არიელი, შესაძლოა, ფერადკანიანი გახდეს

სტუდია Disney-ს ახალ ეკრანიზაციაში, ოკეანის ბინადარი ცნობილი ქალთევზა, შესაძლოა, ფერადკანიანი გახდეს. როგორც ცნობილია, არიელის როლზე უკვე განიხილება ორი ახალგაზრდა მსახიობი. დიდი ალბათობით, გამუქდებიან წყალქვეშა სამეფო სხვა ბინადრებიც.

თავად სტუდია კასტინგის შესახებ ოფიციალურ ინფორმაციას არ ავრცელებს. ადრე ცნობილი იყო, რომ ქალთევზას როლზე ქლოე მორეცი განიხილებოდა, თუმცა როგორც ჩანს, ეს ინფორმაცია არ დადასტურებულა.

ჯასტინ ბიბერს ჰეილი ბოლდუინი ხელში აყვანილი დაჰყავს (ფოტო)

ჯასტინ ბიბერი და ჰეილი ბოლდუინი საზოგადოებაში გრძნობების დემონსტრირებას განაგრძობენ. რამდენიმე დღის წინ წყვილი ბრუკლინის სანაპიროზე კოცნის დროს გადაიღეს, ამჯერად კი ფოტოგრაფებმა დააფიქსირეს, როგორ ეჭირა ხელში ბიბერს ბოლდუინი და სასურველი მიმართულებით სწორედ ასე მიდიოდა.

წყაროს ცნობით, მათი რომანი სერიოზულ სახეს იძენს.

შეგახსენებთ, რომ ბოლდუინამდე ბიბერს რომანი სელენა გომესთან და ბასკინ ჩემპიონთან ჰქონდა.

კიტ ჰარინგტონი საფირმო კულულებს გამოემშვიდობება

„სამეფო კარის თამაშების“ ვარსკვლავი, კიტ ჰარინგტონი, საფინალო სეზონის გადაღებების დასრულების შემდეგ, საფირმო კულულებს გამოემშვიდობება. ამის შესახებ მან თავად განაცხადა.

„ვისურვებდი, რომ ცოტა ხნით ჩამოვშორდე საქმეებს, შევიჭრა თქმა და გავხდე ნაკლებად ცნობადი, ჩემი ცნობილი პერსონაჟისგან რადიკალურად განსახვავებული“, – განაცხადა ჰარინგტონმა და დაამატა, რომ ახალი ვარცხნილობა „ძალიან მოკლე“ იქნება.

მსოფლიოს ყველაზე წარმატებული რეჟისორები გამოვლინდნენ

პორტალმა Metacritic ის წარმატებული რეჟისორები გამოავლინა, რომელთა ანგარიშზეც წარუმატებელი ფილმები თითქმის არ არის.

საუკეთესო 30-ს შორის ის ფილმები მოხვდა, რომლებმაც 1980 წლის შემდეგ მინიმუმ 5 ფილმი გადაიღეს და კრიტიკოსებისგან დადებითი შეფასებები დაიმსახურეს. რეიტინგში ისეთი რეჟისორები მოხვდნენ,  როგორებიც არიან: უეს ანდერსონი, კვენტინ ტარანტინო და მარტინ სკორსეზე. ასევე: ჯეი ჯეი აბრამსი, პოლ ანდერსონი, სოფია კოპოლა, მაიკ ლი, ჯეფ ნიკოლასი, ედგარ რაიტი და სხვები.

აღსანიშნავია, რომ საუკეთესოებს შორის ვერ მოხვდნენ ჯორჯ ლუკასი, მარტინ სკორსეზე და სტივენ სპილბერგი.

კლუნებმა მიგრანტი ბავშვების დასახმარებლად 100 ათასი დოლარი გაიღეს

აშშ-ში სულ უფრო მატულობს იმ ადამიანთა რიცხვი, ვინც ტრამპის ახალი პოლიტიკით უკმაყოფილოა. კერძოდ კი, საქმე შეეხება გადაწყვეტილებას, რომლის თანახმადაც არალეგალ მიგრანტებს შვილები ჩამოერთმევათ და ისინი სახელმწიფოს მეურვეობაში გადავლენ.

უკმაყოფილოთა რიცხვში ჯორჯ და ამალ კლუნებიც აღმოჩნდნენ, რომლების ამ დღეებში მიგრანტი ბავშვების დახმარების ფონდში 100 ათასი დოლარი გადარიცხეს.

„თუკი მომავალში ჩვენი შვილები გვკითხავენ, მართლა ართმევდა თუ არა მათი ქვეყანა დედებს შვილებს, ჩვენ ვუპასუხებთ „კი“, ამის მერე ისინი გვკითხავენ თუ რა გავაკეთეთ ჩვენ ამის თავიდან ასარიდებლად, – განუცხადეს კლუნებმა People-ს. – ჩვენ არსებული პოლიტიკის შეცვლის ძალა არ შეგვწევს, მაგრამ მსხვერპლის დაცვა შეგვიძლია“.

შეგახსენებთ, რომ მიგრაციის პოლიტიკის თანახმად, 19 აპრილიდან 31 მაისის ჩათვლით, დაახლოებით 2000 დედა-შვილი ერთმანეთს დააშორეს.

კრიტიკოსებმა 2018 წლის პირველი ნახევრის საუკეთესო ფილმები გამოავლინეს

გამოცემამ  The Guardian 2018 წლის პირველი ნახევრის საუკეთესო ფილმების რეიტინგი გამოავლინა.

სიაში შემდეგი ფილმები მოხვდა: „შავი პანტერა“, „ფანტასტიური ქალი“, „მე, ტონია“, „კვადრატი“, „ლედი ბერდი“, „სიყვარულით, საიმონი“, „წყნარი ადგილი“, „წყლის ფორმა“, „სამი ბილბორდი ებინგის საზღვარზე, მისური“, მულტფილმი „ძაღლების კუნძული“ და ა.შ.

რობი უილიამსმა განმარტა, რატომ უჩვენა მსოფლიოს შუა თითი (ვიდეო)

ამ დღეებში რობი უილიამსი გადაცემაში This Morning სტუმრად იმყოფებოდა. მომღერალს, რომელმაც ცერემონიის გახსნაში მიიღო მონაწილეობა, განმარტა, რატომ უჩვენა მსოფლიოს შუა თითი, რის შესახებაც საუბარი დღემდე არ წყდება.

მისი თქმით, ამ ჟესტით მას იმის თქმა სურდა, რომ სასტარტო სასტვენამდე 1 წუთი იყო დარჩენილი. მომღერალმა დაამატა, რომ ის იყო უზარმაზარი წნეხის ქვეშ იმის გამო, რომ მატჩი წუთი-წუთზე უნდა დაწყებულიყო.

შეგახსენებთ, რომ მოსკოვში ფეხბურთის მსოფლიო ჩემპიონატი 14 ივნისს დაიწყო და 15 ივლისამდე გაგრძელდება.

ორლანდო ბლუმმა აღიარა, რომ „ბეჭდების მბრძანებლის“ გადაღებებზე კეიტ ბლანშეტი შეუყვარდა (ვიდეო)

ჯეიმს კორდენის შოუს მსვლელობისას ორლანდო ბლუმი კეიტ ბლანშეტს სიყვარულში გამოუტყდა. მსახიობმა აღიარა, რომ „ბეჭდების მბრძანებლის“ გადაღებების დროს, მას უგონოდ შეუყვარდა ჰოლივუდის ლამაზმანი.

„სხვა ვერაფერზე ვფიქრობდი.  სიგიჟემდე შემიყვარდი“, – განუცხადა ბლუმმა კეიტს.

49 წლის მსახიობმა ეს აღიარება ხუმრობად ჩათვალა და ბლუმს უპასუხა, რომ ეს არა თავად, არამედ მისი პერსონაჟი იყო. „არა, ეს მე ვიყავი“, – ამტკიცებდა ორლანდო.

შეგახსენებთ, რომ მსახიობებმა ერთმანეთი აღნიშნული ფილმის გადაღებებზე 2001 წელს გაიცნეს.

სემ მენდესი პირველი მსოფლიო ომის შესახებ ფილმს გადაიღებს

სემ მენდესი ახალ ფილმზე „1917“ იწყებს მუშაობას, რომელიც პირველი მსოფლიო ომის შესახებ იქნება. „ბონდიანას“ შემდეგ, ეს მენდესის პირველი რეჟისორული ნამუშევარი იქნება.

გადაღების გრაფიკი ამ დროისთვის უცნობია, თუმცა ის მომდევნო წლის გაზაფხულზე დაიწყება, პრემიერა კი 2019-ის დეკემბერში გაიმართება.  ამ ეტაპზე უცნობია მსახიობთა შემადგენლობაც.

ჯეფ ბეზოსმა ბილ გეითსს მსოფლიოს უმდიდრესი ადამიანის წოდება ჩამოართვა

ბილ გეითსი მსოფლიოს ყველაზე მდიდარი ადამიანი აღარ არის. ეს წოდება მან Amazon-ის დამფუძნებელს, ჯეფ ბეზოსს დაუთმო.

ამ დროისთვის ბეზოსის მდგომარეობა 141 მილიარდია, რაც შეეხება გეითსს, ის მას მკვეთრად ჩამორჩება – Microsoft-ის შემქმნელის ქონება 95 მილიარდით განისაზღვრა.

აღნიშნულის გარდა, Amazon-ის დირექტორმა კიდევ ერთი ფინანსური რეკორდი დაამყარა – ის პირველი ადამიანი პლანეტაზე, რომლის აქტივებმაც 100 მილიარდიან ნიშნულს გადააჭარბა.

აღსანიშნავია ისიც, რომ წლების მანძილზე, ბილ გეითსი თანხების დიდ ნაწილს ქველმოქმედებაში ხარჯავს.

 

ჯასტინ ბიბერი და ჰეილი ბოლდუინი კოცნის დროს გადაიღეს (ფოტო)

გასული წლის ბოლოს ჰეილი ბოლდუინი მუსიკოს შონ მენდესს ხვდებოდა, თუმცა მათი რომანი დიდხანს არ გაგრძელებულა, რადგან ბოლო დროს ჰეილის აქტიურად ხედავდნენ ყოფილი ბოიფრენდის, ჯასტინ ბიბერის გარემოცვაში. ამ დღეებში კი წყვილმა ეს ურთიერთობა ოფიციალურად დაადასტურა.

წყვილი პაპარაცებმა ნიუ-იორკში კოცნის დროს გადაიღეს. ცნობისმოყვარე ფოტოგრაფებს ისინი ყურადღებას არ აქცევდნენ.

შეგახსენებთ, რომ წყვილი ერთმანეთს 2015 წელს ხვდებოდა, თუმცა გარკვეული პერიოდის შემდეგ მათი რომანი მოულოდნელად დასრულდა.

„იურული პერიოდის სამყარო 2“ საერთაშორისო კინოგაქირავების სათავეში იმყოფება

ფილმმა „იურული პერიოდის სამყარო 2“ საერთაშორისო კინოგაქირავების სათავე დაიპყრო. თუმცა, საერთო მაჩვენებელი პროექტის წინა ნაწილთან შედარებით დაბალი აღმოჩნდა. დიდ ბრიტანეთში პროექტმა 9,3 მილიონი დოლარი გამოიმუშავა, სამხრეთ კორეაში – 6,4 მილიონი, ხოლო გერმანიაში – 4,8 მილიონი.

რაც შეეხება ჩრდილოეთ ამერიკას, ფილმი აქ 22 ივნისიდან გამოდის. საპრემიერო უქმეებიდან კი 140-150 მილიონს მოელიან, რაც ასევე პირველ ნაწილზე ნაკლებს წარმოადგენს.

შეგახსენებთ, რომ პროექტის პირველი ეპიზოდი 2015 წელს გამოვიდა. მისი ბიუჯეტი 208 მილიონ დოლარს შეადგენდა, თუმცა საბოლოო მოგებამ 1,6 მილიარდი დოლარი შეადგინა. ამჯერად კი, მსგავსი რეზულტატის გამეორება თითქმის შეუძლებელია.

ახალ ეპიზოდში ბრაის დალას ჰოვარდი, კრის პრეტი, ტობი ჯონსი, ჯასტის სმიტი და სხვა მსახიობები მონაწილეობენ.

მონიკა ბელუჩი Dolce & Gabbana-ს ჩვენების ფარგლებში პოდიუმზე გავიდა (ფოტო)

მე-20 საუკუნის ერთ-ერთი მთავარი სექს-სიმბოლო, მონიკა ბელუჩი, 53 წლის ასაკშიც კი საოცნებო ქალად რჩება. სწორედ ამის გამო, ის შანსს არ უშვებს, რომ ცნობილი ბრენდების ჩვენებაში მონაწილეობა მიიღოს. ამჯერად, ეს პატივი წილად Dolce & Gabbana-ს ხვდა.

ცნობილი ბრენდის ჩვენებაში ბელუჩი უკანასკნელად 1992 წელს მონაწილეობდა. „ერთი სატელეფონო ზარი საკმარისი აღმოჩნდა მის დასათანხმებლად“, – განაცხადა სტეფანო გაბანამ ჩვენების შემდეგ.

ბელუჩისთან ერთად პოდიუმზე ნაომი კემპბელიც გამოვიდა, რომლისთვისაც ეს საქმე საკმაოდ კარგად არის ნაცნობი. ორივე ლამაზმანი მკაცრი ჩაცმულობებით გამოჩნდა და ბრენდის იდეას კიდევ ერთხელ გაუსვა ხაზი. მათ გამოჩენას დარბაზი განსაკუთრებული ოვაციებით შეხვდა.

„შავი პანტერა“ MTV Movie Awards-ზე საუკეთესო ფილმად დასახელდა

„შავი პანტერა“ MTV Movie Awards-ის ვერსიით საუკეთესო ფილმად დასახელდა. აღნიშნულ ნომინაციაზე ასევე წარდგენილი იყო „საოცრება-ქალი“, „შურისმაძიებლები 3: უსასრულობის ომი“, „იგი“ და ა.შ.

„ეს ფილმი მარტო ფერადი ადამიანებისთვის არ არის – ის უნივერსალურია და ყველასთვის არის.ეს სწორედ ის არის, რისი მიტანაც მსურს საზოგადოებამდე“, – განაცხადა მაიკლ ბ. ჯორდანმა პრემიის ცერემონიაზე.

საუკეთესო სერიალად „უცნაური ამბები“ დასახელდა, რომელმაც უკან თვით „სამეფო კარის თამაშები“, „13 მიზეზი“ და „რივერდეილი“ მოიტოვა.

ჯონ სინა სილვესტერ სტალონეს შეცვლის

პოპულარული ამერიკელი რესტლერი, ტელეწამყვანი და მსახიობი ჯონ სინა საბრძოლო ჟანრის ფილმში ჯეკი ჩანთან ერთად მონაწილეობას მიიღებს. ინფორმაციას The Wrap ავრცელებს, რომლის თანახმადაც, ამ დროისთვის უსახელო პროექტში მოქმედება ახლო აღმოსავლეთში განვითარდება.

აღსანიშნავია, რომ თავდაპირველად სინას როლზე სილვესტერ სტალონე მოიაზრებოდა, თუმცა უცნობი მიზეზების გამო ის პროექტს გამოეთიშა.

ფილმის რეჟისორი სკოტ ვო იქნება, თუმცა პროექტის სხვა დეტალები ამ დროისთვის არ ხმაურდება.

“შურისმაძიებლებმა” “ტიტანიკი” ჩაძირეს

ფილმის „შურისმაძიებლები 3: უსასრულობის ომი“ საშინაო მოგებამ 660 მილიონ დოლარს გადააჭარბა.  ამ გზით კი, სტუდია Marvel-ის პროექტმა უკან ჩამოიტოვა ისტორიული დრამა „ტიტანიკი“, რომელიც 20 წლის მანძილზე 659 მილიონით პირველ ადგილზე იმყოფებოდა.

შეგახსენებთ, რომ „შურისმაძიებლები 3: უსასრულობის ომი“ მეოთხე ფილმია კინოს ისტორიაა, რომელმაც 2 მილიარდ დოლარზე მეტი გამოიმუშავა. ამას ისიც ემატება, რომ ჩინეთში კინოგაქირავებაში ის ივლისამდე გააგრძელეს, რაც ამ თანხას კიდევ გაზრდის.

ფილმის მეოთხე ნაწილი 2019 წლის მაისში გამოვა.

“სუპეროჯახი 2”-მა მსოფლიო ანიმაციაში ახალი რეკორდი დაამყარა

სტუდია Pixar-ის ანიმაციურმა ფილმმა „სუპეროჯახი 2“ ჩრდილოეთ ამერიკაში ანიმაციურ ფილმებს შორის საუკეთესო სტარტი აჩვენა. საპრემიერო უქმეებზე მისმა მოგებამ 180 მილიონი დოლარი შეადგინა, რაც მსოფლიო ანიმაციაში ახალ რეკორდად სახელდება.

აქამდე პირველი „დორის ძიებაში“ იყო 135 მილიონი დოლარით.

შეგახსენებთ, რომ „სუპეროჯახი 2“-ის პერსონაჟებს ცნობილი მსახიობები ახმოვანებენ, მათ შორის სემიუელ ელ ჯექსონი, იზაბელა როსელინი, სოფია ბუში და ა.შ.

ბიონსემ და ჯეი ზიმ ლუვრში გარეპეს (ვიდეო)

ბიონსემ და ჯეი ზიმ ახალი ერთობლივი ალბომის გამოსვლა დააანონსეს, პარალელურად კი სიმღერაზე „Apeshit“ კლიპიც წარმოადგინეს.

პროექტს The Carters ჰქვია და ზემოთხსენებული სიმღერა სწორედ აღნიშნული ალბომის პირველ სინგლს წარმოადგენს. ვიდეო საკმაოდ პროვოკაციული გამოვიდა. ცნობილმა ვარსკვლავებმა ლოკაციად ლუვრი აირჩიეს.

აღსანიშნავია, რომ წყვილს ბევრი ერთობლივი სიმღერა და კლიპი აქვთ,  თუმცა, ალბომი მათი ერთობლივი ნამუშევრებიდან სადებიუტო იქნება.

ბენედიქტ კამბერბეტჩი თანამედროვე გრინჩს გაახმოვანებს (ვიდეო)

სტუდიებმა Illumination და Universal Pictures მულტფილმ „გრინჩის“ ახალი ტრეილერი გამოაქვეყნეს.

მთავარ გმირს ბენედიქტ კამბერბეტჩი ახმოვანებს. სიუჟეტის მიხედვით, გრინჩი ხმაურიან ქალაქ კტოგრადში ცხოვრობს, სადაც შობას განსაკუთრებული ჟრიამულითა და სიხცარულით აღნიშნავენ. თავად კი, ამ ზეიმში არასოდეს მონაწილეობს. ერთხელაც გადაწყვეტს, რომ ქალაქის მაცხოვრებლები ამ დღესასწაულის გარეშე დატოვოს, თუმცა გზად მას პატარა, კეთილი გოგონა შეხვდება.

მულტფილმის პრემიერა საშობაოდ, 27 დეკემბრისთვის იგეგმება.

დრეიკმა ახალ სიმღერაზე გადაღებული კლიპი წარმოადგინა (ვიდეო)

კანადელმა რეპერმა, დრეიკმა სიმღერაზე „I’m Upset“ კლიპი წარმოადგინა. მუსიკოსმა ასევე დაადასტურა, რომ სულ მალე გაყიდვაში გამოვა მისი ალბომი „Scorpion“. რელიზის სავარაუდო თარიღი 29 ივნისია.

დისკის პროდიუსერი 12 ადამიანია, მათ შორის არის რეპერი ლილ უეინიც.ალბომი რიგით მეხუთე იქნება რეპერის დისკოგრაფიაში.

ირინა შეიკი და ბრედლი კუპერი მეორე შვილს ელოდებიან?

ბოლო დროს, უკვე ზედიზედ რამდენჯერმე, სუპერმოდელი ირინა შეიკი საზოგადოებაში გამოჩნდა ჩაცმულობით, რამაც მთელი მსოფლიო მის შესაძლო ორსულობაზე აალაპარაკა. Met Gala 2018-ზე, ისევე, როგორც CFDA Fashion-ზე გამოჩენილ შეიკს მომრგვალებული მუცელი ეტყობოდა.

მას შემდეგ, მედია, ყურადღებით ადევნებს თვალს ერთ-ერთი ყველაზე მკაფიო ვარსკვლავური წყვილის ცხოვრებას.

საქმე იმაშია, რომ პირველ ორსულობას წყვილი საგულდაგულოდ მალავდა, თუმცა ინფორმაცია ოჯახში მატების შესახებ Victoria’s Secret-ის შოუზე დადასტურდა, სადაც ირინა მიწვეული მოდელის რანგში პოდიუმზე გამოვიდა.

30 Seconds to Mars-ის ახალ კლიპში მაიკლ ჯექსონის ქალიშვილი მონაწილეობს (ვიდეო)

ჯარედ ლეტომ და მისმა ჯგუფმა 30 Seconds to Mars სიმღერაზე „Rescue Me“ გადაღებული კლიპი წარმოადგინა. ნამუშევარი კოლექტივის ახალ ალბომში „America“ შედის. კლიპში ისეთი  ცნობილი ვარსკვლავები მონაწილეობენ, როგორიც არის სოფია ბუტელა და პერის ჯექსონი.

შეგახსენებთ, რომ ამ დღეებში, 15 წლიანი თანამშრომლობის შემდეგ, ჯგუფი ტომო მილიშევიჩმა დატოვა. ამ გადაწყვეტილების მიზეზებზე მან არ ისაუბრა, თუმცა არაოფიციალური ინფორმაციით მისი წასვლა ლეტოსთან კონფლიქტის შემდეგ გადაწყდა.

 

ევან მაკგრეგორი „ნათების“ გაგრძელებაში მონაწილეობას მიიღებს

ევან მაკგრეგორი მთავარ როლს შეასრულებს საკულტო საშინელებათა ფილმის, „ნათების“ გაგრძელებაში. ამის შესახებ Deadline წერს. პოპულარული შოტლანდიელი მსახიობი დენი ტორენსის როლს შეასრულებს.

ფილმის სცენარისტად მაიკლ ფლენეგანი დაინიშნა, რომელსაც მისტიური ნამუშევრები – „ეჭვი“ და „ოკულუსი“ ეკუთვნის.

რაც შეეხება „ნათებას“, პირველი ნაწილი ეკრანებზე 1980 წელს გამოვიდა. ცნობილი გახდა, რომ ტავად სტივენ კინგი მისი ნაწარმოების ინტერპრეტაციით აღფრთოვანებული დარჩა.

 

13 ივნისიდან რადიოჰოლდინგი „ფორტუნა“ „ოქროს ტალღაზე“ დასასწრები ბილეთების გათამაშებას იწყებს

26 ივნისს, თბილისის დიდ საკონცერტო დარბაზში, ევგენი მიქელაძის სახელობის ეროვნული სიმფონიური ორკესტრის, ქართული ესტრადის ვარსკვლავებისა და სპეციალური სტუმრის – 2 „გრემის“ მფლობელი ამერიკელი მომღერლის, ლიზა ფიშერის მოსმენის საშუალება „ოქროს ტალღის“ დაჯილდოების ცერემონიაზე გექნებათ. მუსიკალურ კონკურსზე, სადაც 15 ნომინაციაში გამარჯვებულები გამოვლინდებიან, დასწრების საშუალება ნებისმიერ მსურველს აქვს და ბილეთები უკვე იყიდება tkt.ge-ზე.

თუმცა რადიოჰოლდინგი „ფორტუნა“, 13 ივნისიდან, ოთხი რადიოსადგურის, – „ფორტუნა“, „ფორტუნა +“, „არ დაიდარდო“, „ავტორადიო“ ეთერში, ერთსა და იმავე დროს, 18:50 სთ-ზე გავა ვიქტორინა, სადაც „ოქროს ტალღაზე“ დასასწრები ბილეთის მოგების საშუალება გექნებათ. კითხვები ხუთწლიანი ისტორიის მქონე მუსიკალური კონკურსის გარშემო დაისმება.

შეგახსენებთ, რომ წელს „ოქროს ტალღის“ საიუბილეო წელიწადია. ის უკვე მეხუთედ იმართება. კონკურსის მთავარი ნომინაცია გახლავთ „წლის სიმღერა“. ეს პრიზი სხვადასხვა დროს აიღეს ნოდიკო ტატიშვილმა და სოფო გელოვანმა, ანრი ჯოხაძემ, ნიაზ დიასამიძემ და სტეფანე მღებრიშვილმა.

ასევე გამოვლინდება გამარჯვებული ნომინაციაში „ხალხის რჩეული“. ხმის მიცემა შესაძლებელია „ოქროს ტალღის“ საიტზე 24 საათში ერთხელ.

ელიზაბეტ II კირა ნაიტლის, ტომ ჰარდისა და ემა ტომპსნს დააჯილდოვებს

დედოფალი ელიზაბეტ II, რომელმაც წელს 92-ე იუბილე იზეიმა, დიდი ბრიტანეთის საპატიო მოქალაქეებს სპეციალურ ჯილდოებს გადასცემს. წელს ეს წოდება კირა ნაიტლის, ტომ ჰარდისა და ემა ტომპსონს ხვდება წილად. ვარსკვლავებს დედოფალი ბუკინგემის სასახლეში უმასპინძლებს.

ცნობილი ხდება, რომ ჰარდი ბრიტანეთის იმპერიის მეთაურის წოდებას მიიღებს, კირა ნაიტლი – ოფიცერის ორდენს, ხოლო ემა ტომპსონი მეთაური ქალბატონის ტიტულის მფლობელი გახდება.

 

დამბოს შესახებ სრულმეტრაჟიანი ფილმის პირველი თიზერი გამოქვეყნდა (ვიდეო)

სტუდია Disney-მ მფრინავი სპილოს, დამბოს შესახებ სრულმეტრაჟიანი ფილმის პირველი თიზერი გამოაქვეყნა.

ფილმზე ტიმ ბერტონი მუშაობს, მთავარ როლს კი მასში კოლინ ფარელი და დენი დევიტო ასრულებენ. სიუჟეტის მიხედვით, ცირკის ყოფილი ვარსკვლავის, ჰოლტ ფარიეს (ფარელი) ოჯახი პატარა სპლიყვს იპოვის. ფარიეს შვილები აღფრთოვანებულები არიან ამ შენაძენით. მალე დამბო მაქს მედიჩის (დევიტო) საცირკო წარმოდგენის ვარსკვლავი ხდება.

ფარელისა და დევიტოს გარდა, ფილმში ასევე მაიკლ კიტონი, ევა გრინი, ალან არკინი და სხვა ვარსკვლავები მონაწილეობენ. ფილმის პრემიერის თარიღად კი 2019 წლის 29 მარისი სახელდება.

შეგახსენებთ, რომ ფილმი 1941 წელს გამოსული ამავე სახელწოდების მულტფილმის ეკრანიზაციას წარმოადგენს.

„შურისმაძიებლები 3“-მა 2 მილიარდიან ნიშნულს გადააბიჯა

სტუდია Marvel მორიგ მიღწევას ზეიმობს: ფილმმა „შურისმაძიებლები 3: უსასრულობის ომი“ ოფიციალურად გადალახა 2 მილიარდიანი ნიშნული. აქამდე მსგავსი მიღწევა მხოლოდ რამდენიმე ფილმის ანგარიშზე ფიქსირდება: „ავატარის“, „ტიტანიკისა“ და „ვარსკვლავური ომები: ძალების გამოღვიძების“.

იმ ფაქტის გათვალისწინებით კი, რომ ფილმის კინოგაქირავება ჩინეთში კიდევ ერთი თვით გაგრძელდება, შესაძლოა, Marvel-ის კინოჰიტი საუკეთესო სამეულში განთავსდეს, რომელზეც ამჟამად „ვარსკვლავური ომები“ იმყოფება. ამ პოზიციამდე მას 67 მილიონი დოლარი აშორებს.

 

 

ტრამპმა რობერტ დე ნიროს დაბალი ინტელექტის მქონე ადამიანი უწოდა

ამერიკის პრეზიდენტმა, დონალდ ტრამპმა მსახიობ რობერტ დე ნიროს დაბალი ინტელექტის მქონე ადამიანი უწოდა. ეს განცხადება ტრამპმა ვარსკვლავის მიერ პრეზიდენტის მისამართით „ტონის“ დაჯილდოებაზე წარმოთქმული უცენზურო სიტყვების შემდეგ გააკეთა.

„რობერტ დე ნირო, ძალიან დაბალი IQ-ს მქონე ადამიანია. როგორც ჩანს, ფილმებში მას ნამდვილი მოკრივეებისგან თავში მას საკმაოდ ბევრი დარტყმა მიუღია“, – დაწერა ტრამპმა.

პრეზიდენტის თქმით, მან ნახა „ტონი“ და დარწმუნდა, რომ ამ დარტყმების შედეგად მსახიობი არ გამოკეთებულა. პრეზიდენტმა მას გამოღვიძებისკენ მოუწოდა.

შეგახსენებთ, რომ რამდენიმე დღის წინ, „ტონის“ დაჯილდოებაზე დე ნირომ ტრამპს პირდაპირ ეთერში შეაგინა.

პენელოპა კრუსი ვუდი ალენის საქმის გამოძიების განახლებას ითხოვს

თავისი პირველი და ამ დროისთვის ერთადერთი „ოსკარი“ პენელოპა კრუსმა ფილმში „ვიკი, კრისტინა, ბარსელონა“ შესრულებული როლისთვის მიიღო, რომლის რეჟისორიც ვუდი ალენია. თუმცა როგორც ჩანს, სამართლიანობა კრუსისთვის უმთავრესია – მსახიობი მკაცრად მოითხოვს, კვლავ განიხილონ ვუდი ალენის საქმე.

Vanity Fair-სთვის მიცემულ ინტერვიუში პენელოპა აღნიშნავს, რომ გაურკვევლობაში ყოფნა მას ყველაზე მეტად არ სიამოვნებს. ხოლო ჟურნალისტების კითხვაზე, მიიღებს თუ არა მონაწილეობას ალენის ფილმებში ის მომავალში, კრუსმა უპასუხა, რომ ასეთ გადაწყვეტილებას მანამდე ვერ მიიღებს, სანამ აღნიშნულ საქმეზე მას მეტი ინფორმაცია არ ექნება.

შეგახსენებთ, რომ ლეგენდარული რეჟისორი საკუთარი გერის სექსუალურ შევიწროებაშია ბრალდებული.

არიანა გრანდე და პიტ დევიდსონი დაინიშნენ

არიანა გრანდემ ნიშნობის შესახებ განაცხადა. პოპულარულმა მომღერალმა ბოიფრენდთან, პიტ დევიდსონთან ურთიერთობა სულ რამდენიმე კვირის წინ დაიწყო.

ინფორმაცია წყვილის ერთდროულად რამდენიმე მეგობარმა დაადასტურა. მათი თქმით, გრანდე და დევიდსონი ძალიან ბედნიერები არიან.

შეგახსენებთ, რომ ახალი ურთიერთობის დაწყებამდე არიანა ორი წლის განმავლობაში მაქს მილერს ხვდებოდა, რომელთან დაშორების შემდეგ რამდენიმე დღეში გრანდემ ახალი ურთიერთობა დაიწყო.

HBO „სამეფო კარის თამაშების“ მიხედვით ფილმს გადაიღებს

ტელეარხმა HBO „სამეფო კარის თამაშების“ პირველი ფილმის გადაღება შეუკვეთა. როგორც The Hollywood Reporter წერს, მასში მოქმედება ჩვენთვის კარგად ნაცნობ მოვლენებამდე ათასი წლით ადრე განვითარდება.

მოკლე ანონსში ნათქვამია, რომ სერიალის ყველაზე ერთგული თაყვანისმცემლებიც კი ბევრ სიახლეს აღმოაჩენენ.

სცენარის ავტორად და ფილმის ხელმძღვანელად ჯეინ გოლდმანი დაინიშნა, რომელსაც ისეთი სრულმეტრაჟიანი ფილმების ავტორობა ეკუთვნის, როგორიც არის „იქს ადამიანები: პირველი კლასი“, „Kingsman: საიდუმლო სამსახური“ და ა.შ. ფილმის გადაღებებში მონაწილეობას თავად ჯორჯ მარტინიც მიიღებს, თუმცა პროექტზე მუშაობის თარიღები არ ხმაურდება.

„ოუშენის რვა მეგობარმა“ საუკეთესო სტარტი აჩვენა

ფილმმა „ოუშენის რვა მეგობარი“ ამერიკულ კინოგაქირავებაში საკმაოდ წარმატებული სტარტი აჩვენა. საპრემიერო უქმეებზე პროექტმა 41,5 მილიონი დოლარი გამოიმუშავა. ეს კი ფილმის ეპიზოდებს შორის საუკეთესო სტარტია.

