემი და The Weeknd.

ყოველწლიური ფესტივალის პროგრამა ოთხ დღეს გაგრძელდება – 13-დან 15 აპრილამდე და 20-დან 22 აპრილამდე. ბილეთების გაყიდვა უკვე დაწყებულია და მათი ფასი ერთ მუსიკალურ უქმეებზე 673 დოლარს შეადგენს. ცნობილია, რომ ბიონსე 14 და 21 აპრილს გამოვა, ემინემი 15 და 22 აპრილს, ხოლო The Weeknd – 13 და 20 აპრილს.

შეგახსენებთ, რომ გასულ წელს ბიონსე, ფესტივალში მონაწილეობაზე უარი ექიმების დაჟინებული მოთხოვნით ორსულობის გამო თქვა, თუმცა მან პირობა დადო, რომ 2018-ში ის ღონისძიებაზე აუცილებლად გამოჩნდებოდა.

ბიონსე

 

ემინემი

 

The Weeknd

 

ედ შირანმა „სიმპსონებში“ მონაწილეობა მიიღო (ვიდეო)

„სიმპსონების“ არსებობის მანძილზე მასში ბევრი ცნობილი ადამიანი გამოჩენილა. ამჯერად კი, მათ რიცხვს ედ შირანი შეუერთდა. ანიმირებული შირანის ხმის მოსმენა 7 იანვარს გახდება შესაძლებელი.

ედმა ლიზა სიმპსონის შეყვარებული, ბრენდანი გაახმოვანა სერიაში „Haw-Haw Land“, რომელიც ცნობილი „ლა ლა ლენდის“ პაროდიას წარმოადგენს. სიუჟეტის მიხედვით, ლიზას შეუყვარდება მუსიკოსი, რომელიც მამამისს და მეგობარ ნელსონს არ მოსწონთ. სანამ თავად ლიზა დარწმუნებულია, რომ ის და ბრენდონი ერთმანეთისთვის არიან შექმნილები, ნელსონი ცდილობს, ის მუსიკალურ „ორთაბრძოლაში“ დაამარცხოს და გოგონას გული დაიპყროს.

ჯეი ზი ბიონსეს ღალატისთვცის ბოდიშს უხდის (ვიდეო)

მას შემდეგ, რაც ჯეი ზიმ სახალხოდ აღიარა, რომ ბიონსეს უღალატა, რეპერმა ახალი კლიპი სახელწოდებით „ოჯახური დავა“ გამოუშვა, რომელშიც მეუღლე და უფროსი ქალიშვილი, ბლუ აივი მობაწილეობენ.

თაყვანისმცემლებმა ჩათვალეს, რომ ამ ნაბიჯით ის ბიონსეს ბოდიშს უხდის. სიმღერის ტექსტი ოჯახურ ფასეულობებსა და ურთიერთობის მნიშვნელობაზეა.

მსოფლიო კინოგაქირავებაში ახალი რეკორდი დაფიქსირდა

2017 წელს, მსოფლიო კინოგაქირავების რიცხვმა რეკორდულ 40 მილიარდ დოლარს მიაღწია. სტატისტიკას Deadline აქვეყნებს და ეს იმას ნიშნავს, რომ შარშანდელი რეზულტატი სამი პროცენტით გაუმჯობესდა.

კინოგაქირავების აბსოლუტური ლიდერი „მზეთუნახავი და ურჩხული“ იყო 1,26 მილიარდი დოლარით, „ფორსაჟი“ 1,23 მილიარდით, „ვარსკვლავური ომები 8: უკანასკნელი ჯედაი 1,04 მილიარდით, მულტფილმი „საზიზღარი მე 3“ 1,03 მილიარდით და „ადამიანი-ობობა“ 880 მილიონი დოლარით.

დღესასწაულების შემდეგ ჯენიფერ ლოპესი და ალექს როდრიგესი ერთად ვარჯიშობენ (ვიდეო/ფოტო)

ჯენიფერ ლოპესი იმ ცნობილი ადამიანების რიცხვს განეკუთვნება, რომელიც ვარჯიშს დიდ დროს უთმობს. საახალწლო დღესასწაულების შემდეგ წყვილი პაპარაცებმა ვარჯიშის დროს დააფიქსირეს, კომპანიონობას კი მას საყვარელი მამაკაცი უწევდა.

2018, here we come. @trufusion @niyamasol

A post shared by Alex Rodriguez (@arod) on

ვარსკვლავების თაყვანისმცემლებმა მიიჩნიეს, რომ ეს მათი წინასაქორწინო ვარჯიშია, რისთვისაც საუკეთესო ფორმაში ყოფნა სურთ. ისინი დარწმუნებულები არიან, რომ უახლოეს მომავალში როდრიგესი ლოპესს ხელს სთხოვს.

ედ შირანი სიმღერების მსოფლიოს ჩარტის პირველ ადგილზე იმყოფება

ედ შირანი სიმღერების მსოფლიოს ჩარტის პირველ ადგილზე იმყოფება. მისი სინგლი „Perfect“, რომელიც მან ახლებურად ბიონსესთან ერთად ჩაწერა, უკანასკნელი კვირის მანძილზე ყველაზე მოთხოვნადი იყო.

მეორე და მესამე ადგილზე კამილა კაბელოს „Havana“ და Post Malone-ს „Rockstar“ იმყოფებიან.

საუკეთესო ათეულში ასევე ემინემისა და ედ შირანის დუეტი „River“, მერაია ქერის „All I Want For Christmas Is You“, სემ სმიტის „Too Good At Goodbyes“, Maroon 5-ის „What Lovers Do“ და სხვები იმყოფებიან.

Billboard-ის კრიტიკოსებმა 2017 წლის საუკეთესო ალბომი გამოავლინეს

Billboard-მა კრიტიკოსების რჩეული 2017 წლის საუკეთესო ალბომი გამოავლინა. პირველი ადგილი კენდრიკ ლამარის დისკმა „DAMN“ დაიკავა. საუკეთესო სამეულში ასევე SZA-ს „Ctrl“ და ლორდის „Melodrama“ განთავსდა.

საუკეთესო ათეულში ჯეი-ზის „4:44“, ტეილორ სვიფტის „Reputation“, კელვინ ჰარისის „Funk Wav Bounces Vol. 1“ და ჰარი სტაილზის „Harry Styles“ მოხვდა.

„ამერიკული კრიმინალური ისტორია“: ვარსკვლავები საუკუნის მკვლელობაზე საუბრობენ (ვიდეო)

17 იანვარს სერიალ „ამერიკული კრიმინალური ისტორიის“ მეორე სეზონის პრემიერა იგეგმება, რომელიც მოდის სახლ „ვერსაჩეს“ დამფუძნებელს, ჯანი ვერსაჩეს ეძღვნება.

ნოემბერში გამოვიდა პირველი ოფიციალური ტრეილერი, რომელშიც პენელოპა კრუზი და რიკი მარტინი მონაწილეობენ, ეს უკანასკნელი დიზაინერის დის, ხოლო მარტინი მისი საყვარლის, ანტონიო დ’ამიკოს როლს ასრულებს.

ამ დღეებში კი სერიალის შემქმნელებმა რგოლი გამოუშვეს, რომელიც ახალი სეზონის კადრებისგან და მსახიობების მონოლოგებისგან არის შემდგარი. ისინი თავისი პერსონაჟების ვიზუალით ყვებიან, რატომ გადაწყვიტეს პროექტში მონაწილეობა და რას ფიქრობენ იდუმალებით მოცულ საუკუნის მკვლელობაზე.

ვარსკვლავები, რომლებიც „ოქროს გლობუსის“ დაჯილდოების ცერემონიაში მონაწილეობას მიიღებენ

ცნობილი გახდა იმ ადამიანების ვინაობა, რომლებიც „ოქროს გლობუსის“ დაჯილდოების ცერემონიაში მონაწილეობას მიიღებენ და ლაურეატებს გამოაცხდებენ.

ესენი არიან: კრის ჰემსვორტი, ჰიუ გრანტი, იზაბელ იუპერი, პენელოპა კრუსი, სეტ როგენი, კერი ვაშინგტონი, გალ გადოტი, სარა ჯესიკა პარკერი, ჰოლი ბერი, შერონ სტოუნი, ალისია ვიკანდერი, ემა სტოუნი და სხვები.

ასევე ცნობილი ხდება, რომ კრის ჰემსვორტი და რიკი მარტინი სცენაზე გამარჯვებულებს მოიწვევენ.

დაჯილდოების ცერემონია 7 იანვარს გაიმართება.

2017 წლის ფილმები, რომლებიც არ დააფასეს

ჟურნალმა Variety 2017 წლის ის ფილმები გამოავლინა, რომლებიც მაყურებლებმა არ დააფასეს. რეიტინგში 13 პროექტი მოხვდა, მათ შორის „წმინდა ირმის მკვლელობა“, ნიკოლ კიდმანისა და კოლინ ფარელის მონაწილეობით.

მას გარდა სიაში მოხვდა შემდეგი ფილმები: „დაკარგული ქალაქი Z“ ჩარლი ჰანემის, რობერტ პატინსონისა და სიენა მილერის მონაწილეობით, „სქესთა ბრძოლა“ ემა სტოუნისა და სტივ კარელის მონაწილეობით და „უფრო ძლიერი“, რომელშიც მთავარი როლები ჯეიკ ჯილენჰოლმა და ტატიანა მასლანიმ შეასრულეს.

“სამეფო კარის თამაშები“ არალეგალურად ყველაზე მეტჯერ ჩამოტვირთეს

საკულტო სერიალი “სამეფო კარის თამაშები“ არალეგალურად კვლავ ყველაზე მეტჯერ ჩამოტვირთეს – პროექტი პირველობას უკვე მე-6 წელია არ თმობს, რაც გასაკვირიც არ არის, რადგან HBО-ს აუდიტორია ათობით მილიონ ადამიანს შეადგენს. ტორენტ-ტრეკერების ინფორმაციით კი, აღნიშნული სერიალი ერთდროულად 400 ათას ადამიანს ჩამოუტვირთავს.

აღნიშნულ რეიტინგში ასევე მოხვდა შემდეგ სერიალები: „ვიკინგები“, „ფორს-მაჟორი“, „დიდი აფეთქების თეორია“ და „გაქცევა“ – თითოეული მათგანი საკმაოდ რეიტინგული სერიალია.

 

 

რიტა ორას სიმღერა პრემიერაზე ადრე ქსელში მოხვდა

ინტერნეტში რიტა ორას სიმღერის „Girls“ სოლო ვერსია გაჩნდა, რომლის ოფიციალური ვერსიის პრეზენტაცია იანვარში იგეგმება. სიახლე რიგით მესამე სინგლია მომღერლის ახალი ალბომიდან.

აქამდე ახალი დისკის მხარდასაჭერად ორამ საკმაოდ წარმატებული ორი სინგლი „Your Song“ და „Anywhere“ წარმოადგინა.

2017 წლის ყველაზე მაღალანაზღაურებადი მსახიობი გამოვლინდა

„ფორბსმა“ ტრადიციული რეიტინგი გამოაქვეყნა და 2017 წლის ყველაზე მაღალანაზღაურებადი მსახიობი გამოავლინა.

რეიტინგის სათავეში ვინ დიზელი იმყოფება 1,6 მილიარდი დოლარით. მას 1,5 მილიარდით კოლეგა – დუეინ ჯონსონი მოჰყვება. მესამე ადგილს კი გალ გადოტი იკავებს 1,4 მილიარდი დოლარით.

დანარჩენ ადგილებზე განთავსდნენ: 4. ემა უოტსონი (1,3 მლრდ.), 5. ჯონი დეპი (1,1 მლრდ.), 6. დეიზი რიდლი (1,08 მლრდ.), 7. ტომ ჰოლენდი (888 მლნ.), 8. კრის პრეტი (864 მლნ.), 9. კრის ჰემსვორტი (845 მლნ.), 10. ჯონ ბოიეგა (815 მლნ.).

ჯენიფერ ლოპესისა და ალექს როდრიგესის საშობაო იდილია (ფოტო)

ჯენიფერ ლოპესი და ალექს როდრიგესი შობას მაიამიში შეხვდნენ. ბეისბოლისტმა სოციალურ ქსელში გამოაქვეყნა ფოტო, სადაც ის და მისი საყვარელი ქალი პიჟამით, ნაძვის ხის ფონზე დივანზე სხედან:

„ჩვენი ოჯახის ყველა წევრს, მეგობრებს, უჩვეულო თაყვანისმცემლებს ბედნიერ, ჯანმრთელ და უსაფრთხო დღესასწაულს გისურვებთ. მრავალ შობას დაესწარით!”, – დააწერა მან ფოტოს.

შეგახსენებთ, რომ წყვილის ურთიერთობა მიმდინარე წლის იანვარში დაიწყო. ინსაიდერები მათ ქორწილზე უკვე დიდი ხანია საუბრობენ, თუმცა, წყვილი ამ თემაზე არ საუბრობს.

🎄Christmas 2017

A post shared by Alex Rodriguez (@arod) on

სიარა ეროტიკულ კლიპში გამოჩნდა (ვიდეო)

ჟურნალი Love Magazine ცნობილი ადამიანების მონაწილეობით ვიდეოების გამოქვეყნებას განაგრძობს. ბრენდის კლიპებში უკვე გამოჩნდნენ ირინა შეიკი, ალესანდრა ამბროსიო, ბელა და ჯიჯი ჰადიდები. ამჯერად კი სიარას ჯერ დადგა.

მომღერალი კადრში სექსუალურ ფორმაში გამოჩნდა. მუსიკის ფონზე კი ის ნელ-ნელა იხდის.

შეგახსენებთ, რომ წელს სიარას და რასელ უილსონს ქალიშვილი შეეძინათ. მომღერალმა ფორმაში ჩადგომა მალევე მოახერხა. წინა ქორწინებიდან მას ასევე ვაჟიშვილი ჰყავს.

როგორ აღნიშნეს ვარსკვლავებმა შობა (ფოტო)

კათოლიკურმა შობამ ჩაიარა და ვარსკვლავები, რომლებმაც ეს დღე გრანდიოზულად აღნიშნეს, უკვე დაიწყეს სოციალურ ქსელებში ფოტოების განთავსება. მათზე ჩანს, როგორ იზეიმეს ცნობილებმა ოჯახებთან ერთად დღე, რომელსაც ყველა განსაკუთრებულად ელოდება.

გთავაზობთ ფოტოებს მათი სოციალური ქსელიდან, რომლებზეც საშობაო განწყობა საკმაოდ მძაფრად იგრძნობა.

Well look who drop by on Christmas! @schwarzenegger always fills the room with positive energy!

A post shared by Sly Stallone (@officialslystallone) on

#familylove #funtimes #love #blessings #onlythingthatmatters #happyholidays

A post shared by Alicia Keys (@aliciakeys) on

Merry Christmas… You’ve inspired me to reach higher.

A post shared by Vin Diesel (@vindiesel) on

Merry Christmas everyone! X

A post shared by thereallukeevans (@thereallukeevans) on

From our family to yours… Merry Christmas everybody! ❤️ #ChristmasEve

A post shared by Reese Witherspoon (@reesewitherspoon) on

MERRY CHRISTMAS FROM THE LIMA FAMILY

A post shared by Adriana Lima (@adrianalima) on

Merry Christmas ❤️❤️❤️❤️

A post shared by David Beckham (@davidbeckham) on

ვარსკვლავები, რომლებიც 2017 წელს დავკარგეთ

მკაფიო და ბედნიერ მომენტთან ერთად, 2017 წელი საკმაოდ ბევრი მნიშვნელოვანი დანაკარგითაც გამოირჩეოდა.

გთავაზობთ ვარსკვლავებს, რომლებიც სხვადასხვა მიზეზით მიმდინარე წელს დავკარგეთ. ისინი ამა თუ იმ სფეროს საკმაოდ მნიშვნელოვანი წარმომადგენლები იყვნენ და ისტორიაში თავი წლების წინ დაიმკვიდრეს.

