ადრიანა ლიმას უჩვეულო და შთამბეჭდავი ფოტოსესია ტაქსის სახურავზე

Victoria’s Secret-ის 36 წლის მოდელმა, ადრიანა ლიმამ ახალ და საკმაოდ უჩვეულო ფოტოსესიაში მიიღო მონაწილეობა. ერთ-ერთ ლოკაციად ლამაზმანმა ტაქსის სახურავი აარჩია.

გადაღებები ნიუ-იორკის ქუჩებში მიმდინარეობდა, სადაც ლიმა წითელ სვიტერსა და მოკლე შორტებში გამოწყობილი ყვითელი ტაქსის სახურავზე მოთავსდა. მოგვიანებით მან ტანსაცმელი გამოიცვალა და ქუჩის სხვა ტრანსპორტზე გადაინაცვლა.

ბოლოს კი მოკლე ვარდისფერ შორტებში მან შუა ქუჩაში მოთავსებულ ვარდისფერ სავარძელში იპოზიორა. ფოტოსესია ნამდვილად შთამბეჭდავი გამოვიდა.

ავრილ ლავინი ახალი ალბომით ბრუნდება

ავრილ ლავინი შოუ-ბიზნესს უბრუნდება. პირველად, მრავალი წლის მანძილზე, მომღერალი წითელ ხალიჩაზე გამოჩნდა და თაყვანისმცემლებს განუცხადა, რომ ახალ ალბომზე მუშაობს.

„უკვე სამი წელია ახალ ალბომზე ვმუშაობ. მიხარია, რომ შემიძლია ვთქვა: დისკი მზად 2 კვირაში იქნება. ჩემი ახალი სიმღერები მართალი და გულწრფელია. ბოლო წლებში ბევრი რამ გადავიტანე და თითოეული ეს ფაქტი ჩემი სიმღერების ნაწილია“, – განაცხადა ლავინმა.

შეგახსენებთ, რომ 2015 წელს ავრილს „ლაიმის დიაგნოზი“ დაუდგინეს, ხანგრძლივმა მკურნალობამ შედეგი გამოიღო და ამჟამად მის სიცოცხლეს საფრთხე არ ემუქრება.

დიჯეი Kygo-მ Coachella-ს დახურვა ავიჩის ხსოვნას მიუძღვნა (ვიდეო)

ნორვეგიელმა დიჯეი Kygo-მ, მუსიკალური ფესტივალი „კოაჩელა“ ორი ახალი სეტით დახურა. თავისი გამოსვლა კი მან თავის მეგობარს, ავიჩის მიუძღვნა, რომელიც ორი დღის წინ მოულოდნელად გარდაიცვალა.

რამდენიმე ათასიანი აუდიტორიის წინაშე 26 წლის მუსიკოსმა ავიჩის თრექი „Without you“ შეასრულა, შემდეგ კი გარდაცვლილ კოლეგაზე სიტყვა წარმოთქვა. Kygo-მ აღიარა, რომ სწორედ მან შთააგონა ის ელექტრონული მუსიკით და „კოაჩელაზეც“ მხოლოდ მისი დამსახურებით იმყოფება.

შეგახსენებთ, რომ შვედი დიჯეის გარდაცვალების შესახებ ცნობილი ორი დღის წინ გახდა. მუსიკოსი გარდაცვლილი საკუთარ სახლში, მასკატში იპოვნეს. მიზეზი ამ დროისთვის უცნობია, თუმცა ცნობილია, რომ მუსიკოსი მწვავე პანკრეატიტით იტანჯებოდა.

„გრეის ანატომია“ მე-15 სეზონით ოფიციალურად გაგრძელდება

ტელეარხმა ABC ამ დღეებში ოფიციალურად დაადასტურა ინფორმაცია იმის შესახებ, რომ სერიალი „გრეის ანატომია“ მე-15 სეზონით ტელეეკრანს დაუბრუნდება.

მიუხედვადა ეთერში 14 წლიანი არსებობისა, სერიალი ერთ-ერთი ყველაზე პოპულარული და რეიტინგულია. აღსანიშნავია, რომ ახალ სეზონში დაბრუნდება ჯინა დევისი, რომელმაც პროექტი მე-11 სეზონში დატოვა.

„ველური დასავლეთის სამყაროს“ მეორე სეზონი სუპერ-სერიებისგან დაკომპლექტდება

პოპულარული სამეცნიერო-ფანტასტიკური სერიალის, „ველური დასავლეთის სამყაროს“ მეორე სეზონში სერიების ხანგრძლივობა გაიზრდება. ამის შესახებ Entertainment Weekly წერს.

„საპრემიერო ეპიზოდი 70 წუთიანი იქნება, მეოთხე სერია კი, რომელიც, ჩემი აზრით საუკეთესოა, ერთ საათიანი იქნება. უკანასკნელი ნაწილი კი საკმაოდ ეპიკური გამოვიდა“, – განაცხადა სერიალის ერთ-ერთმა შემქმნელმამ ჯონათან ნოლანმა.

შეგახსენებთ, რომ სერიალში მთავარ როლებს ედ ჰარისი, ევან რეიჩელ ვუდი, ჯეფრი რაიტი, ენტონი ჰოპკინსი და სხვა მსახიობები ასრულებენ. პროექტმა უამრავი პრესტიჟული ჯილდო მოიპოვა, მათ შორის „ოქროს გლობუსი“ და „ემი“.

 

იდრის ელბა კომედიურ სერიალში ძიძას განასახიერებს

იდრის ელბა მონაწილეობას მიიღებს Netflix-ის ახალ კომედიურ სერიალში „Turn Up Charlie“. ჰოლივუდის მსახიობი ძიძას განასახიერებს.

მინი-სერიალი, რომელიც 8 სერიისგან იქნება შემდგარი, ჩარლიზე მოგვითხრობს, რომელსაც ძალიან უნდა დიჯეობა, თუმცა ამ საქმეში არაფერი გამოსდის. საბოლოოდ ის ძიძად იწყებს მუშაობას. ბავშვი კი სამი წლის რთულად აღსაზრდელია. სიტუაციას ისიც ამძიმებს, რომ ის მისი საუკეთესო მეგობრის შვილია.

 

Coldplay ყველაზე საძულველი ჯგუფების რეიტინგს ლიდერობს

მუსიკალურმა პორტალმა NME ონლაინ-გამოკითხვის შედეგად საუკეთესო ჰიტები გამოავლინა, რომელთა შემსრულებელი ჯგუფებიც არავის უყვარს.

პირველ ადგილზე Coldplay განთავსდა ჰიტით „Viva La Vida“. მას მოჰყვება The 1975 სიმღერით „Medicine“, შემდეგ ლეგენდარული Limp Bizkit ჰიტით „Rollin“, ABBA – „Fernando“, Maroon 5 – „This Love“, Sugababes – „Overload“, Nickelback – „How You Remind Me“, The Cure – „Pictures Of You“, Oasis – „Wonderwall“, Radiohead – Fake Plastic Tree „“ და ა.შ.

არიანა გრანდე ახალი სიმღერითა და კლიპით დაბრუნდა (ვიდეო)

24 წლის არიანა გრანდეს თაყვანისმცემლებისთვის სასიამოვნო სიახლეა: ვარსკვლავი ხანგრძლივი პაუზის შემდეგ ახალი სიმღერით „No Tears Left to Cry“ და მასზე გადაღებული კლიპით დაბრუნდა.

შეგახსენებთ, რომ გრანდემ გამოსვლებზე უარი 2017 წლის მაისის შემდეგ თქვა, რაც მანჩესტერში მის კონცერტზე ტერაქტის შედეგად 22 ადამიანი გარდაიცვალა.

ინციდენტის შემდეგ გრანდემ შვიდი დაგეგმილი კონცერტი გადადო და საქველმოქმედო ღონისძიება One Love Manchester გამართა, საიდანაც შემოსული თანხ ამთლიანად ქველმოქმედებას მოხმარდა.

„იურული პერიოდის სამყარი 2“: ახალი ტრეილერი გამოქვეყნდა (ვიდეო)

კინოსტუდიამ Universal Pictures „იურული პერიოდის სამყარი 2“-ის მეორე ტრეილერი გამოაქვეყნა.

სიუჟეტის თანახმად, კატაკლიზმამ შესაძლოა, მთელი პლანეტა გაანადგუროს, ამიტომ კრის პრეტის გმირს დანარჩენებთან ერთად კაცობრიობის გადარჩენის ფუნქცია დაეკისრება. ფილმის რეჟისორი ხუან ანტონიო ბაიონია. ამ უკანასკნელს ეკუთვნის შედევრები „შეუძლებელი“ და „თავშესაფარი“.

ფილმი დიდ ეკრანებზე ივნისში გამოვა.

ბრედ პიტი კინოდან მიდის

ანჯელინა ჯოლისთან დაშორების შემდეგ, ბრედ პიტმა შვება არქიტექტურაში იპოვა. თუმცა ჩვეულებრივი ჰობი მის საყვარელ საქმიანობად იქცა და ამჟამად ცნობილი ხდება, რომ პიტი სამსახიობო კარიერაზე უარის თქმას და მთლიანად ამ საქმით დაკავებას გეგმავს.

ამ გადაწყვეტილებას კი ის სისრულეში მაშინ მოიყვანს, როდესაც ყველა კონტრაქტს, რომლებიც ამჟამად აქვს გაფორმებული, ვადა გაუვა. ინსაიდერი ამტკიცებს, რომ პიტის ეს უცნაური გადაწყვეტილება დიდად არის დაკავშირებული მის ახალ სიყვარულთან – ნერი ოქსმანთან, რომელიც ამ სფეროს ცნობილი წარმომადგენელია.

ბრედთან დაახლოებული წყაროს ცნობით, მსახიობი ამჟამად თავს ძალიან ბედნიერად გრძნობს.

რას უსმენენ ბრიტანეთის სამეფო ოჯახის წარმომადგენლები?

სამეფო ოჯახის წარმომადგენლებს, ისევე, როგორც რიგით ადამიანებს, უყვართ მუსიკა. თითოეულ მათგანს თავისი ფავორიტები ჰყავთ და საყვარელი მიმდინარეობები აქვთ.

დედოფალ ელიზაბეტ მეორეს ძალიან უყვარს დოლორეს გრეი და ვერა ლინი. აღსანიშნავია, რომ ამ უკანასკნელმა ცოტა ხნის წინ მეასე წლის იუბილეც აღნიშნა, თუმცა ნაკლებ სარწმუნოა, რომ დედოფლის დაბადების დღეზე ის მისთვის სიმღერას შეძლებს.

პრინც ჩარლზის საყვარელი მომღერალი – ლეონარდ კოენი 2016 წლის ნოემბერში გარდაიცვალა. პრინც ენდრიუს კი შედარებით თანამედროვე გემოვნება აქვს და მისი საყვარელი მუსიკოსი will.i.am.-ია.

კემბრიჯის ჰერცოგსა და ჰერცოგინიას ასევე უყვართ თანამედროვე მუსიკა. მათ ქოწილზე, მათივე სურვილით ელი გოლდინგმა იმღერა. ამას გარდა, პრინცი უილიამი Coldplay-ის დიდი თაყვანისმცემელია.

რაც შეეხებათ პრინც ჰარისა და მეგან მარკლს, ჰარის გრაიმის ჟანრი უყვარს, კონკრეტულად კი Skream. რაც შეეხება მარკლს, ადრე თავის ბლოგში ის წერდა, რომ უყვარს Crystal Fighters, მეგი როჯერსი და ჟანელ მონე.

სტივენ სპილბერგი კომიქსს პირველად გადაიღებს

სტივენ სპილბერგი კომიქსის ეკრანიზაციას ჩაუდგება სათავეში. საუბარია შავ ქორზე. აღსანიშნავია, რომ რეჟისორისთვის ეს პირველი ნამუშევარი იქნება, რომელიც კომიქსებზე იქნება დაფუძნებული.

სპილბერგი აღნიშნულ პროექტს Warner Bros.-თან ერთად მოიყვანს სისრულეში. შეგახსენებთ, რომ რეჟისორმა და კინოსტუდიამ ერთად სპილბერგის უკანასკნელ ფილმზე „უკანასკნელი მოთამაშე მოემზადოს“ იმუშავეს.

 

ედ სკრეინი „მალეფისენტში“ ანჯელინა ჯოლის პარტნიორობას გაუწევს

მსახიობმა ედ სკრეინმა, რომელმაც სახელი „დედპულში“ შესრულებული როლით გაითქვა, სულ მალე „მალეფისენტში“ ვიხილავთ, სადაც პარტიორობას ის ანჯელინა ჯოლისა და ელ ფანინგს გაუწევს. სკრეინი მთავარი ბოროტმოქმედის, ჰოაკიმ რონინგის როლზე მოიაზრება.

გადაღენბები მიმდინარე წლის ზაფხულში დაიწყება.

შეგახსენებთ, რომ ფილმის პირველი ნაწილი 2014 წელს გამოვიდა და 180 მილიონიანი ბიუჯეტით 700 მილიონი დოლარი გამოიმუშავა.

პილოტი ჯოლი: მსახიობმა თვითმფრინავი აეროდრომზე უშეცდომოდ დასვა (ვიდეო)

დოკუმენტური ფილმის „დედოფლის მწვანე პლანეტა“ შემქმნელებმა, რომელიც ელიზაბეტ მეორის მიერ ტყეების შენარჩუნებას ეხება, გამოაქვეყნა ვიდეო ანჯელინა ჯოლის მონაწილეობით, რომელიც აღნიშნულ პროექტში არის ჩართული.

ვიდეოზე ჩანს, რომ ჰოლივუდის ვარსკვლავი საკმაოდ მარტივად მართავს თვითმფრინავს და ის უდაბნოს პეიზაჟების ზემოთ დაფრინავს.

„აქ უჩვეულო სილამაზეა. პლანეტის ერთ-ერთი ყველაზე ლამაზი ადგილია“- ამბობს ჯოლი.

შეგახსენებთ, რომ ანჯელინამ პილოტის ლიცენზია 2004 წელს აიღო, თუმცა მისი ამ მდგომარეობაში ხილვა არც ისე ხშირად ხდება. რაც შეეხება აღნიშნულ მგზავრობას, ნამიბიის უდაბნოს თავზე ფრენის შემდეგ, მსახიობმა თვითმფრინავი აეროდრომში უსაფრთხოდ დასვა.

შარლიზ ტერონი ზედმეტი კილოგრამების გამო დეპრესიაში ჩავარდა

კინოკარიერის მანძილზე, როლისთვის, შარლიზ ტერონს ბევრჯერ მოუწია წონაში კლება ან მატება. 2011 წელს ფილმისთვის „ტკბილი ნოემბერი“ მან 13 კილო დაიკლო. ორი წლის მერე კი ფილმისთვის „მონსტრი“ მან 14 კილოგრამი მოიმატა. აღსანიშნავია, რომ ამ როლისთვის მან „ოსკარი“ მიიღო. უკანასკნელი პროექტი „Tully“ ასევე მისი სხეულის ტრანსფორმაციას ასახავს:

„20 კილო მოვიმატე. დამეწყო დეპრესია. პირველად ცხოვრებაში, ვჭამდი განუსაზღვრელი რაოდენობით გადამუშავებულ საკვებსა და შაქარს. ამ ფილმში მონაწილეობა ჩემთვის არც ისე სახალისო იყო“, – იხსენებს მსახიობი.

„თავდაპირველად კარგი იყო, გადასაღებ მოედანზე ბავშვივით მექცეოდნენ, ვჭამდი ბევრ ფასტფუდს და ვსვამდი რამდენიმე ჭიქა რძეს, თუმცა თანდათან ეს არც ისე სახალისო გახდა. ჭამა ჩემი ძირითადი საქმე გახდა სამი თვის განმავლობაში. მაღვიძარასაც კი ვაყენებედი, რომ შუაღამის ულუფა არ გამომრჩენოდა, რადგან წონის შენარჩუნება ძალიან მნიშვნელოვანი იყო. საწოლის თავთან მედგა დიდი თეფში მაკარონითა და ყველით და ღამის 2 საათზე მას მივირთმევდი“, – ყველა ტერონი.

მსახიობი აღიარებს, რომ წონის დაბრუნება ძალიან გაუჭირდა. „მონსტრის“ შემდეგ 5 დღე არ ვჭამე და ყველაფერი ნორმაში ჩადგა, მაგრამ მაშინ 27 წლის ვიყავი, ახლა კი 40-ის ვარ“.

კანის კინოფესტივალის ჟიურის სრული შემადგენლობა ცნობილია

კანის 71-ე კინოფესტივალის ჟიურის სრული შემადგენლობა ცნობილია. ჯერ კიდევ რამდენიმე თვის წინ გახდა ცნობილი, რომ ჟიურის კეიტ ბლანშეტი უხელმძღვანელებდა. მას გარდა კი საუკეთესო ფილმებს შემდეგი ვარსკვლავები გამოავლენენ:

ფრანგი მსახიობი ლეა სეიდუ, კანადელი რეჟისორი დენი ვილნევი, ამერიკელი მსახიობი კრისტენ სტიუარტი, ფრანგი რეჟისორი რობერტ გედიგიანი, ჩინელი მსახიობი ჩანგ ჩენი, ბურუნდელი მომღერალი ჰაჯა ნინი და ამერიკელი სცენარისტი ავა დიუვერნეი.

ფესტივალი 8 მაისიდან 19 მაისის ჩათვლით გაიმართება.

Dior-ის ახალ კამპანიაში რობერტ პატინსონი კლასიკური და სპორტული სტილის სინთეზს ახდენს

უკვე რამდენიმე წელია, რობერტ პატინსონი მოდის სახლ Dior-ის სახეა. მამაკაცის კოლექციებთან ერთად რეკლამას ის საფირმო არომატებსაც უწევს.

ამ დღეებში ქსელში Dior-ის შემოდგომა/ზამთრის კოლექციის სარეკლამო კამპანია გამოქვეყნდა, რომლის მთავარი გმირიც კვლავ პატინსონია. შავ-თეთრის ფოტოების ავტორი კი კარლ ლაგერფილდი გახდა.

ფოტოებზე ვარსკვლავი კლასიკური სტილისა და თანამედროვე ტენდენციების შერწყმას ახდენს. მასში ბრენდი მამაკაცებს საშუალებას აძლევს კლასიკური პერანგი სპორტულ პიჯაკებს ან ქურთუკებს მოუხდინოს, ასევე საქმიან ზედა ნაწილს ბოტასები ან კედები შეუფარდოს.

სტივენ სპილბერგის ფილმები 10 მილიარდიან ნიშნულს გადაცდა

ფილმის „პირველი მოთამაშე მოემზადოს“ წარმატებულმა საერთაშორისო სტარტმა სტივენ სპილბერგს ახალი რეკორდი მოუტანა: ის გახდა პირველი კინორეჟისორი, რომლის ფილმებმა ჯამში 10 მილიარდ დოლარზე მეტი გამოიმუშავეს. აღნიშნული სტატისტიკა პორტალმა Boxofficemojo გამოაქვეყნა.

სპილბერგის ყველაზე წარმატებული პროექტი „იურული პერიოდის სამყაროა“, რომელმაც მილიარდი დოლარი გამოიმუშავა. მას მოჰყვებიან „ინდიანა ჯონსი და ბროლის ჩონჩხის სამეფო“, „უცხოპლანეტელი“, „იურული პერიოდის სამყარო 2: დაკარგული სამყარო“ და „სამყაროთა ომები“.

მეორე ადგილზე 6,5 მილიარდი დოლარით პიტერ ჯექსონი იმყოფება, მას მაიკლ ბეი მოსდევს 6,4 მილიარდით, ჯეიმს კემერონი 6,1 მილიარდით და დევიდ იეტსი 5,3 მილიარდით.

ბრედ პიტის ახალი რჩეული ანჯელინა ჯოლის ორეულია

ქსელში სულ უფრო ხშირად იწერება ნერი ოკსმანისა და ანჯელინა ჯოლის მსგავსების შესახებ. როგორც ჩანს, პიტი თავისი გემოვნების ერთგული რჩება.

მას შემდეგ, რაც ცნობილი გახდა მსახიობისა და პროფესორის რომანის შესახებ, პაპარაცები მის ყოველ ნაბიჯს აკონტროლებენ. ამ დღეებში ის საკუთარ სახლთან გადაიღეს.

ნერი შავებში იყო ჩაცმული და ვიზუალურად ძალიან ჰგავდა ანჯელინა ჯოლის, რომელიც წლების მანძილზე სწორედ ამ ფერის თაყვანისმცემელია. პიტის ახალ რჩეულს მომდგარი შარვალი, მოკლე ზედა ეცვა, აფრიკული სტილის თავსაბურავი და დიდი ზომის მზის სათვალე ეკეთა.

შეგახსენებთ, რომ ნერისა და ბრედის რომანის შესახებ ცნობილი თვის დასაწყისში გახდა.

 

დრეიკმა ახალი ალბომი დააანონსა

კანადელმა რეპერმა, დრეიკმა ახალი ალბომი „Scorpion“ დააანონსა. დისკი მიმდინარე წლის ივნისში გამოვა, თუმცა, ამ დროისთვის უცნობია, რა ფორმატში გამოვა პროექტი. ასევე მუსიკოსს არ დაუკონკრეტებია, შევა თუ არა მასში მისი უკანასკნელი სინგლი „Nice for What“.

შეგახსენებთ, რომ დრეიკის უკანასკნელი ალბომი „Views“ 2016 წლით თარიღდება.

კენდრიკ ლამარმა პულიცერის პრემია მიიღო

ალბომისთვის „DAMN“ კენდრიკ ლამარმა პულიცერის პრემია მიიღო. ჟიურის აზრით, ალბომი აფრო-ამერიკული ცხოვრების სირთულეს ასახავს. მათ ასევე აღნიშნეს ლამარის მუსიკის ლირიული შინაარსი, ასევე ჰიპ-ჰოპის, რეპის, ჯაზის, სოულისა და აფრიკული ჟღერადობების შერწყმა სიმღერებში.

როგორც Associated Press, აღნიშნული ჯილდო პირველად მოიგო არაკლასიკურმა ან ჯაზ-ნამუშევარმა.

„რემპეიჯმა“ ცუდი სტარტი აჩვენა

ფილმმა „რემპეიჯი“ მოლოდინი ვერ გაამართლა და საკმაოდ ცუდი სტარტი აჩვენა. საპრემიერო უქმეებზე სამშობლოში ფილმმა მხოლოდ 34,5 მილიონი დოლარი გამოიმუშავა, რაც 120 მილიონიანი ბიუჯეტის მქონე ფილმისთვის საკმაოდ ცუდი შედეგია. ჩრდილოეთ ამერიკის ფარგლებს გარეთ პროექტმა 114 მილიონი მოაგროვა.

მეორე ადგილზე „ჩუმი სახლი“ იმყოფება, რომლის ამ კვირის მოგებამ 32,6 მილიონი დოლარი შეადგინა. მესამე პოზიცია კი კიდევ ერთმა დებიუტანტმა, „სიმართლე ან მოქმედება“ დაიკავა, რომლის საპრემიერო უქმეებზე შემოსავალმა მხოლოდ 19 მილიონი შეადგინა, თუმცა 3,5 მილიონიანია ბიუჯეტის მქონე პროექტისთვის ეს არც ისე ცუდ სტარტს წარმოადგენს.

ნიკოლ კიდმანმა პროვოკაციული ჩაცმულობით გარშემომყოფები აღაფრთოვანა (ფოტო)

ამ დღეებში, 50 წლის ნიკოლ კიდმანმა კიდევ ერთხელ დაამტკიცა, რომ ასაკი მხოლოდ ციფრებია. ავსტრალიელი ლამაზმანი Academy of Country Music Awards პროვოკაციულ და საკმაოდ თამამი ჩაცმულობით გამოჩნდა.

წითელ ხალიჩაზე ნიკოლი მეუღლესთან, კიტ ურბანთან ერთად პოზირებდა. მსახიობს Michael Kors-ის ულამაზესი ოქროსფერი კაბა ეცვა, რომელსაც მთლიანად მოხდილი ზურგი ჰქონდა და რომელიც კიდმანის სილამაზეს ხაზს კიდევ ერთხელ უსვამდა.

Coachella-ზე გამოსვლით ბიონსემ ისტორია შექმნა (ვიდეო/ფოტო)

გუშინ, ფესტივალ „კოაჩელაზე“ ბიონსე დიდ სცენას ტრიუმფალურად დაუბრუნდა. მომღერალი ერთ-ერთი ჰედლაინერი იყო. ვარსკვლავმა თაყვანისმცემლებს დაუვიწყარი შოუ მოუწყო.

2 საათიანი გამოსვლის დროს მან 4-ჯერ შეიცვალა ჩაცმულობა: თავდაპირველად ის მეტალებიან ბოდესა და საინტერესო თავსაბურავში გამოჩნდა.

A post shared by Beyoncé (@beyonce) on


შემდეგ ის მოკლე შორტებსა და ყვითელი ფერის სპორტულ მოსაცმელში გამოჩნდა და 15 წლის წინანდელი ჰიტები შეასრულა ჯეი ზისთან ერთად, მათ შორის იყო „Crazy in love“.

 

შოუს კულმინაცია კი სცენაზე Destiny’s Child-ის გამოჩენა გახდა, კელი როულენდმა და მიშელ უილიამსმა ბიონსესთან ერთად დაუვიწყარი ნომერი შემოგვთავაზეს.

A post shared by Beyoncé (@beyonce) on

თუმცა, ღონიძიების ერთ-ერთი მთავარი ნაწილი ბიონსესა და მისი დის, სოლანჟის ცეკვა გახდა. გოგონები საკმაოდ დიდი ხანია არ გამოჩენილან ერთად.


თაყვანისმცემლები კიდევ ერთხელ დარწმუნდნენ, რომ ბიონსე შეუდარებელია და რომ მის პროფესიონალიზმს დრო ვერაფერს აკლებს.

ჯესი ჯეი ჩინური „იქს ფაქტორის“ გამარჯვებული გახდა (ვიდეო)

რამდენიმე თვის წინ, ჯესი ჯეი ჩინურ „იქს ფაქტორში“ მონაწილის სტატუსით გამოჩნდა. ის გახდა პირველი მსოფლიოს დონის ვარსკვლავი, რომელმაც მსგავსი ტიპის კონკურსში მიიღო მონაწილეობა.

13 აპრილს კი ის, შოუს გამარჯვებულად დასახელდა და ხმათა 47,5% მიიღო.

ფინალის პირველ ნაწილში მან თავისივე ჰიტი „Bang Bang“ შეასრულა, საბოლოო გამოსვლისთვის კი არჩევანი მან უიტნი ჰიუსტონის ლეგენდარულ ჰიტზე „I Will Always Love You“ შეაჩერა და მაყურებელთა გულებიც მოიგო.

გამარჯვების შემდეგ, ჯესი რიგით მეოთხე ალბომზე დაიწყებს მუშაობას, რომლისთვისაც რამდენიმე სიმღერა „Queen“, „Not My Ex“ და „Think About That“ უკვე ჩაწერილია.

„ის“ გრძელდება: ჯეიმს მაკევოი და ბილ ჰარდერი ფილმის გაგრძელებაში მონაწილეობას მიიღებენ

ჯეიმს მაკევოი და ბილ ჰარდერი კომპანიონობას გაუწევენ ჯესიკა ჩესტეინს ფილმში „ის“. როგორც The Hollywood Reporter წერს, მსახიობებთან მოლაპარაკებები უკვე აქტიურ ფაზაშია შესული.

იმ შემთხვევაში თუ ყველაფერი დაგეგმილად წარიმართება, მაკევოი ბილ დენბროს, დაკარგული ჯორჯის ძმის როლს შეასრულებს, ჰადერს კი წილად წამოზრდილი რიჩი ტოზიერის განსახიერება მოუწევს.

გადაღებები ივლისში დაიწყება, დიდ ეკრანებზე კი ფილმი 2019 წლის სექტემბერში გამოვა. ფილმს ანდრეს მუსკეტი გადაიღებს, რომელიც პირველ ნაწილსაც ხელმძღვანელობდა.

შეგახსენებთ, რომ „ის“ სტივენ კინგის ამავე სახელწოდების რომანის 2017 წლის ეკრანიზაციას წარმოადგენს. მოკრძალებული ბიუჯეტის მიუხედავად ფილმმა მსოფლიო კინოგაქირავებაში 700 მილიონი გამოიმუშავა და საშინელებათა ჟანრის ყველაზე წარმატებული პროექტი გახდა.

საშა ბარონ კოენი Netflix-ის მინი სერიალში ჯაშუშს განასახიერებს

ამერიკული კომპანია Netflix 50 წლის წინანდელ რეალურ ამბავზე დაფუძნებულ სერიალს გადაიღებს. მთავარ როლზე საშა ბარონ კოენი განიხილება და ის ჯაშუშის როლს შეასრულებს. ფილმი ებრაელ ჯაშუშს, ელი კოენს შეეხება, რომელიც საკუთარი სამშობლოსთვის მნიშვნელოვან ინფორმაციას მოიპოვებს, თუმცა, საბოლოოდ მას დამასკოში ჩამოახრჩობენ. ფილმის რეჟისორი გიდეონ რაფი იქნება.

შეგახსენებთ, რომ Netflix-ის გარშემო სკანდალი სულ უფრო და უფრო სერიოზულ სახეს იღებს. კომპანიის ხელმძღვანელობა ბოიკოტს უცხადებს კანის კინოფესტივალს, რომლის ახალი წესების თანახმად, კონკურსზე არ მოხდება იმ ფილმების ჩვენება, რომლებიც კინოთეატრებში ჯერ არ გამოსულა.

 

ჯესიკა ბილის სპორტული კოლექცია გაყიდვაში შემოდგომიდან გამოვა (ფოტო)

ჯესიკა ბილი საკმაოდ ბევრ სფეროში მოღვაწე ადამიანია: მოწყობილი პირადი ცხოვრების გარდა, მას წარმატებული სამსახიობო კარიერა აქვს, ხელმძღვანელობს საკუთარ რესტორანს და ფლობს ტანსაცმლის ხაზს.

მიმდინარე შემოდგომაზე გაყიდვაში გამოვა კოლექცია, რომელიც აქტიურ დასვენებისა და სპორტის მოყვარულებს მიეძღვნება. როგორც ცნობილია, ჯესიკა იოგასა და ჯანსაღი ცხოვრების დიდი თაყვანისმცმელია, მისი ახალი ნაწარმიც სწორედ ასეთი ადამიანებისთვისაა.

Netflix კანის კინოფესტივალს ბოიკოტს უცხადებს

ცნობილი ტელეარხი Netflix კანის 71-ე კინოფესტივალის წინააღმდეგ გამოდის. კომპანიის ხელმძღვანელობა ბოიკოტს უცხადებს კინოფესტივალს, რომლის ახალი წესების თანახმად, კონკურსზე არ მოხდება იმ ფილმების ჩვენება, რომლებიც კინოთეატრებში ჯერ არ გამოსულა. მათი თქმით, ადგილი აქვს დისკრიმინაციას. შესაბამისად, წლევანდელ ღონისძიება კომპანიის არცერთი ფილმი ნაჩვენები არ იქნება.

შეგახსენებთ, რომ კანის კინოფესტივალი წელს 8 მაისიდან 19 მაისამდე გაიმართება. ჟიურის თავმჯდომარე კი წელს ცნობილი ჰოლივუდის მსახიობი კეიტ ბლანშეტი გახდება.

 

კეტი პერი ლედი გაგასთან დუეტზე ოცნებობს

33 წლის ასაკში კეტი პერიმ რამდნეიმე პრესტიჟლი მუსიკალური პრემიის მოპოვება, ცნობილ ადამიანებთან დუეტის ჩაწერა და რეალითი-შოუ American Idol-ის საპატიო ჟიურის წევრობა მოასწრო, თუმცა როგორც ჩანს, ვარსკვლავს კიდეც აქვს ოცნება და ეს ლედი გაგასთან დუეტი აღმოჩნდა.

ბევრ ადამიანს ვცემ პატივს ჩვენი ინდუსტრიიდან, ვარ მადონას უდიდესი თაყვანისმცემელი, თუმცა ვაღიარებ, რომ საოცრად მიყვარს ლედი გაგა. ის უჩვეულოდ ლამაზი, მომხიბვლელი და ჯადოსნური ქალია. ვისურვებდი, რომ ოდესმე სცენაზე მასთან ერთად მეც დავდგე“, – აღიარა პერიმ.