აქამდე საუკეთესო შედეგი „ოუშენის 12 მეგობარს“ ჰქონდა, რომელმაც საპრემიერო უქმეებზე 39,1 მილიონი დოლარი გამოიმუშავა.

„ბანქოს სახლის“ საფინალო სეზონის პირველი კადრები გამოქვეყნდა (ფოტო)

ინტერნეტში სერიალ „ბანქოს სახლის“ საფინალო სეზონის პირველი კადრები გამოჩნდა.

მთავარ როლს ამჯერად რობინ რაიტი ასრულებს, რომელიც სერიალში კლერ ანდერვუდს განასახიერებს. სიუჟეტის თანახმად, სწორედ კლერი ჩაუდგება ამერიკას სათავეში თავისი მეუღლის შემდეგ. რა ბედი ეწევა კევინ სპეისი პერსონაჟს, უცნობია.

ახალი კადრებით თუ ვიმსჯელებთ, სერიალი ინარჩუნებს ჩვეულ სტილს, ამიტომ ახალი სეზონი სავსე იქნება მოულოდნელობებითა და ამოცანებით.

შეგახსენებთ, რომ გასულ წელს, ვაინშტაინის სკანდალის შემდეგ, სპეისი რამდენიმე მსახიობმა ასევე სექსუალურ შევიწროებაში დაადანაშაულა, რის შემდეგაც მან არატრადიციული ორიენტაცია აღიარა, თუმცა მოგვიანებით ცნობილი გახდა, რომ სპეისი სერიალის ასისტენტებს წლების განმავლობაში სექსუალურად ავიწროებდა, რის შემდეგაც ის პროექტიდან დაითხოვეს.

ტურნეს ფარგლებში ბიონსემ პროვოკაციული წიგნი გამოუშვა

ბიონსე მუდმივად ახერხებს, რომ მისი ყოველი შოუ განსაკუთრებით დასამახსოვრებელი გახდეს. ცოტა ხნის წინ, მეუღლესთან, ჯეი ზისთან ერთად მან ტურნე On The Run II დაიწყო, რომლის პირველი კონცერტის მსვლელობის დროს მან წამოზრდილი ტყუპები გამოაჩინა.

ამჯერად კი, გამოვიდა წიგნი, რომელიც სპეციალურად ტურნესთვის არის განკუთვნილი. რამდენიმე კადრში მუსიკოსები საკმაოდ თამამ პოზებში, ტანსაცმლის გარეშე არიან გამოსახულები. წიგნი 15 დოლარი ღირს.

Gorillaz-მა ახალ სიმღერაზე გადაღებული კლიპი წარმოადგინა (ვიდეო)

დეიმონ ალბარნის პროექტმა – Gorillaz ახალი თრექი „Sorcererz“ გამოუშვა. გაიმართა ასევე სიმღერაზე გადაღებული კლიპის პრემიერაც.

სიმღერა რიგით მესამეა მუსიკოსების რიგით მეექვსე სტუდიური ალბომიდან „The Now Now“, რომლის რელიზიც 29 ივნისს იგეგმება.

ერთი კვირის წინ, Gorillaz-მა დისკში შემავბალი ორი სიმღერა „Humility“ და „Lake Zurich“ და მათზე გადაღებული კლიპები გამოაქვეყნა.

კანიე უესტმა და კიდ კადიმ ერთობლივი ალბომი გამოუშვეს

ამერიკელმა რეპერებმა, კანიე უესტმა და კიდ კადიმ ერთობლივი დისკი  „Kids See Ghosts“ წარმოადგინეს.

აღსანიშნავია, რომ ალბომი ამავე სახელწოდების სინგლსაც შეიცავს. დისკზე მუშაობა 2017 წელს დაიწყო და ის 7 ნამუშვარისგან შედგება.

ფირფიტის პროდიუსერი თავად უესტია.

ალ პაჩინო ტარანტინოს ახალ ფილმში მონაწილეობას მიიღებს

კვენტინ ტარანტინოს ახალი ფილმის, „ერთხელ ჰოლივუდში“ მსახიობთა შემადგენლობას ალ პაჩინო შეუერთდა.

თავდაპირველად ცნობილი გახდა, რომ პროექტი ჰოლივუდის წამყვანი კლასის ვარსკვლავებისგან დაკომპლექტდა, ამჯერად კი მათ, ლეგენდარული მსახიობი დაემატა.

ფილმი 70-იანი წლების ლოს-ანჯელესს ეძღვნება, რომლის მთავარი გმირი, ვესტერნის ექს-ვარსკვლავი რიკ დალტონი (ლეონარდო დიკაპრიო) და მისი დუბლიორი კლიფ ბუტი (ბრედ პიტი) ჰოლივუდში დიდების შენარჩუნებას ცდილობენ. რიკის მეზობლად რომან პოლანსკის ორსული ცოლი, შერონ ტეიტი (მარგო რობი) ცხოვრობს, რომელიც მანიაკის, ჩარლზ მენსონის მსხვერპლი გახდება.

ფილმი დიდ ეკრანებზე 2019 წლის 9 აგვისტოს, ტეიტის გარდაცვალებიდან 50-ე წელს გამოვა.

ბობ მარლის ვაჟიშვილი ცნობილი მამის შესახებ ფილმს გადაიღებს

ზიგი მარლი და სტუდია Paramount Pictures ბობ მარლის შესახებ ფილმის გადაღებას გეგმავენ.

ჯერ-ჯერობით პროექტს არც რეჟისორი და არც პროდიუსერი არ ჰყავს. უცნობია, ვინ შეასრულებს რეგის ლეგენდის როლსაც.

შეგახსენებთ, რომ ბობ მარლი 1981 წელს, 36 წლის ასაკში გარდაიცვალა. მსოფლიოს მასშტაბით მისი75 მილიონზე მეტი ჩანაწერია გაყიდული.

 

ახალ კლიპში ტეილორ სვიფტმა საბედისწერო ქალის იმიჯი მოირგო (ვიდეო)

ახალ კლიპში „Babe“, რომლის პრეზენტაციაც ამ დღეებში შედგა, ტეილოტ სვიფტმა ახალი იმიჯი მოირგო – ქერათმიანი, ნაზი ლამაზმანის ნაცვლად მაყურებლის წინაშე წითური საბედისწერო ქალი გამოჩნდა.

ვიდეოს ოფიციალური პრემიერა 9 ივნისს იგეგმება, მანამდე კი ქსელში 30 წამიანი თიზერი გამოჩნდა.

ალბომი, რომელმაც ნელი ფურტადოს და ტიმბალენდს არნახული პოპულარობა მოუტანა, 12 წლისაა

ზუსტად 12 წლის წინ, 2006 წლის 7 ივნისს, იაპონიაში ნელი ფურტადოს ახალი, რიგით მესამე ალბომის „Loose“ პრეზენტაცია შედგა.

დისკი მთელი მსოფლიოს მასშტაბით 12 მილიონი ასლის ოდენობით გაიყიდა და ამერიკული, კანადური სხვა წამყვანი ქვეყნების ჩარტების სათავეებში მოექცა. სინგლები „Promiscuous“ და „Say It Right“ კი თვეობით არ ტოვებდა მსოფლიო რეიტინგის სათავეებს.

დისკმა არანაკლები წარმატება მოუტანა ტიმბალენდს, რომელიც მისი პროდიუსერი იყო. სულ ჯამში ალბომის ოცდაათამდე ვარიაცია გამოვიდა.

კვენტინ ტარანტინოს ახალი ფილმი ვარსკვლავებით დაკომპლექტდა

კვენტინ ტარანტინოს ახალი ფილმის „ერთხელ ჰოლივუდში“ მსახიობთა შემადგენლობას უამრავი ვარსკვლავი შეემატა.

ლეონარდო დიკაპრიოსთან, ბრედ პიტთან და მარგო რობისთან ერთად, როგორც აქამდე იყო ცნობილი, დაკოტა ფeნინგი, ემილ ჰირში, ლუკ პერი, დემიენ ლიუისი და სხვა ვარსკვლავები შეემატნენ.

ფილმის პრემიერა 2019 წელს გაიმართება.

 

ბიონსემ და ჯეი ზიმ წამოზრდილი ტყუპები გამოაჩინეს

ბიონსე და ჯეი ზი მსოფლიო შოუბიზნესის ერთ-ერთი ყველაზე ძლიერი წყვილია. ოჯახში გადალახული სირთულეების შემდეგ, წყვილი მსოფლიო ტურნეში On The Run II Tour გაემგზავრა.

პირველი კონცერტი კარდიფში ამ დღეებში გაიმართა, რომლის მსვლელობის დროს გიგანტურ ეკრანზე ვარსკვლავების პირადი არქივიდან ფოტოები გამოისახა, მათ შორის იყვნენ მუსიკოსების წამოზრდილი ტყუპები – სერი და რუმი.

ბიონსესა და ჯეი ზის ამ ნაბიჯს მათი თაყვანისმცემლების მხრიდან დადებითი შეფასებები და ოვაციები მოჰყვა.

„ვარსკვლავის დაბადება“: ბრედლი კუპერი და ლედი გაგა ერთმანეთს კოცნიან (ვიდეო)

ქსელში ფილმის „ვარსკვლავის დაბადება“ პირველი ტრეილერი გამოქვეყნდა, რომელიც ბრედლი კუპერის რეჟისორულ დებიუტს წარმოადგენს. მთავარ როლებს მასში თავად კუპერი და ლედი გაგა ასრულებენ.

მსახიობი ქანთრი-მუსიკოსის, ჯექსონ მეინის როლს ასრულებს, ლედი გაგა კი ნიჭიერ ელის განასახიერებს, რომელიც მეინის დახმარებით ნამდვილი ვარსკვლავი გახდება. დროთა განმავლობაში კუპერის პერსონაჟის პოპულარობა წარსულში რჩება და ეს სხვაობა მათ ურთიერთობაში ბევრ გამოცდას გაივლის.

აღსანიშნავია, რომ ფილმისთვის კუპერმა ძალისხმევა არ დაიშურა: მან დაწერა სცენარი, გახდა პროდიუსერი, რეჟისორი, შეასრულა მთავარი როლი და ეპიზოდში იმღერა კიდეც. ერთ-ერთი საკონცერტო ეპიზოდი მუსიკალურ ფესტივალ „გლასტონბერიზეა“ გადაღებული.

ფილმი დიდ ეკრანზე მიმდინარე წლის შემოდგომაზე გამოვა.

Warner Bros. ჯარედ ლეტოს ჯოკერის შესახებ ცალკე ფილმში გადაიღებს

კინოსტუდია Warner Bros. „თვითმკვლელთა რაზმის“ გაგრძელებას გადაიღებს, სადაც მთავარ როლში კვლავ ჯარედ ლეტოს ვიხილავთ. სწორედ ამ გზით დასტურდება ხმები იმის თაობაზე, რომ სტუდია ცნობილი პერსონაჟის შესახებ ფილმის გადაღებას გეგმავს.

2017 წელს, ამავე სტუდიამ ჰარლი ქუინის შესახებ პროექტზე მუშაობა დააანონსა, თუმცა მას შემდეგ, არანაირი დამატებითი ინფორმაცია პროექტის შესახებ აღარ გაჟღერებულა.

შეგახსენებთ, რომ „თვითმკვლელთა რაზმი“ 2016 წლის ზაფხულში გამოვიდა. საკმაოდ დიდი კრიტიკის მიუხედავად, მსოფლიო კინოგაქირავებაში პროექტმა 746 მილიონი დოლარი გამოიმუშავა.

ჯასტინ ბიბერი კუპიდონი გახდება

ჯასტინ ბიბერი ანიმაციური ფილმის  პროდიუსერი გახდება, ამავდროულად, მულტფილმში ის კუპიდონს გაახმოვანებს. ამ დროისთვის პროექტის სხვა დეტალები ჯერ-ჯერობით არ ხმაურდება.

ლეგენდის თანახმად, კუპიდონი რომაულ მითოლოგიაში სიყვარულის ღმერთია, რომელსაც თან მუდმივად მშვილდ-ისარი დააქვს და მას წყვილებს ესვრის, რათა მათ ერთმანეთი შეაყვაროს.

„ოუშენის რვა მეგობრის“ პრემიერა ნიუ-იორკში (ფოტო)

ნიუ-იორკში „ოუშენის რვა მეგობრის“ პრემიერა გაიმართა. Alice Tully Hall-ის წითელ ხალიჩაზე მთავარი როლის შემსრულებლებს ამჯერად რიანაც შეუერთდა.

მომღერალი სიხარულით პოზირებდა Givenchy-ის კაბაში. გვერდს კი მას ენ ჰეთევეი უმშვენებდა. ამ უკანასკნელმა Jean Paul Gaultier-ს კაბაზე გააკეთა არჩევანი.

სარა პოლსონმა Prada-ს მიანიჭა უპირატესობა, ხოლო სანდრა ბალოკმა Elie Saab-ი შეარჩია. კეიტ ბლანშეტმა საყვარელ სტილს – შარვალსა და პიჯაკს არც ამჯერად უღალატა და Missoni-ს ორეულში გამოეწყო. თითოეული მათგანი სიხარულით პოზირებდა ფოტოკამერების წინაშე.

 

 

 

„დიდი პატარა ტყულების“ ვარსკვლავები ბოულინგ-კლუბში ერთობიან

ბოლო თვეებია აქტიურად მიმდინარეობს სერიალის „დიდი პატარა ტყუილები“ მეორე სეზონის გადაღებები. ახალ ეპიზოდში ნიკოლ კიდმანსა და რიზ უიზერსპუნს ლეგენდარული მერილ სტრიპიც შეუერთდა.

თაყვანისმცემლები დიდი ინტერესით აკვირდებიან გადაღების პროცესს და ცდილობენ, ინტერნეტში მოხვედრილი არცერთი დეტალი არ გამორჩეთ.

გუშინ, რიზ უიზერსპუნმა საკუთარ „ინსტაგრამზე“ გააზიარა ფოტო, სადაც ჩანს, როგორ ერთობიან ვარსკვლავები გადაღების შემდეგ: ნიკოლმა, რიზმა, მერილმა და შეილინ ვუდლიმ საღამო ბოულინგ-კლუბში გაატარეს.

შეგახსენებთ, რომ გასული წლის ბოლოს ცნობილი გახდა, რომ HBO-მ, „დიდი პატარა ტყილების“ გაგრძელება გადაწყვიტა. გასულ წელს პროექტმა ოთხი „ოქროს გლობუსი“ და ოთხი პრემია „ემი“ დაიმსახურა.

https://www.instagram.com/p/Bjn0nxEFPFu/?taken-by=reesewitherspoon

„სამეფო კარის თამაშების“ მსახიობებს თვითგანადგურებადი სცენარები დაურიგეს

„სამეფო კარის თამაშების“ მსახიობმა, ნიკოლაი კოსტერ-ვალდუმ განაცხადა, რომ სერიალის თაყვანისმცემლებს თვითგანადგურებადი სცენარები დაურიგეს.

მისი თქმით, ტექსტები მხოლოდ ელექტრონული სახით გაიცა, თითოეული სცენის გადაღების შემდეგ კი თითოეული მეილი ავტომატურად ნადგურდება. მსახიობმა განმარტა, რომ სწორედ ამ გზით ცდილობენ ავტორები თავი აარიდონ სცენარის დეტალების გაჟღერებას.

შეგახსენებთ, რომ „სამეფო კარის თამაშები“ HBO-ს ეთერში 2011 წლიდან გადის. უკანასკნელი, მე-7 სეზონი ეთერში 2017 წლის 28 აგვისტოს გავიდა. უკანასკნელმა სერიამ ნახვების მხრივ ნამდვილი რეკორდი დაამყარა.

პოპულარული სერიალები ყველაზე არალოგიკური დასასრულით

USA Today-ს კინოკრიტიკოსებმა იმ პოპულარული სეირალების რეიტინგი გამოაქვეყნეს, რომლებსაც ყველაზე უინტერესო ან არალოგიკური დასასრული ჰქონდა.

ანტირეიტინგის ლიდერი სიტკომი „როგორ შევხვდი დედათქვენს“ გახდა. დასასრულს, ტედი (ჯოშ რენდორი) მოულოდნელად აღადგენს ურთიერთობას რობინთან (კობი სმოლდერსი). მიუხედავად იმისა, რომ მთელი ეპიზოდების განმავლობაში მათი მეგორბობა აშკარა ტოქსიურობას უკეთებდა დემონსტრირებას. კრიტიკოსების აზრით, სერიალი არის იმისი ნათელი მაგალითი, რომ გადამღები ჯგუფი  წინასწარ დაწერილი სცენარის მიხედვით ხელმძღვანელობდა, რაც ნამდვილად არ ღირდა.

მეორე ადგილზე „საინფელდი“ იმყოფება. ანტირეიტინგის ავტორებისთვის სრულიად არალოგიკურია ის ფაქტი, რომ მთავარი პერსონაჟები საბოლოოდ ციხეში ხვდებიან.

მესამე პოზიციაზე „დაკარგულები“ განთავსდა, რომლის მთავარი გმირებიც მოულოდნელად სხვა სამყაროში აღმოჩნდებიან.

რეიტინგში მოხვდა თრილერი „დექსტერიც“, რომლის უჩვეულო ფინალის მიხედვით, მთავარი გმირი სიკვდილს გაითამაშებს და ცხოვრებას მარტოდმარტო, მეტყევედ გააგრძელებს.

პირველი კადრი „ჯონ უიკი 3“-დან ჰოლი ბერის მონაწილეობით (ფოტო)

„ჯონ უიკი 3“-ის გადაღებები აქტიურად მიმდინარეობს. ამ დღეებში პროექტის შემქმნელებმა ჰოლი ბერის მონაწილეობით პირველი ოფიციალური კადრი გამოაქვეყნეს. მსახიობი სასტუმრო „კონტინენტალთან“ ორი უზარმაზარი ძაღლის გარემოცვაშია დაფიქსირებული, რაც მისი პერსონაჟის შესახებ გარკვეულ წარმოდგენას იძლევა.

რამდენად მნიშვნელოვანი იქნება ბერის როლი ფილმში, ჯერ-ჯერობით უცნობია.

სიუჟეტი კი კვლავ დაქირავებული მკვლელის, ჯონ უიკის (კიანუ რივზი) გარშემო განვითარდება, რომელიც თავისი ორგანიზაციის ერთ-ერთ მთავარ წესს დაარღვევს – არ ჩაიდინოს მკვლელობა სასტუმროს ტერიტორიაზე. ის გაქცეულია და მის თავში 14 მილიონი დოლარია დაწესებული.

ფილმის პრემიერა 2019 წლის 16 მაისს შედგება.

„დიორის” მოკლემეტრაჟიან ფილმში ჯონი დეპი ინდიელთა ლეგენდას ყვება (ვიდეო)

ჯონი დეპი კოსმეტიკური ბრენდის „დიორის” მოკლემეტრაჟიან ფილმში გამოჩნდა. მსახიობი და ცნობილი მოდის სახლი უკვე წლებია წარმატებით თანამშრომლობენ.

ფილმს „Legend of the Magic Hour“ ჰქვია და მასში ვარსკვლავი ინდიელთა ტომის, ნავაჰოს შესახებ უძველეს ლეგენდას ყვება, რომლის თანახმადაც ცეცხლის შავმა ღმერთმა ვარსკვლავიანი ცა შექმნა, თუმცა კოიოტმა მას ვარსკვლავებით სავსე ჩანთა მოპარა და სწორედ ასე შეიქმნა ირმის ნახტომი.

„ასასინების კრედოს“ მორიგი ნაწილის გამოსვლა დაანონსდა (ვიდეო)

კომპანია Ubisoft-მა პოპულარული თამაშენის სერიის „ასასინების კრედოს“ მოროგი ეპიზოდი დააანონსა. სიახლეს „ასასინების კრედოს ოდეისეა“ ერქმევა. პროექტის „ტვიტერის“ ოფიციალურ გვერდზე სიახლეს მოკლე თიზერიც მიეძღვნა, საიდანაც ვგებულობთ, რომ მოქმედება ძველ საბერძნეთში ვითარდება.

შეგახსენებთ, რომ ფილმის პირველი სერია 2017 წელს გამოვიდა.

„იურული პერიოდის სამყარო 2“-ის სტარტი, წინა ნაწილთან შედარებით, სუსტი იქნება

წინასწარი პროგნოზების თანახმად, „იურული პერიოდის სამყარო 2“-ის სტარტი წინა ნაწილთან შედარებით, სუსტი იქნება.

პირველი უქმეებიდან ფილმიდან 130-დან 150 მილიონ დოლარამდე მოელიან, მაშინ, როდესაც პირველმა სერიამ ამავე ვადაში 208 მილიონი დოლარი გამოიმუშავა.

შეგახსენებთ, რომ პროექტში ბრაის დალას ჰოვარდი, კრის პრეტი, ტობი ჯონსი, ჯერალდინ ჩაპლინი და სხვა მსახიობები მონაწილეობენ.

საქართველოში „ოურული პერიოდის სამყარო 2“-ის პრემიერა 7 ივნისს შედგება.

ბრაიან დე პალმა ჰარვი ვაინშტაინის შესახებ საშინელებათა ფილმს გადაიღებს

ამერიკელი რეჟისორი, ბრაიან დე პალმა ახალი ფილმის გადაღებებს ჩაუდგება სათავეში, რომელიც ჰოლივუდის სკანდალურ პროდიუსერს, ჰარვი ვაინშტაინს მიუძღვნება.

„ჩემს გმირს ჰარვი არ ერქმევა, თუმცა ეს იქნება საშინელებათა ფილმი სექსუალურ მანიაკზე და მოვლენები კინოინდუსტრიაში განვითარდება“, – განაცხადა დე პალმამ.

შეგახსენებთ, რომ ჰარვი ვაინშტაინს სექსუალურ შევიწროებაში ბრალს 70-ზე მეტი ქალბატონი სდებს. 25 მაისს, ხანგრძლივი დავის შემდეგ, ის საკუთარი ნებით ჩაბარდა ნიუ-იორკის პოლიციას, თუმცა იმავე დღეს ის 1 მილიონის სანაცვლოდ თავდებით გაათავსიუფლეს.

 

კანიე უესტმა პროვოკაციული ალბომი გამოუშვა

ამერიკელმა მუსიკალურმა შემსრულებელმა კანიე უესტმა ალბომი „YE“ გამოუშვა.

დისკი რიგით მერვეა მუსიკოსის დისკოგრაფიაში და მისი პროდიუსერი თავად კანიე და რამდენიმე პროდიუსერი იყო. ალბომი შვიდი თრექისგან შედგება.

კანიეს მეუღლის, კიმ კარდაშიანის თქმით, ალბომის გარეკანი iPhone-ის საშუალებით შეიქმნა.

აღსანიშნავია ისიც, რომ დისკის მხარდასაჭერად ჯერ-ჯერობით არცერთი პრომო-სინგლი, სიმღერა ან კლიპი არ გამოსულა, თუმცა ცნობილია, რომ სიმღერები პროვოკაციულ თემებს ეძღვნება, რომლებზეც, როგორც წესი, კანიე არასოდეს საუბრობს. მათ შორის არის: თვითმკვლელობის მცდელობები, პრობლემები კიმთან და ა.შ.

ცნობილი ქალბატონები, რომლებიც ცოლად საკუთარ თაყვანისმცემლევს გაყვნენ

ჰოლივუდში ხშირია შემთხვევები, როდესაც ცნობილი ქალბატონები თავის თაყვანისმცემლებს არამარტო ყურადღებას აქცევენ, არამედ ცოლადაც მიჰყვებიან.

გთავაზობთ რამდენიმე ყველაზე გახმაურებულ ისტორიას:

რიზ უიზერსპუნი

თავდაპირველად ის ცოლად რაიან ფილიპს გაყვა, შემდეგ რომანი ჯეიკ ჯილენჰოლთანაც ჰქონდა, თუმცა საბოლოოდ არჩევანი აგენტ ჯიმ ტოტზე გააკეთა. როგორც მოგვიანებით გაირკვა, ის უიზერსპუნის დიდი ხნის თაყვანისცემელი იყო და მისი მონაწილეობით ყველა ფილმი ზეპირად იცოდა.

 

ჯულია რობერტსი

კინოოპერატორი დენიელ მოდერა დაჟინებით ადევნებდა თვალ-ყურს ჯულიას შემოქმედებას, თუმცა ალბათ ვერ წარმოიდგენდა, რომ ოდესმე ჰოლივუდის ლამაზმანთან ოჯახი ექნებოდა და სამი შვილიც ეყოლებოდა. წყვილს ჰოლივუდის ერთ-ერთი ყველაზე მყარი ოჯახის სტატუსი აქვს.

 

ჯესიკა ალბა

„შესანიშნავი ოთხეულის“ გადაღებებზე ჯესიკამ მოკრძალებული ასისტენტი, კეშ უორენი გაიცნო, რომესაც ლამაზმანი ყურებამდე შეუყვარდა. სამი წლის შემდეგ წყვილი დაქორწინდა. ასისტენტობიდან კი კეში ალბას მიერ დაარსებული კომპანიის, The Honest Company-ის პროდიუსერი და ხელმძღვანელია.

მეგან მარკლი ბრიტანეთის გავლენიანი ქალების რეიტინგში მოხვდა

ბრიტანულმა Vogue-მა სასექსის ჰერცოგინია, მეგან მარკლი, 25 ყველაზე გემოვნებიან ქალს შორის დაასახელა.

კომპანიონობას ამ წოდებაში კი მას ცნობილი ადვოკატი ამალ კლუნი, მწერალი ჯოან როულინგი, დიზაინერი სტელა მაკარტნი, მოდელი ადვოა აბოა, მომღერალი დუა ლიპა და სხვა ცნობილი ქალბატონები მოხვდნენ. აღსანიშნავია, რომ რეიტინგს მიღმა დარჩნენ კეიტ მიდლტონი და ელიზაბეტ მეორე.

ამ ყველაფერზე გამოცემამ სპეციალური კომენტარიც კი გააკეთა: მეგან მარკლის ისტორია, მოზარდობიდან, რომელიც ბუკინგემის სასახლის ფონზე სურათს იღებდა, მსახიობამდე, რომელიც ცოლად პრინცს გაჰყვა, საზოგადოებისთვის საკმაოდ შთამბეჭდავი ისტორიაა.

ფაქტობრივად ერთ დღეში, ეს 36 წლის ქალი მსოფლიოში ყველაზე ცნობადი გახდა“.

ანჯელინა ჯოლი ფერადკანიანი პიტერ პენის დედა გახდება

ანჯელინა ჯოლი და დევიდ ოიელოვო ფილმების „ალისა საოცრებათა სამყაროში“ და „პიტერ პენი“ ერთიან გაგრძელებაზე მუშაობაზე მოლაპარაკებებს აწარმოებენ.

ბრენდა ჩეპმენის ფილმში ჯოლი და ოიელოვო მთავარ როლებს განასახიერებენ. ფილმში, რომლის სამუშაო სახელწოდება „Come Away“ იქნება, ორივე მულტფილმის მოქმედებამდე დროში ვითარდება: სანამ პიტერ პენი მუდმივად ახალგაზრდა ადამიანი გახდებოდა და სანამ ალისა საოცრებათა სამყაროში წავიდოდა. ცნობილია ისიც, რომ ორივე მათგანი შერეული რასის წარმომადგენელი იქნება.

ჯოლი და ოიელოვო კი მათი მშობლების როლს შეასრულებენ.

Maroon 5-ის ახალ კლიპში მსოფლიო ვარსკვლავები მონაწილეობენ (ვიდეო)

ამერიკულმა პოპ-როკ ჯგუფმა Maroon 5 სიმღერაზე „Girls Like You“ გადაღებული ვიდეო წარმოადგინა, რომლის ჩაწერაშიც კარდი ბიც მონაწილეობდა.

ვიდეოში ასევე კამილა კაბელო, ჯენიფერ ლოპესი, რიტა ორა, ბეჰატი პრინსლუ, მილი ბობი ბრაუნი, გალ გადოტი, ელენ დეჯენერისი და სხვა ვარსკვლავები მონაწილეობენ.

სიმღერა რიგით მესამე ოფიციალური სინგლია ჯგუფის ახალი ალბომიდან „Red Pill Blues“, რომელიც გასული წლის ნოემბერში გამოვიდა. ალბომს კრიტიკოსების კეთილგანწყობა არ დაუმსახურებია, თუმცა ამას არ შეუშლია მისთვის ხელი Billboard 200-ის მეორე ადგილზე განთავსებულიყო და ამერიკაში პლატინის სტატუსი დაემსახურებინა.

დემი ლოვატო Clean Bandit-ის რომანტიკულ კლიპში მონაწილეობს (ვიდეო)

ბრიტანულმა ელექტრონულმა ჯგუფმა Clean Bandit სიმღერაზე „Solo“ კლიპი გამოუშვა.

რომანტიკულ რგოლში მომღერალი დემი ლოვატოც მონაწილეობს, რომელთან ერთადაც ჩაწერილია თავად სიმღერა.

სინგლი ჯგუფის მეორე სტიდიურ ალბომში შევა, რომლის დეტალებიც ამ დროისთვის გასაიდუმლოებულია. ამ დროისთვის, თრექი ბრიტანული ჩარტის მე-12 ადგილზე იმყოფება.

არიანა გრანდე ცნობილი გამოცემის მგრძნობიარე ფოტოსესიაში

ამერიკელმა პოპ-დივამ. არიანა გრამდემ მონაწილეობა მიიღო ჟურნალ The Fader-ის ფოტოსესიაში, რომელიც მისივე თაყვანისმცემლების თქმით, საკმაოდ ემოციური და მგრძნობიარე გამოვიდა.  

შეგახსენებთ, რომ მიმდინარე წელს გრანდე რიგით მეოთხე სტუდიურ ალბომს “Sweetener” გამოუშვებს, რომლის გამოსვლამდეც მან ოფიციალური სინგლი წარმოადგინა.  

Snow Patrol-მა ნოსტალგიური კლიპი გამოუშვა (ვიდეო)

ჯგუფმა Snow Patrol თაყვანისმცემლებს ახალი კლიპი წარუდგინეს, რომელიც მათ სიმღერაზე “soon” გადაიღეს.  

თაყვანისმცემლებმა ერთხმად აღნიშნეს, რომ ვიდეო ნოსტალგიურ გრძნობებს აღძრავს.  

სიმღერა კოლექტივის მეშვიდე სტუდიურ ალბომში “Wildness” შედის, რომელიც 25 მაისს გამოვიდა და რომელიც 7 წლიანი პაუზის შემდეგ ჯგუფის პირველი ნამუშვარი იყო.

უმა ტურმანი მისტიურ სერიალში მონაწილეობას მიიღებს

უმა ტურმანი მონაწილეობას მიიღებს მისტიურ სერიალში სახელწოდებით “Chambers”, რომელიც სერვის Netflix-ის ეთერით გადაიცემა.  

მთავარი გმირი იქნება გოგონა, რომელსაც დონორი გულს გადაუნერგავს. ტურმანი დონორის დედის როლს თამაშობს, რომელიც გადარჩენილ პაციენტთან ერთად თავისი შვილის მისტიური გარდაცვალების გამოძიებას გადაწყვეტს.  

ამ დროისთვის უცნობია, როდის გამოვა სერიალი ეკრანებზე.  

“სუპეროჯახი 2”-გან შთამბეჭდავ სტარტს მოელიან

სტუდია Pixar-ის მულტფილმს „სუპეროჯახი 2“, შესაძლოა, საკმაოდ წარმატებული სტარტი ჰქონდეს. როგორც The Hollywood Reporter წერს, საპრემიერო უქმეებზე მულტფილმისგან 140 მილიონ დოლარს მოელიან. იმ შემთხვევაში თუ ეს პროგნოზი გამართლდება, ეს 2018 წლის საუკეთესო სტარტი იქნება მსოფლიო ანიმაციაში.

აქამდე რეკორდი ასევე Pixar-ის მულტფილმს „დორის ძიებაში“ ეკუთვნოდა. ჩრდილოეთ ამერიკაში საპრემიერო უქმეებზე მან 135 მილიონი დოლარი გამოიმუშავა.

„სუპეროჯახის“ პირველი ნაწილი 14 წლის წინ, 2004 წელს გამოვიდა. მაშინ ეს რიცხვი 70 მილიონს შეადგენდა.

ნატალი დორმერი ლეგენდარულ ვივიენ ლის განასახიერებს

„სამეფო კარის თამაშებისა“ და „შიმშილის თამაშების“ ვარსკვლავი, ნატალი დორმერი  ახალ სერიალში მიიღებს მონაწილეობას, სადაც ის ლეგენდარულ ვივიენ ლის როლს შეასრულებს.