 

მსახიობი ჯონ ჰერტი – გარდაიცვალა 25 იანვარს

 

მსახიობი ბილ პექსტონი – გარდაიცვალა 25 თებერვალს

 

მუსიკოსი რობერტ მაილზი – გარდაიცვალა 9 მაისს

 

მსახიობი ადამ უესტი – გარდაიცვალა 9 ივნისს

 

მუსიკოსი ჩესტერ ბენინგტონი – გარდაიცვალა 20 ივლისს

 

მსახიობი ჯონ ჰერდი – გარდაიცვალა 21 ივლისს

 

Playboy-ის დამფუძნებელი ჰიუ ჰეფნერი – გარდაიცვალა 27 სექტემბერს

 

მუსიკოსი ტომ პეტი – გარდაიცვალა 2 ოქტომბერს

სტუდია Walt Disney ამერიკული ბაზრის ლიდერია

კომპანია Walt Disney ამერიკული ბაზრის ლიდერია. 2017 წლის მონაცემებით, მისმა წილმა 20,2 პროცენტი შეადგინა. მეორე ადგილს 19,6 პროცენტით Warner Bros. იკავებს.

Walt Disney-ის გამარჯვება მოულოდნელი იყო, რადგან წლის მანძილზე მან მხოლოდ 8 ფილმი წარმოადგინა, მაშინ, როდესაც მეორე ადგილის მფლობელის ანგარიშზე 19 პროექტია. აღსანიშნავია ისიც, რომ პირველ ადგილს ის უკვე მეორე წელია იკავებს. წინა წარმატების მიღწევაში მას „ვარსკვლავური ომები 7“ დაეხმარა.

რაც შეეხება 2017 წელს, ყველაზე მომგებიანი პროექტებია: „მზეთუნახავი და ურჩხული“ (504 მილიონი დოლარი), „გალაქტიკის მცველები 2“ (389 მლნ.), „თორი 3: რაგნარეკი“ (306 მლნ.) და „ვარსკვლავური ომები 8: უკანასკნელი ჯედაი“, ამ უკანასკნელის პრემიერა ცოტა ხნის წინ დაიწყო და შესაბამისად საბოლოო მოგების დათვლამდე ჯერ შორია.

რაც შეეხება Warner Bros.-ს, მისი წლევანდელი ჰიტებია „საოცრება-ქალი“ და „ის“.

ემინემმა მორიგი რეკორდი დაამყარა

წარმატებული სტარტის შემდეგ, ემინემის ახალმა ალბომმა „Revival“ ამერიკულ Billboard 200-მდეც მიაღწია და პირველ პოზიციაზე განთავსდა. დისკის გამოსვლიდან პირველივე კვირას რეპერის ალბომის 267 ათასი ასლი გაიყიდა.

რეიტინგის მეორე ადგილზე ტეილორ სვიფტის „Reputation“ განთავსდა ანალოგიურ დროში 133 ათასი გაყიდული ალბომით. სამეულს კი რეპერი G-Eazy ხურავს. მისი ახალი დისკი „The Beautiful & Damned“ აშშ-ის ტერიტორიაზე 122 ათასი ერთეულის ოდენობით გაიყიდა.

 

შაკირა და ჟერარ პიკე პაპარაცებს აღარ ემალებიან (ფოტო)

ოქტომბრის დასაწყისში დასავლურმა მედიამ დაწერა, რომ შაკირა და ჟერარ პიკე ერთმანეთს დაშორდნენ, თუმცა რამდენიმე დღეში მათ უარყვეს ეს ინფორმაცია. მას შემდეგ ისინი საზოგადოებაში აღარ გამოჩენილან.

გუშინ ფეხბურთელი და მომღერალი პირველად დაინახეს ერთად ორივე შვილთან ერთად – 5 წლის მილანთან და 2 წლის საშასთან ერთად ისინი ნიუ-იორკის აეროპორტში გადაიღეს.

ვარსკვლავები საკმაოდ ბედნიერად გამოიყურებოდნენ და არც პაპარაცებისგან დამალვას ცდილობდნენ.

ემინემმა ბიონსესთან დუეტი წარმოადგინა (ვიდეო)

ემინემმა სიმღერაზე „Walk on Water“ კლიპი გამოუშვა. სიახლე ბიონსესთან დუეტს წარმოადგენს და ის მუსიკოსის უკანასკნელი ალბომის „Revival“ წამყვანი სინგლია.

კლიპში თავად ბიონსე არ მონაწილეობს. ამერიკულ Billboard Hot 100-ში სიმღერა მე-14 პოზიციაზე უკვე განთავსდა.

ჯასტინ ტიმბერლეიკის ახალი სიმღერა 5 იანვარს გამოვა

გაჩნდა ინფორმაცია, რომ ჯასტინ ტიმბერლეიკის ახალი სიმღერა „Man of the Woods“ 5 იანვარს გამოვა.

სიახლე წამყვანი სინგლი იქნება მუსიკოსის ახალ, რიგით მეხუთე ალბომში, რომლის დეტალებიც ამ დროისთვის არ ხმაურდება.

შეგახსენებთ, რომ ტიმბერლეიკის უკანასკნელი დისკი „The 20/20 Experience – 2 of 2“ გაყიდვაში 2013 წლის სექტემბერში გამოვიდა. ალბომი ამერიკული Billboard 200-ის სათავეში მოხვდა.

ჯეი ზის ახალ კლიპში ცნობილი ვარსკვლავები მონაწილეობენ (ვიდეო)

ჯეი ზიმ სიმღერაზე „Legacy“ კლიპი გამოუშვა. ვიდეოში ჰოლივუდის ვარსკვლავები – ემილ ჰირში, რონ პერლმანი, ჯონათან ტაკერი და სიუზან სარანდონი მონაწილეობენ.

სიმღერა რეპერის უკანასკნელ ალბომში „4:44“ შედის, რომელიც 30 ივნისს გამოვიდა. ჟურნალმა Pitchfork ის 2017 წლის საუკეთესო ალბომების მე-13 ადგილის მფლობელად დაასახელა.

„საიდუმლო მასალები“: მე-11 სეზონის პირველი ტრეილერი გამოქვეყნდა (ვიდეო)

2018 წლის 3 იანვარს, ტელეარხ FOX-ზე სერიალ „საიდუმლო მასალების“ რიგით მე-11 სეზონი გავა ეთერში, რომელიც არსებული ინფრომაციით, უკანასკნელი იქნება.

საპრემიერო ეპიზოდს „ჩემი ბრძოლა III” ერქმევა და მასში მოქმედება მე-10 სეზონის დასრულების მომენტიდან გაგრძელდება. „მალდერი და სკალი გაარკვევენ, რომ მათ დაკარგულ შვილს მარტო ისინი არ ეძებენ. შესაძლოა, მთელი სამყაროს ბედი სწორედ ამ ძიების შედეგზე არის დამოკიდებული“, – ნათქვამია ოფიციალურ განცხადებაში.

ალესანდრა ამბროსიოს ეროტიკული ფოტოსესია მოტოციკლზე (ვიდეო)

ბრენდ Victoria’s Secret-ის ექს-ანგელოზი, ალესანდრა ამბროსიო ჟურნალ Love Magazine-ის მთავარი გმირი გახდა, მოდელმა მონაწილეობა მიიღო გამოცემის ცხელ ფოტოსესიაში.

ამბროსიომ ბაიკერის მეგობარი გოგონას იმიჯი მოირგო, რომელიც ელვის სისწრაფით მიმავალ მოტოციკლზე სხვადასხვა აკრობატულ ნომრებს ასრულებს.

შეგახსენებთ, რომ ნოემბერში ამბროსიომ Victoria’s Secret-დან წასვლის შესახებ განაცხადა. 36 წლის სუპერმოდელი საკუთარი ბრენდის Ale be Alessandra პოპულარიზაციას და სამსახიობო სფეროში ძალების მოსინჯვას გეგმავს.

“Mamma Mia! Here we go again”: პირველი ოფიციალური ტრეილერი გამოქვეყნდა (ვიდეო)

მიუზიკლ „მამა მიას!“ მომდევნო ნაწილის გადაღებები დასრულდა. დღეს კი ფილმის პირველი ოფიციალური ტრეილერი გამოქვეყნდა.

ვიდეოში ბევრ მოულოდნელობას შეხვდებით: ამანდა სეიფრიდის პერსონაჟი სოფი ორსულად არის, მერილ სტრიპის გმირი დონა კი, როგორც ჩანს, კვდება. პირს ბროსნანი, კოლინ ფერტი და სტელან სკარსგარდი ისევ არკვევენ, რომელი მათგანია სოფის მამა.

ცნობილ კასტს ლეგენდარული შერი უერთდება, რომელიც სოფის ბებიის როლს ასრულებს.

შეგახსენებთ, რომ ფილმი დიდ ეკრანებზე 2018 წლის 20 ივლისს გამოვა.

 

2017 წლის ყველაზე წარმატებული და წარუმატებელი ფილმები გამოვლინდა

ჟურნალმა Variety 2017 წლის ყველაზე წარმატებული და წარუმატებელი ფილმები გამოავლინა.

პირველ კატეგორიაში „საოცრება-ქალი“, „თავს უშველე“, „ის“, „მზეთუნახავი და ურჩხული“ და „საოცრება“ განთავსდა.

რაც შეეხება 2017 წლის წარუმატებელ პროექტებს, ეს წოდება „მეფე არტურის ხმალმა“, „ვალერიანი და ათასი პლანეტის ქალაქმა“, „ბნელმა კოშკმა“ და „გეოშტორმმა“ დაიმსახურეს.

ახალ კლიპში კეტი პერიმ მარია ანტუანეტას როლი მოირგო (ვიდეო)

კეტი პერიმ სიმღერაზე „Hey Hey Hey“ კლიპი გამოუშვა, რომელშიც რამდენიმე უჩვეულო იმიჯი მოირგო. ვარსკვლავმა თაყვანისმცემლებს სიურპრიზი მოულოდნელად მოუწყო და ახალი ნამუშევარი დღესასწაულამდე რამდენიმე დღით ადრე წარუდგინა.

კლიპში პერი მარია ანტუანეტას როლს ასრულებს. მაყურებელს მან ფრანგი დედოფლის ცხოვრებიდან გამოგონილი ეპიზოდი წარუდგინა. გადაღებები ბევერლი ჰილსზე მიმდინარეობდა . სიმღერა სიას ეკუთვნის, კლიპის რეჟისორი კი ისააკ რენცია.

შეგახსენებთ, რომ ამ დროისთვის პერი ახალი ალბომის მხარდასაჭერ ტურნეში იმყოფება.

სელენა გომესი 2017 წლის საუკეთესო სიმღერის ავტორია

გამოცემამ Billboard მიმდინარე წლის საუკეთესო სიმღერა გამოავლინა. რეიტინგის სათავეში სელენა გომესის ჰიტი „Bad Liar“ განთავსდა.

მეორე ადგილს მომღერალ Cardi B-ის სიმღერა „Bodak Yellow“ იკავებს, მესამე პოზიციაზე კი კელვინ ჰარისისა და ფრენკ ოუშენის დუეტი „Slide“ განთავსდა. 2017 წლის Youtube-ის რეკორდსმენი „Despacito“ მეოთხე ადგილს დასჯერდა.

ათეულში ასევე მოხვდნებ: ჰარი სტაილზის „Sign of the Times“, კენდრიკ ლამარის „HUMBLE“ , The Weeknd-ისა და Daft Punk-ის „I Feel It Coming“, ლედი გაგას „The Cure“ და ა.შ.

ფილმები, რომლებსაც 2018 წელს ყველაზე მეტად ელოდებიან

სანამ ესა თუ ის გამოცემები 2017 წლის სხვადასხვა კატეგორიების შეჯამებით არიან დაკავებულები, IMDb-მ იმ ფილმების გამოვლენა გადაწყვიტა, რომელსაც 2018 წელს ყველაზე მეტად ელოდებიან. რეიტინგის სათავეში Marvel-ის ბლოკბასტერი „შურისმაძიებლები: უსასრულობის ომი“ იმყოფება.

რაც შეეხება დანარჩენ ფილმებს, ესენია: „შავი პანტერა“, „დედპული 2“, „იურული პერიოდის სამყარო 2“, „სამარხების მძარცველი: ლარა კროფტი“, „მტაცებელი“, „ოუშენის რვა მეგობარი“, „შეუსრულებელი მისია“.

 

მეგან მარკლმა საქორწინო კაბის დიზაინერი შეარჩია

პრინცი ჰარი და მეგან მარკლი ქორწილისთვის ემზადებიან. ცერემონია 2018 წლის 19 მაისს უინძორების სასახლეში არის დაგეგმილი. წყვილმა უკვე შეარჩია საქორწინო ტორტიც, რომელიც ბანანებით იქნება გაფორმებული.

ამჯერად კი ცნობილი ხდება, რომ ქორწილის ერთ-ერთ ყველაზე მნიშვნელოვან დეტალს, საქორწინო კაბას სამეფო ოჯახი ებრაელ დიზაინერს, ინბალ დრორს ანდობს. ბევრი მოელოდა, რომ მეგანი არჩევანს ბრიტანელ დიზაინერზე გააკეთებდა, მათ შორის ყველაზე რეალური კანდიდატი ვიქტორია ბექჰემი და სარა ბარტონი იყვნენ. ამ უკანასკნელ კეიტ მიდლტონის საქორწინო კაბა ეკუთვნის.

დიზაინერი ინბალ დრორი ცნობილია თავისი თამამი საქორწინო კაბებით. მსოფლიომ კი ის ბიონსეს წყალობით გაიცნო, როდესაც ვარსკვლავს ”გრემის” დაჯილდოებაზე მისი კოლექციიდან თეთრი კაბა ეცვა.

კრის მარტინმა და დაკოტა ჯონსონმა დაადასტურეს, რომ რომანი აქვთ (ფოტო)

28 წლის დაკოტა ჯონსონისა და 40 წლის კრის მარტინის რომანის შესახებ ბოლო პერიოდში ბევრჯერ დაიწერა. ამ დღეებში კი ჭორი დადასტურდა: წყვილი პარიზის აეროპორტში დააფიქსირეს. არსებული ინფორმაციით, შეყვარებულებმა საფრანგეთის დედაქალაქში რამდენიმე დღე გაატარეს და ქალაქი ერთად დატოვეს.

შეგახსენებთ, რომ გვინეტ პელტროუსთან დაშორების შემდეგ მარტიბს რომანი ჯენიფერ ლოურენსთან ჰქონდა. დაკოტა კი 2016 წელს მეთიუ ჰიტს დაშორდა.

„საუკეთესო ვიზუალური ეფექტები“: „ოსკარის“ ნომინანტები ცნობილია

ამერიკულმა კინოაკადემიამ ნომინაციაზე „საუკეთესო ვიზუალურტი ეფექტები“ პრეტენდენტების რაოდენობა ათ პოზიციამდე შეამცირა.

აღსანიშნავია, რომ საბოლოო სიაში ვერ მოხვდა 2017 წლის რამდენიმე ჰიტი, მათ შორის „კარიბის ზღვის მეკობრეები: მკვდრები ზღაპრებს არ ყვებიან“, ლოგანი“, „სამართლიანობის ლიგა“, „მზეთუნახავი და ურჩხული“ და ა.შ.

რაც შეეხება ფილმებს, რომლებიც ჯილდოს მოპოვებას შეეცდებიან:

„სამართებელზე მორბენალი 2049“,
“ვალერიანი და ათასი პლანეტის ქალაქი”,
„უცხო“,
„დიუნკერკი“,
„გალაქტიკის მცველები“,
„კონგი:თავის ქალის კუნძული“,
„წყლის ფორმა“,
„მაიმუნების პლანეტა:ომი“,
„ვარსკვლავური ომები: უკანასკნელი ჯედაი“,
„ოკჯა“.