თავად მონსტრების დედოფალს ამ ეტაპზე შემოქმედებითი პაუზა აქვს აღებული, შესაბამისად, როგორი რეაგირება აქვს მას კეტის სიტყვებზე, ჯერ-ჯერობით უცნობია.

ყველაზე პატივსაცემი ვარსკვლავები გამოვლინდნენ

საერთაშორისო კვლევითმა კომპანიამ YouGov, რომელიც ყველაზე პატივსაცემ ვარსკვლავებს ყოველწლიურად ავლენს, შესაბამისი რეიტინგი წელსაც შეადგინა. როგორც აღმოჩნდა, საზოგადოებაში აღფრთოვანებას ყველაზე მეტად ბილ გეითსი და ანჯელინა ჯოლი იწვევენ.

მეორე და მესამე ადგილებზე ბარაკ ობამა და ჯეკი ჩანი განთავსდნენ (კატეგორიაში „მამაკაცები“), ხოლო მიშელ ობამა და ოპრა უინფრი ქალების ამავე კატეგორიაში.

ტოპ-20-ეულში ასევე მოხვდნენ: კრიშტიანო რონალდო (მე-10 ადგილი), ლიონელ მესი (მე-11), დევიდ ბექჰემი (მე-13), ილონ მასკი (მე-14), დონალდ ტრამპი (მე-17) და ა.შ.

პატრიკ ზიუსკინდის „სუნამოს“ მიხედვით სერიალი გამოვა

პოპულარული ტელეარხი Netflix პატრიკ ზიუსკინდის რომანის, „სუნამოს“ მიხედვით სერიალს გადაიღებს.

რომანი, რომელიც ახალგაზრდა მკვლელზე მოგვითხრობს, რომელიც უჩვეულო სუნამოს შექმნით არის შეპყრობილი, 1985 წელს დაიწერა, ხოლო 2006 წელს მისი წარმატებული ეკრანიზაცია შედგა. მთავარი როლები მასში ბენ უიშოუმ, ალან რიკმანმა და დასტინ ჰოფმანმა შეასრულეს. ვის შევხვდებით სერიალში, ჯერ-ჯერობით უცნობია.

კელვინ ჰარისმა ახალი სიმღერა წარმოადგინა (აუდიო)

ამ დღეებში ქსელში კელვინ ჰარისის ახალი სიმღერის, „One Kiss“ პრემიერა გაიმართა, რომლის შექმნაში მონაწილეობას ბრიტანელი პოპ-მომღერალი დუა ლიპაც ღებულობდა.

ცოტა ხნის წინ დიჯეიმ სინგლი „Nuh Ready Nuh Ready“ გამოუშვა, რომელიც ბრიტანული ჩარტის 48-ე ადგილზე განთავსდა.

ჰარისის უკანასკნელი კლიპი „Funk Wav Bounces Vol. 1“ გაყიდვაში 2017 წლის ივნისში გამოვიდა. რაც შეეხება ახალ სინგლს, მისი შეფასება “ფორტუნა პლუსის” საიტზე, ახალი სინგლებშ შეგიძლიათ.

დრეიკის ახალ კლიპში ოლივია უაილდი და ემა რობერტსი მონაწილეობენ (ვიდეო)

დრეიკმა სიმღერაზე „Nice For What“ კლიპი წარმოადგინა და მასში ნამდვილი ვარსკვლავთცვენა მოაწყო: ოლივია უაილდი, ემა რობერტსი, ჯორდან დანი და სხვა შოუბიზნესის სხვა ვარსკვლავები მუსიკოსის ახალ ვიდეოში გამოჩნდნენ.

კლიპის მთავარი იდეა მუსიკოსის ქალებისადმი სიყვარულის ჩვენება იყო. ვიდეოს რეჟისორი კარენა ევანსი გახდა.

„სამეფო კარის თამაშების“ ბრძოლის მასშტაბურ ეპიზოდს 55 ღამე იღებდნენ

„სამეფო კარის თამაშების“ საფინალო ეპიზოდის შემქმნელებმა პროექტის ისტორიაში ყველაზე მასშტაბური საბრძოლო ეპიზოდის გადაღება დაასრულეს.

შოუს ძირითადი ეპიზოდის გადაღებები 55 ღამე გაგრძელდა, ამის შესახებ სამადლობელ წერილში სერიალის პროდიუსერებმა დაწერეს: „როდესაც ერთი წლის შემდეგ, მილიონობით ადამიანი ამ ეპიზოდს ნახავს, ისინი ვერასოდეს წარმოიდგენენ, რამდენი ენერგია ჩავდეთ ამ მომენტის გადაღებისას. მათთვის სულერთი იქნება, რამდენად დაიღალეთ და რამდენად რთული იყო თქვენთვის ეს ყველაფერი. ისინი უბრალოდ ვერ მიხვდებიან, რომ უყურებენ რაღაცას, რაც აქამდე არასოდეს უნახავთ და ეს ყველაფერი თქვენი დამსახურებით“, – სწორედ ასე გადაუხადეს პროდიუსერებმამადლობა გადამღებ ჯგუფს.

შეგახსენებთ, რომ „სამეფო კარის თამაშების საფინალო სეზონი 2019 წელს გამოვა.

„შავმა პანტერამ“ „ტიტანიკი“ ჩაძირა

„შავმა პანტერამ“ საშინაო კინოგაქირავებაში თვით „ტიტანიკს“ გაუსწრო. თუკი ჯეიმს კემერონის კინოჰიტმა სამშობლოში 659 მილიონი დოლარი გამოიმუშავა, ამ დროისთვის Marvel-ის ნამუშევრის შედეგი უკვე 661 მილიონს შეადგენს.

ამ გზით კი, რაიან კუგლერის ფილმმა ყველა დროის ყველაზე მომგებიან ჩრდილოამერიკულ პროექტებს შორის მესამე ადგილი დაიკავა. მეორე ადგილს კი კვლავ „ავატარი” იკავებს 760 მილიონი დოლარით.

The Weeknd-მა დოკუმენტური პოემა წარმოადგინა (ვიდეო)

კანადელმა მუსიკოსმა The Weeknd-მა სიმღერაზე „He Was Never There“ გადაღებული კლიპი წარმოადგინა, რომელიც მის ახალ ალბომში „My Dear Melancholy“ შედის. ვიდეო „სცენის მიღმა“ ფორმატშია გადაღებული და მასში ნაჩვენებია კადრები თუ როგორ მუშაობდა მუსიკოსი ახალ ნამუშევარზე და სად ეძებდა ის შთაგონებას. ვიდეს ჟანრად docupoem, ანუ “დოკუმენტური პოემა”  დასახელდა.

შეგახსენებთ, რომ 30 მარტს, მუსიკოსმა სრულიად მოულოდნელად გამოუშვა მინი-ალბომი „My Dear Melancholy“, რომელიც 6 სიმღერისგან შედგება.

ჯონი დეპთან განქორწინების შედეგად მიღებული ფული ემბერ ჰერდმა ქველმოქმედებას მოახმარა

პირობის თანახმად, 31 წლის ემბერ ჰერდმა ჯონი დეპთან განქორწინების შედეგად მიღებული ფული ქველმოქმედებას მოახმარა. მსახიობმა რამდენიმე მილიონი დოლარი ლოს-ანჯელესის ბავშვთა საავადმყოფოს გადაურიცხა. ეს ინფორმაცია კი მას შემდეგ გახდა ცნობილი, რაც კლინიკამ გასული წლის ფინანსური დასკვნა გამოაქვეყნა და მასში ჰერდი საპატიო ქველმოქმედის სახელით არის მოხსენიებული.

მსახიობის მიერ გაღებული ზუსტი ოდენობა უცნობია, თუმცა სავარაუდოდ, ეს რიცხვი 1-დან 5 მილიონამდე დოლარს მოიცავს. ცნობილია, რომ ჯამში ჯონი დეპმა მას 7 მილიონი დოლარი გადაუხადა.

 

Cardi B-მ სადებიუტო ალბომი გამოუშვა

ამერიკელმა რეპერმა Cardi B-მ სადებიუტო სტუდიური ალბომი „Invasion of Privacy“ გამოუშვა.

დისკი 13 სიმღერას შეიცავს, მათ შორის არის დუეტები Migos-სთან, კელანისთან და სხვა მუსიკოსებთამ.

ალბომის გამოსვლამდე შედგა მასში შემავალი რამდენიმე სინგლის პრეზენტაცია, მათ შორის „Bartier Cardi“, „Be Careful“ და „Bodak Yellow“. ეს უკანასკნელი Billboard Hot 100-ის სათავეში მოხვდა და ხუთგზის პლატინის გახდა.

კაილი მინოუგიმ ახალი ალბომი წარმოადგინა

ამ დღეებში კაილი მინოუგის ახალი დისკის, „Golden“ პრემიერა გაიმართა. ალბომი რიგით მე-14 გახდა მომღერლის დისკოგრაფიაში და მას 11 პროდიუსერი ჰყავს, მათ შორის არის თავად კაილიც.

აქამდე ფირფიტის მხარდასაჭერად სინგლები „Stop Me from Falling“ და „Dancing“ გამოვიდა. ეს უკანასკნელი ამერიკული ჩარტის მე-11 პოზიციაზე განთავსდა. ორივე სიმღერაზე ვარსკვლავმა კლიპები გადაიღო.

30 Seconds to Mars-მა ახალი ალბომი გამოუშვა

ამერიკულმა როკ-ჯგუფმა 30 Seconds to Mars ოფიციალური დისკი „AMERICA“ წარმოადგინა. ალბომი რიგით მეხუთე გახდა მუსიკოსების დისკოგრაფიაში. ცოტა ხნის წინ, დისკის მხარდასაჭერად სინგლები „Walk on Water“ და „Dangerous Night“ გამოვიდა.

ალბომი 12 სიმღერისგან შედგება, მათ შორის არის AP Rocky-სთან და ჰოლზისთან დუეტები.

დევიდ გეტამ და სიამ რეტრო-კლიპი წარმოადგინეს (ვიდეო)

ფრანგმა დიჯეიმ და პროდიუსერმა დევიდ გეტამ სიმღერაზე „Flames“ გადაღებული კლიპი გამოუშვა. აღსანიშნავია, რომ სიმღერის შექმნაში ავსტრალიელი პოპ-დივა სიაც მონაწილეობდა.

ტრადიციულად, ვიდეოში არ ჩანან თავად მუსიკოსები, თუმცა აღსანიშნავია საკმაოდ ლამაზი აღმოსავლური რეტრო-ნამუშევარი.

ცნობილია, რომ გეტა რიგით მეშვიდე ალბომის გამოსაშვებად ემზადება.

სინდი კროუფორდი ნანობს, რომ წლების წინ გაშიშვლდა

90-იანი წლების ცნობილმა სუპერმოდელმა, სინდი კროუფორდმა აღიარა, რომ ნანობს იმ პერიოდს, როდესაც ამა თუ იმ გამოცემისთვის ის შიშველი პოზირებდა: „ბევრი თამამი ფოტოსესია მქონდა, თუმცა ახლა ვნანობ, რომ გავშიშვლდი“.

52 წლის კროუფორდის თქმით, საკუთარ შვილებს სურს ასწავლოს, როგორ თქვან უარი, როდესაც თავის საქმეში ესა თუ ის არ მოსწონთ: „არ მინდა, რომ ჩემმა შვილებმა ოდესმე რამე ინანონ. როგორც დედა ორი მოზარდისა, რომლებიც თავს იმკვიდრებენ მოდის სფეროში, ძალიან განვიცდი და ვნერვიულობ. თუმცა იმასაც ვიტყვი, რომ თუ მათ ვინმე რამეს დაუშავებს, ჩემთან მოუწევთ პასუხისგება“.

Despasito-მ მორიგი რეკორდი დაამყარა (ვიდეო)

ლუის ფონსისა და დედი იანკის სიმღერაზე „Despasito” გადაღებული კლიპი 5 მილიარდიან ნახვას ასცდა. გასული წლის დეკემბრის მონაცემებით ეს ახალი რეკორდია, 2017 წლის ბოლოს, კლიპს 4 მილიონამდე ნახვა ჰქონდა.

მეორე ადგილზე უიზ ხალიფას და ჩარლი პუსის დუეტი „See you again“ იმყოფება 3,5 მილიარდი ნხავით, სამეულს კი ედ შირანის „Shape of you“ ხურავს 3,4 მილიარდით.

კადრი სერიალიდან „დიდი პატარა ტყუილები“ მერილ სტრიპის მონაწილეობით

მერილ სტრიპი ცოტა ხნის წინ შეუერთდა სერიალ „დიდი პატარა ტყულების“ მსახიობთა შემადგენლობას. ახალი კადრი მისი მონაწილეობით ამ დღეებში გამოქვეყნდა. მასზე სტრიპი და ნიკოლ კიდმანი და „სერიალის შვილიშვილები“ არიან გამოსახულები.

შეგახსენებთ, რომ სერიალი ეთერში 2017 წლის თებერვალში გამოვიდა. ნიკოლ კიდმანთან ერთად მთავარ როლს მასში რიზ უიზერსპუნი ასრულებს. ახალი სეზონი კი ეკრანებზე 2019 წელს გამოვა.

First day on the set with Meryl and “my” darling boys! #BigLittleLies

A post shared by Nicole Kidman (@nicolekidman) on

კეტი პერის ორლანდო ბლუმისგან შვილის გაჩენა სურს

კეტი პერის ორლანდო ბლუმთან ურთიერთობის დამალვა აღარ სურს. ვარსკვლავი მზად არის, მსახიობს ცოლად გაყვეს და შვილები გააჩინოს.

პერისთან დაახლოებული ინსიადერის თქმით, იმ შემთხვევაში თუ ორლანდო მას ხელს სთხოვს, მომღერალი სიამოვნებით დათანხმდება, რადგან ბლუმი მისი ოცნების მამაკაცია, ხოლო მისგან შვილები, პერის ყველაზე დიდი სურვილია.

შეგახსენებთ, რომ მარტის ბოლოს, ტოკიოში გამართულ კონცერტზე, რომელზეც ბლუმიც იმყოფებოდა, კეტიმ მას სიმღერა მიუძღვნა.

შეგახსენებთ, რომ წყვილის რომანი 2016 წელს დაიწყო, თუმცა ამ დრომდე ისინი ერთმანეთს რამდენჯერმე დაშორდნენ.

მაიკლ შინოდას აზრით, Linkin Park-ს მომავალი არ აქვს

ჩესტერ ბენინგტონის გარდაცვალებიდან თითქმის ერთი წელი გავიდა და თაყვანისმცემლები ჯერ კიდევ გაუგებრობაში არიან, რა ბედი ეწევა Linkin Park-ს, რომლის მუსიკოსებიც არამარტო მეგობრის, არამედ ფრონტმენის გარეშე დარჩნენ. დადიოდა ხმები ახალ მოწვეულ ვოკალისტზე, მაიკლ შინოდაზე, რომელმაც გავრცელებული ჭორები უარყო.

ერთ-ერთ უკანასკნელ ინტერვიუში შინოდამ განაცხადა, რომ ჯგუფის მომავალზე პასუხი არ აქვს, რადგან ის უბრალოდ არ არსებობს: „უცნაურია, მაგრამ რაიმე სახის კომენტარიც რომ გავაკეთო ამ საკითხთან დაკავშირებით, ეს ყველა სტატიის სათაური გახდება.ხალხს სურს იცოდეს, რა იქნება შემდეგ,დამიჯერეთ, მეც მინდა ამისი ცოდნა, მაგრამ პასუხი უბრალოდ არ მაქვს“, – განაცხადა მაიკმა.

შეგახსენებთ, რომ შინოდას 2005 წლიდან აქვს ჯგუფი Fort Minor, რომელიც საკმაოდ წარმატებულია. . ცოტა ხნის წინ მან ახალი ალბომიც დააანონსა.

ემბერ ჰერდმა სირიელი დევნილები მოინახულა (ფოტო)

ამერიკელმა მსახიობმა ემბერ ჰერდმა იორდანიაში მდებარე სირიელი დევნილების ბანაკი მოინახულა.

მთელი დღის განმავლობაში ის ეკონტაქტებოდა ბავშვებს, შემდეგ კი გაემგზავრა სამედიცინო ცენტრში და ავადმყოფი დევნილები მოინახულა, რომლებსაც მოხალისეები უფასო დახმარებას უწევენ.

„ბედნიერი ვარ, რომ დღე ამ უჩვეულო ადამიანებთან ერთად გავატარე. მათ გამახსენეს, როგორ გამოიყუება ნამდვილი ძალა. დიდი მადლობა“, – გააზიარა ემოციური პოსტი ჰერდმა სოციალურ ქსელში.

მსახიობის თქმით, ამ ხალხისგან მან დიდი სითბო იგრძნო.

ემინემმა სისხლიანი კლიპი წარმოადგინა (ვიდეო)

ემინემმა სიმღერაზე „Framed“ გადაღებული კლიპი წარმოადგინა. ნამუშევარი საკმაოდ სისხლიანი გამოვიდა, ისეთი, როგორიც ემინემს სჩვევია.

სიმღერა რეპერის მეცხრე სტუდიურ ალბომში „Revival“ შედის და ის რიგით მეოთხე ოფიციალური სინგლია. დისკი 15 დეკემბერს გამოვიდა.

დისკი უამრავი ქვეყნის ჩარტის სათავეში მოხვდა, თუმცა კრიტიკოსთა ნაწილისგან მას არაერთგვაროვანი შეფასებები მოჰყვა.

Cardi B-მ გლამურული კლიპი გამოუშვა (ვიდეო)

ამერიკელმა რეპერმა Cardi B-მ სიმღერაზე „Bartier Cardi“ გადაღებული კლიპი წარმოადგინა. ვიდეოში მისი კოლეგა 21 Savage მონაწილეობს, რომელმაც სიმღერის ჩაწერაშიც მიიღო მონაწილეობა.

კლიპი გლამურული და მკვეთრი ფერებით გამოვიდა.

შეგახსენებთ, რომ 6 აპრილს გამოვა მომღერლის სადებიუტო ალბომი „Invasion of Privacy“, რომლის შექმნაშიც ათი პროდიუსერი მონაწიელობდა. დისკში შევა ასევე აქამდე გამოსული სინგლები „Bodak Yellow“ და „Be Careful“.

„მალიბუს მაშველების“ ვარსკვლავებს რომანი აქვთ

„მალიბუს მაშველების“ გამოსვლის შემდეგ, მედიამ დაწერა, რომ ზაკ ეფრონსა და ალექსანდრა დადარიოს რომანი აქვთ. მსახიობები ამ ჭორს დიდი ხნის მანძილზე უარყოფდნენ, თუმცა, ამ დღეებში პაპარაცებმა ისინი სეირნობის დროს გადაიღეს.

ცოტა ხნის წინ, ეფრონმა ემოციურად მიულოცა ალექსანდრას დაბადების დღე სოციალური ქსელის მეშვეობით, მოგვიანებით „ინსტაგრამზე“ დადარიომ გამოაქვეყნა ვიდეო საკუთარი იუბილედან, სადაც ეფრონიც არის აღბეჭდილი.

უცნობია, ეს უბრალოდ მეგობრობაა თუ რომანი, რომელიც გადასაღებ მოედანზე დაიწყო.

2017 წლის ყველაზე წარუმატებელი ფილმები გამოვლინდა

გამოცემამ Deadline 2017 წლის ყველაზე წარუმატებელი პროექტების რეიტინგი გამოავლინა. პირველი ადგილი Warner Bros.-ის პროექტმა „მეფე არტურის ხმალი“ დაიმსახურა. ფილმის ბიუჯეტი 286 მილიონი დოლარი იყო, თუმცა, კინოგაქირავებაში მან მხოლოდ 153 მილიონი დოლარი მოიტანა.

ათეულში ასევე მოხვდა: „დიდი კედელი“, „გეოშტორმი“, „პირობა“ და ა.შ.

რაც შეეხება ლიდერ პოზიციაზე მყოფ „მეფე არტურის ხმალს“, მისი რეჟისორი გაი რიჩია, მთავარ როლებს კი ანაბელ უოლისი, ჩარლი ჰანემი, ჯუდ ლოუ და სხვა ვარსკვლავები ასრულებენ.

თაყვანისმცემლები პრინცესა ლეას როლზე მერილ სტრიპს ითხოვენ

„ვარსკვლავური ომების“ თაყვანისმცემლებმა შექმნეს ონლაინ-პეტიცია და კომპანია Disney-სა და LucasFilm-ს იმის შესახებ მიმართეს, რომ პრინცესა ლეას როლი ამიერიდან მერილ სტრიპმა შეასრულოს. 68 წლის მსახიობს ისინი იდეალურ კანდიდატად მოიხსენიებენ და აცხადებენ, რომ თავის თაობაში ის საუკეთესოა.

„მას სამი „ოსკარი“ და პრემიის 20 ნომინაცია აქვს, მისი მიღწევები კინოსამყაროში ყველამ იცის. ამას გარდა, ის კერი ფიშერის ახლო მეგობარი იყო“, – სწორედ ასე ხსნიან თაყვანისმცემლები სტრიპის კანდიდატურას.

ამ დრისთვის პეტიციას დაახლოებით 10 ათასი მომხრე ჰყავს, თუმცა ოფიციალური კომენტარი ფილმის შემქმნელებისგან ჯერ არ გაკეთებულა.

შეგახსენებთ, რომ კერი ფიშერი პრინცესა ლეას როლს 1977 წლიდან ასრულებდა. მსახიობი გულის უკმარისობის შედეგად 2016 წლის 27 დეკემბერს, 60 წლის ასაკში გარდაიცვალა.

ორი წლის შემდეგ, ჯოლიმ და პიტმა განქორწინების საკითხში შეთანხმებას მიაღწიეს

ანჯელინა ჯოლისა და ბრედ პიტის განქორწინების პროცესი 2016 წლის სექტემბერში დაიწყო, თუმცა შვილებზე მეურვეობის შესახებ შეთანხმებას მათ მხოლოდ ახლა მიაღწიეს. წყვილთან დაახლოებული წყაროს ცნობით, მათ განქორწინების საკითხი მოაგვარეს. ინსაიდერის თანახმად, ჯოლი-პიტი ბავშვების მეურვეები თანაბარი უფლებებით გახდებიან. 2 წლის წინ, ანჯელინას გადაწყვეტილი ჰქონდა, რომ პიტისთვის მშობლის ყველანაირი უფლება ჩამოერთმია, თუმცა როგორც ჩანს, მან აზრი შეიცვალა.

„ბრედმა და ანჯელინამ გადაწყვიტეს, შვილების გამო მეგობრებული ურთიერთობა შეენარჩუნებინათ. ეს უდიდესი ნაბიჯია, რომელიც მათ შვილების გამო გადადგეს. უახლოეს მომავალში ისინი ხელს ყველა აუცილებელ დოკუმენტს მოაწერენ“, – ინსაიდერისვე მტკიცებით, მათი შესაძლო შერიგება გამორიცხულია და ეს აღარასოდეს მოხდება.

შეგახსენებთ, რომ წყვილმა ოფიციალურად 2014 წელს იქორწინა, თუმცა მანამდე ისინი 12 წელი ცხოვრობდნენ ერთად და 6 შვილს ზრდიდნენ, რომელთაგან სამი ბიოლოგიური, ხოლო სამი – აყვანილია.

ირინა შეიკისა და ბრედლი კუპერის სააღდგომო ჰარმონია (ფოტო)

ბრედლი კუპერისა და ირინა შეიკის ოჯახში ჰარმონია სუფევს და ეს ყოველ ჯერზე მტკიცდება, როდესაც ქსელში მათი ერთობლივი პაპარაცული ფოტოები აღწევს. მარტის ბოლოს, ცნობილმა მშობლებმა ერთადერთ ქალიშვილს მხიარული დაბადების დღე გადაუხადეს, ამჯერად კი, ახალგაზრდა ოჯახმა აღდგომა იზეიმა.

ოჯახი სრული შემადგენლობით ლოს-ანჯელესის ქუჩებში გადაიღეს. ირინას ტანზე მომდგარი შარვალი და სპორტული სვიტერი ეცვა. როგორც ჩანს, ჭორები მისი ორსულობის შესახებ სინამდვილეს არ შეესაბამება. რაც შეეხება ბრედლის, მას ასევე თავისუფალი სტილის ჩაცმულობა ჰქონდა, ხოლო ხელში ქალიშვილი ეჭირა, რომელსაც გამუდმებით კოცნიდა. ფოტოებიდან ჩანს, რომ ლეა ამ ყველაფრის წინააღმდეგი არ ყოფილა.

კუპერისა და შეიკის რომანი 2015 წლის ზაფხულში დაიწყო. 2017 წლის მარტში კი მათ ქალიშვილი, ლეა შეეძინათ.

კაილი მინოუგმა ახალი კლიპი გამოუშვა (ვიდეო)

ავსტრალიელმა ვარსკვლავმა, კაილი მინოუგმა სიმღერაზე „Stop Me from Falling“კლიპი წარმოადგინა. სიახლე რიგით მეორე სინგლია მომღერლის მე-14 ალბომიდან „Golden“, რომლის რელიზიც 6 აპრილს არის დაგეგმილი.

ახალი კლიპის გარდა, მომღერალმა ასევე პრომო-თრექი „Raining Glitter“ გამოუშვა.

The Weeknd-მა მინი-ალბომი გამოუშვა

The Weeknd-მა მინი-ალბომი „My Dear Melancholy“ გამოუშვა და სიმღერებზე „Call Out My Name“ და „Try Me“ გადაღებული კლიპების პრეზენტაციაც გამართა.

დისკი ექვს სიმღერას შეიცავს. მათ შორის არის ორი სინგლი, რომელიც ფრანგ დიჯეი Gesaffelstein-თან დუეტს წარმოადგენს. ეს უკანასკნელი ალბომის ერთ-ერთ ერთი პროდიუსერიც არის.

აღსანიშნავია, რომ ვიდეოები ამ დროისთვის Youtube-ზე ხელმისაწვდომი არ არის.

მაილი საირუსი Vogue-ის სააღდგომო ფოტოსესიაში

მაილი საირუსმა და Vogue-მა აღდგომა ყველაზე ადრე აღნიშნეს – მომღერალმა ცნობილი გამოცემის საგაზაფხულო და ფერად ფოტოსესიაში მიიღო მონაწილეობა, რომლის თემაც, რა თქმა უნდა, მოსალოდნელი დღესასწაული გახდა.

სპეციალურად ფოტოსესიისთვის, საირუსმა რამდენიმე იმიჯი მოირგო, მათ შორის მან არც სააღდგომო კურდღელი დაივიწყა.

შედეგი, მაილიმ, საკუთარ გამომწერებს „ინსტაგრამზე“ გაუზიარა:

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

“Good” Friday !

A post shared by Miley Cyrus (@mileycyrus) on

Hoppy Easter Erbody!

A post shared by Miley Cyrus (@mileycyrus) on

კრის ბრაუნი უცნობი ქალის გაგუდვას ცდილობდა (ფოტო)

გამოცემა TMZ სკანდალურ ფოტოს აქვეყნებს, როგორ ცდილობს კრის ბრაუნი უცნობი ქალის გაგუდვას. ფოტო თვითმხილველმა გადაიღო და მოგვიანებით გამოცემას თავად მიაწოდა. ცნობილია, რომ ინციდენტი მაიამიში მოხდა, სადაც ცნობილი მომღერალი მეგობრებთან ერთად იმყოფებოდა. ფოტოს გავრცელების შემდეგ განცხადება მუსიკოსის ადვოკატმა გაავრცელა და თქვა, რომ ეს უწყინარი ხუმრობა იყო: „ეს ქალბატონი კრის ბრაუნის მეგობარია და რაც ფოტოზე ვიხილეთ, უწყინარი თამაშია“, – აცხადებს მარკ გერაგოსი.

საინტერესოა, რომ ფიზიკურ ძალადობაში კრის ბრაუნი არაერთხელ დაადანაშაულეს. 2016 წელს მის წინააღმდეგ სასამართლო დავაც დაიწყო. ლიზიენ გუტიერესი აცხადებდა, რომ მომღერალმა მასზე ძალადობა სცადა, მოგვიანებით, კი როცა ქალმა ფაქტის გადაღება სცადა, მას სახეში ჩაარტყა. 2009 წელს კი ბრაუნმა ფიზიკური შეურაცხყოფა რიანას მიაყენა. მაშინ მუსიკოსები ერთმანეთს ხვდებოდნენ, ბრაუნმა რიანას გაგუდვა სცადა. მას ხუთწლიანი წინასწარი პატიმრობა ჰქონდა შეფარდებული.

ჯასტინ ბიბერი და სელენა გომესი ერთმანეთს საბოლოოდ დაშორდნენ

დაახლოებით ორი კვირის წინ, ჯასტინ ბიბერმა და სელენა გომესმა ურთიერთობაში პაუზის აღება გადაწყვიტეს. ამჟამად კი, როგორც გამოცემა E! News წერს, ისინი ერთმანეთს საბოლოოდ დაშორდნენ. ინსაიდერის თქმით, სელენა მიხვდა, რომ მისი და ჯასტინის ურთიერთობა არასოდეს იქნება იდეალური.

ამას გარდა, ამ ეტაპზე ბიბერს აქტიური ურთიერთობა აქვს 22 წლის ბასკინ ჩემპიონთან. მიუხედავად კანადელი მუსიკოსის წარმომადგენლების მტკიცებისა, რომ მათი ურთიერთობა არ არის სერიოზული, გომესს მისი არ სჯერა.

შეგახსენებთ, რომ თავდაპირველად წყვილის რომანი 2010 წელს დაიწყო. 2013-ში ისინი ერთმანეთს დაშორდნენ. ურთიერთობის გადარჩენის ბოლო მცდელობა მათ 2017 წელს ჰქონდათ, თუმცა ამჯერადაც, მცდელობამ უშედეგოდ ჩაიარა.

 

სკარლეტ იოჰანსონი ჰიტლერის შესახებ კომედიაში მონაწილეობას მიიღებს

სკარლეტ იოჰანსონი მონაწილოებას მიიღებს კომედიაში, რომლიც ნაცისტების ლიდერს, ჰიტლერს შეეხება. ფილმს სტუდია Fox Searchlight გადაიღებს, რომელსაც წლევანდელი ოსკაროსანი ფილმები „სამი ბილბორდი“ და „წყლის ფორმა“ ეკუთვნის.

სიუჟეტი გერმანელი მოზარდის გარშემო განვითარდება, რომელიც გაიგებს, რომ დედამისი სახლში ებრაელ ბიჭუნას მალავს. დაზუსტებით უცნობია, ვის როლზე მოიაზრება ჰოლივუდის ვარსკვლავი.

ფილმის გადაღებები შემოდგომაზე დაიწყება, პრემიერის თარიღი კი ჯერ-ჯერობით უცნობია.

ნაომი კემპბელი ფოტოშოპის ბოროტად სარგებლობაში დაადანაშაულეს

ნაომი კემპბელმა „ინსტაგრამზე“ გამოაქვეყნა ფოტო, რომელმაც მის თაყვანისმცემლებში აღშფოთება გამოიწვია: მათი თქმით, ფოტოზე მოდელის ცნობა შეუძლებელია, იმდენად დიდი დოზით არის მასზე ფოტოშოპი.

თუმცა გამოჩნდნენ ისეთებიც, ვინც ნაომის ფოტორედაქტირება მოწონეს და განაცხადეს, რომ სუპერმოდელი ნებისმიერ შემთხვევაში შეუდარებელია.

კომპანია Amazon „სამეფო კარის თამაშების“ კონკურენტის გადაღებებს დააფინანსებს

კომპანია Amazon „სამეფო კარის თამაშების“ კონკურენტზე 1 მილიარდ დოლარს დახარჯავს. საუბარია „ბეჭდების მბრძანებლის“ ეკრანიზაციაზე, რომლის ბიუჯეტიც 500 მილიონი დოლარია.

ამ დროისთვის Amazon მოლაპარაკებებს აწარმოებს პოპულარული ნაწარმოების ადაპტაციის ავტორთან, ლიუ ცისინასთან. საუბარი სამი ზეონის გადაღებებზე მიმდინარეობს.