პროექტის წარმოებით სტუდია FremantleMedia დაკავდება. რამდენი ეპიზოდის გადაღება იგეგმება, ამის შესახებ ინფორმაცია არ მოიპოვება. ცნობილია, რომ თითოეული სერია მსახიობის თითო პროექტს მიეძღვნება.

სერიალში საუბარი ვივიენისა და ლოურენს ოლივიეს 20 წლიან ქორწინებასაც შეეხება. ასევე გარკვეული დრო ბიოპოლარულ აშლილობასაც დაეთმობა, რომლითაც ცნობილი ლამაზმანი საკმაოდ დიდი ხნის განმავლობაში იტანჯებოდა.

 

უმცროსი ბექჰემები ცნობილი მამის ჩაცმის სტილს იმეორებენ (ფოტო)

დევიდ ბექჰემი – თანამედროვეობის ერთ-ერთი ყველაზე მისაბაძი მამაკაცია. წარმატებული კარიერის მიღმა მისი საკმაოდ დიდი და მყარი ოჯახი დგას. დევიდს სამი ვაჟიშვილი და ერთი ქალიშვილი ჰყავს. სხვადასხვა დროს ის ყველაზე გემოვნებიანი მამაკაცის ტიტულსაც ირგებდა. დევიდის ჩაცმის გემოვნება მის ვაჟიშვილებზეც აისახება და ეს მისი უკანასკნელი პუბლიკაციით ჩანს.

ბექჰემების მამაკაცები ამ დღეებში სათევზაოდ ერთად წავიდნენ. თვალშისაცემი იყო მათი ერთნაირი ჩაცმის სტილი და შეზავებული ფერები. როგორც ჩანს, სტილს ისინი ამგვარი საქმიანობის დროსაც კი არ ღალატობენ.

 

 

თანამედროვე ვარსკვლავები, რომლებიც ძიძის მომსახურებით არ სარგებლობენ

თანამედროვე სამყაროში არსებობენ ვარსკვლავები, რომლებიც საკუთარი შვილის აღზრდით თავად არიან დაკავებულები. მიუხედავად იმისა, რომ მათი რიცხვი არც ისე დიდია, არიან ცნობილი ქალბატონები, რომლებიც საკმაოდ წარმატებული კარიერის მიუხედავად, ძიძის მომსახურებით არ სარგებლობენ.

 

 

სელინ დიონი

დიონმა და მისმა მეუღლემ 1991 წელს იქორწინეს. წყვილს სამი შვილი შეეძინა, თუმცა 2016 წელს, მომღერალმა მოულოდნელად მეუღლე დაკარგა. მას შემდეგ დიონი შვილებს მარტო ზრდის. მას ხშირად უთქვამს, რომ ბავშვები იმისთვის არ გაუჩენია, რომ ისინი სხვამ გაზარდოს.

 

 

მილა კუნისი

ჰოლივუდის ერთ-ერთმა ყველაზე ლამაზმა წყვილმა – მილა კუნისმა და ეშტონ კაჩერმა ძიძაზე უარი იმიტომ თქვეს, რომ მათ სურთ, საკუთარი შვილები უკეთ გაიცნონ. „მინდა ვიცოდე, რა უნდა ჩემს შვილს, როდესაც ის ტირის“, – განაცხადა მილამ ერთ-ერთ ინტერვიუში.

 

ბლეიკ ლაივლი

ლაივლი

ბლეიკ ლაივლი და რაიან რეინოლდსი თავის შვილებს თავად ზრდიან. დიდი როლი ამ საქმეში თავად რაიანს მიუძღვის. ბლეიკის თქმით, მისი მეუღლე ღამე საკმაოდ ხშირად დგება, რათა პატარას პამპერსი გამოუცვალოს.

ავიჩის ახალი სიმღერის ჩაწერაში კრის მარტინი მონაწილეობდა

ინტერნეტში ავიჩის ახალი თრექის, „Heaven“ პრემიერა გაიმართა. აღსანიშნავია, რომ სიმღერის ჩაწერაში Coldplay-ის ლიდერი, კრის მარტინიც მონაწილეობდა. სიმღერა ხელმისაწვდომი ადრევე იყო, თუმცა სტუდიური ვერსია მხოლოდ ახლა გამოვიდა.

შეგახსენებთ, რომ შვედი მუსიკოსი 20 აპრილს, 28 წლის ასაკში გარდაიცვალა.

იუენ მაკგრეგორი „კრისტოფერ რობინის“ ახალ ტრეილერში (ვიდეო)

ინტერნეტში ფილმ „კრისტოფერ რობინის“ ახალი ტრეილერი გავრცელდა, სადაც მთავარ როლს იუენ მაკგრეგორი ასრულებს. კომპანიონობას კი მას ჰეილი ეტველი და მარკ გეიტისი უწევენ.

სიუჟეტი უკვე გაზრდილი კრისტოფერ რობინის გარშემო ვითარდება, რომელიც თავის დიდი ხნის მეგობარს, ვინი პუჰს ხვდება. ყველაფერი კი უცნაურად ვითარდება.

ფილმის პრემიერა წლის ბოლომდე იგეგმება.

ბრედლი კუპერმა უქმეები ქალიშვილთან ერთად გაატარა (ფოტო)

გასული წლის მარტში ირინა შეიკი და ბრედლი კუპერი ქალიშვილის მშობლები გახდნენ. მას შემდეგ მოდელი და მსახიობი ხშირად ხდებიან პაპარაცების სამიზნეები, მიზეზი კი უმეტეს შემთხვევაში ერთი წლის ლეასთან ერთად სეირნობა ხდება ხოლმე.

ამ დღეებში ფოტოგრაფების ობიექტივში მხოლოდ ცნობილი მამა-შვილი მოხვდა: ისინი საბავშვო მოედანზე სეირნობდნენ, თამაშობდნენ და ბევრს იცინოდნენ. ფოტოებიდან ჩანს, რომ ლეა მამის აქტივობებით ძალიან ბედნიერი და კმაყოფილი იყო.

ზეინ მალიკმა ახალი კლიპი ჯიჯი ჰადიდს მიუძღვნა (ვიდეო)

ზეინ მალიკმა სიმღერაზე „Entertainer“ გადაღებული კლიპი წარმოადგინა. თაყვანისმცემლები ირწმუნებიან, რომ მომავალი ჰიტი მის მეგობარ გოგოს, ჯიჯი ჰადიდს ეძღვნება, რომელთანაც მომღერალმა ურთიერთობა ცოტა ხნის წინ აღადგინა.

ვიდეოშიც,. ისევე, როგორც მის რეალურ ცხოვრებაში მოხვდა, მალიკი საყვარელ ქალს მცირეხნიანი განშორების შემდეგ უბრუნდება.

ლიზა ფიშერის 5 დაუვიწყარი დუეტი მსოფლიო მუსიკის ლეგენდებთან (ვიდეო)

26 ივნისს, ფილარმონიის დიდ საკონცერტო დარბაზში „ოქოს ტალღის“ გრანდიოზული მუსიკალური დაჯილდოვების ცერემონია გაიმართება. წელს „ოქროს ტალღის“ საპატიო სტუმარი ლეგენდარული მუსიკოსი, „გრემის“ ორგზის გამარჯვებული და უამრავი პრესტიჟული ჯილდოს მფლობელი, ამერიკელი ვოკალისტი ლიზა ფიშერია. მუსიკოსი ქართველი მსმენელის წინაშე ნიკოლოზ რაჭველთან და ევგენი მიქელაძის სახელობის საქართველოს ეროვნულ სიმფონიურ ორკესტრთან ერთად წარსდგება. ლიზა ფიშერი, რომლის კარიერა 80-იან წლებში დაიწყო, დღემდე ერთ-ერთ ყველაზე მოთხოვნად არტისტად რჩება. ის წლების მანძილზე ისეთ გენიალურ მუსიკოებესთან ერთად მუშაობდა, როგორებიც არიან ტინა ტერნერი, ლუთერ ვანდროსი, სტინგი, ჯგუფი Rolling Stones და სხვა. ჩვენ შევარჩიეთ 5 დაუვიწყარი საკონცერტო ნომერი, სადაც ლიზა ფიშერი მსოფლიო მუსიკის ლეგენდებთან ერთად დუეტში მღერის.

The Rolling Stones Feat Lisa Fischer – Gimme Shelter

სიმღერა Gimme Shelter ლეგენდარული ჯგუფის  Rolling Stones-ის სიმღერაა, რომელიც შესულია 1969 წლის ალბომში Let It Bleed . ჟურნალმა  Rolling Stone  ჰიტი Gimme Shelter ყველა დროის საუკეთესო სიმღერების რიცხვში შეიტანა. ჯგუფის ვოკალისტი მიკ ჯაგერი ლეგენდარულ ჰიტს  ყველა საკონცერტო ტურნეს დროს ლიზა ფიშერთან ერთად ასრულებს.

Sting (and Lisa Fischer) with Chris Botti, Every Breath You Take

ჯგუფ The Police-ის ლეგენდარული სიმღერა, რომელიც სტინგმა 1983 წელს დაწერა. ის 8 კვირის მანძილზე ლიდერობდა „ბილბორდის“ ჩარტებს და 2 „გრემის“ მფლობელიც გახდა.  სიმღერა Every Breath You Take სტინგმა ლიზა ფიშერთან და კრის ბოტისთან ერთად ნიუ-იორკში 2016 წელს შეასრულა.

Luther Vandross (and Lisa Fischer) – Here And Now

ლუთერ ვანდროსის ერთ-ერთი ყველაზე პოპულარული სიმღერა, რომელიც 2003 წელს გამოვიდა. ყველაზე ეფექტური ლაივ შესრულება კი როიალ ალბერტ ჰოლში გამართული კონცერტიდან გვახსოვს, სადაც ლუთერ ვანდროსი სიმღერას ლიზა ფიშერთან ერთად ასრულებს.

Chris Botti feat. Lisa Fisher & Sinfonia Varsovia – “The Look of Love

„გრემის“ მფლობელი სიმღერა The Look of Love არაერთ ცნობილ არტისტს აქვს შესრულებული. მათ შორისაა ლიზა ფიშერიც, რომელმაც სიმღერა კრის ბოტისთან და სიმფონიურ ორკესტრთან ერთად შეასრულა

 Aretha & Lisa Fischer: Didn’t I (Blow Your Mind This Time)

კიდევ ერთი ჩარტების ლიდერი და „გრემის“ ტრიუმფატორი სიმღერა, მისი არეტა ფრანკლინისეული ვერსია შეუდარებელია. ჰიტს კი ლეგენდარული არეტა ფრანკლინი სწორედ ლიზა ფიშერთან ერთად ასრულებს. საინტერესოა, რომ ლიზა ფიშერი და არეტა ფრანკლინი 1991 წელს რიტმ-ენდ-ბლუზის საუკეთესო ქალი ვოკალისტის ნომინაციაში „გრემიზე“ კონკურენტები იყვნენ.  „გრემი“ კი ლიზა ფიშერმა მიიღო.

კიტ ჰარინგტონისა და როუზ ლესლის ქორწილის თარიღი ცნობილია

„სამეფო კარის თამაშების“ მსახიობების, კიტ ჰარინგტონისა და როუზ ლესლის ქორწილის თარიღი ცნობილია. ინფორმაცია თავად ჯონ სნოუს როლის შემსრულებელმა საკუთარ „ინსტაგრამზე“ განათავსა: „კიტი და როუზი 2018 წლის 23 ივნისს იქორწინებენ“ – სწორედ ეს სტატუსი ახლავს თან მათ ერთობლივ ფოტოს.

ცნობილია, რომ ცერემონია ტრადიციულ შოტლანდიურ სტილში ჩატარდება – მამაკაცების დრეს-კოდი – კილტი, მუსიკალური გაფორმება – შოტლანდიური სტვირი, მთავარი სასმელი – ვისკი.

ცერემონიას 200-მდე სტუმარი დაესწრება, მათ შორის „სამეფო კარის თამაშების“ მთელი გადამღები ჯგუფი.

შეგახსენებთ, რომ კიტი და როუზი ერთად 2012 წლიდან არიან. ისინი 2017 წელს დაინიშნენ.

„პარიზის ღვთისმშობლის ტაძრის“ ახალ ვერსიაში იდრის ელბა კვაზიმოდოს განასახიერებს

იდრის ელბა Neflix-ის ახალ პროექტში – „პარიზის ღვთისმშობლის ტაძარი“ გამოჩნდება, სადაც ის კვაზიმოდოს როლს შეასრულებს. მთავარი როლის გარდა, ელბა ფილმის რეჟისორიც იქნება.

აღსანიშნავია, რომ ეს მსახიობის პირველი რეჟისორული ნამუშევარი არ იქნება – იანვარში, „სანდენსის“ კინოფესტივალზე მან საკუთარი ნამუშევარი „იარდი“ წარმოადგინა.

უილ სმიტმა ფეხბურთის მსოფლიო ჩემპიონატის ჰიმნი შეასრულა (აუდიო)

ამერიკელმა მომღერალმა, ნიკი ჯემმა ფეხბურთის მსოფლიო ჩემპიონატის ოფიციალური ჰიმნი გამოქვეყნა.

სიმღერას უილ სმიტი და ალბანელი მომღერალი ერა ისტერფი ასრულებენ. პროდიუსერი კი დიჯეი დიპლოა.

ჰიმნს „Live It Up“ ჰქვია და მასზე გადარებული ოფიციალური კლიპი 7 ივნისს გამოვა.

შეგახსენებთ, რომ ფეხბურთის მსოფლიო ჩემპიონატი 14 ივნისიდან 15 ივლისამდე რუსეთში ჩატარდება.

„ოქროს ტალღა“ ნიკოლოზ რაჭველთან და „გრემის“ მფლობელ ლიზა ფიშერთან ერთად – გრანდიოზული შოუ ფილარმონიაში!..

ოქროს ტალღა 2018” 26 ივნისს, თბილისის დიდ საკონცერტო დარბაზში გაიმართება. ქვეყნის ყველაზე მნიშვნელოვანი მუსიკალური დაჯილდოება წელს მეხუთედ იმართება, შესაბამისად, ხუთი წლის იუბილეს აღნიშნავს. ასევე იუბილარია რადიოჰოლდინგი „ფორტუნა“ და ამ სფეროში ლიდერობის 20-წლიან იუბილეს ზეიმობს. გამარჯვებულები 17 სხვადასხვა კატეგორიაში დასახელდებიან, მათგან ერთ ნომინაციას, ხალხის რჩეულს ინტერნეტგამოკითხვა გამოავლენს, რომელიც უკვე დაწყებულია საიტზე goldenwave.ge. წლის სიმღერის კატეგორიაში 127 ახლადშექმნილი ქართული სიმღერაა წარდგენილი.

„ოქროს ტალღის“ მთავარი ნომინაციის გამარჯვებულები, სხვადასხვა დროს გახდნენ: ნოდიკო ტატიშვილი და სოფო გელოვანი, ანრი ჯოხაძე, ნიაზ დიასამიძე და სტეფანე. ამა თუ იმ კატეგორიაში გამარჯვება მოიპოვეს ნინო ქათამაძემ, ნინი ბადურაშვილმა, სოფო ნიჟარაძემ და სხვა ცნობილმა შემსრულებლებმა.

წელს „ოქროს ტალღის“ საპატიო სტუმარი იქნება ლეგენდარული მუსიკოსი, „გრემის“ ორგზის გამარჯვებული და უამრავი პრესტიჟული ჯილდოს მფლობელი, ამერიკელი ვოკალისტი ლიზა ფიშერი. მუსიკოსი ქართველი მსმენელის წინაშე 26 ივნისს, ფილარმონიის დიდ საკონცერტო დარბაზში წარდგება და ნიკოლოზ რაჭველთან და ევგენი მიქელაძის სახელობის საქართველოს ეროვნულ სიმფონიურ ორკესტრთან ერთად, დაუვიწყარ საღამოს აჩუქებს მაყურებელს. ლიზა ფიშერი, რომლის კარიერა 80-იან წლებში დაიწყო, დღემდე ერთ-ერთ ყველაზე მოთხოვნად არტისტად რჩება. ის წლების მანძილზე ისეთ გენიალურ მუსიკოსებთან ერთად მუშაობდა, როგორებიც არიან ტინა ტერნერი, ლუთერ ვანდროსი, სტინგი, ჯგუფი Rolling Stones და სხვა.

ლიზა ფიშერის სადებიუტო ალბომი სახელწოდებით So Intense 1991 წელს გამოვიდა და მასში შესული ჰიტით How Can I Ease the Pain მუსიკოსმა „გრემი“ მიიღო რიტმ-ენდ-ბლუზის საუკეთესო ქალი ვოკალისტის ნომინაციაში. საინტერესოა, რომ ლიზას კონკურენტები ამ დროს არეტა ფრანკლინი, გლედის ნაიტი და ვანესა უილიამსი იყვნენ.

სიმღერა How Can I Ease the Pain ზედიზედ ორი კვირის განმავლობაში „ბილბორდის“ ჩარტების ლიდერი იყო. ამავე ჰიტით ლიზა Soul Train Music Awards-ის გამარჯებულიც გახდა. მორიგი „გრემი“ ლიზა ფიშერმა 2013 წელს მორგან ნევილის დოკუმეტური ფილმისთვის 20 Feet from Stardom მიიღო, რომელიც ბექ ვოკალისტების ცხოვრების შესახებ გადაიღეს. ფილმი „ოსკარის“ რიგით 86-ე ცერემონიის გამარჯვებულიც გახდა.

ლიზა ფიშერი საქართველოში „ოქროს ტალღის“ რიგით მეხუთე საიუბილეო დაჯილდოების სპეციალური სტუმარი იქნება. ის ქართველი მსმენელის წინაშე ლეგენდარული ჰიტებით წარდგება. წინა დღეს კი, ჟურნალისტებისთვის პრესკონფერენციას გამართავს.

წელს რადიოჰოლდინგ „ფორტუნას“ მიერ ორგანიზებული დაჯილდოება უპრეცედენტოდ მასშტაბური იქნება. მსმენელი ყველასთვის საყვარელი ქართული სიმღერების ახლებურ ვერსიებს მოისმენს, რომელსაც მაესტრო ნიკოლოზ რაჭველი სახელმწიფო სიმფონიურ ორკესტრთან ერთად წარმოადგენს. „რადიოჰოლდინგი ფორტუნა“ კი, ჟიურის წევრებთან ერთად, სხვადასხვა ნომინაციაში გამარჯებულებს საზეიმოდ გამოავლენს.

პირველად დაჯილდოების ისტორიაში მაყურებელს ღონისძიებაზე დასწრების შესაძლებლობა ეძლევა. „ოქროს ტალღის“დაჯილდოების ცერემონიაზე ბილეთების გაყიდვა tkt.ge-ზე დღეიდან, 23 მაისიდან დაიწყო.

ღონისძიების გენერალური სპონსორები არიან კომპანია „თეგეტა მოტორსი“ და “m2 უძრავი ქონება”.

 

ჯესი ჯეიმ ახალი ალბომის დასკვნითი ნაწილი გამოუშვა

ინტერნეტში ჯესი ჯეის ახალი ალბომის „R.O.S.E.“ პრემიერა შედგა.  ცოტა ხნის წინ, დისკის ნაწილი გამოვიდა, ამჯამად კი, ფირფიტის დასკვნითი ნაწილი გახდა ხელმისაწვდომი.

ალბომში მოხვდა სიმღერები, რომლებიც აქამდე ეტაპობრივად გამოვიდა და ესენია: „Real Deal“, „Think About That“, „Not My Ex“ და „Queen“.

 

7 წლიანი პაუზის შემდეგ Snow Patrol-მა ალბომი წარმოადგინა

7 წლიანი მოლოდინის შემდეგ, ჯგუფმა Snow Patrol ალბომი „Wildness“ გამოუშვა.

დისკი რიგით მეშვიდეა კოლექტივის შემოქმედებაში და სტანდარტული ვერსია ათი სიმღერისგან შედგება, deluxe-გამოცემაში კი 15 სიმღერა შედის.

ჯგიფის უკანასკნელი ალბომი „Fallen Empires“ გაყიდვაში 2011 წლის ნოემბერში გამოვიდა და ბრიტანული ჩარტის მესამე ადგილზე განთავსდა.

 

ბრიტნი სპირსის ყოფილი მეუღლე ალიმენტის გასამმაგებას ითხოვს

ბრიტნი სპირსის ყოფილი ქმარი და მისი შვილების მამა, კევინ ფედერლაინი ვარსკვლავისგან ალიმენტის გასამმაგებას მოითხოვს, რასაც მომღერალი მას და შვილებს უხდის. სწორედ ამ ტექსტით მიმართა ფედერლაინის ადვოკატმა მსოფლიო მედიას და სწორედ ამ გზით იმედოვნებს ის ბრიტნის ყურადღების მიქცევას.

მომღერალი და მოცეკვავე ერთმანეთს 2007 წელს სამწლიანი თანაცხოვრების შემდეგ დაშორდნენ, რომელიც საკმაოდ ხანგრძლივი და რთული აღმოჩნდა. შედეგად ბრიტნის ნერვული აშლილობა და დეპრესია დაეწყო.

სასამართლომ ფედერლაინის მხარე დაიჭირა. ამჟამად, ბრიტნი ყოველთვიურად მას 20 ათას დოლარს უხდის, 12 წლის შონი და 11 წლის ჯეიდენი სწორედ მამასთან ერთად ცხოვრობენ.

 

43 წლის სარა პოლსონმა 75 წლის მეგობარ ქალთან რომანზე კომენტარი გააკეთა

43 წლის სარა პოლსონისა და 75 წლის ჰოლანდ ტეილორის რომანის შესახებ ცნობილი 2015 წლის ბოლოს გახდა. მსახიობებს შორის ასაკობრივი სხვაობა 32 წელია.

ცოტა ხნის წინ, პოლსონმა ერთ-ერთ გამოცემას ინტერვიუ მისცა და ყველას, ვინც მის არჩევანს აკრიტიკებს, პასუხი გასცა: „თუკი ვინმეს სურს, რომ უცნაურად ჩამთვალოს იმიტომ, რომ მსოფლიოში ყველაზე უჩვეულო ადამიანზე ვარ შეყვარებული, ეს მისი პრობლემაა. მე ყველაფერი კარგად მაქვს“, – განაცხადა მსახიობმა.

პოლსონის თქმით, მას არ სურს, რომ იმის მიხედვით განსაჯოს, „ვისთან იზიარებს საწოლს, სახლსა და სულს“: „ჩემი ცხოვრებისეული არჩევანი არატრადიციულია და ეს მხოლოდ ჩემი საქმეა. ჩვენ ძალიან გვიყვარს ერთმანეთი“, – აღიარა ვარსკვლკავმა.

შეგახსენებთ, რომ სარა პოლსონი იმ მსახიობებს განეკუთვნება, ვინც თავის სექსუალურ ორიენტაციას არ მალავს. ის დიდი ხნის განმავლობაში ხვდებოდა თავის კოლეგას, ჩერი ჯონსს, თუმცა 2009 წელს წყვილი ერთმანეთს დაშორდა.

Paramount „ტრასფორმერების“ მომდევნო ნაწილს აღარ გადაიღებს

კინოსტუდია Paramount „ტრასფორმერების“ მომდევნო ნაწილის გადაღებას აღარ გეგმავს. ამ ფაქტს ისიც ადასტურებს, რომ მეშვიდე ფილმის რელიზი, რომელიც 2019 წლის 28 ივნისს იყო დანიშნული, გაურკვეველი ვადით გადაიდო. მიზეზებზე არც თავად კინოსტუდია საუბრობს.

აღსანიშნავია, რომ მიდმინარე წლის ბოლო ცალკე ფილმად გამოვა პროეტქი სახელწოდებით „ბამბლბი“ და მასში მონაწილეობას ჰეილი სტაინფელდი, პამელა ადლონი, ჯონ სინა და სხვა მსახიობები მიიღებენ.

ეს „ტრანსფორმერებიდან“ პირველი სერია იქნება, რომელსაც მაიკლ ბეი არ გადაიღებს.

კრისტინა აგილერამ და დემი ლოვატომ ერთობლივ სიმღერაზე გადაღებული კლიპი წარმოადგინეს (ვიდეო)

ბოლო დროს, კრისტინა აგილერა სულ უფრო აქტიურად ჩნდება ამა თუ იმ ღონისძიებებში. მაისის დასაწყისში, პოპ-ვარსკვლავმა ხანგრძლივი პაუზის შემდეგ პირველი კლიპი წარმოადგინა, ამჯერად კი ხელმისაწვდომი კიდევ ერთი სიახლე გახდა. რამდენიმე საათის წინ, მომღერალმა სიმღერაზე „Fall in Line“ გადაღებული კლიპი წარმოადგინა და თაყვანისმცემლებს მისი შეფასება სთხოვა.

სიახლე დემი ლოვატოსთან დუეტს წარმოადგენს. სიმღერა აგილერას ახალ ალბომში „Fall in Line“ შევა, რომლის რელიზიც 15 ივნისს არის დაგეგმილი. დისკი რიგით მერვე იქნება აგილერას დისკოგრაფიაში. შეგახსენებთ, რომ აგილერას უკანასკნელი ალბომი „Lotus“ 2012 წელს გამოვიდა.

პრინც ჰარის ბიძაშვილი ყველაზე სასურველ სასიძოდ ითვლება

ქალების ყველაზე სასურველი მამაკაცი, პრინცი ჰარი უკვე დაქორწინდა, თუმცა მის თაყვანისმცემლებს უკვე ჰყავთ ინტერესის ახალი ობიექტი.

ქსელში აქტიურად განიხილავენ ჰარისა და უილიამის ახალგაზრდა ბიძაშვილს – ლუი ფრედერიკ ჯონ სპენსერს. ის ბრიტანეთის ოჯახის წევრი არ არის, თუმცა არის არისტოკრატი – გრაფ ჩარლზ სპენსერის ვაჟიშვილი, პრინცესა დიანას უმცროსი ძმის შვილი.

ლუი სპენსერს არ აქვს სოციალური ქსელი და შეძლებისდაგვარად დახურული ცხოვრების წესით ცხოვრობს, თუმცა, სამყარომ ის მაინც გაიცნო და ეს პრინც ჰარის ქორწილამდე გაცილებით ადრე მოხდა: 2015 წელს ნიკი მინაჟმა მასთან ერთად გადაღებული ფოტო გააზიარა და თაყვანისმცემლების პირველი ნაკადიც სწორედ ამის მერე გაჩნდა.

გასულ უქმეებზე ქორწილის შემდეგ კი, ინტერნეტი ფაქტობრივად, აფეთქდა მისი ფოტოებით.

ლიამ ნისონი ფილმის „კაცები შავებში“ მომდევნო ნაწილში გამოჩნდება

ლიამ ნისონი ფილმის „კაცები შავებში“ მომდევნო ნაწილის გადაღებებს შეუერთდა. ლეგენდარული ვარსკვლავი საიდუმლო ორგანიზაციის მეთაურის როლს შეასრულებს, რომელიც დედამიწაზე უცხოპლანეტელთა მოქმედებებს არეგულირებს.

ფილმის რეჟისორი გერი გრეი იქნება, ხოლო გადაღებით სტუდია Sony Pictures დაკავდება.

შეგახსენებთ, რომ ცოტა ხნის წინ, ფილმში მონაწილეობა უკვე დაადასტურეს კრის ჰემსვორტმა და ტესა ტომპსონმა. პრემიერა კი 2019 წლის 14 ივნისს გაიმართება.

შეგახსენებთ, რომ ფილმის „კაცები შავებში“ პირველი ნაწილი ეკრანებზე 1997 წელს გამოვიდა. მთავარი როლები მასში უილ სმიტმა და ტომი ლი ჯონსმა შეასრულეს.

რიჩარდ გირი სერიალში მონაწილეობას მიიღებს

რიჩარდ გირი მონაწილეობას მიიღებს „ბი ბი სის“ სერიალში  „დედა, მამა, ვაჟიშვილი“.

პროექტი რვა სერიისგან იქნება შემდგარი და მას ტომ რობ სმიტი გადაიღებს, რომელიც აქამდე ცნობილ სერიალზე „ამერიკული დანაშაულებების ისტორია: ჯანი ვერსაჩეს სიკვდილი“ მუშაობდა.

გირის გმირი ამერიკელი მედიამაგნატია, რომელმაც მტკივნეული განქორწინება გაიარა და ამჯამად დეპრესიული ვაჟიშვილის დახმარებას ცდილობს.

„უკანასკნელად სერიალზე 30 წლის წინ ვიმუშავე“, – განაცხადა გირმა.

გადაღებები მიმდინარე ზაფხულში ლონდონში დაიწყება და ესპანეთის რამდენიმე ქალაქში გაგრძელდება.

შარლიზ ტერონი დონალდ ტრამპის საძულველ ჟურნალისტს განასახიერებს

შარლიზ ტერონი მონაწილეობას მიიღებს ბაიოპიკში, რომელიც ტელეარხ Fox News-ის წამყვანს, მეგინ კელის ეძღვნება. პროექტის სახელწოდება ამ დროისთვის უცნობია.

ცნობილი ჟურნალისტი 2016 წელს ამერიკის პრეზიდენტის წინასაარჩევნო პროცესებს აშუქებდა და მუდმივად უხერხულ კითხვებს სვამდა, რის გამოც დონალდ ტრამპის რისხვა არაერთხელ დაიმსახურა. მომავალ პრეზიდენტთან უთანხმოება მას Fox News-ზე კარიერად დაუჯდა.

2017 წელს, მეგინი სამუშაოდ NBC News გადავიდა. მისი პირველი დავალება ახალ ადგილზე რუსეთის პრეზიდენტთან, ვლადიმირ პუტინთან ინტერვიუ იყო, რასაც მან თავი კარგად გაართვა.

რაც შეეხება ტერონს, 12 ივლისს მისი მონაწილეობით ფილმი „ტალია“ გამოდის.

ჯეიკ ჯილენჰოლი ადამიანი-ობობას მთავარ კონკურენტს განასახიერებს

მსახიობი ჯეიკ ჯილენჰოლი „მარველის“ კინოსამყაროს უერთდება. კონკრეტულად კი, ის მონაწილეობას მიიღებს „ადამიანი ობობას“ ახალ ნაწილში.

ცნობილია, რომ ჯილენჰოლი ადამიანი-ობობას ერთ-ერთ მთავარ კონკურენტს, მისტერიოს განასახიერებს. მოლაპარაკებები უკვე დასვნით ეტაპზეა.

დიდ ეკრანებზე ფილმი 2019 წლის ივლისში გამოვა.

 

ჰოლი ბერი „ჯონ უიკი 3“-ში მონაწილეობას მიიღებს

ფილმ „ჯონ უიკი 3“-ოს მსახიობთა შემადგენლობაში მატებაა. როგორც ცნობილია,  კიანუ რივზს გადასაღებ მოედანზე პარტნიორობას ჰოლი ბერიც გაუწევს. კონკრეტულად რომელ როლზე მოიაზრება ბერი უცნობია.

ინფორმაცია თავად ჰოლივუდის ლამაზმანმა დაადასტურა.

შეგახსენებთ, რომ ფილმი დიდ ეკრანებზე 2019 წლის მაისში გამოვა. მოქმედება კი მასში იმ მომენტიდან გაგრძელდება, სადაც მეორე სერია დასრულდა.

 

Fifth Harmony-მ გამოსამშვიდობებელი კლიპი გამოუშვა (ვიდეო)

რამდენიმე კვირის წინ, ჯგუფმა Fifth Harmony კარიერის დასრულების შესახებ განაცხადა. ამ დღეებში კი, ჯგუფმა არსებობის ისტორიაში უკანასკნელი კლიპი გამოუშვა, რომელიც სიმღერაზე „Don’t Say You Love Me“ არის გადაღებული.

ვიდეო მათ საკუთარ თაყვანისმცემლებს მიუძღვნეს: „მადლობა უჩვეულო მოგზაურობისთვის, ჩვენ თქვენ ძალიან გვიყვარხართ!“ – აცხადებენ გოგონები.

მეგან მარკლის საქორწინო კაბაში რამდენიმე სიმბოლო იპოვეს

ლონდონელმა ლუქს-კლასის დიზაინერმა, კეროლაინ არტურმა, მეგან მარკლის საქორწინო კაბაზე კომენტარი გააკეთა. არტურმა პრინც ჰარის მეუღლის არჩევანს უცნაური უწოდა: „ძალიან თბილი დღე იყო, კაბა კი ზედმეტად დახურული და ცხელი“, – განაცხადა მან.

ამას გარდა, გაირკვა, რატომ შეაჩერა მარკლმა არჩევანი მაინცდამაინც Givenchy-ზე: კლერ უეიტ კელერი – კაბის ავტორი- აქტიური ფემინისტია. მარკლმა კი უეიტ კელერის მხარდაჭერა და დიზაინერი ქალების პატივისცემა სწორედ ამ გზით გადაწყვიტა.