„ოსკარების“ დაჯილდოების ცერემონია 4 მარტს გაიმართება.

ტეილორ სვიფტის, კრის კორნელისა და მერაია ქერის სიმღერები „ოსკარისთვის“ იბრძოლებენ

კინოხელოვნებისა და მეცნიერების აკადემიამ 70 სიმღერა გამოავლინა, რომლებიც „ოსკარისთვის“ იბრძოლებენ. კონკრეტულად კი, ნომინაციის მოპოვებას შეეცდებიან: ტეილორ სვიფტი სიმღერით „I Don’t Wanna Live Forever“ ფილმიდან „ორმოცდაათი ელფერით მუქი“, მერაია ქერი – „The Star“  მულტფილმიდან „ვარსკვლავი“.

მათ გარდა, პრეტენდენტებს შორის არიან კრის კორნელი „The Promise“ ფილმიდან „დაპირება“, ელვის კოსტელო „კინოვარსკვლავები ლივერპულში არ კვდებიან“, მერი ჯეი ბლაიჯი „ფერმა „მადბაუნდი“, ნიკ ჯონასი „ფერდინანდი“.

ნომინანტების საბოლოო სია 2018 წლის 23 იანვარს გამოვლინდება.

„ფორბსმა“ ყველაზე მდიდარი ცნობილი ადამიანი გამოავლინა

ჟურნალ „ფორბსის“ ვერსიით, 2017 წლის ყველაზე მდიდარი ცნობილი ადამიანი რეჟისორი ჯორჯ ლუკასია, რომლის ამჟამინდელი მდგომარეობა 5,5 მილიარდი დოლარით განისაზღვრება.

მას ასევე რეჟისორი სტივენ სპილბერგი 3,6 მილიარდით და წამყვანი ოპრა უინფრი 2,8 მილიარდი დოლარით მოჰყვებიან.

მათ გარდა, ათეულში ყოფილი კალათბურთელი მაიკლ ჯორდანი (1,4 მლრდ.), ილუზიონისტი დევიდ კოპერფილდი (875 მლნ.), რეპერები პი დიდი (820 მლნ.), ჯეი ზი (810 მლნ.) და Dr. Dre (740 მლნ).

„ოუშენის რვა მეგობარი“: პირველი ტრეილერი გამოქვეყნდა (ვიდეო)

ქსელში ფილმის „ოუშენის რვა მეგობარი“ პირველი ტრეილერი გამოქვეყნდა, რომელშიც მთავარ როლებს სანდრა ბალოკი, სარა პოლსონი, კეიტ ბლანშეტი, ენ ჰეთევეი და რიანა ასრულებენ.

ახალი ფილმი ავანტიურისტების შესახებ ცნობილი ტრილოგიის გაგრძელება იქნება, რომლის ცენტრშიც დენი ოუშენი იქნება.

ცნობილია, რომ ზემოთხსენებულ მსახიობებთან ერთად პროექტში ასევე ჰელენა ბონემ კარტერი, დაკოტა ფანინგი, მინდი კეილინგი, დემიენ ლიუისი და მეტ დეიმონი გამოჩნდებიან.

რიანა მეგან მარკლსა და კეიტ მიდლტონზე გემოვნებიანად ცნეს

კომპანია Lyst-ის ანალიტიკოსებმა 2017 წლის ყველაზე გემოვნებიანი ვარსკვლავი გამოავლინეს. ამჯერად, რეიტინგის სათავეში რიანა განთავსდა. მეორე ადგილს სელენა გომესი იკავებს, სამეულს კი ბელა ჰადიდი ხურავს.

საუკეთესო ხუთეულის მეორეთზე პოზიცია პრინც ჰარის რჩეულმა, მეგან მარკლმა დაიკავა, მას მეორე პრინცის მეუღლე, კეიტ მიდლტონი მოსდევს, რომელიც გასულ წელს ერთი საფეხურით მაღლა იმყოფებოდა.

A post shared by badgalriri (@badgalriri) on

🇧🇧🇧🇧🇧🇧

A post shared by badgalriri (@badgalriri) on

A post shared by badgalriri (@badgalriri) on

A post shared by badgalriri (@badgalriri) on

ნაომი, ჟიზელი და კრისტი Versace-ს ახალ სარეკლამო კამპანიაში (ფოტო)

Versace-ს ახალ სარეკლამო კამპანიაში ტოპმოდელები მონაწილეობენ – ნაომი კემპბელი, ჟიზელ ბუნდჰენი და კრისტი ტარლინგტონი ბრენდის ახალ კოლექციას წარმოადგენენ.

ვეტერანი ლამაზმანების გარდა, კამპანიაში ახალი თაობაც გამოჩნდა: კაია გერბერი, ჯიჯი ჰადიდი, ნატალია ვოდიანოვა და სხვები. აღსანიშნავია, დონატელა ვერსაჩეს მიერ შექმნილი ახალი კოლექცია მოდის სახლის დამფუძნებლის, ჯანი ვერსაჩეს ხსოვნას მიუძღვნა, რომლის გარდაცვალებიდან წელს 20 წელი გავიდა.

ჰიუ ჯეკმანმა, ზაკ ეფრონმა და ჯეიმს კორდენმა ნიუ-იორკის ქუჩაში სახალისო წარმოდგენა გამართეს (ვიდეო)

მიუზიკლ „დიდებული შოუმენის“ ვარსკვლავები – ზენდაია, ჰიუ ჯეკმანი და ზაკ ეფრონი ჯეიმს კორდენის გადაცემის სტუმრები იყვნენ. სამეულმა ნიუ-იორკის ერთ-ერთ გადასასვლელზე საკუთარი მუსიკალური შესაძლებლობები გამოავლინეს.

პაროდიული რგოლი მათ სპეციალურად კორდენის შოუსთვის ჩაწერეს. აღსანიშნავია, რომ გადაღებები ბროდვეისა და 53-ე ქუჩის კვეთაზე მიმდინარეობდა და ის საკმაოდ სახალისო იყო.

Linkin Park-ის ახალი დისკი iTunes Store-ის ყველაზე მოთხოვნადი ალბომია

Linkin Park-ის ახალი ლაივ-ალბომი „One More Light Live“, რომელიც კოლექტივის ყოფილ ვოკალისტს, ჩესტერ ბენინგტონს მიეძღვნა, მსოფლიო iTunes Store-ის ყველაზე წარმატებულ ნაკრებად დასახელდა.

მან უკან ისეთი დისკები ჩამოიტოვა, როგორიც Imagine Dragons-ის „Evolve“ და Coldplay-ის „Ghost Stories“ და „A Head Full of Dreams“ არის.

Variety-მ 2017 წლის საუკეთესო ალბომი გამოავლინა

ჟურნალმა Variety 2017 წლის საუკეთესო ალბომები გამოავლინა. საუკეთესო ათეულში ჯეი ზის „4:44“, კენდრიკ ლამარის „Damn“ და ჰარი სტაილზის ახალი ალბომი მოხვდა.

ამას გარდა, ტოპ-20-ეულში მოხვდნენ ტეილორ სვიფტი დისკით „Reputation“, ჯგუფი Migos დისკით „Culture“, ვინს სტეიპლსი ფირფიტით „Big Fish Theory“ და სხვა მუსიკოსები.

ოთხწლიანი პაუზის შემდეგ ემინემმა პირველი ალბომი გამოუშვა

ემინემმა უკანასკნელი 4 წლიანი პაუზის შემდეგ პირველი ალბომი გამოუშვა. დისკს „Revival“ ჰქვია და ის მუსიკოსის კარიერაში რიგით მეცხრე სოლო ნამუშევარია. ცნობილია, რომ მასში შედის დუეტები ბევრ ცნობილ ადამიანთან, მათ შორის ბიონსესთან და ედ შირანთან.

კრიტიკოსების აზრი ორად გაიყო: ერთმა ნაწილმა მას ემინემის კარიერაში ყველაზე ცუდი ნამუშევარი უწოდა, სხვები კი ფიქრობენ, რომ რეპერის შემოქმედებაში ეს ალბომი ერთ-ერთი საუკეთესოა.

პროტესტის ნიშნად, „ოქროს გლობუსის“ სტუმრები შავებში შეიმოსებიან

როგორც ჩანს, წლევანდელი „ოქროს გლობუსი“ პროტესტის ერთგვარი იმპროვიზაცია იქნება. რამდენიმე დღის წინ ცნობილი გახდა, რომ პრემიის ნომინანტებს საღამოს წვეულების გარეშე დატოვებენ ცნობილი სექს-სკანდალების სერიების გამო. ამჯერად კი ცნობილი ხდება, რომ ღონისძიებაზე მისული ვარსკვლავები შავი ფერის ტანსაცმელს ჩაიცვამენ.

ცნობილია, რომ ამ ინიციატივას უკვე შეუერთდნენ ემა სტოუნი, ჯესიკა ჩესტეინი, მერილი სტრიპი და სხვები.

შეგახსენებთ, რომ დაჯილდოების ცერემონია 7 იანვარს გაიმართება.

ანჯელინა ჯოლი თაყვანისმცემლებსა და ჟურნალისტებს შეხვდა

ანჯელინა ჯოლი კვლავ პაპარაცების სამიზნე გახდა: 42 წლის მსახიობი სპეციალურ ღონისძიებას ესტუმრა, რომელიც მისი ფილმის „თავდაპირველად მათ მამაჩემი მოკლეს“ პრომოკამპანიას მიეძღვნა.

ჯოლი არაჩვეულებრივ ხასიათზე იყო. დაარიგა უამრავი ავტოგრაფი და მსურველებთან ერთად სელფიც გადაიღო, ხოლო ჟურნალისტების კითხვებს სიამოვნებით პასუხობდა.

შეგახსენებთ, რომ ანჯელინას ახალმა ფილმმა „ოქროს გლობუსის“ ნომინაცია მიიღო.

სერიალი „გაქცევა“ მე-6 სეზონით გაგრძელდება

მსახიობმა დომინიკ პერსელმა, რომელიც ცნობილი სერიალით „გაქცევა“ გახდა, თავის სოციალურ ქსელში დააანონსა, რომ პროექტის მე-6 სეზონის გადაღებები უკვე დაგეგმილია.

მიუხედავად იმისა, რომ ტელეარხ Fox-ს ეს ამბავი ოფიციალურად არ დაუდასტურებია, ლინკოლნ ბეროუზის როლის შემსრულებელმა „ინსტაგრამზე“ შესაბამისი მასალა გააზიარა.

შეგახსენებთ, რომ 8 წლიანი პაუზის შემდეგ „გაქცევის“ მე-5 სეზონი ცოტა ხნის წინ გამოვიდა. ის 9 სერიისგან შედგებოდა და მიიჩნეოდა, რომ სეზონი საფინალო გახდებოდა. როგორც ჩანს, გადამღებმა ჯგუფმა გეგმები შეიცვალა.

@prisonbreak #prisonbreak 6. In the works.

A post shared by Dominicpurcell (@dominicpurcell) on

«ფორბსმა“ 2017 წლის ყველაზე გადაფასებული მსახიობები გამოავლინა

ჟურნალმა «ფორბსმა“ 2017 წლის ყველაზე გადაფასებული მსახიობები გამოავლინა. პირველ ადგილზე მარკ უოლბერგი განთავსდა. აღნიშნულ დროში მისმა ჰონორარებმა 68 მილიონი დოლარი შეადგინა. სულ უოლბერგის მონაწილეობით სამი ფილმი გამოვიდა, თითოეულმა დახარჯულმა დოლარმა სტუდიას მხოლოდ 4,4 დოლარი მოუტანა.

მეორე ადგილზე კრისტიან ბეილი გავიდა – 6,7 დოლარით, მესამე პოზიცია კი წილად ჩენინგ ტატუმს ერგო 7,6 დოლარით. ხუთეულში დენზელ ვაშინგტონი (10,4 დოლარი) და ბრედ პიტი (11,5 დოლარი) მოხვდნენ.

შეგახსენებთ, რომ 2016 წელს აღნიშნული სიის სათავეში ჯონი დეპი იმყოფებოდა.

Google-მა 2017 წლის ყველაზე პოპულარული ფილმები და სერიალები გამოავლინა

კომპანია Google-მა 2017 წლის ყველაზე პოპულარული ფილმები და სერიალები გამოავლინა. ფილმების რეიტინგის პირველ ადგილზე საშინელებათა ჟანრის ფილმი „ის“ იმყოფება, მეორეს კი „საოცრება-ქალი“ იკავებს.

მას მოჰყვებიან „მზეთუნახავი და ურჩხული“, „ლიგანი“ და „სამართლიანობის ლიგა“.

რაც შეეხება სერიალებს, პირველი ადგილი აქ „უცნაურმა ამბებმა“ დაიკავა. საუკეთესო ხუთეულში კი „13 მიზეზი რატომ“, „დიდი ძმა“, „სამეფო კარის თამაშები“ და „რკინის მუშტი“ მოხვდნენ.

სიამ მიუსაფარ ცხოველებს საშობაო კლიპი მიუძღვნა (ვიდეო)

სიამ საშობაო ვიდეო გამოუშვა, რომელსაც ერთი შეხედვით გასართობი ფუნქცია აქვს: 30 წამიან კლიპში მომღერლის მუზა, მედი ზიგლერი ფრანგულ ბულდოგთან ერთად  მონაწილეობს. კლიპის მიზანი არამარტო გართობა, არამედ უსახლკარო ცხოველების მიმართ ყურადღების მიქცევაც არის.

გუშინ, 13 დეკემბერს, სიამ და მიუსაფარ ცხოველთა დაცვის საზოგადოებამ ნიუ-იორკის ცენტრში მიუსაფარი ცხოველები დროებით თავშესაფარში გადაიყვანეს.

მარგო რობი დედოფალ ელიზაბეტ I-ის როლში: ფილმის ოფიციალური კადრები გამოქვეყნდა

მიმდინარე წლის ზაფხულში ქსელში მარგო რობის ფოტოები მოხვდა, რომლებიც პაპარაცებმა ფილმის „მარია- შოტლანდიის დედოფალი“ გადასაღებ მოედანზე გადაიღეს, სადაც რობი ელიზაბეტ I-ის როლს ასრულებს.

წითური კულულები, პიგმენტაცია სახეზე – სწორედ ასე აღწერენ მის გარეგნობას ისტორიკოსები. როგორც ჩანს, გრიმიორებმა ძალიან მოინდომეს, რადგან 27 წლის რობის ცნობა ახალ როლში, ფაქტობრივად შეუძლებელია.

გამოცემამ Entertainment Weekly „ინსტაგრამის“ ოფიციალურ გვერდზე ფილმის პირველი ოფიციალური კადრები განათავსა. მათზე სირშა რონანის ამოცნობაც შეიძლება, რომელიც მარგოს ფილმში პარტნიორობას უწევს.

ფილმი დედოფლებს შორის დაპირისპირებას ეძღვნება, რომლის დროსაც სტიუარტი სამეფო ტახტიდან საკუთარი ბიძაშვილის გადაგდებას ცდილობს.

ფილმის პრემიერა 2018 წლის ნოემბერში შედგება.

დაკოტა ჯონსონს და კრის მარტინს რომანი აქვთ

როგორც ჩანს, 28 წლის დაკოტა ჯონსონისა და 40 წლის კრის მარტინის ურთიერთობა სულ უფრო სერიოზულ სახეს იღებს. ერთდროულად რამდენიმე ცნობილმა დასავლურმა გამოცემამ დაწერა, რომ ვარსკვლავები ერთმანეთით არიან გატაცებულები და მთელს დროს ერთად ატარებენ. მათივე მტკიცებით, ამჟამად წყვილი ისრაელში ერთად ისვენებს.

Coldplay-ის ფრონტმენისა და ცნობილი მსახიობის რომანის შესახებ გასულ თვეში, ნიკ კეივის კონცერტის შემდეგ გაჩნდა. მოგვიანებით ისინი ერთად რესტორანში დააფიქსირეს.