შეგახსენებთ, რომ 2015 წელს ლიუ ცისინმა საუკეთესო რომანისთვის ლიტერატურული პრემია „ჰიუგო“ მიიღო.

კონცერტის მსვლელობისას, ჯასტინ ტიმბერლეიკმა თაყვანისმცემელს ტელეფონი წაართვა (ვიდეო)

ნიუარკში გამართულ კონცერტზე ჯასტინ ტიმბერლეიკმა მის გარშემო შეკრებილი თაყვანისცემლები გაახალისა. კონცერტის მსვლელობის დროს  ერთ-ერთ მსმენელს მან მოულოდნელად გამოართვა ტელეფონი.

ჯასტინმა საკუთარი თავისა და გარშემომყოფების გადაღება დაიწყო, მოგვიანებით კი ვიდეო საკუთარ „ინსტაგრამზე“ განათავსა და დააწერა: „თუ სცენასთან ძალიან ახლოს დადგებით, შესაძლოა, თქვენი ტელეფონი მოვიპარო“.

როგორც ცნობილია, საბოლოოდ ტელეფონის მეპატრონეს დაუბრუნდა.

Get too close to the stage, and I might steal your phone…#MOTWTOUR

A post shared by Justin Timberlake (@justintimberlake) on

სტუდია Universal „ნაიარევი სახის“ ახალ ვერსიას გადაიღებს

სტუდია Universal „ნაიარევი სახის“ ახალ ვერსიას გადაიღებს. განახლებული ვერსიის რეჟისორი ანტუან ფუკუა იქნება, სცენარს კი გარეტ დანეტ ალკოსერი დაწერს. ფილმის გადაღების იდეა ჯერ კიდევ 2011 წელს გაჩნდა, თუმცა, გარკვეული მიზეზების გამო მან ამ დრომდე გადაიწია.

ფილმის პირველი ნაწილი ეკრანებზე 1932 წელს გამოვიდა და მთავარ როლს მასში პოლ მუნი ასრულებდა, თუმცა, პროექტის ყველაზე პოპულარული ვერსია 1983 წლის ეკრანიზაციას წარმოადგენს, სადაც მთავარი როლი ალ პაჩინომ შეასრულა, ხოლო რეჟისორი ბრაიან დე პალმა იყო.

23 წლის ბრედ პიტის აქამდე უცნობი ფოტოსესია

ქსელში ბრედ პიტის აქამდე უცნობი ფოტოსესია გამოჩნდა. მასზე ვარსკვლავი 23 წლის არის. ფოტოების ავტორი სანდრა დაუნი-დანია.

„ამ ფოტოსესიაზე ის უსახელო და უფულო იყო. მახსოვს, ამბობდა, რომ 33 ცენტიც კი არ ჰქონდა, რომ „მაკდონალდსში“ ჰამბურგერი ეყიდა“ – იხსენებს ფოტოგრაფი.

აღსანიშნავია, რომ ამ ფოტოსესიიდან 4 წლის შემდეგ, პიტმა ჰოლივუდში შეღწევა მოახერხა და პირველი სერიოზული როლი მიიღო ფილმში „ტელმა და ლუიზა“.

„იქს ადამიანების“ ახალი ნაწილის პრემიერა კვლავ გადაიდო

„იქს ადამიანები: ბნელი ფენიქსი“, სადაც მთავარ როლს სოფი ტერნერი ასრულებს, კინოთეატრებში მხოლოდ 2019 წელს გამოვა.

თავდაპირველად, პრემიერის თარიღად 1 ნოემბერი მოიაზრებოდა, შემდეგ ამ რიცხვმა 2019 წლის 14 თებერვლამდე გადაიწია, ამჟამად კი ვგებულობთ, რომ ფილმი მომდევნო წლის ბოლომდე არ გამოვა.

ამ დროისთვის უცნობია, რა გახდა პრემიერის გრაფიკის შცვლის მიზეზი.

მაიკლ ბუბლემ დაადასტურა, რომ მალე მამა მესამედ გახდება

იმის შესახებ, რომ მაიკლ ბუბლე და ლუისიანა ლოპილატო მშობლები მესამედ გახდებიან, ცნობილი წლის დასაწყისში გახდა, თუმცა ამ დრომდე ვარსკვლავები ამ თემაზე კომენტარის გაკეთებისგან თავს იკავებდნენ.

Juno Awards-ზე კი, კანადელმა მუსიკოსმა ეს ამბავი ოფიციალურად დაადასტურა:

თქვენ აავსეთ ჩემი ცხოვრება ბედნიერებით, სიყვარულითა და წარმატებით. 5 წლის წინ, როდესაც ეს ცერემონია პირველად მიმყავდა, ორსულად ვიყავი. უფრო სწორედ, ჩემი ცოლი იყო. მოკლედ, ჩვენ ერთად ველოდებოდით ჩვენს პირველ შვილს. და აი, ახლაც, ჩვენ ეს ისევ გავაკეთეთ და მალე მესამე შვილის მშობლები გახდებით! მიყვარხარ, ჩემო საყვარელო“, – განაცხადა მომღერალმა სცენიდან.

შეგახსენებთ, რომ წყვილს ვაჟიშვილები – 4 წლის ნოა და 2 წლის ელიასი ჰყავს. 2016 წელს, ნოას სიმისვნე დაუდგინეს, რომლის გამოც, ცნობილმა მშობლებმა რამდენიმე თვით უარი თქვეს კარიერაზე. 2017 წლის გაზაფხულზე კი ცნობილი გახდა, რომ ნოამ დაავადება დაამარცხა და მკურნალობამ შედეგი გამოიღო.

PSY ჩრდილოეთ კორეაში კონცერტებს გამართავს

სამხრეთ კორეელი მუსიკოსი PSY, რომელმაც პოპულარობა 2012 წელს ჰიტით Gangnam Style მოიპოვა, შესაძლოა გასტროლებზე ჩრდილოეთ კორეაში გაგზავნონ.

აღსანიშნავია, რომ კონცერტების ორგანიზატორი სამხრეთ კორეის ხელისუფლებაა. PSY კი 31 მარტიდან 3 აპრილამდე დაგეგმილ ღონისძიებებზე გამოვა, რომლებიც ფხენიანში გაიმართება.

შეგახსენებთ, რომ Gangnam Style 2012 წლის ივლისში გამოვიდა და სამ მილიარდზე მეტი ნახვა მოაგროვა.

ლანა დელ რეიმ და Radiohead-მა შეთანხმებას მიაღწიეს

მომღერალი ლანა დელ რეი ჯგუფ Radiohead-ს საავტორო უფლებებთან დაკავშირებით მოელაპარაკა. დავის საგანი სიმღერა „Get Free“ გახდა, რომელიც კოლექტივმა საკუთარ ჰიტს „Creep“ მიამსგავსა და მომღერალი პლაგიატში დაადანაშაულა.

გასულ უქმეებზე, ფესტივალ Lollapalooza-ს ფარგლებში, მომღერალმა სწორედ ზემოთ აღნიშნული სიმღრა შეასრულა და მსმენელს განუცხადა, რომ საქმე დარეგულირდა. „როგორც ჩანს, ამ სიმღერას მაშინ ვიმღერებ, როცა მომინდება“, – დაამატა მან.

Radiohead-ის მხრიდან ამ ფაქტზე კომენტარი ჯერ არ გაკეთებულა.

ბიონსე და ჯეი ზი იამაიკაზე ისვენებენ (ფოტო)

ბიონსე და ჯეი ზი ერთობლივი ტურნეს ფარგლებში პრომო-რგოლის გადაღებას განაგრძობენ. რამდენიმე დღის წინ, ისინი იამაიკის ქუჩებში მოტოციკლით სეირნობის დროს გადაიღეს.

ამჟამად კი, ცნობილმა დუეტმა ჰიპების როლი მოირგეს. მკაფიო კოსტიუმებში გადაღებების დროს ისინი პაპარაცებმა დააფიქსირეს. ისინი დასვენებულები და ბედნიერები ჩანდნენ.

შეგახსენებთ, რომ მათი ტურნე On the Run II  სტარტს 6 ივნისს კარდიფში აიღებს. 15 კონცერტს ისინი ევროპის სხვადასხვა ქალაქში, ხოლო 21 კონცერტს – ჩრდილოეთ ამერიკაში გამართავენ.

„შავი პანტერა“ ყველაზე შემოსავლიანი კომიქსია

კომპანია Marvel-ის ბლოკბასტერმა „შავმა პანტერამ“ კინოგაქირავებაში 624 მილიონი დოლარი გამოიმუშავა და ყველა დროის ყველაზე შემოსავლიანი კომიქსი გახდა. აქამდე ეს წოდება „შურისმაძიებლებს“ ეკუთვნოდათ, რომელიც 2012 წელს გამოვიდა და რომლის ანგარიშზეც 623 მილიონი დოლარია. აღსანიშნავია, რომ ეს უკანასკნელიც Marvel-ს ეკუთვნის.

„შავი პანტერას“ პრემიერა 16 თებერვალს შედგა.

ჯეკ უაიტმა მესამე ალბომი გამოუშვა

ამერიკელმა მუსიკოსმა და მსახიობმა, ჯეკ უაიტმა ალბომი სახელწოდებით „Boarding House Reach“ გამოუშვა. დისკის პროდიუსერი თავად უაიტია.

რელიზი რიგით მესამე სრულფასოვანი ნამუშევარია მომღერლის დისკოგრაფიაში. თაყვანისმცემლებისგან მან სხვადასხვა რეაქციები მოიპოვა.

აქამდე ალბომის მხარდასაჭერად სინგლები „Connected by Love“, „Respect Commander“, „Corporation“ და „Over and Over and Over“ გამოვიდა.

კაპიტანი ამერიკა „შურისმაძიებლებიდან“ მიდის

მსახიობი კრის ევანსი Marvel-ის კინოსამყაროდან წასვლაზე დაფიქრდა. როგორც გამოცემა Variety წერს, კაპიტანმა ამერიკამ, შესაძლოა, „შურისმაძიებლები“ მეოთხე ნაწილის გადაღებების შემდეგ დატოვოს. ფილმი დიდ ეკრანებზე 2019 წლის მაისში გამოდის.

ევანსი ლაპიტანი ამერიკის როლს 2011 წლიდან ასრულებს. ის პროექტის ერთ-ერთი ყველაზე პოპოულარული პერსონაჟია.

რაიან რეინოლდსი ბლეიკ ლაივლის თვალს ვერ წყვეტს (ფოტო)

რაიან რეინოლდსი და ბლეიკ ლაივლი ფილმის „უკანასკნელი პორტრეტი“ საპრემიერო ჩვენების წითელ ხალიჩაზე გამოჩნდნენ. ჰოლივუდის ერთ-ერთ ლამაზ წყვილად მიჩნეულმა მსახიობებმა ფოტოკამერების წინაშე იპოზიორეს.

ლამაზმანი Oscar de la Renta-ს პალტოში იყო გამოწყობილი, რომელიც ყვავილების პრინტით იყო გაფორმებული. მოგვიანებით მან პალტო გაიხადა და Monse-ს ულამაზესი ასიმეტრიული კაბითა და Christian Louboutin-ის ფეხსაცმლით დარჩა.

თვალშისაცემი იყო რეინოლდსის რეაქციები, როდესაც მეუღლეს უყურებდა. ის ლაივლის წამითაც არ აცილებდა თვალს და ეს ყველასთვის გასაგები იყო, რადგან ლამაზმანი მართლაც შეუდარებლად გამოიყურებოდა.

მადამ ტიუსოს მუზეუმს მეგან მარკლის ძვირადღირებული ფიგურები შეემატება

მადამ ტიუსოს მუზეუმმა პრინცი ჰარის საცოლის, მეგან მარკლის ფიგურაზე მუშაობა დაიწყო. ექსპონატები ლონდონსა და ნიუ-იორკში გამოჩნდება.

დაწესებულების წარმომადგენლებმა დაადასტურეს, რომ მომავალი პრინცესას ორ ცვილის ორეულს შექმნიან და თითოეული მათგანის ღირებულება 210 ათასი დოლარი იქნება. მარკლის ფიგურას მისი ფოტოების მიხედვით შექმნიან.

შეგახსენებთ მუზეუმში უკვე მოიპოვება დედოფალ ელიზაბეტ მეორეს, პრინც ჩარლზის,  კამილა პარკერის, უილიამისა და ჰარისა და კეიტ მიდლტონის ცვილის ორეულები.

ანჯელინა ჯოლიმ ქალიშვილებთან ერთად ნაყინის დღე მოიწყო (ფოტო)

პაპარაცებმა ანჯელინა ჯოლი შვილებთან ერთად ლოს-ანჯელესის ქუჩებში გადაიღეს. ვარსკვლავი დედა ქალიშვილებთან ერთად ჯერ საყიდლებზე წავიდა, შემდეგ კი გოგონები ნაყინზე დაპატიჟა. ჰოლივუდურ ოჯახს დაცვის წევრიც ახლდა თან.

ბოლო დროს, ჯოლი შვილებთან ერთად სულ უფრო ხშირად ჩნდება არაოფიციალური გასვლებით. შეგახსენებთ, რომ მისი და ბრედ პიტის დაშორება ამ დრომდე არ დასრულებულა, გადასაწყვეტია შვილების მეურვეობის საკითხიც.

ჟიზელ ბუნდჰენი საკუთარ ცხოვრებაზე წიგნს დაწერს

მსოფლიოს ერთ-ერთი პოპულარული სუპერმოდელი, ჟიზელ ბუნდჰენი წიგნზე მუშაობს, რომელშიც ის საკმაოდ მნიშვნელოვან თემებს შეეხება: როგორ შევუთავსოთ ერთმანეთს სამსახური, მედიტაცია, სპორტი და ამასთან ერთად, გარსშემომყოფების სიყვარულიც დავიმსახუროთ.

ინფორმაცია წიგნის შესახებ ბუნდჰენმა „ინსტაგრამზე“ დააანონსა. პირველი ეგზემპლარის შეძენა შემოდგომაზე იქნება შესაძლებელი. გაყიდვები 2 ოქტომბერს დაიწყება. წიგნი 27 დოლარი ეღირება.

ჯანმრთელობის პრობლემების გამო სელინ დიონმა კონცერტები გადადო

სელინ დიონმა ლას-ვეგასში დაგეგმილი კონცერტები ჯანმრთელობის მდგომარეობის გამო გადადო. ინფორმაცია ოფიციალურად მის ფეისბუქ-გვერდზე დადასტურდა.

საუბარია 27 მარტიდან 18 აპრილამდე დაგეგმილ კონცერტებზე.

როგორც აღმოჩნდა, ბოლო წელს დიონი ყურის პრობლემით იტანჯება, რომლის გამოც მას სიმღერა ძალიან უჭირს. მკურნალობას ყურის სხვადასხვა წვეთი შველოდა, თუმცა ბოლო დროს მოქმედება წამალმაც დაკარგა, ამიტომ გარდაუვალი გახდა ქირურგიული ჩარევა.

დიონმა თაყვის თაყვანისმცემლებს ბოდიში პირადად მოუხადა. კონცერტები 22 მაისს განახლდება.

Fifth Harmony უვადო შემოქმედებით პაუზას აიღებს

ჯგუფმა Fifth Harmony უვადო შემოქმედებითი პაუზის შესახებ განაცხადა. მიზეზებზე გოგონებმა დუმილი ამჯობინეს.

ლოურენ ჰურეგიმ, დინა ჯეინ ჰანსენმა, ელი ბრუკმა და ნორმანი კორდემ გადაწყვიტეს, რომ ძალები სოლო კარიერაში მოსინჯონ, როგორც ეს წლების წინ Destiny’s Child-ის წევრებმა გააკეთეს.

თაყვანისმცემლებს გოგონები დაპირდნენ, რომ ყველა დაგეგმილ კონცერტს გამართავენ და სცენას მხოლოდ ამის შემდეგ დატოვებენ.

შეგახსენებთ, რომ კოლექტივი 2012 წელს შოუ X Factor-ის წყალობით შეიქმნა.

ტინა კუნაკი და ვენსან კასელი ქორწილისთვის ემზადებიან

ფრანგმა მოდელმა, ტინა კუნაკიმ „ინსტაგრამზე“ გააზიარა ფოტო, სადაც მას ბრილიანტის ბეჭედი უკეთია და ის ძალიან ჰგავს ნიშნობის ბეჭედს. მიუხედავად იმისა, რომ თავად ლამაზმანს კომენტარი არ გაუკეთებია, თაყვანისმცემლებმა დაასკვნეს, რომ 20 წლის კუნაკი და 51 წლის ვენსან კასელი დაქორწინებას გეგმავენ.

შეგახსენებთ, რომ წყვილის მიმართ თავიდანვე გადამეტებული ყურადღება იყო მიპყრობილი, თუმცა მათზე არც ასაკში 31 წლიანი სხვაობა მოქმედებს, რაც სხვების აზრით პრობლემას ქმნიდა. ბევრჯერ გავრცელდა ხმები მათი დაშორების შესახებაც, მაგრამ როგორც ჩანს, მოდელსა და მსახიობს ურთიერთობაში ყველაფერი რიგზე აქვთ.

i wish i woke up like this @lorealhair

A post shared by Tina Kunakey Di Vita (@tinakunakey) on

„ინდიანა ჯონსის“ მეხუთე ნაწილის გადაღებები მომდევნო წლის აპრილში დაიწყება

ცნობილი არქეოლოგისა და თავგადასავლების მაძიებლის, ინდიანა ჯონსის შესახებ ფილმის გადაღებები 2019 წლის აპრილში დაიწყება. ასეთი განცხადება რეჟისორმა სტივენ სპილბერგმა გააკეთა.

მსახიობთა შემადგენლობა ამ დროისთვის უცნობია. სავარაუდოდ, ექიმ ჯონსის როლში უკანასკნელად დაბრუნდება ჰარისონ ფორდი.

ფილმი დიდ ეკრანებზე 2020 წელს გამოვა. მეოთხე ნაწილი ეკრანებზე 2008 წელს გამოვიდა და მიუხედავად კრიტიკისა, მსოფლიო კინოგაქირავებაში 700 მილიონი დოლარი გამოიმუშავა.

 

„ლედი და მაწანწანალას“ მიხედვით სრულმეტრაჟიან ფილმს გადაიღებენ

ჩარლი ბინი „დისნეის“ ცნობილ მულტფილმს, „ლედი და მაწანწალას“  ეკრანიზაციით დაკავდება. ამ უკანასკნელის ყველაზე ცნობილი ნამუშვარია „ლეგო ნინძაგო“.

რიმეიქის სცენარი ენდრიუ ბუჯალსკიმ დაწერა. რაც შეეხება ფილმის დიდ ეკრანებზე გამოსვლის თარიღს, ის 2019 წლის შემოდგომისთვის არის დანიშნული.

მულტფილმის ორიგინალი ბერსია ეკრანებზე 1955 წელს გამოვიდა და ის ერთ-ერთი ყველაზე პოპულარული ანიმაციაა.

ახალი როლისთვის რენე ზელვეგერის ცნობა კვლავ შეუძლებელია (ფოტო)

რენე ზელვეგერი იმ მსახიობების რიცხვს განეკუთვნება, ვინც როლისთვის ექსპერიმენტებს არ ერიდება.  ბრიჯიტ ჯონსის როლისთვის მან დაახლოებით 20 კილოგრამი მოიმატა და შემდეგ მის დაკლებაზე ჯანმრთელობის პრობლემებიც კი შეექმნა.

ახალ ფილმში ის ჯუდი გარლენდის როლს ასრულებს. რისთვისაც მას მთლიანად მოუწია ვიზუალის შეცვლა.

ფილმში მოქმედება 60 იან წლებში, გარლენდის გარდაცვალებამდე ცოტა ხნით ადრე მოხდა. შეგახსენებთ, რომ ის ორჯერ იყო ნომირირებული „ოსკარზე“, ხოლო მისი ყველაზე ცნობილი ჰიტია „Somewhere Over The Rainbow“.

H&M-ის ფემინისტურ ვიდეოში ელიზაბეტ ოსენი და უაინონა რაიდერი მონაწილეობენ (ვიდეო)

H&M-მა წარმოადგინა ვიდეო, რომელშიც მთავარ როლებს მსახიობები უაინონა რაიდერი და ელიზაბეტ ოლსენი ასრულებენ.  ვიდეოს შინაარსი არა როგორც ყოველთვის რომანტიკული განწყობა, არამედ ქალების ერთმანეთისადმი თანადგომაა.

კომპანიის მკაფიოდ ფემინისტურ გზავნილზე უაინონა რაიდერმა კმაყოფილება გამოთქვა და განაცხადა, რომ მოხარულია, რომ კომპანია თავისებურად უცხადებს მხარდაჭერას ქალებს.

ახალი კოლექცია გაყიდვაში 22 მარტიდან გამოვა.

სკარლეტ იოჰანსონმა იმიჯი შეიცვალა (ფოტო)

სკარლეტ იოჰანსონი ახალ ფილმში მონაწილეობს. ამ დღეებში მსახიობი პაპარაცებმა ნიუ-იორკში, გადასაღებ მოედანზე გადაიღეს. ფოტოებიდან ჩანს, რომ როლისთვის იოჰანსონმა რადიკალურად შეიცვალა იმიჯი: ვარსკვლავი გამოემშვიდობა ქერა თმას და უპირატესობა წაბლისფერ კარეს მიანიჭა.

უცნობია ფილმი, რომელშიც მსახიობი მონაწილეობს, თუმცა, როგორც წესი, უახლოეს მომავალში ამის შესახებაც დაიწერება.

ბეტმენის შესახებ სოლო ფილმის გადაღებები 2019 წელს დაიწყება

ბეტმენის შესახებ სოლო ფილმის გადაღებები 2019 წელს დაიწყება, შესაბამისად, პრემიერა 2020 წლის ბოლოს ან 2021 წლის დასაწყისში იგეგმება.

ამ დრომდე უცნობია, ვინ შეასრულებს მთავარ როლს. შეგახსენებთ, რომ უკანასკნელად ბეტმენი ბენ აფლეკმა განასახიერა.  ერთ-ერთი შესაძლო კანდიდატურაა ჯეიკ ჯილენჰოლი, თუმცა რამდენად გაკეთდება არჩევანი მასზე, უცნობია.

 

“შურისმაძიებლების” ახალ ტრეილერ სრეკორდულად ბევრმა ადამიანმა უყურა (ვიდეო)

ქსელში ფილმის „შურისმაძიებლები: უსასრულობის ომი“ ახალი ტრეილერი გამოვიდა, რომელიც რამდენიმე საათში 20 მილიონმა ადამიანმა უყურა.

ფილმის რეჟისორი ჯო რუსოა, მთავარ როლებს კი მასში რობერტ დაუნი-უმცროსი, კრის ევანსი, კრის ჰემსვორტი, სკარლეტ იოჰანსონი, მარკ რუფალო, ელიზაბეტ ოლსენი, ტომ ჰოლანდი, ბენედიქტ კამბერბეტჩი და სხვა ვარსკვლავები ასრულებენ.

დიდ ეკრანებზე ფილმი 27 აპრილიდან გამოვა.

„ლარა კროფტმა“ „შავი პანტერას“ რეკორდი ვერ მოხსნა

გასულ უქმეებზე ლარა კროფტის შესახებ ახალი ფილმი კინოგაქირავებაში გამოვიდა და 22 მილიონი დოლარიც გამოიმუშავა. თუმცა, როგორც ამას უმეტესობა მოელოდა, მან ვერ შეძლო „შავი პანტერის“ უკან ჩამოტოვება, რომელმაც პირველ უქმეებზე 27 მილიონი დოლარი გამოიმუშავა.

შეგახსენებთ, რომ ეს უკანასკნელი უკვე მეხუთე კვირაა რეიტინგის სათავეში იმყოფება. ამ დროის მანძილზე მან 600 მილიონი დოლარი გამოიმუშავა.

 

ჯენიფერ ლოპესმა ალექს როდრიგესთან ქორწინებაზე ისაუბრა

ერთ-ერთ უკანასკნელ ინტერვიუში ჯენიფერ ლოპესმა პირად ცხოვრებასა და ალექს როდრიგესთან მოსალოდნელ ქორწინებაზე ისაუბრა. მისი თქმით, მას ჯერ კიდევ სჯერა ქორწინების, თუმცა ამ ეტაპზე მას და ალექსს ის აკმაყოფილებთ, რაც აქვთ. „მინდა, ვინმესთან ერთად დავბერდე, მაგრამ მას არაფერს ვაიძულებ: ორივე ყურადღების ცენტრში აღმოვჩნდით ახალგაზრდა ასაკში, ეს კი ცხოვრების ყველა სფეროზე დიდ გავლენას ახდენს“.

ვარსკვლავმა იმაზეც ისაუბრა, როგორ ახერხებს ახალგაზრდულად გამოიყურებოდეს 48 წლის ასაკში: „მე არ მაქვს ასაკი და დროის შეგრძნება – ამას ყოველ დღე და დღეში რამდენჯერმე ვუმეორებ ჩემს თავს. ბანალურად ჟღერს, მაგრამ ასაკი მართლა ციფრებია და ის ჩვენ ამოვიჩემეთ“.

 

 

გვენ სტეფანი და ბლეიკ შელტონი ერთმანეთს დაშორდნენ

რამდენიმე კვირის წინ ცნობილი გახდა, რომ გვენ სტეფანიმ ბლეიკ შელტონის შეთავაზებას, ცოლად გაყოლასთან დაკავშირებით, უარით უპასუხა. დღეს კი ცნობილი გახდა, რომ წყვილი ერთმანეთს დაშორდა. ამ გადაწყვეტილებით შოკირებულია სტეფანი, რომელმაც არ იცის, რა მოხდა.

ბოლო დროს, შელტონმა სტეფანისთან ურთიერთობის ხანგრძლივობა შეამცირა, თუმცა ეს უკანასკნელი საკუთარი გრძნობების დემონსტრირების მაინც აგრძელებდა. ინსაიდერის თქმით, ბლეიკი გვენის გაუთავაბელმა ეჭვიანობამ დაღალა და მომღერლისგან ის მოულოდნელად წავიდა, ისე, რომ ამის შესახებ არაფერი უთქვამს. ამასთან, შელტონმა ყოფილ მეუღლესთან, მირანდა ლამბერტთანაც აღადგინა ურთიერთობა.

შეგახსენებთ, რომ ბლეიკისა და გვენის რომანი 2015 წელს დაიწყო. მუსიკოსებმა ერთმანეთი შოუში „ახალი ხმა“ გაიცნეს, სადაც ორივე მენტორი იყო.

კრისტენ სტიუარტი პოლიტიკურ ტრილერში ფრანგული კინოს ვარსკვლავს განასახიერებს

კრისტენ სტიუარტი ფრანგული კინოს ვარსკვლავს, ჯინ სიბერგს განასახიერებს ფილმში „მტრების წინააღმდეგ“.

სიბერგი – არამარტო მსახიობი, არამედ აქტიური საზოგადო მოღვაწე იყო. 60-იან წლებში ის სამოქალაქო უფლებებისთვის და ფერადკანიანთა მიმართ სამართლიანი დამოკიდებულებისთვის იბრძოდა, რითიც გამოძიების ფედერალური ბიუროს ყურადღება მიიქცია.  ამ უკანასკნელმა მსახიობის მიმართ ნამდვილი დევნა დაიწყო: როდესაც ჯინი მეუღლისგან მეორე ბავშვზე იყო ორსულად, საზოგადოებაში გაჩნდა ჭორები, რომ ბავშვის მამა სინამდვილეში ჰაკიმ ჯამალი იყო – ფერადკანიანი აქტივისტის და იმ პარტიის თავმჯდომარე, რომლისთვისაც მსახიობი იბრძოდა. ისტორია იმით დასრულდა, რომ სიბერგმა შვილი დაკარგა, გაშორდა მეუღლეს, ჩავარდა დეპრესიაში და დაიწყო ალკოჰოლის მიღება. 1979 წელს, 40 წლის ასაკში, სიბერგმა თავი მოიკლა.

ფილმის რეჟისორი ბენედიქტ ენდრიუსია, რომლის ფილმოგრაფია ერთი სრულმეტრაჟიანი ჰოლივუდური დრამისგან შედგება – „უნა“ რუნი მარას მონაწილეობით, რომელიც 2017 წლის მარტში გამოვიდა.

ვარსკლვლავები ელტონ ჯონისთვის ალბომს ჩაწერენ

მსოფლიო ვარსკვლავები ელტონ ჯონისა და მისი სიმღერების ავტორისთვის, ბერნი ტოპინისთვის, ორმაგ ალბომს ჩაწერენ. ჩაწერაში მონაწილეობას მიიღებენ ედ შირანი, ლედი გაგა, მაილი საირუსი, მირანდა ლამბერტი, დოლი პარტინი, დემი ლოვატო, სემ სმიტი, The Killers, Coldplay და სხვები.

ძალიან დიდი კომპლიმენტია, როდესაც შენი სიმღერები არტისტებს ისე მოსწონთ, რომ ისინი მათ გადამუშავებაზე დროსა და ენერგიას ხარჯავენ“, – განაცხადა ელტონ ჯონმა.

დისკებს „Revamp“ და „Restoration“ ერქმევა და ისინი 6 აპრილს გამოვა.

ახალი სიმღერის გამო, ჰარი სტაილზი ბისექსუალად მიიჩნიეს (აუდიო)

ჰარი სტაილზმა ახალი სიმღერა სახელწოდებით „Medicine“ გამოუშვა, რომელმაც თაყვანისმცემლებში გაურკვევლობა გამოიწვია – სიახლეს „ბისექსუალების ჰიმნი“ შეარქვეს.

სიმღერა სტაილზმა პირველად პარიზში გამართულ კონცერტზე შეასრულა. ამ ეტაპზე ის სინგლის ფორმატით არ გამოსულა და არც მომღერლის ახალ ალბომში შედის, ამიტომ მისი მოსმენა მხოლოდ საკონცერტო ვერსიის ვიდეოშია შესაძლებელი.

ყურადღება მიიქცია სიმღერის ერთმა ფრაზამ: „The boys and the girls are here/ I mess around with him/ And I’m OK with it“ („ბიჭებიც და გოგონებიც აქ არიან/ყველანი ერთად ვერთობით/და  მე მომწონს ეს“).

ცნობილი ქალები, რომლებიც მეორე ნახევრებზე წარმატებულები არიან

ჰოლივუდში არსებობენ თანაბრად პოპულარობის წყვილები, თუმცა საკმაოდ დიდ ნაწილს წარმოადგენენ ისეთებიც, როდესაც ქალები მათ მეორე ნახევრებთან შედარებით გაცილებით წარმატებულები და პოპულარულები არიან.

 

 

ჯულია რობერტსი და დენი მოდერი

მეთიუ პერისთან, ლიამ ნისონთან და დენიელ დეი-ლიუისთან რომანების შემდეგ, რობერტსმა ოჯახური ბედნიერება ოპერატორის დამხმარესთან, დენი მოდერთან იპოვა, მათი გაცნობის მომენტში დენი არამარტო ყველასთვის უცნობი, არამედ დაქორწინებულიც იყო. რობერტსმა საკუთარი ბედნიერებისთვის ბრძოლა გადაწყვიტა, კონკურენტს სოლიდური კომპენსაცია გადაუხადა და დღეს მეუღლესთან ერთად სამ შვილს ზრდის, იშვიათადა თანხმდება გადაღებებს და მას ოჯახურ იდილიას ამჯობინებს.

 

ენ ჰეთევეი და ადამ შულმანი

ოსკაროსანმა ენ ჰეთევეიმ ცხოვრების მეგზურად არა ცნობილი მსახიობი ან პროდიუსერი, არამედ იუველირი ადამ შულმანი შეარჩია. წყვილი 2012 წელს დაქორწინდა, 2016-ში კი ვაჟიშვილის მშობლები გახდნენ. ისინი იშვიათად საუბრობენ თავის ურთიერთობაზე და წყნარი ოჯახური იდილიით ტკბებიან.

 

რიზ უიზერსპუნი და ჯიმ ტოტი

რიზ უიზერსპუნი რაიან ფილიპს ცოლად 1999 წელს გაყვა და მასთან ორი შვილი გააჩინა. ერთი შეხედვით, მისი ცხოვრების მამაკაცი სწორედ ის იყო, თუმცა 2008-ში ისინი დაშორდნენ.  2011 წელს უიზერსპუნი ცოლად მსახიობების აგენტს, ჯიმ ტოტს გაყვა, რომელთანაც 2012 წელს ვაჟიშვილი ეყოლა. მას შემდეგ წყვილი განუყოფელია.