აქამდე ცნობილი იყო, რომ სასექსის მომავალი ჰერცოგინია კაბის შეკვეთას ბრიტანული ბრენდისთვის, Ralph & Russo-სთვის აპირებდა, რომელიც რამდენიმე ასეული ფუნტი უნდა დამჯდარიყო, თუმცა ეს იდეა არ დადასტურდა. რაც შეეხება Givenchy-ს კაბას, მარკლმა მასში 550 ათასი დოლარი გადაიხადა.

ამას გარდა, ექსპერტებმა ჩათვალეს, რომ მეგანს არ სურდა, რომ მისი კაბა კეიტ მიდლტონის საქორწინო კაბაზე ძვირი დამჯდარიყო. თუმცა, საბოლოოდ, მეგანის არჩევანი მაინც თითქმის ორჯერ უფრო ძვირი დაჯდა, ვიდრე  კეიტის, რომლის ღირებულებაც 270 ათასი დოლარს შეადგენდა.

“შურისმაძიებლების” მოგებამ 1,8 მილიარდ დოლარს გადააჭარბა

„შურისმაძიებლები: სამოქალაქო ომის“ შემოსავალმა 1,8 მილიარდ დოლარს გადააჭარბა. ამ გზით კი, ის კინოს ისტორიაში, ყველაზე შემოსავლიანი ფილმების ხუთეულში მეოთხე პოზიციაზე განთავსდა. სამეულში მოხვედრისთვის მას კიდევ 200 მილიონი დოლარი სჭირდება.

ამერიკის ფარგლებს გარეთ, „შურისმაძიებლებმა“ ყველაზე მეტი, 300 მილიონი ჩინეთში გამოიმუშავა.

შეგახსენებთ, რომ ფილმის მეოთხე ნაწილზე მუშაობა უკვე აქტიურად მიმდინარეობს და მისი რელიზის თარიღიც უკვე ცნობილია – მაყურებელი მას 2019 წლის მაისში იხილავს.

„დედპული 2“-ს სუსტი სტარტი ჰქონდა

„დედპული 2“-ის კინოგაქირავების მაჩვენებელი ჩრდილოეთ ამერიკაში იმაზე სუსტი აღმოჩნდა, ვიდრე ამას დამოუკიდებელი ექსპერტები პროგნოზირებდნენ. პირველ უქმეებში ფილმმა 125 მილიონი დოლარი საშინაო კინოგაქირავებაში გამოიმუშავა.

ამ გზით კი, მან პირველი ნაწილის წარმატების გამეორება ვერ შეძლო, რომელიც მაშინ 132 მილიონს შეადგენდა.

საერთაშორისო თვალსაზრისით კი, ეს რიცხვი 176 მილიონამდე გაიზარდა, თუმცა ცნობილია, რომ ამ რიცხვის გამო პროექტი წარმატებულად არ სახელდება.

ნატალია ორეირომ ფეხბურთის მსოფლიო ჩემპიონატისთვის სიმღერა ჩაწერა (ვიდეო)

მსახიობმა და მომღერალმა, ნატალია ორეირომ, ფეხბურთის მსოფლიო ჩემპიონატისთვის სიმღერა „United by Love“ ჩაწერა.

სიმღერა ინგლისურ, ესპანურ და რუსულ ენებზეა, მუსიკა კი ლათინოამერიკულ რიტმებს შეესაბამება.

ოფიციალური ვიდეო Warner Música-ს Youtube-არხზე გამოქვეყნდა. 18 მაისიდან კი სინგლი ყველანაირ ციფრულ ფორმატზეა ხელმისაწვდომი.

ჯენიფერ ენისტონი ამერიკის არატრადიციული ორიენტაციის მქონე პრეზიდენტს განასახიერებს

ამერიკელი მსახიობი ჯენიფერ ენისტონი ერთ-ერთ მთავარ როლს შეასრულებს Netflix-ის სერიალში „პირველი ლედი“, სადაც ამერიკის პირველ პრეზიდენტ ქალს განასახიერებს.

სერიალი პოლიტიკური კომედიის ჟანრის იქნება და სიუჟეტის ცენტრში პირველი ქალი-პრეზიდენტი ბევერლი ნიკოლსონი და მისი მეუღლე, კეისი იქნებიან. სერიალის შემქმნელებს სურთ გადმოსცენ, რომ ყოველი დიდებული ქალის უკან სხვა დიდი ქალი დგას.

ენისტონის ცოლის როლს ამერიკელი მსახიობი ტიგ ნოტარო შეასრულებს.

პრინცმა ჰარიმ და მეგან მარკლმა ერთგულების ფიცი დადეს

პრინც ჰარისა და მეგან მარკლის ქორწინების ცერემონია უკვე დაიწყო. პატარძალი წმინდა გიორგის სამლოცველოში დედასთან ერთად მივიდა. საკურთხეველთან ის პრინცმა ჩარლზმა მიიყვანა, როგორც ეს აქამდე იყო ცნობილი.
პატარძალს სამლოცველოში უკვე ელოდებოდა საქმრო, პრინცი ჰარი თავის ხელისმომკიდესთან, პრინც უილიამთან ერთად. ორივე მათგანს ტრადიციული სამხედრო ფორმა ეცვა.

შეგახსენებთ, რომ სამეფო ქორწილის სტუმრებს შორის საკმაოდ ბევრი ცნობილი სახეა, მათ შორის ვიქტორია და დევიდ ბექჰემები, ოპრა უინფრი, ჯეიმს ბლანტი, ელტონ ჯონი, სერენა უილიამსი და სხვები.

ლეონარდო დიკაპრიო ამერიკის მე-18 პრეზიდენტს განასახიერებს

სტივენ სპილბერგის ახალ ფილმში ლეონარდო დიკაპრიო ამერიკის მე-18 პრეზიდენტს, ულის გრანტს განასახიერებს.

მსახიობისა და რეჟისორის კოლაბორაცია უკანასკნელად 2002 წელს, ფილმის „დამიჭირე, თუ შეგიძლია“ მუშაობის დროს შედგა. რაც შეეხება ახალ პროექტს, მთავარი როლის გარდა, ცნობილია, რომ დიკაპრიო პროდიუსერის მოვალეობასაც შეითავსებს.

როდის დაიწყება გადაღებები, უცნობია. ამჯამად, სპილბერგი ინდიანა ჯონსის მომდევნო ნაწილზე მუშაობით არის დაკავებული. რაც შეეხება ლეონარდოს, ის კვენტინ ტარანტინოს ახალი ფილმის,  „ერთხელ ჰოლივუდში“ გადაღებებში მონაწილეობს, რომელშიც პარტნიორობას მას მარგო რობი და ბრედ პიტი უწევენ.

სელენა გომესმა სერიალის “13 მიზეზი” საუნდტრეკი გამოუშვა (ვიდეო)

სელენა გომესმა სიმღერა „Back to You“ და მასზე გადაღებული ლირიკ-ვიდეოც გამოაქვეყნა. სიახლე სერიალის „13 მიზეზი“ მეორე სეზონის მთავარი საუნდტრეკი გახდა.

აღსანიშნავია, რომ სელენა პროექტის პროდიუსერი და ქალის მთავარი როლის შემსრულებელია.

რიტა ორამ ვარსკვლავური სიმღერა გამოუშვა (აუდიო)

რამდენიმე დღის წინ, რიტა ორამ ვარსკვლავური სიმღერა „Girls“ გამოუშვა. თრექის ჩაწერაში ბიბი რექსა, ჩარლი ექს სი ექსი და კარდი ბი მონაწილეობდნენ.

სიახლე რიგით მესამეა რიტას მეორე სტუდიური ალბომიდან, რომლის რელიზიც უკვე ბევრჯერ გადაიდო. ადრე დისკის მხარდასაჭერად სიმღერები „Your Song“ და „Anywhere“ გამოვიდა, რომლებიც დიდ ბრიტანეთსა და ამერიკაში საკმაოდ წარმატებული იყო.

სიახლის მოსმენა „ფორტუნა პლუსის“ ოფიციალურ საიტზე შეგიძლიათ.

კიანუ რივზი და უაინონა რაიდერი ახალი ერთობლივი ფილმის ტრეილერში (ვიდეო)

ინტერნეტში ფილმის „დანიშნულების პუნქტი: ქორწილი“ ტრეილერი გავრცელდა, რომელშიც მთავარ როლებს კიანუ რივზი და უაინონა რაიდერი ასრულებენ.

მსახიობების პერსონაჟები ერთმანეთს საერთო მეგობრების ქორწილში გაიცნობენ. დაძაბულ ურთიერთობას ბოლო რომანტიკული და ლამაზი აქვს.

ფილმის რეჟისორის, ვიქტორ ლევინის თქმით, კიანუსა და ვაინონას შორის არსებული ქიმია რომანტიკულ ფილმს ნამდვილად ძალიან უხდება.

დიდ ეკრანებზე  „დანიშნულების პუნქტი: ქორწილი“  მიმდინარე წლის შემოდგომაზე გამოვა.

უიტნი ჰიუსტონი ბიძაშვილის მხრიდან სექსუალური ძალადობის მსხვერპლი გახდა

ინტერნეტში უიტნი ჰიუსტონის შესახებ დოკუმენტური ფილმის ახალი ტრეილერი გამოქვეყნდა, რომელშიც მისი ბავშვობის ტრაგიკული ფაქტებია ასახული.

სრულად, ფილმის პრემიერა კანის კინოფესტივალზე ამ დღეებში შედგა. საარქივო ჩანაწერების გარდა, მასში ნაჩვენებია ვარსკვლავის ბავშვობაში მომხდარი ტრაგიკული მოვლენებიც, მათ შორის ისიც, რომ როდესაც უიტნი პატარა იყო, ბიძაშვილის მხრიდან ის ძალადობის მსხვერპლი გახდა.

შეგახსენებთ, რომ უიტნი ჰიუსტონი 2012 წლის 9 თებერვალს, 48 წლის ასაკში გარდაიცვალა. ტრაგედიამდე მომღერალს ნარკოტიკებთან პრობლემები ჰქონდა.

სარა სამპაიო ნამდვილ ანგელოზს შეადარეს (ფოტო)

Victoria’s Secret-ის „ანგელოზმა“, 26 წლის სარა სამპაიომ თავისი წოდების რეალიზება რეალურ ცხოვრებაში გადაწყვიტა. გარდასახვა კი მან Ralph & Russo-ს უჩვეულო კაბით შეძლო, რომელიც თეთრი ბუმბულებით იყო გაწყობილი.

იმპროვიზირებული ფრთების როლი მოსასხამმა „შეითავსა“. გოთიკურმა მაკიაჟმა კი მოდელს მეტი დრამატიზმი შესძინა.

 

The Backstreet Boys ახალი სიმღერითა და კლიპით დაბრუნდა (ვიდეო)

5 წლიანი პაუზის შემდეგ, The Backstreet Boys-მა თაყვანისმცემლებს ახალი სიმღერა „Don’t Go Breaking My Heart“ და მასზე გადაღებული კლიპი წარუდგინა. ვიდეოს პრეზენტაცია, რომელიც YouTube-ზე გაიმართა, საკმაოდ ბევრმა ადამიანმა ნახა და დადებითი შეფასებებიც დაიმსახურა. უმეტესი მათგანი თვლის, რომ ნამუშევარი ლოდინად ღირდა და ბიჭები დიდ სცენას დაუბრუნდნენ.

კარიერის 25 წლიანი იუბილეს აღსანიშნავად კოლექტივი ტურნეს გამართვასაც გეგმავს, რომელიც ივლისში დაიწყება და ნოემბრამდე გასტანს. სულ 21 წარმოდგენის გამართვა იგეგმება.

ელტონ ჯონი პრინცი ჰარისა და მეგან მარკლის ქორწილში იმღერებს

ბრიტანელი მომღერალი და სიმღერების ავტორი, ელტონ ჯონი პრინც ჰარისა და მეგან მარკლის ქორწილში იმღერებს. ინსაიდერმა არ დააკონკრეტა, ვარსკვლავი ეკლესიაში გამოვა თუ საღამოს წვეულებაზე.

შეგახსენებთ, რომ ელტონ ჯონი პრინცესა დიანას საკმაოდ ახლო მეგობარი იყო. მის დაკრძალვაზე მან სიმღერა „Candle in the Wind“ შეასრულა, ხოლო პრინც ჰარისა და უილიამს დახმარების ხელს ხშირად უწვდიდა.

„ბოჰემური რაფსოდია“: პირველი ტრეილერი გამოქვეყნდა (ვიდეო)

ჯგუფ Queen-ის YouTube-ის ოფიციალურ არხზე ფილმის „ბოჰემური რაფსოდია“ ტრეილერი გამოქვეყნდა.

ფრედი მერკურის როლს ფილმში რამი მალეკი ასრულებს, ისვე მღერის ვარსკვლავის ფონოგრამის ქვეშ.

„ბოჰემური რაფსოდიის“ გზა დიდ ეკრანზე მოხვედრამდე არც ისე მარტივი იყო. ფილმი შორეულ 2013 წელს უნდა გადაეღოთ და მთავარი როლი მასშიუ საშა ბარონ კოენს უნდა შეესრულებინა, თუმცა ბრაიან მეისთან კონფლიქტის შემდეგ კოენმა პროექტი დატოვა. მოგვიანებით კი, პროექტს სათავეში ბრაიან სინგერი ჩაუდგა.

მეფე ლირის ფორმაში გამოწყობილი ენტონი ჰოპკინსი უსახლკარო ეგონათ

„მეფე ლირის“ გადაღებებზე ენტონი ჰოპკინსი უსახლკაროდ მიიჩნიეს. ნაწარმოების თანამედროვე ადაპტაციას „ბი ბი სი“ იღებს. რეოსორი კი რიჩარდ აირი იქნება.

„მეფე ლირი“ ენტონი ჰოპკინსის მონაწილეობით უახლოეს მომავალში გამოვა. პარტნიორობას კი მას ემა ტომპსონი, ემილი უოტსონი და ენდრიუ სკოტი გაუწევენ.

ჯგუფმა Arctic Monkeys ახალი კლიპი გამოუშვა (ვიდეო)

ბრიტანელმა როკერებმა Arctic Monkeys სიმღერაზე „Four Out of Five“ გადაღებული კლიპი გამოუშვეს, რომელიც კრიტიკოსებმა დადებითად შეაფასეს.

სიახლე როკერების უკანასკნელ სტუდიურ ალბომში „Four Out of Five“ შედის, რომლის რელიზიც 11 მაისს შედგა.

რაიან რეინოლდსი და ბლეიკ ლაივლი „დედპული 2“-ის პრემიერაზე (ფოტო)

რაიან რეინოლდსი და ბლეიკ ლაივლი ჰოლივუდის ერთ-ერთი ყველაზე ლამაზი და მხიარული წყვილია. ისინი მუდმივად გამოხატავენ სიყვარულს ერთმანეთის მიმართ და ეს ხან სოციალური ქსელში, ხანაც პირად ურთიერთობებში გამოხატება.

ამჯერად წყვილი „დედპული 2“-ის პრემიერაზე გამოჩნდა. წითელ ხალიჩაზე გამოსაჩენად, ბლეიკმა, როგორც ყოველთვის, ეფექტური ვიზუალი შეარჩია: მას Brandon Maxwell-ის ღია მხრებიანი კაბა ეცვა, რომელიც მთლიანად შავი იყო. მსახიობმა აქცენტი ალისფერ ბაფთაზე გააკეთა, ხოლო ვიზუალს გრძელი საყურეები დაუმატა.

რაიანი საყვარელ ქალს გვერდიდან არ მოშორებია და ეს გასაკვირი არც ყოფილა. ლაივლი შეუდარებლად გამოიყურებოდა.

კეიტ ბლანშეტი – კანის კინოფესტივალის წითელი ხალიჩის დედოფალი

წლევანდელი კანის კინოფესტივალის წითელი ხალიჩის უპირობო დედოფალი კეიტ ბლანშეტია. მსახიობი, რომელიც ჟიურის თავმჯდომარეა, თაყვანისმცემლებს თვალისმომჭრელ გამოსვლებს არ აკლებს.

ვარსკვლავის უკანასკნელი ეფექტური გამოსვლა ფილმ „მზის გოგონების“ პრემიერაზე შედგა, სადაც ის Armani Privé-ს ულამაზეს კაბაში გამოჩნდა.

ბრენდისა და მსახიობის ურთიერთობა 2013 წელს დაიწყო, როდესაც ის მისი არომატის Si-ს სახე გახდა.

“შურისმაძიებლებმა” ჩინურ კინოგაქირავებაში 200 მილიონი დოლარი მოაგროვეს

„შურისმაძიებლების“ მესამე ნაწილმა ჩინურ კინოგაქირავებაში შთამბეჭდავი სტარტი აჩვენა. როგორც გამოცემა Deadline წერს, საპრემიერო უქმეებზე ადგილობრივ ბაზარზე ფილმის მოგებამ 200 მილიონი დოლარი შეადგინა. ამ მაჩვენებლის წყალობით კი, პროექტის საერთაშორისო ფინანასურმა მაჩვენებლმა მილიარდიან ზღვარს გადააბიჯა.

ამ გზით კი, ფილმის ეს ნაწილი Marvel-ის ყველაზე შემოსავლიანი პროექტი გახდა. რაც შეეხება ყველა დროის ყველაზე მომგებიან ფილმებს, „შურისმაძიებლები“ მხოლოდ მე-5 პოზიციაზე იმყოფებიან,. თუმცა დიდი ალბათობით, უახლოეს მომავალში ის მოთხე ადგილზე გადაინაცვლებს და „იურული პერიოდის სამყაროს“ ადგილს დაიკავებს.

დეიმონ ალბარნს Gorillaz-ის ახალი ალბომი ტაქსიში დარჩა

მუსიკოს დეიმონ ალბარნს, ნოუთბუქი, რომელშიც Gorillaz-ის ახალი ალბომის ყველა საიდუმლო დეტალი იყო თავმოყრილი, ტაქსიში დარჩა. ყველაფერი კი მაშინ მოხდა, როდესაც ის ლონდონის ერთ-ერთი ღამის წვეულებიდან სახლში ბრუნდებოდა.

„ეს ნამდვილი კატასტროფა იყო. დეიმონს მუდმივად კონტროლზე აქვს ყველაფერი. მასალა  კი უბრალოდ აუდიოები კი არა, საკმაოდ ძვირფასი ვიდეოც იყო. ნოუთბუქის შემადგენლობა ფასდაუდებელი იყო“, – განაცხადა ანონიმურმა წყარომ.

საბედნიეროდ, კეთილსინდისიერმა ტაქსისტმა დანაკარგი ალბარნს მალევე დაუბრუნა.

შეგახსენებთ, რომ Gorillaz-ის ახალი ალბომი მიმდინარე წლის ბოლომდე გამოვა და მას მკაცრი პოლიტიკური მესიჯი ექნება: სიმღერებში ალბარნი ბრექსიტის თემას ეხება.

წლევანდელი კანის კინოფესტივალის ყველაზე ძვირადღირებული კაბა ცნობილია

როგორც აღმოჩნდა, წლევანდელ კანის კინოფესტივალზე ყველაზე ძვირადღირებული კაბა არა ოსკაროსან ჯულიანა მურს ან Chanel-ის მუზას, კრისტენ სტიუარტს, ან ჟიურის თავმჯდომარეს, კეიტ ბლანშეტს, არამედ მოდის ბლოგერს, ბრაზილიელ კამილა კოელიოს ეცვა.

შავი კაბა აბრეშუმის ღია ზურგით, ხავერდისა და ორგანზისგან მისთვის ბრიტანული მოდის სახლის Ralph & Russo-ს დიზაინერებმა შექმნეს და მისი ღირებულება მილიონი დოლარია. კაბის ხელით შექმნაში 500 საათი დაიხარჯა.

კაბას კამილამ ლაკონური შავი ფეხსაცმელი და საიუველირო სახლ Messika-ს სამკაული მოუხდინა.

ვინს ვონი და კრისტენ სტიუარტი საერთო ფილმში მონაწილეობას მიიღებენ

მსახიობი ვინს ვონი ფილმის „ყველა მტრის წინააღმდეგ“ მონაწილე მსახიობთა შემადგენლობას შეუერთდა.

პროექტი 60-იანი წლების ცნობილი მსახიობის, ჯინ სიბერგის ცხოვრებას შეეხება და მთავარ როლს მასში კრისტენ სტიუარტი შეასრულებს. რაც შეეხება ვონს, ის აგენტ კარლ კოვალსკის განასახიერებს. იგი სიბერგის მოღვაწეობას ადევნებდა თვალს და მისი მოძრაობის დისკრედიტირებას გეგმავდა, რომელიც ფერადკანინათა უფლებების დასაცავად იბრძოდა.

მსახიობი საკმაოდ აქტიური ცხოვრებისეული პოზიციით გამოირჩეოდა, ის 60-იანი წლებში სამოქალაქო უფლებებისთვის იბრძოდა, სწორედ ამის გამო აშშ-ის მთავრობის ყურადღებაც მიიქცია.

ფილმისთვის სცენარი ჯო შრეპნელმა და ანა უოტეჰაუსმა დაწერეს, რეჟისორის სავარძელს კი ბენედიქ ენდრიუსი დაიკავებს.

ედ შირანის ჰიტი ყველა დროის საუკეთესო სიმღერად დასახელდა

ედ შირანის სიმღერები უკვე დიდი ხანია მთელი მსოფლიოს წამყვანი ჩარტების ლიდერ პოზიციებს იკავებს, თავად მომღერალი კი, მსოფლიოს ყველაზე გავლენიანი მუსიკოსების რიცხვში შედის. ცოტა ხნის წინ, ბრიტანულმა რადიოსადგურმა Smooth Radio ყოველწლიური ხმის მიცემის შედეგები გამოაქვეყნა, რომლის შედეგადაც შირანის ჰიტი „Perfect“, ყველა დროის საუკეთესო სიმღერად დასახელდა.

როგორც პორტალის რედაქტორები აღნიშნავენ, აქამდე მუსიკოსის შემოქმედება პირველ პოზიციაზე არასოდეს მოხვედრილა. ამ ფაქტის გამო, შირანმა მსმენელს მადლობა გადაუხადა და განაცხადა, რომ მოხარულია, რომ მისი მონდომება, სასიყვარულო ბალადის დაწერასთან დაკავშირებით დაფასდა და ასეთ პრესტიჟულ გამოკითხვაში მოწინავე პოზიცია დაიმსახურა.

სულ ხმის მისაცემად 30 000 ადამიანი მონაწილეობდა. მეორე ადგილზე ჯორჯ მაიკლის „Careless Whisper“ და „Different Corner“ მოხვდა, სამეულს კი უიტნი ჰიუსტონის უკვდავი ჰიტი „I Will Always Love You“ ხურავს.

„მულანის“ რიმეიქი „დისნეის“ ერთ-ერთი ყველაზე ძვირადღირებული პროექტი იქნება

სტუდია „დისნეის“ თავისი საკულტო პროექტები ეტაპობრივად კინოში გადააქვს. ამჯერად, ჯერი „მულანზე“ მიდგა. 1998 წელს გამოსული მულტფილმის ეკრანიზებაში სტუდია თითქმის 300 მილიონი დოლარის დახარჯვას გეგმავს.

უკვე ცნობილია, რომ ფილმის დიდი ნაწილის გადაღებები ახალ ზელანდიაში წარიმართება. დეკორაციებით იგივე გუნდი დაკავდება, რომელიც „თორის“ მესამე ნაწილზე მუშაობდა. ფილმის შემქმნელები ირწმუნებიან, რომ 2020 წლისთვის მაყურებელს საკმაოდ მასშტაბური და სანახაობრივი ფილმი ელოდება.

მთავარ როლს „მულანში“ ინფეი ლიუ შეასრულებს, რეჟისორი კი ნიკი კარო გახდება.

ბერძნული კაბა და იტალიური ფეხსაცმელი – ქეით ბლანშეტი „ცივი ომის“ პრემიერაზე (ფოტო)

კანის რიგით 71-ე კინოფესტივალზე ქეით ბლანშეტის გამოჩენას განსაკუთრებულად ელიან. „ოსკარის“ ორგზის მფლობელი მსახიობი წელს ფესტივალის ჟიურის ხელმძღვანელობს და თითქმის ყველა საკონკურსო ფილმის ჩვენებას ესწრება. ამჯერად ბლანშეტი ფილმის „ცივი ომი“ პრემიერას დაესწრო, სადაც „კონკიას“ ამპლუაში წარსდგა ფოტოგრაფებთან. ბლანშეტი წითელ ხალიჩაზე ბერძენი დიზაინერის, Mary Katrantzou-ის ულამაზეს ყვავილოვან კაბაში გამოჩნდა, ხოლო ფეხსაცმელი იტალიური ბრენდის, Aquazarra-ს კოლექციიდან შეარჩია. ანსამბლს Chopard-ის სამკაული ამშვენებდა და ჯამში ქეითი შეუდარებელი იყო. მან დიდხანს იპოზიორა ფოტოგრაფებთან და  წითელი ხალიჩის კიბეებზე დაცვის თანხლებით ავიდა.

ფილმი „ცივი ომი“ პაველ პავლიკოვსკის ნამუშევარია. ფილმი დიდი ბრიტანეთის, პოლონეთისა და საფრანგეთის კოპროდუქციაა.

ირინა, ემბერი და ლუპიტა – სამი ლამაზმანი ერთი ფილმის პრემიერაზე

კანის რიგით 71-ე კინოფესტივალი წელს განსაკუთრებულად დატვირთულია. ამჯერად ფესტივალის საკონკურსო პროგრამის ფარგლებში ახალი ფილმი, Sorry Angel ფრანგმა რეჟისორმა კრისტოფ ონორემ წარადგინა. ფილმის საპრემიერო ჩვენებისას წითელ ხალიჩაზე ერთდროულად გამოჩნდნენ ირინა შეიკი, ემბერ ჰერდი და ლუპიტა ნიონგო.

თუ ფილმ Yomeddine-ის პრემიერაზე ირინა შეიკი შავ კლასიკურ კაბაში წარსდგა, ამჯერად ცნობილმა მოდელმა არჩევანი „ვერსაჩეს“ წითელ სექსუალურ კაბაზე შეაჩერა. „ვალენტინოს“ ყვავილებით დაპრინტულ კაბაზე გააკეთა არჩევანი ემბერ ჰერდმა, რომელიც მხრებსა და მკერდზე მთლიანად ღია იყო და ულაზესი ქვედაბოლო ამშვენებდა. კლასიკური თეთრი ფერის ჰაეროვან კაბაში გამოჩნდა „ოსკაროსანი“ ლუპიტა ნიონგო. კაბა მსახიობისთვის „დიორის“ მოდის სახლმა შექმნა.

 

 

კიმ კარდაშიანმა ბიონსეს იმიჯი გაიმეორა (ფოტო)

თვე არ გადის, რომ კიმ კარდაშიანი პლაგიატში არ დაადანაშაულონ, თუმცა ცნობილ ქალბატონს ეს ხელს არ უშლის, საკუთარი სურვილი აისრულოს და ბრალდებებს არც კი უპასუხოს.

Met Gala-ს შემდგომ წვეულებაზე, კარდაშიანი „ვერსაჩეს“ ცნობილ კაბაში გამოცხადდა. თუმცა უცნაური ამაში მხოლოდ ის არის, რომ ამავე ვიზუალით ბიონსემ ჟურნალ Complex-სთვის 2011 წელს იპოზიორა.

კიმს ამ ყველაფერზე კომენტარი, რა თქმა უნდა, არ გაუკეთებია და ფოტოგრაფების წინაშე საკმაოდ ბევრი იპოზიორა.

ახალ ფილმში შერონ სტოუნი კორპორატიული კანიბალების ლიდერის როლს შეასრულებს

შერონ სტოუნი მთავარ როლს შეასრულებს პატრიკ ბრაისის კომედიაში „კორპორატიული ცხოვრელები“. „ძირითადი ინსტინქტის“ ვარსკვლავმა თავისი მონაწილეობის შესახებ უკვე დაადასტურა.

ფილმში, რომლის ჟანრი შავი კომედია იქნება, სტოუნი საკვები ჭურჭლის მწარმოებელი კომპანიის მეთაურს განასახიერებს. სიუჟეტის ცენტრში კორპორატიული მოგზაურობა მოხვდება, სადაც კატასტროფა ხდება: კორპორაციის თანამშრომლები ჩაკეტილები აღმოჩნდებიან გვირაბში, საიდანაც ნებისმიერ ფასად უწევთ გადარჩენა, მათ შორის კაბივალიზმით.

ფილმის გადაღებები მიმდინარე წლის ზაფხულში დაიწყება.

 

ანჯელინა ჯოლი ცნობილი სპორტსმენის შესახებ ფილმს გადაიღებს

ანჯელინა ჯოლი ფილმის „ნათელი გზა: ჯიმ ტროპის ისტორია“ შექმნაში მონაწილეობას მიიღებს. ბაიოპიკს საფუძვლად ლეგენდარული ათლეტის, ჯიმ ტროპის ცხოვრება დაედება, რომლის როლსაც მარტინ სენსმეიერი შეასრულებს.

უკვე ცნობილია, რომ ფილმის გადაღებისას ჯოლი კონსულტაციებს ტორპის შთამომავლობისგან აიღებს.

ამ მომენტისთვის, ანჯელინა „მალეფისენტი 2“-ის პროდიუსირებითაც არის დაკავებული, სადაც მთავარ როლს ასრულებს.

 

კრისტინა აგილერა The Voice-ში დაბრუნებას არ აპირებს

რამდენიმე დღის წინ, კრისტინა აგილერამ 6 წლიანი დუმილი დაარღვია და ამ დროის განმავლობაში პირველი კლიპი გამოუშვა. ცოტა ხნის წინ კი მან ჟურნალ Billboard-ის ფოტოსესიაში მიიღო მონაწილეობა და გამოცემას გულახდილი ინტერვიუც მისცა.

ინტერვიუში მან ხაზგასმით აღნიშნა, რომ The Voice-ში დაბრუნებას აღარასოდეს აპირებს, მიუხედავად იმისა, რომ აღნიშნული შოუ სულ უფრო და უფრო პოპულარული ხდება.

„ეს შოუ გადაიქცა რაღაც სხვა რამედ. გავიაზრე და მივხვდი, რომ მუსიკამ უკანა პლანზე გადაინაცვლა, უპირატესობა კი რეიტინგულ სატელევიზოო გადაცემაზე კეთდება. მე მუსიკის სფეროს წარმომადგენელი ვარ და ამ წესებს ვერ დავემორჩილები. განსაკუთრებით იმიტომ, რომ ქალი ვარ: სულ მეუბნებოდნენ რისი თქმა შეიძლება და რისი არა, რისი კეთება შეიძლება და რისი არა. საბოლოოდ კი იქამდე მივედი, რომ თვითგამოხატვის ერთადერთი საშუალება მაკიაჟი, ჩაცმულობა და ვარცხნილობა დამრჩა“, – განაცხადა აგილერამ.

ირინა შეიკისა და ბრედლი კუპერის იშვიათი ერთობლივი გამოსვლა (ფოტო)

ირინა შეიკი და ბრედლი კუპერი ერთად უკვე სამი წელია არიან, თუმცა თავიანთ ურთიერთობას წყვილი აფიშირებას არასოდეს უკეთებს. შეყვარებულები პირად ცხოვრებაზე არასოდეს საუბრობენ და არც ამა თუ იმ ღონისძიებებზე ჩნდებიან ერთად. თუმცა, გუშინ მათ გამონაკლისი დაუშვეს და Met Gala-ზე გამოჩნდნენ.

სუპერმოდელმა ოქროსფერი კაბა შეარჩია, რომელსაც თეძოსთან ღრმა ჭრილი და ასევე საკმაოდ ამოღებული დეკოლტე ამშვენებდა. კუპერმა უპირატსეობა კლასიკურ პიჯაკსა და ბაფთას მიანიჭა. მსახიობს მჭიდროდ ჰქონდა საყვარელ ქალზე ხელი ჩაკიდებული და ბევრს იცინოდა.

შეგახსენებთ, რომ წყვილის რომანი 2015 წელს დაიწყო. 2017 წლის მარტში მათ ქლაიშვილი, ლეა ეყოლათ.

 

 

 

 

შარლიზ ტერონმა „ფეთქებადი აგენტის“ გაგრძელება დააანონსა

მსახიობმა შარლიზ ტერონმა „ფეთქებადი აგენტის“ გაგრძელება დააანონსა. ლამაზმანმა მის შესაძლო ჯეიმს ბონდის კანდიდატურაზეც გააკეთა კომენტარი და განაცხადა, რომ აგენტი 007 ის ვერასოდეს იქნებოდა.