შეგახსენებთ, რომ მარტინი უკვე იყო დაქორწინებული მსახიობ გვინეტ პელტროუზე, რომელთანაც ორი შვილი ჰყავს. რაც შეეხება დაკოტას, მას რომანი მეთიუ ჰიტთან ჰქონდა, რომელსაც გასული წლის ზაფხულში დაშორდა.

Billboard-მა 2017 წლის საუკეთესო სიმღერა გამოავლინა

გამოცემამ Billboard 2017 წელი შეაჯამა და საუკეთესო სიმღერა გამოავლინა. როგორც მოსალოდნელი იყო, რეიტინგის ლიდერი ედ შირანი გახდა ჰიტით „Shape of You“. მეორე ადგილზე ლუის ფონსი განთავსდა სიმღერით „Despacito“, სამეული კი ბრუნო მარსმა დახურა ჰიტით „That’s What I Like“.

საუკეთესოთა შორის ასევე განთავსდნენ: კენდრიკ ლამარი „HUMBLE“,The Chainsmokers და Coldplay „Something Just Like This”,  Imagine Dragons „Believer“ და ა.შ.

 

კენდრიკ ლამარი ყველაზე პოპულარული ალბომის ავტორია

გამოცემამ Billboard 2017 წლის ყველაზე წარმატებული ალბომები გამოავლინა. რეიტინგის სათავეში კენდრიკ ლამარის უკანასკნელი დისკი „DAMN.“ განთავსდა, რომლიც მიმდინარე წლის აპრილში გამოვიდა.

ლიდერთა სამეულში ასევე ბრუნო მარსი და The Weeknd მოხვდნენ. მათი უკანასკნელი რელიზები „24K Magic“ და „Starboy“ მეორე და მესამე ადგილებს დასჯერდნენ.

ათეულში ასევე მოხვდნენ: ედ შირანი „Divide“, დრეიკი „More Life“, მულტფილმ „მოანას“ ოფიციალური საუნდტრეკების კრებული და ა.შ.

მეგან მარკლის მამაკაცები პრინც ჰარიმდე

წლის ერთ-ერთი ყველაზე ხმაურიანი კავშირი – მეგან მარკლისა და პრინც ჰარის ნიშნობაა. თუმცა თავდაპირველად ბევრი სიტუაციის ასე შემოტრიალებას არ ელოდა. საზოგადოების ნაწილი ფიქრობდა, რომ პრინცის გვერდით საბოლოოდ მეგანი არ იქნებოდა, თუმცა ჰარი ბებიის, დედოფალ ელიზაბეტ მეორის წინააღმდეგაც კი წავიდა. შვილიშვილის შეუპოვრობას საბოლოოდ ისიც დათანმხდა. შედეგი კი ასეთია: სამეფო ოჯახის წევრი წარმოშობით ამერიკელ, ქმარს გაშორებულ, ასაკით უფროს, ნახევრად აფროამერიკელ და საშუალო კლასის ოჯახის წარმომადგენელზე – მსახიობ მეგან მარკლზე ქორწინდება.

თუმცა ამ დღეებში დასავლურ მედიაში იმ მამაკაცების სია გამოქვეყნდა, რომლებთანაც მარკლს პრინცის გაცნობამდე ურთიერთობა ჰქონდა.

2004 წელს, მარკლი ცნობილ კინორეჟისორს, ტრევორ ენგელსონს ხვდებოდა. 2011 წელს ისინი დაქორწინდნენ, თუმცა 2 წლის მეორე მათი ქორწინება დასრულდა. ინსაიდერები ამტკიცებენ, რომ მომავალი მეუღლე მეგანმა კარიერის წინსვლისთვის გამოიყენა, ხოლო განქორწინების შემდეგ სოლიდური მატერიალური დახმარება მიიღო. ალიმენტზე უარი მან მხოლოდ პრინცთან ურთიერთობის დადასტურების შემდეგ თქვა. მეუღლესთან განქორწინების კიდევ ერთ მიზეზად მარკლის ღალატი სახელდება.

დაშორების შემდეგ მსახიობს რომანი ირლანდიელ გოლფისტთან, რორი მაკილროისთან ჰქონდა , რომელიც მოგვიანებით 30 წლამდე ასაკის ყველაზე მაღალანაზღაურებადი მამაკაცების რეიტინგში მოხვდა.

მოგვიანებით მეგანმა ურთიერთობა შეფ-მზარეულ კორი ვიტიელოსთან დაიწყო, რომელიც კანადელი გორდონ რამზის სახელით არის ცნობილი. სწორედ მას მიიჩნევდნენ მსახიობის ნამდვილ სიყვარულად, რომელსაც პრინცის გამო დაშორდა.

ბიონსემ და ჯეი ზიმ პირადი თვითმფრინავის სალონში იპოზიორეს (ფოტო)

მიუხედავად იმისა, რომ ცოტა ხნის წინ ჯეი ზიმ სახალხოდ აღიარა, რომ წლების წინ ბიონსეს უღალატა, როგორც ჩანს, ამჟამად მათ ცხოვრებაში სრული ურთიერთგაგება და ჰარმონია სუფევს.

ცოტა ხნის წინ, ბიონსემ თავის „ინსტაგრამზე“ გააზიარა დასვენების ამსახველი ფოტოები, რომლებზეც ის პირადი თვითმფრინავის სალონში პოზირებს. ორსულობის დროს მომატებულ კილოგრამებს პოპ-დივა უკვე გამოემშვიდობა, შესაბამისად მას უკვე ნებისმიერი ტანსაცმლის მორგება შეუძლია.

ფოტოებზე ბიონსეს საკმაოდ მოკლე შორტი აცვია, რომელიც მის მადისაღმძვრელ ფორმებს უსვამს ხაზს. რაც შეეხება ჯეი ზის, მან უპირატესობა თეთრი ფერის ტანსაცმელს და ნარინჯისფერ კეპს მიანიჭა.

მობიმ ახალი კლიპი გამოუშვა (ვიდეო)

ამერიკელმა მუსიკოსმა მობიმ ახალი სინგლი „Like A Motherless Child“ და მასზე გადაღებული კლიპი წარმოადგინა. სიახლე მის ახალ, რიგით მე-15 ალბომში „Everything Was Beautiful, and Nothing Hurt“ შევა, რომელიც 12 სიმღერისგან შედგება.

შეგახსენებთ, რომ დისკის რელიზი 2018 წლის მარტში იგეგმება.

„ოქროს გლობუსის“ ნომინანტების ვინაობა ცნობილია

ლოს-ანჯელესში „ოქროს გლობუსის“ ნომინანტების სრული სია გამოქვეყნდა. საიუბილეო, რიგით 75-ე პრემია 7 იანვარს გაიმართება და მისი წამყვანი სეტ მაიერსი გახდება.

წლის ფილმი (დრამა) – „შენი სახელით მომმართე“, „დიუნკერკი“, „საიდუმლო დოსიე“, „წყლის ფორმა“, „სამი ბილბორდი ებინგის საზღვარზე“.

“შენი სახელით მომმართე”

წლის ფილმი (კომედია ან მიუზიკლი) – „The Disaster Artist”, “თავს უშველე“, „დიდებული შოუმენი“, „მე, ტონია“, „Lady Bird”.

საუკეთესო რეჟისორი – გილერმო დელ ტორო, მარტინ მაკდონა, კრისტოფერ ნოლანი, რიდლი სკოტი, სტივენ სპილბერგი, დენიელ დეი-ლიუისი, ტომ ჰენკსი, გერი ოლდმენი, დენზელ ვაშინგტონი.

საუკეთესო მსახიობი ქალი დრამატულ ფილმში – ჯესიკა ჩესტეინი -“დიდი თამაში“, სალი ჰოკინსი – „წყლის ფორმა“, ფრენსის მაკდორმანდი – „სამი ბილბორდი ებინგის საზღვარზე“, მერილ სტრიპი – „საიდუმლო დოსიე“, მიშელ უილიამსი – „All the Money in the World“.

საუკეთესო მსახიობი მამაკაცი კომედიასა და მიუზიკლში – სტივ კარელი – „სქესთა ბრძოლა“, ენსელ ელგორტი – „ბეიბი დრაივი“, ჯეიმს ფრანკო – „The Disaster Artist“, ჰიუ ჯეკმანი – „დიდებული შოუმენი“, დენიელ კალუა – „თავს უშველე“.

საუკეთესო მსახიობი ქალი კომედიასა და მიუზიკლში – ჯუდი დეჩი – „ვიქტორია და აბდული“, მარგო რობი – „მე, ტონია“, ემა სტოუნი – „სქესთა ბრძოლა“, ჰელენ მირენი – „დღესასწაულის ძიებაში“,

“მე, ტონია”

საუკეთესო მეორეხარისხოვანი მსახიობი მამაკაცი – უილიემ დეფო, არმი ჰამერი, რიჩარდ ჯენკინსი, კრისტოფერ პალმერი, სემ როკუელი.

საუკეთესო მეორეხარისხოვანი მსახიობი ქალი – მერი ჯეი ბლაიჯი, ჰონგ ჩაუ, ელისონ ჯენი, ლორი მეტკალფი, ოქტავია სპენსერი.

საუკეთესო სცენარი – „წყლის ფორმა“, „Lady Bird“, „საიდუმლო დოსიე“, „სამი ბილბორდი ებინგის საზღვარზე“, „დიდი თამაში“.

“Lady Bird”

ფილმის საუკეთესო მუსიკა – „სამი ბილბორდი ებინგის საზღვარზე“, „წყლის ფორმა“, „Phanthom Thread”, „საიდუმლო დოსიე“, დიუნკერკი“.

საუკეთესო მულტფილმი – „ჩვილი ბოსი“, „The Breadwinner“, „კოკო“, „ფერდინანდი“, „სიყვარულით ვან გოგი“.

“კოკო”

საუკეთესო უცხოენოვანი ფილმი – „ფანტასტიკური ქალი“, „თავდაპირველად მათ მამაჩემი მოკლეს“, „ზღვარზე“, „კვადრატი“, „უსიყვარულო“.

საუკეთესო სატელევიზიო სერიალი – „გვირგვინი“, „სამეფო კარის თამაშები“, „მხევლის წიგნი“, „ძალიან უცნაური საქმეები“, „ეს ჩვენ ვართ“.

“მხევლის წიგნი”

საუკეთესო მინი-სერიალი – „დიდი პატარა ტყუილები“, „ფარგო“, „მტრობა“, „ცოდვილი“, „ტბის მწვერვალი“”

“დიდი პატარა ტყუილები”

საუკეთესო მსახიობი მამაკაცი დრამატულ სერიალში – სტერლინგ ბრაუნი, ფრედი ჰაიმორი, ბობ ოდონკირკი, ლივ შრაიბერი, ჯეისონ ბეიტმენი.

საუკეთესო მსახიობი ქალი დრამატულ სერიალში – კატრიონ ბალფი, კლერ ფოი, მეგი ჯილენჰოლი, კეტრინ ლენგფორდი, ელიზაბეტ მოსი.

საუკეთესო მსახიობი მამაკაცი მინი-სერიალში – რობერტ დე ნირო, ჯუდ ლოუ, კაილ მაკლოკლენი, იუენ მაკგრეგორი, ჯეფრი რაში.

“ახალგაზრდა პაპი”

საუკეთესო მსახიობი ქალი მინი-სერიალში – ჯესიკა ბილი, ნიკოლ კიდმანი, ჯესიკა ლენგი, სიუზან სარანდონი, რიზ უიზერსპუნი.

 

2009 წლის შემდეგ, Warner Bros.-მა 2 მილიარდი დოლარი პირველად გამოიმუშავა

უკვე მეორედ, კინოსტუდიამ Warner Bros. საშინაო კინოგაქირავებაში 2 მილიარდი დოლარი გამოიმუშავა. ამ ყველაფრის მიღწევაში მათ „საოცრება-ქალი“ და საშინელებათა ფილმი „ის“ დაეხმარა.

ცნობილი კომიქსიდან სტუდიამ 400, ხოლო სტივენ კინგის ნაწარმოების ეკრანიზაციამ 327 მილიონი დოლარი გამოიმუშავა. 200 მილიონ დოლარამდე გამოიმუშავა „სამართლიანობის ლიგამ“, რომელსაც წელს განსაკუთრებული წარმატებისთვის არ მიუღწევია.

ტეილორ სვიფტი Vogue-ის გარეკანზე (ფოტო)

ტეილორ სვიფტი ორი თვის წინ ხანგრძლივი პაუზის შემდეგ დაბრუნდა. ვარსკვლავმა ახალი ალბომი „Reputation“ გამოუშვა. ცოტა ხნის წინ კი ის ბრიტანული Vogue-ის გარეკანზეც გამოჩნდა.

სვიფტი ცნობილი გამოცემისთვის ლეგენდარულმა მერტ ალასმა და მარკუს პიგოტიმ გადაიღეს, ხოლო ვარსკვლავის ჩაცმულობაზე თავად გამოცემის მთავარმა რედაქტორმა – ედვარდ ენინფულმა იზრუნა.

 

„კოკო“ პირველობას არ თმობს

მულტფილმი „კოკო“ უკვე მესამე კვირაა ამერიკული კინოგაქირავების ლიდერობას არ თმობს. სტუდია PIxar-ის პროექტის საერთო მოგებამ უკვე 390 მილიონს გადააჭარბა, გასულ კვირას კი მისმა ფინანსურმა მაჩვენებლებმა 18 მილიონი შეადგინა.

რეიტინგის მეორე ადგილზე „სამართლიანობის ლიგა“ იმყოფება, რომელმაც გასულ კვირას 9,5 მილიონი გამოიმუშავა. მესამე პოზიციას კი „საოცრება“ იკავებს, გასული კვირის 8,4 და ჯამში 100 მილიონი დოლარით.

 

ემინემმა ახალი სიმღერა წარმოადგინა (აუდიო)

ემინემმა ახალი ალბომიდან „Revival“ რიგით მეორე სინგლი „Untouchable“ წარმოადგინა. სიახლის პრეზენტაცია მისი Youtube-ის ოფიციალურ არხზე შედგა.

აღსანიშნავია, რომ დისკის მთავარი სინგლია „Walk On Water“, რომელიც რეპერმა ბიონსესთან ერთად ჩაწერა. ალბომის პრეზენტაცია 15 დეკემბერს შედგება და ის 19 ახალი სიმღერისგან იქნება შემდგარი.

არმინ ვან ბიურენმა საშობაო სიმღერა წარმოადგინა (აუდიო)

დიჯეი არმინ ვან ბიურენმა საშობაო სინგლი წარმოადგინა. სიახლეს „Christmas Days“ ჰქვია და ვოკალურ პარტიას მასში მუსიკოსი ჯოშ კამბი ასრულებს.

ცნობილია დიჯეის გეგმებიც: უახლოეს მომავალში ის ნაკრების გამოშვებას გეგმავს, რომელშიც 2017 წლის საუკეთესო ტრანსკომპოზიციები შევა.

ანჯელინა ჯოლი და ბრედ პიტი შობას ერთად შეხვდებიან

დაშორების შემდეგ, ანჯელინა ჯოლი და ბრედ პიტი მუდმივად ხაზს უსვამენ იმ ფაქტს, რომ მნიშვნელობა არ აქვს, რა ურთიერთობა ექნებათ, ისინი უპირველეს ყოვლისა მშობლები არიან. სწორედ ამ ფაქტიდან გამომდინარე ცნობილი ხდება, რომ ყოფილი მეუღლეები შობას ერთად შეხვდებიან.

ინსაიდერების თქმით, პიტი გახარებულია ამ გადაწყვეტილებით, რადგან შარშანდელ დღესასწაულს, შვილებთან ერთად, ის ფსიქოთერაპევტის მეთვალყურეობის ქვეშ შეხვდა.