 

ნიკოლ კიდმანი და კიტ ურბანი

ნიკოლ კიდმანის მეუღლე, ქანთრი-მუსიკოსი კიტ ურბანი ფართო მასებისთვის არც ისე ცნობილია. ისინი ერთად 11 წელზე მეტია არიან. წყვილმა ურბანის ღალატი გადალახა და ამ ეტაპზე ბედნიერად ცხოვრობს ორ ქალიშვილთან ერთად, პერიოდულად ერთად ჩნდებიან წითელ ხალიჩაზე და გრძნობების დემონსტრირებას ახდენენ.

ლედი გაგასა და კრისტიან კარინოს რომანტიკა მალიბუს სანაპიროზე (ფოტო)

ბოლო დროს, ჯანმრთელობის პრობლემების გამო, ლედი გაგა სულ უფრო იშვიათად ჩნდება საზოგადოებაში. გასულ თვეს მომღერალმა 10 კონცერტი გადადო, რომელსაც ტურნეს Joanne ფარგლებში მართავდა და სცენაზე დაბრუნებას ჯერ კიდევ არ ჩქარობს.

ამ დღეებში პაპარაცებმა ვარსკვლავი მალიბუს სანაპიროზე ბოიფრენდთან, კრისტიან კარინოსთან ერთად გადაიღეს.  როგორც ჩანს, წყვილს ურთიერთობაში სრული ჰარმონია აქვს: ისინი ჯერ ერთად წავიდნენ საყიდლებზე, შემდეგ კი სანაპიროზე გაისეირნეს.

ტეილორ სვიფტს პლაგიატში Kenzo ადანაშაულებს

ტეილორ სვიფტის ახალი კლიპის „Delicate“ გამოსვლის შემდეგ, ინტერნეტმომხმარებლებმა შეამჩნიეს, რომ ვიდეო ძალიან ჰგავდა Kenzo-ს რეკლამას. ბრენდის წარმომადგენლებმა ეს მსგავსება ასევე დაინახეს და ვარსკვლავი პლაგიატში დაადანაშაულეს.

2016 წელს, Kenzo-მ რგოლი მარგარეტ კუელისთან ერთად გამოუშვა. ვიდეოების სიუჟეტი თითქმის იდენტურია: მთავარი პერსონაჟები ცეკვავენ ისე, თითქოს მათ ვერავინ ხედავს. განსხვავება მხოლოდ სვიფტისა და კუელის კაბების ფერებშია.

ბრენდის წარმომადგენლებს სასამართლოში არ უჩივლიათ, თუმცა სვიფტს სოციალური ქსელის საშუალებით მიმართეს: „ტეი, ჩვენ ყველაფერი გვესმის. შეუძლებელია, ყველაფერში პირველი იყო. დაგვირეკე და ჩვენ დაგეხმარებით“.

მაილი საირუსს პლაგიატში ადანაშაულებენ

მაილი საირუსსა და მის ლეიბლს RCA Records პლაგიატში ადანაშაულებენ. საქმე სასამართლოში იამაიკელმა მუსიკოსმა მაიკლ მეიმ აღძრა, რომელიც ფსევდონიმით Flourgon მოღვაწეობს.

მისი მტკიცებით, საირუსის 2013 წლის ჰიტი „We Can’t Stop“ ძალიან ჰგავს მის 1988 წელს დაწერილ სიმღერას „We Run Things“. მეის თქმით, მის ნამუშევრებს მთელი მსოფლიოს მასშტაბით რეგის თაყვანისცმემლები უსმენენ და ის ძალიან უყვართ. ზარალის ასანაზღაურებლად კი ის 300 მილიონ დოლარს ითხოვს.

მაილი საირუსის წარმომადგენელს ამ ფაქტზე კომენტარი ჯერ არ გაუკეთებია.

 

10 უჩვეულო ფაქტი სტივენ ჰოკინგის შესახებ, რომელზეც აქამდე არაფერი იცოდით

თანამედროვეობის ლეგენდარული მეცნიერი, სტივენ ჰოკინგი გამთენიისას 76 ასაკში საკუთარ სახლში გარდაიცვალა. გთავაზობთ რამდენიმე ფაქტს მისი ცხოვრებიდან, რომელზეც აქამდე არაფერი გსმენიათ:

  • სტივენ ჰოკინგი 1942 წლის 8 იანვარს ოქსფორდიში დაიბადა – ზუსტად 300 წლის შემდეგ ასტრონომ გალილეო გალილეის გარდაცვალებიდან. 21 წლის ასაკში მას ამიოტროფიული გვერდითი სკლეროზი დაუდგინეს. ექიმებმა მას მაქსიმუმ 2-3 წლის სიცოცხლის გარანტია მისცეს.
  • სკოლაში სტივენი ქაოტურად სწავლობდა, თუმცა საკმაოდ კარგად ერკვეოდა მათემატიკასა და ქიმიაში. 9 წლის ასაკში კლასში მისი ნიშნები ერთ-ერთი ყველაზე დაბალი იყო, თუმცა მასწავლებლები აღიარებდნენ მის გენიალურობას და სკოლაში ზედმეტსახელად „აინშტაინიც“ შეარქვეს.
  • მამამისს სურდა, რომ სტივენი ექიმი გამოსულიყო, მაგრამ მას ბიოლოგია სრულებით არ აინტერესებდა.
  • სამეფო გაერთიანებაში შეხვედრის დროს, ჰოკინგმა ცნობილ ასტროფიზიკოსს, ფრედ ჰოილს ლექცია იმისთვის შეაწყვეტინა, რათა მის მიერ დაშვებული შეცდომა შეესწორებინა. როდესაც მას ჰკითხეს, როგორ აღმოაჩინა ეს შეცდომა, მან უპასუხა: „უბრალოდ, ჩემთვის ეს მონაცემები უკვე მოთვლილი მქონდა“.
  • 70-იან წლებში ჰოკინგმა კოსმოლოგიაში მნიშვნელოვანი წვლილი შეიტანა, ეს იყო ჰოკინგის სწავლების გახსნა, რომელიც შავი ხვრელების ენერგიას შეეხებოდა.
  • 1980 წელს, პროფესორმა ჰოკინგმა და პროფესორმა ჯიმ ჰარტლმა სამყაროს მოდელი წარმოადგინეს, რომელსაც დროსა და განზომილებაში არ ჰქონდა საზღვარი. მოგვიანებით ამის შესახებ წიგნი სახელწოდებით „დროის მოკლე ისტორია“ გამოვიდა, რომელიც მთელი მსოფლიოს მასშტაბით 25 მილიონი ეგზემპლარი გაიყიდა.
  • 1985 წელს სტივენ ჰოკინგი პნევმონიით დაავადდა. მდგომარეობა იმდენად რთული იყო, რომ ექიმებს მისი აპარატიდან გამორთვა ჰქონდათ გადაწყვეტილი. ამაზე უარი განაცხადა მისმა მეუღლემ, ჯეინმა და მედიკოსებმა ტრაქეოტომია ჩაატარეს, რათა მეცნიერისთვის სიცოცხლე შეენარჩუნებინათ. ამის შედეგად ჰოკინგმა მეტყველების უნარი დაკარგა, რომლის გამოც სიცოცხლის ბოლომდე ხმოვანი სინთეზატორის დახმარებით მეტყველებდა.
  • ჰოკინგი – მეცნიერების „პოპ-ვარსკვლავია“. ის გამოჩენილა „სიმპსონებში“, „ვარსკვლავურ ომებსა“ და „დიდი აფეთქების თეორიაში“, ხოლო Pink Floyd-ის რამდენიმე სიმღერაში („Keep Talking““, „Talkin Hawkin“) მისი ხმა ისმის.
  • მიუხედავად იმისა, რომ სტივენს უამრავი პრესტიჟული სამეცნიერო ჯილდო აქვს მიღებული, მას არ მიუღია ნობელის პრემია. ოქსფორდში ის 30 წლის განმავლობაში იმავე კათედრას იკავებდა, რასაც ისააკ ნიუტონი.
  • ბოლო დროს ის აქტიურად საუბრობდა სამყაროს აღსასრულზე – გლობალური დათბობის, ახალი მკვლელი-ვირუსების გამოგონებისა და კომეტების მოქმედების შედეგად. ადამიანებს ის სხვა პლანეტებზე გადასახლებისკენ მოუწოდებდა. ჰოკინგს ღრმად სწამდა უცხოპლანეტელების არსებობაც.

ეფექტური ალისია ვიკანდერი „ლარა კროფტის“ ლოს-ანჯელესურ პრემიერაზე (ფოტო)

ლოს-ანჯელესში ფილმის „ლარა კროფტი: სამარხების მძარცველი“ პრემიერა გაიმართა. წითელ ხალიჩაზე მთავარი როლის შემსრულებელი ალისია ვიკანდერი გამოჩნდა, რომელმაც ღონისძიებისთვის საკმაოდ ეფექტური ვიზუალი შეარჩია.

ოსკაროსან მსახიობმა მაქსი-კაბა ეცვა ღრმა დეკოლტით, რომელიც მისი სხეულის ფორმებს უსვამდა ხაზს. ალისიამ უპირატესობა კლასიკურ მაკიაჟს მიანიჭა, მკვეთრად შეღებილი თვალები და ბორდოსფერი ტუჩსაცხი მას კიდევ უფრო ელეგანტურს ხდიდა. ულამაზეს კაბას კი მსახიობმა დიდი ზომის საყურეები მოუხდინა.

ბიონსესა და ჯეი–ზის ერთობლივი ტურნე ივნისში დაიწყება

მას შემდეგ, რაც ბიონსეს რეზონანსული ალბომი Lemonade გამოვიდა, მედია გამუდმებით მასსა და მის მეუღლეს, ჯეი-ზის შორის არსებულ კრიზისზე წერს. 2017 წლის ბოლოს, რეპერმა აღიარა, რომ ცოლს უღალატა, თუმცა მან დააზუსტა, რომ მან და ბიონსემ ოჯახის შენარჩუნება შეძლეს. ამ ფაქტის კიდევ ერთხელ დასადასტურებლად კი, ვარსკვლავური წყვილი ერთობლივ ტურნეში – On the Run II წავიდა.

ტურნეს მხარდასაჭერად, მათ გამოაქვეყნეს ვიდეო, რომელიც საოჯახო არქივის შავ-თეთრი კადრებით არის გაწყობილი. ერთ დღე-ღამეში კლიპმა 6 მილიონი ნახვა მოაგროვა.

პირველი კონცერტი 6 ივნისს კარდიფში არის დაგეგმილი. ევროპის ფარგლებში კი,  მუსიკოსები დიდ ბრიტანეთს, ჰოლანდიას, დანიას, შვედეთს, გერმანიას, საფრანგეთს, პოლონეთს, იტალიასა და ესპანეთს ესტუმრებიან, რომლის შემდეგაც ისინი აშშ-სა და კანადაში გადაინაცვლებენ.

შეგახსენებთ, რომ ბიონსე და ჯეი ზი ერთად 2002 წლიდან არიან. 2008 წელს მათ უფროსი ქალიშვილი, ბლუ აივი შეეძინათ, გასული წლის ივნისში კი ქვეყანას ტყუპები: სერი და რუმი მოევლინენ.

A post shared by Beyoncé (@beyonce) on

ელ ფანინგი ვუდი ალენთან თანამშრომლობისთვის ბოდიშს იხდის

მსახიობმა ელ ფანინგმა საჯაროდ მოიხადა ბოდიში ვუდი ალენის ერთ-ერთ უკანასკნელ ფილმში მონაწილეობის გამო. მისი თქმით, ის სრულებით ემხრობა მოძრაობას #Time`s Up და სექსუალურ შევიწროებაზე გამარჯვების იმედი აქვს.

„ვნანობ ჩემს გადაწყვეტილებას, რამაც შესაძლოა სხვას ტკივილი მიაყენა. ეს ყველაფერი გაუაზრებლად გამომივიდა. ყოველთვის ვაფასებდი ქალ რეჟისორებს და სიამოვნებით ვთანამშრომლობ მათთან“,- ნათქვამია მსახიობის განცხადებაში.

შეგახსენებთ, რომ ცნობილი რეჟისორის მიმართ ბრალდება პირველად 1992 წელს გაისმა. მაშინ პოლიციამ გამოძიება ჩაატარა, თუმცა, არანაირი შედეგი მას არ მოჰყოლია. ალენი ამტკიცებდა, რომ ეს ყველაფერი მისი ყოფილი ცოლის, მია ფეროუს გამოგონი ამბავი იყო.

„სოპრანოს კლანის“ მიხედვით ფილმს გადაიღებენ

საკულტო სერიალი „სოპრანოს კლანი“ ფილმის სახით გაგრძელდება. ეს ინფორმაცია ცოტა ხნის წინ გახდა ცნობილი.

სიუჟეტი ტონი სოპრანოს მამის გარშემო განვითარდება და მისი გადაღების უფლება კინოკომპანია New Line Cinema-მ მოიპოვა. ფილმის გადაღებაში მონაწილეობას ასევე ტელეარხი  HBO მიიღებს, რომელთან ერთადაც 1999-2007 წლებში სერიალის ექვსი სეზონი გადაიღეს. პროექტის სახელწოდება კი „ნიუარკის წმინდანები“ იქნება.

ფილმში მოქმედება 60-იანი წლების ნიუარკში განვითარდება, მთავარი თემა კი აფროამერიკელი და იტალიელი განგსტერების დაპირისპირება გახდება.

ჯასტინ ტიმბერლეიკი ტურნეში ოჯახთან ერთად წავიდა

2018 წელს, მომღერალს გრანდიოზული გეგმები აქვს: მან გამოუშვა მეხუთე ალბომი „Man of the Woods“,  კლიპი სიმღერაზე „Say Something“ ნახვების მხრივ რეკორდებს ხსნის, ამჟამად კი ცნობილი ხდება, რომ ვარსკვლავი მსოფლიო ტურნეში ოჯახთან ერთად გაემგზავრა.

ტიმბერლეიკმა აეროპორტში გადაღებული ფოტო გააზიარა, რომელსაც წარწერა – „ტურნეში მივდივართ“ დაურთო.

ამ იდეას თაყვანისცმემლებისგან დადებითი გამოხმაურება მოჰყვა.

Goin’ on tour. #MOTWTOUR

A post shared by Justin Timberlake (@justintimberlake) on

ვარსკვლავებმა ბრუნო მარსის ჰიტის სახალისო ქავერი შეასრულეს (ვიდეო)

რობერტ პატინსონმა, კრის ჰემსვორტმა, სირშა რონანმა, ჰეილი სტაინფელდმა, ჯეიმს კორდენმა და სხვა ვარსკვლავებმა სახალისო ვიდეოში მიიღეს მონაწილეობა, რომელშიც ბრუნო მარსის ცნობილი ჰიტის „That’s What I Like“ ქავერი შეასრულეს.

ვიდეო ჟურნალ W-ს განყოფილებაში „Lyrical Improv“ მოხვდა, რომლის ფარგლებშიც ვარსკვლავები ცნობილ ჰიტებს ლექსის სტილში კითხულობენ. მაგალითად, ჯეიმს კორდენმა და სირშა რონანმა შესანიშნავი მუსიკალური მონაცემები გამოავლინეს, ხოლო რობერტ პატინსონმა სიცილისგან თავის შეკავება ვერ შეძლო.

ალბომი, რომელიც უძილობის დამარცხებაში დაგეხმარებათ

ბრიტანელმა დიჯეიმ, ტომ მიდლტონმა გამოუშვა ალბომი, რომელიც, მისი თქმით, ადამიანს უძილობისგან იცავს. დიჯეი მუსიკალური ფესტივალებითა და ენერგიული მიქსებით არის ცნობილი. მისი კარიერა 90-იან წლებში დაიწყო, როდესაც მან თანამშრომლობა ცნობილ მუსიკოსებთან დაიწყო. თავის დროზე მიქსები მან კაილი მინოუგისთვის, პრინსისთვის და სხვა ვარსკვლავებისთვის შექმნა. გაუთავებელი გასტროლების გამო კი მას უძილობა დაეწყო. სწორედ ამ ფაქტის მერე დაიწყო მან ამ მოვლენის მეცნიერული შესწავლა.

ნეირობილოგების დახმარებით მან ჩაწერა ალბომი, რომელიც უძილობას ებრძვის და დაძინებას უწყობს ხელს. სიმღერების მელოდიები მოდუნებას უწყობს ხელს, ანელებს გულის ცემის რიტმს, სუნთქვას და მშვიდად გადაჰყავს ადამიანი ძილში.

მიდლტონის თქმით, მსგავსი ალბომისჩაწერა მის შემოქმედებაში ყველაზე რთული პრაქტიკა იყო. სიმღერები კი გატესტეს და ისინი მართლაც ეფექტური აღმოჩნდა.

„წყლის ფორმამ“ მექსიკაში „ვარსკვლავური ომები“ „დაამარცხა“

„ოსკარის“ შემდეგ, გილერმო დელ ტოროს „წყლის ფორმისადმი“ ინტერესი მკვეთრად გაიზარდა. სწორედ ამის გამო, მექსიკის კინოგაქირავებაში მისმა მოგებამ 13,9 მილიონ დოლარს მიაღწია და ეს მაჩვენებელი საკმარისი აღმოჩნდა, რათა მას უკან 2017 წლის ყველაზე წარმატებული პროექტი – „ვარსკვლავური ომები 8: უკანასკნელი ჯედაი“ მოეტოვებინა, რომელმაც მექსიკურ ბაზარზე 13,6 მილიონი გამოიმუშავა.

„წყლის ფორმამ“ მსოფლიოს მასშტაბით 130 მლნ. გამომიუშავა. შეგახსენებთ, რომ ფილმმა „ოსკარის“ 4 ნომინაცია მოიპოვა, მათ შორის იყო მთავარი კატეგორიები- „წლის ფილმი“ და „საუკეთესო რეჟისორი“.

„შავმა პანტერამ“ უკან „ბნელი რაინდი“ მოიტოვა

სტუდია Marvel-ის ახალმა ნამუშევარმა „შავმა პანტერამ“ გასულ უქმეებზე კონკურენტებს შანსი არ დაუტოვა: საშინაო კინოგაქირავება დამატებით 41 მილიონი დოლარით გაიზარდა.

უკანასკნელი მონაცემებით, პროექტმა 562 მილიონი გამოიმუშავა და უკან „ბნელი რაინდი“ მოიტოვა, რომლის საუკეთესო მაჩვენებელი 534 მილიონ დოლარს გაუტოლდა. შესაბამისად, ერთადერთი კომიქსი, რომელიც ახლა მასზე წინ იმყოფება – „შურისმაძიებლებია“ 623 მილიონით.

Cranberries დოლორეს ო’რიორდანის თანამონაწილეობით ჩაწერილ ალბომს გამოუშვებს

უახლოეს მომავალში ჯგუფი Cranberries ახალ ალბომს გამოუშვებს, რომელიც ჯერ კიდევ დოლორეს ო’რიორდანის თანამონაწილეობით შეიქმნა. დისკის ბედი საკმაოდ დიდი ხნის განმავლობაში წყდებოდა.

ო’რიორდანის ტრაგიკულ გარდაცვალებამდე, ალბომის რელიზი მარტში უნდა შემდგარიყო, თუმცა ამჯერად ამ რიცხვმა გადაიწია.

ჯგუფის თაყვანისმცემლებს აქამდე უცნობი სიმღერებისა და ბონუს-მასალების მოსმენის საშუალება მიეცემათ.

კაილი მინოუგმა ახალი სიმღერა გამოუშვა (აუდიო)

ავსტრალიელმა მომღერალმა კაილი მინოუგიმ ახალი ალბომიდან „Golden“ რიგით მეორე სიმღერა გააზიარა. სიახლეს „Stop Me From Falling“ ჰქვია და ის მინოუგის ერთ-ერთი უკანასკნელი შემოქმედებაა.

რაც შეეხება დისკს, მისი პრეზენტაცია 6 აპრილს იგეგმება.

„მარსიანელისა“ და „სამართებელზე მორბენალის“ ვარსკვლავი „ტერმინატორში გამოჩნდება

„ტერმინატორის“ ახალი ნაწილი მონაწილე მსახიობებით კომპლექტდება. ამჯერად ცნობილი ხდება, რომ მსახიობთა შემადგენლობას მაკენზი დევისი შეუერთდა, რომელმაც ფილმებში „მარსიანელი“ და „სამართებელზე მორბენალი 2049“ მთავარი როლები შეასრულა. რომელ პერსონაჟს განასახიერებს მსახიობი, ამ დროისთვის უცნობია.

შეგახსენებთ, რომ რიგით მეექვსე „ტერიმნატორს“ ტიმ მილერი გადაიღებს. მისი შემქმნელი, ჯეიმს კემერონი კი, რომელიც გადაღების უფლებას 2019 წელს მოიპოვებს, ამჯერად პროდიუსერის სტატუსით მოგვევლინება. მთავარ როლს კვლავ არნოლდ შვარცენეგერი შეასრულებს, პარტნიორობას კი მას ლინდა ჰემილტონი გაუწევს.

გადაღებები ზაფხულში დაიწყება და ოქტომბერში დასრულდება. დიდ ეკრანებზე გამოსვლის თარიღი ჯერ-ჯერობით უცნობია.

ნაილ ჰორანმა მორიგი კლიპი წარმოადგინა (ვიდეო)

One Direction-ის ყოფილმა წევრმა, ნაილ ჰორანმა სიმღერაზე „On The Loose“ გადაღებული კლიპი გამოუშვა.

სინგლი ჰორანის სადებიუტო ალბომში „Flicker“ შედის, რომლის რელიზიც 2017 წლის 20 ოქტომბერს შედგა. მარტში მუსიკოსი მის მხარდასაჭერ ტურნეში გაემგზავრა. როგორც ჩანს, კოლექტივის წევრები რეალიზებულები სოლო-შემსრულებლებად უფრო არიან.

დენ სტივენსი „ლეგიონის“ ახალ ტრეილერში (ვიდეო)

სერიალი „ლეგიონი“ მეორე სეზონით გაგრძელდება. ქსელში ახალი ნაწილის ტრეილერი გამოქვეყნდა, საიდანაც მაყურებლები დენ სტივენსის სრულიად განსხვავებულ პერსონაჟს იხილავენ.

სიუჟეტი დევიდ ჰოლერზე მოგვითხრობს, რომელიც დიდი ხნის განმავლობაში დარწმუნებული იყო, რომ შიზოფრენიით იყო დაავადებული, თუმცა მოულოდნელად აღმოაჩენს, რომ ზებუნებრივ შესაძლებლობებს ფლობს და ამის წყალობით მსოფლიოში ერთ-ერთი უძლიერესი მუტანტია.

სერიალი Marvel-ის კომიქსებზეა დაფუძნებული და იქს ადამიანების სამყაროსთან არის დაკავშირებული. ახალი სეზონი ეკრანებზე 3 აპრილს გამოვა.

2018 წლის პირველი ნახევრის საუკეთესო რეპ-სიმღერები

ჟურნალმა Esquire 2018 წლის დასაწყისის საუკეთესო რეპ-ნამუშევრები გამოავლინა. პირველ ადგილს დრეიკი იკავებს სიმღერით „God’s Plan“.

რეიტინგში ასევე მოხვდა „შავი პანტერის“ საუნდტრეკი, რეპერ Mozzy-ის შესრულებით, ასევე JPEGMAFIA-ს „Macaulay Culkin“ და ა.შ.

ედ შირანის კონცერტი გერმანიაში ტოროლების გამო გადაიდო

ედ შირანის კონცერტის ორგანიზატორებმა, მომღერლის გერმანიაში გასამართი კონცერტი იმ მიზეზით გადადეს, რომ ღონისძიებამ ტოროლების პოპულაციაზე, შესაძლოა, ნეგატიურად იმოქმედოს.

კონცერტი 22 ივლისს იყო დანიშნული. ესენის აეროპორტში ამ ფრინველის რვა წყვილი ცხოვრობს, რომლებიც იშვიათ ჯიშს განეკუთვნებიან. გერმანიის ხელისუფლებას კი მათი დაცვა ევალებათ.

შედეგად გადაწყდა, რომ ამავე რიცხში შირანი კონცერტს გერმანიის ქალაქ დიუსელდორფში გამართავს.

„მოსიარულე მკვდრების“ რეიტინგი დაეცა

ერთ დროს, ერთ-ერთი ყველაზე პოპულარული სერიალის, „მოსიარულე მკვდრების“ რეიტინგი მკვეთრად დაეცა, კერძოდ კი ის პირველი სეზონის დონეს გაუთანაბრდა. როგორც გაირკვა, მერვე სეზონის ბოლო სერიას მხოლოდ 6,8 მილიონმა ადამიანმა უყურა.

შეგახსენებთ, რომ მერვე სეზონის მეორე ნახევარმა თავის დროზე ასევე ანტირეკორდი დაამყარა: მისით მხოლოდ 8,3 მილიონი ადამიანი დაინტერესდა.

ხავიერ ბარდემი და პენელოპა კრუსი „ესკობარის“ პრემიერაზე (ფოტო)

43 წლის პენელოპა კრუსი და 49 წლის ხავიერ ბარდემი კრიმინალური დრამის „ესკობარი“ ესპანურ პრემიერას დაესწრნენ, სადაც მთავარი როლები შეასრულეს.

ლამაზმანმა პრემიერისთვის Versace-ს იმიჯი შეარჩია: ტყავის ქურთუკი და მოკლე ქვედა ბოლო. აღნიშნული სტილი მან მაღალყელიანი ფეხსაცმლით დაასრულა.

ფილმში კრუსი კოლუმბიელი ჟურნალისტის, ვირხინიო ვალიეხოს როლს ასრულებს, რომელსაც ნარკობარონი პაბლო ესკობარი შეუყვარდება. ერთ-ერთ ინტერვიუში მან აღიარა, რომ გადაღებები არც ისე მარტივად მიმდინარეობდა.

ბიონსე და ჯეი ზი ტურნეში ერთად მიემგზავრებიან

ბიონსემ „ინსტაგრამზე“ განაცხადა, რომ ზაფხულში მეუღლესთან ერთად ტურნეში გამგზავრებას გეგმავს. რაც შეეხებათ ბავშვებს, ისინი ბებიასთან და ძიძებთან ერთად დარჩებიან.

ინსაიდერის თქმით, ამჟამად ისინი მუშაობენ სიმღერებზე, რომლებსაც პირველად ტურნეში გააჟღერებენ და ისინი სულმოუთქმელად ელოდებიან ამ მომენტს.

შეგახსენებთ, რომ ცოტა ხნის წინ ბიონსემ ახალი სიმღერა „Top Off“ გამოუშვა, რომელშიც თაყვანისმცემლებმა ქვეტექსტიც იპოვეს, სადაც ის თავის „კონკურენტს“, კიმ კარდაშიანს მიმართავს, თუმცა რეალითი ვარსკვლავს ამ ყველაფერზე რეაგირება არ ჰქონია.

„წყლის ფორმა“ ბოლო 5 წლის მანძილზე ყველაზე შემოსავლიანი „წლის ფილმია“

გილერმო დელ ტოროს „წყლის ფორმა“, რომელმაც „ოსკარის“ მთავარ ნომინაციაში „წლის ფილმი“ გაიმარჯვა, ამ კატეგორიაში არსებული ყველაზე შემოსავლიანი ფილმია ბოლო 5 წლის მანძილზე. ამას მოწმობს სტატისტიკა, რომელსაც გამოცემა The Hollywood Reporter აქვეყნებს.

ამ დროისთვის, ფილმმა შიდა კინოგაქირავებაში 57,4 მილიონი, ხოლო მსოფლიო კინოგაქირავებაში – 126,7 მილიონი დოლარი გამოიმუშავა. შედარებისთვის, შარშანდელი გამარჯვებულის, „მთვარის შუქის“ საშინაო მონაცემებმა 22 მილიონი, ხოლო საგარეო მაჩვენებლმა 27 მილიონი შეადგინა.

შეგახსენებთ, რომ ფილმში სალი ჰოკინსი, მაიკლ შნონი, რიჩარდ ჯენკინსი, ოქტავია სპენსერი და სხვა მსახიობები მონაწილეობენ.

ახალი „ტერმინატორის“ გადაღებების გრაფიკი ცნობილია

ახალი „ტერმინატორის“ გადაღებები მიმდინარე წლის ზაფხულში დაიწყება. ამის შესახებ თავად არნოლდ შვარცენეგერმა განაცხადა.

„მეექვსე „ტერმინატორის“ გადაღებებს ივნისში ვიწყებთ და დაახლოებით ოქტომბერში ვასრულებთ. ამ პროექტში მეც ვმონაწილეობ და კვლავ მთავარ როლს ვასრულებ. დარწმუნებული ვარ, რომ ტიმ მილერთან ერთად შესანიშნავი ფილმი გამოგვივა“, – განაცხადა მან.

ფილმის სიუჟეტი არ ხმაურდება. ცნობილია, რომ შვარცენეგერს პარტნიორობას ლინდა ჰემილტონი გაუწევს. პრემიერის თარიღი ამ დროისთვის არ ხმაურდება.

ულტრამოკლე კაბა და ღრმა დეკოლტე – ჰოლი ბერი არ ბერდება

დაუჯერებელია, მაგრამ ფაქტია, 51 წლის ჰოლი ბერიმ შეძლო და დროს აჯობა, ის არაჩვეულებრივ ფორმაშია.

მსახიობმა იცის საკუთარი სხეულის უპირატესობა და ყოველთვის, როდესაც ამისი შანსი აქვს, მას მაქსიმალურად წარმოაჩენს.

ასე მოხდა „ოსკარის“ შემდგომ წვეულებაზე, სადაც ბერი Zuhair Murad-ის ულტრამოკლე კაბაში გამოცხადდა, ეთნიკური პრინტითა და საკმაოდ ამოღებული დეკოლტეთი. აქსესუარებიდან მან არჩევანი მხოლოდ დიდი ზომის ბეჭედზე გააკეთა, მაკიაჟიც მაქსიმალურად ბუნებრივს მიუახლოვა.

თაყვანისმცემლები ერთხმად თანხმდებიან, რომ ჰოლი ბერი უბერებელი და მსოფლიოში ერთ-ერთი ყველაზე სასურველი ქალია, რომელიც უამრავ ახალგაზრდაზე უკეთ გამოიყურება.

მეგან მარკლი რელიგიას შეიცვლის

პრინც ჰარის საცოლე, მეგან მარკლი სულ მალე რელიგიას შეიცვლის და ანგლიკანელი გახდება.

ამერიკელი მსახიობი პროტესტანტულ ოჯახში იზრდებოდა, დადიოდა კათოლიკურ სკოლაში, ხოლო პირველად ცოლად იუდეველს გაჰყვა. ამჯერად კი, სამეფო წესების თანახმად, მან რწმენა უნდა შეიცვალოს და დანარჩები წარმომადგენლების მსგავსად ანგლიკანელი გახდეს.

ნათლობის ცერემონია კენსინგტონის სასახლეში გაიმართება.

ეშტონ კაჩერი და მილა კუნისი შვილებს მემკვიდრეობის გარეშე დატოვებენ

მარკ ცუკერბერგისა და ბილ გეითსის შემდეგ, რომლებიც თავის ქონებას ქველმოქმედებას მოახმარენ, ეშონ კაჩერმა და მილა კუნისმა ასევე განაცხადეს, რომ მათი შვილები მემკვიდრეობას ვერ მიიღებენ და მთელს ფულს ისინი ქველმოქმედებაში გადარიცხავენ. ამის შეახებ 40 წლის მსახიობმა თავად განაცხადა.

„გადავწყვიტეთ, რომ ეს ფული უფრო სასარგებლო საქმეს მოვახმაროთ. ჩვენი შვილების სახელზე შეიქმნება ფონდი, რომელიც საქველმოქმედო იქნება. უაიეტსა და დიმიტრის კი მცირედ ნაწილს გადავცემთ. თუკი ისინი ბიზნესის წამოწყებას ჭკვიანური გეგმით გადაწყვეტენ, მე მათ ინვესტიციას ჩავუდებ, სულ ეს იქნება. იმედი მაქვს, ჩვენი ეს ინიციატივა მათში მოტივაციას გაზრდის და ისინი ისეთივე წარმატებულები იქნებიან, როგორც მათი მშობლები“, – განაცხადა ეშტონმა.