შეგახსენებთ, რომ დევიდ ლეიტჩის ფილმი ეკრანებზე 2017 წელს გამოვიდა და მსოფლიო კინოგაქირავებაში 95 მილიონი მოაგროვა.

 

მეგან მარკლს ქორწილში Ralph&Russo-ს ზღაპრული კაბა ეცმევა (ფოტო/ვიდეო)

პრინც ჰარისა და მეგან მარკლის ქორწილი ახლოვდება. ამჯერად ცნობილი ხდება იმ მოდის სახლის სახელი, ვინც ამერიკელი მსახიობისთვის საქოწინო კაბას კერავს და ეს არი Ralph&Russo. ქორწილის ერთ-ერთი უმთავრესი სიმბოლო ბრიტანეთის სამეფო ოჯახს დაახლოებით 10 ათასი ფუნტი (135 ათასი დოლარი) უჯდება.

„საკმაოდ ხმამაღლა ჟღერს, მაგრამ ეს არის წლის ქორწილი და მასში ყველაფერი იდეალური უნდა იყოს. ამ კაბის შექმნაში ასობით საათი დაიხარჯა და ფაქტობრივად, ყველაფერი ხელით დამზადდა“, – განაცხადა ინსაიდერმა.

შეგახსენებთ, რომ Ralph&Russo-ს ეკუთვნის მეგანის ნიშნობის ფოტოსესიისთვის შერჩეული კაბებიც.

 

ბენ კინგსლი სალვადორ დალის განასახიერებს

მსახიობი ბენ კინგსლი ეპატაჟურ სიურეალისტ-მხატვარს, სალვადოს დალის განასახიერებს. ფილმს „დალის მიწა“ ერქმევა და ცნობილია, რომ ცნობილი მხატვრის მუზის როლს ლესლი მანვილი შეასრულებს.

შეგახსენებთ, რომ ლეგენდარული მხატვარი 1989 წელს 84 წლის ასაკში გარდაიცვალა. ის ასევე დაკავებული იყო სკულპტურით, გრაფიკით, გობელენით, აკეთებდა ინსტალაციებს.

კელი როულენდმა Destiny’s Child-ის შესაძლო გაერთიანებაზე პირველი კომენტარი გააკეთა

„კოაჩელას“ ფესტივალზე ტრიუმფალური გამოსვლის შემდეგ, ბევრს საუბრობენ Destiny’s Child-ის ბიონსესა და ჯეი ზის მსოფლიო ტურნეს მსვლელობის დროს გაერთიანებაზე. ამის შესახებ კომენტარი კელი როულენდმა გააკეთა და განაცხადა, რომ არ იცის საიდან გაჩნდა ეს ხმები, რადგან გაერთიანება არ იგეგმება.

„პირველად მესმის ამის შესახებ. ამაზე საუბარი არ გვქონია“, – განაცხადა კელიმ.

მისივე თქმით, ბედნიერი იყო კოლეგებთან შეხვედრით „კოაჩელაზე“, თუმცა გაერთიანების შესახებ საუბარი არ არის.

„შურისმაძიებლებმა“ კინოს ისტორიაში ახალი რეკორდი დაამყარეს

ფილმმა „შურისმაძიებლები: უსასრულობის ომი“ ახალი მსოფლიო რეკორდი დაამყარა. დიდ ეკრანებზე გამოსვლიდან მე-11 დღეს კინოგაქირავებაში მისმა შემოსავალმა მილიარდ დოლარს გადააჭარბა.

აღსანიშნავია, რომ რეკორდი მაშინ დამყარდა, როდესაც „შურისმაძიებლების“ პრემიერა რამდენიმე მსხვილ ბაზარზე ჯერ არც გამართულა. მაგალითად, ჩინეთში ფილმი 11 მაისს გამოდის.

აქამდე ეს რეკორდი „ვარსკვლავურ ომებს“ ეკუთვნოდა, რომელმაც ეს თანხა 12 დღეში გამოიმუშავა. საერთო ჯამში კი ეს ნიშნული სულ 34 ფილმს აქვს გადაკვეთილი.

კიმ კარდაშიანი და კანიე უესტი დაშორების ზღვარზე არიან

ინსაიდერების ცნობით, კიმ კარდაშიანი და კანიე უესტი დაშორების ზღვარზე არიან. მიზეზად კი რეპერის არამყარი ფსიქიკური მდგომარეობა სახელდება.

ცნობილია, რომ განქორწინების თაობაზე კიმი უკვე აქტიურ მოლაპარაკებებს აწარმოებს ადვოკატთან. სიტუაცია კი იქამდე დაიძაბა, რომ წყვილს სხვადასხვა საძინებლებში სძინავს. მათივე მტკიცებით, კარდაშიანს თავი მარტოხელა დედა ჰგონია, რადგან კანიე მხოლოდ საკუთარი ალბომის პოპულარიზაციით არის დაკავებული.

სელინ დიონმა „დედპული 2“-ის საუნდტრეკი წარმოადგინა (ვიდეო)

კანადელმა მუსიკოსმა, სელინ დიონმა „დედპული 2“-ის საუნდტრეკი „Ashes“ წარმოადგინა. გამოქვეყნდა სიმღერაზე გადაღებული ვიდეოც, რომელმაც ფილმის თაყვანიმსცემლების მოწონება დაიმსახურა. კლიპის ბოლოს „დედპული“ მადლობას უხდის დიონს და აღნიშნავს, რომ მისი ფილმისთვის ის ზედმეტად კარგია: „ეს „დედპულია“ და არა „ტიტანიკი“-ეუბნება ის მომღერალს.

შეგახსენებთ, რომ დიონის ამ დროისთვის უკანასკნელი ალბომი „Encore un soir“ 2016 წელს გამოვიდა. დისკი რიგით მე-15 ფრანგულენოვანია, ხოლო მომღერლის საერთო დისკოგრაფიაში 26-ეა. ამ მომენტისთვის სელინი ინგლისურენოვან დისკზე მუშაობს. პირველი სინგლი „Recovering“ სპეციალურად მისთვის პინკმა დაწერა.

„რობინ ჰუდი: დასაწყისი“: პირველი ტრეილერი (ვიდეო)

ქსელში ფილმის „რობინ ჰუდი: დასაწყისი“ პირველი ტრეილერი განთავსდა, რომელსაც რეჟისორი ოტო ბატჰერსტი იღებს. რამდენიმე საათში ვიდეოს 12 ათასამდე ადამიანმა უყურა.

მთავარ როლს ფილმში ტერონ ეჯერტონი ასრულებს, მის მეგობარს კი ჯეიმი ფოქსი განასახიერებს.

დიდ ეკრანებზე ფილმი 20 სექტემბერს გამოვა.

სია, დიპლო და Labrinth საერთო ჯგუფით გაერთიანდნენ

მომღერალმა და სიმღერების ავტორმა სიამ, ჰიტმეიკერმა დიპლომ და Labrinth-მა ერთობლივი ჯგუფი სახელად LSD შექმნეს. სახელწოდება მუსიკოსების სახელების აბრევიატურას წარმოადგენს.

ჯგუფის შექმნიდან მალევე მათ სადებიუტო სიმღერა „Genius“ და მასზე გადაღებული ვიდეო წარმოადგინეს. ალბომის შესახებ ამ დროისთვის ინფორმაცია არ არის.

შეგახსენებთ, რომ ამ სამეულს ადრე ერთად უკვე უთანამშრომლია, თუმცა მაშინ ეს თავისი სოლო პროექტისთვის იყო.

Queen და Bon Jovi როკ-მუსიკის ისტორიაში ყველაზე ცუდ ჯგუფებად დასახელდნენ

გამოცემამ Vulture ის 214 მუსიკოსი და კოლექტივი შეისწავლა, ვინც როკ-ენ-როლის დიდების დარბაზში არიან მოხვედრილები და მათ შორის როკ-მუსიკის ისტორიაში ყველაზე ცუდი შემსრულებელი გამოავლინა.

პირველი ადგილი ჩაკ ბერიმ დაიკავა. მეორეზე The Beatles განთავსდა, მესამეზე კი – ბობ დილანი.

ანტი-რეიტინგის უკანასკნელ ადგილზე ჯგუფი Bon Jovi მოხვდა, რომელიც აღნიშნულ დარბაზში წელს შეიყვანეს. მასზე წინ იმყოფება Queen, ხოლო ბოლოდან მესამე ადგილს Journey იკავებს.

 

„მხევლის წიგნი“ მესამე სეზონით გაგრძელდება

სერიალი „მხევლის წიგნი“ მესამე სეზონით გაგრძელდება. ამის შესახებ Variety წერს. ეს გადაწყვეტილება სერვისმა Hulu პროექტის მეორე სეზონის პრემიერიდან ერთ კვირაში მიიღო. მიზეზად, სერიალის არნახული წარმატება სახელდება.

“მხევლის წიგნი“ მარგარეტ ეტვუდის ამავე სახელწოდების რომანის ეკრანიზაციას წარმოადგენს და ის აშშ-ს ნაწილში გამეფებულ საომარ რეჟიმზე მოგვითხრობს, სადაც ქალებს მხოლოდ გამრავლების ფუნქცია აქვთ და უშვილო წყვილებს ისინი ბავშვებს უჩენენ.

მთავარ როლს მასში ელიზაბეტ მოსი ასრულებს.

 

ჰოლი ბერი „ჯონ უიკი 3“-ში მონაწილეობას მიიღებს

ჰოლი ბერი კიანუ რივზს გაუწევს პარტნიორობას ფილმში „ჯონ უიკი 3“, რომლის გადაღებების დაწყებაც უახლოეს მომავალში იგეგმება.

ინფორმაცია იმის შესახებ თუ ვის როლს შეასრულებს ბერი, უცნობია. ცნობილი მხოლოდ ის არის, რომ მის პერსონაჟს სოფია ერქმევა და მას პატარა შვილი ეყოლება.

შეგახსენებთ, რომ მიმდინარე წლის იანვარში ფილმის შემადგენლობას ჰიროიუკი სანდა შეუერთდა. ქასტში ასევე არიან: ლოურენს ფიშბერნი, რუბი როუზი და ქომონი. პრემიერა 2019 წლის 16 მაისს გაიმართება.

დოლანდ ტრამპის შესახებ ფილმს გადაიღებენ

ამერიკელი ჟურნალისტი გაბრიელ შერმანი ამერიკის პრეზიდენტზე, დონალდ ტრამპზე ფილმისთვის სცენარს დაწერს.

„როგორც ჟურნალისტი, დონალდ ტრამპზე 15 წლის განმავლობაში ვწერდი. დიდი ხანია აღფრთოვანებული ვარ ამ ბიზნესმენის ისტორიით, რომელმაც ყველაფერი 70-80-იანი წლების ნიუ-იორკში დაიწყო. ეს პერიოდი საკმაოდ ბევრს ამბობს ადამიანზე, რომელიც ახლა ოვალურ კაბინეტში ზის“, – განაცხადა შერმანმა.

ჟურნალისტი ასევე Fox News-ის დამაარსებლის, როჯერ აილსის შესახებ წიგნის ავტორია.

ჯეიკ ჯილენჰოლი ამერიკელ დირიჟორს განასახიერებს

ამერიკელი მსახიობი, ჯეიკ ჯილენჰოლი ახალ ფილმში სახელად „ამერიკელი“ ცნობილ დირიჟორსა და კომპოზიტორს, ლეონარდ ბერსტაინს განასახიერებს. რეჟისორი კერი ფუკუანგა იქნება. პროექტი დირიჟორის ცხოვრებისა და განვლილი კარიერის შესახებ იქნება.

ჯეიკის განცხადებით, ბერნსტაინის შემოქმედებას ბავშვობიდან იცნობს, თუმცა როდესაც გაიზარდა, მხოლოდ მაშინ მიხვდა, რამხელა განძი შესძინა კომპოზიტორმა ამერიკის კულტურას.

 

ელიზაბეტ II-მ პრინც ჰარისა და მეგან მარკლს გულუხვი საქოწინო საჩუქარი მოუმზადა

პრინცი ჰარისა და მეგან მარკლის ქორწილამდე 2 კვირაზე მეტი რჩება. რამდენიმე თვის წინ, როდესაც თარიღი უკვე გადაწყვეტილი იყო, წყვილმა სტუმრებს სთხოვა, საჩუქრების ნაცვლად არსებული თანხა მათ საქველმოქმედო ფონდეში გადაერიცხათ.

როგორც ჩანს, ეს თხოვნა არ ვრცელდება დედოფალ ელისაბედ მეორეზე, რომელმაც თავის შვილიშვილსა და მის რჩეულს ლონდონის მახლობლად მდებარე ულამაზესი York Cottage აჩუქა. წლების წინ აღნიშნული შენობა ელისაბედის ბებიისა და პაპის – მეფე გეორგ V-ისა და მისი მეუღლის, მერის რეზიდენცია იყო.

შეგახსენებთ, რომ უფროს შვილიშვილს, პრინც უილიამს ქორწილისთვის მან ასევე Anmer Hall უსახსოვრა, რომელიც York Cottage-თან ახლოს მდებარეობს.

York Cottage

NSYNC-ს ჰოლივუდის დიდების ხეივანში ვარსკვლავი გაუხსნეს (ფოტო)

ცნობილი ბოი-ბენდის, NSYNC-ის ისტორია შორეულ 2002 წელს დასრულდა. 16 წლის შემდეგ კი ჯასტინ ტიმბერლეიკი, კრის კირკპატრიკი, ჩეიზეს ჯეისი, ჯოუი ფატონი და ლენს ბასი  ერთმანეთს მნიშვნელოვანი ფაქტის გამო შეხვდნენ – NSYNC-ს ჰოლივუდის დიდების ხეივანზე ვარსკვლავი გაუხსნეს. ის Backstreet Boys-ის, New Kids on the Block-ისა და New Edition-ის გვერდით განთავსდა.

თითოეული მუსიკოსი ღონისძიებაზე ოჯახთან ერთად მივიდა, მათ შორის, რა თქმა უნდა, იყო ჯესიკა ბილიც, ტიმბერლეიკის დედა, ლინ ბომერ ჰარლესი და ტელეწამყვანი ელენ დეჯენერისი, რომელსაც ჯასტინთან დიდი ხნის მეგობრობა აკავშირებს.

მელ გიბსონი მეორე მსოფლიო ომზე ფილმს გადაიღებს

მელ გიბსონი მეორე მსოფლიო ომზე ფილმს გადაიღებს, რომელიც ჯონ უიკუვიტსას წიგნზე „Hell from the Heavens“ იქნება დაფუძნებული.

სიუჟეტი იაპონური ეკიპაჟის წევრებს შორის განვითარდება, რომლებიც ამერიკელი მებრძოლების წინააღმდეგ გამოდიან. ფილმის პრემიერა მომავალ წელს იგეგმება.

მელ გიბსონმა მსოფლიო პოპულარობა ფილმებით „ტიმი“ და „შეშლილი მაქსი“ მოიპოვა. მისი პირველი რეჟისორული ნამუშევარი 1993 წელს გადაღებული ფილმია „სახის გარეშე“, მოგვიანებით მან კიდევ ერთი კინოჰიტი „მამაცი გული“ გადაიღო.

„ველური დასავლეთის სამყარო“ მესამე სეზონით გაგრძელდება

ტელეარხმა HBO სერიალ „ველური დასავლეთის სამყაროს“ მესამე სეზონის გადაღება შეუკვეთა.

„უჩვეულოდ სასიამოვნო იყო გამორჩეულად ნიჭიერ ჯონათან ნოლანთან და ლიზა ჯოისთან მუშაობა, ასევე უზომოდ წარმატებულ მსახიობებთან და მთელს გადამღებ ჯგუფთან ერთად. მოუთმენლად ველით, სად წაგვიყვანს ახალი თავი“, – განაცხადა HBO-ს პროგრამების დეპარტამენტის უფროსმა, კეისი ბლეიკმა.

მესამე სეზონის გადაღების გრაფიკი ჯერ-ჯერობით უცნობია, სავარაუდოდ მაყურებელი მას 2019 წელს იხილავს.

რაც შეეხება მეორე სეზონს, პირველი სერიის პრემიერა 22 აპრილს შედგა.

უიტნი ჰიუსტონის შესახებ დოკუმენტური ფილმის ტრეილერი გამოვიდა (ვიდეო)

უიტნი ჰიუსტონის გარდაცვალების შემდეგ, მომღერლის თაყვანისმცემლებს უამრავი კითხვა დაუგროვდათ. ცოტა ხნის წინ, რეჟისორმა კევინ მაკდონალდმა ვარსკვლავის შესახებ დოკუმენტური ფილმი გამოუშვა. ფილმზე მუშაობა თითქმის ორი წელი მიმდინარეობდა, საპრემიერო ჩვენება კი ტრიბეკას ფესტივალზე გაიმართა.

ფილმში ნაჩვენებია ინტერვიუები ჰიუსტონის ოჯახის წევრებთან, უნიკალური საარქივო ფოტო და ვიდეომასალა, სიმღერების ჩაწერისა და უიტნის გამოსვლების გადაღებების პროცესი.

კინოთეატრებში ფილმი 6 ივლისიდან გამოვა.

„მაშა და დათვს“ დედამიწის მოსახლეობის ნახევარმა უყურა

ცნობილი მულტფილმის, „მაშა და დათვის“ ერთ-ერთი სერია დედამიწის მოსახლეობის თითქმის ნახევარმა ნახა. ამ დროისთვის სერიას, რომელიც YouTube-ის ყველაზე ნახვადი ვიდეოების ათეულში მე-6 ადგილზე მოხვდა, 3 მილიარდზე მეტმა ადამიანმა უყურა.

შეგახსენებთ, რომ „მაშა და დათვის“ პირველი სერია 9 წლის წინ გამოვიდა და მსოფლიო ფენომენი გახდა. მთელი მსოფლიოს მასშტაბით ის კოლოსალურ წარმატებას უკავშირდება.

ედ შირანმა ახალი კლიპში თოჯინების ისტორია წარმოგვიდგინა (ვიდეო)

ედ შირანმა სიმღერაზე „Happier“ გადაღებული კლიპი წარმოადგინა. ვიდეო თოჯინების ისტორიას წარმოგვიდგენს და YouTube-ზე ის დაახლოებით 1,4-მა მილიონმა ადამიანმა ნახა. მთავარი თოჯინა ძალიან ჰგავს შირანს და ის გოგონა თოჯინის გაცნობას ცდილობს.

შეგახსენებთ, რომ დღეისათვის მუსიკოსი ერთ-ერთი ყველაზე წარმატებული მუსიკოსია დიდ ბრიტანეთში. გასულ წელს ის ბრიტანეთის იმპერიის ორდენის კავალერი გახდა. მისი მესამე ალბომი „Divide“ 672 ათასი ეგზემპლარის ოდენობით გაიყიდა და წამყვანი ჩარტების ლიდერიც გახდა.

ავიჩის გარდაცვალების ზუსტი მიზეზი ცნობილია

ავიჩის ნათესავებმა დუმილი დაარღვიეს და დიჯეის გარდაცვალების ოფიციალური მიზეზი დაასახელეს. როგორც აღმოჩნდა, მუსიკოსმა მართლაც თავი მოიკლა.

გარდაცვლილთან იპოვეს წერილი, სადაც ის თვითმკვლელობის მიზეზებზე საუბრობს.

„როდესაც მისი გასტროლები დასრულდა, ის ცდილობდა ცხოვრებისეული ბალანსი ეპოვა და ის ეკეთებინა, რაც მართლა უნდოდა – მუსიკა. ის ცდილობდა სულ პოზიტიურად ეფიქრა, მაგრამ ვერ შეძლო. ტიმი არ იყო შექმნილი ბიზნესისთვის, სადაც მოულოდნელად მოხვდა. ის ძალიან მგრძნობიარე იყო და მართლა უყვარდა თავისი თაყვანისმცემლები“, – განაცხადა დიჯეის ოჯახმა ოფიციალურ განცხადებაში.

შეგახსენებთ, რომ ტიმ ბერლინგი, იგივე ავიჩი 20 აპრილს გარდაცვლილი იპოვეს. ოჯახი ამ დრომდე დუმილს ინარჩუნებდა და გარდაცვალების მიზეზზე არ საუბრობდა.

კიტ ჰარინგტონისა და როუზ ლესლის საქორწინო მოსაწვევი „სამეფო კარის თამაშების“ სტილშია გაფორმებული

სულ მალე, „სამეფო კარის თამაშების“ ვარსკვლავების, კიტ ჰარინგტონისა და როუზ ლესლის ქორწილი გაიმართება. ზუსტ თარიღს წყვილი საგულდაგულოდ მალავს, თუმცა ჟურნალისტებმა სხვა დეტალების გარკვევა მოახერხეს. კერძოდ კი იმისი, როგორ გამოიყურება მათი საქორწინო მოსაწვევი. აღმოჩნდა, რომ ბარათები სერიალის სტილშია გაფორმებული და ეს სიმბოლურიც არის, რადგან წყვილმა ერთმანეთი სწორედ ამ პროექტით გაიცნო.

ცნობილია ასევე ისიც, რომ დაპატიჟებული სტუმრების სიაშია „სამეფო კარის თამაშების“ მთლიანი გადამღები ჯგუფი. ქორწილის გამო დროებით შეჩერდება სერიალის გადაღების პროცესიც კი.

კეტი პერისა და ორლანდო ბლუმის რომაული არდადეგები (ფოტო)

გასულ უქმეებზე კეტი პერი და ორლანდო ბლუმი იტალიას ესტუმრნენ, რათა ვატიკანში საქველმოქმედო კონფერენციას Unite to Cure დასწრებოდნენ. ვარსკვლავები რომის პაპსაც შეხვდნენ.

საქმიანი შეხვედრის დასრულების შემდეგ, მსახიობმა და მომღერალმა ევროპის ერთ-ერთი ყველაზე რომანტიკული ქვეყნის ღირსშესანიშნაობების მონახულება გადაწყვიტეს. გასეირნების დროს ისინი კლასიკურ ფორმაში იყვნენ გამოწყობილები.  გადაღებული ფოტომასალა კი მათ საკუთარ სოციალურ ქსელებში გააზიარეს.

bless them! #orlandobloom #katyperry #colosseum #rome #ltaly🇮🇹

A post shared by OrlandoBloomCN (@orlandobloomcn) on

მიშელ პფაიფერი „მალეფისენტის“ მეორე ნაწილში მონაწილეობას მიიღებს

მიშელ პფაიფერი, შესაძლოა, „მალეფისენტის“ მეორე ნაწილში გამოჩნდეს. ვარსკვლავი დედოფლის როლზე მოიაზრება.

ცნობილია, რომ მთავარ როლს ფილმში ანჯელინა ჯოლი ასრულებს, რომელმაც გამონაკლისი დაუშვა: მას არ უყვარს გაგრძელებებში მონაწილეობა და თავის კინოკარიერაში უპირატესობას ორიგინალებში მონაწილეობას ანიჭებს.

რაც შეეხება „მალეფისენტს“, პირველი ნაწილი 2014 წელს გამოვიდა და მსოფლიო კინოგაქირავებაში მან 670 მილიონი დოლარი გამოიმუშავა.

„შურისმაძიებლები: უსასრულობის ომი“ აბსოლუტური რეკოდსმენია

ფილმმა „შურისმაძიებლები: უსასრულობის ომი“ აბსოლუტური რეკორდი დაამყარა. საპრემიერო დღეების შემდეგ, მსოფლიო კინოგაქირავებაში პროექტმა 630 მილიონი დოლარი გამოიმუშავა. აღსანიშნავია, რომ აქამდე რეკორდი „ფორსაჟს“ ეკუთვნოდა.

შეგახსენებთ, რომ ახალ ნაწილში Marvel-ის კომიქსების 20 სუპერგმირი მონაწილეობს, მათ შორის არიან: რკინის კაცი, ადამიანი-ობობა, შავი პანტერა და გალაქტიკის მცველები.

 

ჯენიფერ ლოპესი რჩეულისგან გულისა და ხელის თხოვნას ელოდება (ვიდეო)

Billboard Latin Music Awards-ზე ჯენიფერ ლოპესმა სიმღერაზე „El Anillo“ კლიპი წარმოადგინა. ვარსკვლავი ვიდეოში დედოფალს განასახიერებს, რომელიც რჩეულისგან გულისა და ხელის თხოვნას ელოდება.

სიუჟეტი ლოპესისა და ალექს როდრიგესის ურთიერთობას პარალელურ რეჟიმში ასახავს. მომღერალი არ მალავს, რომ ქორწინების ჯერ კიდევ სჯერა. ცოტა ხნის წინ, მან და მისმა ბოიფრენდმა ნიუ-იორკში 15 მილიონად შეფასებული მდიდრული საცხოვრებელბიც შეიძინეს.

ევან რეიჩელ ვუდი ენტონი ჰოპკინსსა და ედ ჰარისს გაუთანაბრდა

ევან რეიჩელ ვუდის ჰონორარი „ველური დასავლეთის სამყაროს“ პირველ სეზონში მამაკაცი მსახიობების, ენტონი ჰოპკინსისა და ედ ჰარისის ჰონორარს მკვეთრად ჩამოუვარდებოდა. თუმცა ახალი სეზონის გამოსვლის შემდეგ სიტუაცია შეიცვალა და ვუდი შესრულებული როლისთვის კოლეგებთან თანაბარ თანხას მიიღებს.

ამის შესახებ მან თავად განაცხადა. „ახლა მეც ენტონი ჰოპკინსის და ედ ჰარისის მსგავსად ვარ. ჩვენ ერთნაირად ვმუშაობთ და ეს საკმაოდ მძიმე საქმეა“, – განაცხადა მან.

შეგახსენებთ, რომ „ველური დასავლეთის სამყაროს“ მეორე სეზონმა სტარტი რამდენიმე დღის წინ აიღო. ევან რეიჩელ ვუდი მასში ანდროიდ დოლორეს აბერნატის როლს ასრულებს.

 

„დედპულის“ სტარტისგან 150 მილიონ დოლარს მოელიან

როგორც Deadline წერს, ექსპერტები საპრემიერო უქმეებზე „დედპული“ 150 მილიონ დოლარზე მეტს გამოიმუშავებს.

იმ შემთხვევაში თუ პროგნოზი გამართლდება, ეს 20th Century Fox-ის საუკეთესო საშინაო სტარტი იქნება. შეგახსენებთ, რომ ფილმში მორენა ბაკარინი, ჯოშ ბროლინი, რაიან რეინოლდსი, ტიჯეი მილერი და სხვა ვარსკვლავები მონაწილეობდნენ.

შეგახსენებთ, რომ პირველი ნაწილი 2016 წელს გამოვიდა და მსოფლიოს მასშტაბით მისმა მოგებამ 780 მილიონს გადააჭარბა.

 

 

“ბოჰემური რაფსოდია“: პირველი კადრები რამი მალეკის მონაწილეობით (ფოტო)

სტუდიამ 20th Century Fox ფილმის „ბოჰემური რაფსოდია“ პირველი კადრები გამოაქვეყნა, რომელიც Queen-ის ფრონტმენის, ფრედი მერკურის ბაიოპიკს წარმოადგენს.

კადრებში მსახიობები ჯგუფის ერთ-ერთ ყველაზე ცნობილი კონცერტის, 1985 წელს „უემბლის“ სტადიონზე ვიზუალით არიან წარმოდგენილები. ერთ ფოტოზე რამი მალეკი თაყვანისმცემელთა წინაშე დგას, მეორეზე კი ის და გვილ ლი (ბრაიან მეი) სცენის მიღმა არიან გამოსახულები.

„ბოჰემური რაფსოდია“ უკვე წლების მანძილზე მზადდება. რეჟისორი დექსტერ ფლეტჩერია, პრემიერა კი 2 ნოემვერს არის დაგეგმილი.

ბრედ პიტი ჰარვი ვაინშტაინის შესახებ ფილმს გადაიღებს

ბრედ პიტი ჰარვი ვაინშტაინის შესახებ ფილმის გადაღებას გეგმავს. მისმა კომპანიამ Annapurna Pictures და Plan B Entertainment-მა უკვე მოიპოვეს ფილმის ეკრანიზაციის უფლება.

შეგახსენებთ, რომ ვაინშტაინის შესახებ სკანდალი 2017 წელს დაიწყო, რაც The New York Times-ში გამოქვეყნდა სტატია, სადაც ეწერა, რომ ათწლეულების მანძილზე ჰარვი თავისი კომპანიის The Weinstein Company-ის თანამშრომლებს სექსუალურად ავიწროებდა. მსხვერპლს შორის იყვნენ ცნობილი მსახიობებიც. არცერთი შემთხვევა სასამართლომდე არ მისულა.

CinemaCon-ზე “დამბოს” პირველი კადრები გამოქვეყნდა

სტუდია Disney-მ ფესტივალ CinemaCon-ზე ტიმ ბერტონის ანიმაციური ფილმიდან “დამბო” პირველი კადრები გამოაქვეყნა.

ფილმის ტრეიელერი ამ დროისთვის ხელმისაწვდომი არ არის, თუმცა როგორც ჩანს, ის ძალიან ჰგავს თავის წინამორბედ პერსონაჟს, 1941 წელს გადაღებული მულტფილმის მთავარ გმირს.

დენი დე ვიტოს თქმით, რომელიც ფილმში მწვრთნელის როლს ასრულებს, განაცხადა, რომ თუ ორიგინალი მულტფილმი იმით მთავრდება, რომ დამბო გაფრინდა, ახალი სწორედ ამ ნაწილიდან იწყება.

ფილმის პრემიერა 2019 წლის 29 მარტს გაიმართება.

 

ჯენიფერ ლოპესი Time-ის წვეულებაზე თამამი კაბით გამოცხადდა (ფოტო)

რამდენიმე დღის წინ, ჟურნალმა Time-მა მსოფლიოს ასი ყველაზე გავლენიანი ადამიანის რეიტინგი გამოაქვეყნა, გუშინ კი სპეციალურად თავისი ლაურეატებისთვის სპეციალური საღამო მოაწყო. ერთ-ერთი საპატიო სტუმარი ჯენიფერ ლოპესიც იყო, რომელიც რეიტინგის საკმაოდ მაღალ პოზიციაზე იმყოფებოდა.

ღონისძიებისთვის ლოპესმა საკმაოდ თამამი კაბა შეარჩია, ღრმა დეკოლტეთი და თეძოსთან საკმაოდ დიდი ჭრილით. როგორც ჩანს, მას კაბით გადაადგილება უჭირდა და გამუდმებით ასწორებდა, რათა არ წაქცეულიყო. მის გვერდით იყო ალექს როდრიგესიც, რომელიც თავის რჩეულს ხელს არ უშვებდა.

შეგახსენებთ, რომ წყვილის რომანი ერთი წლის წინ დაიწყო. მედია ხშირად წერს მათ მოსალოდნელ ქორწინებაზე, თუმცა წყვილი ამ საკითხთან დაკავშირებით დუმილს ინარჩუნებს.

კეტი პერი და ორლანდო ბლუმი დაინიშნენ

ამ დღეებში კეტი პერი გადაცემას Entertainment Tonight სტუმრობდა, სადაც მოულოდნელი განცხადება გააკეთა. წამყვანის შეთავაზებას, გადაცემის სცენარიდან გამომდინარე,  American Idol-ის კონკურსანტებს გაფლირტავებოდა, პერიმ მოულოდნელად უპასუხა: „არა! მე დანიშნული ვარ და ძალიან ბედნიერიც ვარ!“

რა თქმა უნდა, მომღერლის რჩეული მსახიობი ორლანდო ბლუმია, რომელსაც ერთ-ერთ უკანასკნელ კონცერტზე კეტიმ სიმღერაც მიუძღვნა.

შეგახსენებთ, რომ პერისა და ბლუმის რომანი 2016 წელს დაიწყო, გასული წლის მარტში კი ისინი ერთმანეთს დაშორდნენ. რამდენიმე თვის წინ კი მათ რომანი განაახლეს.

„ფორსაჟის“ მიხედვით ანიმაციური სერიალი გამოვა

ცნობილი ფილმის, „ფორსაჟის“ მიხედვით, Netflix ანიმაციურ სერიალს გადაიღებს. ეს იქნება DreamWorks Animation Television და Netflix-ის ერთობლივი ნამუშევარი და მისი პროდიუსერები ვინ დიზელი, ნილ მორეცი და კრის მორგანი გახდებიან.

მულტფილმის მთავარი გმირი ტონი ტორეტო იქნება – დომინიკ ტორეტოს ბიძაშვილი, რომლის როლსაც ფილმში ვინ დიზელი ასრულებს. სხვა დეტალები მულტფილმზე ამ დროისთვის არ ხმაურდება.

Apple-მა ედ შირანის შესახებ დოკუმენტური ფილმის რეალიზაციის უფლება მოიპოვა

კომპანია Apple-მა ედ შირანის შესახებ დოკუმენტური ფილმის რეალიზაციის უფლება მოიპოვა. პროექტს „სიმღერების ავტორი“ ჰქვია და კინოგაქირავებაში ის Apple-ის პლატფორმაზე გამოვა.