შეგახსენებთ, რომ ანჯელინა ჯოლი და ბრედ პიტი ერთმანეთს გასული წლის სექტემბერში დაშორდნენ, თუმცა ამ დრომდე ისინი ბავშვების მეურვეობის საკითხზე ვერ შეთანხმდნენ.

სტივენ მოფეტმა დაადასტურა, რომ „შერლოკი“ მეხუთე სეზონით გაგრძელდება

სცენარისტმა სტივენ მოფეტმა სერიალ „შერლოკის“ თაყვანისმცემლებს პროექტის გაგრძელების იმედი მისცა.

ცოტა ხნის წინ მოფეტმა მუშაობა დაასრულა სერიალზე „ექიმი ვინ“. კითხვაზე, აპირებს თუ არა ის „შერლოკზე“ მუშაობის განახლებას, სტივენმა უპასუხა, რომ ამ საქმეს სიამოვნებით მოკიდებდა ხელს, თუმცა ეს ყველაფერი არც ისე ახლო მომავალშია. „იმედი მაქვს, რომ სერიალი ყოველთვის წარმატებული იქნება. შერლოკსა და უოტსონს ასაკობრივი ზღვარი არ აქვთ, ამიტომ ისინი შეიძლება 60 ან 70 წლისებიც დაბრუნდნენ“, – განაცხადა მოფეტმა.

რაიან რეინოლდსი დეტექტივი პიკაჩუ გახდება

მსახიობი რაიან რეინოლდსი სტუდია Legendary-ის ახალ ფილმში დეტექტივ პიკაჩუს განასახიერებს. ფილმი პოკემონების შესახებ იქნება და რეინოლდსს მასში პარტნიორობას ჯასტის სმიტი და კეტრინ ნიუტონი გაუწევენ. ფილმის რეჟისორი კი რობ ლეტერმანი იქნება.

პროექტს „დეტექტივი პიკაჩუ“ ერქმევა და მისი გადაღებები სტარტს 2018 წლიდან ლონდონში აიღებს.

სიუჟეტის მიხედვით, რეინოლდსის გმირი ერთ-ერთი პერსონაჟის გატაცებულ მამას ეძებს.

 

Linkin Park-მა ჩესტერ ბენინგტონის მონაწილეობით კლიპი გამოუშვა (ვიდეო)

Linkin Park-მა ჩესტერ ბენინგტონის მონაწილეობით კიდევ ერთი კლიპი გამოუშვა. ვიდეო მუსიკოსის მონაწილეობით სხვადასხვა ლაივებით არის  შეკრული.

სიმღერა „Crawling“ ჯგუფის პირველ ალბომში „Hybrid Theory“ შედის და ის ჩესტერის გამოსვლების შავ-თეთრი მომენტებისგან შედგება. „ამ საკონცერტო ალბომს ჩვენს ძმას, ჩესტერს ვუძღვნით, რომელმაც „One More Light Live“-ში მთელი გული და სული ჩადო“,  -განაცხადეს კოლექტივის წევრებმა.

დუეინ ჯონსონს ჰოლივუდის დიდების ხეივანში ვარსკვლავს გაუხსნიან

მსახიობი დუეინ ჯონსონი ჰოლივუდის დიდების ხეივანში ვარსკვლავს მიიღებს. ღონისძიება 13 დეკემბერს გაიმართება.

2017 წლის ბოლოს კინოგაქირავებაში გამოდის ფილმის „ჯუმანჯი: ჯუნგლების ძახილი“, სადაც ჯონსონი მთავარ როლს ასრულებს. ამას გარდა, 2019 წლის ზაფხულში „ფორსაჟის“ მომდევნო ნაწილიც გამოვა, სადაც ჯონსონი პარტნიორობას ჯეისონ სტეტჰემს გაუწევს.

 

ყველა დროის ყველაზე მოსაწყენი ფილმები გამოვლინდა

დიდ ბრიტანეთში ყველა დროის ყველაზე მოსაწყენი ფილმები გამოვლინდა. რეიტინგი წამყვანმა კინოკრიტიკოსებმა შეადგინეს. პირველ ადგილზე 2015 წლის „გრეის ორმოცდაათი ელფერი“ განთავსდა. მან 34% მოაგროვა.

მეორე ადგილზე „მოჩვენება ბლერიდან“ 29%-ით გავიდა, მესამეზე კი „ვარსკვლავური ომები“ 26%-ით განთავსდა.

ათეულში ასევე მოხვდა: „კუზიანი მთა“, „ტრანსფორმერები“, „ფოსტალიონი“, „ავსტრალია“, „ვანილის ცა“ და „შვიდი წელი ტიბეტში“.

2017 წელი ფოტოებში

უკანასკნელი 12 თვის ყველაზე მკაფიო ფოტოები, რომლებიც ისტორიას შემორჩება:

 

მელანია ტრამპი ინაუგურაციაზე

ამერიკის პირველმა ლედიმ სკეპტიკოსებს ჭორაობის საბაბი არ მისცა: დონალდ ტრამპის ინაუგურაციის დღეს მას Ralph Lauren-ის დიზაინით შექმნილი განუმეორებელი ცისფერი კაბა ეცვა, სტილით კი ის ჟაკლინ კენედის მოგაგონებდათ.

 

ორსული ბიონსეს ფოტოსესია

თანამედროვეობის ერთ-ერთმა პოპულარულმა მომღერალმა ინფორმაცია ორსულობის შესახებ ნამდვილ არტ-პროექტად აქცია.

 

სკანდალი “ოსკარზე”

დაჯილდოების დასასრული და შოუს ისტორიაში ერთ-ერთი ყველაზე სკანდალური ინციდენტი: უორენ ბიტმა “წლის ფილმად” “ლა ლა ლენდი” დაასახელა, თუმცა მოგვიანებით შეცდომისთვის ბოდიში მოიხადა და განაცხადა, რომ სინამდვილეში გამარჯვებული “მთვარის შუქი” იყო.

 

ბრიჯიტ და ემანუელ მაკრონების სიყვარულის ისტორია 

მაისში, ახალგაზრდა და ამბიციურმა ემანუელ მაკრონმა საფრანგეთის საპრეზიდენტო არჩევნები მოიგო. თუმცა მთელი ყურადღება და აქცენტი მის 24 წლით უფროს მეუღლეზე გაკეთდა, რომელიც წლების წინ სკოლაში, რომელიც მაკრონმა დაამთავრა, მასწავლებლად მუშაობდა. მეუღლის დასაცავად მაკრონმა შემდეგი ფრაზა თქვა: “ჩემს ცოლზე 20 წლით უფროსი რომ ვიყო, ჩვენს გრძნობაში ეჭვი არავის შეეპარებოდა. საზოგადოებას ქალების აღქმისადმი გარკვეული პრობლემები აქვს”.

 

Despasito წლის ყველაზე პოპულარული სიმღერა გახდა

სიმღერამ ყველანაირი რეკორდი მოხსნა: პუერტორიკოელი ლუის ფონსის ნამუშევარმა მსოფლიოს ყველა ჩარტი დაიპყრო.

 

Apple-მა iPhoneX გამოუშვა

2017 წლის 12 სექტემბერს, Apple-მა არსებობის ისტორიაში ყველაზე დიდი მოლოდინის მქონე, საიუბილეო სმარტფონი გამოუშვა. წინა მოდელებისგან განსხვავებით, სმარტფონს “გაუქრა” “Home” ღილაკი და სახის ამომცნობი სკანერით Face ID აღიჭურვა.

 

ელიზაბეტ II-ისა და პრინც ფილიპის ქორწინების 70 წლის იუბილე

20 ნოემბერს, 91 წლის დედოფალმა და მისმა 96 წლის მეუღლემ ქორწინების ბრილიანტის იუბილე იზეიმეს. ამ ფაქტის საპატივსაცემოდ, ბუკინგემის სასახლემ მათი იშვიათი ფოტო გამოაქვეყნა.

 

პრინც ჰარისა და მეგან მარკლის ნიშნობა

მსოფლიოს ყველაზე სასურველმა სასიძომ გადაწყვიტა, რომ რჩეული საზოგადოებისგან აღარ დაემალა და მიმდინარე წლის ნოემბერში ამერიკელ მსახიობზე, მეგან მარკლზე დაინიშნა. ამ კავშირს დედოფალი გარკვეული პერიოდი ეწინააღმდეგებოდა, ამას კი რამდენიმე მიზეზი ჰქონდა: მეგანი ჰარიზე სამი წლით უფროსია, ის არ არის ინგლისელი, წლების წინ იმყოფებოდა ქორწინებაში,  არის კათოლიკე და აქვს აფროამერიკული ფესვები. ელიზაბეტ II-ის პოზიციის გამო, პრინცი მზად იყო თავის ტიტულზე უარი ეთქვა.  საბოლოოდ კი ამ კავშირს დედოფალიც დათანხმდა.

კურტ რასელი სანტა კლაუსს განასახიერებს

სერვისი Netflix ახალ საშობაო ფილმზე მუშაობს, რომელიც კინოგაქირავებაში 2018 წლის ბოლოს გამოვა.

აღსანიშნავია, რომ პროექტში, რომელსაც სახელწოდება ჯერ არ აქვს, მთავარ როლზე კურტ რასელია დამტკიცებული. 66 წლის ვარსკვლავი სანტა კლაუსს განასახიერებს. გადაღებები მომავალი წლის იანვარში დაიწყება.

 

ემინემის ახალი ალბომი ვარსკვლავური დუეტებით იქნება დაკომპლექტებული

რეპერმა ემინემმა თავის „ტვიტერზე“ რიგით მეცხრე ალბომის თრექ-ლისტი გამოაქვეყნა. სიახლეს სახელწოდება „Revival“ იქნება და მისი პრეზენტაცია 15 დეკემბერს გაიმართება.

ცნობილი გახდა, რომ დისკი საკმაოდ ვარსკვლავური დუეტებით იქნება დაკომპლექტებული. კერძოდ კი საუბარია ბიონსესთან, ედ შირანთან, ალიშა ქისთან, პინკთან, სკაილარ გრეისთან, X Ambassadors-თან და სხვა ვარსკვლავებთან ერთად ჩაწერილ სიმღერებზე.

ცნობილია, რომ ალბომის პროდიუსერები რიკ რუბინი, სკაილერ გრეი და Dr. Dre არიან.

ჩესტერ ბენინგტონის გარდაცვალების საბოლოო მიზეზი ცნობილია

Linkin Park-ის სოლისტის, ჩესტერ ბენინგტონის გარდაცვალებასთან  დაკავშირებით ახალი დეტალები ხდება ცნობილი. მუსიკოსის სხეულში ალკოჰოლი და ნარკოტიკი აღმოაჩინეს. კერძოდ კი, ბენინგტონის სისხლში MDMA-ს (ექსტაზის) კვალს მიაგნეს.

მუსიკოსის ოთახში პოლიციელებმა დამამშვიდებელი და ალკოჰოლით სავსე ჭიქა იპოვეს. იქვე იყო ლუდის ცარიელი ბოთლი და მისივე ხელით დაწერილი ავტობიოგრაფია.

როგორც ბენინგტონის მეუღლემ განაცხადა, წარსულში ვარსკვლავი დეპრესიით იტანჯებოდა. თავის მოკვლა მან 2006 წელსაც სცადა.

ნომინაციისთვის „საუკეთესო სპეცეფექტები“ „ოსკარზე“ 20 ფილმია წარდგენილი

ამერიკის კინოხელოვნებისა და მეცნიერების აკადემიამ „ოსკარის“ ნომინაციაზე „საუკეთესო სპეცეფექტების“ კანდიდატთა რიცხვი შეამცირა.

სულ სიაში 20 ფილმი მოხვდა, მათ შორის „უცხო“, „მზეთუნახავი და ურჩხული“, „სამართებელზე მორბენალი 2049“, „დიუნკერკი“, „მოჩვენება ჯავშანში“, „გალაქტიკის მცველები 2“, „ჯუმანჯი: ჯუნგლების ძახილი“ და ა.შ.

ამათ გარდა, ნომინაციის მოპოვებას ასევე „სამართლიანობის ლიგა“, „ლოგანი“, „კარიბის ზღვის მეკობრეები: მკვდრები ზღაპრებს არ ყვებიან“, „ადამიანი-ობობა“, „თორი“, „ვალერიანი და ათასი პლანეტის ქალაქი“, „მაიმუნების პლანეტა: ომი“, “საოცრება-ქალი” და ა.შ.

დეკემბერში აღნიშნული სია 10 ფილმამდე შემცირდება. ნომინანტების საბოლოო სია 23 იანვარს გამოქვეყნდება.

 

წლის საუკეთესო სერიალები გამოვლინდა

გამოცემამ Vulture 2017 წლის საუკეთესო სერიალები გამოავლინა. პირველ ადგილზე დევიდ ლინჩის და მარკ ფროსტის ლეგენდარულმა „ტვინ პიქსმა“ დაიკავა. მასში მოქმედება ორიგინალის გადაღებიდან 25 წლის შემდეგ ვითარდება და ამ ნაწილმა სახელწოდება „დაბრუნება“ მიიღო.

რეიტინგში ასევე მოხვდა სერიალები: „ყველაფერი უკეთესობისკენ“, „შეშლილი ყოფილი მეგობარი გოგო“, „მიტოვებულები“, „ახალგაზრდა პაპი“ და ა.შ.

 

ბრაიან სინგერი „ბოჰემური რაფსოდიის“ რეჟისორობიდან სკანდალურად გაათავისუფლეს

რეჟისორი ბრაიან სინგერი ფილმის „ბოჰემური რაფსოდიის“ გადაღებებიდან, რომელიც ფრედი მერკურს ეძღვნება, სკანდალურად გაათავისუფლეს. სტუდიამ 20th Century Fox გამოუშვა განცხადება, სადაც ნათქვამია, რომ სინგერი ფილმის რეჟისორი აღარ არის.

გადაწყვეტილების მთავარ მიზეზად სინგერსა და მთავარი როლის შემსრულებელს, რამი მალეკს შორის წარმოქმნილი კონფლიქტი სახელდება. რეჟისორის განცხადებით, მას მალეკთან მხოლოდ შემოქმედებითი უთანხმოება ჰქონდა, რაც ერთობლივ მუშაობს ხელს არ უშლიდა.

„ბოჰემური რაფსოდიის“ ახალი რეჟისორი უახლოეს მომავალში დაინიშნება.

INNA-მ ახალი სიმღერა წარმოადგინა (აუდიო)

რუმინელმა ავტორ-შემსრულებელმა INNA-მ სიმღერა სახელწოდებით „Don’t Mind“ გამოუშვა, რომელიც მის სტუდიურ ალბომში შევა.

3 დეკემბრიდან ყოველდღიურად, მისი YouTube-ის ოფიციალურ არხზე დისკიდან „Nirvana“ თითო სიმღერა გამოქვეყნდება. ერთგვარი მარათონი 11 დეკემბერს დასრულდება და სწორედ მაშინ შედგება ფირფიტის პრეზენტაცია.

შეგახსენებთ, რომ 28 ნოემბერს სიმღერაზე სახელწოდებით „Nirvana“ კლიპის პრეზენტაცია შედგა.

The Fashion Awards 2017: წითელი ხალიჩა და გამარჯვებულები (ფოტო)

4 დეკმბერს, ლონდონის Royal Albert Hall-ში The Fashion Awards 2017-ის დაჯილდოების ცერემონია გაიმართა, რომელიც ყოველწლიურად მოდის, კინოს, მუსიკისა და სპორტის სამყაროს ყველაზე მკაფიო წარმომადგენლებს ავლენს.

წითელ ხალიჩაზე შოუბიზნესის უამრავი პოპულარული სახე ბრწყინავდა: კარლი კლოსი, სელენა გომესი, ვინი ჰარლოუ, ირინა შეიკი, კაია გერბერი, მეისი უილიამსი, პიკსი ლოტი და სხვები.