ემილი ბლანტი „მერი პოპინსის“ პირველ ტრეილერში (ვიდეო)

ქსელში სტუდია „დისნეის“ ახალი პროექტის, „მერი პოპინსი ბრუნდება“ პირველი ოფიციალური ტრეილერი გამოქვეყნდა. მასში ემილი ბლანტი, კოლინ ფერტი, მერილ სტრიპი, ბენ უიშოუ, ლილ-მანუელ მირანდა და სხვა ცნობილი მსახიობები მონაწილეობენ. რეჟისორის სავარძელი კი რობ მარშალმა დაიკავა.

აღსანიშნავია, რომ ტრეილერის პრეზენტაცია „ოსკარის“ ტრანსლაციის „შუალედში“  გაიმართა. ფილმის პრემიერა 25 დეკემბერს არის დაგეგმილი.

ოსკარი 2018: წითელი ხალიჩა (ფოტო)

ლოს-ანჯელესში „ოსკარის“ რიგით 90-ე დაჯილდოების ცერემონია დასრულდა. BAFTA-სგან და „ოქროს გლობუსისგან“ განსხვავებით, ცერემონისს დრესკოდი ამჯერად შავი არ ყოფილა: ვარსკვლავები საკმაოდ მრავალფეროვანი ჩაცმულობებით გამოცხადნენ.

საღამოზე თეთრის, ვარდისფერისა და იისფერის ტონალობები სჭარბობდა. ლორა დერნმა, მარგო რობიმ, კამილა ალვესმა და ჯეინ ფონდამ არჩევანი თეთრი ფერის ჩაცმულობაზე გააკეთეს. სელმა ჰაიეკმა, ელიზაბეტ მოსმა და მირა სორვინომ უპირატესობა ვარდისფერს მიანიჭეს. იყო ალტერნატიული ჩაცმულობებიც: ემა სტოუნი პიჯაკში გამოწყობილი მივიდა, ნიკოლ კიდმანი – ლურჯი კაბით, რომელსაც უზარმაზარი ბაფთა ამშვენებდა.

საღამოს წამყვანი ჯიმი ქიმელი იყო, რომელსაც ცერემონია გასულ წელსაც მიჰყავდა. ქანდაკებების გადაცემაში კი მონაწილეობა სანდრა ბულოკმა, მეთიუ მაკკონაჰიმ, ნიკოლ კიდმანმა და სხვა ვარსკვლავებმა მიიღეს.

„შავ პანტერას“ „ავატარის“ ადგილის დაკავებას უწინასწარმეტყველებენ

სტუდია Marvel-ის „შავ პანტერას“ ყველა შანსი აქვს, რომ ჯეიმს კემერონის „ავატარის“ რეკორდი მოხსნას. ყოველ შემთხვევაში ამაზე მიანიშნებს მისი მოგების მონაცემები ამერიკულ კინოგაქირავებაში, რომელიც მესამე კვირაა წარმატებით იზრდება.

მოელიან, რომ „შავი პანტერა“ ჩრდილოეთ ამერიკაში მინიმუმ 75 მილიონ დოლარს გამოიმუშავებს, რაც მას მსოფლიო რეიტინგის მეორე ადგილზე განათავსებს. პირველი „ვარსკვლავური ომების“ მე-7 ეპიზოდს ეკუთვნის, რომელმაც თავის დროზე სამ კვირაში 90,2 მილიონი დოლარი გამოიმუშავა. ამ მომენტისთვის მეორე პოზიციას „ავატარი“ იკავებს 68,5 მილიონით.

ექსპერტები ირწმუნებიან, რომ „შავი პანტერის“ საშინაო კინოგაქირავების  მოგება სულ მალე 500 მილიონ დოლარს მიაღწევს, ხოლო მსოფლიო მასშტაბით კი ეს რიცხვი 900 მილიონამდეც გაიზრდება.

საუკეთესო სიმღერები თოვლზე

გამოცემამ NME იმ სიმღერების რეიტინგი გამოაქვეყნა, რომლებიც თოვლს ეძღვნება. პირველ ადგილზე Nick Cave & the Bad Seeds-ის სიმღერა „Fifteen Feet Of Pure White Snow“ განთავსდა. თრექი ჯგუფის 2001 წლის ალბომში „No More Shall We Part“ შედის.

მეორე პოზიციას ამერიკელი როკერების, The Walkmen-ის „While I Shovel the Snow“ იკავებს. სამეულს კი Black Sabbath-ის „Snowblind“ ხურავს.

ათეულში ასევე მოხვდა: Kings of Leon-ის „Velvet Snow“. ბილი ჰოლიდეის „Bon Iver, I’ve Got My Love to Keep Me Warm“, კანიე უესტის „Coldest Winter“, ელიოტ სმიტის „Angel in the Snow“ და ა.შ.

 

კეტი პერისა და ორლანდო ბლუმის რომანტიკული გასეირნება პრაღაში (ფოტო)

ამერიკელი მომღერალი კეტი პერი და მსახიობი ორლანდო ბლუმი პრაღაში რომანტიკული გასიერნების დროს დააფიქსირეს.

პოპ-ვარსკვლავი ჩეხეთს ბოიფრენდის მოსანახულებლად ეწვია. სწორედ ამ ფაქტთან დაკავშირებით გაჩნდა ეჭვი, რომ წყვილმა რომანი განაახლა.

თვითმხილველების თქმით, ვარსკვლავები დროს ერთად ატარებდნენ, სეირნობდნენ ქუჩებში, შემდეგ კი ერთ-ერთ რესტორანში ისადილეს და ღირსშსანიშნაობების დასათვალიერებლად გაეშურნენ. ბლუმი პრაღაში ახალი ფილმის გადაღებებისთვის იმყოფება.

 

პოლ უოკერის შესახებ დოკუმენტურ ფილმს გადაიღებენ

წელს 5 წელი გავიდა „ფორსაჟის“ ვარსკვლავის, პოლ უოკერის ტრაგიკული გარდაცვალებიდან. ამ თარიღისთვის სტუდია Paramount მსახიობის შესახებ დოკუმენტურ ფილმს ამზადებს.

„მე პოლ უოკერი ვარ“ –  ასე ერქმევა ფილმს და ის ვარსკვლავის უახლოესი ადამიანების ინტერვიუებით დაკომპლექტდება. რეჟისორი დერიკ მიურეი გახდება, რომელმაც მანამდე ჰიტ ლეჯერისა და ჯონ კენედის ცხოვრებას ასევე დოკუმენტური ფილმები მიუძღვნა.

შეგახსენებთ, რომ პოლ უოკერი 2013 წლის 30 ნოემბერს ავტოავარიის შედეგად გარდაიცვალა. მისი ოჯახი დიდი ხნის განმავლობაში ედავებოდა კომპანია „პორშეს“, რომლის ავტომობილსაც მართავდა, მის გაუმართაობაში, თუმცა წლების მერე ავტოკონცერნმა დაამტკიცა, რომ უოკერის გარდაცვალებაში ბრალი არ მიუძღვის.

ემბერ ჰერდი კვლავ მასკის ნაჩუქარ Tesla-ს მართავს

ემბერ ჰერდი და ილონ მასკი ჯერ კიდევ ვერ ჩამოყალიბდნენ, ერთად არიან თუ არა. თუკი ერთ დღეს ისინი რომანტიკულ ვახშმებს იწყობენ, მეორე დღეს ერთმანეთს შორდებიან.

ამ დღეებში პაპარაცებმა მსახიობი გადაიღეს. ჰერდი ცნობილ ბიზნესმენთან ერთად არ ყოფილა, თუმცა უყურადღებოდ არავის დარჩენია ის ფაქტი, რომ ცნობილი ლამაზმანი ბოლო მოდელის Tesla-დან გადმოვიდა და დააპარკინგა. გაჩნდა ეჭვი, რომ მანქანა, რომლის პირობითი ღირებულება 800 ათასი დოლარია, ემბერს სწორედ მასკმა უსახსოვრა. ძვირფას საჩუქარს მსახიობი, დაშორების მიუხედავად, როგორც ჩანს, ვერ ელევა.

ბრედ პიტი და ლეონარდო დიკაპრიო ტარანტინოს ფილმში მონაწილეობას მიიღებენ

ბრედ პიტი და ლეონარდო დიკაპრიო მთავარ როლებს შეასრულებენ კვენტინ ტარანტინოს ახალ ფილმში, რომელსაც „ერთხელ ჰოლივუდში“ ერქმევა და რომელშიც მოქმედება 70-იან წლებში განვითარდება. სიუჟეტი სერიულ მკვლელ ჩარლზ მენსონის სექტასა და რომან პოლანსკის მეუღლეს, შერონ ტეიტის მკვლელობას შეეხება.

დიკაპრიო ყოფილ მსახიობს, რიკ დალტონს განასახიერებს, ხოლო პიტი – მის კასკადიორს, კლიფ ბუტს. სიუჟეტის მიხედვით, დალტონის მეზობელი მოკლული ტეიტი იქნება.

ტარანტინომ აღიარა, რომ ახალი ფილმის სცენარს 5 წლის განმავლობაში წერდა.

ფილმი დიდ ეკრანებზე 2019 წლის 9 აგვისტოს გამოვა – მენსონის სექტის მიერ შერონ ტეიტის მკვლელობიდან ზუსტად 50 წლის შემდეგ.

ირინა შეიკი ქალღმერთს შეადარეს (ფოტო)

ირინა შეიკი მუდმივად ამტკიცებს, რომ თანამედროვეობის ერთ-ერთი ყველაზე მოთხოვნადი მოდელია. 32 წლის ლამაზმანმა თეთრეულის ბრენდ Intimissimi-ს ახალ კოლექციაში მიიღო მონაწილეობა.

თაყვანისმცემლები შეიკის ვიზუალმა კიდევ ერთხელ აღაფრთოვანა: მოდელი დედა გასული წლის მარტში გახდა, თუმცა უკვე შესაშურ ფორმაშია. კომენტარებში თაყვანიმსცემლებმა მოდელს ქალღმერთი უწოდეს. მარკის წარმომადგენლები კი შეიკს მათ მუზად მოიხსენიებენ.

პრინცმა ჰარიმ და მეგან მარკლმა Spice Girls ქორწილში ოგიციალურად დაპატიჟეს

პრინცმა ჰარიმ და მეგან მარკლმა ქორწილის მოსაწვევების დარიგება დაიწყეს. უკვე ცნობილია, რომ ცერემონიას, რომელიც 19 მაისს გაიმართება, პრინცის ორი ყოფილი მეგობარი გოგო, ჩელსი დეივი და კრესიდა ბონასი დაესწრება.

ამ დღეებში კი ცნობილი გახდა, რომ ქორწილში Spice Girls იმღერებს. ამის შესახებ ჯგუფის ერთ-ერთმა წევრმა, მელანი ბრაუნმა დაადასტურა. მისი თმით, თითოეულმა წევრმა მიწვევა უკვე მიიღო.

შეგახსენებთ, რომ კოლექტივი ცოტა ხნის წინ 17 წლიანი პაუზის შემდეგ გაერთიანდა. მათ სურდათ, რომ ხანგრძლივი პაუზის შემდეგ კონცერტი დასამსახსოვრებელი ყოფილიყო და როგორც ჩანს, ეს ჩანაფიქრი განახორციელეს.

 

ემი უაინჰაუსის აქამდე უცნობი სიმღერა ქსელში მოხვდა (აუდიო)

ქსელში ემი უაინჰაუსის აქამდე უცნობი სიმღერა გამოქვეყნდა. თრექის „My Own Way“ დემო-ვერსია ჯერ კიდევ 2001 წელს ჩაიწერა და მის შექმნაში მონაწილეობა კომპოზიტორმა ჯეისონ მაკმილანმა და მუსიკოსმა ჯილ კენგმა მიიღეს. ნაშინ ყველასთვის უცნობი ემი 17 წლის იყო.

შეგახსენებთ, რომ ემი უაინჰაუსი 2011 წლის 23 ივლისს 27 წლის ასაკში გარდაიცვალა. იფიციალურ მიზეზად ალკოჰოლის ინტოქსიკაცია დასახელდა, რომელმაც გულის გაჩერება გამოიწვია.

Kids’ Choice Awards-ის ნომინანტების ვინაობა ცნობილია

პრემია Kids’ Choice Awards-ის ნომინანტების ვინაობა ცნობილია. კატეგორიაში „საყვარელი ფილმი“ მოხვდნენ: „მზეთუნახავი და ურჩხული“, „გალაქტიკის მცველები: ნაწილი 2“, „ჯუმანჯი“, „იდეალური ხმა 3“, „ადამიანი-ობობა: სახლში დაბრუნება“, „ვარსკვლავური ომები: უკანასკნელი ჯედაი“, „დიდებული შოუმენი“, „საოცრება-ქალი“.

სამსახიობო ნომინაციებში წარდგენილები არიან: ანა კენდრიკი, დეიზი რიდლი, ემა უოტსონი, გალ გადოტი, ზენდაია, ბენ აფლეკი, კრის ჰემსვორტი, კრის პრეტი, დუეინ ჯონსონი, კევინ ჰარტი და სხვები.

მუსიკალურ კატეგორიებში პირველობისთვის კი Coldplay, Imagine Dragons, Maroon 5, ტეილორ სვიფტი, ბიონსე, კეტი პერი, სელენა გომესი, კენდრიკ ლამარი, ბრუნო მარსი, ედ შირანი და სხვები იბრძოლებენ.

დაჯილდოების ცერემონია კალიფორნიაში 24 მარტს გაიმართება.

 

რობერტ პატინსონი და კრისტენ სტიუარტი „ბინდის“ გაგრძელებაში მონაწილეობას მიიღებენ

მიმდინარე წლის ნოემბერში ცნობილი საგა „ბინდი“ 10 წლის ხდება. ხმები იმის შესახებ, რომ შესაძლოა ფილმის ახალი ნაწილი გამოვიდეს, ცოტა ხნის წინაც გაისმა. მაშინ პატინსონმა განაცხადა, რომ ფილმში, რომელმაც მას მსოფლიო პოპულარობა მოუტანა, მონაწილეობისთვის მზად არის.

ინსაიდერის თქმით, ბოლო დროს, პატინსონი და ბელას როლის შემსრულებელი, კრისტენ სტიუარტი ხშირად ნახულობენ ერთმანეთს და მომავალი პროექტის დეტალებზე გეგმებს აწყობენ.

შეგახსენებთ, რომ 2008 წელს, ფილმის გადასაღებ მოედანზე მსახიობებს შორის რომანი დაიწყო, თუმცა ცოტა ხანში კრისტენი რეჟისორ რუპერტ სანდერსთან ღალატში ამხილეს და ვარსკვლავები ერთმანეთს დაშორდნენ. მას შემდეგ სტიუარტმა რომანი ქალებთან გააბა, ხოლო პატინსონი წლების განმავლობაში მომღერალ ტალია ბარნეტს ხვდებოდა, რომელსაც რამდენიმე თვის წინ დაშორდა.

კირა ნაიტლი Coco Mademoiselle Intense-ის ახალ რეკლამაში (ვიდეო)

ფრანგული მოდის სახლ Chanel-ის მუზა კირა ნაიტლი არომატ Coco Mademoiselle Intense-ის ახალ რეკლამაში გამოჩნდა. აღსანიშნავია, რომ მსახიობი მსოფლიოში ყველაზე ცნობილი პარფიუმის სახე უკვე 10 წელია არის.

ვიდეო კიდევ უფრო ქალური და მგრძნობიარე გამოვიდა: „იდეა იმაში მდგომარეობდა, რომ ძირითადი სათქმელი განსხვავებულად გვეთქვა“, – განაცხადა ბრენდის მტავარმა პარფიუმერმა ოლივიე პოლჟმა.

კლიპში კირა ბევრს ერთობა, არღვევს წესებს და ცხოვრებისგან მხოლოდ სიამოვნებას ღებულობს.

10 ვარსკვლავი, რომლებმაც „ოსკარი“ პირველივე როლზე მიიღეს

არსებობენ მსახიობები, რომლებიც „ოსკარს“ ათწლეულების მანძილზე ელოდებიან, თუმცა არიან ისეთი იღბლიანებიც, რომლებიც სანატრელ ქანდაკებას პირველივე მცდელობის შედეგად ღებულობენ.

გთავაზობთ 10 ვარსკვლავს, რომლებიც ამერიკის კინოაკადემიის უმაღლესი ჯილდოთი (ან ნომინაციით) კარიერაში პირველივე ფილმით დაჯილდოვდნენ.

 

ლუპიტა ნიონგო

2009 წელს, „მონობის 12 წელში“ შესრულებული როლისთვის ახალბედა მსახიობმა ჯერ მთავარი ნომინაცია „წლის საუკეთესო მსახიობი ქალი“, ხოლო შემდეგ თავად „ოსკარი“ მიიღო ამავე კატეგორიაში. ამის შემდეგ ლუპიტას წინაშე ჰოლივუდის კარი ფართოდ გაიღო და ის ბევრ წარმატებულ პროექტში გამოჩნდა.

 

ანნა პაკუინი

პატარა ანნამ პირველი ნაბიჯები დიდ კინოში ფილმში „პიანინო“ გადადგა. 11 წლის გოგონამ „ოსკარი“ „ქალის საუკეთესო მეორეხარისხოვანი როლისთვის“ მიიღო.

 

ბარბარა სტრეიზანდი

ბარბარა იმ იშვიათი ადამიანების რიცხვს განეკუთვნება, ვინც თავის ჯილდოებში თავი ერთდროულად „ოსკარს“, „გრემის“, „ემისა“ და „ტონის“ მოუყარა. 1968 წელს, „სასაცილო გოგონაში“ შესრულებული როლისთვის მან „ოსკარი“ მიიღო.

 

ჯული ენდრიუსი

ლეგენდარულმა მსახიობმა თავის პირველ როლზე, სანად მას მერი პოპინსი უნდა განესახიერებინა უარი ორსულობის გამო თქვა. თუმცა სტუდია Disney ახალგაზრდა მსახიობის სურვის აჰყვა და გადაღებები ბავშვის დაბადებამდე გადადო. შედეგად, ჯული იდეალური მერი პოპინსი გახდა და 1965 წელს „ოსკარიც“ მიიღო. ერთი წლის შემდეგ ენდრიუსმა წარმატება გაიმეორა, თუმცა „მუსიკის ხმებისთვის“ მან ამჯერად მხოლოდ ნომინაცია მოიპოვა.

 

მარლი მეტლინი

„ოსკარმა“, რომელიც 1986 წელს მარლიმ მიიღო ფილმისთვის „სიჩუმის ბავშვები“, ერთდროულად რამდენიმე ახალი რეკორდი დაამყარა – 21 წლის მეტლინი ყველაზე ახალგაზრდა მსახიობი გახდა, რომელმაც ნომინაციაში „საუკეთესო მსახიობი ქალი“ ჯილდო მიიღო, ხოლო დღემდე ერთადერთი სმენადაქვეითებული მსახიობია, რომელმაც აღნიშნული ჯილდო დაიმსახურა.

 

ჯენიფერ ჰადსონი

2007 წელს, თავისი პირველი კინოროლისთვის ფილმში „ოცნების გოგონები“ ჯენიფერმა ერთდროულად „ოქროს გლობუსი“,  BAFTA და „ოსკარი“ მიიღო. აღსანიშნავია ისიც, რომ ამ როლისთვის მან უკან თვით ბიონსე მოიტოვა.

ედვარდ ნორტონი

„მებრძოლთა კლუბის“ მომავალმა ვარსკვლავმა პირველად ყურადღება ფილმით „პირველყოფილი შიში“ მიიქცია, რომლისთვისაც კატეგორიისთვის „საუკეთესო მეორეხარისხოვანი მსახიობი მამაკაცი“ „ოსკარი“ დაიმსახურა.

ოპრა უინფრი

ლეგენდარულმა ტელეწამყვანმა 1985 წელს მონაწილეობა მიიღო ისტორიულ დრამაში „იისფერი“ ვუპი გოლდბერგისთან ერთად, თუმცა იმ წელს უინფრიმ მხოლოდ ნომინაცია მიიღო, ჯილდო კი ანჟელიკა ჰიუსტონს დაუთმო.

 

გლენ კლოუზი

გლენ კლოუზის სადებიუტო როლი კინოში 1982 წელს, ჯონ ირვინგის ფილმში „მსოფლიო გარპის გარშემო“ შედგა, სადაც პარტნიორობა მას რობინ უილიამსმა გაუწია. შედეგად მან „ოსკარის“ პირველი ნომინაცია მოიპოვა, თუმცა ჯილდო ვერ აიღო.

 

ანჟელა ლენსბერნი

ბრიტანელი მსახიობის კინოდებიუტი 1944 წელს ფილმში „ნათურა“ შედგა, რომლისთვისაც მან კატეგორიაში „საუკეთესო მეორეხარისხოვანი მსახიობი ქალი“ „ოსკარის“ ნომინაცია მოიპოვა, თუმცა თავად ჯილდო ვერ დაიმსახურა.

ირინა შეიკი, ბრედლი კუპერი და ლეა საყიდლებზე ერთად დადიან (ფოტო)

სანამ თაყვანისმცემლები ირინა შეიკისა და ბრედლი კუპერის ოჯახში შესაძლო მატებაზე საუბრობენ, ვარსკვლავური ოჯახი დროს არ კარგავს და თავისუფალ დროს ერთად ატარებს. ამ დღეებში წყვილი ერთი წლის ქალიშვილთან, ლეასთან ერთად სუპერმარკეტში გადაიღეს.

ფოტოების მიხედვით შეუძლებელია ირინას ორსულობის დანახვა, რადგან მას თავისუფალი სტილის სამოსი ეცვა.

შეგახსენებთ, რომ აღნიშნული ინფორმაცია მას შემდეგ გავრცელდა, რაც წყვილი ოჯახის დაგეგმვის ცენტრში დაინახეს. იმ შემთხვევაში თუ ინფორმაცია სიმართლეა, ეს წყვილისთვის მეორე საერთო შვილი იქნება.

 

 

 

„ლარა კროფტს“ ჩავარდნას უწინასწარმეტყველებენ

ფილმი „ლარა კროფტი: სამარხების მძარცველი“ შთამბეჭდავ წარმატებას ვერ მიაღწევს, – ასე მიიჩნევს პოპულარული ანალიტიკური პორტალი Box Office Pro, რომლის მონაცემებითაც, საპრემიერო უქმეებზე ფილმის მოგებამ 24 მილიონ დოლარს მიაღწია. საშინაო კინოგაქირავებაში კი ეს რიცხვი 60 მილიონამდე იზრდება, თუმცა თუ გავითვალისწინებთ ფილმის 100 მილიონიან ბიუჯეტს, ეს მაჩვენებელი საკმაოდ დაბალია.

შეგახსენებთ, რომ მთავარ როლებს მასში ალისია ვიკანდერი, დომინიკ უესტი, დენიელ ვუ და სხვები ასრულებენ.

 

 

ამერიკული „ახალი ხმის“ მენტორები ფრენკ სინატრასა და ნინა სიმონეს ჰიტების ქავერებს ასრულებენ (ვიდეო)

ცნობილი შოუს, „ახალი ხმის“ ამერიკული ვერსიის მე-14 სეზონი სტარტს 26 თებერვლიდან აიღებს. ახალ ეპიზოდს გადაცემის მენტორებმა – კელი კლარკსონმა, ადამ ლევინმა, ბლეიკ შელტონმა და ალიშა ქისმა სპეციალური პრომო-ვიდეოც მიუძღვნეს – ისინი რეტრო დეკორაციების ფონზე ფრენკ სინატრასა და ნინა სიმონეს ლეგენდარული ჰიტების ქავერებს ასრულებენ.

ვიდეო შორეული 60-იანი წლების სტილშია გადაღებული. ლევინი და შელტონი სინატრას „Fly Me to the Moon“-ს მღერიან, ალიშა ქისმა და კელი კლარკსონმა კი სიმონეს „Feelin’ Good“-ს შესანიშნავად გაართვეს თავი.

როგორ უთავსებს ერთმანეთს კარიერასა და 6 შვილის მოვლას ანჯელინა ჯოლი

ერთ-ერთ უკანასკნელ ინტერვიუში ანჯელინა ჯოლიმ იმაზე ისაუბრა, როგორ ახერხებს კარიერისა და ექვსი შვილის მოვლას ერთდროულად. პლანეტის ერთ-ერთი ყველაზე სექსუალური და სასურვბელი ქალი სირთულეებზე საუბრობს და აცხადებს, რომ ყველაფერი არც ისე მარტივად არის, როგორც ეს ერთი შეხედვით ჩანს.

„აუცილებელია ბალანსის დაცვა. ჩვენ მის პოვნას მუდმივად ვცდილობთ. მე ვფიქრობ, რომ იმისათვის, რომ წყნარი და გაწონასწორებული ადამიანი იყო, უნდა აკეთო ის საქმე, რაც გიყვარს და რომლითაც სიამოვნებას ღებულობ, მხოლოდ ამის მერე მიიღებ სასურველ შედეგს“, – ამტკიცებს ჯოლი.

შეგახსენებთ, რომ 2016 წლის სექტემბერში ანჯელინა მეუღლეს, ბრედ პიტს დაშორდა, თუმცა განქორწინების პროცესი ჯერაც არ დასრულებულა.

 

დენიელ კრეიგი და ჰოლი ბერი რასისტული დრამის ტრეილერში (ვიდეო)

რეჟისორი დენიზ გამზე ერგიუვენი კრიმინალურ დრამაზე „მეფეები“ მუშაობს, რომელიც მისი პირველი ინგლისურენოვანი ნამუშევარი გახდება.

ფილმის სიუჟეტი 1991 წლის გაზაფხულზე ვითარდება. პოლიციელები სასტიკად სცემენ ფერადკანიან ტაქსისტს, როდნი კინგს, თუმცა სასამართლომ ისინი გაამართლა. ამის შემდეგ ლოს-ანჯელესძში მასობრივი არეულობები დაიწყო, რომლის შედეგადაც 50 ადამიანი გარდაიცვალა. თეთრკანიანი ობი, რომლის როლსაც დენიელ კრეიგი ასრულებს, ფერადკანიან მრავალშვილიან დედას ეხმარება, რათა შექმნილი ქაოსის დროს ქუჩებში მისი შვილები იპოვოს. სასოწარკვეთილი დედის როლს ჰოლი ბერი ასრულებს.

დიდ ეკრანებზე ფილმი გაზაფხულზე გამოვა.

ჯარედ ლეტო „აუტსაიდერის“ პირველ ტრეილერში (ვიდეო)

ქსელში ჯარედ ლეტოს მონაწილეობით ფილმ „აუტსაიდერის“ პირველი ტრეილერი გამოქვეყნდა.

პროექტში მოქმდება მეორე მსოფლიო ომის შემდეგ იაპონიაში ვითარდება. ამერიკელ მებრძოლს თანამესაკნის წყალობით ათავისუფლებენ, ეს უკანასკნელი იაკუძას მაფიას განეკუთვნება. გათავისუფლების შემდეგ, ჯარისკაცი მათი პატივისცემის მოპოვებას ცდილობს და საკმაოდ საშიშ კრიმინალურ თამაშში ერთვება.

ფილმის რეჟისორი მარტინ ზანდვლიეტია, მთავარ როლებს ლეტოს გარდა ემილი ჰირში, რორი კოკრეინი და სხვა მსახიობები ასრულებენ.

„იურული პერიოდის სამყარო 3“ 2021 წელს გამოვა

სტუდია Universal-მა „იურული პერიოდის სამყაროს“ მესამე ნაწილის გამოსვლის თარიღი დააანონსა და ეს 2021 წლის ივნისში მოხდება.

ცნობილია, რომ მთავარ როლებს კვლავ კრის პრეტი და ბრაის დალას ჰოვარდი შეასრულებენ, ფილმს კი ისევ კოლინ ტრევოროუ გადაიღებს.

რაც შეეხება მეორე ნაწილს, ის 2018 წლის 7 ივნისს გამოვა.

მსახიობები, რომლებიც „ოსკარებს“ გადასცემენ

რაც უფრო ახლოვდება „ოსკარები“, მით მეტი ინფორმაცია ვრცელდება ღონისძიების შესახებ. გასულ კვირას გამოქვეყნდა იმ მსახიობების სია, რომლებიც ცერემონიაზე ჯილდოებს გადასცემენ, ამჟამად კი მათ ახალი სახელებიც შეუერთდა და ესენი არიან: გალ გადოტი, მარკ ჰემილი, არმი ჰამერი, ოსკარ აიზეკი, ლინ-მანუელ მირანდა, ჯინდა როდრიგესი, უეს სტადი, კელი მარი ტრენი და ზენდაია.

აქამდე გავრფცელებულ სახელებს შორის კი მაჰერშალა ალი, ვიოლა დევისი, ლორა დერნი, ჯენიფერ გარნერი, ტომ ჰოლანდი, მარგო რობი და ემა სტოუნი არიან.

ცერემონია 4 მარტს გაიმართება.

ანჯელინა ჯოლი ჯასტინ ტერუსთან თანამშრომლობას გეგმავს

ჯენიფერ ენისტონთან დაშორების შემდეგ, ანჯელინა ჯოლიმ ჯასტინ ტერუსთან თანამშრომლობა გადაწყვიტა. ინსაიდერის თქმით, მსახიობს ეს გადაწყვეტილება მანამდეც ჰქონდა, სანამ ჯენიფერი და ის ერთმანეთს დაშორდებოდნენ.

ჯასტინი ძალიან ამბიციური მსახიობია. მისი კარიერა ამჟამად საკმაოდ კარგ ეტაპზეა, ამიტომ ჯოლისთან თანამშრომლობა მას მხოლოდ წაადგება“, – განაცხადა ინსაიდერმა.

შეგახსენებთ, რომ ტერუ და ენისტონი ერთმანეთს წინა კვირას დაშორდნენ და ამის შესახებ ოფიციალური განცხადებაც გამოავქეყნეს. ბევრი მიიჩნევს, რომ ენისტონს გრძნობა აქვს ყოფილმ მეუღლესთან, ბრედ პიტთან, რომელმაც ის ანჯელინა ჯოლის გამო მიატოვა. რაც შეეხება ჯოლის და პიტს, მათი განქორწინების პროცესი 2016 წლის სექტემბერში დაიწყო და ამ დრომდე გრძელდება.

„რეზო და ბავშვები“: „ჩვენი მიზანია, დავწეროთ სიმღერა, რომელზეც მთელი დედამიწა იცეკვებს!..“

ჯგუფი „რეზო და ბავშვები“ აქტიურად ემზადება 8 მარტს „სფეისჰოლში“ დაგეგმილი კონცერტისთვის. ბიჭები ნერვიულობენ… მათთვის ეს საპასუხისმგებლო დღეა და ამ კონცერტში ყველანაირი რესურსი ჩადეს. „რეზო და ბავშვების“ ოთხ წევრს კლუბში „10/11“ შევხვდით ფოტოსესიისა და ინტერვიუსთვის.

რეზო ბლიაძე:

კონცერტისთვის ვემზადებით, რადგან გასულმა ზაფხულმა აჩვენა, რომ ჯგუფზე მოთხოვნა არის და ეს ძალიან სასიამოვნოა. კარგია, როცა ასეთი პატივი გაქვს, როცა შენს სიმღერებს მღერიან, როცა ადამიანები მოდიან შენს კონცერტებზე და ამაში ფულს იხდიან, ამისი პრეცედენტები იყო… ასეთ დროს ხვდები, რომ რაღაც დაიძრა. გვინდა, საკუთარ თავში ძალა ვიპოვოთ, რომ უფრო მოტივირებულად გავაგრძელოთ და შემდეგ ეტაპზე გადავიდეთ. შევეჭიდეთ „სფეისჰოლს“, სადაც კონცერტის ჩატარება, არ დაგიმალავთ და იაფი არ არის, მაგრამ ბევრი ხალხი ეტევა, კარგი ჟღერადობა შეიძლება იყოს, ასე რომ, 8 მარტს აქ „რეზო და ბავშვები“ კონცერტს ვმართავთ. ჩვენი სახელწოდებიდან გამომდინარე, ზოგჯერ ჰგონიათ, რომ არ ვართ დიდების ბენდი, მაგრამ ეს ტყუილია… ჩვენ 8 მარტს დავამტკიცებთ, რომ ჩვენ შეგვიძლია მაგრად და სწორად დაკვრა. რაც მთავარია, სცენაზე ჩვენი სიმღერებით გამოვდივართ.