ფილმი მუსიკოსის ბიძაშვილმა, მიურეი კამინგსმა გადაიღო და ის 27 წლის შირანის კარიერას შეეხება. მასში ნაჩვენებია სიმღერების შექმნის პროცესი. „მინდოდა ის სიმღერების ავტორის და არა სუპერვარსკვლავის განხრით მეჩვენებინა“, – განაცხადა კამინგსმა.

ავიჩის ოჯახის წევრებმა პირველი კომეტარი გააკეთეს

შვედი დიჯეი ავიჩის, იგივე ტიმ ბერლინგის გარდაცვალების შემდეგ, მუსიკოსის ოჯახმა პირველი კომენტარი გააკეთა:

მადლობა ყველას, ვისაც ტიმის მუსიკა უყვარდა. მადლობა მისი ხსოვნისადმი მიძღვნილ ყველა აქციასა და შეკრების გამო, ეკლესიის ზარებზე, რომლითაც მისი მუსიკა გაჟღერდა, ფესტივალ „კოაჩელაზე“ მისი ხსოვნის აღნიშვნისა და წუთიერი დუმილის გამო“, – ნათქვამია ოჯახის წერილში.

ასევე მადლობას გიხდით ამ რთულ დროს ჩვენი პირადი სივრცის პატივისცემის გამო. გვსურს, რომ ეს ასე გაგრძელდეს“, – ითხოვეს ავიჩის ნათესავებმა. სიკვდილის მიზეზებზე მათ კომენტარი კვლავ არ გაუკეთებიათ.

ანგელოზების ქალაქმა „შურისმაძიებლებს“ უმასპინძლა

გუშინ, ლოს-ანჯელესში „შურისმაძიებლები: უსასრულობის ომის“ პრემიერა გაიმართა. ანგელოზების ქალაქმა ნამდვილ ვარსკვლავთცვენას უმასპინძლა: წითელ ხალიჩაზე ერთმანეთს მსოფლიო ვარსკვლავები ცვლიდნენ.

გვინეტ პელტროუ Retrofete-ს ატმისფერ ულტრამოკლე კაბაში გამოცხადდა, სკარლეტ იოჰანსონმა უპირატესობა მსხვილი თვლებით გაწყობილ კაბას მიანიჭა, მოშიშვლებული მხრებით, ჯენიფერ კონელი კი თავს ლიმნისფერ ზედასა და ტყავის ქვედა ბოლოში იწონებდა.

კიმ კარდაშიანისა და კანიე უესტის ურთიერთობაზე ფილმს გადაიღებენ

ისეთმა მსხვილმა სტუდიებმა, როგორიც Sony Pictures და Warner Bros. არიან, კიმ კარდაშიანსა და კანიე უესტს მათ შესახებ ფილმის გადაღება შესთავაზეს. „ფილმი შესაძლოა ნამდვილი ჰიტი გახდეს, თუ სწორედ მოხდება მისი გადაღება“, – ნათქვამია განცხადებაში.

თუმცა ცნობილ ვარსკვლავებს დათანხმების შემთხვევაში თავისი მოთხოვნები აქვთ: მაგალითად კანიეს სურს, რომ ფილმში მისი მუსიკა უნდა ჟღერდეს, კიმი კი ძალიან ღელავს იმ ფაქტზე თუ ვინ განასახიერებენ მისი ცნობილი ოჯახის წევრებს.

ნებისმიერ შემთხვევაში, მათ ოფიციალური პასუხი უახლოეს მომავალში უნდა განაცხადონ, თანხმობის შემდეგ კი გადაღებები წლის ბოლომდე დაიწყება.

„ოსკარის“ რიგით 91-ე დაჯილდოების ცერემონიის გამართვის თარიღი ცნობილია

ამერიკული კინოაკადემიის უმაღლესი ჯილდოს, „ოსკარის“ რიგით 91-ე დაჯილდოების ცერემონია 2019 წლის 24 თებერვალს გაიმართება. ამის შესახებ The Hollywood Reporter წერს.

ნომინანტების შერჩევა 7 იანვარს დაიწყება და 14 იანვარს დასრულდება. ნომინანტების სრული სიის გასაჯაროება 22 იანვარს მოხდება, 4 თებერვალს კი ტრადიციული ლანჩი გაიმართება.

2018  წელს „ოსკარის“ დაჯილდოების ცერემონია 4 მარტს გაიმართა. „წლის ფილმი“ გილერმო დელ ტოროს „წყლის ფორმა“ დასახელდა.

ადრიანა ლიმას უჩვეულო და შთამბეჭდავი ფოტოსესია ტაქსის სახურავზე

Victoria’s Secret-ის 36 წლის მოდელმა, ადრიანა ლიმამ ახალ და საკმაოდ უჩვეულო ფოტოსესიაში მიიღო მონაწილეობა. ერთ-ერთ ლოკაციად ლამაზმანმა ტაქსის სახურავი აარჩია.

გადაღებები ნიუ-იორკის ქუჩებში მიმდინარეობდა, სადაც ლიმა წითელ სვიტერსა და მოკლე შორტებში გამოწყობილი ყვითელი ტაქსის სახურავზე მოთავსდა. მოგვიანებით მან ტანსაცმელი გამოიცვალა და ქუჩის სხვა ტრანსპორტზე გადაინაცვლა.

ბოლოს კი მოკლე ვარდისფერ შორტებში მან შუა ქუჩაში მოთავსებულ ვარდისფერ სავარძელში იპოზიორა. ფოტოსესია ნამდვილად შთამბეჭდავი გამოვიდა.

ავრილ ლავინი ახალი ალბომით ბრუნდება

ავრილ ლავინი შოუ-ბიზნესს უბრუნდება. პირველად, მრავალი წლის მანძილზე, მომღერალი წითელ ხალიჩაზე გამოჩნდა და თაყვანისმცემლებს განუცხადა, რომ ახალ ალბომზე მუშაობს.

„უკვე სამი წელია ახალ ალბომზე ვმუშაობ. მიხარია, რომ შემიძლია ვთქვა: დისკი მზად 2 კვირაში იქნება. ჩემი ახალი სიმღერები მართალი და გულწრფელია. ბოლო წლებში ბევრი რამ გადავიტანე და თითოეული ეს ფაქტი ჩემი სიმღერების ნაწილია“, – განაცხადა ლავინმა.

შეგახსენებთ, რომ 2015 წელს ავრილს „ლაიმის დიაგნოზი“ დაუდგინეს, ხანგრძლივმა მკურნალობამ შედეგი გამოიღო და ამჟამად მის სიცოცხლეს საფრთხე არ ემუქრება.

დიჯეი Kygo-მ Coachella-ს დახურვა ავიჩის ხსოვნას მიუძღვნა (ვიდეო)

ნორვეგიელმა დიჯეი Kygo-მ, მუსიკალური ფესტივალი „კოაჩელა“ ორი ახალი სეტით დახურა. თავისი გამოსვლა კი მან თავის მეგობარს, ავიჩის მიუძღვნა, რომელიც ორი დღის წინ მოულოდნელად გარდაიცვალა.

რამდენიმე ათასიანი აუდიტორიის წინაშე 26 წლის მუსიკოსმა ავიჩის თრექი „Without you“ შეასრულა, შემდეგ კი გარდაცვლილ კოლეგაზე სიტყვა წარმოთქვა. Kygo-მ აღიარა, რომ სწორედ მან შთააგონა ის ელექტრონული მუსიკით და „კოაჩელაზეც“ მხოლოდ მისი დამსახურებით იმყოფება.

შეგახსენებთ, რომ შვედი დიჯეის გარდაცვალების შესახებ ცნობილი ორი დღის წინ გახდა. მუსიკოსი გარდაცვლილი საკუთარ სახლში, მასკატში იპოვნეს. მიზეზი ამ დროისთვის უცნობია, თუმცა ცნობილია, რომ მუსიკოსი მწვავე პანკრეატიტით იტანჯებოდა.

„გრეის ანატომია“ მე-15 სეზონით ოფიციალურად გაგრძელდება

ტელეარხმა ABC ამ დღეებში ოფიციალურად დაადასტურა ინფორმაცია იმის შესახებ, რომ სერიალი „გრეის ანატომია“ მე-15 სეზონით ტელეეკრანს დაუბრუნდება.

მიუხედვადა ეთერში 14 წლიანი არსებობისა, სერიალი ერთ-ერთი ყველაზე პოპულარული და რეიტინგულია. აღსანიშნავია, რომ ახალ სეზონში დაბრუნდება ჯინა დევისი, რომელმაც პროექტი მე-11 სეზონში დატოვა.

„ველური დასავლეთის სამყაროს“ მეორე სეზონი სუპერ-სერიებისგან დაკომპლექტდება

პოპულარული სამეცნიერო-ფანტასტიკური სერიალის, „ველური დასავლეთის სამყაროს“ მეორე სეზონში სერიების ხანგრძლივობა გაიზრდება. ამის შესახებ Entertainment Weekly წერს.

„საპრემიერო ეპიზოდი 70 წუთიანი იქნება, მეოთხე სერია კი, რომელიც, ჩემი აზრით საუკეთესოა, ერთ საათიანი იქნება. უკანასკნელი ნაწილი კი საკმაოდ ეპიკური გამოვიდა“, – განაცხადა სერიალის ერთ-ერთმა შემქმნელმამ ჯონათან ნოლანმა.

შეგახსენებთ, რომ სერიალში მთავარ როლებს ედ ჰარისი, ევან რეიჩელ ვუდი, ჯეფრი რაიტი, ენტონი ჰოპკინსი და სხვა მსახიობები ასრულებენ. პროექტმა უამრავი პრესტიჟული ჯილდო მოიპოვა, მათ შორის „ოქროს გლობუსი“ და „ემი“.

 

იდრის ელბა კომედიურ სერიალში ძიძას განასახიერებს

იდრის ელბა მონაწილეობას მიიღებს Netflix-ის ახალ კომედიურ სერიალში „Turn Up Charlie“. ჰოლივუდის მსახიობი ძიძას განასახიერებს.

მინი-სერიალი, რომელიც 8 სერიისგან იქნება შემდგარი, ჩარლიზე მოგვითხრობს, რომელსაც ძალიან უნდა დიჯეობა, თუმცა ამ საქმეში არაფერი გამოსდის. საბოლოოდ ის ძიძად იწყებს მუშაობას. ბავშვი კი სამი წლის რთულად აღსაზრდელია. სიტუაციას ისიც ამძიმებს, რომ ის მისი საუკეთესო მეგობრის შვილია.

 

Coldplay ყველაზე საძულველი ჯგუფების რეიტინგს ლიდერობს

მუსიკალურმა პორტალმა NME ონლაინ-გამოკითხვის შედეგად საუკეთესო ჰიტები გამოავლინა, რომელთა შემსრულებელი ჯგუფებიც არავის უყვარს.

პირველ ადგილზე Coldplay განთავსდა ჰიტით „Viva La Vida“. მას მოჰყვება The 1975 სიმღერით „Medicine“, შემდეგ ლეგენდარული Limp Bizkit ჰიტით „Rollin“, ABBA – „Fernando“, Maroon 5 – „This Love“, Sugababes – „Overload“, Nickelback – „How You Remind Me“, The Cure – „Pictures Of You“, Oasis – „Wonderwall“, Radiohead – Fake Plastic Tree „“ და ა.შ.

არიანა გრანდე ახალი სიმღერითა და კლიპით დაბრუნდა (ვიდეო)

24 წლის არიანა გრანდეს თაყვანისმცემლებისთვის სასიამოვნო სიახლეა: ვარსკვლავი ხანგრძლივი პაუზის შემდეგ ახალი სიმღერით „No Tears Left to Cry“ და მასზე გადაღებული კლიპით დაბრუნდა.

შეგახსენებთ, რომ გრანდემ გამოსვლებზე უარი 2017 წლის მაისის შემდეგ თქვა, რაც მანჩესტერში მის კონცერტზე ტერაქტის შედეგად 22 ადამიანი გარდაიცვალა.

ინციდენტის შემდეგ გრანდემ შვიდი დაგეგმილი კონცერტი გადადო და საქველმოქმედო ღონისძიება One Love Manchester გამართა, საიდანაც შემოსული თანხ ამთლიანად ქველმოქმედებას მოხმარდა.

„იურული პერიოდის სამყარი 2“: ახალი ტრეილერი გამოქვეყნდა (ვიდეო)

კინოსტუდიამ Universal Pictures „იურული პერიოდის სამყარი 2“-ის მეორე ტრეილერი გამოაქვეყნა.

სიუჟეტის თანახმად, კატაკლიზმამ შესაძლოა, მთელი პლანეტა გაანადგუროს, ამიტომ კრის პრეტის გმირს დანარჩენებთან ერთად კაცობრიობის გადარჩენის ფუნქცია დაეკისრება. ფილმის რეჟისორი ხუან ანტონიო ბაიონია. ამ უკანასკნელს ეკუთვნის შედევრები „შეუძლებელი“ და „თავშესაფარი“.

ფილმი დიდ ეკრანებზე ივნისში გამოვა.

ბრედ პიტი კინოდან მიდის

ანჯელინა ჯოლისთან დაშორების შემდეგ, ბრედ პიტმა შვება არქიტექტურაში იპოვა. თუმცა ჩვეულებრივი ჰობი მის საყვარელ საქმიანობად იქცა და ამჟამად ცნობილი ხდება, რომ პიტი სამსახიობო კარიერაზე უარის თქმას და მთლიანად ამ საქმით დაკავებას გეგმავს.

ამ გადაწყვეტილებას კი ის სისრულეში მაშინ მოიყვანს, როდესაც ყველა კონტრაქტს, რომლებიც ამჟამად აქვს გაფორმებული, ვადა გაუვა. ინსაიდერი ამტკიცებს, რომ პიტის ეს უცნაური გადაწყვეტილება დიდად არის დაკავშირებული მის ახალ სიყვარულთან – ნერი ოქსმანთან, რომელიც ამ სფეროს ცნობილი წარმომადგენელია.

ბრედთან დაახლოებული წყაროს ცნობით, მსახიობი ამჟამად თავს ძალიან ბედნიერად გრძნობს.

რას უსმენენ ბრიტანეთის სამეფო ოჯახის წარმომადგენლები?

სამეფო ოჯახის წარმომადგენლებს, ისევე, როგორც რიგით ადამიანებს, უყვართ მუსიკა. თითოეულ მათგანს თავისი ფავორიტები ჰყავთ და საყვარელი მიმდინარეობები აქვთ.

დედოფალ ელიზაბეტ მეორეს ძალიან უყვარს დოლორეს გრეი და ვერა ლინი. აღსანიშნავია, რომ ამ უკანასკნელმა ცოტა ხნის წინ მეასე წლის იუბილეც აღნიშნა, თუმცა ნაკლებ სარწმუნოა, რომ დედოფლის დაბადების დღეზე ის მისთვის სიმღერას შეძლებს.

პრინც ჩარლზის საყვარელი მომღერალი – ლეონარდ კოენი 2016 წლის ნოემბერში გარდაიცვალა. პრინც ენდრიუს კი შედარებით თანამედროვე გემოვნება აქვს და მისი საყვარელი მუსიკოსი will.i.am.-ია.

კემბრიჯის ჰერცოგსა და ჰერცოგინიას ასევე უყვართ თანამედროვე მუსიკა. მათ ქოწილზე, მათივე სურვილით ელი გოლდინგმა იმღერა. ამას გარდა, პრინცი უილიამი Coldplay-ის დიდი თაყვანისმცემელია.

რაც შეეხებათ პრინც ჰარისა და მეგან მარკლს, ჰარის გრაიმის ჟანრი უყვარს, კონკრეტულად კი Skream. რაც შეეხება მარკლს, ადრე თავის ბლოგში ის წერდა, რომ უყვარს Crystal Fighters, მეგი როჯერსი და ჟანელ მონე.

სტივენ სპილბერგი კომიქსს პირველად გადაიღებს

სტივენ სპილბერგი კომიქსის ეკრანიზაციას ჩაუდგება სათავეში. საუბარია შავ ქორზე. აღსანიშნავია, რომ რეჟისორისთვის ეს პირველი ნამუშევარი იქნება, რომელიც კომიქსებზე იქნება დაფუძნებული.

სპილბერგი აღნიშნულ პროექტს Warner Bros.-თან ერთად მოიყვანს სისრულეში. შეგახსენებთ, რომ რეჟისორმა და კინოსტუდიამ ერთად სპილბერგის უკანასკნელ ფილმზე „უკანასკნელი მოთამაშე მოემზადოს“ იმუშავეს.

 

ედ სკრეინი „მალეფისენტში“ ანჯელინა ჯოლის პარტნიორობას გაუწევს

მსახიობმა ედ სკრეინმა, რომელმაც სახელი „დედპულში“ შესრულებული როლით გაითქვა, სულ მალე „მალეფისენტში“ ვიხილავთ, სადაც პარტიორობას ის ანჯელინა ჯოლისა და ელ ფანინგს გაუწევს. სკრეინი მთავარი ბოროტმოქმედის, ჰოაკიმ რონინგის როლზე მოიაზრება.

გადაღენბები მიმდინარე წლის ზაფხულში დაიწყება.

შეგახსენებთ, რომ ფილმის პირველი ნაწილი 2014 წელს გამოვიდა და 180 მილიონიანი ბიუჯეტით 700 მილიონი დოლარი გამოიმუშავა.

პილოტი ჯოლი: მსახიობმა თვითმფრინავი აეროდრომზე უშეცდომოდ დასვა (ვიდეო)

დოკუმენტური ფილმის „დედოფლის მწვანე პლანეტა“ შემქმნელებმა, რომელიც ელიზაბეტ მეორის მიერ ტყეების შენარჩუნებას ეხება, გამოაქვეყნა ვიდეო ანჯელინა ჯოლის მონაწილეობით, რომელიც აღნიშნულ პროექტში არის ჩართული.

ვიდეოზე ჩანს, რომ ჰოლივუდის ვარსკვლავი საკმაოდ მარტივად მართავს თვითმფრინავს და ის უდაბნოს პეიზაჟების ზემოთ დაფრინავს.

„აქ უჩვეულო სილამაზეა. პლანეტის ერთ-ერთი ყველაზე ლამაზი ადგილია“- ამბობს ჯოლი.

შეგახსენებთ, რომ ანჯელინამ პილოტის ლიცენზია 2004 წელს აიღო, თუმცა მისი ამ მდგომარეობაში ხილვა არც ისე ხშირად ხდება. რაც შეეხება აღნიშნულ მგზავრობას, ნამიბიის უდაბნოს თავზე ფრენის შემდეგ, მსახიობმა თვითმფრინავი აეროდრომში უსაფრთხოდ დასვა.

შარლიზ ტერონი ზედმეტი კილოგრამების გამო დეპრესიაში ჩავარდა

კინოკარიერის მანძილზე, როლისთვის, შარლიზ ტერონს ბევრჯერ მოუწია წონაში კლება ან მატება. 2011 წელს ფილმისთვის „ტკბილი ნოემბერი“ მან 13 კილო დაიკლო. ორი წლის მერე კი ფილმისთვის „მონსტრი“ მან 14 კილოგრამი მოიმატა. აღსანიშნავია, რომ ამ როლისთვის მან „ოსკარი“ მიიღო. უკანასკნელი პროექტი „Tully“ ასევე მისი სხეულის ტრანსფორმაციას ასახავს:

„20 კილო მოვიმატე. დამეწყო დეპრესია. პირველად ცხოვრებაში, ვჭამდი განუსაზღვრელი რაოდენობით გადამუშავებულ საკვებსა და შაქარს. ამ ფილმში მონაწილეობა ჩემთვის არც ისე სახალისო იყო“, – იხსენებს მსახიობი.

„თავდაპირველად კარგი იყო, გადასაღებ მოედანზე ბავშვივით მექცეოდნენ, ვჭამდი ბევრ ფასტფუდს და ვსვამდი რამდენიმე ჭიქა რძეს, თუმცა თანდათან ეს არც ისე სახალისო გახდა. ჭამა ჩემი ძირითადი საქმე გახდა სამი თვის განმავლობაში. მაღვიძარასაც კი ვაყენებედი, რომ შუაღამის ულუფა არ გამომრჩენოდა, რადგან წონის შენარჩუნება ძალიან მნიშვნელოვანი იყო. საწოლის თავთან მედგა დიდი თეფში მაკარონითა და ყველით და ღამის 2 საათზე მას მივირთმევდი“, – ყველა ტერონი.

მსახიობი აღიარებს, რომ წონის დაბრუნება ძალიან გაუჭირდა. „მონსტრის“ შემდეგ 5 დღე არ ვჭამე და ყველაფერი ნორმაში ჩადგა, მაგრამ მაშინ 27 წლის ვიყავი, ახლა კი 40-ის ვარ“.

კანის კინოფესტივალის ჟიურის სრული შემადგენლობა ცნობილია

კანის 71-ე კინოფესტივალის ჟიურის სრული შემადგენლობა ცნობილია. ჯერ კიდევ რამდენიმე თვის წინ გახდა ცნობილი, რომ ჟიურის კეიტ ბლანშეტი უხელმძღვანელებდა. მას გარდა კი საუკეთესო ფილმებს შემდეგი ვარსკვლავები გამოავლენენ:

ფრანგი მსახიობი ლეა სეიდუ, კანადელი რეჟისორი დენი ვილნევი, ამერიკელი მსახიობი კრისტენ სტიუარტი, ფრანგი რეჟისორი რობერტ გედიგიანი, ჩინელი მსახიობი ჩანგ ჩენი, ბურუნდელი მომღერალი ჰაჯა ნინი და ამერიკელი სცენარისტი ავა დიუვერნეი.

ფესტივალი 8 მაისიდან 19 მაისის ჩათვლით გაიმართება.

Dior-ის ახალ კამპანიაში რობერტ პატინსონი კლასიკური და სპორტული სტილის სინთეზს ახდენს

უკვე რამდენიმე წელია, რობერტ პატინსონი მოდის სახლ Dior-ის სახეა. მამაკაცის კოლექციებთან ერთად რეკლამას ის საფირმო არომატებსაც უწევს.

ამ დღეებში ქსელში Dior-ის შემოდგომა/ზამთრის კოლექციის სარეკლამო კამპანია გამოქვეყნდა, რომლის მთავარი გმირიც კვლავ პატინსონია. შავ-თეთრის ფოტოების ავტორი კი კარლ ლაგერფილდი გახდა.

ფოტოებზე ვარსკვლავი კლასიკური სტილისა და თანამედროვე ტენდენციების შერწყმას ახდენს. მასში ბრენდი მამაკაცებს საშუალებას აძლევს კლასიკური პერანგი სპორტულ პიჯაკებს ან ქურთუკებს მოუხდინოს, ასევე საქმიან ზედა ნაწილს ბოტასები ან კედები შეუფარდოს.

სტივენ სპილბერგის ფილმები 10 მილიარდიან ნიშნულს გადაცდა

ფილმის „პირველი მოთამაშე მოემზადოს“ წარმატებულმა საერთაშორისო სტარტმა სტივენ სპილბერგს ახალი რეკორდი მოუტანა: ის გახდა პირველი კინორეჟისორი, რომლის ფილმებმა ჯამში 10 მილიარდ დოლარზე მეტი გამოიმუშავეს. აღნიშნული სტატისტიკა პორტალმა Boxofficemojo გამოაქვეყნა.

სპილბერგის ყველაზე წარმატებული პროექტი „იურული პერიოდის სამყაროა“, რომელმაც მილიარდი დოლარი გამოიმუშავა. მას მოჰყვებიან „ინდიანა ჯონსი და ბროლის ჩონჩხის სამეფო“, „უცხოპლანეტელი“, „იურული პერიოდის სამყარო 2: დაკარგული სამყარო“ და „სამყაროთა ომები“.

მეორე ადგილზე 6,5 მილიარდი დოლარით პიტერ ჯექსონი იმყოფება, მას მაიკლ ბეი მოსდევს 6,4 მილიარდით, ჯეიმს კემერონი 6,1 მილიარდით და დევიდ იეტსი 5,3 მილიარდით.

ბრედ პიტის ახალი რჩეული ანჯელინა ჯოლის ორეულია

ქსელში სულ უფრო ხშირად იწერება ნერი ოკსმანისა და ანჯელინა ჯოლის მსგავსების შესახებ. როგორც ჩანს, პიტი თავისი გემოვნების ერთგული რჩება.

მას შემდეგ, რაც ცნობილი გახდა მსახიობისა და პროფესორის რომანის შესახებ, პაპარაცები მის ყოველ ნაბიჯს აკონტროლებენ. ამ დღეებში ის საკუთარ სახლთან გადაიღეს.

ნერი შავებში იყო ჩაცმული და ვიზუალურად ძალიან ჰგავდა ანჯელინა ჯოლის, რომელიც წლების მანძილზე სწორედ ამ ფერის თაყვანისმცემელია. პიტის ახალ რჩეულს მომდგარი შარვალი, მოკლე ზედა ეცვა, აფრიკული სტილის თავსაბურავი და დიდი ზომის მზის სათვალე ეკეთა.

შეგახსენებთ, რომ ნერისა და ბრედის რომანის შესახებ ცნობილი თვის დასაწყისში გახდა.

 

დრეიკმა ახალი ალბომი დააანონსა

კანადელმა რეპერმა, დრეიკმა ახალი ალბომი „Scorpion“ დააანონსა. დისკი მიმდინარე წლის ივნისში გამოვა, თუმცა, ამ დროისთვის უცნობია, რა ფორმატში გამოვა პროექტი. ასევე მუსიკოსს არ დაუკონკრეტებია, შევა თუ არა მასში მისი უკანასკნელი სინგლი „Nice for What“.

შეგახსენებთ, რომ დრეიკის უკანასკნელი ალბომი „Views“ 2016 წლით თარიღდება.

კენდრიკ ლამარმა პულიცერის პრემია მიიღო

ალბომისთვის „DAMN“ კენდრიკ ლამარმა პულიცერის პრემია მიიღო. ჟიურის აზრით, ალბომი აფრო-ამერიკული ცხოვრების სირთულეს ასახავს. მათ ასევე აღნიშნეს ლამარის მუსიკის ლირიული შინაარსი, ასევე ჰიპ-ჰოპის, რეპის, ჯაზის, სოულისა და აფრიკული ჟღერადობების შერწყმა სიმღერებში.

როგორც Associated Press, აღნიშნული ჯილდო პირველად მოიგო არაკლასიკურმა ან ჯაზ-ნამუშევარმა.

„რემპეიჯმა“ ცუდი სტარტი აჩვენა

ფილმმა „რემპეიჯი“ მოლოდინი ვერ გაამართლა და საკმაოდ ცუდი სტარტი აჩვენა. საპრემიერო უქმეებზე სამშობლოში ფილმმა მხოლოდ 34,5 მილიონი დოლარი გამოიმუშავა, რაც 120 მილიონიანი ბიუჯეტის მქონე ფილმისთვის საკმაოდ ცუდი შედეგია. ჩრდილოეთ ამერიკის ფარგლებს გარეთ პროექტმა 114 მილიონი მოაგროვა.

მეორე ადგილზე „ჩუმი სახლი“ იმყოფება, რომლის ამ კვირის მოგებამ 32,6 მილიონი დოლარი შეადგინა. მესამე პოზიცია კი კიდევ ერთმა დებიუტანტმა, „სიმართლე ან მოქმედება“ დაიკავა, რომლის საპრემიერო უქმეებზე შემოსავალმა მხოლოდ 19 მილიონი შეადგინა, თუმცა 3,5 მილიონიანია ბიუჯეტის მქონე პროექტისთვის ეს არც ისე ცუდ სტარტს წარმოადგენს.

ნიკოლ კიდმანმა პროვოკაციული ჩაცმულობით გარშემომყოფები აღაფრთოვანა (ფოტო)

ამ დღეებში, 50 წლის ნიკოლ კიდმანმა კიდევ ერთხელ დაამტკიცა, რომ ასაკი მხოლოდ ციფრებია. ავსტრალიელი ლამაზმანი Academy of Country Music Awards პროვოკაციულ და საკმაოდ თამამი ჩაცმულობით გამოჩნდა.

წითელ ხალიჩაზე ნიკოლი მეუღლესთან, კიტ ურბანთან ერთად პოზირებდა. მსახიობს Michael Kors-ის ულამაზესი ოქროსფერი კაბა ეცვა, რომელსაც მთლიანად მოხდილი ზურგი ჰქონდა და რომელიც კიდმანის სილამაზეს ხაზს კიდევ ერთხელ უსვამდა.

Coachella-ზე გამოსვლით ბიონსემ ისტორია შექმნა (ვიდეო/ფოტო)

გუშინ, ფესტივალ „კოაჩელაზე“ ბიონსე დიდ სცენას ტრიუმფალურად დაუბრუნდა. მომღერალი ერთ-ერთი ჰედლაინერი იყო. ვარსკვლავმა თაყვანისმცემლებს დაუვიწყარი შოუ მოუწყო.

2 საათიანი გამოსვლის დროს მან 4-ჯერ შეიცვალა ჩაცმულობა: თავდაპირველად ის მეტალებიან ბოდესა და საინტერესო თავსაბურავში გამოჩნდა.

A post shared by Beyoncé (@beyonce) on


შემდეგ ის მოკლე შორტებსა და ყვითელი ფერის სპორტულ მოსაცმელში გამოჩნდა და 15 წლის წინანდელი ჰიტები შეასრულა ჯეი ზისთან ერთად, მათ შორის იყო „Crazy in love“.

 

შოუს კულმინაცია კი სცენაზე Destiny’s Child-ის გამოჩენა გახდა, კელი როულენდმა და მიშელ უილიამსმა ბიონსესთან ერთად დაუვიწყარი ნომერი შემოგვთავაზეს.

A post shared by Beyoncé (@beyonce) on

თუმცა, ღონიძიების ერთ-ერთი მთავარი ნაწილი ბიონსესა და მისი დის, სოლანჟის ცეკვა გახდა. გოგონები საკმაოდ დიდი ხანია არ გამოჩენილან ერთად.


თაყვანისმცემლები კიდევ ერთხელ დარწმუნდნენ, რომ ბიონსე შეუდარებელია და რომ მის პროფესიონალიზმს დრო ვერაფერს აკლებს.

ჯესი ჯეი ჩინური „იქს ფაქტორის“ გამარჯვებული გახდა (ვიდეო)

რამდენიმე თვის წინ, ჯესი ჯეი ჩინურ „იქს ფაქტორში“ მონაწილის სტატუსით გამოჩნდა. ის გახდა პირველი მსოფლიოს დონის ვარსკვლავი, რომელმაც მსგავსი ტიპის კონკურსში მიიღო მონაწილეობა.

13 აპრილს კი ის, შოუს გამარჯვებულად დასახელდა და ხმათა 47,5% მიიღო.

ფინალის პირველ ნაწილში მან თავისივე ჰიტი „Bang Bang“ შეასრულა, საბოლოო გამოსვლისთვის კი არჩევანი მან უიტნი ჰიუსტონის ლეგენდარულ ჰიტზე „I Will Always Love You“ შეაჩერა და მაყურებელთა გულებიც მოიგო.

გამარჯვების შემდეგ, ჯესი რიგით მეოთხე ალბომზე დაიწყებს მუშაობას, რომლისთვისაც რამდენიმე სიმღერა „Queen“, „Not My Ex“ და „Think About That“ უკვე ჩაწერილია.

„ის“ გრძელდება: ჯეიმს მაკევოი და ბილ ჰარდერი ფილმის გაგრძელებაში მონაწილეობას მიიღებენ

ჯეიმს მაკევოი და ბილ ჰარდერი კომპანიონობას გაუწევენ ჯესიკა ჩესტეინს ფილმში „ის“. როგორც The Hollywood Reporter წერს, მსახიობებთან მოლაპარაკებები უკვე აქტიურ ფაზაშია შესული.

იმ შემთხვევაში თუ ყველაფერი დაგეგმილად წარიმართება, მაკევოი ბილ დენბროს, დაკარგული ჯორჯის ძმის როლს შეასრულებს, ჰადერს კი წილად წამოზრდილი რიჩი ტოზიერის განსახიერება მოუწევს.

გადაღებები ივლისში დაიწყება, დიდ ეკრანებზე კი ფილმი 2019 წლის სექტემბერში გამოვა. ფილმს ანდრეს მუსკეტი გადაიღებს, რომელიც პირველ ნაწილსაც ხელმძღვანელობდა.

შეგახსენებთ, რომ „ის“ სტივენ კინგის ამავე სახელწოდების რომანის 2017 წლის ეკრანიზაციას წარმოადგენს. მოკრძალებული ბიუჯეტის მიუხედავად ფილმმა მსოფლიო კინოგაქირავებაში 700 მილიონი გამოიმუშავა და საშინელებათა ჟანრის ყველაზე წარმატებული პროექტი გახდა.