გამარჯვებულები კი გახდნენ:

მამაკაცის ტანსაცმლის წლის ბრიტანელი დიზაინერი – კრეიგ გრინი for Craig Green

ქალის ტანსაცმლის წლის ბრიტანელი დიზაინერი – ჯონათან ანდერსონი for JW Anderson

აქსესუარების წლის დიზაინერი – ჯონათან ანდერსონი for Loewe

Swarovski-ს სპეციალური ჯილდო – მარია გრაცია კიური

ურბანული მაღალი კლასის ბრენდი – Off-White

სპეციალური ჯილდო ინოვაციისთვის – სტელა მაკარტნი

ყველაზე გემოვნებიანი სტილი – დონატელა ვერსაჩე

წლის დიზაინერი – რაფ სიმონსი

წლის მოდელი – ადვოა აბოა

ჟურნალი „Hello!“-ს სტუმარი „ფორტუნა პლუსის“ ყველაზე სტაჟიანი წამყვანია

ჟურნალი „Hello!“ რადიო „ფორტუნა პლუსის“ ერთ-ერთი სტაჟიანი წამყვანის, გიგა ბატკუაშვილის პერსონით დაინტერესდა და დეკემბრის ნომერში მკითხველს მასთან ინტერვიუ შესთავაზა.
როგორც გამოცემა წერს: „მიუხედავად იმისა, რომ ჯერ ახალგაზრდაა, მის ხმაზე არაერთი თაობა გაიზარდა. გიგა ბატკუაშვილი რადიოჰოლდინგ „ფორტუნაში„ 15 წლის წინ მოხვდა და გამორჩეული ხმის ტემბრის გამო წამყვანებს შორის ღირსეული ადგილი მალე დაიკავა“.

როგორ აღმოჩნდით „ფორტუნა პლუსში“?

2002 წელს, 25 ივლისს რადიოში ე.წ. „რეზერვი“ დასჭირდათ. მივედი მუსიკალურ ხელმძღვანელ რეზო კაკულიასთან და საცდელად ხმა ჩავწერეთ. მაშინვე მითხრა, აყვანილი ხარო. იმ პერიოდში რადიოჰოლდინგ „ფორტუნაში“ მოხვედრა ძალიან ბევრი ადამიანის ოცნება გახლდათ. 15 წლის ასაკში აღმოვჩნდი ამ საოცარ ჰოლდინგში ისეთ ცნობილ და მსმენელისთვის საყვარელ წამყვანებთან ერთად, როგორებიც აჩი ფურცელაძე, ხატია შამუგია, გვანცა კილასონია და სხვები იყვნენ.

როგორც ვიცი, „ფორტუნა პლუსის“ ეთერში არაერთი შემსრულებლის ხმა პირველად გაჟღერდა, მათ შორის იყო ბერა ივანიშვილიც…

ბერა ჩვენს ეთერში ძალიან პატარა ასაკში მოხვდა. ჩვენი ფორმატის სიმღერა ჩაწერა და პრემიერაც „ფორტუნა პლუსის“ ეთერში შედგა. მას შემდეგ ძალიან დავმეგობრდით და ჩვენთან არაერთი პრემიერა განუხორციელებია, თუმცა ბერა ერთ-ერთი პირველია მათ შორის, ვისი სიმღერაც პირველად სწორედ ამ რადიოსადგურზე გაჟღერდა. ასეთი შემსრულებელი ძალიან ბევრია და მეამაყება, რომ ისინი დღემდე ჩვენი ერთგულები არიან.

გიგა ბატკუაშვილთან სრული ინტერვიუს წაკითხვა ჟურნალის ფურცლებზე შეგიძლიათ.

ახალ კლიპში დემი ლოვატომ საქორწინო კაბა მოირგო (ვიდეო)

დემი ლოვატომ საზოგადოებას სიმღერაზე „Tell Me You Love Me“ გადაღებული კლიპი წარუდგინა. ვიდეოში მომღერალმა საქორწინო კაბა მოირგო. სიუჟეტის მიხედვით, ის ბედნიერი პატარძალია, რომელიც საყვარელ მამაკაცზე ქორწინდება.

კლიპში პარტნიორობას მას ჯესი უილიამსი უწევს, რომელიც ცნობილი სერიალიდან „გრეის ანატომია“ გახდა.

“კოკო” ამერიკულ კინოგაქირავებაში პირველობას არ თმობს

სტუდია Pixar-ის მულტფილმი „კოკო“ ამერიკული კინოგაქირავების სათავეში იმყოფება. უკვე მეორე კვირაა პროექტმა 26,1 მილიონი გამოიმუშავა, რაც 10 მილიონით მეტია, ვიდრე „სამართლიანობის ლიგის“ მიღწევა.

აღნიშნული შედეგი Pixar-ის პროექტებს შორის საუკეთესოა. ჯამში მისი მსოფლიო მოგება 280 მილიონ დოლარს შეადგენს.

აღსანიშნავია ის ფაქტიც, რომ „კოკოს“ პრემიერა ჯერ კიდევ არ შედგარა ისეთ ქვეყნებში, როგორიც ავსტრალია, იაპონია, კორეა, დიდი ბრიტანეთი, იტალია და ბრაზიალიაა.

10 თვიანი პაუზის შემდეგ ტეილორ სვიფტი სცენაზე დაბრუნდა (ფოტო)

უკანასკნელად ტეილორ სვიფტი სცენაზე მიმდინარე წლის თებერვალში იდგა. მთელი წლის განმავლობაში მომღერალი ახალ ალბომზე „Reputation“ მუშაობდა, რომელიც 10 ნოემბერს გამოვიდა: დისკის რელიზის შემდეგ კი ის სცენაზე დაბრუნდა და ეფექტური შოუც მოაწყო. 2 დეკემბერს სვიფტმა კალიფორნიაში კონცერტი გამართა.

თაყვანისმცემლებმა ვარსკვლავის წარმოდგენა დადებითად შეაფასეს, თუმცა ყველა მათგანმა აღნიშნა, რომ სვიფტმა მკვეტრად მოიმატა წონაში

შოუს დამთავრების შემდეგ, მომღერალი სოციალურ ქსელებში გააკრიტიკეს და მას დიეტის დაცვა ურჩიეს. მეორე ნაწილმა კი ტეილორის დაცვა გადაწყვიტა. მათ აღნიშნეს, რომ ზედმეტი კილოგრამები მის მუსიკალურ ნიჭზე ვერანაირ გავლენას ვერ ახდენს.

Shazam-მა 2017 წელი შეაჯამა

მუსიკის ამომცნობმა აპლიკაციამ, Shazam-მა 2017 წელი შეაჯამა და შედეგები გამოაქვეყნა. როგორც აღმოჩნდა, წლის ყველაზე პოპულარული არტისტი ედ შირანია. სწორედ მისი სიმღერა „Shape of You“ დასახელდა ონლაინ-სერვისის საუკეთესო სიღერად.

მეორე ადგილზე პოპულარული ლუის ფონსის ჰიტი „Despacito“ განთავსდა. სამეულს კი Clean Bandit-ის „Rockabye“ ხურავს.

საუკეთესო ათეულში ასევე მოხვდნენ: The Weeknd – I Feel It Coming (feat. Daft Punk), The Chainsmokers & Coldplay — Something Just Like This, კელვინ ჰარისი – Feels (feat. Pharrell Williams, Katy Perry & Big Sean), Imagine Dragons — Believer და ა.შ.

„შურისმაძიებლების“ ახალმა ტრეილერმა რეკორდი დაამყარა

გუშინ, ქსელში ფილმ „შურისმაძიებლების“ ახალი ნაწილის ტრეილერი გამოქვეყნდა. დღეს კი ცნობილი ხდება, რომ ვიდეომ რეკორდი დაამყარა.

24 საათის მანძილზე ტრეილერს 230 მილიონმა ადამიანმა უყურა, რაც ახალ მიღწევად სახელდება.

აქამდე რეკორდსმენი ფილმის „ის“ ტრეილერი მიიჩნეოდა, რომელსაც ამავე დროში 197-მა მილიონმა ადამიანმა უყურა.

ედ შირანმა თავისი ცნობილი ჰიტი ბიონსესთან ერთად ჩაწერა (აუდიო)

ედ შირანმა თავისი ცნობილი ჰიტის „Perfect Duet“ ახალი ვერსია წარმოადგინა, რომელზეც ბიონსესთან ერთად იმუშავა.

შეგახსენებთ, რომ სიმღერის ორიგინალი შირანის ახალ ალბომში „Divide” შედის. დისკი გაყიდვაში მიმდინარე წლის მარტში გამოვიდა და უამრავი რეკორდი მოხსნა, წამყვანი ჩარტების სათავეებში განთავსდა და კრიტიკოსთა დადებითი შეფასებები გამოიწვია.

 

Rolling Stone-მა 2017 წლის საუკეთესო სიმღერა გამოავლინა

ჟურნალმა Rolling Stone 2017 წელი შეაჯამა და საუკეთესო 50 სიმღერა გამოავლინა. პირველ ადგილზე One Direction-ის ერთ-ერთმა წამყვანმა ვარსკვლავმა ჰარი სტაილზმა დაიკავა, რომლის „Sign of the Times“ საუკეთესოდ დასახელდა.

მეორე პოზიციას ლორდი იკავებს თრექით „Homemade Dynamite“. მას მოჰყვებიან კენდრიკ ლამარი („Humble“), რეპერი კარდი ბი („Bodak Yellow“), ჯგუფი U2 („Lights of Home“).

საუკეთესო ათეულში ასევე ლუის ფონსის „Despacito“, ლანა დელ რეისა და The Weeknd-ის დუეტი „Lust for Life“, რეპერი Future „Mask Off“ და სხვა ვარსკვლავები მოხვდნენ.

ალერსანდრა ამბროსიო Victoria’s Secret-ს ოფიციალურად დაემშვიდობა (ფოტო)

ბრენდ Victoria’s Secret-ის ერთ-ერთი მთავარი „ანგელოზი“, ალესანდრა ამბროსიო, რომელმაც მარკის შემადგენლობიდან წასვლის შესახებ რამდენიმე კვირის წინ განაცხადა, გამოსამშვიდობებელი წვეულება მოაწყო. ღონისძიებაზე მოდელმა ახლო მეგობრები დაპატიჟა.

საღამო სასტუმროში The London Hotel West Hollywood გაიმართა და მისი მთავარი კონცეფცია საღამურები იყო. გოგონებს შავი ფერის სამოსი ეცვათ, ამბროსიოს კი მათგან განსხვავებული – ვარდისფერი.

„ამ ქალღმერთის გარეშე Victoria’s Secret აღარასოდეს იქნება ის რაც აქამდე იყო! ყველა დროის საუკეთესო „ანგელოზი!“ – დაწერა ამბროსიოს ერთ-ერთმა მეგობარმა.

შეგახსენებთ, რომ ლამაზმანი ბრენდის მიერ გამართულ ჩვენებაში პირველად 2001 წელს გამოვიდა. მაშინ შოუს მთავარი ვარსკვლავები ჟიზელ ბუნდჰენი, ტაირა ბენკსი და ჰაიდი კლუმი იყვნენ. მცირე ხნის შემდეგ კი ის ერთ-ერთი წამყვანი „ანგელოზი“ გახდა.

„შურისმაძიებლები: უსასრულობის ომი“: პირველი ტრეილერი (ვიდეო)

ამ დღეებში ფილმის „შურისმაძიებლები: უსასრულობის ომი“ პირველი ტრეილერი გამოქვეყნდა. ვიდეო Marvel Entertainment-ის YouTube-ის არხზე განთავსდა და მათში კინოსამყაროს ბევრ სუპერგმირს შვხვდებით, მათ შორის რკინის კაცს, კაპიტან ამერიკას, თორს, ადამიან-ობობას, ჰალკს, შავ ქვრივს, ექიმ სტრენჯს და ა.შ.

ფილმში რობერტ დაუნი-უმცროსი, კრის ევანსი, კრის ჰემსვორტი, ტომ ჰოლანდი, ბენედიქტ კამბერბეტჩი, მარკ რუფალო, სკარლეტ იოჰანსონი, კრის პრეტი და სხვა ვარსკვლავები მონაწილეობენ.

ფილმის პრემიერა 2018 წლის 3 მაისს შედგება.

ემინემის ახალი ალბომის გამოსვლის ზუსტი თარიღი ცნობილია

ემინემის რიგით მეცხრე ალბომი „Revival“ გაყიდვაში 15 დეკემბერს გამოვა. ინფორმაცია ოფიციალურად დადასტურებულია.

ალბომის წამყვანი სინგლი „Walk on Water“ იქნება, რომელიც ლეგენდარულმა რეპერმა  ბიონსესთან ერთად ჩაწერა და რომელსაც ემინემის თაყვანისმცემლებისგან არაერთგვაროვანი დამოკიდებულება მოჰყვა.

სემ სმიტმა ემოციური კლიპი გამოუშვა (ვიდეო)

სემ სმიტმა სიმღერაზე „One Last Song“ კლიპი წარმოადგინა. ვიდეო საკმაოდ ხარისხიანი და ემოციური გამოვიდა.

სიახლე რიგით მეორე სინგლია სმიტის ახალი ალბომიდან „The Thrill of It All“, რომელიც 3 ნოემბერს გამოვიდა. დისკმა დადებითი გამოხმაურება გამოიწვია.

ამ მომენტისთვის, სიმღერა „One Last Song“ ბრიტანული ჩარტის 27-ე ადგილზე იმყოფება.

კინოკრიტიკოსთა ეროვნულმა საბჭომ 2017 წლის საუკეთესო ფილმი გამოავლინა

აშშ-ის კინოკრიტიკოსთა ეროვნულმა საბჭომ 2017 წლის საუკეთესო ფილმი გამოავლინა. პირველ ადგილზესტივენ სპილბერგის  დრამა სახელწოლდებით „The Post“ განთავსდა. ფილმი რელურ მოვლენებზეა დაფუძნებული და ის ვიეტნამის ომის დროს ჟურნალისტებისა და სახელმწიფოს დაპირისპირებაზე მოგვითხრობს.

მთავარი როლების შემსრულებლები – ტომ ჰენკსი და მერილ სტრიპი საუკეთესო მსახიობებად დასახელდნენ.  უილიემ დეფო საუკეთესო მეორეხარისხოვან მსახიობად, ხოლო გრეტა გერვციგი საუკეთესო რეჟორად ცნეს. კატეგორიაში „საუკეთესო ანიმაციური ფილმი“ სტუდია Pixar-ის ნამუშევარმა, „კოკომ“ გაიმარჯვა.

დაჯილდოების ცერემონია 9 იანვარს ნიუ-იორკში გაიმართება.

მეგან მარკლი სერიალ „ფორს მაჟორიდან“ მიდის

ამერიკელი მსახიობი მეგან მარკლი, რომელიც ბრიტანეთის სამეფო ოჯახის წევრი მომავალი წლის მაისში გახდება, სერიალ „ფორს მაჟორიდან“ მიდის. მარკლიმ პროექტთან თანამშრომლობა მეშვიდ სეზონით დაასრულა, რომელიც ეთერში 2018 წლის გაზაფხულზე გამოვა.

„მეგანი შვიდი წლის მანძილზე ჩვენი დიდი ოჯახის წევრი იყო. მასთან ერთად მუშაობა სასიამოვნო და საამაყო იყო. მადლობას ვუხდით სერიალის ერთგულებისთვის და პრინც ჰარისთან ერთად მას ყველაფერს საუკეთესოს ვუსურვებთ“, – ნათქვამია პროექტის ხელმძღვანელობის ოფიციალურ განცხადებაში.

ყველა დროის ყველაზე ცუდი ფილმები გამოვლინდა

ჟურნალმა NME  მკითხველში გამოკითხვა ჩაატარა და ყველა დროის ყველაზე ცუდი ფილმები გამოავლინა.

რეიტინგში მოხვდა 1959 წლის ფილმი „გეგმა 9 ღია კოსმოსიდან“, რომელიც რეჟისორმა ედ ვუდმა გადაიღო.