ლაზარე ადამია:

შესრულდება როგორც ძველი სიმღერები, ჰიტები, ასევე ოთხი ახალი სიმღერის პრემიერაც. მნიშვნელოვანია, რომ ყველა კომპოზიციას ახლებური ჟღერადობით, არანჟირებით წარმოვადგენთ. ვუპასუხებთ თანამედროვე მოთხოვნებს, ვეცდებით, ახლა რა ტენდენციებიც არის მსოფლიო მუსიკაში, ასეთი ტიპის ვერსიები გავაკეთოთ.

რეზო:

ხმის რეჟისორი გიორგი გვარჯალაძე, იგივე გვაჯი გაახმოვანებს კონცერტს. მის განკარგულებაშია „ჯეო ვოისი“ თავიანთი ტექნიკური შესაძლებლობებითა და აპარატურით. საკმაოდ ძვირად ღირებული ტექნიკა აქვთ, რასაც ვამატებთ იმას, რაც „სფეისჰოლში“ არის. ყველაფერს ვაკეთებთ, რომ ქვეყანაში მაქსიმუმი დავდოთ გახმოვანების კუთხით.

ლაზარე:

რაც სულ არის პრობლემა. მსმენელს ყოველთვის აქვე პრეტენზია. თავიდანვე, სანამ რეპერტუარს ჩამოვწერდით, რეზომ და ლელომ დაიწყეს ფიქრი, როგორი საუნდი უნდა ყოფილიყო, რაც ძალიან მნიშვნელოვანია.

ლელო ხოტივარი:

ჩვენი საზოგადოება მიჩვეულია, რომ არასდროს არ არის კარგი საუნდი და თუკი სადმე კარგი ჟღერადობაა, უკვირთ. შესაბამისი ჟღერადობა ჩვეულებრივი ამბავი უნდა იყოს. ჩვენთვის მთავარია, რომ მსმენელმა თქვას, ჯამში რა მაგარი კონცერტი იყოო. აქცენტი არის ჩვენს რეპერტუარზე, დაკვრისა და სიმღერის სტილზე, რაც ინდივიდუალურია. ეს არის თვისებები, რაც სხვას არ აქვს – რეზო მღერის ისე, როგორც მღერის და ისე, როგორც არ მღერის სხვა არავინ. ისე, როგორც ლაზარე უკრავს, არავინ სხვა არ უკრავს. ყოველ შემთხვევაში, ასე გვინდა, იყოს. გვსურს, იყოს გამართული რეპერტუარი, შესრულების ტექნიკა და ჟღერადობა. ჩვენ, ძირითადად, საავტორო სიმღერები გვაქვს. ერთადერთი ქავერია, ირაკლი ჩარკვიანის „მონატრება“, რასაც შევასრულებთ. ვერ ჩამომითვლით ბევრ ჯგუფსა და შემსრულებელს, რომელსაც სოლოკონცერტზე მხოლოდ ერთი ქავერი ექნება წარმოდგენილი. ყველა პროფესიონალი, ვინც ამ კონცერტში იქნება ჩართული, განაპირობებს კომფორტს, რაც ჩვენი ინდივიდუალიზმის, ნამღერისა და დაკრულის წარმოჩენის საშუალებას იძლევა. ძალიან კარგად ხვდება მსმენელი, თუკი რაიმე ხარვეზი გაქვს. არავინ დაგიწყებს იმის ახსნას, რა არ მოეწონა, უბრალოდ, იტყვის, რომ ცუდი კონცერტი იყო და შენ, არტისტი, ასეთ დროს – წააგებ.

ლაზარე:

მსმენელი მაინც ავლებს პარალელს, ბევრი ინფორმაცია აქვს ინტერნეტიდან და მოთხოვნა ძალიან მაღალია. ვერაფერს გამოაპარებ ქართველ მსმენელს, ძალიან ჭკვიანი მსმენელია.

ლელო:

რაც მთავარია, ზედმეტად პრეტენზიულები არიან. სამ ჭიქას დალევენ და ვიღას აინტერესებს შენი დაკრულიო, რომ ამბობენ, არ არის მართალი. ათი ჭიქის მერეც მშვენივრად ესმით ფალში და რომელი სიმღერა ვერ შეასრულე კარგად. როცა გაღიმებულ სახეებს სცენიდან უყურებ, გგონია, რა მაგარი კონცერტი მიდისო, მაგრამ ასე არ არის.

რეზო:

მოთხოვნის გაზრდამ აჩვენა, რომ ხარისხზეც არის მოთხოვნა. თვითცენზურისა და თვითშეფასების კრიტერიუმებმაც აიწია. ვფიქრობთ, მოდი, ნუ გავაკეთებთ 50 კონცერტს, რომელთაგანაც ათი არ იქნება ისეთი კარგი, ათი საშუალო იქნება და 30 კარგი. გვინდა, ათი კონცერტი გავაკეთოთ და ათივე ხარისხიანი.

ანუ კონცერტის წინ ღელვის მიზეზი გაქვთ…

ბექა:

ძალიან ვნერვიულობთ, ცალკეც და ერთადაც. ძალიან ბევრი ადამიანია ჩვენს კონცერტში ჩართული. ეს არის ჩვენი მხრიდან ექსპერიმენტი, რომელიც ბევრ რამეს დაგვანახვებს. გასულმა ზაფხულმა გვანახა ის, რომ ლაივი კარგია, მაგრამ აუცილებელია ხარისხი. ეს არის კარგი მსმენელისთვისაც და ჩვენთვისაც. კარგია „მეგობარო“, ბევრი ნახვა აქვს, ვიღაცებს ქორწილებში უმღერიან გადაკეთებული ტექსტებით, მაგრამ ესეც ერთგვარი გამოწვევაა – მუსიკოსი უნდა განვითარდეს, სულ უნდა სცადო ახალი რაღაცები. ზაფხულში რაც ავიღეთ, ჩავდეთ ინსტრუმენტების შეძენაში. გვაინტერესებს, დაინახავენ თუ არა, რომ სხვა ჟღერადობაზე გადავედით?..

რეზო:

ჩვენ არ ვართ ის ჯგუფი, რომელსაც რაღაცები ლანგრით მიართვეს. ნაბიჯ-ნაბიჯ შრომით ვაღწევთ ყველაფერს. გვინდა, მსმენელიც გამოგვყვეს და ჩვენთან ერთად გაიზარდოს.

დღეს ჯგუფებს შორის რა ტიპის კონკურენციაა?

შესაძლოა, ვიღაცები მიიჩნევენ, რომ კონკურენცია არის, მაგრამ ჩემი აზრით, ჩვენ ერთმანეთის კონკურენტები არ ვართ. ალბათ, უფრო „იუთუბზე“ ვართ მეტოქეები.

ლელო:

როგორ წარმოგიდგენია, რომ ჩვენი კონკურენტი იყოს მუსიკალური ბენდი, რომელიც მღერის სხვა თემებსა და სხვა ენაზე? მას სხვა მსმენელი ჰყავს და სხვა რაღაცით არის დაკავებული. მგონია, რომ ერთსა და იმავე კონცერტზე არ დაგვიძახებენ.  ბევრი სუპერპროფესიონალი მუსიკოსია ამ სფეროში, ჩვენი მეგობრები არიან, მაგრამ ჩემი აზრით,  მათმა ბენდმა ვერ გაამართლა…

რეზო:

რა თქმა უნდა, კარგი იქნება, ბევრი ჩვენნაირი ბენდი არსებობდეს ბაზარზე. ჩვენ შემთხვევაში იმხელა მოთხოვნაა, თუკი სხვებზეც გადანაწილდება, უფრო მოტივირებულები ვიქნებით, უფრო მაგარი სიმღერები დავწეროთ და უკეთესი კლიპები გადავიღოთ. ეს ინდუსტრიას აამუშავებს, როდესღაც ხომ უნდა ამოძრავდეს ეს სფერო, გამოჩნდნენ არტისტები. დღეს უკვე არსებობს შანსი, რომ ჩვენი ქვეყნიდან რაღაც მაგარმა „გაარტყას“ და გავიდეთ უფრო დიდ მასშტაბზე. რა არის „განგნამ სტაილ“? ჩვენ ვოცნებობთ, რაიმე ისეთი „გავარტყათ“ და გავიდეთ მსოფლიო მასშტაბზე. თუ ჩვენ არა, მაგარი იქნება, თუკი ჩემი კასპელი ძმაკაცი „გაარტყამს“ და ის გააცნობს მსოფლიოს ჩვენს ქვეყანას.

ლელო:

ამას წინათ ავსტრალიელი გოგონა თავის მუსიკალურ ბლოგზე განიხილავდა „მეგობარო“-ს და შენიშვნებს გვაძლევდა. რომ ვნახე, უამრავი მიმდევარი ჰყავს. ზის ლეპტოპის წინ  და განიხილავს სხვადასხვა თემას, ერთ-ერთ თემაში აღმოვჩნდით ჩვენ. გვირჩია, ტექსტი გადათარგმნეთო. რა შეხება აქვს ავსტრალიელ გოგონას ჩვენთან? „ჩემი მეგობრები ზებრაზე გადადიან“ – ამას ვერ გაიგებს, მაგრამ მუსიკა მოეწონა.

რეზო:

ჩვენი მიზანია, დავწეროთ ისეთი სიმღერა, რომელზეც იცეკვებს მთელი დედამიწა. ეს არის ჩვენი ოცნება.

ფოტო: დათუნა აგასი

გადაღების ადგილი: კლუბი: 10/11

 

 

 

 

ნინო მურღულია

 

აშშ-ში დონალდ ტრამპის შესახებ სერიალი გამოვიდა (ვიდეო)

ამერიკულმა ტელეარხმა Showtime დონალდ ტრამპის შესახებ მულტფილმი გამოუშვა. პროექტის პროდიუსერი სტივენ კოლბერია.

პირველი სეზონი ათი ეპიზოდისგან შედგება და მასში ტრამპისა და მისი მეუღლის ურთიერთობა, ასევე თეთრი სახლის საიდუმლო ცხოვრება იქნება ნაჩვენები.

ემა უოტსონი ავტსტრალიური Vogue–ის შავ-თეთრ ფოტოსესიაში

მართალია „ურჩხულისა და მზეთუნახავის“ გადაღებების შემდე ემა უოტსონმა სამსახიობო მოღვაწეობა შეწყვიტა, მაგრამ ეს სულაც არ ნიშნავს იმას, რომ პრესამ მის მიმართ ყურადღება მოადუნა. ემა უოტსონმა Vogue-ის ავსტრალიური ვერსიის მარტის ნომრის ყდა დაამშვენა. მსახიობმა არა მხოლოდ შავ-თეთრ ფოტოსესიაში მიიღო მონაწილეობა, არამედ მიწვეულ რედაქტორადაც „იმუშავა“.

Vogue-ის არჩევანი სრულიად ლოგიკურია, რადგან მარტის ნომერი იმ ადამიანებს ეძღვნებათ, ვინც ცდილობს გარშემომყოფები სამყაროს შეცვლისკენ განაწყოს. უოტსონმა ნომრისთვის ესე დაწერა, სადაც სწორედ უკეთესობისკენ შეცვლაზეა საუბარი.

თავად სიტყვა „შეცვლა“ უკვე დაძაბვას იწვევს, აშინებს ადამიანებს მოსალოდნელი შედეგითა და წარუმატებლობის შიშს ნერგავს. ამიტომ, აი რა მინდა შემოგთავაზოთ – გემის მართვისას, კაპიტანს შეუძლია საჭე მხოლოდ ერთი გრადუსით გადაატრიალოს და კურსი რადიკალურად შეცვალოს. მე მინდა შემოგთავაზოთ, ნომრის წაკითხვის შემდეგ, შეიცვალოთ ერთი გრადუსით, რადგან თუნდაც უმნიშვნელო ცვლილება შესაძლოა მეტისმეტად მნიშვნელოვანი აღმოჩნდეს“.

 

კოკა-კოლამ და ჯეისონ დერულომ მსოფლიო ჩემპიონატისთვის ჰიმნი დაწერეს

კოკა-კოლამ და ჯეისონ დერულომ მსოფლიო ჩემპიონატისთვის ჰიმნი დაწერეს. ცნობილი შემსრულებლისა და არანაკლებ ცნობილი ბრენდის საერთო ნამუშევარი კომპოზიცია – Colors გახდა. ნამუშევარი მოსალოდნელ დღესასწაულს და იმ მღელვარებას აღწერს, რომელსაც სულ მალე მთელი მსოფლიო მოიცავს.

მსოფლიო საფეხბურთო ჩემპიონატი  საერთაშორისო მასშტაბის კულტურული და სოციალური მოვლენაა. მუსიკასა და ფეხბურთს კი ის განსაკუთრებული ემოციები აერთიანებს, რომლებსაც ორივე მათგანი იწვევს. კოკა-კოლაში დარწმუნებულნი არიან, რომ ჯეისონის Colors მთელი მსოფლიო მოისმენს და სიმღერა გულშემატკივრებს განწყობის ამაღლებაშიც დაეხმარება.

მომღერლის განცხადებით, ჰიმნზე მუშაობა მისთვის ძალიან დიდი პატივი იყო და colors-ში მან მთელი მსოფლიოს რიტმი ასახა. ყველაზე სპორტული კომპოზიცია სხვადასხვა ქვეყნებსა და განსხვავებულ კულტურებს ეძღვნება.

 

„შავმა პანტერამ“ „იურული პერიოდის სამყარო“ და „შურისმაძიებლები“ უკან მოიტოვა

„შავი პანტერის“ საპრემიერო უქმეების მერე, ფილმის მოგება 235 მილიონ დოლარამდე გაიზარდა. ამ მაჩვენებლით კი მან უკან „შურისმაძიებლები“ და „იურული პერიოდის სამყარო“ უკან მოიტოვა, რომლებმაც ანალოგიურ დროში 226 და 234 მილიონი გამოიმუშავეს.

აღსანიშნავია, რომ ორივე მათგანი კინოგაქირავებაში ზაფხულში გამოვიდა, რაც ბლოკბასტერებისთვის მომგებიან დროს წარმოადგენს, ამის ფონზე კი „შავი პანტერის“ უპირატესობა ნათელია.

„მეფე ლომის“ სრულმეტრაჟიან ფილმში მულტფილმის 4 სიმღერა მოხვდება

ცნობილი მულტფილმის, „მეფე ლომის“ მიხედვით გადაღებულ სრულმეტრაჟიან ფილმში, რომელსაც ჯონ ფავრო გადაიღებს, 1994 წლის ორიგინალიდან მხოლოდ 4 სიმღერა დარჩება. კერძოდ კი, საუბარია შემდეგ საუნდტრეკებზე: „Hakuna Matata“, „I Just Can`t Wait To Be King“, „Can You Feel The Love Tonight“ და „Circle of Life“.

შგახსენებთ, რომ „მეფე ლომი“ კინოს ისტორიაში ყველაზე პოპულარული ნახატი ფილმია. 45 მილიონიანი ბიუჯეტით მან მილიარდ დოლარზე მეტი გამოიმუშავა. სიმღერამ „Can You Feel The Love Tonight“ კი „ოსკარი“ დაიმსახურა.

კრისტოფერ ნოლანმა ბონდიანას ახალი ნაწილის გადაღება უარყო

კრისტოფერ ნოლანი ჯეიმს ბონდის შესახებ მომდევნო ფილმს არ გადაიღებს. ინფორმაცია თავად რეჟისორმა დაადასტურა.

„ამ პროექტში მონაწილეობას არ მივიღებ. ამას კატეგორიულად ვაცხადებ. ყოველ ჯერზე, როდესაც რომელიმე რეჟისორი უარს ამბობს, ყველას ჰგონია, რომ იმ პროექტს მე ვუდგები სათავეში“, – განაცხადა ნოლანმა.

შეგახსენებთ, რომ „ბონდიანას“ 25-ე ეპიზოდს მაყურებელი 2019 წლის ნოემბერში იხილავს. მთავარ როლს მასში კვლავ დენიელ კრეიგი შეასრულებს.

ბერლინალეზე ბრეივიკის ტერაქტის შესახებ ფილმის პრემიერა შედგა

ბერლინალეზე ერიკ პოპეს ფილმის „უტოია, 22 ივლისი“ პრემიერა შედგა. პროექტი ნორვეგიის კუნძულზე მომხდარ ტრაგედიას შეეხება, რომელიც ანდრეს ბრეივიკმა მოაწყო. 2011 წლის 22 ივლისს მის ტერაქტს 77 ადამიანი ემსხვერპლა, მათ შორის იყო ქართველი სტუდენტი თამთა ლიპარტელიანი.

ფილმის პრემიერას უბედური შემთხვევის შედეგად გადარჩენილებიც დაესწრნენ. მათი თქმით, ადამიანებმა აუცილებლად უნდა ნახონ, სადამდე შეიძლება მივიდეს ექსტრემიზმი.

ფილმის ხანგრძლივობა 90 წუთია. მოვლენები ბრეივიკის მიერ დაშავებულთა თვალით არის გადმოცემული, ხოლო მისი გადაღებები კუნძულ უტოიაზე მიმდინარეობდა.

 

რობერტ პატინსონი „ბინდის“ გაგრძელებაში მონაწილეობას არ გამორიცხავს

რობერტ პატინსონი არ გამოიცხავს, რომ „ბინდის“ გაგრძელებაში მონაწილეობას მიიღებს. ასეთი განცხადება მან ბერნინალეზე გააკეთა.

„ჩემს ფილმებზე მუშაობის ცუდი გამოცდილება არასოდეს მქონია. ერთადერთი მიზეზი, რის გამოც ფილმის გაგრძელებებს გავურბივარ, არის ის, რომ მათი გადაღება R რეიტინგით აკრძალულია (16 წლის ზემოთ ასაკის მაყურებლებისთვის). თუ ეს შეზღუდვა მოიხსნება, მე მზად ვარ მომდევნო ნაწილში მონაწილეობა მივიღო“, – განაცხადა პატინსონმა.

შეგახსენებთ, რომ ბერლინალეზე მან ფილმი „ქალწული“ წარადგინა, რომელშიც პარტნიორობას მია ვასიკოვსკა უწევს.

მარტინ სკორსეზე იულიუს კეისარზე სერიალს გადაიღებს

მარტინ სკორსეზე ძველ რომზე სერიალს გადაიღებს. ცნობილი რეჟისორის პროექტი კონკრეტულაც იულიუს კეისარს შეეხება.

ცნობილია, რომ ცეზარი მაყურებლის წინაშე საშუალო ასაკში იქნება წარმოდგენილი, რომელიც თავის პოლიტიკურ მოწინააღმდეგებს მკაცრი მეთოდებით ებრძვის.

გადაღებები წლის ბოლოს ან 2019-ის დასაწყისში დაიწყება. პრემიერის თარიღი ამ დროისთვის უცნობია.

„ჯუმანჯის“ მოგება მილიარდ დოლარს მიუახლოვდა

სტუდია Sony Pictures-ის ნამუშევრის „ჯუმანჯის“ მოგებამ 900 მილიონ დოლარს გადააჭარბა. ასეთი შედეგი მან კინოგაქირავებაში ჩაშვებიდან 2 თვეში მოიპოვა. ამ თანხიდან 377 მილიონი მან საშინაო კინოგაქირავებაში მოიპოვა. ამასთან, აღსანიშნავია, რომ ფილმი ჯერ არ გამოსულა ისეთ მსხვილ ბაზარზე, როგორიც იაპონიაა, შესაბამისად, მას ყველანაირი პირობა აქვს, რომ მილიარდიანი ნიშნულს გადაცდეს.

შეგახენებთ, რომ ფილმში მთავარ როლებს დუეინ ჯონსონი, კარენ გილანი, ჯეკ ბლეკი, კევინ ჰარტი და სხვა მსახიობები ასრულებენ. რაც შეეხება ფილმის ბიუჯეტს, ის მხოლოდ 90 მილიონ დოლარს შეადგენს.

კეიტ მიდლტონმა BAFTA-ს დრესკოდი დაარღვია (ფოტო)

BAFTA-ს წლევანდელი ცერემონიის საპატიო სტუმრები, ბრიტანული სამეფო ოჯახის წარმომადგენლები, კეიტ მიდლტონი და პრინცი უილიამი იყვნენ. შეგახსენებთ, რომ 2010 წლიდან პრინცი ბრიტანული კინოსა და ტელევიზიის ხელოვნების აკადემიის საპატიო პრეზიდენტია.

კემბრიჯის ჰერცოგინიას გამოჩენამდე ყველას აინტერესებდა, რა ჩაცმულობას აირჩევდა პრინცის მეუღლე ცერემონიისთვის: ათობით კამერის წინ კეიტი Jenny Packham-ის მუქ მწვანე კაბაში გამოცხადდა.

საქმე კი იმაშია, რომ პრემიის დრესკოდი შავი ფერის ჩაცმულობა იყო, „ოქროს გლობუსის“ მსგავსად, აღნიშნულ ღონისძიებაზე მისული სტუმრები სწორედ ამ ფერის სამოსში უნდა ყოფილიყვნენ გამოწყობილები, რათა სექსუალური შევიწროებისადმი პროტესტი გამოეხატათ.

სამეფო ოჯახის წარმოამდგენლები, ისევე, როგორც სხვა შემთხვევაში, ამჯერადაც ნეიტრალიტეტის შენარჩუნებას შეეცადნენ.

BAFTA-ს გამარჯვებულთა სია და პრემიის მთავარი ტრიუმფატორი

ლონდონში BAFTA-ს დაჯილდოების ცერემონია დასრულდა. ბრიტანული კინოსა და ტელევიზიის ხელოვნების აკადემიამ წელს 71-ედ გამოავლინა ბოლო პერიოდის საუკეთესო მსახიობები, რეჟისორი, სცენარისტი და რა თქმა უნდა, თავად ფილმი.

საღამოს ტრიუმფატორი მარტინ მაკდონაჰის „სამი ბილბორდი ებინგის საზღვართან, მისური“ გახდა, რომელმაც აქამდე სხვა პრესტიჟული პრემიები, მათ შორის „ოქროს გლობუსი“, ვენეციის კინოფესტივალის ჯილდო საუკეთესო სცენარისთვის და სხვა პრემიები მოიპოვა. „ოსკარზე“ კი ის შვიდ კატეგორიაზეა წარდგენილი.

რეჟისორული ნამუშვრისთვის გილერმო დელ ტორო დააჯილდოვეს ფილმით „წყლის ფორმა“. „საუკეთესო მსახიობი მამაკაცი“ გარი ოლდმენი („ბნელი დროები“),

ხოლო „საუკეთესო მსახიობი ქალი“ ფრენსის მაკდრომანდი („სამი ბილბორდი ებინგის საზღვარზე, მისური“) გახდა.

„საუკეთესო ფილმი“ – „სამი ბილბორდი ებინგის საზღვარზე, მისური“

„საუკეთესო ბრიტანული ფილმი“ – „სამი ბილბორდი ებინგის საზღვარზე, მისური“

„საუკეთესო უცხოენოვანი ფილმი“ – „მოახლე“, რეჟისორი პაკ ჩხან-უკი

„მამაკაცის საუკეთესო მეორეხარისხოვანი როლი“ – სემ როკუელი, „სამი ბილბორდი ებინგის საზღვარზე, მისური“

„ქალის საუკეთესო მეორეხარისხოვანი როლი“ – ელისონ ჯენი, „მე, ტონია“

„საუკეთესო ორიგინალური სცენარი“ – „სამი ბილბორდი ებინგის საზღვარზე, მისური“

„საუკეთესო ადაპტირებული სცენარი“ – „შენი სახელით მომმართე“

„საუკეთესო ოპერატორული ნამუშვარი“ – „სამართებელზე მორბენალი 2049“

„საუკეთესო მონტაჟი“ – „ბეიბი დრაივერი“

„საუკეთესო გრიმი“ – „ბნელი დროები“

„საუკეთესო ანიმაციური ფილმი“ – „კოკო“

„საუკეთესო მუსიკა“ – „წყლის ფორმა“

„საუკეთესო ვიზუალური ეფექტები“ –  „სამართებელზე მორბენალი 2049“

„საუკეთესო დოკუმენტური ფილმი“ – „მე არ ვარ შავკანიანი“

„ამომავალი ვარსკვლავი“ (მაყურებელთა რჩეული) – დენიელ კალუია.

არნოლდ შვარცენეგერი Kung Fury-ში გამოჩნდება

არნოლდ შვარცენეგერი რეჟისორ დევიდ სენდბერგის ფილმში Kung Fury მონაწილეობას მიიღებს. ცნობილია, რომ შვარცენეგერს პარტნიორობას მაიკლ ფასბენდერი გაუწევს.

შეგახსენებთ, რომ რეჟისორმა 3 წლის წინ ფილმის 30 წუთიანი ვერსია Kickstarter-ის დახმარებით მიღებული დაფინანსებით გადაიღო. პროექტმა გაამართლა და შესაბამისად, ამჟამად სრულმეტრაჟიანი ფილმისთვის მიდის მხადება.

ფილმში გამოჩნდება დევიდ ჰეზელჰოფიც, რომელიც პარალელურად პროექტისთვის მუსიკას დაწერს.

გადაღებები მიმდინარე წლის ზაფხულში დაიწყება.

 

რობერტ პატინსონი სახიფათო მისიაზე წასული პატიმრის როლში: პირველი კადრი ფილმიდან

ქსელში რობერტ პატინსონის მონაწილეობით ახალი ფილმის „მაღალი საზოგადოება“ პირველი კადრი გამოჩნდა.

ფანტასტიკურ დრამაში მოქმედება კოსმოსურ ხომალდზე ვითარდება, რომლის წევრებიც პატიმრები არიან, რომლებმაც ციხეში გასატარებელი წლები საკმაოდ სახიფათო მისიაზე გაცვალეს.

პატინსონს ფილმში პარტნიორობას ჟულიეტ ბინოში, მია გოტი და სხვა მსახიობები უწევენ.

ფრენკ ოუშენმა ლეგენდარული ჰიტის თავისეული ვერსია შეყვარებულებს მიუძღვნა (აუდიო)

ამერიკელმა მუსიკოსმა, ფრენკ ოუშენმა სპეციალურად შეყვარებულთა დღისთვის ცნობილი ჰიტის, „Moon River“ თავისეული ვერსია წარმოადგინა.

შეგახსენებთ, რომ სიმღერის ორიგინალი მუსიკა ჰენრი მანჩინის, ხოლო ტექსტი ჯონ მერსერს ეკუთვნის და მას შეუდარებელი ოდრი ჰეპბერნი ასრულებდა 1961 წელს გადაღებულ ფილმში „საუზმე ტიფანისთან“.

პრინც ჰარისა და მეგან მარკლის შესახებ ფილმის პირველი კადრები გავრცელდა (ფოტო)

ქსელში ბრიტანეთის სამეფო ოჯახის წევრების, პრინც ჰარისა და მისი მომავალი მეუღლის, მეგან მარკლის ურთიერთობის შესახებ ფილმის პირველი კადრები გავრცელდა. თაყვანისცმლებს უკვე შეუძლიათ მსახიობებისა და მათი რეალური პროტოტიპების შედარება.

პროექტს „ჰარი და მეგანი: სამეფო სიყვარულის ისტორია“ ჰქვია და ის პრინცისა და მსახიობის გაცნობასა და მათი სიყვარულის განვითარებას შეეხება. გადაღებები ვანკუვერსა და ლოს-ანჯელესში მიმდინარეობს. ფილმის ჩვენება კი ქორწილამდე რამდენიმე დღით ადრე მოხდება. შეგახსენებთ, რომ გრანდიოზული ცერემონია 19 მაისს არის დაგეგმილი.

რაც შეეხებათ მთავარ პერსონაჟებს, მიურეი ფრეიზერი და პარისა ფიტც-ჰენლი, ჰარისა და მეგანს უჩვეულოდ ჰგვანან.

ემინემმა და ედ შირანმა ცნობილ დუეტზე კლიპი წარმოადგინეს (ვიდეო)

14 თებერვალს, ედ შირანმა და ემინემმა ერთობლივ დუეტზე „River“ გადაღებული კლიპი წარმოადგინეს. თუმცა შეყვარებულთა დღისთვის, ვიდეო საკმაოდ დეპრესიული გამოვიდა.

სიუჟეტის ცენტრში ემინემის მონაწილეობით სასიყვარულო სამკუთხედია, რომელშიც მეგობარი გოგო და მისი ყოფილი შეყვარებული არიან მთავარ როლში. ურთიერთობას კი თან კამათი, დაძაბულობა და ჩხუბიც კი ახლავს.

„მოსიარულე მკვდრებში“ მორიგი მსხვერპლი, შესაძლოა, რიკ გრაიმსი გახდეს

სერიალ „მოსიარულე მკვდრებში“, ერთ-ერთი მთავარი პერსონაჟის, კარლის გარდაცვალების შემდეგ, ზომბი-აპოკალიფსის მომდევნო მსხვერპლი შესაძლოა, თავად რიკ გრაიმსი გახდეს. შესაბამისი მოსაზრება მას შემდეგ გაჩნდა, რაც პროექტის ერთ-ერთმა შემქმნელმა, როვერტ კირკმანმა განაცხადა, რომ იმის გამო, რომ ცენტრალური ფიგურაა, ეს სულაც არ ნიშნავს იმას, რომ ის ხელშეუხებელია.

კითხვაზე, რომელი პერსონაჟი გადარჩება, მან უპასუხა, რომ ეს ჯერ არავინ იცის, რადგან შესაძლოა ისეთი გმირი გადარჩეს, რომელიც სერიალში ჯერ არც გამოჩენილა, ხოლო შესაძლოა, ეს ჯუდიტიც გახდეს.

შეგახსენებთ, რომ „მოსიარულე მკვდრების“ მერვე სეზონის ფინალური სერია 25 თებერვალს გამოვა.

Metallica „მუსიკის ნობელის პრემიას“ მიიღებს

ამერიკული ჯგუფი Metallica საერთაშორისო Polar Music Prize-ის ლაურეატი გახდა, რომელსაც „მუსიკის ნობელის პრემიასაც“ უწოდებენ.

დაჯილდოების ცერემონია 14 ივნისს სტოკჰოლმში გაიმართება. ღონისძიებას შვედეთის სამეფო ოჯახის წევრებიც დაესწრებიან.

შეგახსენებთ, რომ პრემიის ადრინდელი ლაურეატები პოლ მაკარტნი, ჩაკ ბერი და ბი ბი კინგი არიან.

Polar Music Prize 1989 წელს, ჯგუფ ABBA-ს მენეჯერმა სტიგ ანდერსონმა დააარსა.

ხუთი წლის შემდეგ, რობერტ პატინსონი და კრისტენ სტიუარტი კვლავ ერთად არიან

რობერტ პატინსონისა და კრისტენ სტიუარტის სკანდალური ურთიერთობა 5 წლის წინ დრამატულად დასრულდა – მაშინ „ბინდის“ ვარსკვლავები ერთმანეთს დაშორდნენ. თუმცა რამდენიმე დღის წინ, წყვილი ლოს-ანჯელესის ერთ-ერთ ბარში გადაიღეს.

ამის შესახებ სხვადასხვა ინტერნეტ-მომხმარებლებმა დაწერეს, რომლებმაც ცნობილი მსახიობები იმავე ბარში უშუალოდ ნახეს.

შეგახსენებთ, რომ ვარსკვლავები ერთმანეთს 2008 წელს დაშორდნენ, როდესაც კრისტენი პატინოსნის რეჟისორ რუბერტ სანდერსთან ღალატში ამხილეს. წყვილი მალევე შერიგდა და რობერტმა საყვარელ ქალს ცოლობაც კი სთხოვა, თუმცა საბოლოოდ ისინი მაინც დაშორდნენ.

ამჯამად კრისტენს რომანი მოდელ სტელა მაქსველთან აქვს, ხოლო პატინსონი საცოლეს, მომღერალ ტალია ბარნეტს რამდენიმე თვის წინ დაშორდა.