საშა ბარონ კოენი Netflix-ის მინი სერიალში ჯაშუშს განასახიერებს

ამერიკული კომპანია Netflix 50 წლის წინანდელ რეალურ ამბავზე დაფუძნებულ სერიალს გადაიღებს. მთავარ როლზე საშა ბარონ კოენი განიხილება და ის ჯაშუშის როლს შეასრულებს. ფილმი ებრაელ ჯაშუშს, ელი კოენს შეეხება, რომელიც საკუთარი სამშობლოსთვის მნიშვნელოვან ინფორმაციას მოიპოვებს, თუმცა, საბოლოოდ მას დამასკოში ჩამოახრჩობენ. ფილმის რეჟისორი გიდეონ რაფი იქნება.

შეგახსენებთ, რომ Netflix-ის გარშემო სკანდალი სულ უფრო და უფრო სერიოზულ სახეს იღებს. კომპანიის ხელმძღვანელობა ბოიკოტს უცხადებს კანის კინოფესტივალს, რომლის ახალი წესების თანახმად, კონკურსზე არ მოხდება იმ ფილმების ჩვენება, რომლებიც კინოთეატრებში ჯერ არ გამოსულა.

 

ჯესიკა ბილის სპორტული კოლექცია გაყიდვაში შემოდგომიდან გამოვა (ფოტო)

ჯესიკა ბილი საკმაოდ ბევრ სფეროში მოღვაწე ადამიანია: მოწყობილი პირადი ცხოვრების გარდა, მას წარმატებული სამსახიობო კარიერა აქვს, ხელმძღვანელობს საკუთარ რესტორანს და ფლობს ტანსაცმლის ხაზს.

მიმდინარე შემოდგომაზე გაყიდვაში გამოვა კოლექცია, რომელიც აქტიურ დასვენებისა და სპორტის მოყვარულებს მიეძღვნება. როგორც ცნობილია, ჯესიკა იოგასა და ჯანსაღი ცხოვრების დიდი თაყვანისმცმელია, მისი ახალი ნაწარმიც სწორედ ასეთი ადამიანებისთვისაა.

Netflix კანის კინოფესტივალს ბოიკოტს უცხადებს

ცნობილი ტელეარხი Netflix კანის 71-ე კინოფესტივალის წინააღმდეგ გამოდის. კომპანიის ხელმძღვანელობა ბოიკოტს უცხადებს კინოფესტივალს, რომლის ახალი წესების თანახმად, კონკურსზე არ მოხდება იმ ფილმების ჩვენება, რომლებიც კინოთეატრებში ჯერ არ გამოსულა. მათი თქმით, ადგილი აქვს დისკრიმინაციას. შესაბამისად, წლევანდელ ღონისძიება კომპანიის არცერთი ფილმი ნაჩვენები არ იქნება.

შეგახსენებთ, რომ კანის კინოფესტივალი წელს 8 მაისიდან 19 მაისამდე გაიმართება. ჟიურის თავმჯდომარე კი წელს ცნობილი ჰოლივუდის მსახიობი კეიტ ბლანშეტი გახდება.

 

კეტი პერი ლედი გაგასთან დუეტზე ოცნებობს

33 წლის ასაკში კეტი პერიმ რამდნეიმე პრესტიჟლი მუსიკალური პრემიის მოპოვება, ცნობილ ადამიანებთან დუეტის ჩაწერა და რეალითი-შოუ American Idol-ის საპატიო ჟიურის წევრობა მოასწრო, თუმცა როგორც ჩანს, ვარსკვლავს კიდეც აქვს ოცნება და ეს ლედი გაგასთან დუეტი აღმოჩნდა.

ბევრ ადამიანს ვცემ პატივს ჩვენი ინდუსტრიიდან, ვარ მადონას უდიდესი თაყვანისმცემელი, თუმცა ვაღიარებ, რომ საოცრად მიყვარს ლედი გაგა. ის უჩვეულოდ ლამაზი, მომხიბვლელი და ჯადოსნური ქალია. ვისურვებდი, რომ ოდესმე სცენაზე მასთან ერთად მეც დავდგე“, – აღიარა პერიმ.

თავად მონსტრების დედოფალს ამ ეტაპზე შემოქმედებითი პაუზა აქვს აღებული, შესაბამისად, როგორი რეაგირება აქვს მას კეტის სიტყვებზე, ჯერ-ჯერობით უცნობია.

ყველაზე პატივსაცემი ვარსკვლავები გამოვლინდნენ

საერთაშორისო კვლევითმა კომპანიამ YouGov, რომელიც ყველაზე პატივსაცემ ვარსკვლავებს ყოველწლიურად ავლენს, შესაბამისი რეიტინგი წელსაც შეადგინა. როგორც აღმოჩნდა, საზოგადოებაში აღფრთოვანებას ყველაზე მეტად ბილ გეითსი და ანჯელინა ჯოლი იწვევენ.

მეორე და მესამე ადგილებზე ბარაკ ობამა და ჯეკი ჩანი განთავსდნენ (კატეგორიაში „მამაკაცები“), ხოლო მიშელ ობამა და ოპრა უინფრი ქალების ამავე კატეგორიაში.

ტოპ-20-ეულში ასევე მოხვდნენ: კრიშტიანო რონალდო (მე-10 ადგილი), ლიონელ მესი (მე-11), დევიდ ბექჰემი (მე-13), ილონ მასკი (მე-14), დონალდ ტრამპი (მე-17) და ა.შ.

პატრიკ ზიუსკინდის „სუნამოს“ მიხედვით სერიალი გამოვა

პოპულარული ტელეარხი Netflix პატრიკ ზიუსკინდის რომანის, „სუნამოს“ მიხედვით სერიალს გადაიღებს.

რომანი, რომელიც ახალგაზრდა მკვლელზე მოგვითხრობს, რომელიც უჩვეულო სუნამოს შექმნით არის შეპყრობილი, 1985 წელს დაიწერა, ხოლო 2006 წელს მისი წარმატებული ეკრანიზაცია შედგა. მთავარი როლები მასში ბენ უიშოუმ, ალან რიკმანმა და დასტინ ჰოფმანმა შეასრულეს. ვის შევხვდებით სერიალში, ჯერ-ჯერობით უცნობია.

კელვინ ჰარისმა ახალი სიმღერა წარმოადგინა (აუდიო)

ამ დღეებში ქსელში კელვინ ჰარისის ახალი სიმღერის, „One Kiss“ პრემიერა გაიმართა, რომლის შექმნაში მონაწილეობას ბრიტანელი პოპ-მომღერალი დუა ლიპაც ღებულობდა.

ცოტა ხნის წინ დიჯეიმ სინგლი „Nuh Ready Nuh Ready“ გამოუშვა, რომელიც ბრიტანული ჩარტის 48-ე ადგილზე განთავსდა.

ჰარისის უკანასკნელი კლიპი „Funk Wav Bounces Vol. 1“ გაყიდვაში 2017 წლის ივნისში გამოვიდა. რაც შეეხება ახალ სინგლს, მისი შეფასება “ფორტუნა პლუსის” საიტზე, ახალი სინგლებშ შეგიძლიათ.

დრეიკის ახალ კლიპში ოლივია უაილდი და ემა რობერტსი მონაწილეობენ (ვიდეო)

დრეიკმა სიმღერაზე „Nice For What“ კლიპი წარმოადგინა და მასში ნამდვილი ვარსკვლავთცვენა მოაწყო: ოლივია უაილდი, ემა რობერტსი, ჯორდან დანი და სხვა შოუბიზნესის სხვა ვარსკვლავები მუსიკოსის ახალ ვიდეოში გამოჩნდნენ.

კლიპის მთავარი იდეა მუსიკოსის ქალებისადმი სიყვარულის ჩვენება იყო. ვიდეოს რეჟისორი კარენა ევანსი გახდა.

„სამეფო კარის თამაშების“ ბრძოლის მასშტაბურ ეპიზოდს 55 ღამე იღებდნენ

„სამეფო კარის თამაშების“ საფინალო ეპიზოდის შემქმნელებმა პროექტის ისტორიაში ყველაზე მასშტაბური საბრძოლო ეპიზოდის გადაღება დაასრულეს.

შოუს ძირითადი ეპიზოდის გადაღებები 55 ღამე გაგრძელდა, ამის შესახებ სამადლობელ წერილში სერიალის პროდიუსერებმა დაწერეს: „როდესაც ერთი წლის შემდეგ, მილიონობით ადამიანი ამ ეპიზოდს ნახავს, ისინი ვერასოდეს წარმოიდგენენ, რამდენი ენერგია ჩავდეთ ამ მომენტის გადაღებისას. მათთვის სულერთი იქნება, რამდენად დაიღალეთ და რამდენად რთული იყო თქვენთვის ეს ყველაფერი. ისინი უბრალოდ ვერ მიხვდებიან, რომ უყურებენ რაღაცას, რაც აქამდე არასოდეს უნახავთ და ეს ყველაფერი თქვენი დამსახურებით“, – სწორედ ასე გადაუხადეს პროდიუსერებმამადლობა გადამღებ ჯგუფს.

შეგახსენებთ, რომ „სამეფო კარის თამაშების საფინალო სეზონი 2019 წელს გამოვა.

„შავმა პანტერამ“ „ტიტანიკი“ ჩაძირა

„შავმა პანტერამ“ საშინაო კინოგაქირავებაში თვით „ტიტანიკს“ გაუსწრო. თუკი ჯეიმს კემერონის კინოჰიტმა სამშობლოში 659 მილიონი დოლარი გამოიმუშავა, ამ დროისთვის Marvel-ის ნამუშევრის შედეგი უკვე 661 მილიონს შეადგენს.

ამ გზით კი, რაიან კუგლერის ფილმმა ყველა დროის ყველაზე მომგებიან ჩრდილოამერიკულ პროექტებს შორის მესამე ადგილი დაიკავა. მეორე ადგილს კი კვლავ „ავატარი” იკავებს 760 მილიონი დოლარით.

The Weeknd-მა დოკუმენტური პოემა წარმოადგინა (ვიდეო)

კანადელმა მუსიკოსმა The Weeknd-მა სიმღერაზე „He Was Never There“ გადაღებული კლიპი წარმოადგინა, რომელიც მის ახალ ალბომში „My Dear Melancholy“ შედის. ვიდეო „სცენის მიღმა“ ფორმატშია გადაღებული და მასში ნაჩვენებია კადრები თუ როგორ მუშაობდა მუსიკოსი ახალ ნამუშევარზე და სად ეძებდა ის შთაგონებას. ვიდეს ჟანრად docupoem, ანუ “დოკუმენტური პოემა”  დასახელდა.

შეგახსენებთ, რომ 30 მარტს, მუსიკოსმა სრულიად მოულოდნელად გამოუშვა მინი-ალბომი „My Dear Melancholy“, რომელიც 6 სიმღერისგან შედგება.

ჯონი დეპთან განქორწინების შედეგად მიღებული ფული ემბერ ჰერდმა ქველმოქმედებას მოახმარა

პირობის თანახმად, 31 წლის ემბერ ჰერდმა ჯონი დეპთან განქორწინების შედეგად მიღებული ფული ქველმოქმედებას მოახმარა. მსახიობმა რამდენიმე მილიონი დოლარი ლოს-ანჯელესის ბავშვთა საავადმყოფოს გადაურიცხა. ეს ინფორმაცია კი მას შემდეგ გახდა ცნობილი, რაც კლინიკამ გასული წლის ფინანსური დასკვნა გამოაქვეყნა და მასში ჰერდი საპატიო ქველმოქმედის სახელით არის მოხსენიებული.

მსახიობის მიერ გაღებული ზუსტი ოდენობა უცნობია, თუმცა სავარაუდოდ, ეს რიცხვი 1-დან 5 მილიონამდე დოლარს მოიცავს. ცნობილია, რომ ჯამში ჯონი დეპმა მას 7 მილიონი დოლარი გადაუხადა.

 

Cardi B-მ სადებიუტო ალბომი გამოუშვა

ამერიკელმა რეპერმა Cardi B-მ სადებიუტო სტუდიური ალბომი „Invasion of Privacy“ გამოუშვა.

დისკი 13 სიმღერას შეიცავს, მათ შორის არის დუეტები Migos-სთან, კელანისთან და სხვა მუსიკოსებთამ.

ალბომის გამოსვლამდე შედგა მასში შემავალი რამდენიმე სინგლის პრეზენტაცია, მათ შორის „Bartier Cardi“, „Be Careful“ და „Bodak Yellow“. ეს უკანასკნელი Billboard Hot 100-ის სათავეში მოხვდა და ხუთგზის პლატინის გახდა.

კაილი მინოუგიმ ახალი ალბომი წარმოადგინა

ამ დღეებში კაილი მინოუგის ახალი დისკის, „Golden“ პრემიერა გაიმართა. ალბომი რიგით მე-14 გახდა მომღერლის დისკოგრაფიაში და მას 11 პროდიუსერი ჰყავს, მათ შორის არის თავად კაილიც.

აქამდე ფირფიტის მხარდასაჭერად სინგლები „Stop Me from Falling“ და „Dancing“ გამოვიდა. ეს უკანასკნელი ამერიკული ჩარტის მე-11 პოზიციაზე განთავსდა. ორივე სიმღერაზე ვარსკვლავმა კლიპები გადაიღო.

30 Seconds to Mars-მა ახალი ალბომი გამოუშვა

ამერიკულმა როკ-ჯგუფმა 30 Seconds to Mars ოფიციალური დისკი „AMERICA“ წარმოადგინა. ალბომი რიგით მეხუთე გახდა მუსიკოსების დისკოგრაფიაში. ცოტა ხნის წინ, დისკის მხარდასაჭერად სინგლები „Walk on Water“ და „Dangerous Night“ გამოვიდა.

ალბომი 12 სიმღერისგან შედგება, მათ შორის არის AP Rocky-სთან და ჰოლზისთან დუეტები.

დევიდ გეტამ და სიამ რეტრო-კლიპი წარმოადგინეს (ვიდეო)

ფრანგმა დიჯეიმ და პროდიუსერმა დევიდ გეტამ სიმღერაზე „Flames“ გადაღებული კლიპი გამოუშვა. აღსანიშნავია, რომ სიმღერის შექმნაში ავსტრალიელი პოპ-დივა სიაც მონაწილეობდა.

ტრადიციულად, ვიდეოში არ ჩანან თავად მუსიკოსები, თუმცა აღსანიშნავია საკმაოდ ლამაზი აღმოსავლური რეტრო-ნამუშევარი.

ცნობილია, რომ გეტა რიგით მეშვიდე ალბომის გამოსაშვებად ემზადება.

სინდი კროუფორდი ნანობს, რომ წლების წინ გაშიშვლდა

90-იანი წლების ცნობილმა სუპერმოდელმა, სინდი კროუფორდმა აღიარა, რომ ნანობს იმ პერიოდს, როდესაც ამა თუ იმ გამოცემისთვის ის შიშველი პოზირებდა: „ბევრი თამამი ფოტოსესია მქონდა, თუმცა ახლა ვნანობ, რომ გავშიშვლდი“.

52 წლის კროუფორდის თქმით, საკუთარ შვილებს სურს ასწავლოს, როგორ თქვან უარი, როდესაც თავის საქმეში ესა თუ ის არ მოსწონთ: „არ მინდა, რომ ჩემმა შვილებმა ოდესმე რამე ინანონ. როგორც დედა ორი მოზარდისა, რომლებიც თავს იმკვიდრებენ მოდის სფეროში, ძალიან განვიცდი და ვნერვიულობ. თუმცა იმასაც ვიტყვი, რომ თუ მათ ვინმე რამეს დაუშავებს, ჩემთან მოუწევთ პასუხისგება“.

Despasito-მ მორიგი რეკორდი დაამყარა (ვიდეო)

ლუის ფონსისა და დედი იანკის სიმღერაზე „Despasito” გადაღებული კლიპი 5 მილიარდიან ნახვას ასცდა. გასული წლის დეკემბრის მონაცემებით ეს ახალი რეკორდია, 2017 წლის ბოლოს, კლიპს 4 მილიონამდე ნახვა ჰქონდა.

მეორე ადგილზე უიზ ხალიფას და ჩარლი პუსის დუეტი „See you again“ იმყოფება 3,5 მილიარდი ნხავით, სამეულს კი ედ შირანის „Shape of you“ ხურავს 3,4 მილიარდით.

კადრი სერიალიდან „დიდი პატარა ტყუილები“ მერილ სტრიპის მონაწილეობით

მერილ სტრიპი ცოტა ხნის წინ შეუერთდა სერიალ „დიდი პატარა ტყულების“ მსახიობთა შემადგენლობას. ახალი კადრი მისი მონაწილეობით ამ დღეებში გამოქვეყნდა. მასზე სტრიპი და ნიკოლ კიდმანი და „სერიალის შვილიშვილები“ არიან გამოსახულები.

შეგახსენებთ, რომ სერიალი ეთერში 2017 წლის თებერვალში გამოვიდა. ნიკოლ კიდმანთან ერთად მთავარ როლს მასში რიზ უიზერსპუნი ასრულებს. ახალი სეზონი კი ეკრანებზე 2019 წელს გამოვა.

First day on the set with Meryl and “my” darling boys! #BigLittleLies

A post shared by Nicole Kidman (@nicolekidman) on

კეტი პერის ორლანდო ბლუმისგან შვილის გაჩენა სურს

კეტი პერის ორლანდო ბლუმთან ურთიერთობის დამალვა აღარ სურს. ვარსკვლავი მზად არის, მსახიობს ცოლად გაყვეს და შვილები გააჩინოს.

პერისთან დაახლოებული ინსიადერის თქმით, იმ შემთხვევაში თუ ორლანდო მას ხელს სთხოვს, მომღერალი სიამოვნებით დათანხმდება, რადგან ბლუმი მისი ოცნების მამაკაცია, ხოლო მისგან შვილები, პერის ყველაზე დიდი სურვილია.

შეგახსენებთ, რომ მარტის ბოლოს, ტოკიოში გამართულ კონცერტზე, რომელზეც ბლუმიც იმყოფებოდა, კეტიმ მას სიმღერა მიუძღვნა.

შეგახსენებთ, რომ წყვილის რომანი 2016 წელს დაიწყო, თუმცა ამ დრომდე ისინი ერთმანეთს რამდენჯერმე დაშორდნენ.

მაიკლ შინოდას აზრით, Linkin Park-ს მომავალი არ აქვს

ჩესტერ ბენინგტონის გარდაცვალებიდან თითქმის ერთი წელი გავიდა და თაყვანისმცემლები ჯერ კიდევ გაუგებრობაში არიან, რა ბედი ეწევა Linkin Park-ს, რომლის მუსიკოსებიც არამარტო მეგობრის, არამედ ფრონტმენის გარეშე დარჩნენ. დადიოდა ხმები ახალ მოწვეულ ვოკალისტზე, მაიკლ შინოდაზე, რომელმაც გავრცელებული ჭორები უარყო.

ერთ-ერთ უკანასკნელ ინტერვიუში შინოდამ განაცხადა, რომ ჯგუფის მომავალზე პასუხი არ აქვს, რადგან ის უბრალოდ არ არსებობს: „უცნაურია, მაგრამ რაიმე სახის კომენტარიც რომ გავაკეთო ამ საკითხთან დაკავშირებით, ეს ყველა სტატიის სათაური გახდება.ხალხს სურს იცოდეს, რა იქნება შემდეგ,დამიჯერეთ, მეც მინდა ამისი ცოდნა, მაგრამ პასუხი უბრალოდ არ მაქვს“, – განაცხადა მაიკმა.

შეგახსენებთ, რომ შინოდას 2005 წლიდან აქვს ჯგუფი Fort Minor, რომელიც საკმაოდ წარმატებულია. . ცოტა ხნის წინ მან ახალი ალბომიც დააანონსა.

ემბერ ჰერდმა სირიელი დევნილები მოინახულა (ფოტო)

ამერიკელმა მსახიობმა ემბერ ჰერდმა იორდანიაში მდებარე სირიელი დევნილების ბანაკი მოინახულა.

მთელი დღის განმავლობაში ის ეკონტაქტებოდა ბავშვებს, შემდეგ კი გაემგზავრა სამედიცინო ცენტრში და ავადმყოფი დევნილები მოინახულა, რომლებსაც მოხალისეები უფასო დახმარებას უწევენ.

„ბედნიერი ვარ, რომ დღე ამ უჩვეულო ადამიანებთან ერთად გავატარე. მათ გამახსენეს, როგორ გამოიყუება ნამდვილი ძალა. დიდი მადლობა“, – გააზიარა ემოციური პოსტი ჰერდმა სოციალურ ქსელში.

მსახიობის თქმით, ამ ხალხისგან მან დიდი სითბო იგრძნო.

ემინემმა სისხლიანი კლიპი წარმოადგინა (ვიდეო)

ემინემმა სიმღერაზე „Framed“ გადაღებული კლიპი წარმოადგინა. ნამუშევარი საკმაოდ სისხლიანი გამოვიდა, ისეთი, როგორიც ემინემს სჩვევია.

სიმღერა რეპერის მეცხრე სტუდიურ ალბომში „Revival“ შედის და ის რიგით მეოთხე ოფიციალური სინგლია. დისკი 15 დეკემბერს გამოვიდა.

დისკი უამრავი ქვეყნის ჩარტის სათავეში მოხვდა, თუმცა კრიტიკოსთა ნაწილისგან მას არაერთგვაროვანი შეფასებები მოჰყვა.

Cardi B-მ გლამურული კლიპი გამოუშვა (ვიდეო)

ამერიკელმა რეპერმა Cardi B-მ სიმღერაზე „Bartier Cardi“ გადაღებული კლიპი წარმოადგინა. ვიდეოში მისი კოლეგა 21 Savage მონაწილეობს, რომელმაც სიმღერის ჩაწერაშიც მიიღო მონაწილეობა.

კლიპი გლამურული და მკვეთრი ფერებით გამოვიდა.

შეგახსენებთ, რომ 6 აპრილს გამოვა მომღერლის სადებიუტო ალბომი „Invasion of Privacy“, რომლის შექმნაშიც ათი პროდიუსერი მონაწიელობდა. დისკში შევა ასევე აქამდე გამოსული სინგლები „Bodak Yellow“ და „Be Careful“.

„მალიბუს მაშველების“ ვარსკვლავებს რომანი აქვთ

„მალიბუს მაშველების“ გამოსვლის შემდეგ, მედიამ დაწერა, რომ ზაკ ეფრონსა და ალექსანდრა დადარიოს რომანი აქვთ. მსახიობები ამ ჭორს დიდი ხნის მანძილზე უარყოფდნენ, თუმცა, ამ დღეებში პაპარაცებმა ისინი სეირნობის დროს გადაიღეს.

ცოტა ხნის წინ, ეფრონმა ემოციურად მიულოცა ალექსანდრას დაბადების დღე სოციალური ქსელის მეშვეობით, მოგვიანებით „ინსტაგრამზე“ დადარიომ გამოაქვეყნა ვიდეო საკუთარი იუბილედან, სადაც ეფრონიც არის აღბეჭდილი.

უცნობია, ეს უბრალოდ მეგობრობაა თუ რომანი, რომელიც გადასაღებ მოედანზე დაიწყო.

2017 წლის ყველაზე წარუმატებელი ფილმები გამოვლინდა

გამოცემამ Deadline 2017 წლის ყველაზე წარუმატებელი პროექტების რეიტინგი გამოავლინა. პირველი ადგილი Warner Bros.-ის პროექტმა „მეფე არტურის ხმალი“ დაიმსახურა. ფილმის ბიუჯეტი 286 მილიონი დოლარი იყო, თუმცა, კინოგაქირავებაში მან მხოლოდ 153 მილიონი დოლარი მოიტანა.

ათეულში ასევე მოხვდა: „დიდი კედელი“, „გეოშტორმი“, „პირობა“ და ა.შ.

რაც შეეხება ლიდერ პოზიციაზე მყოფ „მეფე არტურის ხმალს“, მისი რეჟისორი გაი რიჩია, მთავარ როლებს კი ანაბელ უოლისი, ჩარლი ჰანემი, ჯუდ ლოუ და სხვა ვარსკვლავები ასრულებენ.

თაყვანისმცემლები პრინცესა ლეას როლზე მერილ სტრიპს ითხოვენ

„ვარსკვლავური ომების“ თაყვანისმცემლებმა შექმნეს ონლაინ-პეტიცია და კომპანია Disney-სა და LucasFilm-ს იმის შესახებ მიმართეს, რომ პრინცესა ლეას როლი ამიერიდან მერილ სტრიპმა შეასრულოს. 68 წლის მსახიობს ისინი იდეალურ კანდიდატად მოიხსენიებენ და აცხადებენ, რომ თავის თაობაში ის საუკეთესოა.

„მას სამი „ოსკარი“ და პრემიის 20 ნომინაცია აქვს, მისი მიღწევები კინოსამყაროში ყველამ იცის. ამას გარდა, ის კერი ფიშერის ახლო მეგობარი იყო“, – სწორედ ასე ხსნიან თაყვანისმცემლები სტრიპის კანდიდატურას.

ამ დრისთვის პეტიციას დაახლოებით 10 ათასი მომხრე ჰყავს, თუმცა ოფიციალური კომენტარი ფილმის შემქმნელებისგან ჯერ არ გაკეთებულა.

შეგახსენებთ, რომ კერი ფიშერი პრინცესა ლეას როლს 1977 წლიდან ასრულებდა. მსახიობი გულის უკმარისობის შედეგად 2016 წლის 27 დეკემბერს, 60 წლის ასაკში გარდაიცვალა.

ორი წლის შემდეგ, ჯოლიმ და პიტმა განქორწინების საკითხში შეთანხმებას მიაღწიეს

ანჯელინა ჯოლისა და ბრედ პიტის განქორწინების პროცესი 2016 წლის სექტემბერში დაიწყო, თუმცა შვილებზე მეურვეობის შესახებ შეთანხმებას მათ მხოლოდ ახლა მიაღწიეს. წყვილთან დაახლოებული წყაროს ცნობით, მათ განქორწინების საკითხი მოაგვარეს. ინსაიდერის თანახმად, ჯოლი-პიტი ბავშვების მეურვეები თანაბარი უფლებებით გახდებიან. 2 წლის წინ, ანჯელინას გადაწყვეტილი ჰქონდა, რომ პიტისთვის მშობლის ყველანაირი უფლება ჩამოერთმია, თუმცა როგორც ჩანს, მან აზრი შეიცვალა.

„ბრედმა და ანჯელინამ გადაწყვიტეს, შვილების გამო მეგობრებული ურთიერთობა შეენარჩუნებინათ. ეს უდიდესი ნაბიჯია, რომელიც მათ შვილების გამო გადადგეს. უახლოეს მომავალში ისინი ხელს ყველა აუცილებელ დოკუმენტს მოაწერენ“, – ინსაიდერისვე მტკიცებით, მათი შესაძლო შერიგება გამორიცხულია და ეს აღარასოდეს მოხდება.

შეგახსენებთ, რომ წყვილმა ოფიციალურად 2014 წელს იქორწინა, თუმცა მანამდე ისინი 12 წელი ცხოვრობდნენ ერთად და 6 შვილს ზრდიდნენ, რომელთაგან სამი ბიოლოგიური, ხოლო სამი – აყვანილია.

ირინა შეიკისა და ბრედლი კუპერის სააღდგომო ჰარმონია (ფოტო)

ბრედლი კუპერისა და ირინა შეიკის ოჯახში ჰარმონია სუფევს და ეს ყოველ ჯერზე მტკიცდება, როდესაც ქსელში მათი ერთობლივი პაპარაცული ფოტოები აღწევს. მარტის ბოლოს, ცნობილმა მშობლებმა ერთადერთ ქალიშვილს მხიარული დაბადების დღე გადაუხადეს, ამჯერად კი, ახალგაზრდა ოჯახმა აღდგომა იზეიმა.

ოჯახი სრული შემადგენლობით ლოს-ანჯელესის ქუჩებში გადაიღეს. ირინას ტანზე მომდგარი შარვალი და სპორტული სვიტერი ეცვა. როგორც ჩანს, ჭორები მისი ორსულობის შესახებ სინამდვილეს არ შეესაბამება. რაც შეეხება ბრედლის, მას ასევე თავისუფალი სტილის ჩაცმულობა ჰქონდა, ხოლო ხელში ქალიშვილი ეჭირა, რომელსაც გამუდმებით კოცნიდა. ფოტოებიდან ჩანს, რომ ლეა ამ ყველაფრის წინააღმდეგი არ ყოფილა.

კუპერისა და შეიკის რომანი 2015 წლის ზაფხულში დაიწყო. 2017 წლის მარტში კი მათ ქალიშვილი, ლეა შეეძინათ.

კაილი მინოუგმა ახალი კლიპი გამოუშვა (ვიდეო)

ავსტრალიელმა ვარსკვლავმა, კაილი მინოუგმა სიმღერაზე „Stop Me from Falling“კლიპი წარმოადგინა. სიახლე რიგით მეორე სინგლია მომღერლის მე-14 ალბომიდან „Golden“, რომლის რელიზიც 6 აპრილს არის დაგეგმილი.

ახალი კლიპის გარდა, მომღერალმა ასევე პრომო-თრექი „Raining Glitter“ გამოუშვა.

The Weeknd-მა მინი-ალბომი გამოუშვა

The Weeknd-მა მინი-ალბომი „My Dear Melancholy“ გამოუშვა და სიმღერებზე „Call Out My Name“ და „Try Me“ გადაღებული კლიპების პრეზენტაციაც გამართა.

დისკი ექვს სიმღერას შეიცავს. მათ შორის არის ორი სინგლი, რომელიც ფრანგ დიჯეი Gesaffelstein-თან დუეტს წარმოადგენს. ეს უკანასკნელი ალბომის ერთ-ერთ ერთი პროდიუსერიც არის.

აღსანიშნავია, რომ ვიდეოები ამ დროისთვის Youtube-ზე ხელმისაწვდომი არ არის.

მაილი საირუსი Vogue-ის სააღდგომო ფოტოსესიაში

მაილი საირუსმა და Vogue-მა აღდგომა ყველაზე ადრე აღნიშნეს – მომღერალმა ცნობილი გამოცემის საგაზაფხულო და ფერად ფოტოსესიაში მიიღო მონაწილეობა, რომლის თემაც, რა თქმა უნდა, მოსალოდნელი დღესასწაული გახდა.

სპეციალურად ფოტოსესიისთვის, საირუსმა რამდენიმე იმიჯი მოირგო, მათ შორის მან არც სააღდგომო კურდღელი დაივიწყა.

შედეგი, მაილიმ, საკუთარ გამომწერებს „ინსტაგრამზე“ გაუზიარა:

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

A post shared by Miley Cyrus (@mileycyrus) on

“Good” Friday !

A post shared by Miley Cyrus (@mileycyrus) on

Hoppy Easter Erbody!

A post shared by Miley Cyrus (@mileycyrus) on

კრის ბრაუნი უცნობი ქალის გაგუდვას ცდილობდა (ფოტო)

გამოცემა TMZ სკანდალურ ფოტოს აქვეყნებს, როგორ ცდილობს კრის ბრაუნი უცნობი ქალის გაგუდვას. ფოტო თვითმხილველმა გადაიღო და მოგვიანებით გამოცემას თავად მიაწოდა. ცნობილია, რომ ინციდენტი მაიამიში მოხდა, სადაც ცნობილი მომღერალი მეგობრებთან ერთად იმყოფებოდა. ფოტოს გავრცელების შემდეგ განცხადება მუსიკოსის ადვოკატმა გაავრცელა და თქვა, რომ ეს უწყინარი ხუმრობა იყო: „ეს ქალბატონი კრის ბრაუნის მეგობარია და რაც ფოტოზე ვიხილეთ, უწყინარი თამაშია“, – აცხადებს მარკ გერაგოსი.

საინტერესოა, რომ ფიზიკურ ძალადობაში კრის ბრაუნი არაერთხელ დაადანაშაულეს. 2016 წელს მის წინააღმდეგ სასამართლო დავაც დაიწყო. ლიზიენ გუტიერესი აცხადებდა, რომ მომღერალმა მასზე ძალადობა სცადა, მოგვიანებით, კი როცა ქალმა ფაქტის გადაღება სცადა, მას სახეში ჩაარტყა. 2009 წელს კი ბრაუნმა ფიზიკური შეურაცხყოფა რიანას მიაყენა. მაშინ მუსიკოსები ერთმანეთს ხვდებოდნენ, ბრაუნმა რიანას გაგუდვა სცადა. მას ხუთწლიანი წინასწარი პატიმრობა ჰქონდა შეფარდებული.