პოლ ვერხოვენის „შოუს გოგონები“ (1995), ცუდი გამოხმაურების მიუხედავად მსოფლიო კინოს ისტორიის ერთ-ერთი საკულტო ნამუშვარი გახდა.

რეიტინგში ასევე მოხვდა ფილმები: „ბრიოლინი 2“ (1982),

„ტროლი 2“ (1990)

„ზვიგენების ტორნადო“ (2013).

„გრემის“ ნომინანტთა ვინაობა ცნობილია

ცოტა ხნის წინ ცნობილი გახდა პრემია „გრემის“ ნომინანტთა სია. რიგით მე-60 საიუბილეო ღონისძიების ლიდერი ნომინანტთა შორის რეპერი ჯეი-ზი და კენდრიკ ლამარი (8 და 7 ნომინაცია) არიან. ფავორიტებს შორის არის ბრუნო მარსიც (6 ნომინაცია).

იქიდან გამომდინარე, რომ „გრემის“ საკმაოდ სპეციფიკური დედლაინი აქვს (2016 წლის 1 ოქტომბრიდან 2017 წლის 30 სექტემბრამდე ჩაწერილი მასალა), პრეტენდეტებს შორის ვერ მოხვდნენ ტეილორ სვიფტი, სემ სმიტი, პინკი და სხვები – ისინი „გრემი 2019“-სთვის იბრძოლებენ.

მთავარი ნომინაციები კი შემდეგნაირად გადანაწილდა:

 

წლის ჩანაწერი:

ბრუნო მარსი – „24К“

ჩაილდიშ გამბინო – „Redbone“

ლუის ფონსი და დედი იანკი – „Despacito“

ჯეი-ზი – „The Story of O.J“

კენდრიკ ლამარი – „Humble“

 

წლის სიმღერა:

„Despacito“

„4:44“

„Issues“

„1-800-273-8255“

„That’s What I Like“

 

საუკეთესო ალბომი

„4:44“ – ჯეი-ზი

„24k Magic“ – ბრუნო მარსი

„Awaken, My Love!“ – ჩაილდიშ გამბინო

„DAMN“ – კენდრიკ ლამარი

„Melodrama“ – ლორდი

 

საუკეთესო პოპ-ალბომი:

„Kaleidoscope“ – Coldplay

„Lust for Life“ – ლანა დელ რეი

„Evolve“ – Imagine Dragons

„Rainbow“ – კეშა

„Joanne” – ლედი გაგა

„÷“ – ედ შირანი

 

საუკეთესო სოლო გამოსვლა

„Love So Soft“ – კელი კლარკსონი

„Praying“ – კეშა

„Million Reasons“ – ლედი გაგა

„What About Us“ – პინკი

„Shape of You“ – ედ შირანი

 

საუკეთესო როკ-ალბომი

„Emperor of Sand“ – Mastodon

„Hardwired…To Self-Destruct“ – Metallica

„The Stories We Tell Ourselves“ – Nothing More

„Villains“ – Queens of the Stone Age

„A Deeper Understanding“ – The War on Drugs

 

საუკეთესო როკ-სიმღერა

„Atlas, Rise!“ – Metallica

„Blood In the Cut“ – K. Flay

„Go to War“ –  Nothing More

„Run“ – Foo Fighters

„The Stage“ – Avenged Sevenfold

 

საუკეთესო R&B ალბომი

„Freudian“ – Daniel Caesar

„Let Love Rule“ – Ledisi

„24K Magic“ – ბრუნო მარსი

„Gumbo“ – PJ Morton

„Feel the Real“ – Musiq Soulchild

 

საუკეთესო რეპ-ალბომი

„4:44“ – ჯეი-ზი

„DAMN.“ – კენდრიკ ლამარი

‘Culture“ – Migos

„Laila’s Wisdom’ –  Rapsody

‘Flower Boy’ – Tyler, the Creator

 

დაჯილდოების ცერემონია 2018 წლის 28 იანვარს, ლოს-ანჯელესში გაიმართება.

ედი რედმეინი და ფელისიტი ჯონსი გადასაღებ მოედანზე ერთმანეთს კვლავ შეხვდებიან

პოპულარული მსახიობები, ედი რედმეინი და ფელისიტი ჯონსი გადასაღებ მოედანზე ერთმანეთს კვლავ შეხვდებიან. ამჯერად მათი ერთობლივი ფილმი „აერონავტები“ იქნება.

ფილმს Amazon Studios და რეჟისორი ტომ ჰარპერი გადაიღებენ. გადაღებები 2018 წლის გაზაფხულზე ლონდონში დაიწყება. ჯერ-ჯერობით უცნობია, როდის გამოვა პროექტი დიდ ეკრანებზე.

შეგახსენებთ, რომ ზემოთხსენებული დუეტი უკვე მონაწილეობდა დრამაში „სტივენ ჰოკინგის სამყარო“, რომელიც 2014 წელს გამოვიდა. აღნიშნული როლისთვის რედმეინმა ამერიკული კინოაკადემიის ჯილდო, ჯონსმა კი ნომინაცია მიიღო. მსახიობებმა სხვა პრესტიჟული ჯილდოებიც მიიღეს.

Rolling Stone-მა 2017 წლის საუკეთესო ალბომების რეიტინგი გამოაქვეყნა

ამერიკულმა გამოცემამ Rolling Stone 2017 წლის საუკეთესო ალბომების რეიტინგი გამოაქვეყნა.

პირველ ადგილზე კენდრიკ ლამარის დისკი „Damn“ იმყოფება, რომელიც მიმდინარე წლის აპრილში გამოვიდა. მეორე პოზიციას ლორდის „Melodrama“ იკავებს, სამეულს კი U2-ს „Songs of Experience“ ხურავს.

საუკეთესო ათეულში ასევე მოხვდნენ:

  1. Kesha – „Rainbow“
  2. LCD Soundsystem – „American Dream“
  3. Khalid – „American Teen“
  4. ტეილორ სვიფტი – „Reputation“
  5. Queens of the Stone Age – „Villains“
  6. Migos – Culture
  7. სემ სმიტი – „The Thrill of It All“

ადამ ლევინმა და ჯიმი ფელონმა ნიუ-იორკის მეტროში კონცერტი გამართეს (ვიდეო)

Maroon 5-ის ვოკალისტმა, ადამ ლევინმა და პოპულარული გადაცემის წამყვანმა, ჯიმი ფელონმა ნიუ-იორკის მეტროში მინი-კონცერტი გამართეს და ცნობილი ჰიტები  „Crazy Little Thing Called Love“ და „Sugar“ შეასრულეს.

ხალხი კი მათ გარშემო მას შემდეგ მოგროვდა, რაც ვარსკვლავებმა „ნიღბები“ მოიხსნეს და რეალური სახით განაგრძეს სიმღერა. მანამდე მათ გრძელი წვერი, კეპი და მუქი სათვალეები ეკეთათ.

აღსანიშნავია, რომ მსგავსი კონცერტი საზოგადოებას უკვე გაუმართეს ჯგუფმა U2 და მაილი საირუსმა.

სიას ახალ კლიპში კრისტენ ბელი მონაწილეობს (ვიდეო)

სიამ ახალი საშობაო სინგლი „Santa’s Coming For Us“ და მასზე გადაღებული კლიპი გამოაქვეყნა. მთავარ როლს ვიდეოში მსახიობი კრისტენ ბელი ასრულებს.

ვიდეო 50-იანი წლების რესტრო სტილშია გადაღებული. მასში შესაძლებელია ამერიკული ოჯახის შობის აღნიშვნის ტრადიციის ნახვა. თავად სიას თქმით, მისი სიახლის მთავარი იდეა საოჯახო დღესასწაულების ნოსტალგია, სანტა კლაუსისა და შობის ჯადოსნობის რწმენაა.

ჯუდ ლოუ „კაპიტან მარველში“ მონაწილეობას მიიღებს

სტუდია Marvel-ის ახალ პროექტში სახელწოდებით „კაპიტანი მარველი“ ცვლილებაა: ცნობილი ხდება, რომ მთავარ როლს მასში ბრიტანელი მსახიობი ჯუდ ლოუ შეასრულებს.

შეგახსენებთ, რომ ფილმი „რკინის კაცის“ ერთგვარი წინასიტყვაობა იქნება და მასში მოქმედება გასული საუკუნის 90-იანი წლების ბოლოს განვითარდება. ლოუს პარტნიორობას ბრი ლარსონი, სემიუელ ელ ჯექსონი და ბენ მენდელსონი გაუწევენ. გადაღებები 2018 წლის პირველ ნახევარში დაიწყება, ხოლო პრემიერა 2019 წლის მარტში იგეგმება.

კრეიგ დვიდმა და ჯგუფმა Bastille დუეტი გამოუშვა (აუდიო)

ქსელში კრეიგ დვიდისა და Bastille-ის დუეტი „I Know You“ გამოქვეყნდა. სიახლე კრეიგის რიგით მეშვიდე ალბომში „The Time Is Now“ შევა და ის მეორე ოფიციალური სინგლი იქნება. დისკის რელიზის თარიღად 2018 წლის 26 იანვარი სახელდება.

შეგახსენებთ, რომ აქამდე ფირფიტის მხარდასაჭერად სინგლი „Heartline“ გამოქვეყნდა, რომელიც ბრიტანული მუსიკალური ჩარტის 24-ე ადგილამდე განთავსდა.

Hurts-მა სპეციალურად iTunes-სთვის ექსკლუზიური ლაივ-სინგლი გამოუშვა

ბრიტანულმა ჯგუფმა Hurts თაყვანისმცემლებს ახალი სიმღერა „Live @ Deluxe Music Session“ წარუდგინა. სინგლი მათი წინა ორი ალბომიდან რამდენიმე სიმღერის ნაწყვეტების კრებულს წარმოადგენს. აღსანიშნავია, რომ სიახლე ექსკლუზიურ ლაივ-სინგლს წარმოადგენს, რომელიც სპეციალურად iTunes-სთვის შეიქმნა.

შეგახსენებთ, რომ დუეტის ამ დროისთვის ყველაზე ცნობილი ჰიტია „Wonderful life“, რომელიც 2010 წელს გამოვიდა.

Desiigner-მა და სტივ აოკიმ ცნობილი სიმღერის რემიქსი გამოუშვეს (აუდიო)

ამერიკელმა რეპერმა სინდი სელბი მესამემ, უფრო მეტად კი ცნობილმა ზედმეტსახელით Desiigner, სტივ აოკისთან ერთად Bangtan Boys-ის სიმღერის „MIC Drop“-ის ახალი ვერსია წარმოადგინა.

ამ მომენტისთვის, სიახლე 55-მდე ქვეყნის iTunes Store-ის პირველ ადგილს იკავებს.

„ბინდის“ გადაღებების დროს რობერტ პატინსონი ფსიქოანალიტიკოსს სტუმრობდა

მიმდინარე წელს, ფილმით „კარგი დრო“, რობერტ პატინსონი, შესაძლოა, პრესტიჟული ჯილდოების ნომინანტიც გახდეს. ამ ფაქტის გამო კი, მსახიობი აქტიურად მონაწილეობს სხვადასხვა გამოცემების ინტერვიუებში. ერთ-ერთი უკანასკნელის დროს კი, ცნობილი გახდა, რომ „ბინდის“ გამო მას ფსიქოანალიტიკოსთან ვიზიტიც მოუწია.

„ფაქტობრივად, ყველა ჩემი ცნობილი მეგობარი შეშლილია. იზოლაცია, ერთი და იგივეს მუდმივი გამეორება…ეს საკმაოდ უცნაური შეგრძნებებია“, – აღიარებს პატინსონი.

„თავიდანვე გამიმართლა, რადგან კარგი მეგობრები და აგენტები მყავდა. როდესაც გვერდზე არავინ გყავს, გგონია, რომ სხვა ადამიანების სიყვარული სიცარიელეს შეგივსებს, თუმცა ეს ასე არ ხდება და ბოლოს სიგიჟის პირას მიდიხარ. ვცდილობ, რომ გადაღებებს შორის არავინ დამინახოს და საბოლოო ჯამში, ერთადერთი, რაც ხალხმა იცის, არის ის, რისი ჩვენებაც მე თვითონვე მსურდა“.

პატინსონი აღიარებს, რომ ცხოვრებაში ჰქონდა მომენტი, როდესაც ფსიქოანალიტიკოსს მიმართა. მისი თქმით, ეს საკითხი უფრო მტკივნეულად მისი ოჯახის წევრებმა მიიღეს, ვიდრე თავად.

ჩენინგ ტატუმი პინკის კლიპში კაბით ცეკვავს

პინკის სიმღერაზე Beautiful Trauma ვიდეორგოლი გამოვიდა. მუსიკალურ რგოლში მომღერალთან ერთად მსახიობი, ჩენინგ ტატუმიც მონაწილეობს, რომელიც უჩვეულო იმიჯით არის წარმოდგენილი. სიუჟეტის მიხედვით, პინკი და ჩენინგი მეუღლეების როლს ასრულებენ. ლამაზმანი ცოლი ცდილობს იდეალურად გაუძღვეს ოჯახს, მაგრამ თეთრეულს უთოთი წვავს, გაზქურაში კი სადილი იწვება და ამ უსიამოვნებების გამო ძალიან გაღიზიანებულია.

რაღაც მომენტში მეუღლეები როლებს გაცვლიან – პინკი მამაკაცის კოსტიუმშია წარმოდგენილი, ხოლო ჩენინგი ტუჩებს იღებავს და ქალის კაბას იცვამს. კლიპის რეჟისორი ნიკ ფლორეზია.

პინკის რიგით მეშვიდე ალბომის, Beautiful Trauma-ს რელიზი ოქტომბრის თვეში შედგა.

 

ჯონ ლეჯენდი და კრისი ტეიგენი მეორე შვილს ელოდებიან

ჯონ ლეჯენდი და კრისი ტეიგენი მეორე ბავშვის დაბადებისთვის ემზადებიან. ინფორმაციას თავად მეუღლეები ავრცელებენ. კრისიმ Snapchat-ზე თავისი ფოტო გამოაქვეყნა, სადაც მისი მომრგვალებული მუცელი ჩანს.

„მიხარია, რომ აღარ ვმალავ“– დააკომენტარა ტეიგენმა.

კრისი და ჯონი ერთმანეთს 2007 წლიდან იცნობენ. ოთხი წლის შემდეგ წყვილმა ნიშნობის შესახებ განაცხადა, 2013 წელს კი იტალიაში იქორწინეს.

2015 წლის ოქტომბერში ტეიგენმა განაცხადა, რომ პირველ შვილს ელოდნენ.

 

ანგელოზებმა ფრთები გაშალეს: Victoria’s Secret-2017

ეს-ესაა შანხაიში გრანდიოზული შოუ Victoria’s Secret-2017 დასრულდა. ღონისძიების მიმართ წლიდან წლამდე ინტერესი არა თუ იკლებს, არამედ პირიქით, შოუზე მოხვედრის მსურველების რაოდენობა მუდმივად იზრდება, ხოლო დეფილეს ტელეპრემიერის დღეს ეკრანებთან მთელს მსოფლიოში მილიონობით მაყურებელი გროვდება. ორგანიზატორებმა მაყურებელი არც ამჯერად გააწბილეს და პოდიუმზე ყველაზე სექსუალური და მოთხოვნადი მოდელები გამოიყვანეს.

ბელა ჰადიდი, ადრიანა ლიმა, ალესანდრა ამბროსიო, ლილი ოლდრიჯი, ლაის რიბეირო, ელზა ჰოსკი, სარა სამპაიო, ჟოზეფინ სკრივერი – ლამაზმანების სახელების ჩამოთვლა კიდევ დიდ ხანს შეიძლება.