ემილი ბლანტი და ჯონ კრასინსკი საშინელებათა ფილმის ტრეილერში (ვიდეო)

ვარსკვლავური წყვილი, ემილი ბლანტი და ჯონ კრასინსკი ერთად მონაწილეობენ საშინელებათა ფილმში „წყნარი ადგილი“. აღნიშნული პროექტი კრასინსკის რეჟისორული ნამუშვარია და ის წყნარ ფერმაში მცხოვრებ ოჯახზეა, რომელთა დიდ სახლში საშინელი მონსტრები ცხოვრობენ.

ფილმის დიდ ეკრანებზე გამოსვლის თარიღი მიმდინარე გაზაფხულია.

ტონი ბრექსტონი ახალ ალბომზე მუშაობს

ამერიკელმა მომღერალმა ტონი ბრექსტონმა უკანასკნელი 8 წლის მანძილზე პირველი ალბომი დააანონსა.

სწორედ ამ გზით გადაწყვიტა მუსიკოსმა სადებიუტო დისკის გამოსვლიდან 25 წლის იუბილეს აღნიშვნა.

რიგით მე-9 ფირფიტა სახელწოდებით „Sex And Cigarettes“ 23 მარტს გამოვა. ალბომში ადრე გამოსული დუეტები შევა, მათ შორის Deadwood-თან, კოულბი კელეისთან და ასევე დამოუკიდებელი სიმღერა „Long As I Live“. ხოლო მიმდინარე გაზაფხულზე ბრექსტონი ჩრდილოეტ ამერიკაში ტურნეში გაემგზავრება.

ედ შირანი პრინც ჰარისა და მეგან მარკლის ქორწილში იმღერებს

ედ შირანი პრინც ჰარისა და მეგან მარკლის ქორწილზე გამოვა. ინფორმაცია ოფიციალურად დადასტურდა.

როგორც ცნობილია, პრინცმა შემსრულებელს შესაბამისი თხოვნით პირადად მიმართა.

ასევე ცოტა ხნის წინ ცნობილი გახდა, რომ სამეფო ქორწილზე ელტონ ჯონიც გამოვა. სპეციალურად ამ ცერემონიისთვის მან ორი დაგეგმილი კონცერტი გადადო.

 

„თავისუფლების ორმოცდაათი ელფერი“ ამერიკული კინოგაქირავების ლიდერია

გასული უქმეების მონაცემებით, ეროტიკული დრამა „თავისუფლების ორმოცდაათი ელფერი“ ამერიკული კინოგაქირავების ლიდერი გახდა. ფილმმა 38,8 მილიონი დოლარი გამოიმუშავა. რაც შეეხება საერთაშორისო გაქირავებას, მან უკვე მილიარდ დოლარს გადააჭარბა.

კვირის რეიტინგული ფილმების სამეულში „პარიზის მატარებელი“ და „ჯუმანჯი“ იმყოფებიან, ამ უკანასკნელის მოგება სულ მალე 900 მილიონ დოლარს გადააჭარბებს, რაც სტუდია Sony Pictures-სთვის სასიამოვნო მოულოდნელობაა.

 

გილერმო დელ ტორო ვენეციის კინოფესტივალის ჟიურის თავმჯდომარე გახდება

მექსიკელი რეჟისორი გილერმო დელ ტორო ვენეციის კინოფესტივალის ჟიურის უხელმძღვანელებს.

2017 წელს, მისმა ფილმმა „წყლის ფორმამ“ აღნიშნული ფესტივალის „ოქროს ლომი“ მოიპოვა, ამ დროისთვის კი ის „ოსკარის“ 13 ნომინაციაზეა წარდგენილი, მათ შორის „საუკეთესო რეჟისორის“ კატეგორიაზე.

დელ ტორომ ჟიურის თავმჯდომარეობას დიდი პასუხისმგებლობა და პატივი უწოდა და განაცხადა, რომ მადლიერია.

შეგახსენებთ, რომ ვენეციის 75-ე კინოფესტივალი 29 აგვისტოდან 8 სექტემბრამდე ჩატარდება.

ირინა შეიკი Bottega Veneta-ს ჩვენების ვარსკვლავი გახდა (ფოტო)

ნიუ-იორკში სრული სვლით მიმდინარეობს მოდის კვირეული. წელს პოდიუმზე ახალგაზრდა დედა, ირინა შეიკიც გავიდა. მოდელმა ბრენდ Bottega Veneta-ს შემოდგომა-ზამთრის კოლექცია წარმოადგინა.

პოდიუმზე შეიკი ყვითელი ფერის ხავერდის კაბაში გამოცხადდა, რომელსაც ღრმა დეკოლტე და თეძოსთან ჭრილი ამშვენებდა. მინიმალური მაკიაჟითა და ჩვეული თავდაჯერებულობით სუპერმოდელი საღამოს ერთ-ერთი გამორჩეული მონაწილე გახდა.

შეგახსენებთ, რომ ირინა შეიკი და ბრედლი კუპერი მშობლები გასული წლის მარტში გახდნენ. წყვილი მთელს თავისუფალ დროს 1 წლის ქალიშვილთან ერთად ატარებს.

კენდრიკ ლამარმა მისი კონცერტების გადაღება აკრძალა

ამერიკელმა რეპერმა კენდრიკ ლამარმა მისი კონცერტების გადაღება მკაცრად აკრძალა. აკრძალვა პროფესიონალ ფოტოგრაფებსაც შეეხოთ. შეგახსენებთ, რომ გასულ კვირას დუბლინში სტარტი აიღო მუსიკოსის ევროპულმა ტურნემ.

ამ გზით, ლამარი იმედოვნებს, რომ მისი მუსიკისადმი ინტერესი და გაყიდული ბილეთების რაოდენობა მკვეთრად მოიმატებს.

„თავისუფლების ორმოცდაათი ელფერის“ საუნდტრეკების კრებული გამოქვეყნდა

„თავისუფლების ორმოცდაათი ელფერის“ პრემიერის შემდეგ, ქსელში უკვე ხელმისაწვდომია ფილმის საუნდტრეკების კრებულიც. აღსანიშნავია, რომ დისკის შექმნაში ცნობილი მომღერლები – რიტა ორა, ლიამ პეინი, ჯესი ჯეი და სხვა ვარსკვლავები მონაწილეობდნენ. ალბომი 22 ნამუშვარს შეიცავს, კომპოზიტორი კი დენიელ ელფმანია.

შეგახსენებთ, რომ ფილმის პრემიერა 8 თებერვალს გაიმართა.

ვიქტორია ბექჰემმა Spice Grils-ის გაერთიანება უარყო

Spice Grils-ის ყოფილმა წევრმა, ვიქტორია ბექჰემმა კოლექტივის გაერთიანების შესახებ გვარცელებული ხმები უარყო.

„მე არ ვაპირებ მათთან ერთად გამოსვლას. არც Spice Girls მიემგზავრება ტურნეში“, – განაცხადა მან ერთ-ერთ გამოცემასთან ინტერვიუში.

ამ მომენტისთვის, ყოფილი მომღერალი და ამჟამად ტანსაცმლის დიზაინერი ნიუ-იორკში ტანსაცმლის ახალი კოლექციის ჩვენებისთვის ემზადება.

Maroon 5-მა მორიგი კლიპი წარმოადგინა (ვიდეო)

ამერიკულმა პოპ-როკ ჯგუფმა Maroon 5 სიმღერაზე „Wait“ გადაღებული კლიპი წარმოადგინა. რელიზიდან რამდენიმე საათში ვიდეომ, როგორც მოსალოდნელი იყო, 2 მილიონზე მეტი ნახვა და 180 ათასზე მეტი კომენტარი დაიმსახურა.

სიახლე ჯგუფის მეექვსე ალბომში „Red Pill Blues“ შედის და ის მეოთხე ოფიციალურ სინგლად მოიაზრება. ამ მომენტისთვის, სიახლე Billboard Hot 100-ის 56-ე ადგილზე იმყოფება.

რაც შეეხება ალბომს, ის გაყიდვაში გასული წლის ნოემბერში გამოვიდა და Billboard 200-ის მე-2 პოზიციამდე ასვლა შეძლო.

მადამ ტიუსოს მუზეუმში ტომ ჰარდის ცვილის ფიგურა გამოჩნდა (ფოტო)

ლონდონის მადამ ტიუსოს მუზეუმში ტომ ჰარდის ცვილის ორეული გამოჩნდა. 40 წლის მსახიობი ტყავის სავარძელზე ზის და საკმაოდ საქმიანი იმიჯი აქვს: მას აცვია კლასიკური შარვალი, თეთრი პერანგი და ჟილეტი. თაყვანისმცემლებმა აღნიშნეს, რომ ფიგურა თავის რეალურ ორეულს ნამდვილად ძალიან ჰგავს.

როგორც ფიგურის ავტორები ირწმუნებიან, მას გული უცემს.

შეგახსენებთ, რომ ამჟამად ჰარდი ფილმში „ვენომი“ მონაწილეობს, რომელიც დიდ ეკრანებზე 4 ოქტომბერს გამოვა.

ტონი ბრექსტონმა ახალი სიმღერა გამოუშვა (აუდიო)

ამერიკელმა მომღერალმა ტონი ბრექსტონმა სიმღერა სახელწოდებით „Long As I Live“ გამოუშვა. სიახლე მის მერვე სტუდიურ ალბომში „Sex & Cigarettes“ შევა, რომლის რელიზიც მარტში იგეგმება.

ცოტა ხნის წინ მომღერალმა სინგლი „Deadwood“ გამოუშვა, რომელიც ამერიკული ჩარტის მე-7 პოზიციაზე განთავსდა.

პრინც ჰარისა და მეგან მარკლის ქორწილისთვის ელტონ ჯონმა კონცერტები გადადო

მუსიკოსმა ელტონ ჯონმა მეგან მარკლისა და პრინც ჰარის ქორწილის გამო, ორი დაგეგმილი კონცერტი გადადო.

ცერემონია 19 მაისს გაიმართება, ხოლო მასზე მოსახვედრად მუსიკოსმა 18 და 19 მაისს გასამართ კონცერტებზე უარი თქვა.

ელტონ ჯონი – პრინცესა დიანას ახლო მეგობარი იყო, შესაბამისად ის მის შვილებთანაც მეგობრობს.

ჯერ-ჯერობით უცნობია, ვარსკვლავი კონცერტზე იმღერებს თუ უბრალოდ სტუმარი იქნება.

ჯეიმი დორნანი და ჯეიმს კორდენი „გრეის 50 ელფერის“ პაროდიაში (ვიდეო)

ცნობილი ეროტიკული საგის, „გრეის 50 ელფერის“ დასკვნითი ნაწილი დიდ ეკრანებზე ცოტა ხნის წინ გამოვიდა, ამიტომ მთავარი როლის შემსრულებლები, ჯეიმი დორნანი და დაკოტა ჯონსონი აქტიურად ხვდებიან მედიის ყურადღების ცენტრში.

ამჯერად, ყურადღება დორნანზე გამახვილდა. მსახიობი საკუთარ შოუში The Late Late Show პოპულარულმა ჯეიმს კორდენმა მიიწვია და ის პარდიულ ვიდეოში გადაიღო.

სიუჟეტის მიხედვით, კორდენს დორნანი თავის „საიდუმლო ოთახში“ შეჰყავს. დაბნეულ მსახიობს ის ეუბნება, რომ წასვლა ნებისმიერ წუთს შეუძლია. ყველაფერი კი ბუნებრივია, იუმორისტული ხაზით ვითარდება.

ერთ ტურნეში ადელმა 142 მილიონი გამოიმუშავა

ადელმა ერთ მსოფლიო ტურნეში 142 მილიონი დოლარი გამოიმუშავა. არსებული ინფორმაციით, 2016-2017 წლებში, მომღერალს ერთ შოუში 1 მილიონს უხდიდნენ. მაშინ ვარსკვლავს ალბომის „25“ მხარდასაჭერი ტურნე ჰქონდა.

აღნიშნული ინფორმაცია მომღერლის კომპანიამ „Remedy Touring“ გაავრცელა.  მათ დააზუსტეს, რომ ამ თანხიდან ადელმა 42 მილიონი მიიღო, დანარჩენი კი ხარჯებსა და კომპანიას მოხმარდა.

 

უილ სმიტმა საკუთარი შვილის კლიპის პაროდია ჩაწერა (ვიდეო)

მსახიობმა და მუსიკოსმა, უილ სმიტმა, საკუთარი ვაჟიშვილის, ჯეიდენ სმიტის კლიპის პაროდია გადაიღო.

ამისათვის მან სიმღერა „Icon“ აარჩია და ის იუმორისტული დეტალებით გააფორმა. მაგალითად, სიმღერის შესრულებისას სმიტს პირიდან დეკორატიული ხელოვნური კბილები გადმოსცვივდება.

ამ გზით, მსახიობმა თავის შვილს ახალი მიღწევა მიულოცა: სერვის Spotify-ზე, ჯეიდენის მუსიკის მოსმენების რაოდენობამ 100 მილიონს მიაღწია.

Spice Girls მსოფლიო ტურნეში გაემგზავრება

Spice Girls მსოფლიო ტურნეში გაემგზავრება. არსებული ინფორმაციის თანახმად, ვიქტორია ბექჰემი, ემა ბანტონი, ჯერი ჰოლიუელი, მელანი ბრაუნი და მელანი ჩიზჰოლი კონცერტენს ამერიკასა და დიდ ბრიტანეთში გამართავენ.

გასულ კვირას გოგონები ყოფილ მენეჯერს, საიმონ ფულერს შეხვდნენ და სამოქმედო გეგმა შეადგინეს. მიზანი სწორედ აღნიშნული ტურნეა, რომელიც სტარტს ზაფხულის ბოლოს აიღებს.

აღსანიშნავია, რომ ჯგუფი ახალი მასალის შექმნას არ აპირებს.

 

რაიან რეინოლდსმა “დედპული 2”-ის ახალი ფოტო გამოაქვეყნა

რაიან რეინოლდსმა „დედპულის“ მეორე ნაწილის ახალი პოსტერი გამოაქვეყნა. მასში კომიქსების ცნობილი პერსონაჟი 1983 წლის ფილმიდან, „ცეცხლოვანი ცეკვა“ ცნობილ სცენას იმეორებს.

შეგახსენებთ, რომ ფილმის პრემიერა 17 მაისს არის დაგეგმილი. მთავარ როლებს კი მასში რაიან რეინოლდსის გარდა ჯოშ ბროლინი, მორენა ბაკარი და სხვა მსახიობები ასრულებენ.

არნოლდ შვარცენეგერი სერიალში გამოჩნდება

კალიფორნიის ყოფილი გუბერნატორი და პოპულარული მსახიობი არნოლდ შვარცენეგერი სერიალში სახელწოდებით „Outrider“ მონაწილეობას მიიღებს. პროექტის წარმოებით სტუდია Amazon დაკავდება. ერთ-ერთი მთავარი როლის გარდა, შვარცენეგერი ფილმის პროდიუსერიც იქნება.

შვარცენეგერისთვის ეს პირველი სერიალი იქნება, რადგან აქამდე ის სრულმეტრაჟიან ფილმებში მონაწილეობდა.

„სამეფო კარის თამაშების“ ავტორები „ვარსკვლავური ომების“ სერიალზე იმუშავებენ

სტუდიამ Lucasfilm ახალი სატელევიზიო სერიალი დააანონსა, რომელიც „ვარსკვლავური ომების“ სამყაროში განვითარდება. ცნობილია ისიც, რომ პროექტზე პოპულარული „სამეფო კარის თამაშების“ ავტორები იმუშავებენ.

„ჩვენ უნიკალური შესაძლებლობა მოგვეცა, თუმცა ვაღიარებთ, რომ ამ პასუხისმგებლობით ცოტა შეშინებულებიც ვართ. ვღელავთ, თუმცა ერთი სული გვაქვს, როდის დავიწყებთ გადაღებებს, ეს კი მაშინვე მოხდება, რაც „სამეფო კარის თამაშების“ ბოლო სეზონს დავასრულებთ“, – განაცხადეს მათ.

ედ შირანი საკუთარ ქორწილში ბიონსესა და ტეილორ სვიფტს დაპატიჟებს

ცოტა ხნის წინ ცნობილი გახდა, რომ ედ შირანი და მისი მეგობარი გოგო, ჩერი სიბორნი დაინიშნენ. როგორც ჩანს, ქორწილი სანახაობრივი იქნება, რადგან შირანი მასზე ტეილორ სვიფტისა და ბიონსეს დაპატიჟებას გეგმავს. ამ უკანასკნელთან ერთად კი ის ცნობილ სიმღერას „Perfect“ შეასრულებს, რომელიც შირანმა სწორედ თავის საყვარელ ქალს მიუძრვნა.

რაც შეეხება სვიფტს, მუსიკოსებს ასევე ჩაწერილი აქვთ დუეტი „End Game“.

„კოკოს“ მოგებამ 700 მილიონ დოლარს გადააჭარბა

მულტფილმ „კოკოს“ მსოფლიო მოგებამ 700 მილიონ დოლარს გადააჭარბა. ამის შესახებ პორტალი Boxofficemojo წერს. თანხის დიდი ნაწილი, დაახლოებით 500 მილიონი, პროექტმა საერთაშორისო კინოგაქირავებაში მოაგროვა.

ამ წარმატებას ისიც ერთვის თავს, რომ მულტფილმი ჯერ არ გამოსულა რამდენიმე ქვეყანაში. მაგალითად იაპონიაში მისი პრემიერა მარტში იგეგმება.

შეგახსენებთ, რომ „კოკო“ წარდგენილია „ოსკარზე“ ნომინაციაში „საუკეთესო მულტფილმი“. მანამდე კი მან „ოქროს გლობუსი“ და Annie Awards 2018 უკვე მიიღო.

მონიკა ბელუჩიმ კინოპრემია Lumieres Award გაალამაზა (ფოტო)

გუშინ, პარიზში ძმებ ლიუმიერების სახელობის კინოპრემია გაიმართა, რომელიც „ოქროს გლობუსის“ ფრანგულ ანალოგად ითვლება. ღონისძიების საპატიო სტუმარი მონიკა ბელუჩი იყო.

საღამოსთვის იტალიელმა ლამაზმანმა Alexandre Vauthier-ის წითელი კაბა შეარჩია, რომელიც შავი მაღალქუსლიანი ფეხსაცმლითა და Christian Louboutin-ის ხელჩანთით გააფორმა. Cartier-ის სამკაული კი უნაკლო იმიჯის საბოლოო შტრიხი გახდა.

პრემია „ლიუმიერი“ წელს 23-ედ გაიმართა. აბსოლუტური ლიდერი „120 დარტყმა წუთში“ გახდა, რომელმაც ექვსივე წარდგენილ ნომინაციაში გაიმარჯვა.

„ველური დასავლეთის სამყარო“: მეორე სეზონის პირველი ტრეილერი გამოქვეყნდა (ვიდეო)

სცენარისტი ჯონათან ნოლანი სერიალზე „ველური დასავლეთის სამყარო“ მუშაობას განაგრძობს. ამ დღეებში მეორე სეზონის ტრეილერი გამოქვეყნდა.

მასში ნაჩვენები იქნება პარკის შექმნის შესახებ, რომელიც თავის ტერიტორიებს აფართოებს. კადრში ჩნდება მეივი და მისი მოგონებებიც, რაც ქალიშვილის ძებნის ახალ ხაზზე მიუთითებს. რობოტების აჯანყება გრძელდება და ისინი პარკის სტუმრებს კლავენ, ერთ-ერთი მთავარი რევოლუციონერი კი დოლორესია.

შეგახსენებთ, რომ სერიალის ამჟამინდელი აუდიტორია 12 მილიონ მაყურებელს შეადგენს, ამ მაჩვენებლის წყალობით კი, პირველი სეზონი HBO-ს პროექტების ერთ-ერთი რეკორდსმენი გახდა.

მეგან მარკლისა და პრინც ჰარის შესახებ ფილმში მთავარი როლის შემსრულებელთა ვინაობა ცნობილია

ფილმის „ჰარი და მეგანი: სამეფო სიყვარულის ისტორია“ გადაღებები მიმდინარე კვირას იწყება. ცნობილი გახდა, ვინ შეასრულებენ მასში მთავარ როლებს. ესენი არიან: მიურეი ფრეიზერი და პარისა ფიტც-ჰენლი.

სატელევიო პროექტი სამეფო ოჯახის წარმომადგენლისა და ამერიკელი მსახიობის გაცნობის შემდეგ განვითარებულ სასიყვარულო მოვლენებს, მათ პირველ საერთო გამოსვლასა და მეგანის პირველ ქმართან განქორწინებას აღწერს.

გადაღებები ვანკუვერსა და ლოს-ანჯელესში იგეგმება, პრემიერა კი გაზაფხულზე, მეგანისა და ჰარის ქორწილამდე ცოტა ხნით ადრე შედგება.

შეგახსენებთ, რომ მსგავსი ფილმი კეიტ მიდლტონისა და პრინც უილიამის ქორწილამდე 11 დღით ადრე გამოვიდა.

გილერმო დელ ტორომ ამერიკის რეჟისორთა გილდიის პრემია მიიღო

რეჟისორმა გილერმო დელ ტორომ ამერიკის რეჟისორთა გილდიის პრემია მიიღო ფილმისთვის „წყლის ფორმა“, ნომინაციისთვის „2017 წლის საუკეთესო ფილმი“.

ამავე ნომინაციაში დელ ტოროს გარდა წარდგენილები იყვნენ რეჟისორები: ჯორდან პილი ფილმით „წადი აქედან“, კრისტოფერ ნოლანი დრამით „დიუნკერკი“, მარტინ მაკდონაჰი და „სამი ბილბორდი ებინგის საზღვართან, მისური“, ასევე გრეტა გერვიგი ფილმით „Lady Bird“.

ანჯელინა ჯოლი წითელ ხალიჩაზე კვლავ ქალიშვილებთან ერთად გამოჩნდა (ფოტო)

ბოლო დროს, ანჯელინა ჯოლი შვილებთან ერთად ამა თუ ინ ღონისძიებაზე ან საქველმოქმედო ვიზიტებზე სულ უფრო ხშირად ჩნდება. ამ დღეებში მსახიობი Annie Awards 2018-ის წითელ ხალიჩაზე შაილოსთან და ზაჰარასთან ერთად გამოჩნდა.

თუკი თავად ანჯელინა, როგორც ყოველთვის, ქალურობისა და სინაზის განსახიერება იყო, მისმა შვილებმა არჩევანი მკაცრ მამაკაცურ ჩაცმულობაზე გააკეთეს.

ცერემონიაზე ჯოლიმ კატეგორიაში „საუკეთესო დამოუკიდებელი ანიმაციური ფილმი“ გამარჯვებისთვის, პროექტით „მომპოვებელი“ პრიზი მიიღო. ანჯელინა ფილმის პროდიუსერი იყო.

ღონისძიების აბსოლუტური ლიდერი მულტფილმი „კოკო“ გახდა, რომელმაც 11 ქანდაკება მიიღო.

„კოკომ“ ანიმაციის მთავარი პრიზები მოიპოვა

სტუდია „პიქსარის“ მულტფილმი „კოკო“ პრემია Annie Awards 2018-ის ტრიუმფატორი გახდა, რომელიც „ანიმაციურ ოსკარად“ ითვლება. მულტფილმმა 11 ნომინაცია მიიღო, მათ შორის კატეგორიებში „საუკეთესო სრულმეტრაჟიანი ნამუშევარი“, „საუკეთესო რეჟისურა“ და „საუკეთესო სცენარი“.

„საუკეთესო ანიმაციურ პერსონაჟებად ფილმში“ პროექტ „მაიმუნების პლანეტა: ომის“ გმირები დასახელდნენ, ხოლო „სატელევიზიო პროექტის საუკეთესო გამხმოვანებლად“ ტომ კენი დასახელდა, რომელიც ცნობილი ანიმაციური სერიალის, „ღრუბელი ბობი – კვადრატული შარვლის“ მთავარ პერსონაჟს ახმოვანებს.

სუპერბოული 2018: ჯასტინ ტიმბერლეიკის დაბრუნება და პინკის მოულოდნელი დაუდევრობა (ვიდეო/ფოტო)

4 თებერვალს, მინეაპოლისში წლის ერთ-ერთი ყველაზე მნიშვნელოვანი ღონისძიება – სუპებოული გაიხსნა. ეროვნული საფეხბურთო ლიგის ჩემპიონატს არამარტო ამერიკული ფეხბურთის თაყვანისმცემლები, არამედ მელომანებიც სულმოუთქმელად ელოდებიან. რადგან, მასზე ა კლასის ვარსკვლავები ყოველწლიურად დაუვიწყარ შოუს მართავენ.

წელს, ეროვნული ჰიმნის შესრულების პატივი წილად პინკს ხვდა, რომელიც სტადიონზე მეუღლესთან და უფროს ქალიშვილთან ერთად მივიდა. მომღერალს მცირე დაუდევრობაც მოუვიდა: სიმღერის დაწყებამდე, როდესაც მისი მისამართით უამრავი კამერა იყო მიმართული, მან მოულოდნელად საღეჭი რეზინი პირიდან გამოიღო და ჰიმნის შესრულება სწორედ შემდეგ დაიწყო.

შოუ მუსიკალურად ჯასტინ ტიმბერლეიკმა გააფორმა, რომელმაც სუპერბოულზე გამოსვლა რამდენიმე თვის წინ დააანონსა. ვარსკვლავმა საკუთარი და ცნობილი ჰიტების 14 წუთიანი პოპური შეასრულა და ბოლოს უამრავ თაყვანისმცემელთან ერთად სამახსოვრო სელფი გადაიღო.

ვიქტორია ბექჰემმა Spice Girls-ის გაერთიანება დაადასტურა

ვიქტორია ბექჰემმა „ინსტაგრამზე“ ჯგუფ Spice Girls-ის გაერთიანების შესახებ ინფორმაცია დაადასტურა. სოციალურ ქსელში მან ემა ბანტონთან, ჯერი ჰოლიუელთან, მელანი ბრაუნთან და მელანი ჩიზჰოლთან ერთად გადაღებული ფოტო განათავსა.

გოგონები იმედოვნებენ, რომ მათი პირველი ერთობლივი გამოსვლა დასამახსოვრებელი გახდება: კერძოდ კი, ისინი გეგმავენ, რომ პრინც ჰარისა და მეგან მარკლის ქორწილში იმღერონ, რომელიც 19 მაისს გაიმართება. ჯერი ჰოლიუელის მტკიცებით, 90-იან წლებში მეგანი მათი დიდი თაყვანისმცემელი იყო, ამიტომ მას ეს შეთავაზება ნამდვილად გაუხარდება.

Love my girls!!! So many kisses!!! X Exciting x #friendshipneverends #girlpower

A post shared by Victoria Beckham (@victoriabeckham) on

ჯასტინ ტიმბერლეიკის ახალ კლიპში ჯესიკა ბილი მონაწილეობს (ვიდეო)

ჯასტინ ტიმბერლეიკმა ახალი კლიპი „Man of the Woods“ გამოუშვა, რომელშიც მისი მეუღლე, ჯესიკა ბილი მონაწილეობს. მსახიობს ვიდეოში არც ისე დიდი, თუმცა დასამახსოვრებელი როლი აქვს.

ჯასტინ ტიმბერლეიკი და ჯესიკა ბილი – ჰოლივუდის ერთ-ერთი ყველაზე მტკიცე და ლამაზი წყვილია. ისინი 10 წელია ერთად არიან და ერთმანეთის მიმართ მუდმივად გამოხატავენ გრძნობებს.

დენიელ კრეიგი ყველაზე ულამაზო ჯეიმს ბონდად დასახელდა

დიდი ბრიტანეთში ჩატარდა გამოკითხვა და ჯეიმს ბონდის როლის ყველაზე ულამაზო შემსრულებელი გამოვლინდა. ეს წოდება დენიელ კრეიგმა დაიმსახურა. როგორც აღმოჩნდა, მას დანარჩენებთან შედარებით ყველაზე არაპროპორციული სახის ნაკვთები, კერძოდ კი: ზედმეტად თხელი ტუჩები, დიდი ცხვირი და საკმაოდ განიერი სახე აქვს.

ყველაზე ლამაზი ჯეიმს ბონდის ტიტული კი შონ კმონერმა დაიმსახურა, რომელმაც კრეიგის 84%-ს 5%-ით აჯობა.

თავად კრეიგს აღნიშნულ შედეგზე კომენტარი ჯერ არ გაუკეთებია.

შონ კონერი

„შერლოკის“ შემქმნელებმა სერიალის მომავალზე ისაუბრეს

„შერლოკის“ შემქმნელებმა, სტივენ მოფატმა და მარკ გეიტისმა სერიალის მომავალზე ისაუბრეს.

როგორც მოფატმა აღნიშნა, უახლოეს მომავალში პროექტს პერსპექტივა არ აქვს, თუმცა არ გაუკვირდებოდა მომავალში სერიალით რომ დაკავებულიყო. მოფატმა დაამატა, რომ წარმოდგენა არ აქვს, როდის შეიძლება ეს მოხდეს.

„ამჟამად „დრაკულას“ ვიღებთ, რასაც მინიმუმ 2 წელი დასჭირდება. „შერლოკზე“ ფიქრი კი მხოლოდ ამის მერე შეიძლება“, – განაცხადა გეიტისმა.

Super Mario ფილმად გამოვა

საკულტო თამაში Super Mario სრულმეტრაჟიან ფილმად გამოვა. შესაბამისი კონტრაქტი კომპანიებმა Nintendo და Illumination Entertainment უკვე გააფორმეს. ეს უკანასკნელი ცნობილია წარმატებული პროექტებით „საზიზღარი მე“ და „შინაური ცხოველების საიდუმლო ცხოვრება“.

შეგახსენებთ, რომ 1993 წელს ცნობილი თამაშის მიხედვით ფილმი „მარიოს სუპერძმები“ გამოვიდა, რომელშიც ბობ ჰოსკინსი, ჯონ ლეგუიზამო და დენის ჰოპერი მონაწილეობდნენ. ფილმს განსაკუთრებული კომერციული წარმატებისთვის არ მიუღწევია.

ლედი გაგამ ინგლისში ცეცხლოვანი შოუ გამართა (ფოტო)

ლედი გაგამ უკანასკნელი ალბომის „Joanne“ მხარდასაჭერი კონცერტი ინგლისში, კერძოდ კი ბირმინგემში გამართა. ცოტა ხნის წინ ის აანონსებდა, რომ მისი გამოსვლა დაუვიწყარი იქნებოდა და ეს ასეც მოხდა – შოუ ნამდვილად გრანდიოზული გამოვიდა: ცეცხლოვანი სპეცეფექტები, საცეკვაო ნომრები და მრავალრიცხოვანი სასცენო კოსტიუმები. ლედი გაგამ უკმაყოფილო არავინ დატოვა.

საღამოს განმავლობაში მომღერალმა რამდენიმე ფორმა შეიცვალა. თავდაპირველად ის მოკლე შორტებსა და ბაიკერის ქურთუკში გამოვიდა, შემდეგ კი გამჭვირვალე კომბინეზონი ჩაიცვა. მომდევნო კოსტიუმები უფრო დახურული იყო: დიდი ზომის კაბა და წითელი მოსასხამი.

შეგახსენებთ, რომ წელს ლედი გაგამ „გრემის“ დაჯილდოების ცერემონიაზე ოფიციალურად წარადგინა საქმრო, კრისტიან კარინო. წყვილი დაქორწინებას მიმიდნარე წელს გეგმავს.

ემილი ბლანტი და დუეინ ჯონსონი ჯუნგლების კრუიზში ერთად გაემგზავრებიან

ემილი ბლანტი პარტნიორობას გაუწევს დუეინ ჯონსონს ფილმში „კრუიზი ჯუნგლებში“. ფილმის სიუჟეტი ჯერ არ ხმაურდება. გადაღებები მაისში დაიწყება, პრემიერის თარიღი კი ამ დროისთვის უცნობია.

აღსანიშნავია, რომ ფილმს Walt Disney გადაიღებს და ის ბლანტისა და აღნიშნული სტუდიის მესამე ერთობლივი პროექტი გახდება. აქამდე იყო პროექტები „ტყეში“ და „მერი პოპინსის დაბრუნება“.

 

48 წლის ჯენიფერ ლოპესი თოჯინას შეადარეს (ფოტო)

სატელევიზიო შოუში World of Dance მისული 48 წლის ჯენიფერ ლოპესი თოჯინას შეადარეს. ვარსკვლავი აღნიშნული პროექტის პროდიუსერია და მისი ღონისძიებისთვის ლოპესმა საკმაოდ უჩვეულო ვიზუალი შეარჩია.