ჯასტინ ბიბერი და სელენა გომესი ერთმანეთს საბოლოოდ დაშორდნენ

დაახლოებით ორი კვირის წინ, ჯასტინ ბიბერმა და სელენა გომესმა ურთიერთობაში პაუზის აღება გადაწყვიტეს. ამჟამად კი, როგორც გამოცემა E! News წერს, ისინი ერთმანეთს საბოლოოდ დაშორდნენ. ინსაიდერის თქმით, სელენა მიხვდა, რომ მისი და ჯასტინის ურთიერთობა არასოდეს იქნება იდეალური.

ამას გარდა, ამ ეტაპზე ბიბერს აქტიური ურთიერთობა აქვს 22 წლის ბასკინ ჩემპიონთან. მიუხედავად კანადელი მუსიკოსის წარმომადგენლების მტკიცებისა, რომ მათი ურთიერთობა არ არის სერიოზული, გომესს მისი არ სჯერა.

შეგახსენებთ, რომ თავდაპირველად წყვილის რომანი 2010 წელს დაიწყო. 2013-ში ისინი ერთმანეთს დაშორდნენ. ურთიერთობის გადარჩენის ბოლო მცდელობა მათ 2017 წელს ჰქონდათ, თუმცა ამჯერადაც, მცდელობამ უშედეგოდ ჩაიარა.

 

სკარლეტ იოჰანსონი ჰიტლერის შესახებ კომედიაში მონაწილეობას მიიღებს

სკარლეტ იოჰანსონი მონაწილოებას მიიღებს კომედიაში, რომლიც ნაცისტების ლიდერს, ჰიტლერს შეეხება. ფილმს სტუდია Fox Searchlight გადაიღებს, რომელსაც წლევანდელი ოსკაროსანი ფილმები „სამი ბილბორდი“ და „წყლის ფორმა“ ეკუთვნის.

სიუჟეტი გერმანელი მოზარდის გარშემო განვითარდება, რომელიც გაიგებს, რომ დედამისი სახლში ებრაელ ბიჭუნას მალავს. დაზუსტებით უცნობია, ვის როლზე მოიაზრება ჰოლივუდის ვარსკვლავი.

ფილმის გადაღებები შემოდგომაზე დაიწყება, პრემიერის თარიღი კი ჯერ-ჯერობით უცნობია.

ნაომი კემპბელი ფოტოშოპის ბოროტად სარგებლობაში დაადანაშაულეს

ნაომი კემპბელმა „ინსტაგრამზე“ გამოაქვეყნა ფოტო, რომელმაც მის თაყვანისმცემლებში აღშფოთება გამოიწვია: მათი თქმით, ფოტოზე მოდელის ცნობა შეუძლებელია, იმდენად დიდი დოზით არის მასზე ფოტოშოპი.

თუმცა გამოჩნდნენ ისეთებიც, ვინც ნაომის ფოტორედაქტირება მოწონეს და განაცხადეს, რომ სუპერმოდელი ნებისმიერ შემთხვევაში შეუდარებელია.

კომპანია Amazon „სამეფო კარის თამაშების“ კონკურენტის გადაღებებს დააფინანსებს

კომპანია Amazon „სამეფო კარის თამაშების“ კონკურენტზე 1 მილიარდ დოლარს დახარჯავს. საუბარია „ბეჭდების მბრძანებლის“ ეკრანიზაციაზე, რომლის ბიუჯეტიც 500 მილიონი დოლარია.

ამ დროისთვის Amazon მოლაპარაკებებს აწარმოებს პოპულარული ნაწარმოების ადაპტაციის ავტორთან, ლიუ ცისინასთან. საუბარი სამი ზეონის გადაღებებზე მიმდინარეობს.

შეგახსენებთ, რომ 2015 წელს ლიუ ცისინმა საუკეთესო რომანისთვის ლიტერატურული პრემია „ჰიუგო“ მიიღო.

კონცერტის მსვლელობისას, ჯასტინ ტიმბერლეიკმა თაყვანისმცემელს ტელეფონი წაართვა (ვიდეო)

ნიუარკში გამართულ კონცერტზე ჯასტინ ტიმბერლეიკმა მის გარშემო შეკრებილი თაყვანისცემლები გაახალისა. კონცერტის მსვლელობის დროს  ერთ-ერთ მსმენელს მან მოულოდნელად გამოართვა ტელეფონი.

ჯასტინმა საკუთარი თავისა და გარშემომყოფების გადაღება დაიწყო, მოგვიანებით კი ვიდეო საკუთარ „ინსტაგრამზე“ განათავსა და დააწერა: „თუ სცენასთან ძალიან ახლოს დადგებით, შესაძლოა, თქვენი ტელეფონი მოვიპარო“.

როგორც ცნობილია, საბოლოოდ ტელეფონის მეპატრონეს დაუბრუნდა.

Get too close to the stage, and I might steal your phone…#MOTWTOUR

A post shared by Justin Timberlake (@justintimberlake) on

სტუდია Universal „ნაიარევი სახის“ ახალ ვერსიას გადაიღებს

სტუდია Universal „ნაიარევი სახის“ ახალ ვერსიას გადაიღებს. განახლებული ვერსიის რეჟისორი ანტუან ფუკუა იქნება, სცენარს კი გარეტ დანეტ ალკოსერი დაწერს. ფილმის გადაღების იდეა ჯერ კიდევ 2011 წელს გაჩნდა, თუმცა, გარკვეული მიზეზების გამო მან ამ დრომდე გადაიწია.

ფილმის პირველი ნაწილი ეკრანებზე 1932 წელს გამოვიდა და მთავარ როლს მასში პოლ მუნი ასრულებდა, თუმცა, პროექტის ყველაზე პოპულარული ვერსია 1983 წლის ეკრანიზაციას წარმოადგენს, სადაც მთავარი როლი ალ პაჩინომ შეასრულა, ხოლო რეჟისორი ბრაიან დე პალმა იყო.

23 წლის ბრედ პიტის აქამდე უცნობი ფოტოსესია

ქსელში ბრედ პიტის აქამდე უცნობი ფოტოსესია გამოჩნდა. მასზე ვარსკვლავი 23 წლის არის. ფოტოების ავტორი სანდრა დაუნი-დანია.

„ამ ფოტოსესიაზე ის უსახელო და უფულო იყო. მახსოვს, ამბობდა, რომ 33 ცენტიც კი არ ჰქონდა, რომ „მაკდონალდსში“ ჰამბურგერი ეყიდა“ – იხსენებს ფოტოგრაფი.

აღსანიშნავია, რომ ამ ფოტოსესიიდან 4 წლის შემდეგ, პიტმა ჰოლივუდში შეღწევა მოახერხა და პირველი სერიოზული როლი მიიღო ფილმში „ტელმა და ლუიზა“.

„იქს ადამიანების“ ახალი ნაწილის პრემიერა კვლავ გადაიდო

„იქს ადამიანები: ბნელი ფენიქსი“, სადაც მთავარ როლს სოფი ტერნერი ასრულებს, კინოთეატრებში მხოლოდ 2019 წელს გამოვა.

თავდაპირველად, პრემიერის თარიღად 1 ნოემბერი მოიაზრებოდა, შემდეგ ამ რიცხვმა 2019 წლის 14 თებერვლამდე გადაიწია, ამჟამად კი ვგებულობთ, რომ ფილმი მომდევნო წლის ბოლომდე არ გამოვა.

ამ დროისთვის უცნობია, რა გახდა პრემიერის გრაფიკის შცვლის მიზეზი.

მაიკლ ბუბლემ დაადასტურა, რომ მალე მამა მესამედ გახდება

იმის შესახებ, რომ მაიკლ ბუბლე და ლუისიანა ლოპილატო მშობლები მესამედ გახდებიან, ცნობილი წლის დასაწყისში გახდა, თუმცა ამ დრომდე ვარსკვლავები ამ თემაზე კომენტარის გაკეთებისგან თავს იკავებდნენ.

Juno Awards-ზე კი, კანადელმა მუსიკოსმა ეს ამბავი ოფიციალურად დაადასტურა:

თქვენ აავსეთ ჩემი ცხოვრება ბედნიერებით, სიყვარულითა და წარმატებით. 5 წლის წინ, როდესაც ეს ცერემონია პირველად მიმყავდა, ორსულად ვიყავი. უფრო სწორედ, ჩემი ცოლი იყო. მოკლედ, ჩვენ ერთად ველოდებოდით ჩვენს პირველ შვილს. და აი, ახლაც, ჩვენ ეს ისევ გავაკეთეთ და მალე მესამე შვილის მშობლები გახდებით! მიყვარხარ, ჩემო საყვარელო“, – განაცხადა მომღერალმა სცენიდან.

შეგახსენებთ, რომ წყვილს ვაჟიშვილები – 4 წლის ნოა და 2 წლის ელიასი ჰყავს. 2016 წელს, ნოას სიმისვნე დაუდგინეს, რომლის გამოც, ცნობილმა მშობლებმა რამდენიმე თვით უარი თქვეს კარიერაზე. 2017 წლის გაზაფხულზე კი ცნობილი გახდა, რომ ნოამ დაავადება დაამარცხა და მკურნალობამ შედეგი გამოიღო.

PSY ჩრდილოეთ კორეაში კონცერტებს გამართავს

სამხრეთ კორეელი მუსიკოსი PSY, რომელმაც პოპულარობა 2012 წელს ჰიტით Gangnam Style მოიპოვა, შესაძლოა გასტროლებზე ჩრდილოეთ კორეაში გაგზავნონ.

აღსანიშნავია, რომ კონცერტების ორგანიზატორი სამხრეთ კორეის ხელისუფლებაა. PSY კი 31 მარტიდან 3 აპრილამდე დაგეგმილ ღონისძიებებზე გამოვა, რომლებიც ფხენიანში გაიმართება.

შეგახსენებთ, რომ Gangnam Style 2012 წლის ივლისში გამოვიდა და სამ მილიარდზე მეტი ნახვა მოაგროვა.

ლანა დელ რეიმ და Radiohead-მა შეთანხმებას მიაღწიეს

მომღერალი ლანა დელ რეი ჯგუფ Radiohead-ს საავტორო უფლებებთან დაკავშირებით მოელაპარაკა. დავის საგანი სიმღერა „Get Free“ გახდა, რომელიც კოლექტივმა საკუთარ ჰიტს „Creep“ მიამსგავსა და მომღერალი პლაგიატში დაადანაშაულა.

გასულ უქმეებზე, ფესტივალ Lollapalooza-ს ფარგლებში, მომღერალმა სწორედ ზემოთ აღნიშნული სიმღრა შეასრულა და მსმენელს განუცხადა, რომ საქმე დარეგულირდა. „როგორც ჩანს, ამ სიმღერას მაშინ ვიმღერებ, როცა მომინდება“, – დაამატა მან.

Radiohead-ის მხრიდან ამ ფაქტზე კომენტარი ჯერ არ გაკეთებულა.

ბიონსე და ჯეი ზი იამაიკაზე ისვენებენ (ფოტო)

ბიონსე და ჯეი ზი ერთობლივი ტურნეს ფარგლებში პრომო-რგოლის გადაღებას განაგრძობენ. რამდენიმე დღის წინ, ისინი იამაიკის ქუჩებში მოტოციკლით სეირნობის დროს გადაიღეს.

ამჟამად კი, ცნობილმა დუეტმა ჰიპების როლი მოირგეს. მკაფიო კოსტიუმებში გადაღებების დროს ისინი პაპარაცებმა დააფიქსირეს. ისინი დასვენებულები და ბედნიერები ჩანდნენ.

შეგახსენებთ, რომ მათი ტურნე On the Run II  სტარტს 6 ივნისს კარდიფში აიღებს. 15 კონცერტს ისინი ევროპის სხვადასხვა ქალაქში, ხოლო 21 კონცერტს – ჩრდილოეთ ამერიკაში გამართავენ.

„შავი პანტერა“ ყველაზე შემოსავლიანი კომიქსია

კომპანია Marvel-ის ბლოკბასტერმა „შავმა პანტერამ“ კინოგაქირავებაში 624 მილიონი დოლარი გამოიმუშავა და ყველა დროის ყველაზე შემოსავლიანი კომიქსი გახდა. აქამდე ეს წოდება „შურისმაძიებლებს“ ეკუთვნოდათ, რომელიც 2012 წელს გამოვიდა და რომლის ანგარიშზეც 623 მილიონი დოლარია. აღსანიშნავია, რომ ეს უკანასკნელიც Marvel-ს ეკუთვნის.

„შავი პანტერას“ პრემიერა 16 თებერვალს შედგა.

ჯეკ უაიტმა მესამე ალბომი გამოუშვა

ამერიკელმა მუსიკოსმა და მსახიობმა, ჯეკ უაიტმა ალბომი სახელწოდებით „Boarding House Reach“ გამოუშვა. დისკის პროდიუსერი თავად უაიტია.

რელიზი რიგით მესამე სრულფასოვანი ნამუშევარია მომღერლის დისკოგრაფიაში. თაყვანისმცემლებისგან მან სხვადასხვა რეაქციები მოიპოვა.

აქამდე ალბომის მხარდასაჭერად სინგლები „Connected by Love“, „Respect Commander“, „Corporation“ და „Over and Over and Over“ გამოვიდა.

კაპიტანი ამერიკა „შურისმაძიებლებიდან“ მიდის

მსახიობი კრის ევანსი Marvel-ის კინოსამყაროდან წასვლაზე დაფიქრდა. როგორც გამოცემა Variety წერს, კაპიტანმა ამერიკამ, შესაძლოა, „შურისმაძიებლები“ მეოთხე ნაწილის გადაღებების შემდეგ დატოვოს. ფილმი დიდ ეკრანებზე 2019 წლის მაისში გამოდის.

ევანსი ლაპიტანი ამერიკის როლს 2011 წლიდან ასრულებს. ის პროექტის ერთ-ერთი ყველაზე პოპოულარული პერსონაჟია.

რაიან რეინოლდსი ბლეიკ ლაივლის თვალს ვერ წყვეტს (ფოტო)

რაიან რეინოლდსი და ბლეიკ ლაივლი ფილმის „უკანასკნელი პორტრეტი“ საპრემიერო ჩვენების წითელ ხალიჩაზე გამოჩნდნენ. ჰოლივუდის ერთ-ერთ ლამაზ წყვილად მიჩნეულმა მსახიობებმა ფოტოკამერების წინაშე იპოზიორეს.

ლამაზმანი Oscar de la Renta-ს პალტოში იყო გამოწყობილი, რომელიც ყვავილების პრინტით იყო გაფორმებული. მოგვიანებით მან პალტო გაიხადა და Monse-ს ულამაზესი ასიმეტრიული კაბითა და Christian Louboutin-ის ფეხსაცმლით დარჩა.

თვალშისაცემი იყო რეინოლდსის რეაქციები, როდესაც მეუღლეს უყურებდა. ის ლაივლის წამითაც არ აცილებდა თვალს და ეს ყველასთვის გასაგები იყო, რადგან ლამაზმანი მართლაც შეუდარებლად გამოიყურებოდა.

მადამ ტიუსოს მუზეუმს მეგან მარკლის ძვირადღირებული ფიგურები შეემატება

მადამ ტიუსოს მუზეუმმა პრინცი ჰარის საცოლის, მეგან მარკლის ფიგურაზე მუშაობა დაიწყო. ექსპონატები ლონდონსა და ნიუ-იორკში გამოჩნდება.

დაწესებულების წარმომადგენლებმა დაადასტურეს, რომ მომავალი პრინცესას ორ ცვილის ორეულს შექმნიან და თითოეული მათგანის ღირებულება 210 ათასი დოლარი იქნება. მარკლის ფიგურას მისი ფოტოების მიხედვით შექმნიან.

შეგახსენებთ მუზეუმში უკვე მოიპოვება დედოფალ ელიზაბეტ მეორეს, პრინც ჩარლზის,  კამილა პარკერის, უილიამისა და ჰარისა და კეიტ მიდლტონის ცვილის ორეულები.

ანჯელინა ჯოლიმ ქალიშვილებთან ერთად ნაყინის დღე მოიწყო (ფოტო)

პაპარაცებმა ანჯელინა ჯოლი შვილებთან ერთად ლოს-ანჯელესის ქუჩებში გადაიღეს. ვარსკვლავი დედა ქალიშვილებთან ერთად ჯერ საყიდლებზე წავიდა, შემდეგ კი გოგონები ნაყინზე დაპატიჟა. ჰოლივუდურ ოჯახს დაცვის წევრიც ახლდა თან.

ბოლო დროს, ჯოლი შვილებთან ერთად სულ უფრო ხშირად ჩნდება არაოფიციალური გასვლებით. შეგახსენებთ, რომ მისი და ბრედ პიტის დაშორება ამ დრომდე არ დასრულებულა, გადასაწყვეტია შვილების მეურვეობის საკითხიც.

ჟიზელ ბუნდჰენი საკუთარ ცხოვრებაზე წიგნს დაწერს

მსოფლიოს ერთ-ერთი პოპულარული სუპერმოდელი, ჟიზელ ბუნდჰენი წიგნზე მუშაობს, რომელშიც ის საკმაოდ მნიშვნელოვან თემებს შეეხება: როგორ შევუთავსოთ ერთმანეთს სამსახური, მედიტაცია, სპორტი და ამასთან ერთად, გარსშემომყოფების სიყვარულიც დავიმსახუროთ.

ინფორმაცია წიგნის შესახებ ბუნდჰენმა „ინსტაგრამზე“ დააანონსა. პირველი ეგზემპლარის შეძენა შემოდგომაზე იქნება შესაძლებელი. გაყიდვები 2 ოქტომბერს დაიწყება. წიგნი 27 დოლარი ეღირება.

ჯანმრთელობის პრობლემების გამო სელინ დიონმა კონცერტები გადადო

სელინ დიონმა ლას-ვეგასში დაგეგმილი კონცერტები ჯანმრთელობის მდგომარეობის გამო გადადო. ინფორმაცია ოფიციალურად მის ფეისბუქ-გვერდზე დადასტურდა.

საუბარია 27 მარტიდან 18 აპრილამდე დაგეგმილ კონცერტებზე.

როგორც აღმოჩნდა, ბოლო წელს დიონი ყურის პრობლემით იტანჯება, რომლის გამოც მას სიმღერა ძალიან უჭირს. მკურნალობას ყურის სხვადასხვა წვეთი შველოდა, თუმცა ბოლო დროს მოქმედება წამალმაც დაკარგა, ამიტომ გარდაუვალი გახდა ქირურგიული ჩარევა.

დიონმა თაყვის თაყვანისმცემლებს ბოდიში პირადად მოუხადა. კონცერტები 22 მაისს განახლდება.

Fifth Harmony უვადო შემოქმედებით პაუზას აიღებს

ჯგუფმა Fifth Harmony უვადო შემოქმედებითი პაუზის შესახებ განაცხადა. მიზეზებზე გოგონებმა დუმილი ამჯობინეს.

ლოურენ ჰურეგიმ, დინა ჯეინ ჰანსენმა, ელი ბრუკმა და ნორმანი კორდემ გადაწყვიტეს, რომ ძალები სოლო კარიერაში მოსინჯონ, როგორც ეს წლების წინ Destiny’s Child-ის წევრებმა გააკეთეს.

თაყვანისმცემლებს გოგონები დაპირდნენ, რომ ყველა დაგეგმილ კონცერტს გამართავენ და სცენას მხოლოდ ამის შემდეგ დატოვებენ.

შეგახსენებთ, რომ კოლექტივი 2012 წელს შოუ X Factor-ის წყალობით შეიქმნა.

ტინა კუნაკი და ვენსან კასელი ქორწილისთვის ემზადებიან

ფრანგმა მოდელმა, ტინა კუნაკიმ „ინსტაგრამზე“ გააზიარა ფოტო, სადაც მას ბრილიანტის ბეჭედი უკეთია და ის ძალიან ჰგავს ნიშნობის ბეჭედს. მიუხედავად იმისა, რომ თავად ლამაზმანს კომენტარი არ გაუკეთებია, თაყვანისმცემლებმა დაასკვნეს, რომ 20 წლის კუნაკი და 51 წლის ვენსან კასელი დაქორწინებას გეგმავენ.

შეგახსენებთ, რომ წყვილის მიმართ თავიდანვე გადამეტებული ყურადღება იყო მიპყრობილი, თუმცა მათზე არც ასაკში 31 წლიანი სხვაობა მოქმედებს, რაც სხვების აზრით პრობლემას ქმნიდა. ბევრჯერ გავრცელდა ხმები მათი დაშორების შესახებაც, მაგრამ როგორც ჩანს, მოდელსა და მსახიობს ურთიერთობაში ყველაფერი რიგზე აქვთ.

i wish i woke up like this @lorealhair

A post shared by Tina Kunakey Di Vita (@tinakunakey) on

„ინდიანა ჯონსის“ მეხუთე ნაწილის გადაღებები მომდევნო წლის აპრილში დაიწყება

ცნობილი არქეოლოგისა და თავგადასავლების მაძიებლის, ინდიანა ჯონსის შესახებ ფილმის გადაღებები 2019 წლის აპრილში დაიწყება. ასეთი განცხადება რეჟისორმა სტივენ სპილბერგმა გააკეთა.

მსახიობთა შემადგენლობა ამ დროისთვის უცნობია. სავარაუდოდ, ექიმ ჯონსის როლში უკანასკნელად დაბრუნდება ჰარისონ ფორდი.

ფილმი დიდ ეკრანებზე 2020 წელს გამოვა. მეოთხე ნაწილი ეკრანებზე 2008 წელს გამოვიდა და მიუხედავად კრიტიკისა, მსოფლიო კინოგაქირავებაში 700 მილიონი დოლარი გამოიმუშავა.

 

„ლედი და მაწანწანალას“ მიხედვით სრულმეტრაჟიან ფილმს გადაიღებენ

ჩარლი ბინი „დისნეის“ ცნობილ მულტფილმს, „ლედი და მაწანწალას“  ეკრანიზაციით დაკავდება. ამ უკანასკნელის ყველაზე ცნობილი ნამუშვარია „ლეგო ნინძაგო“.

რიმეიქის სცენარი ენდრიუ ბუჯალსკიმ დაწერა. რაც შეეხება ფილმის დიდ ეკრანებზე გამოსვლის თარიღს, ის 2019 წლის შემოდგომისთვის არის დანიშნული.

მულტფილმის ორიგინალი ბერსია ეკრანებზე 1955 წელს გამოვიდა და ის ერთ-ერთი ყველაზე პოპულარული ანიმაციაა.

ახალი როლისთვის რენე ზელვეგერის ცნობა კვლავ შეუძლებელია (ფოტო)

რენე ზელვეგერი იმ მსახიობების რიცხვს განეკუთვნება, ვინც როლისთვის ექსპერიმენტებს არ ერიდება.  ბრიჯიტ ჯონსის როლისთვის მან დაახლოებით 20 კილოგრამი მოიმატა და შემდეგ მის დაკლებაზე ჯანმრთელობის პრობლემებიც კი შეექმნა.

ახალ ფილმში ის ჯუდი გარლენდის როლს ასრულებს. რისთვისაც მას მთლიანად მოუწია ვიზუალის შეცვლა.

ფილმში მოქმედება 60 იან წლებში, გარლენდის გარდაცვალებამდე ცოტა ხნით ადრე მოხდა. შეგახსენებთ, რომ ის ორჯერ იყო ნომირირებული „ოსკარზე“, ხოლო მისი ყველაზე ცნობილი ჰიტია „Somewhere Over The Rainbow“.

H&M-ის ფემინისტურ ვიდეოში ელიზაბეტ ოსენი და უაინონა რაიდერი მონაწილეობენ (ვიდეო)

H&M-მა წარმოადგინა ვიდეო, რომელშიც მთავარ როლებს მსახიობები უაინონა რაიდერი და ელიზაბეტ ოლსენი ასრულებენ.  ვიდეოს შინაარსი არა როგორც ყოველთვის რომანტიკული განწყობა, არამედ ქალების ერთმანეთისადმი თანადგომაა.

კომპანიის მკაფიოდ ფემინისტურ გზავნილზე უაინონა რაიდერმა კმაყოფილება გამოთქვა და განაცხადა, რომ მოხარულია, რომ კომპანია თავისებურად უცხადებს მხარდაჭერას ქალებს.

ახალი კოლექცია გაყიდვაში 22 მარტიდან გამოვა.

სკარლეტ იოჰანსონმა იმიჯი შეიცვალა (ფოტო)

სკარლეტ იოჰანსონი ახალ ფილმში მონაწილეობს. ამ დღეებში მსახიობი პაპარაცებმა ნიუ-იორკში, გადასაღებ მოედანზე გადაიღეს. ფოტოებიდან ჩანს, რომ როლისთვის იოჰანსონმა რადიკალურად შეიცვალა იმიჯი: ვარსკვლავი გამოემშვიდობა ქერა თმას და უპირატესობა წაბლისფერ კარეს მიანიჭა.

უცნობია ფილმი, რომელშიც მსახიობი მონაწილეობს, თუმცა, როგორც წესი, უახლოეს მომავალში ამის შესახებაც დაიწერება.

ბეტმენის შესახებ სოლო ფილმის გადაღებები 2019 წელს დაიწყება

ბეტმენის შესახებ სოლო ფილმის გადაღებები 2019 წელს დაიწყება, შესაბამისად, პრემიერა 2020 წლის ბოლოს ან 2021 წლის დასაწყისში იგეგმება.

ამ დრომდე უცნობია, ვინ შეასრულებს მთავარ როლს. შეგახსენებთ, რომ უკანასკნელად ბეტმენი ბენ აფლეკმა განასახიერა.  ერთ-ერთი შესაძლო კანდიდატურაა ჯეიკ ჯილენჰოლი, თუმცა რამდენად გაკეთდება არჩევანი მასზე, უცნობია.

 

“შურისმაძიებლების” ახალ ტრეილერ სრეკორდულად ბევრმა ადამიანმა უყურა (ვიდეო)

ქსელში ფილმის „შურისმაძიებლები: უსასრულობის ომი“ ახალი ტრეილერი გამოვიდა, რომელიც რამდენიმე საათში 20 მილიონმა ადამიანმა უყურა.

ფილმის რეჟისორი ჯო რუსოა, მთავარ როლებს კი მასში რობერტ დაუნი-უმცროსი, კრის ევანსი, კრის ჰემსვორტი, სკარლეტ იოჰანსონი, მარკ რუფალო, ელიზაბეტ ოლსენი, ტომ ჰოლანდი, ბენედიქტ კამბერბეტჩი და სხვა ვარსკვლავები ასრულებენ.

დიდ ეკრანებზე ფილმი 27 აპრილიდან გამოვა.

„ლარა კროფტმა“ „შავი პანტერას“ რეკორდი ვერ მოხსნა

გასულ უქმეებზე ლარა კროფტის შესახებ ახალი ფილმი კინოგაქირავებაში გამოვიდა და 22 მილიონი დოლარიც გამოიმუშავა. თუმცა, როგორც ამას უმეტესობა მოელოდა, მან ვერ შეძლო „შავი პანტერის“ უკან ჩამოტოვება, რომელმაც პირველ უქმეებზე 27 მილიონი დოლარი გამოიმუშავა.

შეგახსენებთ, რომ ეს უკანასკნელი უკვე მეხუთე კვირაა რეიტინგის სათავეში იმყოფება. ამ დროის მანძილზე მან 600 მილიონი დოლარი გამოიმუშავა.

 

ჯენიფერ ლოპესმა ალექს როდრიგესთან ქორწინებაზე ისაუბრა

ერთ-ერთ უკანასკნელ ინტერვიუში ჯენიფერ ლოპესმა პირად ცხოვრებასა და ალექს როდრიგესთან მოსალოდნელ ქორწინებაზე ისაუბრა. მისი თქმით, მას ჯერ კიდევ სჯერა ქორწინების, თუმცა ამ ეტაპზე მას და ალექსს ის აკმაყოფილებთ, რაც აქვთ. „მინდა, ვინმესთან ერთად დავბერდე, მაგრამ მას არაფერს ვაიძულებ: ორივე ყურადღების ცენტრში აღმოვჩნდით ახალგაზრდა ასაკში, ეს კი ცხოვრების ყველა სფეროზე დიდ გავლენას ახდენს“.

ვარსკვლავმა იმაზეც ისაუბრა, როგორ ახერხებს ახალგაზრდულად გამოიყურებოდეს 48 წლის ასაკში: „მე არ მაქვს ასაკი და დროის შეგრძნება – ამას ყოველ დღე და დღეში რამდენჯერმე ვუმეორებ ჩემს თავს. ბანალურად ჟღერს, მაგრამ ასაკი მართლა ციფრებია და ის ჩვენ ამოვიჩემეთ“.

 

 

გვენ სტეფანი და ბლეიკ შელტონი ერთმანეთს დაშორდნენ

რამდენიმე კვირის წინ ცნობილი გახდა, რომ გვენ სტეფანიმ ბლეიკ შელტონის შეთავაზებას, ცოლად გაყოლასთან დაკავშირებით, უარით უპასუხა. დღეს კი ცნობილი გახდა, რომ წყვილი ერთმანეთს დაშორდა. ამ გადაწყვეტილებით შოკირებულია სტეფანი, რომელმაც არ იცის, რა მოხდა.

ბოლო დროს, შელტონმა სტეფანისთან ურთიერთობის ხანგრძლივობა შეამცირა, თუმცა ეს უკანასკნელი საკუთარი გრძნობების დემონსტრირების მაინც აგრძელებდა. ინსაიდერის თქმით, ბლეიკი გვენის გაუთავაბელმა ეჭვიანობამ დაღალა და მომღერლისგან ის მოულოდნელად წავიდა, ისე, რომ ამის შესახებ არაფერი უთქვამს. ამასთან, შელტონმა ყოფილ მეუღლესთან, მირანდა ლამბერტთანაც აღადგინა ურთიერთობა.

შეგახსენებთ, რომ ბლეიკისა და გვენის რომანი 2015 წელს დაიწყო. მუსიკოსებმა ერთმანეთი შოუში „ახალი ხმა“ გაიცნეს, სადაც ორივე მენტორი იყო.

კრისტენ სტიუარტი პოლიტიკურ ტრილერში ფრანგული კინოს ვარსკვლავს განასახიერებს

კრისტენ სტიუარტი ფრანგული კინოს ვარსკვლავს, ჯინ სიბერგს განასახიერებს ფილმში „მტრების წინააღმდეგ“.

სიბერგი – არამარტო მსახიობი, არამედ აქტიური საზოგადო მოღვაწე იყო. 60-იან წლებში ის სამოქალაქო უფლებებისთვის და ფერადკანიანთა მიმართ სამართლიანი დამოკიდებულებისთვის იბრძოდა, რითიც გამოძიების ფედერალური ბიუროს ყურადღება მიიქცია.  ამ უკანასკნელმა მსახიობის მიმართ ნამდვილი დევნა დაიწყო: როდესაც ჯინი მეუღლისგან მეორე ბავშვზე იყო ორსულად, საზოგადოებაში გაჩნდა ჭორები, რომ ბავშვის მამა სინამდვილეში ჰაკიმ ჯამალი იყო – ფერადკანიანი აქტივისტის და იმ პარტიის თავმჯდომარე, რომლისთვისაც მსახიობი იბრძოდა. ისტორია იმით დასრულდა, რომ სიბერგმა შვილი დაკარგა, გაშორდა მეუღლეს, ჩავარდა დეპრესიაში და დაიწყო ალკოჰოლის მიღება. 1979 წელს, 40 წლის ასაკში, სიბერგმა თავი მოიკლა.

ფილმის რეჟისორი ბენედიქტ ენდრიუსია, რომლის ფილმოგრაფია ერთი სრულმეტრაჟიანი ჰოლივუდური დრამისგან შედგება – „უნა“ რუნი მარას მონაწილეობით, რომელიც 2017 წლის მარტში გამოვიდა.

ვარსკლვლავები ელტონ ჯონისთვის ალბომს ჩაწერენ

მსოფლიო ვარსკვლავები ელტონ ჯონისა და მისი სიმღერების ავტორისთვის, ბერნი ტოპინისთვის, ორმაგ ალბომს ჩაწერენ. ჩაწერაში მონაწილეობას მიიღებენ ედ შირანი, ლედი გაგა, მაილი საირუსი, მირანდა ლამბერტი, დოლი პარტინი, დემი ლოვატო, სემ სმიტი, The Killers, Coldplay და სხვები.

ძალიან დიდი კომპლიმენტია, როდესაც შენი სიმღერები არტისტებს ისე მოსწონთ, რომ ისინი მათ გადამუშავებაზე დროსა და ენერგიას ხარჯავენ“, – განაცხადა ელტონ ჯონმა.

დისკებს „Revamp“ და „Restoration“ ერქმევა და ისინი 6 აპრილს გამოვა.