წელს განსაკუთრებული ყურადღება არა მხოლოდ გრძელფეხება მოდელებს დაეთმო, არამედ მათ სამოსსაც, რადგან „ვიქტორიას“ ისტორიაში პირველად, კოლექცია ყოველწლიური შოუსთვის ლუქსის კლასის ბრენდთან ერთად შეიქმნა. ეს საპატიო მისია Balmain-ის სახლის კრეატიულმა დირექტორმა, ოლივიე რუსტენმა აიღო, რომელმაც მარკისთვის თეთრეულის შეზღუდული კოლექცია შექმნა, რომელიც გაყიდვაში თვის ბოლოს ჩაეშვება.

 

ბერა ივანიშვილის ახალი კლიპი გამოვიდა (ვიდეო)

ბერა ივანიშვილი ამ ბოლო დროს საკმაოდ ინტენსიურად მუშაობს და ახალი სიმღერებითა და კლიპებით ანებივრებს თაყვანისმცემლებს. ახლახან მან თავისი „ფეისბუქის“ ოფიციალურ გვერდზე სასიყვარულო ბალადაზე „Bed Of Roses“ გადაღებული ახალი ვიდეო განათავსა.

კლიპი „იუთუბზე“ 18 ნოემბერს გამოქვეყნდა და ის უკვე 188,556-მა ადამიანმა ნახა.

ბიონსე და ჯეი–ზი ბავშვებთან ერთად იახტაზე ისვენებენ

ბიონსემ ტყუპები რუმი და სერა ივნისში გააჩინა და ჯერჯერობით კარიერის განახლებას არ გეგმავს, ის დედობით ტკბება. ინსაიდერების ინფორმაციით, ბიონსე მალე გავა სცენაზე, თუმცა ამჯერად, ოჯახთან და მეგობრებთან ერთად მაიამიზე ისვენებს.

შვილების მოვლაში ვარსკვლავს დედა, თინა ნოულზი და ძიძა ეხმარებიან. გარდა ამისა, ბიონსეს ყავს მზარეული, რომელიც მომღერალს ფორმის დაბრუნებაში ეხმარება. ის ვეგეტარიანულ კერძებზეა სპეციალიზირებული.

პაპარაცებმა იახტაზე უფროსი ქალიშვილის, ბიონსესა და თინა ნოულზების დაფიქსირება შეძლეს, რომელსაც ხელში ტყუპები უჭირავს.

 

 

ბელა ჰადიდი Victoria’s Secret-ის შოუსთვის სექსუალური სელფებით ემზადება

ბელა ჰადიდი Victoria’s Secret-ის შოუსთვის სექსუალური სელფებით ემზადება. წლის ყველაზე გრანდიოზულ მოვლენამდე სულ რამდენიმე დღე რჩება და ანგელოზებიც სრულ მზადყოფნაში არიან.

21 წლის ბელა ჰადიდმა Instagram-ზე საცვლებში გადაღებული რამდენიმე ფოტო გამოაქვეყნა. როგორც ჩანს, მოდელმა თაყვანისმცემლებს მოსალოდნელი ჩვენება კიდევ ერთხელ შეახსენა.

აღსანიშნავია, რომ ჰადიდის Victoria’s Secret-ში მონაწილეობა ზაფხულში დადასტურდა, ლამაზმანმა სასიხარულო ცნობა თავადვე გაავრცელა. ანგელოზის როლს წელს ბელასთან ერთად მისი უფროსი და ჯიჯი ჰადიდიც მოირგებს და ულამაზესი სანახაობა 20 ნოემბრისთვისაა დაგეგმილი.

 

ლეონარდო დიკაპრიო 43 წლის გახდა

11 ნოემბერს ლეონარდო დიკაპრიომ 43 წლის იუბილე აღნიშნა. დაბადების დღეზე, რომელიც ლოს–ანჯელესში, რესტორან The Highlight Room-ში გადაიხადა, მან კოლეგები და ახლო მეგობრები მიიწვია. სტუმრებს შორის იყვნენ კვენტინ ტარანტინო, რობერტ პატინსონი, ემილი რატაკოვსკი და სხვები.

პაპარაცებმა ყველა სტუმრის გადაღება ვერ შეძლეს, თუმცა ზოგიერთი მათგანი კადრში მაინც მოხვდა. როგორც Е! Online წერს, საზეიმო ღონისძიების ძირითადი ნაწილის დასრულების შემდეგ, ლეომ სტუმრები სახლში წაიყვანა, სადაც წვეულება მოაწყო.

თაყვანისმცემლებს ძალიან გაუკვირდათ ის ფაქტი, რომ სტუმრებს შორის არ იყო ლეოს ახალი მეგობარი გოგონა – უკრაინელი მოდელი ალინა ბაიკოვა.

 

 

ოჯახური გამოსვლა: ჯიჯი, ბელა და ანვარ ჰადიდები დედასთან, იოლანდა ფოსტერთან ერთად

13 ნოემბერს ნიუ–იორკში ჟურნალ Glamour-ის „წლის ქალის“ დაჯილდოვების ცერემონიალი გაიმართა, სადაც ჯიჯი ჰადიდი და-ძმასთან, ბელასთან და ანვართან და დედასთან, იოლანდა ფოსტერთან ერთად მივიდა.

ჯიჯი „წლის მოდელი“ გახდა და ჯილდო სერენა უილიამსის ხელით მიიღო.

მისი პოდიუმზე გამოჩენიდან მხოლოდ სამი წელია გასული, მაგრამ მან წარმოუდგენელ სიმაღლეებს უკვე მიაღწია: მისი ფოტო ყველა გლამურულ ჟურნალზეა, მონაწილეობს ყველა ძირითად ჩვენებაში, ხოლო ტომი ჰილფიგერმა სამოსის ხაზის შესაქმნელად მიიწვია“ – განაცხადა სერენამ.

მას შემდეგ, რაც სერენასა და ორგანიზატორებს მადლობა გადაუხადა, ჯიჯიმ ახალგაზრდა ქალბატონებს მიმართა:

თუკი თქვენ ყოველდღე არ გრძნობთ თავს ძლიერად, ეს ნორმალურია, არ ინერვიულოთ. ერთ წამში შესაძლოა ისეთი მოვლენა მოხდეს, რაც თქვენს დღეს, კვირას, ან მთელს ცხოვრებას შეცვლის“.

 

ნაომი კემპბელი ჯალათის როლში Pirelli-ის კალენდარში გამოჩნდა

სულ მალე დღის შუქზე ლეგენდარული კალენდრის, Pirelli-ს ახალი გამოცემა გამოვა. თითოეული გამოცემის თემატიკა საიდუმლოა, თუმცა ჯერ კიდევ ზაფხულში გახდა ცნობილი, რომ 2018 წელი ეძღვნება თემას: „ალისა საოცრებათა ქვეყანაში“.

კალენდრის შემქმნელებმა გადაღებებიდან პირველი კადრები გამოაქვეყნეს. კადრში ნაომი კემპბელი და პი დიდი ჯალათების როლში არიან. ვარსკვლავებს შესაბამისი კოსტიუმები აცვიათ, ხელში კი ცულები უჭირავთ.

ცნობილია ისიც, რომ კალენდრის ფურცლებზე ვუპი გოლდგბერგიც გამოჩნდება. როგორც ჩანს, ახალი გამოცემა ძალიან საინტერესო და კოლორიტული იქნება.

კრიშტიანო რონალდო მეოთხე შვილის მამა გახდა

ლეგენდარული პორტუგალიელი ფეხბურთელი კრიშტიანო რონალდო მამა მეოთხედ გახდა. ამის შესახებ მას შემდეგ გახდა ცნობილი, რაც ფეხბურთელმა „ინსტაგრამის“ საკუთარ გვერდზე სამშობიაროში გადაღებული ფოტო გამოაქვეყნა. ფეხბურთელი სამშობიარო ბლოკში თავის შეყვარებულთან, ჯორჯინა როდრიგესთან, ახალშობილ გოგონასთან და უფროს ვაჟთან ერთადაა გადაღებული:

„ახლახანს დაიბადა ალანა მარტინა, ჯო და ალანა თავს კარგად გრძნობენ. ჩვენ უბედნიერესები ვართ, – წერს რონალდუ.

შეგახსენებთ, რომ კრიშტიანუ რონალდუსთვის ეს მეოთხე შვილია. პირველი ვაჟი 2010 წელს ფეხბურთელს სუროგატმა დედამ გაუჩინა. ამავე წელს სუროგატი დედისგან ფეხბურთელს ტყუპები, ევა და მატეო გაჩნდნენ.

A Alana Martina acaba de nascer! Tanto a Geo como a Alana estão muito bem! Estamos todos muito felizes! ❤️

A post shared by Cristiano Ronaldo (@cristiano) on

ჯენიფერ ლოპესმა სიმღერაზე Amor, Amor, Amor ახალი კლიპი გამოუშვა

48 წლის ჯენიფერ ლოპესმა თაყვანისმცემლებს სიურპრიზი გაუკეთა – მან ქსელში ახალი ტრეკი და ვიდეო წარმოადგინა, სახელწოდებით Amor, Amor, Amor.

სიმღერაზე ლოპესმა პუერტო-რიკოელ რეპერთან, Wisin-თან ერთად იმუშავა.

დროა, სიყვარული გავავრცელოთ“ – დაწერა ჯენიფერმა Instagram-ზე და ფოლოვერებს რგოლი გაუზიარა.

კლიპი მეტროშია გადაღებული, სადაც ლოპესი რამდენიმე იმიჯით არის წარმოდგენილი.

 

მეგან ფოქსმა გამჭვირვალე თეთრეულში გადაღებული პროვოკაციული ფოტო გამოაქვეყნა

ოქტომბრის ბოლოს ცნობილი გახდა, რომ 31 წლის მეგან ფოქსი კინოში ბრუნდება. თუმცა, ახალ პროექტში გადაღებებმა ჰოლივუდელ მსახიობს საყვარელი საქმიანობა, დიზაინერობა ვერ ჩაუნაცვლა. მეგანი ბრენდ Frederick’s of Hollywood-ის აქციონერი და კრეატიული დირექტორია.

ჰოლივუდის სექს სიმბოლომ გამოაქვეყნა ფოტო, სადაც ბრენდის სექსუალურ თეთრეულში, სარკის წინ პოზირებს. Instagram-ის მომხმარებლებმა, რა თქმა უნდა, ფოტო სათანადოდ შეაფასეს და ათასობით კომენტარი დაუტოვეს. ფოლოვერები ფოტოზე წერენ, ძნელია დაიჯერო, მეგანი სამი შვილის დედაა. უმცროსი ვაჟი ერთი წლის წინ გააჩინა, თუმცა ახლა იდეალურ ფორმაშია.

ფოქსმა აღიარა, რომ მისი სილამაზის საიდუმლო ნახშირწყლებზე უარის თქმაა.

„არავითარი ჩიფსები, რეკერები და ბლითები, არაფერი მავნე. ყველაზე საზიანო, რის უფლებასაც ჩემს თავს ვაძლევ, ეს არის ყავა დღეში ერთხელ“ – ამბობს „ტრანსფორმერების“ ვარსკვლავი. გარდა სწორი კვებისა, მეგან ფოქსი კვირაში რამდენჯერმე ვარჯიშობს.

 

MTV Europe Music Awards: შონ მენდესის ტრიუმფი და სხვა გამარჯვებულები

კვირას ლონდონში MTV Europe Music Awards-ის ყოველწლიური დაჯილდოვების ცერემონია გაიმართა. როგორც ყოველთვის, მსოფლიო მუსიკის ვარსკვლავები მაყურებელმა ჯერ წითელ ხალიჩაზე, შემდეგ კი, სცენაზე იხილა.

აღსანიშნავია, რომ 2017 წლის ტრიუმფატორი კანადელი მუსიკოსი შონ მენდესი გახდა, რომელმაც ერთდროულად ორ მთავარ ნომინაციაში გაიმარჯვა. მენდესი წლის არტისტად დაასახელეს, ასევე მისი ჰიტი There’s Nothing Holdin’ Me Back წლის სიმღერად დასახელდა.

შონ მენდესს გამარჯვება MTV-ის „ტვიტერის“ ოფიციალურ გვერდზეც მიულოცეს: „ვულოცავთ ერთადერთ და განუმეორებელ შონ მენდეს MTV-ის პირველ პრიზს“, – ნათქვამია განცხადებაში.

რაც შეეხება სხვა გამარჯვებულებს, წლის დებიუტის სტატუსი დუა ლიპას ერგო, რომლიც ალბომიც 2017 წელს გამოვიდა. წლის საუკეთესო ვიდეოს კატეგორიაში ქენდრიკ ლამარმაგაიმაჯვა, რომლის კლიპი სიმღერაზე Humble საუკეთესოდ ცნეს. წლის პოპშემსრულებელი ქალის სტატუსი მექსიკელ მუსიკოსს, კამილა ლაბელოს ერგო, ხოლო საუკეთესო ჰიპ-ჰოპ არტისტად ემინემი დასახელდა. საუკეთესო ლაივ არტისტად ედ შირანი დაასახელეს, ხოლო ელექტრონული მუსიკის ნაწილში მთავარი პრიზი დევიდ გუეტას ერგო. რაც შეეხება პრიზს მუსიკის განვითარებაში შეტანილი წვლილისთვის, წელს ეს საპტიო პრიზი ირლანდიურ ჯგუფ U2-ს გადასცეს. ცალკე აღნიშვნის ღირსია წითელი ხალიჩა, სადაც ყველაზე ორიგინალური ჩაცმულობით მომღერალი რიტა ორა გამოირჩა. ის თეთრი ხალათითა და თავზე პირსახოცით გამოჩნდა ფოტოგრაფებთან. ფოტოგალერეა

ნიკი მინაჟი H&M-ის საშობაო კამპანიის სახე გახდა

შვედურმა ბრენდმა H&M საშობაო სარეკლამო კამპანია წარმოადგინა, რომლის მთავარი გმირიც 34 წლის მომღერალი, ნიკი მინაჟი გახდა. მას კომპანიონობას მოდელები, მარიაკარლა ბოსკონო და ანა ევერსი უწევენ. უჩვეულო კოლექცია „პანკ-პრინცესას“ თემით ფოტოგრაფმა ტიმ უოკერმა გადაიღო.

„კოლექციას ქალის ორი სახვადასხვა გარეგნობა აქვს, მაგრამ ორივე მათგანი ნამდვილი ქალაქელია, გამოკვეთილია ფიგურა და სექსუალურობისა და მოდური ქსოვილების თავდაჯერებულ მიქსს წარმოადგენს“ – ამბობს H&M-ის მთავარი დიზაინერი და კრეატიული დირექტორი პერნილა ვოლფარტი.

წარმოდგენილ სამოსს შორის განსაკუთრებით წითელი კაბა, ნახევრად გამჭვირვალე ქვედაბოლო, მაღალწელიანი შარვალი, ნაქოსვი სვიტერი და სათხილამურო სტილში გადაწყვეტილი „ელასტიკები“ გამოირჩევა.

 

ნატალია ვოდიონოვამ Calvin Klein-თვის თამამი ფოტოსესია მოაწყო

ნატალია ვოდიონოვამ Calvin Klein-თვის თამამი ფოტოსესია მოაწყო. მოდელის სტილი ბოლო პერიოდში სულ უფრო და უფრო სექსუალური ხდება.

შეგახსენებთ, რომ საქველმოქმედო საღამო – Fabulous Fund Fair-ზე მისული საზოგადოება მან საერთოდ შოკში ჩააგდო, როცა იქ წითელ ბუშტებში გამოწყობილი გამოცხადდა. ღონისძიების შემდგომ წვეულებაზე კი ნატალიამ სექსუალური ვერცხლისფერი კომბინეზონი მოირგო. ხოლო, ამჯერად მრავალშვილიანი დედა ცნობილი ბრენდის სახე გახდა. ინსტაგრამზე გამოჩნდა ფოტო, რომელიც Calvin Klein-ის ფოტოსესიაზეა გადაღებული და მასზე ნატალიას მიმზიდველი კრემისფერი კაბ