თეთრ მოკლე კაბაში, რომელიც ხაზს ჯენიფერის ვიწრო წელსა და ნავარჯიშებ ფეხებს უსვამდა, მომღერლის მისამართით კომპლიმენტები არ დაიშურეს. ლოპესმა მაკიაჟში აქცენტი ტუჩებსა და ღაწვებზე გააკეთა, რომელიც ნარინჯისფერ ტონში შეიღება.

შეგახსენებთ, რომ შოუმ World of Dance სტარტი გასული წლის მაისში ტელეარხ NBC-ზე აიღო.

ტომ ჰარდიმ ლეონარდო დიკაპრიოს სახელი ამოისვირინგა (ფოტო)

ტომ ჰარდიმ მხარზე ლეონარდო დიკაპრიოს სახელი ამოიწვირინგა. კერძოდ კი, მსახიობმა  შემდეგი წარწერა დაიწერა: „Leo Knows all” („ლეომ ყველაფერი იცის“). ბრიტანელმა მსახიობმა ჯერ კიდევ ორი წლის წინ წააგო დიკაპრიოსთან კამათი და მოგებულმა მას სწორედ ეს მოსთხოვა.

აღნიშნული ფაქტი კი ცნობილი შემთხვევით გახდა. ჰარდის ერთ-ერთმა თაყვანისმცემელმა მასთან ერტად გადაღებული სელფი გააზიარა, სადაც წარწერა ჩანს.

შეგახსენებთ, რომ ტომ ჰარდი და ლეონარდო დიკაპრიო ერთად მონაწილეობდნენ ფილმში „გადარჩენილი“. აღნიშნული ნამუშვრისთვის დიკაპრიომ „ოსკარიც“ დაიმსახურა.

პინკის ახალ კლიპში მისი ქალიშვილი მონაწილეობს (ვიდეო)

პინკმა სიმღერაზე „Wild Hearts Can’t Be Broken“ გადაღებული კლიპი წარმოადგინა. ვიდეოში მუსიკოსის უფროსი ქალიშვილი, უილოუ მონაწილეობს.

აღსანიშნავია, რომ ეს პირველი შემთხვევა არ არის, რომ გოგონა ცნობილი დედის კლიპში გამოჩნდა: 2015 წელს ის ვიდეოში „Just Like Fire“, 2013-ში კი კლიპში „True Love“ გამოჩნდა, – ამ უკანასკნელში ის 2 წლის იყო. რაც შეეხება უმცროს ვაჟიშვილს, 2 წლის ჯეიმსონს, ის პინკის კლიპებში ჯერ არ გამოჩენილა.

ირინა შეიკი და ბრედლი კუპერი მეორე შვილს ელოდებიან

ბრედლი კუპერი და ირინა შეიკი პაპარაცების ობიექტივში არც ისე ხშირად ხვდებიან, თუმცა ამ დღეებში პაპარაცებმა ისინი ორსულობის დაგეგმვის სამედიცინო ცენტრში გადაიღეს. წყვილი საკმაოდ ბედნიერად გამოიყურებოდა, მათ პაპარაცებისგან დამალვა არც უცდიათ.

ირინას თავისუფალი მაქსი-კაბა და დაბალძირიანი ფეხსაცმელი ეცვა, მან უარი თქვა მაკიაჟზეც.

იმ შემთხვევაში თუ შეიკი მართლაც ორსულად არის, ეს მისთვის და ამერიკელი მსახიობისთვის მეორე შვილი იქნება. პირველი ქალიშვილი წყვილს გასული წლის მარტში შეეძინა.

შეგახსენებთ, რომ შეიკი და კუპერი ერთად 2015 წლიდან არიან. ირინას პირველი ორსულობის ამბავი Victoria’s Secret-ის შოუზე გახდა ცნობილი, სადაც მოდელიც მონაწილეობდა. ბრენდის ღია ჩაცმულობამ კი მისი მომრგვალებული მუცლის დაფარვა ვერ შეძლო.

რიანა და მისი ბოიფრენდი პაემანზე გადაიღეს (ფოტო)

პირველად, რიანასა და არაბი ბიზნესმენის, ჰასან ჯამილის რომანზე დასავლური ტაბლოიდები გასული წლის ზაფხულში ალაპარაკდნენ. მიუხედავად იმისა, რომ მას შემდეგ წყვილი საკუთარ ურთიერთობას აფიშირებას არ უკეთებს, პაპარაცები მუდმივად ახერხებენ მათ დაფიქსირებას.

ამ დღეებში გამართული „გრემის“after-party ერთ-ერთი ასეთი ლოკაცია გახდა, რომელსაც ბარბადოსელი ვარსკვლავი რჩეულთან ერთად ესტუმრა. მის შემდეგ კი ისინი ერთად რომანტიკულ ვახშამზე გაემგზავრნენ.

სპეციალურად პაემნისთვის რიანამ შეარჩია კაბა ღრმა დეკოლტეთი და მასზე დიდი მოსასახამი, ჰასანმა კი უპირატესობა მუქ ჯინსებს, თეთრ ბოტასებსა, ნაცრისფერ მაისურსა და თხელ ქურთუკს მიანიჭა.

 

 

 

 

„ლარა კროფტს“ ალისია ვიკანდერის მონაწილეობით ჩავარდნას უწინასწარმეტყველებენ

ანჯელინა ჯოლის შემდეგ, ლარა კროფტის როლზე სხვა სახეს, როგორც ჩანს, ბევრი ადამიანი ვერ ეგუება. განსაკუთრებით კი ეს დამოკიდებულება მას შემდეგ გამძაფრდა, რაც ფილმის ტრეილერი გამოვიდა. ბევრი პროექტს ჩავარდნას უწინასწარმეტყველებს.

ანალიტიკოსების თქმით, აშშ-ში ფილმი საპრემიერო უქმეებზე 22 მილიონზე მეტს ვერ გამოიმუშავებს, ჯამში კი მისგან მაქსიმუმ 55 მილიონს მოელიან.

შედარებისთვის, 2001 წელს, ანჯელინა ჯოლის მონაწილეობით ფილმმა პირველ უქმეებზე 48 მილიონი დოლარი გამოიმუშავა, ჯამში კი მარტო აშშ-ში მან 130 მილიონი დოლარი მოიტანა.

ტომ ჰენკსი ცნობილ ტელეწამყვანს განასხიერებს

„ოსკარის“ ლაურეატი ტომ ჰენკსი, ამერიკელების ერთ-ერთ საყვარელ ტელეწამყვანს, ფრედ როჯერსს განასახიერებს.

ბიოგრაფიულ ფილმს „შენ ჩემი მეგობარი ხარ“ ერქმევა და მას რეჟისორი მარიელ ჰელარი გადაიღებს. გადაღებები კი სექტემბერში დაიწყება.

შეგახსენებთ, რომ ცნობილი ტელეწამყვანი 2003 წელს გარდაიცვალა.

მონიკა ბელუჩი ჯაშუშურ ტრილერში მონაწილეობას მიიღებს

მონიკა ბელუჩი და ბენ კინგსლი ჯაშუშურ ტრილერში მონაწილეობას მიიღებენ. საუბარია ფილმზე „ობობა ქსელში“ და ის რეალური ფაქტების მიხედვით არის გადაღებული. ფილმში მოვლენები თანამედროვე ევროპაში განვითარდება, გადაღებები კი ბელგიასა და ჰოლანდიაში წარიმართება.

სიუჟეტის მიხედვით, ცნობილი აგენტი ადერეტი (კინგსლი) ახალგაზრდა კოლეგამ უნდა იპოვოს, თუმცა მალევე საქმეში ბელუჩის იდუმალებით მოცული გმირი ერთვება. მაყურებელს ტყუილისა და ინტრიგის სამყაროს ნახვა ელის.

ვუდი ალენის ახალი ფილმი, შესაძლოა, სკანდალის გამო აღარ გამოვიდეს

ვუდი ალენის ახალი ფილმი „წვიმიანი დღე ნიუ-იორკში“, შესაძლოა, რეჟისორსა და მის გერს შორის წარმოქმნილი სკანდალის გამო აღარ გამოვიდეს.

ფილმის დისტრიბუციით კომპანია Amazon უნდა დაკავებულიყო, თუმცა ამჯერად ამტკიცებენ, რომ ფილმი ან საერთოდ არ გამოვა, ან მისი ჩვენება კინოგაქირავების წინ აქტიური პიარის გარეშე მოხდება.

ამას გარდა, სულ უფრო დიდია იმ მსახიობების სია, რომლებიც ალენთან თანამშრომლობაზე უარს აცხადებენ.

Amazon-ის მხრიდან ამ ფაქტზე კომენტარი ჯერ არ გაკეთებულა.

გრემი 2018: ყველაზე ლამაზი წყვილები (ფოტო)

მედისონ-სქვერ გარდენში „გრემის“ რიგით მე-60 ცერემონია გაიმართა. შოუ, როგორც ყოველთვის, სანახაობრივი და რა თქმა უნდა, მუსიკალური იყო. საღამოს ტრიუმფატორი ბრუნო მარსი (6 ჯილდო) და კენდრიკ ლამარი (5 ჯილდო) გახდნენ. წითელი ხალიჩისა და გემოვნებიანად ჩაცმული ვარსკვლავების გარდა, ყოველ წელს საკმაოდ დიდი ყურადღება დამსწრე წყვილებს ეთმობათ. გამონაკლისი არც წლევანდელი შოუ იყო:

ყურადღების ცენტრში რა თქმა უნდა, ბიონსე და ჯეი ზი მოხვდნენ, რომლებიც დაჯილდოებაზე უფროს ქალიშვილთან ბლუ აივისთან ერთად მივიდნენ. მიუხედავად იმისა, რომ რეპერი რვა ნომინაციაზე იყო წარდგენილი, მას არცერთი პრემია არ აუღია, თუმცა ეს ჯეი ზის ვიზუალზე არ აისახებოდა. საყვარელ ოჯახთან ერთად ის საკმაოდ ბედნიერად გამოიყურებოდა.

თითქმის სრული შემადგენლობით მივიდა ცერემონიაზე პინკი, რომელსაც გვერდს მეუღლე, კევინ ჰარტი, ქალიშვილი უილოუ და დედა, ჯუდიტ მური უმშვენებდა. ერთი წლის ვაჟიშვილი კი, ვარსკვლავმა თან არ წაიყვანა.

ჯონ ლეჯენდი ცერემონიას ორსულ მეუღლესთან, მოდელ კრისი ტეიგენთან ერთად დაესწრო. წყვილს უკვე ჰყავს უფროსი ქალიშვილი.

წითელ ხალიჩაზე ლედი გაგა მარტო პოზირებდა, თუმცა ფოტოგრაფებმა კულისებში მისი საქმროს, კრისტიან კარინოს დაფიქსირება მოახერხეს. წყვილი დაქორწინებას მიმდინარე წელს გეგმავს.

ანჯელინა ჯოლიმ სირიელი დევნილები შვილებთან ერთად მოინახულა (ფოტო)

ანჯელინა ჯოლი ქალიშვილებთან, ზაჰარასთან და შაილოსთან ერთად იორდანიაში მდებარე სირიელი დევნილების ბანაკს ესტუმრა.

11 წლის შაილოსთვის ეს მესამე მსგავსი ტიპის შეხვედრა იყო, 13 წლის ზაჰარასთვის კი – პირველი.

ჯოლი სიტყვითაც გამოვიდა და განაცხადა, რომ ამ დროისთვის დევნილების უმეტესობას ყველანაირი ფინანსური რესურსი ამოეწურა და ბევრის დღიური ნორმა დღეში 3 დოლარს შეადგენს. მსახიობის თქმით, აუცილებელია გამოსავლის ძებნა, რადგან ეს საკმაოდ რთული სიტუაციაა, რომელსაც ყველა უნდა ებრძოლოს.

ლონდონელმა კინოკრიტიკოსებმა საუკეთესო ფილმი გამოავლინეს

ლონდონის კინოკრიტიკოსთა გაერთიანებამ საუკეთესო ფილმად „სამი ბილბორდი ებინგის საზღვარზე, მისური“ დაასახელა. აღნიშნულმა პროექტმა ასევე ნომინაციებში „საუკეთესო მსახიობი ქალი“ (ფრენსის მაკდრომანდი) და „საუკეთესო სცენარი“ (მარტინ მაკდონაჰი) გაიმარჯვა.

„წლის რეჟისორად“ შონ ბეიკერი („პროექტი „ფლორიდა“) დასახელდა, ხოლო „წლის მსახიობად“ ტიმოთი შალამე („შენი სახელით მომმართე“) აღიარეს.

„საუკეთესო უცხოენოვან ფილმად კი „ის“ ცნეს, სადაც მთავარ როლს იზაბელ იუპერი ასრულებს.

 

გრემი 2018: წლის მთავარი იმედგაცრუება და ტრიუმფი

“გრემის“ რიგით მე-60 დაჯილდოების ცერემონია დასრულდა. თუკი აქამდე პრემიის ერთ-ერთი მთავარი ფავორიტი რეპერი ჯეი ზი იყო, საღამოს ტრიუმფატორები ბრუნო მარსი და კენდრიკ ლამარი გახდნენ, ბიონსეს მეორე ნახევარი კი პრიზის გარეშე დარჩა.

წლევანდელი გრემის გამარჯვებულთა ძირითადი სია შემდეგნაირად გამოიყურება:

წლის ალბომი – ბრუნო მარსი, „24 K Magic”

წლის ჩანაწერი – ბრუნი მარსი, „24 K Magic”

წლის სიმღერა – „That’s What I Like“ – კრისტოფერ ბროდი ბრაუნი, ფილიპ ლაურენსი, ბრუნო მარსი, რეი ჩარლზ მაკკოლაფ II, ჯერემი რივზი. სიმღერის ავტორი ბრუნო მარსი.

საუკეთესო სოლო გამოსვლა – ედ შირანი, „Shape of you”

საუკეთესო ჯგუფური პერფორმანსი – “Feel It Still” – The Man

საუკეთესო ტრადიციული პოპ-ვოკალური ალბომი – Tony Bennett Celebrates 90

საუკეთესო პოპ-ალბომი – ედ შირანი, ÷ (Divide)

საუკეთესო საცეკვაო სიმღერა – LCD Soundsystem, “Tonite”

საუკეთესო საცეკვაო/ელექტრონული ალბომი – Kraftwerk, „3-D The Catalogue“

საუკეთესო როკ-გამოსვლა – ლეონარდ კოენი, “You Want It Darker”

საუკეთესო როკ-სიმღერა -Foo Fighters, “Run”

საუკეთესო როკ -ალბომი – The War On Drugs, „A Deeper Understanding“

საუკეთესო ალტერნატიული ალბომი – The National, „Sleep Well Beast“

წლის დებიუტანტი – ალესია კარა

საუკეთესო R&B წარმოდგენა – ბრუნო მარსი, „“That’s What I Like“

საუკეთესო R&B სიმღერა – „That’s What I Like“ – კრისტოფერ ბროდი ბრაუნი, ფილიპ ლაურენსი, ბრუნო მარსი, რეი ჩარლზ მაკკოლაფ II, ჯერემი რივზი. სიმღერის ავტორი ბრუნო მარსი.

საუკეთესო ურბანული ალბომი – The Weeknd, „Starboy”

საუკეთესო R&B ალბომი – ბრუნო მარსი, „24 K Magic”

საუკეთესო რეპ-ალბომი – კენდრიკ ლამარი, „HUMBLE

საუკეთესო რეპ-წარმოდგენა-ენდრიკ ლამარი და რიანა, „LOYALTY“

საუკეთესო რეპ-სიმღერაკენდრიკ ლამარი, „HUMBLE“

საუკეთესო რეპ-ალბომიკენდრიკ ლამარი, „DAMN.“

საუკეთესო სოლო ქანთრი წარმოდგენა – კრის სტეიპლტონი, „“Either Way“

საუკეთესო ქანთრი ჯგუფიLittle Big Town, „“Better Man“

საუკეთესო ქანთრი სიმღერაკრის სტეიპლტონი, „Broken Halos“

საუკეთესო ქანთრი ალბომი- კრის სტეიპლტონი, „From a Room: Volume 1“

საუკეთესო ლათინო პოპ-ალბომიშაკირა, „El dorado”

საუკეთესო ლათინო როკ ან ალტერნატიული ალბომიResidente, „Residente“

საუკეთესო ტრადიციული ბლუზ-ალბომი – The Rolling Stones, „Blue & Lonesome“

საუკეთესო ფოლკ-ალბომი – ეიმი მანი, „Mental Illness“

საუკეთესო რეგი-ალბომი – დემიან მარლი, „Stony Hill“

საუკეთესო საუნდტრეკების კრებული ფილმისთვის – „ლა ლა ლენდი“

სიმღერის საუკეთესო ავტორი – „How Far I’ll Go“ – ლინ მანუელ მირანდა, სიმღერის ავტორი Auli’i Cravalho

 

„წყლის ფორმის“ შემქმნელებს პლაგიატში ადანაშაულებენ

გილერმო დელ ტოროს ფილმი „წყლის ფორმა“ თანამედროვეობის ერთ-ერთი ყველაზე გახმაურებული და პოპულარული ნამუშევარია. მან უკვე მიიღო „ოქროს გლობუსი“ და ვენეციის კინოფესტივალის პრემია, „ოსკარზე“ კი 13 ნომინაციაზეა წარდგენილი.

თუმცა, პროექტის გარშემო ხმაურიანი სკანდალი მწიფდება: დელ ტოროს ახალ ქმნილებას პლაგიატში მწერალ პოლ ზინდელის შვილი, დევიდი ადანაშაულებს, რომლის მტკიცებითაც, „წყლის ფორმა“ მამამისის პიესის, „ნება მომეცი, შენი ჩურჩული გავიგო“ გადმოკოპირებულ ვერსიას წარმოადგენს.

ამერიკელი სცენარისტის ოჯახის განცხადებით, ისინი შოკში ჩავარდნენ, როდესაც წლევანდელი ფავორიტი ფილმი ნახეს: „ვერ ვიგებ, როგორ შეიძლებოდა, რომ საავტორო უფლებებზე არ მოგვმართეს“, – ამბობს დევიდი.

სინამდვილეში კი, პიესის სცენარი ფილმის იდენტურია: მთავარი პერსონაჟი საიდუმლო საბრძოლო ლაბორატორიაში მომუშავე დამლაგებელია, რომელსაც ცოცხალი არსება (ზინდელის შემთხვევაში დელფინი, ხოლო დელ ტოროს შემთხვევაში – ამფიბია) შეუყვარდება. მასზე ექსპერიმენტებს ატარებენ, დამლაგებელი კი მის გადარჩენას ცდილობს.

Fox Searchlight-ის წარმომადგენლები დელ ტოროს მხრიდან პლაგიატს გამორიცხავენ. „მას არასოდეს წაუკითხავს ზინდელის ნაწარმოები. რეჟისორს 25 წლიანი გამოცდილება და რამდენიმე ათეული გენიალური ფილმი აქვს. ის მზად არის, ზინდელას ოჯახთან ნებისმიერი სადავო საკითხი გაარკვიოს, – განაცხადეს მათ.

 

წყვილები, რომლებიც 2018 წელს დაქორწინდებიან

პრინც ჰარისა და მეგან მარკლის ამბავი 2017 წლის ერთ-ერთი მთავარი მოვლენა გახდა. სამეფო ოჯახის წარმომადგენლისა და ამერიკელი მსახიობის კავშირი თავდაპირველად ბრიტანეთის დედოფლისთვის მიუღებელი იყო, თუმცა ჰარის მონდომებით, ყველაფერი ისე დასრულდა, როგორც მათ სურდათ და ნოემბერში პრინცმა საყვარელ ქალს ხელი სთხოვა. ქორწილი, რომელსაც 2018 წელს ყველაზე მეტად მოელიან, 19 მაისს არის დაგეგმილი.

 

პრინცესა ევგენია და ჯეკ ბრუკსბენკი

შემოდგომაზე სამეფო ოჯახში კიდევ ერთ ქორწილი იგეგმება. ელიზაბეტ მეორის შვილიშვილი ცოლად ბიზნესმენ ჯეკ ბრუკსბენკს მიყვება. წყვილს რომანი 7 წელია აქვს.

 

პერის ჰილტონი და კრის ზილკა

კრისმა საყვარელ ქალს ხელი გასული წლის ბოლოს სთხოვა და ეს ფაქტი ჰილტონმა სოციალურ ქსელში გაახმაურა. სასტუმროების ქსელის 37 წლის მემკვიდრე ქორწილის შემდეგ მეუღლის გვარზე გადასვლას გეგმავს.
ედ შირანი და ჩერი სიბორნი

მუსიკოსმა ბავშვობის სიყვარულს ხელი ახალი წლის ღამეს სთხოვა და ამის შესახებ „ისნტაგრამზე“ გააზიარა. „ჩვენ ძალიან ბედნიერები ვართ, ისევე, როგორც ჩვენი კატები“, – დაწერა ვარსკვლავმა.

როუზ ლესლი და კიტ ჰარინგტონი

„სამეფო კარის თამაშების“ ვარსკვლავები, რომლებიც სერიალშიც შეყვარებულებს თამაშობენ, რამდნიმე თვის წინ დაინიშნენ. წყვილი 5 წელია ერთად არის, ცოტა ხნის წინ მათ ინგლისის დასავლეთით საერთო სახლიც შეიძინეს და საცხოვრებლად გადავიდნენ.

 

ლედი გაგა და კრისტიან კარინო

ტეილორ კინისთან დაშორების შემდეგ, ლედი გაგამ რომანი თავის აგენტთან, კრისტიან კარინოსთან გააბა. წყვილი ზაფხულში დაინიშნა, 2018 წელს კი გრანდიოზული ქორწილის გადახდას გეგმავენ.
გვინეტ პელტროუ და ბრედ ფელჩაკი

კრის მარტინთან დაშორების შემდეგ, პელტროუს რომანი ბრედ ფელჩაკთან აქვს. 45 წლის მსახიობმა და 46 წლის პროდიუსერმა ნიშნობის შესახებ რამდენიმე დღის წინ განაცხადეს.

ჯონ სინა და ნიკი ბელა

ცნობილმა რესტლერმა და მსახიობმა საყვარელ ქალს ხელი პირდაპირ რინგზე სთხოვა. შემდეგ კი ყველაფერი ისე იყო, როგორც ხდება ხოლმე: ნიკიმ თანხმობა უთხრა და შემდეგ მათ ერთმანეთს აკოცეს.

დემიენ შაზელი და ოლივია ჰამილტონი

„ოსკარის“ აღების დროს, დემიენ შაზელი საყვარელ ქალზე იყო შეყვარებული. ცნობილმა რეჟისორმა ოლივიას ხელი 2017 წლის ოქტომბერში სთხოვა. დემიენისთვის ეს რიგით მეორე ქორწინება იქნება.

შაკირა და ჟერარ პიკე

მიუხედავად იმისა, რომ ბოლო დროს მათ დაშორებაზე ბევრს საუბრობდნენ, წყვილი კვლავ ერთად არის და ორი საერთო შვილის აღზრდას განაგრძობს. წლის ბოლოს პიკემ საყვარელ ქალს ხელი სთხოვა, ხოლო მიმდინარე წელს ისინი ქორწილის გადახდას გეგმავენ.

„ლა ლა ლენდის“ რეჟისორი Apple-ის შესახებ სერიალს გადაიღებს

ფილმ „ლა ლა ლენდის“ რეჟისორი, დემიენ შაზელი კომპანია Apple-ის შესახებ სერიალს გადაიღებს. პროექტის დეტალები მკაცრად არის გასაიდუმლოებული, თუმცა ცნობილია, რომ შაზელი თითოეული ეპიზოდის სცენარისტი და რეჟისორი გახდება. ამას გარდა, ის აღმასრულებელი პროდიუსერიც იქნება.

შაზელისთვის ეს უკვე მეორე სატელევიზიო პროექტია. აქამდე ცნობილი გახდა, რომ Netflix-სთვის ის მუსიკალურ დრამაზე იმუშავებს.

შეგახსენებთ, რომ გასულ წელს „ლა ლა ლენდმა“ ექვსი „ოსკარი“ მიიღო, მათ შორის ნომინაციაში „საუკეთესო რეჟისორი“.

მსოფლიო კინოს მთავარი ბოროტმოქმედი პერსონაჟები გამოვლინდა

დარტ ვეიდერი მსოფლიო კინემატოგრაფის მთავარ ბოროტმოქმედ მსახიობად დასახელდა. შესაბამისი გამოკითხვა გამოცემამ EmpireOnline გამოავლინა.

ათეული შემდეგნაირად გამოიყურება:

 

  1. დარტ ვეიდერი (“ვარსკვლავური ომები”)

  2. ჯოკერი (“ბეტმენი”)

  3. ლოკი (“თორი”)

  4. ჰანს გრუბერი (“კერკეტი კაკალი”)

  5. ჰანიბალ ლექტერი (“კრავთა დუმილი”)

  6. ჰანს ლანდა (“უსახელო ნაბიჭვრები”)

  7. კაილო რენი (“ვარსკვლავური ომები”)

  8. ანტონ ჩიგური (“მოხუცებისთვის აქ ადგილი არ არის”)

  9. ლორდი ვოლან-დე-მორტი (“ჰარი პოტერი”)

  10. ქსემორფი (“უცხო”)

ანჯელინა ჯოლიმ და ბრედ პიტმა შეთანხმებას მიაღწიეს

თითქმის წელიწადნახევრიანი უთანხმოების შემდეგ, ანჯელინა ჯოლიმ და ბრედ პიტმა კონსესუსს მიაღწიეს.

წყვილთან დაახლოებული წყაროს ცნობით, ვარსკვლავებმა შვილებზე მეურვეობის საკითხზე შეთანხმდნენ: ჯოლი დათანხმდა, რომ მშობლის მოვალეობის ნაწილი ექვს შვილთან მიმართებაში პიტმაც აიღოს თავის თავზე.

ამ გზით, ბრედ პიტი მონაწილეობას მიიღებს მათ აღზრდაში და შვილებთან მეტი დროის გატარების საშუალება მიეცემა.

კარლის გარდაცვალებას „მოსიარულე მკვდრების“ ახალ სერიაში დეტალურად აჩვენებენ

ერთი თვის შემდეგ, სერიალ „მოსიარულე მკვდრების“ თაყვანისმცემლები მე-8 სეზონის დასკვნით სერიას იხილავს, რომელშიც ერთ-ერთი მთავარი გმირის, კარლის გარდაცვალება დეტალურად იქნება ნაჩვენები. კარლი პროექტში პირველივე სერიიდან ჩანს, ამიტომ ამ ფაქტს განსაკუთრებული ყურადღება სწორედ მისი მნიშვნელობიდან გამომდინარე დაეთმობა.

შეგახსენებთ,  რომ დასკვნითი სერიის ხანგრძლივობა 60 წუთის ნახვლად 82 წუთი იქნება.

ბრედლი კუპერი და ირინა შეიკი ქალიშვილთან ერთად სანაპიროზე ერთობიან (ფოტო)

ბრედლი კუპერი და ირინა შეიკი მშობლები გასული წლის მარტში გახდნენ. მას შემდეგ, ახალგაზრდა ოჯახი ცდილობს, დრო ერთმანეთის გარემოცვაში გაატაროს.

ამ დღეებში პაპარაცებმა ვარსკვლავები ქალიშვილთან ერთად ლოს-ანჯელესში, Sunset-ის სანაპიროზე გადაიღო. ოჯახი არაჩვეულებრივად ატარებდა დროს: კუპერი და შეიკი მხის ჩასვლით ტკბებოდნენ, ლეა კი ქვიშაზე ცოცავდა.

შეგახსენებთ, რომ 43 წლის ბრედლი და 32 წლის ირინა ერთმანეთს 2015 წლის გაზაფხულიდან ხვდებიან.

სტინმა და შაგიმ დუეტი წარმოადგინეს (აუდიო)

სტინგმა ახალი სიმღერა „Don’t Make Me Wait“ გამოუშვა, რომელიც იამაიკელ რეგის შემსრულებელთან, შაგისთან დუეტს წარმოადგენს.

პრემიერა მუსიკოსების ერთობლივი დისკის ნაწილი გახდება, რომელმაც სახელწოდება „44/876“ მიიღო და მისი რელიზი 20 აპრილს შედგება.

შეგახსენებთ, რომ სტინგის უკანასკნელი სოლო ალბომი „57th & 9th“ გაყიდვაში 2016 წლის ნოემბერში გამოვიდა. აშშ-ში მან უკეთესი რეზულტატი აჩვენა, ვიდრე ვარსკვლავის სამშობლოში, დიდ ბრიტანეთში.

სელენა გომესმა და ზეინ მალიკმა „ალადინის“ საუნდტრეკი ჩაწერეს

ამერიკელმა მუსიკოსებმა, სელენა გომესმა და ზეინ მალიკმა სტუდია „დისნეის“ ახალი პროექტისთვის, „ალადინისთვის“ მთავარი საუნდტრეკი ჩაწერეს.

ფილმის პრემიერა 2019 წლის მაისში იგეგმება და მისი რეჟისორი გაი რიჩი იქნება. მთავარ როლებს კი უილ სმიტი და ნაომი უოტსი შეასრულებენ.

ფილმს მუსიკალურად ამერიკელი კომპოზიტორი და პიანისტი ალან მენკენი გააფორმებს, რომელმაც სახელი „მზეთუნახავი და ურჩხულის“ თემით გაითქვა.

ორსული კეიტ მიდლტონი საქველმოქმედო საღამოზე გამოჩნდა (ფოტო)

ორსული კეიტ მიდლტონი ფსიქიკური ჯანმრთელობის ბავშვთა თანადგომის სკოლას Roe Green ესტუმრა.

კემბრიჯის ჰერცოგინიამ ოფიციალური ღონისძიებისთვის Sportmax-ის ცისფერი პალტო, Seraphine Ltd-ის კაბა და Beulah London-ის აბსტრაქტული ნახატებით გაფორმებული შარფი შეარჩია. ამ გამოსვლით მიდლტონმა მომავალ დედებს კიდევ ერთი გემოვნებიანი სტილის მაგალითი მისცა.

შეგახსენებთ, რომ კეიტი და მისი მეუღლე, პრინცი უილიამი მესამე შვილს ელოდებიან. მათ უკვე ჰყავთ პრინცი ჯორჯი, რომელიც ქვეყანას 2013 წლის ივლისში მოევლინა და პრინცესა შარლოტა, რომელიც 2015 წლის მაისში დაიბადა.

მარგო რობიმ „მე, ტონია“ სიდნეიში წარადგინა (ფოტო)

მარგო რობი, რომელიც გუშინ „ოსკარის“ ერთ-ერთი მთავარი კატეგორიის, „ქალის საუკეთესო როლის“ ნომინანტი გახდა ფილმით „მე, ტონია“, ფილმის პრემიერებს მსოფლიოს სხვადასხვა კუთხეში ესწრება. ლოს-ანჯელესში, ნიუ-იორკსა და პარიზში მან ფილმი უკვე წარადგინა, ამჯერად კი, ლამაზმანი მშობლიურ ავსტრალიას, კერძოდ კი სიდნეის ესტუმრა.

27 წლის მსახიობი წითელ ხალიჩაზე აბრეშუმის კაბაში გამოჩნდა, რომელსაც ექსტრემალურად ამოღებული დეკოლტე ჰქონდა. აქსესუარებიც და მაკიაჟიც რობის პასტელურ ტონებში ჰქონდა, რაც საკმაოდ გემოვნებიან ნაკრებს ქმნიდა.

შეგახსენებთ, რომ ფილმში მსახიობი ცნობილი მოგიგურავის, ტონი ჰარდინგის როლს ასრულებს, რომელიც საკმაოდ სკანდალური სპორტსმენი იყო.

 

“ოსკარის” ახალ ტრეილერში ჯიმი ქიმელი უსიამოვნო მოგონებებს ებრძვის (ვიდეო)

„ოსკარისთვის“ მზადება სრული სვლით მიმდინარეობს.

ნომინანტების გამოცხადების შემდეგ, ქსელში ჯიმი ქიმელის მონაწილეობით შოუს ტრეილ